Aurora

Në mesnatën e 29 nëntorit 2000, 3 vjet pasi u çua në opozitë me dajak popullor, duke lënë pas Shqipërinë e shkrumbuar dhe 3000 viktima, 2 vjet pas tentativës për “Grusht Shteti”, për të rimarrë pushtetin me sulm të armatosur e djegie institucionesh më 14 shtator 1998, duke përdorur arkivolin me trupin e Azemit dhe 2 muaj pas zgjedhjeve lokale të tetorit 2000, “trimi” Sali Berisha inskenoi dhe realizoi një trazirë tjetër në Tropojë, me pasojë djegien e institucioneve të shtetit dhe vrajsen e vëllait të Sali Lushajt, me porosi të Ilir Metës (kryeministër), i cili dekoroi e shpërbleu me 10 milionë lekë, oficerin që vrau Syl Lushajn.

Për trazirat e ndodhura në Tropojë në muajin nëntor 2000, por edhe për vendosje tritoli nëpër makina, banesa, biznese e shtylla elektrike të tensionit të lartë, Ilir Meta akuzoi Sali Berishën si organizator, financues dhe nxitës të tyre dhe urdhëroi ish-Ministrin e Brendshëm Ilir Gjoni, të arrestonte Sali Berishën, urdhër të cilin ai e zbatoi në mesnatën e datës 29 nëntor 2000, duke e ndaluar para selisë së PD, duke e nxjerrë zvarrë nga makina e prangosur.

Se përse u arrestua Sali Berisha menatën e datës 29 nëntor 2000, se cili ishte urdhëri i saktë i Ilir Metës kryeministër, se çfarë qëllimi u realizua me atë prangosje dhe çfarë ndodhi pas zinxhirosjes e lëshimit të shkatërrusit të Shqipërisë, sqaron dëshmia e Veli Myftarit e datës 18 korrik 2013, ish-Drejtor i Policisë Tiranë në kohën e prangosjes së Berishës./Pamfleti.

Veli Myftari: Ka ndodhur mesnatën e 29 nëntorit të vitit 2000. Në Tropojë, forca të pakontrolluara, banda të armatosura që nxiteshin direkt apo indirekt nga opozita, kishin nisur terrorin me armë.

Nën kërcënimin e breshëritë e armëve, dogjën godinën e komisariatit të policisë, ku pati dhe viktima. U dogjën godina e gjykatës, prokurorisë, etj.

Qyteti ishte nën terror. Policia kishte informacione të sigurta për personat e forcat politike që qëndronin prapa apo në mbështetje të plotë të këtyre akteve kriminale.

Me ish-kryeministrin Ilir Meta kam pasur kontakte telefonike për ngjarjen në fjalë.

Më përpara erdhi në zyrën time Bilbil Mema dhe më vuri në dijeni për situatën, po bëhej shoqërimi i Sali Berishës dhe shoqëruesve të tij, përfshi dhe deputetë.

Në atë kohë, lideri i opozitës dhe disa deputetë të saj, ishin pa imunitet, pasi ua kishte hequr parlamenti.

I fundit që kontaktova në telefon e mora porosi, ishte kryeministri Ilir Meta.

Porosia ishte: Ti bëja të qartë Sali Berishës se shoqërohet në polici për shkelje të rënda e të përsëritura të ligjit, për zhvillimin e mitingjeve pa leje që tensiononin situatën e shkaktonin ngjarje të rënda!

Bashkë me të, ishte dhe Edi Paloka. Paloka, u shoqërua dhe u la i ulur në një karrige në korridorin e katit të dytë, nën shoqërimin e policisë. Ndërsa Sali Berishën e futëm në dhomën përkatëse.

Unë, pasi kisha mbaruar telefonatat e fundit me eprorët, u futa në mjediset ku ishte Berisha, për të kontaktuar me të dhe sipas urdhërit që më dha Ilir Meta, për t’i bërë të qartë zyrtarisht shkakun e shoqërimit në polici. Berisha ishte shumë i acaruar për shoqërimin në polici, por dhe shumë i tronditur dhe përgjigjej i tensionuar, duke akuzuar kryeministrin Ilir Meta dhe Ministrin e Brendshëm Ilir Gjoni. Pasi mbaruan procedurat, Berisha u la i lire dhe theksoj këtë fakt: Pas arrestimit dhe pas lirimit të Sali Berishës, për një kohë të gjatë Shqipëria ra në qetësi të plotë, nuk pati as ngjarje të rënda, as tritol në shtyllat elektrike, as vrasje e as protesta të dhunshme.

Deklarim i policit dezhurn, që “bëri hyrje” Sali Berishën, në dhomën me portë hekuri:

“E pashë Sali Berishën kur e sollën dhe e futën pas portës së hekurt. Mbaj mend, një kolegu im pështyu përtokë kur kaloi Berisha, por të them të drejtën, unë ndjeva mëshirë kur e pashë që ishte drobitur krejt.

Nuk dukej si Saliu i mitingjeve, ishte zverdhur, mbledhur kruspull dhe strukur në karrigen pas hekurave, dukej i trullosur, i pa përqendruar, ndërsa tek hyrja e drejtorisë qëndronte Liri Berisha me disa persona, të cilët kishin në duar çanta me veshje, batanije e ushqime, bashkë me të ishte dhe Jozefina Topalli”./korrieri

Kjo pamje në foton me poshte dhe me lart, nuk është as në Austri apo Gjermani, nuk është as në Spanjë, Skoci, apo Suedi, por është në Shqipëri. Foton dhe pershkrimin e ka publikuar se fundmi ne rrjetet sociale gazetari i njohur i ekranit shqiptar Denis Dyrnjaja, i cili shkruan:

“Është thjeshtë një mrekulli. Kjo mrekulli quhet Curraj i Epërm, një pikëtakim me Thethin dhe Valbonën. Është si një pikë uji në Oqean, kur mendon se kështu duhet të ishte 80% e Shqipërisë sikurse është 80 % e Bavarisë.

Po gjermanët “idiotë” i ruajtën pyjet, ndërsa ne të “zgjuarit” i zhdukëm. Çuam beton edhe në Valbonë, masakruam pyje e lumenj.

Pasi shtruam gjithçka poshtë me beton, tani kemi filluar te veshim edhe qiellin me beton, në vend që ta mbanim stolisur me pisha, ah, bredh, frashër e lis. Curraj i Epërm kaq madhështor, kaq i bukur dhe kaq jetësor.

Si një pikë uji e freskët në shkretëtirën më të re në Europë me emrin Shqipëri.

Shumë udhëtarë që kanë hyrë apo dalë nga vendi përmes Portit të Durrësit kanë rënë pre e një grupi mashtruesish që shesin policia sigurimi për automjete, por që janë të

Sipas policisë, udhëtarët nuk duhet të presin polica sigurimi për automjete nga persona të paautorizuar dhe të pa liçensuar, pasi janë identifikuar një grup që mashtronte udhëtarët duke falsifikuar letrat me vlerë, polica sigurimi.

Policia Kufitare paralajmëron të gjithë qytetarët që udhëtojnë drejt vendit tonë me tragete të ndërgjegjësohet e të mos bien pre e mashtrimeve.

Njoftimi

Një grup personash mashtrojnë udhëtarët duke falsifikuar letrat me vlerë, polica sigurimi. Drejtoria Rajonale për Kufirin dhe Migracionin Durrës nisur nga rastet e shumta të konstatuara ditët e fundit nga ana e Kontrollorëve gjatë kontrollit të dokumentacionit të automjeteve me targa të huaja që hyjnë në Portin e Durrësit, këshillon të gjithë udhëtarët që të kenë kujdes.

Nuk duhet të presin polica sigurimi për automjete gjatë kohës që udhëtojnë në traget, nga persona fizikë, të pa autorizuar dhe të pa liçensuar duke ofruar shërbimin në dorë dhe jo pranë një zyre agjensie ligjore për këtë shërbim.

Nga data 01.07.2018 – 08.08.2018, në kuadër të rritjes së masave të kontrollit nga ana e Specialistëve të Policisë Kufitare Durrës është bërë e mundur bllokimi i një sasie të konsiderueshme polica sigurimi të parregullta, 30 raste janë proceduar. Tregoni kujdes dhe mos u mashtroni. Për çdo shqetësim jeni të lutur të telefononi në numrin pa pagesë 112 pasi Policia e Shtetit është 24 / 24  në 7 ditë të javës në shërbimin tuaj.

Policia e Shtetit ka nisur një fushatë për nxitjen e vajzave që të aplikojnë për t’u bërë pjesë e forcave të rendit. Arsela, e cila është pjesë e “Shqiponjave” thotë se, nuk është i vërtetë miti se policia nuk është punë për femra.

Sipas saj, këtë vit ajo dhe skuadra e saj kanë kapur në flagrancë 8 persona që po qarkullonin në kryeqytet armë zjarri pa leje si dhe kanë ndaluar 35 persona të kërkuar nga drejtësia.

Postimi i Arselës:

Mirëmëngjesi nga Policia e Shtetit! Jam Arsela, një nga “Shqiponjat” e Tiranës. Në pamje të parë, të jesh pjesë e forcave speciale nuk është një punë për femra, por po ja dalim më së miri.

Këtë vit kapëm në flagrancë 8 persona që qarkullonin në kryeqytet me armë zjarri pa leje si dhe ndaluam 35 persona të kërkuar nga drejtësia. Telefono falas 112, Policia e Shtetit 24/24 në shërbimin tuaj!