Aurora

Edhe kjo e sotmja ka qenë një ditë e ngarkuar për Komisionin e Pavarur të Kualifikimit. Para KPK është paraqitur në seancë dëgjimore edhe gjyqtari i Gjykatës Administrative të Apelit Artur Malaj.

Në raportin e ILDKPKI thuhet se deklarimi i pasurisë nga ana e gjyqtarit është bërë i saktë.

Ndërkohë, KPK thotë se subjekti ka qenë bashkëpunues në verifikimin e thelluar.

Sa i përket pasurisë, ai ka deklaruar tokë bujqësorë në Vlorë një mijë metra katrorë dhe zotëron 50 % të saj. Tokë tjetër bujqësore në Vlorë, përfituar me ligjin 7501, pronë kjo ende e pa rëgjistruar. Për këto pasuri rezulton së përputhen deklarimet sipas KPK.

“Po ashtu rezulton një apartament i blerë 55 mijë euro në Tiranë. Në vitin 2008, cmimi i shtëpisë është ulur. Një garazh i blerë në vitin 2008 me vlerë 800 mijë lekë. Burimi është deklaruar nga kursimet e bashkëshortes dhe vetë subjektit”, vijon raporti i KPK.

“Nga verifikimi i kredisë konstohet se vlera e ambientit është 61 mijë euro dhe pagimi do bëhej me 4 këste. Subjekti nuk ka deklaruar kontratën për blerjen e apartamentin, nga analizimi i kësaj të fundit konstatohet se nuk është parashikuar blerja e garazhit dhe cmimi është më i madh”, thuhet në gjetjet e KPK më tej. Komisionit të Pavarur i Kualifikimit i kanë lindur dyshimet se kontrata me firmën e ndërtimit është fiktive.

Nga hetimi në lidhje me këto dy pasuri konstatohet se subjekti ka kryer deklarim të pasaktë për çmimin, nuk ka pasur burime të ligjshmë për të bërë këtë blerje.

Nga hetimet e KPK-së rezulton se bashkëshortja e gjyqtarit ka llogari bankare me mbi 100 mijë euro. Paratë janë depozituar me burim punën si notere.

KPK nhre dyshime edhe për një vilë 3-katëshe në Vlorë ku gjyqtari ka jetuar dikur, por ai thotë se nuk ka asnjë lidhje dhe se ka qenë me qira.

Aftësimi profesional:

DSIK e vlerëson të papërshtatshëm gjyqtarin për të vijuar detyrën pasi janë ngritur dyshime të arsyshme për përfshirjen e tij në korrupsion dhe krimin e organizuar.

DSIK ka dorëzuar një raport, ku jep detaje lidhur me dyshimet se gjyqtari është përfshirë në korrupsion kur ka qenë në Gjykatën e Vlorës.

Por, nga hetimi i thelluar, KPK ka arritur në konkluzionin se këto të dhëna janë të pasakta.

Për gjyqtarin Artur Malaj ka 5 ankesa, ndërkohë që nga hetimi i KPK-së nuk rezulton të ketë shkelje./noa

Artur Malaj, gjyqtar i Apelit Administrativ Tiranë, ka dalë përpara Komisionit të Pavarur të Kualifikimit (KPK) paraditen e së martës. Artur Malaj është kandidat për në Inspektoratin e Lartë të Drejtësisë, ndaj edhe iu nënshtrua me prioritet Vetting-ut.

Gjyqtari ka 1500 metra katrorë tokë në fshatin në Llakatund dhe shtëpi 106 metra katrorë në Tiranë, blerë për 55 mijë euro. Apartamenti është i blerë me kredi dhe të ardhurat e gruas. Malaj ka në pronësi edhe një garazh. Çmimi u ul sepse firma nuk e kishte përfunduar ndërtimin.

Po ashtu ka pasur dyshime se gjyqtari ka fshehur pronësinë e një vile që ka pasur në Vlorë.

Subjekti nuk ka deklaruar kontratën e sipërmarrjes për apartamentin. Në dosjen e kredisë, çmimi është 63 mijë euro dhe jo 55 mijë euro, sikurse ka deklaruar ai. KPK-ja konstaton se gjyqtari Artur Malaj ka kryer deklarim të pasaktë për vlerën e këtij apartamenti.

Lidhur me figurën, DSIK thotë se Artur Malaj ka plotësuar saktë dhe me vërtetësi formularin. Por në përfundim, DSIK thotë se Malaj është i papërshtatshëm. Ai dyshohet për përfshirje në akte korruptive dhe ka kontakte të papërshtatshme me personazhe të krimit të organizuar. Pas kërkesës së komisionit, DSIK solli raport shtesë, duke përditësuar të dhënat.

Rezulton se Malaj ka favorizuar palët në procese kundrejt rryshfetit. Jepen gjithashtu të dhëna për përfshirje të subjektit në korrupsion kur ishte kryetar i Gjykatës së Vlorë, por KPK-ja thotë që raporti është i paplotë dhe i pabazuar.

Debati me përfaqësuesen e ONM:

Përfaqesuesja e ONM ka kërkuar detaje lidhur me banesën e tij në Tiranë. “Ju e porositët shtëpinë në 2005 në Tirane ndërkohë që punonit dhe jetonit në Vlorë. Shtëpia përfundoi në 2008 dhe ju keni nisur të jetoni aty në 2013. Shtëpinë e keni blerë me kredi për strehim. Nga e dinit ju që një ditë do transferoheshit në Tiranë?”– ka pyetur ajo.

Gjyqtari: Nuk kisha arsye pse mos ta besoja një gjë të tille. Kërkova transferim në Tiranë. Shtëpia u vonua sepse unë jetoja në Vlorë dhe nuk kisha mundësi që të shkoja të interesohesha për të dhe firma më neglizhoi, nuk ma kishte mbaruar apartamentin ndërkohë që ato të fqinjëve kishin mbaruar. Bëmë kontratë tjetër ndaj u ul vlera e shtëpisë së pllakat i shtrova vetë.

Përfaqesuesja e ONM e pyet për pasuritë e kunatit dhe motrës së gjyqtarit. Sipas saj, kunati ka pasuri të mëdha që nuk justifikohen me punët që ka bërë, pra katër apartamente dhe katër parcela toke në Vlorë.

Gjyqtari: Këto pasuri nuk janë vetëm të kunatit, por edhe të familjes së tij. Babai i tij ka punuar në SHBA, kurse vëllai tjetër është në emigracion. Babai i kunatit ka qenë drejtor i fabrikës së përpunimit të peshkut në Vlorë dhe pas viteve ’90 ai ishte një nga privatizuesit e saj./faxweb

Një tjetër grup klandestinë nga Lindja e Mesme janë kapur nga policia kufitare shqiptare, në tentativë për të hyrë ilegalisht nga territori grek në vendin tonë. Burime të policisë kufitare të Korçës, bënë me dije se grupi prej 13 klandestinësh u kap në zonën e gjelbër të fshatit Trestenik në Devoll.

Policia sqaroi se 5 klandestinë janë shtetas palestinezë, 4 prej tyre irakenë, 3 sirianë dhe 1 maroken.

Mes grupit të këtyre klandestinëve janë edhe dy të mitur. Gjatë procedurave të intervistimit, klandestinët e kapur I kanë deklaruar specialistëve të policisë së kufirit se kërkojnë strehim politik në Shqipëri.

Ata trasferohen si të gjithë klandestinët e tjerë të kapur në qëndrën e grumbullimit dhe trajtimit në Babrru.

Sipas treguesve të policisë kufitare të Korçës, muaji korrik regjistron një numwr të lartë të klandestinëve që hyjnë ilegalisht nga Greqia në Shqipëri në zonën e Devollit. Sipas të dhënave zyrtare, gjatë këtij muaji janë kapur 183 klandestinë nga vendet e Lindjes së mesme.

Ndërsa që nga fillimi I vitit ky bilanc shkon në 330 klandestinë të kapur në kufirin tokësor me Greqinë, nga ku trafikohen këta shtetas të huaj./vizionplus

Turistja angleze dhe dashamirësja e shpendëve Sheila Phyall është frymëzuar nga afresku më i madh i Ballkanit, i njohur si “Sjellësi i Pranverës” që gjendet në qytetin e Vlorës dhe e ka riprodhuar atë si tatuazh në trupin e saj.

Afresku “Sjellësi i Pranverës” është realizuar nga PPNEA dhe BSPB në kuadër të projektit “Toka e Kështjellave dhe Shqiponjave” në vitin 2016 dhe ka për qëllim rritjen e ndërgjegjësimit për ruajtjen e kalit të qyqes në vendin tonë.

Afresku, përmban dy elementë kryesorë: kalin e qyqes dhe qyqen dhe është realizuar në formë të tillë që të shprehë një legjendë të hershme të popullit tonë që i ka dhënë edhe emrin këtij lloji.

Në prag pranvere të dy këta lloje kthehen nga shtegtimi në të njëjtën kohë dhe mendohej se qyqja, një shpend më i vogël, kishte nevojë për shpinën e një shpendi të madh dhe të fuqishëm si kali i qyqes për ta sjellë nga territoret e shtegtimit.

Sheila Phyall është shprehur se këtë gjest e ka kryer ndikuar nga frymëzimi që i ka shkaktuar afresku i Vlorës dhe në shenjë mbështetje të fortë të veprimtarisë që po kryet për ruajtjen e këtij lloji si dhe për rritjen e ndërgjegjësimit të publikut të gjerë jo vetëm për ruajtjen e kalit të qyqes por biodiversitetit në përgjithësi./shekulli

Më datë 26 Korrik 2018 Këshilli i Qarkut Vlorë mori pjesë në takimin e parë të projektit strategjik “SAVE WATER / KURSE UJIN”: Përmirësimi i menaxhimit të ujit dhe infrastrukturës së furnizimit me ujë përmes teknologjisë SMART, politikave dhe instrumenteve”, takim që u zhvillua në Korfuz me pjesëmarrjen e përfaqësuesve të të gjithë partnerëve si dhe përfaqësues të Sekretariatit të Përbashkët Teknik të Programit ndërkufitar në të cilën ky projekt do të zbatohet.

Projekti SAVE WATER / KURSE UJIN është një projekt tre vjeçar që do të zbatohet në zonën ndërkufitare me pjesëmarrjen e tetë partnerëve:
Rajoni i Ishujve Jonianë – partneri Lider
Rajoni i Epirit
Qarku Vlorë
Qarku Korçë
Qendra e mjedisit – Rajoni i Maqedonisë Perëndimore
Ndërmarrja e Ujësjellës Kanalizimeve të Janinës
Universiteti Jonian- Komiteti i Kërkimit.
Universiteti i shkencave të aplikuara në Maqedoninë Perëndimore
Objektivi kryesor i këtij projekti është rritja e kapacitetit të infrastrukturës ndërkufitare në menaxhimin e ujit përmes planifikimit dhe rehabilitimit të infrastrukturës së furnizimit me ujë të pijshëm duke përmirësuar monitorimin e cilësisë së ujit të pijshëm.

Rezultati i pritshëm i këtij projekti konsiston në përmirësimin e kapacitetit të monitorimit prej autoriteteve rajonale dhe vendore nëpërmjet aplikimit të mjeteve teknologjike me kosto të ulët – vendosjes së sensorëve në infrastrukturat ekzistuese të furnizimit me ujë të pijshëm, me qëllim reduktimin e humbjes së ujit, matjen dhe monitorimin e presioneve të ndryshme të shkaktuara nga njerëzit apo dhe ndryshimet klimatike.

Hartimi i hartave GIS për hartëzimin e burimeve të ujit, furnizimin, presionet dhe kërkesat prej popullatës.

Krijimi dhe përditësimi i një baze të dhënash me qëllim menaxhimin në vijimësi
Një plan veprimi specifik transnacional për parandalimin dhe zbutjen e rreziqeve
Rrjetëzim transnacional për njohjen dhe vlerësimin e presioneve të ujit të pijshëm
Portal për informacion dhe ndërgjegjësim si dhe aplikacion mobile të përdorshëm për qytetarët
Një rrjet SMART sensorësh për monitorimin efektiv të ujit të pijshëm
Veprime pilot me ndërhyrje në infrastrukturën e sistemit të furnizimit me ujë për implementimin e sensorëve në rrjet
Ky projekt për qarkun e Vlorës do të zbatohet në njësinë administrative Novoselë në bashkëpunim me Bashkinë Vlorë, specialistët e njësisë administrative si dhe të Drejtorisë së Ndërrmarjes së Ujësjellësit Vlorë. Për veprimet pilot në sistemin e furnizimit me ujë në Novoselë është planifikuar instalimi i sistemit SCADA, zhvillimi i gjashtë puseve ekzistuese prodhuese, vendosja e sensorëve SMART në këtë sistem si dhe ngritja e një qendre kontrolli e monitorimi me të gjitha pajisjet e nevojshme elektronike për këtë qëllim.

Grupet kryesore të synuara që do përfitojnë nga ky projekt janë: popullsia lokale, administrata rajonale dhe njësitë vendore si dhe turistët.

Në ditën Botërore kundër Trafikimit të Personave, ministria e Brendshme/Zyra e Koordinatorit Kombëtar të Luftës kundër Trafikimit të Personave dhe URAT, një rrjet organizatash të dedikuar luftës kundër trafikimit të qenieve njerëzore, solli për herë të 3-të në Shqipëri, iniciativën globale të Kombeve të Bashkuara për Luftën Kundër Trafikimit – UN Gift Box.

Aktiviteti u lançua në Vlorë, me pjesëmarrjen e zv.ministres Rovena Voda, Koordinatore Kombëtare e Luftës kundër Trafikimit, Artemis Dralo, zëvendësministre për Evropën dhe Punët e Jashtme, si dhe të përfaqësues të Rrjetit URAT, institucioneve lokale anti-trafikimi dhe organizatave kombëtare e ndërkombëtare.

UN Gift Box u soll në gjuhën shqipe nga rrjeti URAT në Shqipëri, për të demaskuar premtimet mashtruese të përdorura nga trafikantë të qenieve njerëzore, si dhe kushtet çnjerëzore të trafikimit dhe pasojat e tij.

Qëllimi i këtij aktiviteti është të sensibilizojnë qytetarët mbi rrezikun e trafikimit, të ndihmojë komunitetet vulnerabël për të mbrojtur veten nga trafikantët dhe të ndihmojë të mbijetuarit/at e trafikimit të marrin informacionin e nevojshëm dhe të ri-integrohen në shoqëri.

UN Gift Box do të qëndrojë e hapur për 3 ditë në Vlorë, duke nisur nga data 30 Korrik deri në 1 gusht 2018, nga ora 18:00-23:00 dhe do të ofrojë për qytetarët informacione nëpërmjet materialeve ndërgjegjësuese, duke qëndruar brenda një kutie simbolike./atsh

Ish-kryetari i Gjykatës së Vlorës, i cili punon prej vitit 2013 në Gjykatën Administrative të Apelit do të përballet të martën me Komisionin e Pavarur të Kualifikimit. Pasuria familjare e tij është rritur me 47 herë nga viti 2003 dhe ka si burim kryesor aktivitetin e bashkëshortes si notere.

Artur Malaj është gjyqtar i Gjykatës Administrative të Apelit prej korrikut të vitit 2013. Ai do të përballet të martën me Komisionin e Pavarur të Kualifikimit, i cili përfaqësohet në këtë proces nga Genta Tafa (Bungo), Suela Zhegu dhe Pamela Qirko.

Artur Malaj ka një karrierë të gjatë në sistemin e drejtësisë. Ai ka drejtuar Gjykatën e Vlorës nga viti 2004 deri në vitin 2013; kur u emërua nga presidenti i Republikës si gjyqtar në Gjykatën Administrative të Apelit. Malaj ka qenë gjithashtu edhe anëtar i Kolegjit Zgjedhor.

Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të gjyqtarit Artur Malaj nga viti 2003 deri në fund të vitit 2017.

Ky raport është prodhuar nga BIRN pas administrimit të deklaratave të pasurisë së këtij subjekti nga Inspektoriati i Lartë i Deklarimit dhe Kontrolli të Pasurive dhe Konfliktit të Interesit, ILDKPKI. Ai ka për qëllim bërjen e transparencës mbi pasurinë e gjyqtarëve dhe prokurorëve që i nënshtrohen procesit të vetingut.

Të dhënat e analizuara nga BIRN tregojnë se gjyqtari Artur Malaj zotëronte një pasuri me vlerë 750 mijë lekë në vitin 2003-viti i parë i deklarimit të pasurisë për zyrtarët e lartë. Referuar deklaratës së tij fillestare, ai kishte 4500 metër katrorë tokë të përfituar nga ligji 7501 dhe ai i kthimit dhe kompensimit të pronave, një automjet dhe 300 mijë lekë kursime në cash.

Në fund të vitit 2017, pasuria familjare e gjyqtarit Malaj rezulton e rritur me 47 herë, duke kapur shifrën 35.5 milionë lekë. Pasuria familjare e zotit Malaj ndahet në 27.9 milionë lekë likujditete në bankë, 7.2 milionë lekë pasuri të paluajtshme dhe një automjet në vlerën e 300 mijë lekëve.

Për periudhën deklaruese 2003-2017, të ardhurat familjare të gjyqtarit Malaj janë 60.8 milionë lekë. Peshën kryesore të të ardhurave e zë aktiviteti i bashkëshortes si notere me 72.4 për qind të totalit. Paga si gjyqtar e subjektit të rivlerësimit zë vetëm 25.3 për qind ndërsa 0.3 për qind e totalit përbëhet nga të ardhurat e siguruara nga mësimdhënia.

Përveç analizës për rritjen/uljen e pasurisë, strukturën e aseteve dhe të ardhurave, ky raport paraqet dhe kontrollin aritmetik/logjik të deklarimeve të subjektit si dhe “flamujt e kuq’ që identifikohen gjatë kontrollit. BIRN kreu kontrollin aritmetik/logjik për 14 vite të deklarimit, nga të cilat njëra prej tyre rezulton me probleme me një shumë të pambuluar prej 1.2 milionë lekësh.

Më konkretisht, në deklaratën e vitit 2014 bashkëshortja e zotit Malaj deklaron hapjen e një depozite bankare në shumën 90 704 euro. Burimi i deklaruar i kësaj depozite është pakësimi i kursimeve në cash ndër vite në vlerën 82 450 euro; por referuar deklarimeve periodike, kursimet në cash llogariten deri në atë moment në rreth 6 milionë lekë.

Gjithashtu, në vitet 2006, 2007 dhe 2008 bashkëshortja e subjektit deklaron likujditete në bankë nga të ardhurat e aktivitetit të saj si notere, por nuk ka shënuar në rubrikën përkatëse sa është fitimi neto nga këto të ardhura.

Për vitet 2005-2017, rezulton se familja Malaj ka siguruar më shumë se 44 milionë lekë të ardhura nga aktiviteti i noterisë.

Duke qënë se ky raport bazohet në të dhëna statistikore të analizuara nëpërmjet një databaze, ai nuk nxjerr përfundime mbi pasurinë e subjektit nëse ajo është e ligjshme ose jo, por mëton të informojë publikun mbi pasurinë e deklaruar të zyrtarit publik nëpërmjet një formati të thjeshtë dhe të kuptueshëm grafik.