Aurora

Tragjasi mes 100 fshatrave turistikë

Leave a Comment / Turizem / /

Në Luginën e Dukatit, 20 km në jug të Vlorës ndodhet Tragjasi.

I shtrirë rrëzë malit të Lungarës i cili e mbron në dimër dhe e hijeshon gjatë verës është një nga perlat e turizmit shqiptarë.

Është një fshat piktoresk me monumente të Natyrës dhe të historisë.

Në Tragjas burojnë ujërat e njohura të Tragjasit ( Izvori ) me rrepet shekullore.
Këto burime pasi mblidhen në një rrjedhë, krijojnë lumin e Izvorit i cili pas një rruge rreth 3 km, derdhet në detin Adriatik.

Janë tre fshatra të radhitur bukur, Dukat-Tragjas-Radhimë që bëjnë pjesë në bashkinë e Orikumit.

Ekonomia e Tragjasit dikur bazohej te blegtoria dhe bujqësia, por së fundmi, një drejtim i ri i ekonomisë duket se është turizmi edhe për shkak të bukurive natyrore, historisë së tij, por dhe të distancës së vogël nga plazhet e Orikumit dhe Radhimës.
Fare pranë fshatit ndodhet kalaja e Gjon Boçarit që është një atraksion për turizmin historik dhe atë kulturorë.

Fshati ka një histori të lashtë sepse lidhet me qytetërimin e hershëm të Orikut.
Gjurmët e vendbanimit të lashtë janë shfaqur në qytezën e Sofës, ku janë shfaqur dhe tuma(varre) Ilire.

Akoma dhe sot pranë Tragjasit të vjetër, gjendet një vend i quajtur “maja e qytetës”. Arkeologët kanë datuar rrënojat e disa ndërtimeve qysh nga shekulli i IV-VII para Krishtit.

Ky fshat ka qenë i njohur me disa emra si: Tregas, Dragjat, Tregasaj, Dragjiates.
Në antikitet ky vendbanim bënte pjesë në qendrat e fortifikuara të gjirit të Vlorës dhe lidhej me Orikumin.

U shkatërrua disa herë nga pushtuesit Osmanë e u rindërtua në shekullin XVI, ku ngre krye dhe kalaja e Gjon Boçarit.

Ndërtimi i saj është i lidhur me fisin e Boçarëve bashkëkohës të Skënderbeut. Banorët e këtij fshati kanë marrë pjesë aktive në jetën politike dhe ushtarake të periudhës së mesjetës, në kryengritjet antiosmane dhe më pas gjatë rilindjes kombëtare.

Në ditët e shpalljes së pavarësisë në 1912, Tragjasi ka qenë një bazë dhe një mbështetje e rëndësishme për Ismail Qemalin në betejat e brëndshme politike që zhvilloheshin në Vlorë.
Ky fshat ka nxjerre burra të shquar me bëma patriotike dhe epike që kanë lënë histori edhe sot.

Vizitori apo turisti që ngjitet në Tragjas apo në krejt luginën e Dukatit, do të soditë jo vetëm natyrën e bukur me det e qiell, me burime ujore Monumente të Natyrës, por do të njihet dhe me historinë e lashtë të tij, me Boçarët dhe kështjellën e tyre, me rrënoja e murrana që tregojnë historinë e kësaj lugine që së shpejti do të futet në investimet me prioritet të 100 fshatrave turistik shqiptarë.

Tragjasi mes 100 fshatrave turistikë Read More »

Krimet makabre në verë, flet psikologia Anxhela Peza: Emigrantët vijnë për të larë hesapet e pambyllura

Leave a Comment / Aktualitet, Intervista / /

Nuk është një legjendë urbane: normat e krimit arrijnë kulmin në verë. Dhe vendi ynë nuk bën përjashtim. Anxhela Peza, Psikologe Klinike dhe Këshillimi në një intervistë për ‘’Pamfleti’’shpjegon shkaqet dhe arsyet.

Sipas psikologes përveç kushteve klimaterike që çojnë në agresivitet, janë edhe emigrantët ata që vijnë për të larë ‘’hesapet’’ e pambyllura. Pa anashkaluar përgjegjësinë e institucioneve, psikologia është e mendimit se problematika qëndron në sjelljen individuale.

Intervistoi: Endrit Shkurti

Përse njerëzit bëjnë krime të dhunshme gjatë verës?

Sipas shumë studimeve në vende të ndryshme të botës, gjatë stinës së verës shtohen krimet për disa arsye.  Craig Anderson, i Universitetit të Iowa, thotë se vapa shkakton disa ndryshime në trup nga metabolizmi, deri tek shtimi i testosteronit, çka ndikon tek reagimi përtej normales.

Për shkak të tempetaruës shumë të lartë rritet agresiviteti dhe  niveli i adrenalinës tek njeriu, bashkë më seretoninën sjellin ndryshime sjellore. Gjatë verës ka më shumë grupe sociale të bashkuara, janë të shumtë emigrantët që kthehen dhe ndoshta gjejnë surpriza dhe lajnë “hesapet” e pambyllura.
Ndikojnë faktorët klimatologjikë, apo ato sociale dhe ekonomikë?

Po, për arsye klime sigurisht që gjaku në trupin e njeriut fillon dhe ndryshon, presioni më i madh qarkullimit është në zonën e trurit. Por përveçse klimatike do thoja se njeriu e menaxhon mirë veten e tij si në verë ashtu dhe në dimër. Është e dukshme se politikat sociale në vendin tonë dhe ekonomia nuk lë shumë për të dëshiruar dhe si pasojë sjell konflikte tek njerëzit në marrëdhënie personale dhe ndërpersonale.
Cilat krime rriten gjatë verës?
Nuk mund të them me siguri se cilat krime, por ato kriminale, mafioze janë gjithmonë të pranishme, ne si vend kemi shumë të shtuara problemet dhe krimet brenda familjes. Përderisa motivet e dobëta shpien deri në vrasjen dhe eleminimin e një personi mjaft sisteme nuk shkojnë dhe kjo vjen si pasojë e ndëshkimit të këtyre veprave.

Ka një frikë dhe një opinion në rritje për pasigurinë në vend. Cili është mendimi juaj/
Qytetarët shqiptar nuk kanë besim tek policia e shtetit përderisa nuk denoncojnë gjërat që nuk shkojnë. Të jenë ata që denoncojnë dhunën në familje, brenda në shkollë, apo mjedis tjetër. Kjo lloj tërheqje ka ekzistuar edhe më parë.

Mendimi im është se këtu njerëzit vriten ende për një fjalë gojë, për hakmarrje dhe gjakmarrje në mënyrë të frikshme nga motive jo vetëm të dobëta, por nga ato më banalet. Problematika jonë qëndron në sjelljen individuale edhe si popull me konceptin e qytetrimit, të qënit një qytetar i denjë.

Krimi më makabër ishte ekzekutimi i çiftit në Shkodër në prani të fëmijës. Gjykimi juaj?
Është e qartë se ajo është një vrasje me paramendim, dhe ka qënë e përcaktuar eleminimi i ish-punonjësit të policisë. Kalimi i kufinjve njerëzor është fakti i vrasjes së gruas dhe fëmijës që ka qënë brenda në makinë. Gjithsesi ky është një rast “larje hesapesh”.

Krimet makabre në verë, flet psikologia Anxhela Peza: Emigrantët vijnë për të larë hesapet e pambyllura Read More »

Emërohet ambasadori i ri i BE në Tiranë

Leave a Comment / Politike / /

Luigi Soreca do të jetë shefi i ri i delegacionit të BE në Shqipëri.  Ditën e sotme Përfaqësuesja e Lartë Federica Mogherini shpalli emërimet e 24 ambasadorëve në disa vende, mes tyre edhe në Shqipëri. Italiani Luigi Soreca do të zëvendësojë në Shqipëri Romana Vlahutin.

Ai punon prej vitesh në rangje të larta në Bruksel dhe ka qenë i angazhuar me Shqipërinë gjatë procesit të liberalizimit të vizave. Luigi Soreca është Drejtor i Sigurisë në Komisionin Evropian. Ai është njohës i mirë i çështje të sigurisë, i legjislacionit në luftën kundër terrorizmit, krimit të organizuar, korrupsionit dhe krimeve të tjera të rënda, dhe ka punuar me EUROPOL dhe CEPOL.

Veç liberalizimit të vizave me Shqipërinë ai ka udhëhequr këtë proces edhe me Marokun, Tunizinë apo me Federatën Ruse. Ai ishte përgjegjës për menaxhimin e Qasjes Globale ndaj Migrimit dhe Lëvizshmërisë si dhe për të tjera aspekte ndërkombëtare të migracionit. Si njohës i mirë i ligjit, ai vjen në Shqipëri në momentin e duhur, pasi sapo ka nisur zbatimi i Reformës në Drejtësi.

Përvoja e tij 20- vjeçare në Komisionin Evropian për çështjet e sigurisë dhe zgjerimit, është e rëndësishme për fazë tjetër e pranimit të Shqipërisë në BE. Para se të bashkohej me Komisionin Evropian në vitin 1998, Soreca studioi drejtësi  në Universitetin LUISS në Romë dhe punoi për Ministrinë e Brendshme italiane.

Pritet që mandati i Sorecës të fillojë në shtator, pasi mandati i Romana Vlahutin të përfundojë

Emërohet ambasadori i ri i BE në Tiranë Read More »

3 burrat “e mëdhenj” shqiptarë, që “e hëngrën me sy” Presidenten kroate (Fotot)

Leave a Comment / Humor nga zona, Politike / /

Kolinda Grabar-Kitarovi  presidentja e Kroacisë ka fituar shumë zemra gjatë sezonit të Kupës së Botës. 50-vjeçarja ka inkurajuar me entuziazëm ekipin e saj kombëtar në Kupën Botërore të FIFA 2018. Përveç se është një politikane e mençur Kolinda Grabar spikat me format e saj trupore.

Nga shkelja e syrit nga Taulant Balla, ja fotot që dëshmojnë “mendjet djallëzore” shqiptare, që nuk rezistuan dot përballë Presidentes.

Me siguri kanë sjellë në imagjinatë këto foto!/Pamfleti

3 burrat “e mëdhenj” shqiptarë, që “e hëngrën me sy” Presidenten kroate (Fotot) Read More »

Deklarata e rëndë e Astrit Patozit për Berishën: Ka ardhur koha doktor, bën mirë t’i tregosh krimet

Leave a Comment / Opinione, Politike / /

KA ARDHUR KOHA, DOKTOR

Eh, si vajti kjo punë, o doktor!

Shkruan Astrit Patozi

Tani, meqë katandisja i ka kaluar të gjitha fantazitë, mendoj se ti do bëje mirë që t’ia mësoje ca gjëra atij, që ke lënë si menaxher tek Partia Demokratike. Për shembull, t’i tregosh që një njeriu mund t’i bësh çfarë ke mundësi në të tashmen dhe në të ardhmen. Por, kurrësesi, në të shkuarën. Sepse ai ditëziu kujton se mund t’i shkarkojë edhe si ish-deputetë, ata që kanë përfaqësuar PD-në ndër vite. Mësoja që kjo është e pamundur, sepse ka nevojë ta dijë.

Dhe meqë ra fjala, tek kjo shëmtia e kthimit të ftesave mbrapsht të shumë ish-deputetëve për ceremoninë e vendosjes së bustit të Pjetër Arbnorit. Mirë për “armiqtë e betuar” të popullit e të partisë, të tipit Ridvan Bode, që kanë kryer krime të rënda kundër njerëzimit, plagët e të cilave janë ende të freskëta. Po me Aleksandër Meksin, Alfred Serreqin, Fatos Bejën, Ilir Banon, Luan Skuqin, Ndriçim Xhepën e dhjetëra të tjerë çfarë kanë pasur këta?

Apo duhej patjetër që të mos e kishe takuar kurrë Pjetër Arbnorin, por ta kishe parë vetëm në televizor, që të shkoje në atë ceremoni? Dhe meqë ti ke parë shumë, se ke qenë aty që nga fillimi, bën mirë gjithashtu që ndonjë ditë t’i tregosh krimet, që kanë kryer të gjithë ata që kanë shërbyer në këto 30 vjet si deputetë të Partisë Demokratike.

Të paktën, ashtu do të dimë se kujt i takon dhe kujt jo që të marrë pjesë në aktivitete të ngjashme.

PS. Kuvendi kishte ftuar të gjithë deputetët e PD në vitet 92-97 dhe ftesat u dërguan tek selia e partisë, por shumica e tyre u kthyen mbrapsht me pretendimin se nuk u diheshin adresat./pamfleti

Deklarata e rëndë e Astrit Patozit për Berishën: Ka ardhur koha doktor, bën mirë t’i tregosh krimet Read More »

Bashkim Dedja i shpëtoi Vettingut ndërhyjnë ndërkombëtarët, çfarë kërkojnë

Leave a Comment / Aktualitet / /

ONM i ka rekomanduar ditën e sotme Komisionerit Publik të ankimojë në KPA vendimin e KPK për kryetarin e Gjykatës Kushtetuese Bashkim Dedja. Komisioneri Publik thotë se po shqyrton vendimin e shkallës së parë që la në detyrë Bashkim Dedjan, pas rekomandimit nga Operacioni Ndërkombëtar i Monitorimit.

Sipas KPK-së, Dedja kishte paqartësi dhe para të pajustifikuara në deklaratat e pasurive. Ato kanë të bëjnë me huat për blerjen e një apartamenti në Tiranë, me sipërfaqe 146 metra katrorë. Për këtë, Dedja ka deklaruar se ka marrë një kredi prej 120 mijë eurosh me afat 20 vjet.
Gjithashtu, si burime për blerjen e apartamentit, ai ka deklaruar 35 mijë euro kursime dhe dy hua pa interes në vlerën totale prej 25 mijë euro të marra nga vëllai dhe kunati i tij.

Mirëpo, sipas KPK-së, këto hua nuk justifikohen. Së pari, pjesa e huas prej 15 mijë euro pa interes që vëllai i tij i ka dhënë Bashkim Dedjes, sipas deklarimeve të tij, është e pajustifikueshme, pasi në të njëjtën kohë, ai ka marrë edhe një kredi prej 42 mijë eurosh për blerjen e një apartamenti.

Megjithatë me shumicë votash KPA konfirmoi në detyrë pak javë më parë kreun e Kushtetueses.

ONM-ja është një operacion monitorues i ngritur për të mbikëqyrur procesin e vetingut të anëtarëve të gjyqësorit në Shqipëri. Afati i fundit për ankimimin në KPA të vendimit të KPK për Dedjan është 28 korriku 2018./pamfleti

Bashkim Dedja i shpëtoi Vettingut ndërhyjnë ndërkombëtarët, çfarë kërkojnë Read More »

Historike, Berisha-Meta në ditë të zezë, humbin 11 ushtarët e drejtësisë

Leave a Comment / Aktualitet / /

Merr fund epoka e Sali Berishës dhe Ilir Metës, humbja e kontrollit mbi drejtësinë do të sjellë humbjen e pasurive të korrupsionit dhe humbjen e pushtetit politik. Deri më tani është çliruar kupola e drejtësisë që nga Gjykata e Lartë, Gjykata Kushtetuese dhe Shkolla e Magjistraturës, në radhë janë KLD, gjykatat dhe prokuroritë e apelit dhe të shkallës së parë

Sali Berisha dhe Ilir Meta, dyshja përgjegjëse për plaçkitjen dhe rrënimin e gjithanshëm të Shqipërisë, gjatë 28 viteve të pluralizmit, po humbet ndikimin mbi drejtësisë. Në fund të vitit të kaluar, Berisha dhe Meta humbën ushtarin e tyre më të rëndësishëm, Adriatik Llallën, të cilin e kishin vendosur në krye të Prokurorisë së Përgjithshme. Për të mos lejuar zëvendësimin e Llallës, Berisha dhe Meta e bënë Parlamentin tym dhe flakë, ndërsa Monika u shpërfytyrua duke hequr edhe çizmen. Pavarësisht përpëlitjeve, sot Adriatik Llalla është në arrati nga frika e burgut dhe i shpallur non grata nga SHBA.

Pak para rrëzimit të Llallës, Berisha dhe Meta humbën kontrollin mbi Shkollën e Magjistraturës, aty ku prodhohen gjyqtarët dhe prokurorët e rinj. Pavarësisht rezistencës së madhe të Berishës dhe zagarëve rreth tij, u bë e mundur shkarkimi i avokatit të Berishës, Neshat Fana nga kreu i Shkollës së Magjistraturës. Pak më vonë, bashkëshortja e Neshat Fanës, Mirela Fana, dha dorëheqjen nga Gjykata e Lartë nga frika e Vetingut.

Berisha dhe Meta humbën edhe dy njerëz të tjerë në Këshillin e Lartë të Drejtësisë, Elvis Çefën dhe Lulzim Leçajn. Sali Berisha lëvizi çdo gur dhe luftoi në parlament për t’i mbrojtur këta dy persona, por që të dy u shkarkuan nga Parlamenti. Të gjitha këto lëvizje kanë pasur mbështetjen e ndërkombëtarëve si dhe kanë qenë pjesë e planit të SHBA-BE për të çliruar drejtësinë nga duart e Sali Berishës dhe Ilir Metën. Plani është i mirëmenduar dhe po zbatohet në disa faza.

Goditjen më të madhe, Sali Berisha dhe Ilir Meta, e kanë marrë ditët e fundit. Dyshja famëkeqe ka humbur kontrollin mbi dy gjykatat më të rëndësishme në Shqipëri, mbi Gjykatën Kushtetuese dhe Gjykatën e Lartë. Të gjithë njerëzit e Berishës dhe Metës në këto dy gjykata u futën në listën e zezë të SHBA-BE dhe u shkarkuan një nga një. Në lakun e Vetingut ranë njëri pas tjetrit Tom Ndreca, Admir Thanza, Fatos Lulo, Gani Dizdari, Besnik Imeraj dhe Altina Xhoxhaj. Të gjithëve iu gjet nga një shkak për t’i shkarkuar. Të gjithë këta janë emëruar nga Sali Berisha dhe Ilir Meta, në kuadër të kapjes së drejtësisë. Ndëshkimit i shpëtoi vetëm kreu i Kushtetueses, Bashkim Dedja, i cili u tregua dinak duke e ndryshuar pllakën në kohë, duke u distancua nga Berisha dhe Meta. Megjithatë edhe për “dinakun” OMN apeloi dhe si rrjedhojë shanset për të shpëtuar janë shumë to vogla.

Shkarkimi i këtyre njerëzve të drejtësisë ka shënuar ditën më të zezë për Sali Berishën dhe Ilir Metën në karrierën e tyre politike dhe kriminale. Shkarkimi i ushtarëve do të thotë humbje e kontrollit mbi drejtësinë. Humbja e kontrollit mbi drejtësinë sjellë disa pasoja të pashmangshme.

Së pari, drejtësia e re që po ngrihet mund të konfiskojë në çdo moment pasuritë e Sali Berishës dhe Ilir Metës, duke përfshirë edhe pasuritë e zagarëve të tyre politikë.

Së dyti, duke humbur fuqinë ekonomike dhe politike, Sali Berisha dhe Ilir Meta mund të merren të pandehur dhe të përfundojnë në burg nga drejtësia e re. Ata kanë një karrierë të pasur dhe të shtrirë në gati tre dekada me krimet njerëzore dhe ekonomike. Kapja e drejtësisë ka qenë arma jetike e Sali Berishës për të sunduar dhe plaçkitur vendin. Humbja e kontrollit mbi drejtësisë sjell gradualisht humbjen e pasurisë, fuqisë ekonomike, humbjen e pushteti dhe në fund edhe të lirisë.

Shkërmoqja e Gjykatës së Lartë dhe të Gjykatës Kushtetuese është vetëm hapi i parë i veprimit. Pas tyre, radhën e kanë lukunia e gjyqtarëve dhe prokurorëve të Sali Berishës dhe Ilir Metës në të gjitha shkallët e gjyqësorit. Shkarkimi i tyre do të shënojë edhe fundin epokës Berisha-Meta, një prej historive me fatkeqe dhe të turpshme të kombit shqiptar./Pamfleti

Historike, Berisha-Meta në ditë të zezë, humbin 11 ushtarët e drejtësisë Read More »

Haklajt “rrethojnë” Berishën, nis “ngujimi” i përvitshëm veror nga frika e hakmarrjes për krimet e bëra. Dje Saliu u fut në “by**ë” të Metës dhe Ruçit

Leave a Comment / Politike / /

Akuzat e forta të motrës së Fatmir Haklajt se Sali Berisha ka vrarë vëllezërit e saj dhe djemtë e Tropojës, nxori në pritë Hajdarin dhe krime të tjera, ka bërë që ish kryeministri në ceremoninë e vendosjes së bustit të Pjetër Arbnorit, nga frika, të mos i shqitej Presidentit dhe kreut të Kuvendit

Nëse do të shikoje dje Sali Berishën në ceremoninë e vendosjes së bustit të “Mandelës” shqiptar të burgjeve komuniste dhe ish kreut të Kuvendit Pjetër Arbnori, do të mendoje se është sozia e tij dhe jo Saliu i vërtetë.

Berisha ishte shumë i përzemërt me Ilir Metën, dhe këtu nuk ka ndonjë gjë të re për “malësorin tropojan”, pasi e ka shumë për zemër “malësorin skraparli” dhe anasjelltas. Por Sali Berisha u vu re se ishte tmerrësisht i përzemërt dhe me kryetarin e Kuvendit Gramoz Ruçi, njeriun me të cilin kur i sheh në debatet në Kuvend, të filluara që me zgjedhjen e Gramozit në krye të legjislativit, të bën të mendosh se vetëm “pushka i ndan” ata të dy.

Por dje, në ceremoninë e vendosjes së bustit të Arbnorit, Berisha jo vetëm që mundohej me të gjitha mënyrat t’i bënte qejfin Gramoz Ruçit, por nuk i shqitej asnjë moment. Kishte nga ata që mendonin se politikanët kështu e kanë, shahen e shqyhen në Parlament, por jashtë tij ata janë miq dhe ndajnë fitimet e të mirat materiale që të jep pushteti.

Kjo ka një bazë të vërtetë. Por kur vjen puna për Sali Berishën dhe marrëdhënien e tij me Gramoz Ruçin, të cilin e detyroi që “të vishej si grua për të shpëtuar në vitin 1997”, e ka thënë më se njëherë vetë Sali Berisha, atëherë të bën të mendosh se diçka luhet këtu. E vërteta e kulluar është se Sali Berisha, për shkak të krimeve të bëra ndjehet i kërcënuar nga hakmarrja e të afërmëve të viktimave të tij, që fillojnë nga Tropoja dhe nuk dihet ku mbarojnë.

Për më tepër që një intervistë e gjatë e Zylfie Haklajt, motrës së Fatmir Haklaj të vrarë nga Sali Berisha bashkë me vëllezërit e gati tërë fisin në Tropojë, e ka trembur shumë Sali Berishën. Pasi të vërtetat që ka zbuluar “Shota” e Haklajve që vrau në mes të Bajram Currit dy njerëzit që dyshonte se i kishin vrarë vëllezërit, të vërtetat e thëna nga një motër që ka përcjellë në varr katër vëllezër në lule të moshës dhe tani jeton në azil politik, e kanë bërë Berishën të tmerrohet.

Në fillim ata i kanë kërkuar Berishës që të mos merret poshtë e përpjetë me Haklajt e vrarë, pastaj dje dhe sot “Shota” e Haklajve e akuzoi Berishën drejtëpërdrejt për vrasjen e vëllezërve të saj, shuarjen e tërë djemve të Tropojës, vrasjen e Hajdarit dhe akuza të tjera.

Pikërisht deklarata të tilla të motrës së Fatmir Hajklajt në prag të fillimit të pikut të sezonit turistik, kur dhe nipi i tyre S. Haklaj vjen në atdhe dhe pushon në bregdetin shqiptar, kanë bërë që Berisha të nisë “ngujimin” sezonal veror nga frika e ndonjë hakmarrjeje të mundshme.

Dje ishte në seremoninë e vendosjes së bustit të Pjetër Arbnorit para Parlamentit dhe të gjithë e panë se Sali Berisha nga frika u kishte hyrë në “by***ë” Ilir Metës dhe Gramoz Ruçit dhe nuk u shqitej.
Jo se Sali Berisha e donte Gramozin, por për të qënë më i sigurtë për shkak dhe të forcave të shtuara të Gardës, që ruanin Presidentin dhe kreun e Kuvendit, të cilët nuk do ta linin as ish kryeministrin në “duar të këqia”. Pa përjashtuar dhe truprojat e veta të shtuara./Pamfleti

Haklajt “rrethojnë” Berishën, nis “ngujimi” i përvitshëm veror nga frika e hakmarrjes për krimet e bëra. Dje Saliu u fut në “by**ë” të Metës dhe Ruçit Read More »