Aurora

“HESHTJA“, vdekje ma e randë se atentati

Opinione / /

Nga mjeshtri i pikturës Pjerin Sheldija

Pyes: Sa herë vdiqe Gurakuq?

Me siguri që ti do të thuesh: të lutem, më len në qetësi, këtu, ku jam. A s’të mjaftoi gjithë jeta e veprimtaria ime, e trazueme dhe e flijueme per Shqipni? Të lutem, tash së paku, më len pa më trazue!

Mendoj: drejt o Gurakuq: Ti i pastri, i drejti, i nderëshmi, ti shembulli I atdhetarisë, ti motorri i pamvarësisë, luftove u perpoqe për liri e qetësi, e tash, këto i ke të shtrejta e lypë, me të drejtë , që mos ti trazojë kush.

  • Më fal! Por, kaluen sa pervjetorë të lindjes sate, po ashtu edhe të vdekjes e askush s’u kujtue: asnji organ shtetnor apo shtypi. Heshtje vorri e këtë rasë, për keq, mbas sa dekadash të vdekjes sate.

Vdiqe!? Jo mor burrë por të vranë. Të vrau mbreti, të cilit, si duket, për meritë të vrasjes sate, të B. Currit, H. Prishtinës, A. Rrustemit etj. i u ngrit monumenti (interesant…, prej nji artistit që ka ba edhe E. Hoxhen!!!) dhe mendohei për mauzoleumin e dinastisë “ZOGU”.

I lumtë Demokracisë së gadi tridhetë vjetëve! Veçse nuk thohet drejtë për drejtë: Baltion Stamolla “të lumtë pushka” (e pabesë).

Kjo kje vedkja e parë e jote, vdekja fizike.

Erdhi përbindshi i kuq. Këtu jo se s’tu përmend emni e s’pat ndonji botim (monografia e P. Takos) e ndonji artikull, por përsa je përmend, peshove tepër lehtë. Universiteti i Shkoders mban emnin tand dhe u ba monumenti i yt, në qendër të qytetit tand. I lumtë Shkodres qi kujtohet për birin e vet, por aty, ku ti e kishe vendin, t’u mohue: NË MONUMENTIN MADHËSHTOR TË PAMVARSISË në Vlonë, nuk t’u dha asnji centimetër vend. E pra, pesha e jote, në 1912-ten ishte aq e madhe, sa s’ka kandar që ta peshojë.

Mos të mendojnë kush, se ka faj Vlona. Ajo të ka pasë e të ka në zemër, deri në të sosun të shekujve.

Atëherë kush: Grupi i skulptorëve apo shteti komunist?!

E din Partia, që po s’a pati diktue, do  t’ia kishte “zhgulë veshin” artistëve, për këtë mungesë absurde por, e justifikoi realizmi socialist: …mbasi Gurakuqi, si shkodran, do të ketë kleçka, sado pak, si prej klerit ashtu edhe prej figurave tjera antikomuniste.

Ka shumë kohë, në nji letër që Gurakuqi i drejton nji mikut të vet, të botueme në nji revistë të herëshme, pat shkrue: “…na kanë fye randë, na kanë quejtë komunista…”, e këtë natyrisht, që komunistët s’mund t’ia falshin.

Megjithë atë, shtëpia e Gurakuqit u shpall “Muze”. Mjaft me kaq, mos tepër bile! Këtë ato s’e kanë thanë me gojë por, me zemër sigurisht që po!

Hëm…, “Shtëpia Muze” ! Vetëm nji pllakë, në krah të nji dere të madhe, që nuk ruen karakterin shkodran, thotë se: “Këtu ka lindë Gurakuqi”, ….e se, …”mbrohet nga shteti”. Kush?! Shtëpia?!…AJO NUK EGZISTON. Pra, ke mbron shteti? Apo e ka prishë vetë? Kështu edhe me Daut Boriçin, kryetarin e degës së Lidhjes së Prizrendit për Shkodren, me Filip Shiroken, Isuf Tabukun, etj. I lanë pa plang e pa shtëpi, e kjo për se vdekuni. A ka hall ma të madh?! Ishte, nji njeri, burrë tepër i ndershëm, mik i Gurakuqit, (Gj. Kamsi), që kur u ba shtëpia muze, dorëzoi nji mori materialesh, që prej teshave të pergjakuna, kunorat, lajmërimet etj., që i kishte ruejtë me fanatizëm prej dekadash, në shtëpinë e tij. Mendim i mrekullueshëm i tij e që plotësoi sasinë e relikeve të shtrejta të heroit, por… ku janë sot?

Këta breza të rij, që rriten, a i kanë pa ndonjiherë dhe a dijnë se ekzistojnë? Edhe në kjoftë se ruhen në muze, vështirë për ekspozim të përherëshëm, për mungesë ambientesh.

Vorri?!

Ndër vorret e deshmorëve ishte e asht nji (vorr) i caktuem për te. Dikur, u pat thanë se erdhën eshtnat e bekueme të Gurakuqit, prej Barit, e u vëndosen aty. Edhe nji (vorr) për Dedë Gjo Lulin, por ky i fundit kje vorrosë në Kishen Françeskane, por, për mos me e lane vetëm, eshtnat e tij u treten në Bunë, bashkë me ata të At Gjergj Fishtës, kur u rropos gjithshka ndër kisha e xhamija.

Pyes vehten sot: … i tiji (vorri i Gurakuqit), a ka gja mbrendë, atje në kodër? Po?! Si duket, Gurakuqi, për brezat e fundit të politikës, i takon tokës. “HESHTJE”. E pra, nji vrasje tjetër kjo.

Fluturoi, tashma kaherë 100 vjetori i pamvarsisë, e ….HESHTJE vetëm për emnin e tij. Dishroj me këtë rasë, që Shkodra të bante diçka, për të ekspozue ata relike, tepër të shtrejta, si dhe (ndoshta absurditet), nji bust, të derdhej në bronx e të çohej në Vlonë dhe të vihej tek kambët e Ismail Qemalit, se kje krahu i djathtë i tij, e ai, me siguri, do të ndjehet ma i fortë, prap si në ditët e Nandorit të madhnueshëm.

Kujtoj, sa përvjetorë të lindjes e të vdekjes së tij, e ….përsëri hiq… Turp! … Edhe ma turp, kur kërkohet që gjakun e tyne të pastër (Gurakuqit, Currit, Gazullit, Prishtinës, Rustemit), ta përlyejnë, tue na thanë e quejtë “ Vllazën të nji gjaku”, me pushtuesit e ndryshëm… E pra, as probatina që i kena pi gjakun njeni tjetrit, nuk jena, …DERDHË PO!?

Fishta thotë: Me gjithkend vllazen e shokë, por seicili n’cak të vet… Nuk paska folë kot, me ato dy elegji për Gurakuqin e Currin. Mirëpo, pyes përsëri: A mbulohet dielli me shoshë? Se kush kje e asht Gurakuqi, dihet prej botimeve të kaherëshme e plotësohet prej intervistave të W. Kamsit, V. Hotit, G. Shpuzës (të gjithë profesorë), të librit të Kolec Çefës etj.

Si ka mundësi të vihet nji eklips artificial, mbi një diell që ka shndritë me forcë token shqiptare?! Përsëri me fjalët e Fishtës së madh: …A ka si i bahet kuej ma tepër dhunë? E vrasësi krekoset në bronx, për vepren e përgjakshme të tij, bile, thohet:…Me këtë nuk errësojmë figurat e tjera… Kulmi! Na në Shkoder thona: O puth kryqin o kërce hendekun…, pra, …djajtë e shejtnit, kurrsesi nuk mund të rrijnë bashkë. Kanë kalue ka herë dy datat e tija: lindja me 19 shkurt 1879 dhe vdekja 2 mars 1925. Prap “HESHTJE”.

Pyes gjithnji: a i del zot kush, sot, në “Demokraci” këtij demokratit të madh, që nuk asht turp që në çdo zyrë demokratike, të jetë portreti i tij? A thue, të gjithë janë pro kësaj heshtje, që përveç se pa shtëpi e pa vorr, duen të jetë edhe pa emen? Historia kështu do të bahet?

Atëherë lutem: shëndritja, Zot, mendjen autoriteteve tona, shkencatarëve tonë, historianëve tonë e atdhetarëve tonë, që të vejnë emnin e tij të pavdekshëm, në piedestalin e Atdheut, për të cilin, shkriu jeten; e në kjoftë se heshtet ma, në këtë botë u baj thirrje shpirtënve e eshtnave të dëshmorëve: Gurakuq, Curr,  Prishtinë, Gazull, Rustem, të mblidhen tok atje në parajsë e si thotë Fishta: Para fronit të Perëndisë, lypni gjyq mbi këta “KAINA” të kunorzuem, që kombin tonë po duen me e pa të sharruem?!

Pyes, …pyes,…Pse linde ndopak o Gurakuq?

“HESHTJA“, vdekje ma e randë se atentati Read More »

Presidenti Meta uron “mirëmëngjes” me not zhytur nga Saranda (VIDEO)

Politike / /

SARANDE – Presidenti i Republikës, Ilir Meta, është sot i pranishëm në qytetin bregdetar të Sarandës.

Ai i uroi “mirëmëngjes” shqiptarëve nga një pishinë, pas notit zhytur. “Mirëmëngjes nga gjiri i Bukenvileve në Sarandë, një eksperiencë e jashtëzakonshme,” shprehet ai.

Ditën e djeshme kreu i shtetit, ndodhej për vizitë në Konispol ku dhe u takua me disa turistë italianë.

Këta të fundit zgjodhën Konispolin me bukuri natyrore për të kaluar disa ditë pushimi.

Sipas Metës, turistët italianë kishin hasur mikpritjen tradicionale nga qytetarët e Konispolit.

BalkanWeb

https://www.facebook.com/ilirmetazyrtar/videos/526023211188769/?t=0

Presidenti Meta uron “mirëmëngjes” me not zhytur nga Saranda (VIDEO) Read More »

Nishani i ‘fërkon’ kokën Berishës, kërkon t’i fusë ‘brrylin’ Bashës e tenton kreun e PD. Sulmon Ramën dhe shprehet kundër bashkëqeverisjes me PS

Politike / /

Nishani e ka prerë “kostumin” e kryetarit të PD, tashmë është në pritje nëse Berisha i jep leje që ta veshë dhe të zërë vendin e Bashës ose jo, duke pritur dhe rezultatin e zgjedhjeve të qershorit të vitit të ardhshëm për pushtetin vendor.
Ish Presidenti Bujar Nishani nuk e ka mohuar asnjëherë ambicien e tij për të qënë në kupolën e PD, sapo t’i jepet mundësia dhe kur të ketë mbështetjen e duhur.

Madje në të gjitha artikulimet publike për këtë çështje, Nishani është shprehur se gjithnjë e ka ndjerë veten pjesë e PD dhe se është ende i ri për të dalë në “pension” politik.

Madje ende pa përfunduar mandatin e Presidentit, Nishani s’ka rreshtur në akuzat ndaj kundërshtarit politik Edi Rama dhe qeverisjes së tij, thjeshtë dhe vetëm për t’i rënë në sy Berishës. Ndonëse ishte Presidenti i vendit dhe si i tillë duhej të ishte mbi palët.

Pasi e katandisi Presidencën në një “noteri” gjigande ku firmoseshin të gjitha kërkesat e Berishës, që nga rrëzimi i ligjeve të mazhorancës e deri tek ulja e nivelit të dhënies së dekoratave, Nishani kalon në mënyrë të drejtëpërdrejtë në një politikan aktiv.

Por ajo që vihet re në deklaratat e tij, përpos akuzave ndaj Edi Ramës, për hir të së vërtetës kushdo që ka një fije arësye gjen sa të duash momente dhe elementë ku ta godasësh keqqeverisjen e tij, Nishani është kujdesur fort që të godasë indirekt dhe kreun e PD Basha.

Herë duke i shpalosur platformën se si duhet bërë opozita, ku në fund ka dhe “nenin” e radikalizimit të situatës që e ka me aq dëshirë Sali Berisha, dhe herë duke i treguar se ku duhet të goditet Rama larg deklaratave standarde dhe shabllone, Nishani tregon qartë objektivin e tij.

Nga njëra anën kërkon t’i tregojë Berishës se është një njeri i bindur dhe që në mënyrë të vetëvetishme opozitarizmi i tij është i njëjtë me atë të ish kryeministrit, nga ana tjetër kërkon të bindë demokratët se ai është i duhuri për të drejtuar PD.

Ish presidenti, teksa ka parë se PD është në krizë lidershipi dhe se Bashës ia kanë thënë në sy se nuk frymëzon askënd në opozitë për të luftuar dhe ardhur në pushtet, po tenton që përfundimi i zgjedhjeve vendore ta gjejë më pozita të forta. Njëherësh dhe duke lutur zotin që Basha të humbë përballë Ramës, madje sa më thellë të jetë e mundur.

Nishani kërkon që pas zgjedhjeve vendore të qershorit të vitit të ardhshëm të fillojnë përgatitjet për garën e kandidimit për në krye të PD dhe me mbështetjen e Berishës e ka thuajse të sigurtë fitoren. Gjithnjë nëse Basha nuk mbijeton dot deri në vjeshtën e vitit të ardhshëm.

Këtë luftë brrylash për të zhvendosur Bashën nga kreu i partisë ka pasur në mendje dhe dje Bujar Nishani, teksa ka artikuluar sërish sulmet ndaj kreut të qeverisë Edi Rama.

Të cilin e sheh dhe si një partner të mundshëm në bashkëqeverisje me Bashën, dhe që bashkë me Berishën tashmë janë në krahun radikal për t’i dhënë fund sipas tyre qeverisë së Ramës një orë e më parë. Pa e vënë për diskutim kurrë një bashkëqeverisjes të PD me PS e Ramës, për të cilën janë kategorik kundër.

Ish-presidenti Bujar Nishani është shprehur se modeli i qeverisjes socialiste të Edi Ramës në Shqipëri duhet të marrë fund. Në një postim në faqen e tij në rrjetet sociale, Nishani shkruan se modeli i Ramës është që anëtarët e grupeve të krimit të organizuar blejnë vota gjatë zgjedhjeve, qeveria u shpërndan buxhetin e shtetit me tendera për bizneset e tyre./pamfleti

Nishani i ‘fërkon’ kokën Berishës, kërkon t’i fusë ‘brrylin’ Bashës e tenton kreun e PD. Sulmon Ramën dhe shprehet kundër bashkëqeverisjes me PS Read More »

“Kumbullat e koncesioneve” i hanë pushtetarët, “dhëmbët u mpihen” shqiptarëve, edhe 620 mijë euro për tjetër gjyq në Itali

Politike / /

Vetëm në 8 muajt e këtij viti, qeveria ka paguar 11 milionë euro për avokatët e huaj, të hequra nga fondi emergjencave civile
Paralelisht me miliardat e koncesioneve, shqiptarët po vazhdojnë të paguajnë dhe haracin e gjyqeve, të këtyre koncesioneve të pista, të cilat njëra bandë qeveritare i jep me mafiozllëk, pazare personale e shkelje ligji, ndërsa banda qeveritare që vjen pas saj, urdhëron t’u hiqen, për t’i marrë vetë nën kontroll, si biznes po personal.

Çdo muaj, përveç milirdave të koncesioneve të  Vilma Nushit e ushqime-lavanderive të spitaleve, shqiptarët detyrohen të paguajnë edhe mijëra e miliona euro, për avokatët e huaj, që menaxhojnë proceset gjyqësore, të hapura, pas vendimeve qeveritare, për heqjen e këtyre koncesioneve, por pa çuar askënd para ligjit.

Qeveria paguan miliona euro gjoba, dëmshpërblime e avokati private, por nuk çon para drejtësisë, shtetarët që i kanë dhënë këto koncesione, biznese e leje ndëritmi, siç ndodhi me pallatin e vjehrrit të Lulzim Bashës, shkatërrimi i të cilit “hëngri” 16.8 milionë euro dëmshpërblime, gjoba, taksa, interesa bankare, shërbim avokatie dhe… 110 mijë euro stres, që iu shkaktua vjehrrit të Lulit.

Këto ditë një tjetër gjyq koncesionesh, ka gëlltitur edhe 620 mijë euro taksa të tjera shqiptarësh, për avoaktin që mbron shtetin Shtetin Shqiptar në Itali dhe kjo është “çudi”, mbasi shteti ka brenda në kryeministri, një “stan” me 50 juristë e avokatë të punësuar prej kryeministrit, si “ekspertë të nivelit profesional ndërkombëtarë”, që janë strukturë e quajtur “Avokat i Shtetit”.

Këto 620 mijë euro të tjera, iu dhanë një avokati italian, si pagesë shtesë, për gjyqin e qeverisë shqiptare, me kompaninë “Iliria s.r.l.”, që ka koncesionin 40 vjeçar të menaxhim-zhvillimit të zonës së plazhit në Durrës dhe që koncesioni i është rrëzuar, me këkresë të qevrisë shqiptare, me Vendim Nr. 74 datë 22.12.2015 (V-74/15), të Gjykatës Kushtetuese Shqiptare.

Pagesat e këtyre gjyqeve, po bëhen nga taksat publike, të cilat duhet të bëhen investime publike e sociale, ndërsa firmosësit dhe ryshfetxhinjtë e koncesioneve, vazhdojnë të jenë deputetë, ministra, diplomatë, shefa dogane e tatimesh, kryeministër e deri President Republike, të pa çuar para drejtësisë.

Ndërkohë që “kumbullat e koncesioneve i hanë” shtetarët, “dhëmbët po u mpihen” shqiptarëve, si histori që po vazhdon prej 26 vitesh, për shkak të pazareve dhe interesave të pista, të bandave shtetërore që ndërojnë pushtetet.

Sipas të dhënave, rezulton se vetëm në 8 muajt e këtij viti, qeveria ka paguar 11 milionë euro për avokatët e huaj, të hequra nga fondi i emergjencave civile./Pamfleti

“Kumbullat e koncesioneve” i hanë pushtetarët, “dhëmbët u mpihen” shqiptarëve, edhe 620 mijë euro për tjetër gjyq në Itali Read More »

Mond Spaho, kujtesë Mond Begos: Ndalu Beg, se ka hendek”, ai i përgjigjet: – Kur bleva Hoxhë Efendinë/Unë e blej gjithë qeverinë

Aktualitet, Humor nga zona / /

Thuhet se Erjon Veliaj është blerë nga Myftiu Ylli Gurra, Likja është blerë nga Baba Mondi, Saliu nga Dervish Hatixheja, ndërsa Rama nga Janullatosi…
Debati PS-PD, se i kujt pale është Edmond Bego, doli nga “frëngjitë” e partive dhe nga ana e kreut të deputetëve “blu”, beteja është ngjitur deri majë “Minareve”, duke akuzuar edhe Baballarë e Hoxhallarë, për lidhje biznesi me ish-trafikantin Bego.

Mjaftoi një thirrje e Hoxhës së Tiranës, Imam Efendi Ahmed Kalaja, drejtuar PD, për të ndalur “llafet e shejtanit” kundër “Pergamerit” të biznesit Edmond Bego, si njeriu me “vepra të mira për hallexhinjtë”, që “Reparti Xhenjos i PD” të zbulonte “bombën”, se Hoxhë Imam Efendi Ahmed Kalaja, qenka në një “Bandë mafioze” me Taulant Ballën, si i blerë nga ish-trafikanti Bego.

Madje PD, paska zbuluar, se në momentin e arrestimit të Begos, Hoxhë Imam Efendi Ahmed Kalaja, paska qenë brenda makinës me të, për ta shpëtuar nga prangat, duke e prezantuar si Imam të Bathores e për ta bërë të besueshme këtë akuzë, PD tha se në momentin e arrestimit, Bego kishte lënë qëllimisht mjekër e ishte veshur me pantallona tre-çerekëshe dhe mbante tespihe në dorë, tamam si Hoxhë Imam Ahmed Kalaja.

Në fakt nga gjithë kjo akuzë e PD-së një gjë është e vërtetë se Hoxhë Ahmet Kalaja udhëton me “Range Rover”-in e Edmond Begos sikundër edhe Kardinali Ernest Troshani udhëton me “Land Rover”-in që i ka falë Tom Doshi

Duke qenë se Imam Ahmed Kalasë, kjo akuzë ju bë 10 minuta para faljes së Namazit të së Premtes, ai shkoi prapa Xhamisë së Tiranës, atje ku kryesia e PD therri dash-kurbanin, për fitoren e Lulit si kryebashkiak dhe me “emër të merjemes, nënës së Pergamerit Isa” e zhbëri atë adet kurbani.

Por PD, i ka vazhduar sulmet kundër Hoxhë Imam Ahmed Kalaja, megjithëse deri në vitin 2005, ai i ka shërbyer si roje nate i parkingut të PD, ndërsa ditën u hidhte fall e u shikonte filaxhanët nëpër zyra, udhëheqësve demokratë dhe qendrestarëve të partisë, të cilët donin të dinin, nëse do dilte fjala e Doktor Berishës, që në çdo 3 muaj, betohej se brenda muajit, do të riktheheshin në pushtet.

Sulmin e ka vazhduar Mond Spaho, duke u kujtuar Mond Begos, vargun e njohur me mesazhin pendues: – “Ndalu Beg/Se ka hendek”!, mirëpo edhe Mond Bego, i është kundërpërgjigjur me vargjet: – Kur bleva Hoxhë Efendinë/Unë blej gjithë qeverinë/Do t’ua blej edhe Salinë”…

Çudi është kjo që po ndodh këto ditë, mbasi thuhet se Erjon Veliaj është blerë nga Myftiu Ylli Gurra, Likja është blerë nga Baba Mondi, Saliu nga Dervish Hatixheja, ndërsa Rama nga Janullatosi…/Pamfleti

Mond Spaho, kujtesë Mond Begos: Ndalu Beg, se ka hendek”, ai i përgjigjet: – Kur bleva Hoxhë Efendinë/Unë e blej gjithë qeverinë Read More »

Ja 12 kryebashkiakët që blenë makina me ofertën më të lartë

Aktualitet, Politike / /

Dymbëdhjetë kryetarë bashkish kanë blerë makina me taksat e qytetarëve, përmes procedurave tenderuese në dukje të rregullta, por diferenca në vlerë mes fondit limit dhe ofertës fituese është e papërfillshme, madje në dy raste është zero.

Tenderat janë zhvilluar gjatë periudhës 2017-2018. Në krye qëndron kryetarja e Bashkisë Shkodër, Voltana Ademi, me tre procedura tenderuese të tilla, ku në njërën nga garat janë skualifikuar të gjithë operatorët konkurrues, përveç fituesit.

Kryebashkiakja Ademi ka shpallur tenderin për blerje makine me fond limit 3 330 000,00 lekë, ku oferta fituese rezulton me vlerë 3 255 000,00 lekë, pra me një diferencë prej 75 mijë lekësh në favor të shtetit. Po gjatë vitit 2018, Ademi ka shpallur një tjetër tender për blerje makine, me fond limit 1 001 666,00 lekë, ndërsa oferta fituese është 950 000,00 lekë, pra me një diferencë prej 51 mijë e 666 lekë në favor të shtetit apo të buxhetit të bashkisë. Në këtë tender janë skualifikuar të gjithë kompanitë e tjera konkurruese.

Gjatë vitit 2017, Voltana Ademi ka shpallur një tjetër tender për blerje makine, me fond limit 1 166 667,00 lekë, ku oferta fituese është 1 119 000,00 lekë, pra me një diferencë prej 47 mijë lekësh. Kryetari i Bashkisë Kamëz, Xhelal Mizu, ka shpallur tenderin për blerjen e një makine me vlerë 4 750 000,00 lekë ose rreth 42 mijë USD. Oferta fituese rezulton në vlerën 4 720 000,00 lekë, me një diferencë prej 30 mijë lekësh. Kryetari i Bashkisë së Malësisë së Madhe, Tonin Marinaj, ka zhvilluar tre procedura tenderuese për blerje makinash, ku diferenca mes fondit limit dhe ofertë fituese është gjithashtu e papërfillshme.

Konkretisht, në tenderin me fond limit 2 750 000,00 lekë, oferta fituese është 2 690 000,00 lekë, viti 2018, më diferencë 60 000 lekë, në tenderin me fond limit 833 333,00 lekë, po për blerje makine, oferta fituese është 799 000,00 lekë, me diferencë 34 333 lekë, ndërsa në tenderin me fond limit 1 166 667,00 lekë, oferta fituese është 1 119 000,00 lekë, me diferencë 47 667 lekë. Bashkia Ura Vajgurore, me në krye Juliana Memaj, ka shpallur tenderin me fond limit 2 750 000,00 lekë, në vitin 2018, për blerje makine, ku janë skualifikuar të gjithë operatorët konkurrues përveç fituesit. Oferta fituese rezulton me 2 700 000,00 lekë, pra me një diferencë prej 50 000 lekë në favor të shtetit.

Çudia në Bashkinë e Gramshit  

Bashkia Gramsh ka shpallur tenderin e firmosur nga kryetarja Luljeta Dollani, për blerje makine, me fond limit 2 083 333,00 lekë. Oferta fituese rezulton aq sa fondi limit, pra me diferencë zero. Në këtë garë rezulton se janë përjashtuar të gjithë operatorët konkurrues, përveç kompanisë fituese.

Kompania fituese është “RA-MI KOMPANI Shpk”, me administrator Erjon Rakipllari. Edhe kryetari i Bashkisë Kolonjë, Ilia Stefo, ka shpallur tenderin për blerje makine me fond limit 2 000 000,00 lekë, ku oferta fituese është 2 000 000,00 lekë, pra aq sa fondi limit. Bashkia Finiq, me kryetar Leonidha Hristo, në vitin 2018, ka shpallur tenderin për blerje makinash me fond limit 5 000 000,00 lekë, ku oferta fituese rezulton 4 958 333,00 lekë, me diferencë vetëm 41 667 lekë.

Kryebashkiakët që blenë makina, fondi limit, fituesi dhe diferenca

Voltana Ademi, kryetare e Bashkisë Shkodër

Makinë, fondi limit 3 330 000,00 lekë, oferta fituese 3 255 000,00 lekë, viti 2018, diferenca 75 000 lekë. Makinë, skualifikim i të gjithë operatorëve konkurrues përveç fituesit, fondi limit 1 001 666,00 lekë oferta fituese 950 000,00 lekë, viti 2018, diferenca 51 666 lekë

Makinë, fondi limit 1 166 667,00 lekë, oferta fituese 1 119 000,00 lekë, viti 2017, diferenca 47 667 lekë.

Luljeta Dollani, kryetare e Bashkisë Gramsh

Makinë, skualifikim i të gjithë operatorëve konkurrues përveç fituesit, fondi limit 2 083 333,00 lekë, oferta fituese 2 083 333,00 lekë, viti 2017, diferenca zero.

Ilia Stefo, kryetari i Bashkisë Kolonjë

Makinë, fondi limit 2 000 000,00 lekë, oferta fituese 2 000 000,00 lekë, viti 2017, diferenca zero.

Xhelal Mziu, kryetar i Bashkisë Kamëz

Makinë, fondi limit 4 750 000,00 lekë, oferta fituese 4 720 000,00 lekë, viti 2018, diferenca 30 000 lekë.

Tonin Marinaj, kryetar i Bashkisë Malësi e Madhe

Makinë, fondi limit 2 750 000,00 lekë, oferta fituese 2 690 000,00 lekë, viti 2018, diferenca 60 000 lekë.

Makinë, fondi limit 833 333,00 lekë, oferta fituese 799 000,00 lekë, viti 2017, diferenca 34 333 lekë.

Makinë, fondi limit 1 166 667,00 lekë, oferta fituese 1 119 000,00 lekë, viti 2017, diferenca 47 667 lekë.

Juliana Memaj, kryetare e Bashkisë Ura Vajgurore

Makinë, skualifikim i të gjithë operatorëve konkurrues përveç fituesit, fondi limit 2 750 000,00 lekë, oferta fituese 2 700 000,00 lekë, viti 2018, diferenca 50 000 lekë.

Jorgo Goro, kryetari i Bashkisë Himarë

Blerje makinash, fondi limit 5 833 333,00 lekë, oferta fituese 5 400 000,00 lekë, viti 2018, diferenca 3 433 333 lekë.

Leonidha Hristo, kryetar i Bashkisë Finiq

Blerje makinash, skualifikim i të gjithë operatorëve konkurrues përveç fituesit, fondi limit 5 000 000,00 lekë, oferta fituese 4 958 333,00 lekë, viti 2018, diferenca 41 667 lekë.

Saimir Hasalla, kryetar Bashkisë Peqin

Makinë, fondi limit 1 300 000,00 lekë, oferta fituese 1 230 000,00 lekë, viti 2018, diferenca 70 000 lekë.

Agron Kapllanaj, kryetar i Bashkisë Mallakastër

Blerë dy makina, fondi limit 2 500 000,00 lekë, oferta fituese 2 480 000,00 lekë, viti 2017, diferenca 20 000 lekë.

Selfo Kapllani, kryetar i Bashkisë Kuçovë

Makinë, fondi limit 3 000 000,00 lekë, oferta fituese 2 980 000,00 lekë, viti 2017, diferenca 20 000 lekë.

Klement Ndoni, kryetari i Bashkisë Këlcyrë

Blerje makinash, fondi limit 5 416 666,00 lekë, oferta fituese 5 400 000,00 pa TVSH, viti 2017, diferenca 16 666 lekë./korrieri

Ja 12 kryebashkiakët që blenë makina me ofertën më të lartë Read More »

E akuzuan për faturat, vjen përgjigja e politikanit më të pasur shqiptar, Pacolli: O mik unë kam…

Aktualitet, Politike / /

Në një postim të tij Ministri i Punëve të Jashtme Behgjet Pacolli ka kontestuar faturat e shpenzimeve në emër të tij të bëra nga buxheti i Kosovës.

“Po lexoj prapë për disa “shpenzime” që gjoja unë paskam bêrë gjatë mandatit të kaluar qeverisës (2011-2014). E vërteta është se unë gjatë asaj periudhe nuk i kam kushtuar asnjë cent shtetit të Kosovës. Është e vërtetë që unë kam fjetur në hotele të shtrenjëta por ato i kam paguar me paratë e mija” ka shkruar Pacolli. Ai ka shtuar se ka qindar fatura që i ka paguar me paratë e tij.

“Janë shumë qindra mija euro faktuara që janë paguar nga llogaritë e mija private në funksion të angazhimit tim për Republikën e Kosovës në cilësinë e zëvendëskryeministrit, në atë periudhë, duke mos kalkuluar shpenzimet e larta të mjetit tim të transportit. Madje, nga llogaritë e mija kam paguar në shumë raste edhe për delegacionet por edhë për njerëzit që kanë lobuar për interes të shtetit të Kosovës. Javën e ardhshme do të qartësohet qdo gjë edhe pse zonjen Jeta Xharra e kam ftuar të shkoj në Kryeministri për ti mar të dhënat e çdo pagese ( nese ka ndonjë)që shteti ka bërë për mua dhe të distancohet nga dokumentacionet e manipuluara. Kjo do të ishte e drejtë dhe gazetarishtë korrekte” ka shkruar Pacolli.

Ndër tjera, Pacolli i ka reaguar një komentuesi në faqen e tij zyrtare në komente, pasi ky i fundit i kishte shkruar se “po asnjëherë nuk ishe kon gabim ti bre”.

Replika e Pacollit në atë koment ka qenë “O dost une kam paguar hotele edhe më shtrenjtë por me paratë e mia”.

E akuzuan për faturat, vjen përgjigja e politikanit më të pasur shqiptar, Pacolli: O mik unë kam… Read More »

Takimi informal i qeverisë në Vlorë, nga kafja me Ruçin dhe Ballën tek vendimi për Veliajn

Aktualitet, Politike / /

Kryeministri Edi Rama dhe kabineti i tij qeveritar kanë mbyllur dje punimet e mbledhjes informale të zhvilluar në Vlorë, në godinat e vilave qeveritare.

Në takimin e zhvilluar pa praninë e mediave, ministrat e qeverisë kanë raportuar para Kryeministrit realizimin e pikave të caktuara si prioritet në 300 ditët e para të qeverisjes. Po ashtu, ministrat kanë paraqitur para Kryeministrit dhe prioritetet që do të ndjekin në muajt në vijim dhe strategjitë e zbatimit të tyre.

Burime bënë të ditur se Kryeministri Rama ka folur pas çdo raportimi të ministrave, duke kërkuar angazhim maksimal në muajt në vijim për të gjithë sektorët, nga ekonomia, financat, shëndetësia, rendi, diplomacia etj.. Burime të “Panorama” theksuan se gjatë takimit, Kryeministri nuk ka folur rreth ndryshimeve të mundshme të kabinetit qeveritar, por nuk përjashtohet mundësia që këtë vendim ta marrë pas mbledhjes së Asamblesë Kombëtare të Partisë Socialiste.

MBLEDHJA E DYTË

Gjatë ditës së dytë të mbledhjes informale të qeverisë Rama në Vlorë ditën e shtunë, mësohet se gjatë takimit informal, veç ministrave kanë qenë të pranishëm, kryetari i Parlamentit, Gramoz Ruçi, kreu i Grupit të Partisë Socialiste, Taulant Balla, kryetari i Bashkisë së Tiranës, Erion Veliaj si dhe bashkëkryetari i Komisionit të Reformës Zgjedhore, Blendi Çuçi.

Në këtë takim është vendosur dhe data 7 shtator kur do të zhvillohet mbledhja e Asamblesë Kombëtare Socialiste. Ndërkohë që forumi më i rëndësishëm i socialistëve do të paraprihet nga mbledhja e Kryesisë së Partisë Socialiste, e vendosur të mblidhet më datë 3 shtator. Mbledhja u zhvillua nën masa të shumta sigurie, ku efektivët e Gardës së Republikës ishin prezent në të gjithë perimetrin e rezidencave qeveritare në Vlorë.

STRATEGJIA

Takimi informal i ministrave është shoqëruar më një tjetër mbledhje, po kësaj radhe të krerëve të lartë të partisë. Pas largimit të ministrave, Kryeministri Rama ka konsumuar një kafe me kreun e Parlamentit, Gramoz Ruçi dhe me kreun e Grupit të Socialistëve, Taulant Balla, ku mësohet se është diskutuar rreth strategjisë që do të ndjekin socialistët gjatë zgjedhjeve të ardhshme vendore. Më herët në këtë takim kanë qëndruar për disa minuta dhe ministrat, Damian Gjiknuri dhe Ditmir Bushati, si dhe kryebashkiaku i Tiranës, Erion Veliaj.

Të pranishmit në këtë tryezë janë caktuar të jenë pjesë e grupit strategjik të zgjedhjeve. Burime pranë takimit bënë të ditur se Veliaj po shkon drejt konfirmimit për një mandat të dytë për Bashkinë e Tiranës. Në mbledhje gjithashtu u diskutua hartimi i një plani 1-vjeçar pune ku do të përcaktohen objektivat e qeverisë dhe performanca e saj.

Gjithashtu pjesë e kësaj strategjie politike do të jetë dhe komunikimi me publikun. Mësohet se instrumenti matës i punës së çdo ministri, përveç realizimit të objektivave të programit të 300 ditëve të para, do të jetë edhe platforma e bashkëqeverisjes “shqipëriaqëduam.al”, në të cilën qytetarët shprehin ankesat dhe problematikat që ndeshin në zyrat e administratës.

Sipas raportit të publikuar nga vetë Kryeministri Rama, në 10 muaj të funksionimit të platformës, janë zgjidhur 13,694 halle dhe probleme të qytetarëve, që deri dje mbeteshin sirtarëve të zyrave të shtetit./Panorama

Takimi informal i qeverisë në Vlorë, nga kafja me Ruçin dhe Ballën tek vendimi për Veliajn Read More »