Aurora

Qytetarët njëzëri pas masakrës së Selenicës: Të rikthehet dënimi me vdekje! (VIDEO)

Aktualitet, Opinione / /

Masakra e Selenicës ka rikthyer debatin nëse duhet ashpërsuar legjislacioni për personat që kryejnë krime monstruoze. “News24” mori mendimin e qytetarëve, të cilët kërkojnë rikthimin e dënimit me vdekje në Shqipëri.

“Duhet të jetë dënimi me vdekje. Çfarë është kjo? Armëmbajtje pa leje që të bëjnë pazar, gjykatësit dhe prokurorët? Nuk e shef se çfarë po bëhet për vendimet në drejtësi. Duhet të jetë sepse nuk do guxonin të merreshin me shumë gjëra. Jo, pse do riktheheshe ne diktaturë, do e mbash derën pa çelës… Unë kështu mendoj dënimi me vdekje duhet te jetë kapital, është problem tjetër nëse nuk duan qeveritarët, atëherë ata e kanë problemin e familjeve te tyre”, thotë një qytetar.

Çfarë thonë qytetarët e tjerë:

“Unë atë të masakrës së Selenicës e dënoj me vdekje”.

“Këtu duhet të ketë ligj me pushkatim dhe varje, pse Amerika nuk e heq për vete duhet të jetë për kriminelët”.

“Ndëshkime të rënda duhet të ketë për monstra të tilla”.

“Atë ta dënosh me vdekje, është një masakër që s’ka bërë vaki ndonjëherë në botë, s’më ka zënë gjumi për atë fëmijë 6 vjeç dhe vajzën 17 vjeç”.

A duhet ashpërsuar legjislacioni për armëmbajtjen pa leje?

“Po, 10 vjet, 20 vjet”.

“Absolutisht, duhet të veprojë shteti dhe në mënyre sa më urgjente. Nuk ka bërë vaki në Shqipëri të vriten 8 persona nga një pjesëtar i familjes, nga një gen, nga një gjak, e jashtëzakonshme”.

“Për mua ata që kanë armë janë kriminel, për çfarë e mbajnë armën ata? Për të vrarë, për të vjedhur”.
“Duhet te ketë dënime më të ashpra, me varje… s’duhet të ekzistojë arma fare”.

“Ata që mbajnë armë të futen brenda”.

“Duhen dënime maksimale fare pa gjykata fare, jo të paguajnë lekë e të dalin, 15 vjet, 20 vjet, 15 vjet burg”.

Pasiguria për jetën është arsyeja kryesore sepse shqiptarët kërkojnë rikthimin e dënimit kapital.

“Kam frikë, për fëmijët më tepër”.

“Nuk ndihem shumë i sigurtë, dita ditës po e shohim çfarë bëhet”.

“Jo, fare…”

“99 përqind nuk ndihem i sigurtë”.

“Në Shqipëri? Jo! Me tepër jashtë shtetit, madje më shumë siguri ka në Kosovë se në Shqipëri”.

“Çdo gjë mund të ndodhë, kalon një i çmendur në rrugë dhe të vret, si të ndihesh i sigurt, nuk ka asnjë shpresë”.

Dënimi i fundit me vdekje në Shqipëri, u aplikua në maj të vitin ‘92, për masakrën e Libofshës. Dy vëllezër u varën publikisht në mes të qytetit, pasi ekzekutuan gjatë një grabitje me armë 5 anëtarë të një familje mes tyre edhe një foshnje 8-muajshe. Edhe pse nuk pati më dënime kaq të rënda, dënimi me vdekje u shfuqizua nga legjislacioni shqiptar në vitin 2000 pas nënshkrimit të Konventës Evropiane për të Drejtat e Njeriut./news24

Qytetarët njëzëri pas masakrës së Selenicës: Të rikthehet dënimi me vdekje! (VIDEO) Read More »

Punonjësi i sigurisë dhunoi udhëtarët me tabela sinjalistike, flet italiani pas tmerrit në Portin e Durrësit: Do ta padisim kompaninë GNV!

Aktualitet / /

Pas ngjarjes së papreçedentë të ndodhur dje në portin e Durrësit, ku dhjetëra pasagjerë të linjës Bari-Durrës kanë qëndruar me orë të tëra në pritje të tragetit të kompanisë GNV dhe askush nuk u kthente përgjigje për vonesën, pasagjeri italian Enzo Ricco ka zbuluar për Faxnews, edhe tmerret që ka përjetuar.

Në lidhje me Skype, Ricco zbulon edhe sesi nisi sherri  që bëri bujë në të gjitha mediat, ku udhëtarët u përplasën me personelin e sigurisë së GNV.

Siç rrëfen ai, udhëtarët pas pritjes së gjatë në temperatura të larta, nuk patën asnjë informacion nga ana e personelit të kompanisë GNV.

Ricco zbulon se vonesat dhe kaosi kishin mbi tre ditë që shoqëronin kompaninë GNV, jo vetëm në portin e Durrësit, por edhe në Bari, dhe pa informuar udhëtarët që diçka e tillë do të ndodhte.

“Ishte diçka që nuk shkonte. Askush nuk po na jepte informacion se çfarë po ndodhte. Na dërguan në një anije tjetër dhe më pas na zbritën dhe informacionet mungonin.

 Kemi kërkuar informacione te kompania GNV dhe na thanë që anija do të nisesj normalisht. Kishte familje me fëmijë dhe të moshuar dhe ne kërkonim informacione. Dhe në pyetjet tona mjaft miqësore, kishte  reagim të ashpër dhe ofendime nga ana rojeve të sigurisë.

Na thanë që kjo vonesë vijon prej tre ditësh, që nga Bari dhe në Durrës, dihej që anijet nuk mund të niseshin dot në orar”, u shpreh ai për Faxnews.

Duke komentuar  edhe incidentin, që qarkulloi përmes një video në rrjetet sociale, ai u shpreh se e gjitha ngjarja nisi si pasojë e ofendimëve nga ana e personelit të sigurisë së kompanisë GNV, të cilët nuk morën parasysh se mes të prezentëve kishte fëmijë, gra dhe të moshuar.

“Pasgjerët nuk thanë asnjë fjalë ngacmuese. Rojet e sigurisë filluan të flisnin me fjalë të pisëta dhe të na kërcënonin. Një roje mori sinjalistikat dhe filloi të na gjuajë. Pas incidentit filluan të silleshin mirë ushqimet dhe pijet ishin falas. Një pasagjer që u konfliktua u thirr nga stafi i anijes” u shpreh ai.

Pavarësisht se ngjarja zgjati mbi 35 minuta, policia siç zbulon Ricco ndërhyri me vonesë.

“Policia erdhi me vonesë, kërkuam ndërhyrjen e policisë që nga fillimi por ata erdhën me vonesë. E gjithë sherri ka zgjatur 35 minuta, më pas policia ka ardhur me vonesë. Është e panejoshme që të ndodhte diçka të tillë”, u shpreh ai.

Ndër të tjera, shtetasi italian zbulon se nuk do të mungojë një padi kundrejt kompanisë GNV, e cila tentoi edhe t’ia hedhë fajin shqiptarëve për incidentin, ku në fakt ishte përgjegjësi e personelit.

“Të gjithë personat që kemi njohur këtu ishin shumë të komunikushëm, kjo ishte e panevojshme.Kjo nuk kjo ka lidhje me Shqipërinë. Kompania tentoi t’ia hedhi fajin shqiptarëve nuk është e vërtetë. Do ta padisim kompaninë GNV”, tha Enzo Ricco./faxnews

 

Punonjësi i sigurisë dhunoi udhëtarët me tabela sinjalistike, flet italiani pas tmerrit në Portin e Durrësit: Do ta padisim kompaninë GNV! Read More »

Fotogaleri/ Vendet më misterioze në botë, që janë të ndaluara rreptësisht të vizitohen

Kuriozitete / /

Fotoja e parë i përket bankës më të madhë të farave të bimëve në Norvegji. Ajo është ndërtuar si bunker, kushton 39 euro dhe mund t’i rezistoje termetit apo një lufte nukleare.

Fotoja e dyte lidhet me ishullin e Veriut Sentinel në Indi është e ndaluar kategorikisht për turistët. Dy peshkatarë që zbritën gabimisht në këto brigje janë vrarë nga banorët indigjenë.

Më pas vijohet me Portën e Plutonit në Turqi, Metroja 2 në Rusi e ndërtuar gjatë kohës së Stalinit është gjithashtu e ndaluar të përdoret nga banorët në atë zonë. Shpellat e Lascaux, Francë janë një tjetër mrekulli që nuk mund të vizitohet. Ishulli i Poveglias në Itali që po shkatërrohet nga erozioni është po ashtu I ndaluar.

Një foto tjetër flet për ishullin e Queimada Grande, në Brazil që ndryshe njihet edhe si ishulli i gjarpërinjve. Nuk lejohet gjithashtu në Fukushima Japoni. Mauzoleumi i Perandorit të Parë, Kinë është gjithashtu i ndaluar për tu vizituar.

Së fundmi, vijnë si të ndaluara edhe arkivat sekrete të Vatikanit që mbajnë një mijë vjet dokumente në 53 mijë rafte, të rreshtuar përgjatë 80 kilometrave të ndara në dy kate.

banka e farerave te bimeve Norvegjiishulli Indi dyPorta e Plutonit tremetroja kater Rusishpellat pese Franceishulli i Poveglias gjashteishulli i gjarperinjve shtatefukushima tete ja;ponimauozelumi nenete Kinaarkivat dhjete Vatikanishulli i mallkuar

Fotogaleri/ Vendet më misterioze në botë, që janë të ndaluara rreptësisht të vizitohen Read More »

Kryesore, Politike Sali Berisha ka firmosur e çuar në prokurori 28 dosje krimesh të Ilir Metës-kryeministër më 1999-2000, por asnjë nuk u hetua

Aktualitet / /

Prokuroria po nxjerr nga “sënduku” dosjet (RE)LIKE, i kanë kërkuar agjencitë e huaja anti-korrupsion
JA DENONCIMET, OBJEKTI DHE NUMRI FAQEVE PËR SECILIN

  1. Denoncues me shkrim Sali Berisha, dosje me 29 faqe: Kryeministri Ilir Meta, ka punësuar në polici 35 persona në kërkim nga drejtësia për krime të rënda ekonomike e njerëzore, 4 nga të cilët në poste drejtuese dhe gjithashtu 124 të tjerë në sektorët e krimit, të skeduar si “persona me precedentë e aktivitet penalë në hetim”.

  2. Denoncues me shkrim Sali Berisha, dosje me 17 faqe: Kryeministri Ilir Meta, ka blerë 31 pasuri të patundëshme, duke përdorur kryeadministratorin e firmave piramidale Farudin Arapi, të cilit i ka firmosur zhdukjen e dosjes së 1.2 milionë dollarëve që ka përfituar nga këto firma nëpërmjet motrës së tij Pranvera Arapi, shoqërisë “Iniciativa Turistike Mimoza” shpk, në bashkëpronësi 40% me firmën piramdiale “SILVA”.

  3. Denoncues me shkrim Sali Berisha, dosje me 11 faqe: Zv/Kryeministri Ilir Meta, urdhëron tërheqjen nga banka dhe zhdukjen pa adresë, të 500 mijë USD taksë solidariteti e policisë, mbledhur në pikat e kalimit të kufirit.

  4. Denoncues me shkrim Sali Berisha, dosje me 22 faqe: Kryeministri Ilir Meta, firmos dokumentacion fals, për të ligjëruar zhdukjen e 530 milionë lekëve donacione në Ministrinë e Punës, akorduar për politikat kombëtare të nxitjes së punësimit.

  5. Denoncues me shkrim Sali Berisha, dosje me 43 faqe: Kryeministri Ilir Meta, ka zhdukur me firma e vula tenderash fiktive, 13 milionë dollarë të rikonstruksionit të rrugëve në akset Tiranë-Durrës dhe Fushë Krujë-Elbasan.

  6. Denoncues me shkrim Sali Berisha, dosje me 8 faqe: Kryeministri Ilir Meta, firmos vjedhjen prej ortakëve të tij, të 200 mijë ton grurë dhe 100 mijë ton vaj ushqimor ndihmë e SHBA, duke plotësuar dokumente false që në Portin Durrës, me proces-verbal fals, sikur u hodhën në det si “mall i skaduar”.

  7. Denoncues me shkrim Sali Berisha, dosje me 19 faqe: Kryeministri Ilir Meta, ka vjedh 250 milionë lekë nga buxheti i shtetit, realizon blerje false vagonësh austriakë, te cilët janë kategoria “skrap”, firmos shitjen e tyre për shkrirje.

  8. Denoncues me shkrim Sali Berisha, dosje me 22 faqe: Kryeministri Ilir Meta, firmos dhe lejon firmën polake “Gdansk” në Portin Detar Durrës, të shes kapitalet shqiptare tek “KURUM” dhe të largohet pa shlyer borxhin 11 milionë USD ndaj arkës së shtetit.

  9. Denoncues me shkrim Sali Berisha, dosje me 113 faqe: Kryeministri Ilir Meta, miraton skemën e privatizmit të “TELEKOM”, me vlerë të paracaktuar të shitjes 600 milionë lekë, baraz me të ardhurat financiare të 3 muajve punë me të ardhura rutinë të TELEKOM.

  10. Denoncues me shkrim Sali Berisha, dosje me 53 faqe: Zv/Kryeministri Ilir Meta, akuzohet si organizator i zhdukjes nga Banka e Kursimeve, të 185 milionë USD depozita, të ngurosura nga llogaritë e firmave piramidale.

  11. Denoncues me shkrim Sali Berisha, dosje me 134 faqe: Kryeministri Ilir Meta, i jep pa asnjë studim 2.2 milionë USD fond nga buxheti i shtetit, firmës fantazmë australiane “Citaroil”, për rikonstruksionin e sektorit të shpim-kërkimit të naftës në Patos.

  12. Denoncues me shkrim Sali Berisha, dosje me 48 faqe: Kryeministri Ilir Meta, mbulon skandalin e 200 mijë palë këpucëve të blera prej ushtrisë dhe të 12 milionë USD mallra ushqimorë e veshmbathje për ushtrinë, me cilësi me process-verbal si “mall jashtë përdorimit”, kërcënon me vrasje dhe largon dhunshëm nga detyra, publikuesin e aferës, Komandantin e Bazës Furnizimit të Ushtrisë, Gjeneral Aqif Cikalleshi.

  13. Denoncues me shkrim Sali Berisha, dosje me 15 faqe: Kryeministri Ilir Meta, ka firmosur pa tender, blerjen e 45 veturave qeveritare, me çmim 10 herë më të larta se tregu i lirë.

  14. Denoncues me shkrim Sali Berisha, dosje me 12 faqe: Kryeministri Ilir Meta, akuzohet nga Trupi Diplomatik i akredituar në Shqipëri, mbasi ka mundësuar nxjerrjen jahstë Shqipërisë, të 43 perosanve në kërkim e me precedent penalë, duke i përfshirë në delegacionet qeveritare të çdo niveli.

  15. Denoncues me shkrim Sali Berisha, dosje me 83 faqe: Kryeministri Ilir Meta, urdhëron kalimin në llogarinë “Humbje” të 500 milionë lekëve nga buxheti i shtetit, akorduar si fonde rikonstruksioni për Drejtorinë e Përgjithshme të Naftës, që nuk u krye.

  16. Denoncues me shkrim Sali Berisha, dosje me 13 faqe: Kryeministri Ilir Meta, firmos përdorjen për dieta e shërbime të Këshillit të Ministrave, të 750 mijë USD, akorduar nga PNUD, për reformën në Pushtetin Lokal.

  17. Denoncues me shkrim Sali Berisha, dosje me 36 faqe: Zv/Kryeministri Ilir Meta, mbulon abuzimin 520 milionë lekë, bërë me tenderat fiktivë në prodhimet filatelike në Ndërmarrjen Posta Shqiptare, dënohet me burg nga drejtorja Liza Hoxha, ndërsa udhëruesi me shkrim Ilir Meta, nuk u hetua.

  18. Denoncues me shkrim Sali Berisha, dosje me 57 faqe e skica grafike: Kryeministri Ilir Meta, organizon grabitjen e rezervës së floririt Thesar Shtetëror, duke hapur tunelin në Kërrabë dhe duke bllokuar trajtimin e çështjes në mbledhjen e qeverisë dhe parlament.

  19. Denoncues me shkrim Sali Berisha, dosje me 6 faqe: Kryeministri Ilir Meta, ka firmosur blerjen pa tender dhe me çmim tepër të lartë, të energjisë elektrike nga importi, me abuzim 35 milionë USD.

  20. Denoncues me shkrim Sali Berisha, dosje me 20 faqe: Kryeministri Ilir Meta, ka firmosur 800 milionë lekë reklama publicitare, të përvetësuara nëpërmjet llogarive e dokumentacionit të falsifikuar, në bashkëpunim me Drejtorin e Televizionit Publik Shqiptar.

  21. Denoncues me shkrim Sali Berisha, dosje me 17 faqe: Ish-Kryeministri Ilir Meta, akuzohet publikisht nga kryeministri Fatos Nano, se ka firmosur abuzimin 600 milionë lekë për buxhetin e SHISH, justifikuar me pagesa fiktive të agjentëve te rekrutuar.

  22. Denoncues me shkrim Sali Berisha, dosje me 26 faqe: Kryeministri Ilir Meta, në bashkëveprim me kunatin e tij Drini Kryemadhi, Drejtor i Përgjithshëm i Transportit Rrugor (patenta-targa), fut dhe pajis me letra shqiptare, makina të vjedhura e të trafikuara jashtë shtetit.

  23. Denoncues me shkrim Sali Berisha, dosje me 8 faqe: Kryeministri Ilir Meta, ka abuzuar me 2 milion USD, në tenderin rikonstruksion trotuare, kanalizime, ndriçim e gjelbërim, në lagjen Kombinat në Tiranë, duke përdorur bashkëshorten e tij, deputeten e zonës Monika Kryemadhi.

  24. Denoncues me shkrim Sali Berisha, dosje me 17 faqe: Kryeministri Ilir Meta, ka urdhëruar me shkrim, skandalin e vjedhjes 3 milionë USD, nëpërmjet tenderit fiktiv “Blerje bazë material” për KESH.

  25. Denoncues me shkrim Sali Berisha, dosje me 5 faqe: Kryeministri Ilir Meta, ka udhëruar policinë, të manipulojë provat, për 2 punëtorët e vrarë me shpërthim dinamiti, të 4 punëtorëve në guroret e tij në Malin e Dajtit dhe në malet e Skraparit.

  26. Denoncues me shkrim Sali Berisha, dosje me 7 faqe: Kryeministri Ilir Meta, akuzohet për dhënien e urdhrit për të qëlluar mbi popullin në protestën e Tropojës, duke vrarë më 29 nëntor 2000, aktivistin e PD Syl Lushaj.

  27. Denoncues me shkrim Sali Berisha, dosje me 11 faqe: Kryeministri Ilir Meta, organizon treg-trafikun e pllakave të gurit e mermerit Shqipëri-Greqi, nuk paguan detyrimet fiskale, bashkë me ngarkesën e gurit, ushtron dhe trafik droge.

  28. Denoncues me shkrim Sali Berisha, dosje me 4 faqe: Kryeministri Ilir Meta, ka shkatërruar rrjetin e Ujësjellësit të Bogovës-Skrapar, me shpërthimet në biznesin e guroreve dhe me urdhër të tij, janë akorduar 130 milionë lekë nga buxheti i shtetit, për ta riparuar./Pamfleti

Kryesore, Politike Sali Berisha ka firmosur e çuar në prokurori 28 dosje krimesh të Ilir Metës-kryeministër më 1999-2000, por asnjë nuk u hetua Read More »

100 fshatrat “mbërrin” në Theth, ja problematikat që banorët duhet t’ja përplasin qeverisë e jo të dëgjojnë propaganden

Aktualitet, Turizem / /

Me 18 gusht ne piken turistike te Thethit do te mblidhet akademia e 100 fshatrave, e krijuar nga qeveria shqiptare per zhvillimin e ketyre njesive vendore te perzgjedhura per vlerat turistike, historike dhe kulturore.

Çdo gje per qarkun Shkoder, nis nga ajo qe me te drejte eshte cilesuar si perla e alpeve, zona e cila ne vitet e fundit ka njohur edhe bumin turistik, siç eshte Thethi. Kjo akademi vjen si nje mundesi per te ofruar informacion dhe asistence per çdo nisme per te investuar ne fushen e agroturizmit dhe perfaqeson nje rrjet bashkepunimi mes qeverise dhe botes universitare, per projektet e programit kombetar te rilindjes rurale ne funksion te 100 fshatrave te perzgjedhur per t’u kthyer ne destinacione te reja turistike.

“100 fshatrat” do te ktheje ne pole zhvillimi dhe destinacione te mirefillta turistike keto zona per t’i dhene hov nje zhvillimi ekonomik dhe social aty ku deri sot kjo duket e pamundur. E natyrisht qe ne kete takim qe do te mbahet ne Theth, per here te pare ndoshta ne menyre te drejteperdrejte banoret kane mundesi ti parashtrojne problematikat qe kane perfaqesuesve te qeverise, e te kerkojne me insistim te marrin nje pergjigje lidhur me afatet se kur do ti jepet zgjidhje asaj se cfare kerkojne.

Natyrisht qe qeveria do te shkoje atje per te prezantuar idete e saj, por se pari banoreve te Thethit duhet tu jape zgjidhje per çeshtjen e pronesise, pasi asnje prej bujtinave dhe pronareve te tokave ne kete fshat nuk kane çertefikatat e pronesise, qe jane kyçe si per zhvillimin e tyre, ashtu edhe per perfitimin e granteve, apo ne rastin me te keq te marrjes se nje kredie, nese duan te zgjerojne aktivitetin.

Problemi i dyte per kete fshat turistik qe e ka marre kete patente perpara se te kujtohej qeveria, eshte ai i energjise elektrike, pasi rrjeti i amortizuar dhe degradimi qe ka pesuar HEC i Nderlysajve, ben qe keto familje ne te shumten e kohen te jene pa energji elektrike, e te detyrohen te perdorin gjeneratoret.

Zgjidhja e trete eshte rruga qe shume eshte premtuar deri me tani, por ende asnje punim nuk ka nisur. Me pas qeveria sebashku me pushtetin vendor duhet te mendoje per mirembajtjen e tyre dhe krijimin e modeleve konkuruese, e pse jo nderlidhese me pjesen tjeter te kurores se Alpeve qe shtrihen ne Tropoje, Kosove, e Mal te Zi. Shkodra ka disa fshatra qe perfitojne nga ky program qeveritar, e ku ne mase te gjithe kane thuajse problematika te peraferta, qe duan nderhyrje ne kohe./ShkodraNews

100 fshatrat “mbërrin” në Theth, ja problematikat që banorët duhet t’ja përplasin qeverisë e jo të dëgjojnë propaganden Read More »

Uaaa, 4 shokët e pandarë, dje ishin vetëm tre, pse mungoi Arbana Osmani në dasmën e Ledionit?

ShowBiz / /

Më 11 gusht, një nga trashëgimtaret e Top Channel, Sara Hoxha dhe moderatori i njohur Ledion Liço i dhanë fund beqarisë.

Ata kanë vite që bashkëjetojnë dhe janë prindër të një djali 1 vjeç. Prindërit e London-t vendosën që në Liqenin Como në Itali t’i thonin “PO” njëri-tjetrit në prani të familjarëve, kolegëve dhe miqve të tyre më të mirë. Duke qenë të dy figura publike, një pjesë e mirë e miqve të tyre janë personazhe të njohur, prandaj prezenca dhe mungesa e tyre në dasmën e çiftit, komentohet gjërë e gjatë.

Prej vitesh në Top Channel, Ledioni ka krijuar miqësi të mira me disa nga moderatorët më në zë të këtij televizioni. Ledioni, Eno, Arbana dhe Xhemi janë miqtë e ngushtë të Top-it që i sheh pothuajse gjithmonë së bashku.

Mirëpo, mbrëmjen e kaluar katërshja e miqve të pandarë ndjeu mungesën e një prej figurave të dashura që lindi dhe u rrit në Top Channel. Arbana Osmani mikja shumë e afërt e Ledionit, nuk ishte prezente në dasmën e tij. E kontaktuar nga Revista Class për arsyen që ka pasur për të mos qenë prezente në dasmë, Arbana ka zgjedhur heshtjen. Nga ana tjetër, miku i ngushtë i Ledionit, Eno Popi, jo vetëm ishte prezent, por edhe mbajti një fjalim emocionues.

Eno Popi ishte një lloj MC i mbrëmjes (Master of Ceremony) dhe emocionoi mikun e tij më të mirë duke theksuar sesa i thjeshtë dhe sa njerëzor është Ledioni; sa vërtetisht e ka jetuar lidhjen me Sarën, që nga propozimi për martesë, unaza me 1000 plane romantike e deri tek dita e dasmës.

Fjalimi emocionues i Enos ka marrë edhe një dedikim nga Ledioni “Një mik është ai që të do pa kushte, Ti Eno nuk pretendon, ti thjesht je një mik i mirë”.

Në fakt Ledioni duket se ka vërtet mikesha të mira. Njëra prej tyre është edhe Xhemi Shehu e cila ishte prezente në dasmë dhe dukej si një princeshë me një fustan rozë.

ImageImageImage

Uaaa, 4 shokët e pandarë, dje ishin vetëm tre, pse mungoi Arbana Osmani në dasmën e Ledionit? Read More »

Do të na uroni për këtë këshillë: Mos blini kurrë bukë të prerë, ka arsyeja

Aktualitet, Problematika / /

Shoqata e Prodhuesve të Bukës Shqipëri rekomandon që buka të mos shitet më e prerë në feta, siç jemi mësuar ta marrim atë zakonisht në dyqanet e bukës, por të shitet si një e plotë. Z.Nela përse rekomandohet një gjë e tillë?

“Për arsye sepse buka kur del nga furra krijon një kore të vetën. E cila kjo kore nuk lejon që të hyjnë agjentët e tjerë mikrobi ose diçka tjetër. E dyta në qoftë se ne do ta presim këtë do të hyjnë shumë mikrobe brenda. E treta kjo bukë duhet të rrijë mbi 4-5 orë të kullojë, ai klienti vjen thotë më jep një bukë të ngrohtë.

Buka e ngrohtë pritet, pasi ka marrë miliona mikrobe brenda. Në qoftë se një bukë pritet, pjesët e sharrës mbajnë mbetje dhe duke mbajtur mbetje dhe të gjitha mbetjet rrinë tek faqet e bukës. Nuk pranon mikrobi të hyjë këtu, sepse është e pjekur është kore e fortë. Ja do ta presim një bukë për ta parë se si funksionon. Shiko sa foje sharre mori.

Shiko çfarë ndodh, kjo është shumë bukë e mirë dhe mori gjithë këto mikrobe, e vumë këtu ( mbi sharrë ) në do të përdorim qesen, e vumë në qese pastaj do e marrim dhe do e vendosim tek letra. Letra ka pjesën e vet, pastaj do e kapi goca ka disa prekje me dorë të paarsyeshme. Ne si shoqatë mundohemi t’i themi konsumatorit “merr bukë të pa prerë””, shprehet kreu i shoqatës së prodhuesve të bukës, Avni Nela.

Do të na uroni për këtë këshillë: Mos blini kurrë bukë të prerë, ka arsyeja Read More »

Basha me pushime/ Përgatit qeverinë hije kundër Ramës, ja emrat

Aktualitet, Politike / /

Ditët e fundit, Lulzim Basha ka humbur, për ata që e kërkojnë, kreu i opozitës është zhvendosur me pushime. Kuptohet që edhe lideri i opozitës do të bëjë pushime, ne nuk jemi në Rumani që të bëjmë protesta.

Lideri në mungesë i opozitës fillimisht ka shkuar në vilën e tij në Hollandë ku ka ujitur lulet dhe ajrosur shtëpinë, ndërsa më pas ka filluar të nxihet në diell.

Mësohet se në këto ditë pushimi, pas vaditjes, freskisë në Hollandë dhe çlodhjes që po bën në plazhet dhe resorted ekzotike, kanë dhënë efektet e para te Lulzim Basha. Ai ka përgatitur qeverinë hije të cilën pritet ta prezantojë në shtator.

Shpesh Lulzim Basha bën lista ministrash, për të nxitur strukturat e partisë, duke ju dhënë funksione dhe duke i quajtur ministra, të cilët i vendos përballë qeverisë së Edi Ramës.

Mësohet se qeveria hije e Lulzim Bashës ka disa emra të rëndësishëm dhe ka pësuar shpesh ndryshime. Kjo sipas performancës së secilit politikan rreth tij, por edhe lëpirjes që kanë pranë kunatit apo familjarëve dhe të afërmve të Lulzim Bashës.

Mësohet se ministër i Brendshëm do të jetë Ervin Salianji, i cili pas nxjerrjes së videos së audio-përgjimit me “Babalen”, tashmë e ka të padiskutueshëm këtë post.

Ministër i Arsimit, Sportit dhe Rinisë do të jetë ylli në ngjitje, i shkëlqyeri në shkollat britanike, në i papërsëritshmi nga gjithë të tjerët Klevis Balliu.

Ndërkohë një vend të rëndësishëm në kabinetin qeveritar pritet të marrë Tritan Shehu, i cili pritet të jetë ministër i Jashtëm.

Tek Integrimi duket se do të shkojë Kreshnik Çollaku, njeriu i cili po drejton grupin e këshilltarëve të PD-së, në Këshillin Bashkiak të Tiranës dhe po bën betejat me Erion Veliajn.

Më tej mësohet se edhe Oriola Pampuri, një nga dy “Çilistët” e Tiranës, do të ketë një vend në kabinetin e ri qeveritar. Pampuri pritet të marrë drejtimin e ministrisë së Mjedisit.

Nga ana tjetër, Niko Peleshin pritet ta zëvëndësoje Myslym Murrizi. Ka ende emra të tjerë, për shembull flitet që Lulzim Basha në listën e tij nuk e përjashton kurrë Dhurata Çupin, e cila pritet të marrë postin e ministres së Transporteve.

Nga ana tjetër Agron Shehaj do të jetë zv.kryeministër dhe ministër i Financave. Gjithashtu mësohet se Lulzim Basha në këtë listë do të përfshijë edhe disa njerëz nga shoqëria civile, apo aktivistë të ndryshëm. Në kabinetin e tij qeveritar do të ketë edhe emra të cilët pritet të ngelen surprizë.

Mësohet se kjo listë ende nuk i është komunikuar pjesës së ngushtë të stafit të tij, por flitet që në ditët në vijim, Dasada Metaj, kryeredaktore  “Opinionit” të Blendi Fevziut, ta shpërndajë këtë listë në media, ku pritet të shtojë edhe emrin e saj si Sekretare e Përgjithshme e Kryeministrisë.

Ndërkohë në oborrin bosh të godinës së SHQUP-it, pritet që në shtator të fillojnë përplasjet dhe kjo ka të bëjë me riorganizimin që do të zhvillojë Partia Demokratike.

Ky riorganizim do të masë edhe një herë forcat dhe ndoshta do të rikonfigurojë më tej kabinetin hije të Lulzim Bashës, ku një vend të rëndësishëm pritet të kenë edhe figura si Arben Ristani, i cili mund të marrë postin e ministrit të Mbrojtjes, apo te ministria e Drejtësisë, ku pritet të shkojë Enno Bozdo.

Ndërkohë Fatbardh Kadilli, një nga personazhet e rëndësishëm të Partisë Demokratike, pritet të jetë zv.kryeministër dhe ministër për marrëdhëniet me parlamentin./ Satirë politikebP.s: Mos qeshni, por qani!/Cna.al

Basha me pushime/ Përgatit qeverinë hije kundër Ramës, ja emrat Read More »