Aurora

COVID-19 i mori jetën dy netë më parë edhe 28-vjeçares Emanuela Dalipi, e cila ishte shtatzënë.

Ajo ishte shtruar në spitalin Infektiv dhe ishte në muajin e pestë të shtatzënisë.
Për lajmin e hidhur ka reaguar edhe nëna e 28-vjeçares, Irma Dalipi, e cila ka publikuar foton e të bijës në Facebook teksa shkruan:
“U bë dhe shpirti mamiit ëngjëll… o zooot…”.
Një tjetër familjar i saj ka reaguar teksa shkruan se:

“Tr agjeditë nuk kanë mbarim në familjen tonë…Sot humbëm nga kjo jetë Emën, mbesën tonë të shtrenjtë. Ema, lamtumirë e shtrenjta jonë. Të duam fort kudo të jesh Emanuela, bashkë me Blertën”.

Në fakt Ema, tre vjet më parë ka humbur vajzën e tezes Blertën.

Blerta Pepa, humbi jetën në maj të vitit 2017 në moshën 16 vjeçare. Blerta Pepa ka qënë një emër i dëgjuar pasi ka qënë pjesëmarrëse në spektaklin e fëmijëve, “Gjeniu i Vogël”.

Ajo iu nënshtrua një operacioni në këmbë për shkak të një dëmtimi në orën e fizkulturës por nuk mundi të dalë nga ndërhyrja kirurgjikale.

Fetije, një vajzë 23-vjeçare është bërë pjesë e rubrikës “Ka një mesazh për ty” tek E Diela Shqiptare, ku rrëfeu historinë e saj të jetës pasi u martua me mblesëri. Ajo tregon se gjatë kohës që ka qenë e martuar me të, familjarët ia kujtonin bukën dhe ujin që pinte në atë shtëpi dhe për shkak të kësaj, ajo vendosi që të mos merrtë më bukë në shkollë, duke u sëmurur dhe duke kaluar në anoreksi.

Fetije: Unë në Durrës shkoja dhe vija, pra e bëja vajtje-ardhje, ndërroja 4 autobusë për të ikur dhe 4 për të ardhur dhe duhet të punoja pas shkolle. Nga shumë strese që kisha në shtëpi, mua më binte të fiktë në shkollë.

Në shtëpinë time, të bashkëshortit tim më përmendej buka që haja dhe uji që pija. Unë si njeri i ndjeshëm vrisja mendjen shumë dhe nuk fillova të marr më bukë.

Për dy vite që kam qëndruar aty bashkëshorti im më ka financuar shkollën, më pas këto herët që mua më binte të fiktë më janë gjetur pranë shumë persona rastësorë sepse nuk i thoja mamit, nuk doja ta mërzisja, por unë po vuaja shumë. Një ditë roja e shkollës, ishte femër, më thotë çfarë ke ti që të bie të fikët kaq shpesh, nuk shkon mirë me familjen e burrit?

Nuk më ka lënë të dal nga klasa derisa unë t’i rrëfehesha asaj. Unë asaj zonjë i jam shumë mirënjohëse sot, pas më bëri që unë të rrëfehem, të çlirohem nga ajo që po më mbyste, po më merrte frymën. Merr mamin tim në telefon dhe i thotë që vajza jote ka rënë në depresion, a e di se çfarë po përjeton vajza jote?

Mami ka ardhur me vrap më ka marrë në Durrës. Unë kam shkuar dhe shumë herë për të bërë qetësuesa dhe shumë herë serume, sepse nuk haja, u bëra anoreksike.

Ardit Gjebrea: Më trego për shkollën, i mbarove studimet?

Fetije: Po i mbarova studimet.

Ardit Gjebrea: Mami e di që t’i e ke dhënë provimin e Bachelorit?

Fetije: Jo, mami e di që jam duke studiuar sepse e diel sot dhe e kam ditën e nesërme, por ndërkohë që unë e kam bërë provimin. Përgjigjen dhe dëshminë nuk e kam marrë akoma sepse do pak kohë.

Fabio 2 vjeç është në gjendje të vështirë shëndetësore pasi koka e tij ka mbledhur ujë.

Në kushte ekstreme varfërie kemi gjetur në lagjen “11 Nëntori” të Gjirokastrës një familje në me një hall të madh.

Mjekët i kanë thënë prindërve të Fabios se djali duhet të operohet urgjentisht. Familja është në gjendje të vështirë ekonomike, Ermali kryefamiljari herë gjen punë e herë jo, Ferideja e ëma e Fabios është e papunë. Familja ka katër fëmijë të mitur, më i vogli është 2 muajsh.

“Unë jam Emanuela jam 7 vjeç, vëllai është shumë i sëmurë, gjysmën e ka me ujë e gjysmën tjetër me gjak, kokën e ka të madhe”, -thotë vogëlushja për vëllain e vogël.

“Fëmijët i kam sëmurë të dy, vajzën e kam me epilepsi djalin me ujë ne kokë, i është rritur koka djalin e kam vizituar më thanë nuk kemi çfarë të bëjmë. Nuk më zë gjumi fare kam frikë se mos më ikën, dua ta kem mirë si gjithë të tjerët. Që kur jam martuar unë kam vuajtura, nuk kam mundësi t’i edukoj, unë 200.000 marrë por 150.000 kam qiranë, jetoj me borxhe në 4 dyqane këtu.

Unë dua tu jap një copë bukë fëmijëve, më kërkojnë fëmijët por nuk kam pasur, djalin në kopsht nuk ma pranuan atje, kam shumë hallë mbi supe, e çfarë e dua jetën? Operacioni kushton 15.000 euro na thanë mjeket. I kam humbur shpresat. Asgjë nuk përballoj dot më por shpresë kam tek Elvis Naçi, tek Sidriti dhe shqiptarët, janë shpresa ime e fundit”, -thotë gruaja.

“Unë dhe nusja zgjuar rrimë, po na ikën truri, po nuk u operua do më iki fëmija nga duart më tha mjeku. Nuk e dua këtë më mirë të iki unë nga jeta sesa djali. Unë herë me pune herë pa pune. Nuk marr dot kredi po më luan mendja”, -thotë kryefamiljari Ermali./NOA.al

Në konferencën e përjavshme për shtyp, presidenti Ilir Meta është shfaqur për herë të parë me maskë në fytyrë për t’u mbrojtur nga Covid 19, duke dalë “kundër” predikimeve të bashkëshortes së tij, Monika Kryemadhi, e cila vijon të mos e njohë këtë sëmundje. Vetë Kryemadhi ka pranuar se Meta i mban distancë sociale në shtëpi bashkëshortes së tij. /noa.al/

Ditën e premte në vend parashikohet një ndryshim i lehtë i kushteve meteorologjike, raporton Shërbimi Meterologjik Ushtarak.

Moti do të nisë me kthjellime e gradualisht në veriperëndim e bregdet do të shfaqen vranësirat shtresore. Përkohësisht në formë të izoluar në këto zona shi i dobët. Era do të fryjë në juglindje e veriperëndim, e lehtë e mesatare në bregdet, duke u shoqëruar me valëzim të forcës 2.
Temperaturat parashikohen në:

– zonat malore 2°C deri në 13°C

– zoant e ulëta 4°C deri në 22°C
– zonat bregdetare 7°C deri në 21°C