Aurora

Gjykata e Tiranës vendosi sot për hapjen e dosjes së Azem Hajdarit për të cilën është dënuar me 25 vjet burg Izet Haxhia. Bashkim Nikolla, avokati mbrojtës i Haxhisë, e cilësoi ditë të mirë për drejtësinë vendimin për rigjykimin e klientit të tij. Sipas tij, Izet Haxhia është dënuar me prova të sajuara dhe se ai është i pafajshëm.

“Para se t’ju përgjigjem pyetjes, me këtë vendim që mori gjykata e shkallës së parë Tiranë, është një ditë shumë e mirë për shqiptarët. Përsa i përket aspektit procedurial, do procedojmë më tej me ankimimin. Do provojmë se s’na takon dënimi 25 vjet por pafajësia.

Ka prova Izet Haxhia që është i pafajshëm. Do sqarojmë pozicionet tona. Dosja, politike e qepur keq. Duam të gjykohemi e të rigjykohemi. Dosja është skandaloze. Vetëm dje kemi patur mundësinë ta prekim fizikisht dosjen prej 700 e ca faqeve. Janë mbi 21 politikanë me në krye të parin e vendit qe ka qene ne ate kohe, që janë thirrur për dëshmitarë e s’kanë begenisur.

Kanë patur të gjithë një seli. Sot është ora që drejtësinë ta përfillin të gjithë. Do vijnë të gjithë politikanët. Nëse dje ishin të zënë me punë le t’a bëjnë nesër. Janë dhënë 1 milionë euro për të vrarë Izet Haxhinë. Shkaku madhor ka qenë rreziku për jetën, rrezik permanent për Izet Haxhinë. Më në fund do ketë drejtësi, pa le të përmbyset bota. Kam shumë besim tek drejtësia”.

Izet Haxhia ka shënuar sot triumfin e parë. Gjykata e Tiranës ka pranuar kërkesën e tij për të drejtën e ankimimit të dënimit, dhënë për Izet Haxhinë në mungesë. Pranimi i kërkesës nga gjykata i hap rrugë ankimimit të dënimit të tij dhe rigjykimit të çështjes aq shumë të përfolur të vrasjes së ish-deputetit të Partisë Demokratike Azem Hajdari në vitin 1998. Pas këtij suksesi nuk mund të mungonte urimi i të dashurës së tij, e cila ec pandarë me të në këtë proces.

Postimi i plotë:

Pershendetje!

Keni te gjithe nje perqafim nga Izeti, miq te dashur e besnike! Kjo eshte nje dite e bukur, nje dite shprese, nje dite me ngjyra e me jete! Drejtesia dha shenjat e para qe nuk eshte kthyer ne kufome dhe qe dicka po levize! Sigurisht, kjo eshte vetem etapa e pare e nje lufte te gjate, por kur ke pritur e sakrifikuar 20 vjet jete, si Izeti, eshte me shume se nje fitore! Eshte nje frymemarrje lirie, nje dore qe te shtrengon me bese e burrerin, je tribune gjykate qe te shikon si cdo qytetar tjeter, eshte rigjetja e nje Atdheu qe te ishte mohuar prej vitesh!!

Shpirti im, te me duash keshtu sic me do ti, eshte mrekullia e jetes time! Dhe te te dua keshtu sic te dua, eshte me e madhja e lirive! Jam kaq e gezuar sot, dashuriza ime! Ti e di qe nuk t a leshoj doren ne rrugetimin qe na pret, sado i gjate e i veshtire te jete! Te dua! Me shpresen tek e Verteta, tek Drejtesia, dhe tek Zoti, le te vazhdojme perpara…

Plot te mira per ju, per ne te gjithe!

Avokatët janë si gjuetarët. Gjithmonë janë në përgjim dhe në kërkim të gjahut të tyre. Këtë fillim viti ishin të lumturuar duke besuar se peshqit e mëdhenj do përfundonin në rrjeten e drejtësisë. Dhe për avokatët fillonte ‘sezoni i mjaltit’, pasi ata e njohin si askush fuqinë ekonomike të klientëve që i prisnin për prokurë. Sepse me duart e tyre avokatët kanë majmuar prokurorë e gjyqtarq duke i sajdisur me miliona euro …!

Dhe së fundi menduan të ndërrojne rolet. Ky besim i verbër buronte nga përbetimi e insistimi i Ambasadorit Lu dhe i koleges se tij të BE,Vllahutin. E ku kishte me mire sesa të kishe klient Llallën, Petrit Fushen apo Ramadan Trocin, të cilët nëse shpallin realisht pasurinë konkurojnë top-listën e miliarderëve.

Por gjithçka po venitet e shpresa e avokatëve mbështillet me zhgënjim. Gogolët e korrupsionit në drejtësi po çimentohem për të mos u tundur bashkë me pasurinë…e në rrjeten e grisur të avokatisë priten vetëm cironkat që kanë shkelur semaforin e ndonje psikopat, pijanec e bixhozxhi që ka dhunuar gruan!/

Përgatiti Guxim Alimani