Aurora

Organizata për Siguri dhe Bashkëpunim në Evropë (OSBE) ka reaguar pas sulmit me armë ndaj banesës së gazetares së kronikës Klodiana Lala. Përmes një njoftimi në faqen zyrtari OSBE me seli në Tiranë ka dënuar me forcë sulmin dhe kërkon që të vihen para drejtësisë personat përgjegjës. OSBE thotë se dhuna kundër gazetarëve është shenjë shumë negative për shëndetin dhe lirinë e shoqërisë

“Dënojmë me forcë sulmin e sotëm kundër gazetares Klodiana Lala dhe i nxitim autoritetet të nxjerrin para drejtësisë personat përgjegjës. Media e lirë luan rol thelbësor në demokraci dhe dhuna kundër gazetarëve është shenjë shumë negative për shëndetin dhe lirinë e shoqërisë”- thuhet në njoftimin e OSBE.

5 Shtete, 6 Organizata në mbrojtje të shpendëve dhe mjedisit në Ballkan, të bashkuara për të luftuar helmimin e paligjshëm te kafshët e egra si një fenomen dominues në të gjitha vendet.

Projekti Kundër-Helmimit në Ballkan (PBKH) është një nismë ndërshtetërore (Shqipëri, Bosnje-Hercegovinë, Kroaci, Maqedoni dhe Greqi) që bashkon organizatat e ruajtjes së kafshëve të egra, agjencitë qeveritare dhe palët e tjera të interesit si; shoqatat e gjuetisë, fermerët dhe shkencëtarët, për të trajtuar e adresuar helmimin e paligjshëm të kafshëve të egra, faktorët që çojnë në përdorimin e helmeve dhe më e rëndësishmja studimi i efekteve të dëmshme të tij në speciet e kafshëve të egra.

Helmimi i paligjshëm i kafshëve të egra ka kontribuar në zhdukjen rajonale dhe reduktimin masiv të të gjitha llojeve të shkabave në rajon dhe është pengesa kryesore për rikthimin e tyre në Ballkan,

Në Shqipëri, nga 4 specie të ndryshme shkabash dikur folezuese, sot gjendet vetëm Kali i Qyqes (Neophron percnopterus). Helmimi është shkaku kryesor i humbjes së tyre.

Projekti Kundër-Helmimit në Ballkan (PBKH) zbatohet nga Fondacioni për Ruajtjen e Shkabave (VCF) me mbështetjen financiare të Fondacionit MAVA.

Projekti përfaqëson një pjesë të plotë të Projektit Kundër-Helmimit në Mesdhe (PKHM) që zbatohet nga Fondacioni për Ruajtjen e Shkabave (VCF) me mbështetjen financiare të Fondacionit MAVA. Projekti nisi të zbatohet në fillim të vitit 2018 me qëllim që të sigurohet angazhimi serioz dhe i vazhdueshëm i autoriteteve qeveritare përkatëse në rajonin e Ballkanit për trajtimin e problemit të helmimit të paligjshëm të kafshëve të egra, si dhe të rritet aftësia e këtyre autoriteteve për t’iu kundërpërgjigjur kësaj dukurie.

Ky projekt ndihmon drejtpërdrejt në zbatimin e Planit të Veprimit për Shkabat – një dokument strategjik thelbësor për ruajtjen e shkabave të Botës së Vjetër, duke zbatuar veprimtari kundër helmimit në Shqipëri, Bosnje dhe Hercegovinë, Kroaci, Greqi dhe Maqedoni dhe po bën progres në punën e nisur nga Fondacioni për Ruajtjen e Shkabave për zbatimin e Planit të Veprimit për Shkabat në Ballkan. /atsh

Ministri i Bujqësisë Niko Peleshi deklaroi sot gjatë këtij viti janë shtuar 43 struktura të agro-turizimit në të gjithë vendin.

Në fjalën e tij gjatë një aktiviteti të zhvilluar sot në Gjirin e Lalzit në Durrës ku është i pranishëm edhe kryeministri Edi Rama, ministri Peleshi theksoi se “nga viti 2012 deri në 2017 hapeshin nga 2-10 maksimumi struktura të quajtura agro-turistike, sepse në atë kohë nuk ka ekzistuar një standard i mirëfilltë si sot për agro-turizmin. Ndërsa këtë vit nga 10 që ishte mesatarja deri tani janë shtuar 43 struktura të agro-turizmit”.

“Pra, është katërfishuar numri, kur sapo kemi miratuar një paketë fiskale shumë agresive për agroturizmin kemi çuar TVSH-në , kemi bërë zero taksën në ndikimin në infrastrukturë dhe nga 15 e kemi çuar në 5% tatim fitimin, apo tatimin mbi fitimin e kompanisë”, nënvizoi Peleshi.

Sipas tij, trendi që krijoi Qeveria ka rritur interesin në agro-turizëm.

Sa më shumë agro-turizëm, vijoi ai, do të thotë më shumë ekonomi më shumë hapësirë për të tregtuar edhe prodhimet tona bujqësore, të cilat nuk mund të shiten në ato pak pika grumbullimi që kemi në gjithë Shqipërinë, që mbledhin mallin e shumicës.

Ai tha se duhet të krijojmë edhe një kanal perfekt ku shitet edhe prodhimi i pakët, por me çmim me vlerë të shtuar, si është është agroturizimi.

Duke folur për sezonin turistik të këtij viti, ministri Peleshi tha se “ky ishte një vit kulmor është rritur shumë numri i turistëve këtë vit. E rëndësishme për ne është të mos shesim vetëm atë bukuri që na ka dhënë natyra, të mos i gëzohemi turizmit të 2 apo 3 muajve të sezonit të verës, por ta shtrijmë turizmin gjatë gjithë vitit”.

Peleshi theksoi se “ambicia dhe qasja jonë janë për ta shtrirë turizmin në 12 muaj të vitit. Një gjetje besojmë se është agroturizmi , i cili është një mundësi e shkëlqyer edhe për të zhvilluar turizëm alternativ të kombinuar me bujqësinë , prodhimet tipike ,artizanale shijen e ushqimeve tona me turizmin masiv, që është ai bregdetar, por edhe turizme të tjera që janë në një trend rritës siç është turizmi i natyrës, i aventurës etj”.

“Ne kemi marrë disa masa këtë vit për agro-turizmin por gjëja më e mirë është që kemi vendosur në fjalorin e politikës dhe qeverisë nga kryeministri deri tek të gjithë përfaqësuesit politikë, fjalën agroturizëm dhe promovimin e këtij sektori të ri të biznesit”, përfundoi Peleshi./atsh

Komiteti për të Liritë Qytetare, Drejtësi, dhe Çështje të Brendshme – LIBE, në Parlamentin Evropian, ka votuar pro liberalizimit të vizave për qytetarët e Kosovës.

Me 30 vota për, 10 kundër dhe 2 abstenime, ky komitet i PE-së ka kaluar çështjen e liberalizimit për kosovarët tek Parlamenti Evropian dhe Këshilli për Marrëveshje nder-institucionale për Liberalizim./korrieri