Aurora

Kush ishte qyteti shqiptar që dekoroi ish-Presidentin amerikan Roosvelt

Histori / /

Në qytetin e Durrësit është emetuar medalja e parë në historinë e shtetit të ri shqiptar. Ajo i përket periudhës së Princit Vidit dhe njihet si “Urdhri Mbretëror i Shqiponjës së Zezë”. Po nga Durrësi i është dhënë dekorata e parë një personaliteti të shquar amerikan, ish-presidentit Teodore Roosevelt.

Derdhja e dekoratës së parë është bërë nga qeveria e Durrësit në tre kategori metalesh: në ar, argjend dhe në bronz. Ky urdhër i përket datës 26 mars 1914, kohë kur Princ Vidi ndodhej në ushtrimin e detyrës së tij të ngarkuar nga fuqitë e mëdha në qytetin bregdetar.

Po ndërkohë, mësohet se Princ Vidi, mbreti i Shqipërisë krijoi Urdhrin e Skënderbeut (The Order of Skender Bey) gjatë mbretërimit të tij për të lartësuar veprën e heroit kombëtar.

Medalja “Ürdhëri i Shqiponjës së Zezë”, e akorduar nga Princ Vidi, në vitin 1914
Me këtë urdhër ai nderoi tre amerikanë të shquar, miq të Shqipërisë së asaj kohe: Kolonelin Teodore Roosevelt dhe Dr. Layman Abbot për editorialet në gazetën “The Outlook” ku përkrahej çështja shqiptare; si dhe filantropistin Charles Richard Crane.

Pranë Princ Vidit shërbeu kapiteni amerikan Harold Sherwood Spencer, i cili solli dokumentacionin e dekorimeve në SHBA në shtator 1914 me mbarimin e misionit të tij në Shqipëri më 6 gusht 1914.

Lidhur me këtë ngjarje të rëndësishme për historinë tonë, mësohet, duke iu referuar një shkrimi të VOAL, se  janë disa gazeta amerikane (Boston Evening dhe Fitchburg Sentinel të datës 24 shtator 1914; The Washington Times e datës 27 shtator 1914; etj) që e përcollën lajmin e ardhjes së kapitenit Spencer me dekorata për amerikanët e shquar.

Në takimin e 7 nëntorit 1914 në Çikago, me rastin e dhënies së dokumentit të kësaj dekorate të lartë zotit Crane, kapiteni Spencer (sipas gazetës Chicago Examiner, dt. 8 nëntor 1914) midis të tjerash, u shpreh: “Unë jam në Amerikë si përfaqësuesi personal i Princ Vidit, megjithëse mbreti është detyruar të lërë kryeqytetin e Durrësit e të vendoset në Gjermani.

Misioni im është të sjell tre dekoratat e “Urdhrit të Skënderbeut” që është nderimi më i madh që një mbret shqiptar mund të japë. Amerikanët që janë nderuar nga qyteti i Durrësit janë: ish-presidenti Teodore Roosevelt, Dr. Lyman Abbot, editorialisti i The Outlook dhe Charles R. Crane, (president i Albanian Relief Fund), udhëheqës i lëvizjes për krijimin e fondit Shqiptar të ndihmës për mijëra e shqiptarë të uritur.” /tesheshi

Kush ishte qyteti shqiptar që dekoroi ish-Presidentin amerikan Roosvelt Read More »

SHQOPA, PASURIA QË FSHEHIN MALET SHQIPTARE

Shendetesi / /

Shqopa është një nga bimët më popullore të Shqipërisë. Vendi ynë është i bekuar në aspektin e klimës dhe tokës dhe ja përse Shqipëria konsiderohet si vendlindja e kësaj bime që ka veti fantastike sa i përket kujtesës, por jo vetëm. Kjo bimë dhe lulet e saj të bukura ngjyrë rozë, vjollcë dhe të bardha shpesh përdoren edhe si ornamente për zbukurime të ndryshme. AgroWeb ju paraqet disa fakte të panjohura për këtë bimë, e cila nga padija mbeti e famshme në të përditshmen shqiptare nga përdorimi për fshesa cilësore. E vërteta është që kjo bimë është 100 herë më e famshme se aq.

Shqopa është një bimë jetëgjatë. Ajo lulëzon deri në 50 vjet. Në aspektin medicinal, shqopa është një thesar. Ajo është përdorur për vetitë e saj medicinale në shumë kultura dhe breza. Petalet dhe gjethet e saj përdoren gjërësisht për pregatitjen e çajrave shumë të fuqishëm. Ajo është e jashtëzakonshme për të pastruar organet nga toksinat dhe çliruar organizmin nga dhimbjet inflamatore.

E vërteta është që shqopa funksionon pothuajse si Aspirina apo Paracetamoli. Nëse konsumoni çaj shqope do të vini re se lëngu do të zbusë dhimbje të ndryshme. Aktualisht, shkencëtarët po bëjnë një sërë studimesh mbi të mirat që vijnë nga shqopa dhe mendojnë që çaji i luleve të shqopës ka një sërë implikimesh antivirale. Ajo mund të ulë temperaturën dhe luftojë simptomat e të ftohtit dhe gripit.

Çaji i shqopës është përdorur në mjekësinë popullore për qindra, në mos për mijëra vjet. Kjo bimë njihet si pastruese natyrale e sistemit gastrointestinal dhe fshikëzës së urinës. Duke nisur nga trajtimi i infeksioneve të fshikëzës, veshkave dhe mëlçisë dhe deri tek spastrimi natyral i organizmit nga parazitët, çaji i shqopës e bën organizmin “të shkëlqejë nga pastërtia.” Në momentin kur në trup shfaqet një infeksion apo parazit, rekomandohet të konsumoni tre filxhanë çaj shqope në ditë deri sa infeksioni të largohet. Çaji i shqopës jo vetëm që ngadalëson progresin e infeksioneve, por ndihmon organizmin të qëndrojë i shëndetshëm duke përzënë toksinat nga organet. Nëpërmjet këtij veprimi, shqopa parandalon sëmundje më të rënda që e kanë zanafillën nga infeksionet.

Shqopa ka një sërë përbërësish të rëndësishëm që e ndihmojnë atë t’i vijë në ndihmë traktit urinar dhe të zgjidhë problemet që mund të dalin në të. Që në lashtësi kjo bimë konsiderohej si një kurë popullore për këto probleme duke shuar inflamacionin në kanalet e urinës, zgjidhur problemet e prostatës dhe gurëve në veshka. Çaji i pregatitur nga lulet e shqopës është gjithashtu një kurë e mirë popullore për diarenë dhe dhimbjet e stomakut.

Shqopa është përdorur me sukses, veçanërisht në Gjermani për të trajtuar dhimbjet e reumatizmës. Komisioni Federal Gjerman për Bimët Medicinale e ka aprovuar përdorimin e shqopës si bimë me efekte medicinale dhe kurative, sidomos në trajtimin kundër artritit.

Përdorimi i suksesshëm i saj për këto dhimbje i detyrohet një substance që largon acidin e tepërt urik nga organizmi. Sipas të dhënave, shqipa funksionon si antiseptik dhe detoksifikues. Një nga mënyrat më efikase për të trajtur dhimbjet nga artriti dhe reumatizmi është pregatitja e çajit të fortë të shqopës dhe të bërit banjë me të.

Shqopa nëse e konsumoni si çaj njihet edhe si qetësues dhe ndihmon në vënien në gjumë. Por nëse e konsumoni si bimë ose erëz duhet të dini që ajo nxit urinimin. Ndaj është e këshillueshme që mos ta teproni me shqopën përpara se të bini për të fjetur.

Shqopën mund ta përdorni të freskët ose të thatë. Lulet e shqopës që mblidhen në vjeshtë mund të thahen dhe të përdoren për më vonë. Çajin e shqopës mund ta përgatisni me gonxhet e freskëta ose të thata. Ekspertët rekomandojnë 4 lugë lule dhe gjethe të thata në ujë të ngrohtë dhe zierje deri në 15 minuta. Deri më tani nuk ka pasur raportime për efektet anësore të përdorimit të kësaj bime mjekësore./AgroWeb.org/

SHQOPA, PASURIA QË FSHEHIN MALET SHQIPTARE Read More »

Serbët vranë fëmijët në djep. A mund të kemi fqinjësi të mirë me ta? (Video)

Histori, Opinione / /

Shrkuan: Sahide Dedushi

Lufta e vitit 1998-99 mbetët një nga ankthet më të frikshme ndër vite. Ishte  data 28 e muajit shkurt të vitit 1998 që solli netët pagjumë e ditët pa fund. Tanke dhe artileri të rënda u futen brenda në vatrat tona për të mbjell terorrin që me vite po e kujtojmë. Nuk u kursye as fëmija në djep, e as plaku i sëmur gjithçka mori dhenë. Ajo çka ne quanim shtëpi u bë shkrumb e hi.

Për të mos u takuar me agresorin popullata e pafajshme dhe me plotë frikë morën rrugën për tu largua nga e keqja që kishte “kapur” e kishte filluar të zotëronte gjithçka. Fëmijë, gra, burra e të moshuar, disa këmbëzbathur e disa gjysmë të zhveshur lënë pas gjithçka e mbi rrugët  të mbuluara me dëborë u larguan për të jetuar.

Krismat tashmë ishin e vetmja “muzikë” që mund të dëgjoje në çdo hap ndjeje rrezikun dhe e mendoje më të keqen, vaji fëmijëve jehonte në fusha e male.

Kolona të gjata e të stërmbushura ishin pafund sikur ishte bërë një lumë i zi mes fushave e maleve dhe po ecte në një drejtim të panjohur të gjallët me lot në sy e me zemra të bëra copash po varrosnin të vdekurit duke i lënë të pushonin por jo të qetë. Sytë e plakut ishin mbushur me lot e shikimi i ishte mjegulluar nga dhimbja dhe trishtimi teksa po u jepej lamtumira e fundit dëshmorëve të rënë për  lirin e atdheut.

Pikëllimi i kishte “përqafuar” të gjithë asgjë më nuk ishte si më parë, gjithçka ishte rrënuar e futur thellë në netët plotë errësirë. Tashmë kjo gjendje ishte bërë e padurueshme, vazhdimi i shtypjes, vrasjeve, persekutimeve të  popullsisë bindi shqiptarët se vetëm rezistenca e armatosur do ta ndryshonte këtë situatë të tmerrshme e të rënduar.

Si doli në skenë UÇK-ja?

Me datë  22 prill 1996, katër sulme  u ndërmorën ndaj personelit të sigurisë serbe në disa pjesë të Kosovës. Këto sulme u cilësuan si sulme të panjohura, por që sulmet u morën përsipër nga një organizatë e panjohur në atë kohë e quajtur “Ushtria Çlirimtare e Kosovës” (UÇK).

Natyra e  kësaj ushtrie “misterioze” mbetej e panjohur nga ndërkombëtarët. Sulmet e  kësaj ushtrie u shtuan , ku si qendër kishin  luginën e Drenicës në afërsi të vendbanimit të Adem Jasharit.

Por një “bishë” e vendosur ndër male brenda “zemrës” së Kosovës po priste “damarët” e saj, dhe nuk po pyeste apo priste fare të mendonte se fëmija nuk mund të kapte armën dhe ti kundërpërgjigjej ashtu si e meritonte.

Shqiptarët iknin nga Kosova me lot në sy!

Një ngjarje tjetër goditi Kosovën, e cila shkaktoi një irritim të thellë në vendet e perëndimit. 5 marsi i vitit  1998 solli vrasjen masive të 60 shqiptarëve. Tashmë ishte koha që bota të “hapte sytë” e të thoshte ndal.

Karvanë të mëdha me shqiptar ia mësyn jetës së mërgimit, trena të mbushur e të gjithë të vendosur në dritare duke bërë me dorë për të përshëndetur dhe sikur jepnin mesazhin se ata do të ktheheshin, por sapo kjo katrahurë dhe dhimbje të merrte fund.

Lotët rridhnin lum e gjaku tashmë ishte vendosur mbi dhe, duke skuqur çdo gjë e kjo skuqje përfundoi në çdo fytyrë të çdo lideri botëror që nuk po merrte mundin të ndalonte këtë gjenocid që po merrte jetra fëmijësh e po ua ndalte buzëqeshjen, ëndrrat po u a linte në gjysmë.

Lufta u mori gjithçka u mori kujtimet, harenë, shtëpitë, e mbi të gjitha u mori jetët, kthimi më nuk ishte aq i shumë pritur të gjeje të dashurit e tu nëpër rrugë të zbathur e të gjakosur kjo nuk ishte ajo çka ata e pritën.

Sot pas 19 vjetësh akoma i kujtojmë dhe i jetojmë ditët dhe netët plot ankth dhe trishtim.

/infopress/

Serbët vranë fëmijët në djep. A mund të kemi fqinjësi të mirë me ta? (Video) Read More »

Unë Punoj për ( Katolik, Ortodoks, Musliman dhe Bektashi. KOMB)-Nga AMINA NURAJ

Histori, Opinione / /

Amina Nuraj dhe disa shqiptare te tjere te asimiluar gjuhesisht nga Sanxhaku, krahine e dikurshme Shqiptare, tashme e i ndare prej Serbise dhe Malit te Zi, ka nje kohe qe jane mjaft aktiv ne zgjimin kulturor dhe kombetar te shqiptareve te Masbjeshkes.

Megjithese perpjekjet e tyre shumekush i konsideron te vonuara pasi asimilimi eshte shtrire gjeresisht ne gjithe kete krahine fatkeqe shqiptare, perpjekjet qe kjo çeshtje te riaktulizohet jane te paepura dhe zgjojne kersherine e pergjithshme dhe solidaritetin kombetar gjithe-shqiptar.

Nga – Amina Nuraj

Unë nuk i nënshtrohem asnjë komande, unë nuk dëgjoj asnjë, por e bëj atë që unë dua. Kam frikë nga Zoti dhe jo nga njerëz, nuk jam unë fajtore që Zoti më ka bërë kështu e që nuk luaj sipas direktivave të Sërbisë dhe që ajo nuk mund të më blejë as të më trembë si që po bën me politikanët e Sanxhakut!

Unë nuk mund të jem në shërbim të vendit që është fajtor për vdekjen e dajës tim dhe gjyshit tim, por dhe për vdekjen e mijëra e mijëra shqiptarëve të mij nga Kosova.

Unë nuk punoj për vete, po për popull; unë punoj për Flamurin tim dhe për Atdheun tim, për ATDHEUN e BASHKUAR, pa asnjë ndarje (Kosovar, Çam, Shqiptaro-Iliridas) dhe pa dallim përkatësie fetare ( Katolik, Ortodoks, Musliman ose Bektashi, KOMB); bëj vetëm atë që Flamuri dhe Atdheu im të jenë krenarë me mua!

Ajo që unë vendos fotografi historike dhe bëj gjithë këtë që bëj, nuk e bëj për ndonjë popullaritet apo vardisje popullit tim në Kosovë, Shqipëri ose në diasporë, por këto foto i vendos vetëm për popullin e Sanxhakut, për t’ua bërë me dije nga ku rrjedhin dhe çfar’ janë.

Mendoni ju se e ka lehtë një vajzë 20 vjeçare të bëjë punën që u takon politikanëve?! Jo, nuk është aspak e lehtë, por heshtin të gjithë, kurse shtizat thyhen mbi shpinën time, ndërsa kur duhet vlerësuar-kjo bëhet për dikë që me asgjë nuk e ka merituar apo është kundër nesh, Shqiptarëve e jo mua, që jam nën goditje si nga ana e Sërbisë ashtu edhe nga do budallenj analfabetë këtu! Por … nuk ka lidhje, kurrë mos harroni se unë jam më e fortë se të gjithë ju bashkë! /Autore: Amina Nuraj/

Unë Punoj për ( Katolik, Ortodoks, Musliman dhe Bektashi. KOMB)-Nga AMINA NURAJ Read More »

“I shiti naftën Millosheviçit”, Berisha i përgjigjet akuzave: Plani për vrasjen time dhe të…

Intervista / /

Ish-kryeministri dhe ish-presidenti, Sali Berisha i ësjtë përgjigjur akuzave të Presodentit të Kosovës, Hashim Thaçi, se ka bërë pazare me Milloshevicin në kohën e luftës, apo ka strehuar Arkanin në Shqipëri.

“Nuk ka mjerim më të madh se të përpiqesh të pastrosh fytyrën me të lanat e kuzhinës së Beogradit, kjo është e vetmja përgjigje që kam”, është shprehur Berisha.

I pyetur nëse “ka pasur plan për vrasjen edhe tuajën edhe të Ibrahim Rugoves”, Berisha u përgjigj:

Preteksti ishte ky, i ndjeri President refuzoi të vendosë kurorë te varri i Enver Hoxhës, dhe natyrisht tregoi menjeherë anësimin drejt forcave demokratike. Dokumenti thotë se ushtarët e gardës donin t’i vrisnin. Pse nuk jemi vrarë ajo është punë tjetër. Po ky është dokumenti.

Pjesë nga Intervista

Ermal Panduri: Z. Berisha më lejoni të ju lexoj dicka për këto reagime që  vju I bëni ka pasur një reagim  nga presidenti Thaqi: “Institucioni  I Republikës së Kosovës sot më së paku i duhen këshillat e të  dëbuarve me votë massive nga skena politikek, vecanërisht atyre të viteve 92- 97. Tregtonin dhe bënin që me punë të pista të mbijetonte makineria ushtarake dhe policore e kasapit të ballkait Sllobodan Millosheviq. Ata duke mbushur xhepat e tyre u kujdesën me devotshjëri qëme rezervuarët e tankeve dhe autoblinadve të jenë të mbushura plot përkundër faktit se Bashkësia Ndërkombëtare kishte vënë sanksione kundër Millosheviqit. Nuk i duam këshillat e atyre që strehuan Binlladenin vrasësin e civilizimit botëror…..dhe Arkanin vrasësin shqiptarëve të Kosvës. Nuk I duam këshillat  e atyre që burgosën komandanin legjendar Adem Jashari si dhe komandantë të shquar si Fehemi Lladrovci, Zahir Pajaziti dhe UCK e etiketuan si terroriste. Këta që  sot kundërshtojnë  vullnetin e shqipëtarëve të Preshevës, Bujanovcit e Medvegjës përv bashkim me Kosovën janë të njejtë që presidenti Rugova për së gjalli  nuk I lejoi  ta shkelin tokën e Kosovës. Këshillat e tyre I takojnë kohës së turpit  të historisë shqiptare.

Z. Sali Berisha: Nuk merrem absolutisht me çështje personale dhe komente personale por në respekt të qytetarëve të Kosovës unë duhet të shpjegoj sa vijon.

 

Në vitet 92 – 97’, Shqipëria, në një përballje të fuqishme në arenën diplomatike botërore mposhti Serbinë në mënyrën më përfundimtare, Në këtë kontekst, në jetë  mbas viteve 90 dy armiq kam pasur. Njëra ishte Enver Hoxha dhe enveristët sepse atyre ju shemba pushtetin, bashkë me bashkëpunëtorët e mi dhe popullin shqiptar, parajsën që kishin ndërtuar mbi ferrin e shqiptareve,  dhe Sllobodan Millosheviqi, I cili e pa  veten te humbur në cdo forum ndërkombëtar me dokumenta dhe ligje ndërkombëtare. U përpoq të bëjë gjithçka ndaj meje sikur unë u përpoqa të bëj gjithçka ndaj tij. Kjo është e vërteta. Tani një nga ato përpjekjet e tij ishtn shpifjet dhe shpikjet për Bin Ladenin sepse duhej që Shqipëria, për shkakt të bësimit fetar të racizmit te tyre ndaj myslimanëve, të paraqitej  si një strofull…. Në atë kohë kur Millosheviqi I shtronte keto teza Shqipëria ishte, dhe fatmirësisht ka dokumenta,  nga vendet që luftonte me suksesin m ëtë madh terrorizmin  ndërkombëtar, për këtë te sygjeroj te lexosh Neë York Times e asaj kohe, Herald Tribune,  Los Angelos Times etj etj

 

Ermal Panduri: Pra Thaqi po shërbehet me të pavërtetat e  Millosheviqit.

Sali Berisha: Pra Shqipëria, thonë shërbimet partnere, dha kontribut, duke më cituar dhe mua “kardiologu Berisha” më shumë se cdo vend tjetër  ish komunist dhe vendet tjera. Në vitet 2005- 2013 Shqipëria ka pasur disa nga bashkëpunimet më sensitive  qoftë në shërbimin informativ të shtetit qoftë me shërbimin e ushtrisë, me shërbimet  e partnerëve tanë  më të mëdhenj, operacione dhe veprime nga më sensitivet, dhe ështe anëtare e NATO-s. Tani kjo është e vërteta sa i përkket Bin Ladenit  të krijuar në Beograd.

…

Ermal Panduri: Keni pasur një takim me Bullatoviqin në vitin 1993 në shtator të vitit 1993..

Sali Berisha: Po

Ermal Panduri: Dhe ka kërkuar lehtësira për…

Sali Berisha: Jo, nuk ka kërkuar, jo ata nuk kanë kërkuar absolutisht domethënë ata erdhën të trembur, të thëm të vertëtën tashti,  erdhën më shumë për një fqinjësi të mirë por, tashi mos te hy ne atë s se i kam prit si zot shpie, por ata, jo ata nuk kërkuan naftë.

Ermal Panduri: Nuk kërkuan naftë?

Sali Berisha: Jo nuk kërkuan naftë… absolutisht, asnjëherë, është Milo gjallë tani, se sdi ku është Bullatoviqi, nuk kanë kërkuar, kanë ardhur  me Milon, kanë qenë te dy bashkë, por s’kanë kërkuar naftë.. dhe nuk kanë kërkuar. kemi kapur një tanker që e fusnin në liqenin e Shkodrës, ia kemi shkatërruar kontrabadistëve dhe kjo është e gjithë legjenda. Ato janë në OKB, në qoftë se Shqipëria shkelte embargon, në mënyrë të vullnetshme, Shqipëria vendosej nën sanksione, por Shqipëria ka luftuar me eficëncë kundër kontrabandës dhe respektimin e embargos, kontrabandën zero nuk e ka asnjë vend i botës.

Ermal Panduri: A keni dështu me kontrollu pra edhe ato tanket që kanë hy.. a

Sali Berisha: Tanket… Jo i kapëm ne,

Ermal Panduri: I kapët?

Sali Berisha: I kapëm ne, se cfarë të bënë këta? Ngaqë se kalonin dot në pikat e doganave, kishin ndertuar tanker të mëdhenj edhe i kalonin nën ujë, i tërhiqnin me gomone.. I kapëm, nuk kishim ne mjete siluruese apo mjete ushtarake në liqenin e Shkodrës, por gjetëm mundësi i kapëm dhe i asgjesuam.

Ermal Panduri: A keni zhvilluar takim në Shkodër me Arkanin në vitin 1992?

Sali Berisha: S’kam zhvilluar kurrë takim me asnjë serb, asnejherë, përvec takimeve ndërkombëtare. Kjo është e verteta.

Ermal Panduri: A është treguar Arkani gjatë kohës

Sali Berisha: Ky është vetëm një trillim i kuzhinës së shërbimeve të fshehta serbo- shqiptare qe bashkëpunojnë bashkë. Arkani të strehohej, po pse të strehohej Arkani, Arkani vriste e priste në Kosovë, pse, si do strehohej Arkani?

Ermal Panduri: Te komenti Thaçit thuhet qe është strehuar edhe Arkani..

Sali Berisha: Tani zotëri, do flas e do e mbyll unë këtë punë por kurrën e kurrës. Kurrë ndonjëherë. E kam dëgjuar për herë të parë këte shpifjë, mund të ketë 5-6 vjet, që i është thënë kjo gjë dikujt, dhe une kam ngel ë.., kurrë s’mund të vintë. Ai ishte njeriu më gjakësor në Kosovë, dhe si, kush mund të… Duhet të jesh shum naiv dhe të mendosh se ai mund të kërkonte shpëtim në Shqipëri ose strehë në Shqipëri. 

Ermal Panduri: Zotri Berisha, si u ndjetë personalisht kur I lexuat të gjitha këto komente të zotëri Thacit. Dua një përgjigjjë, pa aspak diplomaci dua ndjenjë personale tuajën

Sali Berisha: Absolutisht nuk kam asnjë lloj gjë personale, e vetmja gjë që dua të them është, dy gjëra janë.

Së pari Sali Berisha nuk i ka dhënë këshilla kujt, se këshilla u jap atyre që kërkojnë, kush më kërkon këshillë i jap mendimin. Sali Berisha ka bërë denoncime. Ato cka unë kam publikuar ato janë denoncime. Këshillat janë për zotin Mustafa, që erdhi në takim dhe une diskutova me shumë preokupim për gjendjen e shqiptarëve në luginë, diskutuam, i thashë se në shtator do marr nismën që të kemi një zë në buxhetin e Shqiperisë për luginën, uroj që edhe Kosova ta merr një të tillë, se u takuan dy qeveritë dhe dhanë nga 50 mijë euro, u këputën, dhanë 50 mijë euro për Preshevën, që ishte qesharake.. dhe pjesët e tjera natyrisht janë që të gjitha denoncime dhe nuk kanë lidhje fare me këshilla. 

Së dyti, për sa i përket të gjithë këtyre të tjerave, nuk ka mjerim më të madh se të përpiqesh të pastrosh fytyrën me të lanat e kuzhinës së Beogradit, kjo është e vetmja përgjigje që kam. /korrieri

“I shiti naftën Millosheviçit”, Berisha i përgjigjet akuzave: Plani për vrasjen time dhe të… Read More »

Sot rrezikoni shumë nëse dilni nga shtëpia, ju lutemi merrni masa se…

Aktualitet / /

Kulmi i të nxehtit arrin të mërkurën me mbi 39 gradë dhe vazhdon deri të premte’, tha sinoptikanja Tanja Porja.

Të mërkurën i nxehti përvëlues përfshin territorin e vendit tonë. Meteorologët parashikojnë temperatura mbi 39 gradë Celsius të matura këto në hije.

Ndaj mjekët këshillojnë një kujdes të veçantë sidomos për të moshuarit dhe fëmijët për të shmangur daljet në mesditë dhe po kështu të bëjnë kujdes me kondicionerin, si dhe të rishikojnë tek mjeku dozat e medikamenteve, sidomos të sëmurët kronikë.

Meteorologët thonë se i nxehti përvëlues të na shoqërojë deri në fundjavë, dhe se temperaturat e larta do të regjistrohen edhe në zonat malore ku në Kukës termometri do të shënojë mbi 36 grade Celsius.

Sot rrezikoni shumë nëse dilni nga shtëpia, ju lutemi merrni masa se… Read More »

Rreziku nga zjarret, Ministria e Mbrojtjes në gatishmëri me kapacitet të plotë

Aktualitet / /

Ministria e Mbrojtjes, përmes Forcave të Armatosura e Drejtorisë Operacionale të Drejtim Komandimit të Emergjencave Civile është në gatishmëri të plotë për të përballuar çdo emergjencë që mund të vijë nga shkaqe natyrore.

Drejtoria e Emergjencave Civile ka qenë këto ditë në kontakt të drejtpërdrejtë me specialistët e Emergjencave Civile në Prefektura, me stacionet e MZSH-së në bashkitë e qarqeve, drejtuesit dhe përfaqësuesit e Njësive të Qeverisjes Vendore, si dhe me pika të tjera të kontaktit në nivel qendror dhe vendor. Nga parashikimet e marra edhe nga IGJEUM, (Instituti i Gjeo-shkencave, Energjisë, Ujit dhe Mjedisit), në të gjithë territorin e vendit nuk ka pasur ngjarje të jashtëzakonshme apo premisa për ndodhjen e tyre.

“Së bashku me Forcat e Armatosura, do të jemi në ndihmë të strukturave të pushtetit vendor, për të ndihmuar në rast të situatave të zjarreve. Edhe një herë i bëj apel qytetarëve, të bashkëpunojnë, që të shmangim pasojat që mund të sjellin fatkeqësi të ndryshme, veçanërisht në këto ditë të nxehta si edhe të rrisin përgjegjësinë e tyre individuale. Çdo veprim abuziv, i kryer nga pakujdesia apo me paramendim ndëshkohet me ligj”, deklaron ministrja e Mbrojtjes, Olta Xhacka.

Këtë vetë Forcat e Armatosura kanë rritur edhe kapacitetet për shuarjen e zjarreve gjatë këtij sezoni veror. Helikopterët Cougar të Forcës Ajrore janë pajisur me kova të posaçme për shuarjen e zjarreve, me kapacitet 2500 litër secila./atsh

Rreziku nga zjarret, Ministria e Mbrojtjes në gatishmëri me kapacitet të plotë Read More »

Ambiente të reja sportive për të rinjtë në Çermë të Sipërme/Foto

Aktualitet / /

Bashkia e Divjakës po vijon punën për rehabilitimin e të gjitha hapësirave dhe pronave të përbashkëta, për t’i vënë ato në funksion dhe në shërbim të komunitetit.

Një ndër investimet e fundit është fusha e sportit në Çermë të Sipërme, e cila deri dje ka shërbyer vetëm për të kullotur rosat dhe patat.

“Sot ajo është rehabilituar tërësisht është bërë nivelimi, rrethimi i perimetrit me rrjete si dhe sistemi i kullimit”, bën të ditur bashkia e Divjakës.

Sipas bashkisë, kjo fushë sporti do të shërbejë për të gjitha aktivitetet e shkollës së këtij komuniteti, por jo vetëm, ajo do t’i shërbejë të rinjve për veprimtari sportive në kohën e lirë.

/atsh

Ambiente të reja sportive për të rinjtë në Çermë të Sipërme/Foto Read More »