Nëpërmjet një shkrimi të publikuar nga kanali “Sky Arte”, i cili i kushtohet kryesisht artit dhe kulturës, i bëhet një pasqyrim zhvillimeve në Tiranë, ku po synohet që të ndërtohet një teatër modern.
Gjiganti mediatik “Sky” i ka bërë jehonë faktit që Tirana i ka besuar projektimin e Teatri të ri Kombëtar një prej arkitektëve më me emër dhe reputacion në botë, Bjarke Ingels.
Artikulli thekson se disa muaj pas përfundimit të “LEGO House” në Billund, Grupi BIG-Bjarke Ingels është gati të matë veten në kryeqytetin shqiptar, për të krijuar në qendrën e tij Teatrin e ri Kombëtar të Shqipërisë.
“Klima e ‘gjallërisë arkitekturore’ e pranishme tashmë prej disa vitesh në kryeqytetin shqiptar, duket se po vazhdon, këtë herë me një ndërhyrje në aspektin funksional”, thuhet në përshkrimin “Sky Arte”, i cili shton më tej se: “Teatri i ardhshëm Kombëtar i Shqipërisë do të jetë në gjendje të presë një gamë të gjerë të shfaqjeve të drejtpërdrejta, me hapësira të dedikuara për shfaqje brenda dhe jashtë”.
Më tej “Sky Arte” është ndalur në çështje teknike të projektit të Bjarke Ingels, duke raportuar se me rreth 9 mijë metra katrorë në dispozicion, kompleksi mund të krenohet edhe me një teatër të hapur në çati dhe një hapësirë publike të mbuluar, të vendosur poshtë ndërtesës. Për të gjeneruar ndërtesën, vëllimi i saj pëson një shtypje në qendër, për t’u ngritur pjesërisht nga toka. Në këtë mënyrë, krijohet një hendek mes dy pjesëve të sheshit publik, për të formuar një lidhje. Hapësira të mëdha me xhamë do të shtrohen në të dyja fasadat kryesore, duke zvogëluar distancat midis teatrit, i cili do të jetë gjithashtu një vend i prodhimit kulturor, i pajisur me shërbime restorantesh, dhe pjesës tjetër të qytetit./atsh
Sipas një studimi të fundit të kryer në Kanada, njerëzit që zgjohen herët në mëngjes janë më të lumtur se sa ata që zgjohen vonë.
Kjo, për një arsye shumë të thjeshtë: Mëngjesi transmeton mjaft energji pozitive dhe njerëzit janë më të lumtur në këtë periudhë të ditës.
Studiuesit e Universitetit të Torontos kanë arritur në përfundimin se kush zgjohet herët, ka më shumë mundësi mirëqenieje. Ndryshe ndodh me grupin që zgjohet vonë, që janë kryesisht të rinjtë. Ata që e kanë të vështirë të ngrihen nga krevati në mëngjes janë dembelët që e nisin ditën vonë dhe pa ritëm.
Gjatë anketës, në të cilën morën pjesë një grup prej 450 personash (mosha 18 deri 38 vjeç) dhe një grup tjetër prej 300 personash (mosha 59 deri 79 vjeç), ka rezultuar se grupi me në moshë kishte tendencën të zgjoheshin herët në mëngjes, kurse ato më të rinjtë flinin vonë në darkë dhe, si rrjedhojë, zgjoheshin vonë edhe në mëngjes.
Nga personat e grupmoshës rreth të 60-ve, vetëm 7 për qind flinin vonë, ndërsa nga grupi i të rinjve, vetëm 7 për qind kishin një jetë me ritëm në mëngjes.
Personat më të vjetër në moshë janë ata që japin më shumë energji pozitive se sa të rinjtë dhe ata zgjoheshin më herët në mëngjes sesa të rinjtë, deklarojnë studiuesit.
Dhe përfitimet janë disa, që i referohen më së shumti kohës dhe qetësisë:
Koha për të ngrënë mëngjesin
Koha për aktivitet sportiv
Koha për t’u përgatitur për punë
Koha në trafik
Të zgjohesh herët në mëngjes ndikon në mirëqenien emocionale. Njerëzit e përfshirë do të ndihen të shëndetshëm, sepse ata flenë mirë. Një gjumë me cilësi ka efekt pozitiv në sistemin imunitar. Ndoshta për shkak se kjo normë përputhet më shumë me organizimin e shoqërisë.
Ansambli i Këngëve dhe Valleve Popullore ndaloi këtë të shtunë në Gjirokastër, ku rreth 4500 spektatorë ndoqën premierën absolute “Sokaku i të Marrëve”, më këngë e valle të Jugut.
“Mirënjohje të gjithë artistëve të trupës së AKKVP që ndezën sonte zjarrin artistik në Gjirokastër, duke e kthyer ‘Sokakun e të marrëve” në sokakun më të bukur në botë”- u shpreh Ministrja e Kulturës, Mirela Kumbaro, e pranishme në këtë premierë.
Iso polifonia dhe vallet tradicionale kumbuan në Gjirokastër, duke nisur nga shtëpia shekullore e Skëndulatëve e deri tek Bashte Teqeja, ku këngët, vallet e traditat shqiptare tërhoqën vëmendjen e turistëve të shumtë që po kalojnë pushimet në qytetin e gurtë.
Kalendari turistik veror 2018, hartuar nga Ministria e Kulturës, në bashkëpunim me institucionet artistike në vend, TKOB, AKKVP, Teatri i Kukullave, Cirku Kombëtar, AQSHF dhe skenën e pavarur, bën bashkë trashëgiminë dhe kulturën, me gjithëpërfshirje nga Jugu në Veri, duke i kthyer skenat e hapuara të trashëgimisë dhe sheshet e qyteteve në skena artistike, në një komunikim të gjallë me publikun.
Kalendari përfshin rreth 70 shfaqje në zonat bregdetare nga Velipoja në Dhërmi, nga Shëngjini në Korçë, nga Shkodra në Ksamil e Gjirokastër./atsh
Një denoncim nga mbërritur nga një qytetar pranë redaksisë sonë ditë e sotme në lidhje me cmimet e larta që janë në zonat bregdetare, kryesisht në jug të Shqipërisë.
Nga fatura jo fiskale e cila është e printuar nga një printer i zakonshëm, të dhëna të cilat nuk i shkojnë Drejtorisë së Tatimeve, vëmë re që një makjato kap vlerën prej 180 lekeësh të reja, gjë e cila është tepër e lartë. Qytetari i cili ngre shqetësimin i referohet dhe rastit të cadrave cmimi për të cilat shkon nga 700-1500 lekë të reja .
Nuk është hera e parë që raste të tilla absurde denoncohen nga pushuesit këtë sezon turistik./gazetaora
Lëngu i qepës është një pije jo shumë e përhapur dhe me shumë gjasë e padëgjuar.
Ky lëng ka një përdorim tërësisht mjekësor falë vlerave të jashtëzakonshme që ka për shëndetin e njeriut.
Me siguri, idea e të pirit një lëng të tillë as nuk iu vjen ndërmend por nëse vuani nga problemet me rrugët e frymëmarrjes, ai do të bëhet aleati juaj më i çmuar.
Nëse shqetësoheni për shijen apo aromën, këtë çaj mund ta kombinonin me kanellë dhe mollë për më shumë vlera.
Vlerat e lëngut të qepës janë të shumta.
Ai përmban fibër, vitaminat B6, C, flavonoidë, kalçium, magnez, kalium, selenium dhe fosfor.
Përfitimet Shendëtësore Të Lëngut Të Qepës
Lëngu i qepës mund të përgatitet duke zier qepën në ujë (4 kokrra qepë mesatare për 2 litra ujë) dhe më pas të pasurohet me produkte të tjera.
Lëngu i Qepës Për Pastrim
Përbërësit e qepës ndihmojnë vitaminën C që të largojë toksinat e dëmshme nga organizmi.
Amino acidet e këtij lëngu ndihmojnë nxjerrjen sa më të shpejtë të substancave të dëmshme nëpërmjet urinës.
Shëndeti i Zemrës
Sipas të dhënave të AgroWeb.org konsumi i lëngut të qepës ndihmon në parandalimin e mpiksjes së gjakut, një nga arsyet kryesore të shfaqjes së sëmundjeve të zemrës.
Ky lëng ndihmon në uljen e ndjeshme të kolesterolit, një armik i njohur i zemrës.
Diabeti
Lëngu i qepës luan një rol të rëndësishëm në trajtimin e diabetit.
Sipas tënave të cilave i referohet AgroWeb.org mineralet që përmban ky lëng përmirësojnë aktivitetin e insulinës në largimin gradual të sheqernave nga gjaku.
Së dyti, flavonoidët tek lëngu i qepës ulin nivelin e lartë të glukozës në gjakun e njerëzve të prekur nga diabeti i tipit 2.
Kolla
Përmbajtja e sulfurit tek lëngu i qepës ndihmon në shpërbërjen e sekrecioneve dhe lehtëson kollën.
Kësisoj ky lëng rekomandohet shumë kundër sëmundjeve të rrugëve të frymëmarrjes.
Azma
Lëngu i qepës shërben për të parandaluar dhe trajtuar probleme si azma sepse është i pasur me flavonoidë.
Ai qetëson muskujt e rrugëve të frymëmarrjes.
Imuniteti
Pirja e rregullt e lëngut të qepës i bën mirë imunitetit.
Ai është i pasur me vitaminë C, e cila lufton bakteret dhe virozat.
Nëse jeni sëmurë dhe pini lëngun e qepës, do të vëreni se shërimi do të jetë më i shpejtë.
Tretja
Falë fibrës, lëngu i qepës e bën tretjen me të lehtë dhe më të mirë.
Fibra përmirëson lëvizjen e zorrëve dhe nxit rritjen e baktereve të mira.
Pesha Trupore
Flavonoidet tek lëngu i qepës përmirësojnë metabolizmin dhe ndihmojnë në djegien e yndyrnave të tepërta.
Në këtë mënyrë, konsumi i vazhdueshëm i lëngut të qepës pengon shtimin në peshë.
Flokët Dhe Lëkura
Vitamina C tek lëngu i qepës stimulon formimin e kolagjenit ndërsa vitamina E shmang dëmtimin nga ekspozimi ndaj radikaleve të rrezeve ultra vjollcë.
Mineralet nga ana tjetër janë shumë efikasë në parandalimin e akneve dhe në forcimin e flokut.
Vlera Të Tjera Të Lëngut Të Qepës
Lëngu i qepës është i mirë kundër gripit, dhimbjeve të barkut, për dendësinë kockore, cilësinë e gjumit, dëshirën seksuale, dhe shëndetin e dhëmbëve.
Si Ta Përgatisni Lëngun E Qepës
Qepën duhet ta zieni me gjithë lëkurë në një çajnik për 5 minuta. (1 kokërr qepë për 1/2 litër ujë ose 2 kokrra qepë për 1 litër ujë)
Mund ta ndani në copa ose ta zieni të plotë.
Pas zierjes, mund të shtoni mjaltë dhe limon për të përmirësuar shijen dhe të pini menjëherë një gotë. Pjesën e mbetur mund ta ruani në frigorifer dhe ta konsumoni ditën tjetër./agroweb
Personat me aftësi të kufizuar përfitojnë karriget me rrota falas, falë mbështetjes financiare të ministrisë së Shëndetësisë dhe Mbrojtjes Sociale.
Ministrja e Shëndetësisë dhe Mbrojtjes Sociale Ogerta Manastirliu shpërndau në Shkodër karriget me rrota për 22 persona me aftësi të kufizuar.
“Kjo është një ndihmë konkrete që tashmë jepet nga shteti për personat me aftësi të kufizuar. Karriget me rrota janë të përshtatura sipas nevojës për çdo person dhe vetëm në Shkodër ne ju kemi dhënë mundësinë 120 personave me aftësi të kufizuar të kenë karrige me rrota të personalizuara për t’ja dalë vetë në përditshmëri”, tha Manastirliu.
Në të gjithë vendin, rreth 600 persona me aftësi të kufizuar do të përfitojnë çdo vit karrige me rrota falas, të prodhuara në punishten “Mirësia”, me mbështetjen financiare të Ministrisë së Shëndetësisë dhe Mbrojtjes Sociale.
Me financimin e Ministrisë u bë e mundur garantimi i vijimit të punës së përshtatjes së karrigeve me rrota për personat me aftësi të kufizuar. Deri tani, me mbështetjen e këtij shërbimi janë pajisur rreth 700 persona me aftësi të kufizuara me karrige me rrota./atsh
Vijojnë punimet e projektit “Rikualifikimi i zonës urbane pranë qendrës së qytetit të Vlorës”, i cili financohet nga AADF (Albanian-American Development Foundation) dhe mbikqyret nga specialistët e Drejtorisë Rajonale të Trashëgimisë Kulturore-Vlorë dhe ata të Institutit të Monumenteve të Kulturës.
Një nga objektet më të spikatura që përfshin ky projekt është “Banesa e vitit 1925”, Monument Kulture i kategorisë së parë, e cila është drejt përfundimit të punimeve restauruese.
Ndërkohë që pas restaurimit të godinës ngjitur me pallatin 6-katësh, bizneset në qytetin e Vlorës, kanë rifilluar aktivitetin e tyre tregtar në ambjente bashkëkohore.
Rikualifikimi i zonës urbane pranë qendrës së qytetit të Vlorës, është një vlerë e shtuar për qytetin turistik të Vlorës,
Ky projekt zbaton restaurimin në zemër të Vlorës, aty ku qyteti ende ruan identitetin, gjurmë të ndërtimeve të fundit të shekullit të 19‐të dhe fillimit të shekullit të 20‐të . Punimet po realizojnë restaurimin e rrugës “Justin Godar”, ish-pazari, “lagjja e hebrenjve”, klubi “Labëria” dhe ish-Sinagoga, xhamia e Tabakëve, më e madhja e qytetit, etj.
Qendra historike e Vlorës ndërthur diversitetin dhe bashkëjetesën e kulturave, feve dhe është pjesë e së përditshmes dhe e historisë.
Qeveria shqiptare synon të zbatojë një nga politikat më të rëndësishme të trashëgimisë kulturore, ku diversiteti i vlerave, kulturave dhe feve, bën pjesë në trashëgiminë që duam të ruajmë dhe promovojmë.
Programi i qeverisë shqiptare që udhëhiqet nga Ministria e Kulturës, për rijetëzimin e qendrave historike dhe kthimin e tyre në pole jo veç tërheqëse për turistët por dhe për t’i dhënë hov zhvillimit ekonomik të zonës ka filluar të japë frytet e veta.
Ky projekt i rëndësishëm për restaurimin dhe rikualifikimin urban të ansamblit ndёrtimor “Qendra Historike Vlorë” vjen pas një sërë konsultimesh të gjera me ekspertët dhe komunitetin.
Brenda kufijve të zonës së projektit ndodhen disa monumente kulture të kategorisë së parë si edhe rruga më e rëndësishme e qytetit për nga vlerat arkitektonike‐historike që mbart: rruga “Justin Godard”. Rruga Justin Godard ka qënë rruga kryesore e qytetit në periudhën e Rilindjes së Pavarësisë Kombëtare.
Cepi perëndimor i saj të nxjerr tek Sheshi i Flamurit, kurse ana lindore në Lagjen Partizani në drejtim të Babicës ku ka shumë foto të hyrjes së luftëtarëve më 1920. Shtëpitë janë me dy kate, me ballkone të vegjël të stilit neoklasik. Degëzimet e rrugëve sekondare të çojnë tek ish-pazari, “lagjja e hebrenjëve”, klubi “Labëria” dhe ish-Sinagoga. Në fund, nga ana lindore ka qënë dhe xhamia e Tabakëve, më e madhja e qytetit./atsh
Nëse unë do të përgjigjesha me një fjali, do të thosha: Shqipëria është një vend që po pëson ndryshime. Ne jemi një vend në tranzicion, një tranzicion i gjatë dhe kompleks, madje edhe i vështirë. Kemi lënë pas një të kaluar të hidhur dhe dramatike, gjysmë shekulli izolimi, shtypjeje dhe varfërie, të regjimit më të vështirë komunist në kontinent. Ne po ndërtojmë një sistem demokratik, një ekonomi të tregut të lirë, një shoqëri të hapur që synon të bashkohet me Europën.
Sigurisht, ne jemi një demokraci e re dhe kemi një rrugë të gjatë për të shkuar. Ndërtimi i institucioneve demokratike nuk ishte aq i lehtë sa menduam fillimisht. Megjithëse normat tona të rritjes ekonomike në përgjithësi kanë qenë të larta në vitet e fundit, pritjet e njerëzve, sidomos të rinjve, janë të larta. Fenomene të tilla si krimi i organizuar dhe korrupsioni kanë qenë një pengesë serioze për përparimin tonë, ne jemi të vetëdijshëm, dhe për këtë arsye ne kemi ndërmarrë edhe një reformë serioze dhe të thellë të sistemit tonë gjyqësor.
Megjithatë, unë nuk do të ngurroja ta konsideroja Shqipërinë si një vend me mundësi dhe bukuri të mëdha. Ne jemi një popullsi e re dhe e arsimuar mirë; ne kemi një vend të bukur, Ballkanik dhe Mesdhetar në të njëjtën kohë, me burime të rëndësishme natyrore; ne kemi një orientim të qartë Euroatlantik dhe jemi të bashkuar në këtë orientim; kemi një bashkëjetesë unike fetare, të cilën Papa Françesku e quan vëllazëri fetare. Mund të vazhdoja, por po ndalem këtu.
– Pse është e rëndësishme Europa për vendin?
Europa është më shumë se e rëndësishme për Shqipërinë, për ne është ekzistenciale. Bashkimi me Europën për shqiptarët do të thotë pajtim i historisë dhe gjeografisë sonë. Ne mund të ndahemi në shumë gjëra, por ne jemi të bashkuar kur flasim për Europën. Regjimi komunist ishte kryesisht izolimi i vendit nga Europa. Tranzicioni demokratik është kryesisht një rrugë drejt Europës.
Unë besoj se Shqipëria është i vetmi vend në rajon që nuk ka një plan B, që do të thotë një plan alternativ, i cili do të zëvendësonte Europën. Ne nuk besojmë në “politikat e dy karrigeve”, edhe pse ne jemi një vend i hapur për zhvillimin e marrëdhënieve me të gjithë.
Për ne sot, BE-ja nuk është vetëm një orientim i qartë strategjik, por është gjithashtu një faktor i rëndësishëm në modernizimin e shoqërisë sonë. Gjatë procesit të integrimit europian po përmirësojmë standardet tona të jetesës, standardet e institucioneve tona, ato ekonomike.
Axhenda europiane është axhenda e ndërtimit të një Shqipërie moderne dhe demokratike. Natyrisht, ne shohim dhe ndjekim nga afër zhvillimet në Bashkimin Europian, dhe e dimë se ka vështirësi, e dimë se nuk jemi të gatshëm të bëhemi anëtarë sot apo nesër. Por është e rëndësishme që dera të jetë e hapur dhe procesi nuk ndalet. Dhe ne jemi të kënaqur që Italia, fqinji ynë dhe avokati ynë kryesor në BE, na ka kuptuar dhe na ka mbështetur në çdo fazë, duke përfshirë edhe vendimin e fundit të Këshillit Europian për hapjen e negociatave për anëtarësim vitin e ardhshëm.
-Anasjelltas, çfarë mund t’i ofrojë vendi juaj Europës?
Do të pretendonim shumë po të thonim se mund t’i ofrojmë shumë një kontinenti të tërë. Por në fakt ne ofrojmë disa mundësi, veçanërisht për kompanitë e mesme dhe të vogla, dhe për rajonet e ndryshme europiane, duke filluar me ato të Italisë fqinje. Nëse duhet të përmend arsyet për të investuar në Shqipëri, disa prej tyre janë: klima liberale e investimeve, kosto konkurruese e punës, popullata e re dhe e arsimuar, taksat dhe stimuj konkurrues, pozicion të shkëlqyer gjeografik, potencialin e fortë të rritjes, zonat e lira ekonomike, qasje të lirë në tregje të mëdha, stabilitet makroekonomik. Shqipëria është gjithashtu një destinacion turistik që zbulohet çdo vit më shumë nga europianët, duke përfshirë italianët. Dhe nëse kthehem në gjeopolitikë për një çast, vendi im gjithmonë i është bashkuar politikës së jashtme dhe sigurisë së Brukselit pa asnjë hezitim.
-Si pozicionohet vendi në Ballkanin Perëndimor?
Ne jemi një vend ballkanik dhe ne kemi peshën tonë në këtë rajon. Ne jemi një vend i NATO-s, gjë që na bën të ndihemi më të sigurt dhe në të njëjtën kohë sjellim më shumë përgjegjësi.
Kemi marrëdhënie të ngushta strategjike me Kosovën, por vitet e fundit kemi përmirësuar dukshëm marrëdhëniet me Serbinë, të cilat për arsye të njohura kanë qenë të vështira dhe komplekse. Unë besoj se politika e moderuar rajonale e Shqipërisë ka kontribuar në stabilizimin e rajonit. Vitin e kaluar, në Trieste, vendet e Ballkanit Perëndimor ranë dakord të ngrenë CEFTA, një zonë e tregtisë së lirë në rajonin tonë, e cila paraqet një hap të rëndësishëm përpara. Ne duhet të jemi të vetëdijshëm se vendet tona, të marra individualisht, janë tregje të vogla, por së bashku përbëjnë një treg prej pothuajse 20 milionë njerëzish, gjë që ka rëndësinë e saj. Dhe këtu, Shqipëria besoj se mund të jetë dera për të hyrë në Ballkan për shkak të pozitës së saj gjeografike dhe kryesisht për kompanitë italiane.
Shqipëria dhe Italia: Cilat janë interesat kryesore ekonomike dhe dypalëshe?
Për ne, Italia është ndër partnerët e parë ekonomikë. Interesat kryesore ekonomike që na lidhin vijnë nga dy sektorë në të cilat Shqipëria ka potencial të konsiderueshëm. Bëhet fjalë për energjinë e rinovueshme dhe turizmin. Klima e Shqipërisë me rreth 240-300 ditë diellore në vit, me 8 lumenj të mëdhenj dhe 152 rrjedha të vogla ujore, si dhe energji të konsiderueshme të erës, i favorizon këto investime. Vendi ofron avantazhe për blerjen e hidrocentraleve të vogla, tarifa të favorshme për fermat e erës dhe impiante diellore, si dhe legjislacionin që mbështet hapjen e tregut në sektorin e energjisë. Shqipëria po përjeton një periudhë rritjeje në turizëm. Në raportin e fundit të ITTTC, duhet të theksohet se vendi u rrit me 24 pozicione gjatë 2015-2017 dhe me perspektivën për përmirësimin e pozitës së saj në 2018-2028. Me interes të madh janë brigjet Adriatiko-jonike, por jo vetëm. Ka një numër të madh të vendeve arkeologjike dhe fetare për të vizituar: 56 zona të mbrojtura natyrore, 1600 monumente, 9 parqe arkeologjike, 3 qytete të mbrojtura nga UNESCO. Sa i përket investimeve në turizëm, Qeveria ka miratuar stimuj si përjashtimet nga tatimi mbi të ardhurat, TVSH e reduktuar, përjashtimet nga taksat mbi ndikimin e infrastrukturës.
Si janë strukturuar investimet e huaja direkte nga dhe drejt vendit?
Sipas institucioneve referuese, vitet e fundit investimet e huaja direkte kanë qenë nxitësi kryesor i rritjes ekonomike. Nga këto, investimet e bëra për ndërtimin e gazsjellësit TAP në Shqipëri përfaqësuan fluksin kryesore. Ne po punojmë për të inkurajuar diversifikimin e investimeve, veçanërisht në fushën e energjisë. Qeveria miratoi një ligj të ri, i cili synon për të promovuar dhe për të tërhequr investimet strategjike në fushat e “Energjisë dhe Mineraleve”, “infrastrukturës së transportit të komunikimeve elektronike dhe të mbetjeve urbane”. “Turizmi”, Bujqësisë dhe Peshkim “, duke krijuar zona zhvillimi prioritare në qytete të tilla si Vlora, Kashari, Spitalla, Koplik, Lezhë dhe të tjera. Për më tepër, industria e përpunimit të metaleve në Shqipëri është një sektor me potencial për zhvillim, të cilat mund të përfitojnë nga personeli i kualifikuar për shkak të nivelit të shkëlqyer të sektorit kryesor të industrisë së përpunimit të metaleve është prodhimi i makinerive, pajisjeve të prodhimit, përpunimit të metaleve të strukturuara (çeliku, alumini), industria e automobilave, industria e motorëve./atsh
