Minierat dhe fabrikat e bakrit shqiptar, u dhanë më 2001 nga Ilir Meta për 30 vjet, Rama e zgjati në 45 vjet më 2017.
Me prapanicat e futura në det dhe duke u shtirur sikur janë në armiqësi me bosët e LSI, bosët e pushtetit të “rilindjes”, mendojnë, sajojnë, firmosin e vulosin koncesine dhe tendera të përbashkët afro gjysëm shekullorë, me vlerë miliarda lekë, për të shtuar pasuritë e tyre, të familjarëve ndër breza, të miqve, klientëve, shokëve e dashnoreve.
Këto hajdutëri, fillimisht i promovojnë si “shërbim në interes të qytetarëve e banorëve të zonave”, ku ata hapin themele dhe ngrenë biznese, duke investuar taksat publike dhe borxhet e shumta që marrin nëpër botë, por që paguhen nga shqiptarët.
Më datë 13 gusht 2018, megjithëse banda qeveritare është me pushime nëpër plazhe, resorte e male, nga zyrat e saj ka dalë njoftimi, për shpalljen e një tenderi me vlerë 806 milionë lekë, ose afro 1 miliardë lekë, me objekt “Rehabilitim i Uzinës së Rafinimit të Bakrit në Rubik” e cila siç dihet, ka qenë uzina e pasurimit (prodhimit) të 1500 kg. flori shqiptar i derdhur në linkota, që nxirrej nga minerali bakrit.
Ky rehabilitim, sipas informacioneve që ka siguruar “PAMFLETI”, fsheh skemën e një biznesi-koncesionar familjar Rama-Meta, në industrinë e nxjerrje-pasurimit (prodhimit) të floririt, mbasi projekti rehabilitues, parashikon rivendosjen në punë, vetëm të impiantit të pasurimit (larjes së bakrit), duke percipituar floririn në vaskat e shllamit dhe repartin e elektrolizës së argjendit, ku veçohen këto dy metale me vlerë.
Lënda e parë minerali i bakrit, do të çohet në Uzinën e Rubikut, nga minierat e Munellë-Lak Roshit-Fushë-Arrëzit, që nxirret nga firma konesionare turke “Ber Orner”, me administrator hebreun me shtetësi truke Erol Kohen, i cili i ka marrë me koncesion minierat e bakrit në Shqipëri, qysh 17 vite më parë, me vendim qeverie të Ilir Metës-kryeministër, datë 18. 01. 2001, miratuar brenda 15 ditësh në parlament, me Ligjin Nr. 8761, datë 02. 04. 2001.
Duke parë ndërhyrjen e përshpejtuar, për rehabilitimin e uzinës së bakrit në Rubik, që sipas njoftimit të qeverisë “Rama-2”, duhet të rehabilitohet për 6 muaj e 15 ditë (25 mars 2019), del sekreti i vendimit të Qeverisë “Rama-1”, për miratimin urgjent e në fshehtësi, të Ligjit nr. 73/2017, datë 27. 04.2017, hartuar nga Edi Rama Kryeministër dhe Ilir Meta Kryetar Kuvendi, për lejimin e ndryshimit të emrit të firmës turke, nga “Ber Orner” në “Nesco Metal” dhe shtimin e afatit të koncesionit të bakrit, nga 30 vjet që ishte, në 45 vjet, ose deri në vitin 2046.
Këtë bindje, ta përforcon edhe fakti absurd, që qeveria po financon rehabilitimin e Uzinës së Rubikut, të cilën sipas kontratës koncesionare 45-vjeçare, e ka në administrim dhe detyrim për rehabilitim teknologjik e rivënie në punë, firma turke “Ber Orner” (Nesco Metal) e cila deri në vitin 2046, ka në zotërim zonat minerare të bakrit dhe 9 qendra industriale, konkretisht Uzinën e Shkrirje-Rafinerisë së Bakrit Rubik, Impiantin e Skorjeve të Bakrit në Shëngjin, minierat e bakrit në Munellë, Lak-Rosh, Karmë, Vlahnë, Perollaj, fabrikën Fushë-Arrëz, Mjedë dhe Krumë.
Atëherë përse qeveria, financon 1 miliardë lekë taska publike, për biznesin e koncesionarit privat të bakrit, i cili ka 15 vite që nuk po i shlyen shtetit shqiptar, 118 milionë USD detyrime taksa vendore qendrore, rent minerare, energji elektrike, ujë e sigurime shoqërore-shëndetësore të punonjësve?!
A ka lidhje ky investim i përshpejtuar në Uzinën e Bakrit në Rubik, me një pazar-biznes familjar Rama-Meta, për nxjerjen dhe pasurimin (prodhimin) e floririt shqiptar?
Në vijim, “PAMFLETI” do të publikojë, fakte e dokumente, që zbardhin këtë pazar të (ar)miqve “të egër” Rama-Meta, për të futur në “kthetra” edhe industrinë e bakër, flori, argjendit./Pamfleti
NJOFTIMI/MINISTRIA E INFRASTRUKTURËS DHE ENERGJISË
Deklarata e analistit nga Kosova, Baton Haxhiu se, është pro shkëmbimit të territorit me Serbinë, ka sjellë mjaft reagime negative në drejtim të tij. Një prej tyre është shkrimtari, Agron Tufa, i cili shprehet se Kosova nuk ka qenë ndonjëherë shtëpia e Haxhiut. Pasi ky mendon që një pjesë e veriut të Kosovës duhet dhënë Serbisë.
“Nëse Baton Haxhiu perserit “Veriu i Kosovës i duhet dhënë Serbisë”, edhe unë po përsëris: “Lëreni Batonin t’ia japë Serbisë veriun dhe jugun e erzit të shtëpisë” (Kosova nuk ka qenë ndonjëherë “shtëpia” e tij: tradhëtarët e mercenarët nuk kanë atdhe!)”, tha Tufa.
Sidoqoftë, në një intervistë të Baton Haxhiut dhënë gazetës MAPO, ka konstatuar se korrigjimi i kufijve nënkupton që edhe Kosovës do t’i hiqet një pjesë.
Haxhiu është analisti i vetëm në Kosovë që po përkrah idenë e Hashim Thaçit për “korrigjim të kufijve”. Të dy njihen për raportet e tyre miqësore. Madje javën e kaluar Thaçi e Haxhiu kishin kaluar një vikend në bregdetin e Shëngjinit.
Kreu i qeverisë ka marrë me qindra kritika në një postim për pasqyrën e qeverisjes, ku tregohen rezultatet më të fundit të arritura prej saj. Shumica e qytetarëve nuk bien dakord me atë që Edi Rama paraqet në internet, duke e quajtur atë gënjeshtar dhe mashtrues.
“Ngele duke gënjyer çdo mëngjes, ia ke kaluar dhe Saliut”, komenton një qytetar. “Rregulloni rrogat në privat, që punëtori se merr rrogën në date fiks, dhe nuk I hidhet e gjitha rroga në bank gjysma në dorë dhe një pjes në bank”,– ka qenë një tjetër koment.
Ka pasur edhe komente në lidhje me çmimin e biletave të avionëve. “Po bileta e avionit pse nuk ibe reklama që ma te shtrejta në eurozonë apo nuk te vjen mirë ty se e shef populli i myte emigrantët shqiptarë po do ta shohim kur të jenë zgjedhjet çfarë do jetë rrena e radhës”,- pyetet një qytetar tjetër Ramën.
Kurse qytetar tjetër i shkruar, se kur shikon pamjet të tilla nga interneti, ndihet i lumtur që ka vendosur të iki nga Shqipëria.
Ajo ishte një prej 43 viktimave që humbën jetën nga rrënojat e urës “Morandi” në Genova të Italisë. Elisa Bozzo ashtu si shumë të tjerë atë mëngjes po shkonte për në punë. 34-vjeçarja po kalonte me makinë në momentin e shembjes së urës “Morandi”. Davide Malinarich është një nga miqtë e Elisës, i cili prej dy vitesh jeton me familjen e tij në Shkodër. Italiani tregon mes dhimbjes njohjen që kishte me vajzën e këndshme dhe familjen e saj përpara se të shpërngulej nga Italia.
“Xhenova është një vend i vogël në Itali. Ne të gjithë atje e njohim njëritjetrin. Unë e kam njohur Elisën, ajo është një vajzë 34- vjeçare, e cila humbi jetën e saj në një moshë shumë të re. Njoh edhe familjen e saj dhe kemi një rreth të përbashkët. Ishte një vajzë e mrekullueshme dhe një familje e mrekullueshme.
Elisa, në jetën e saj, ka bërë disa punë të ndryshme. Edhe atë ditë në atë urë të mallkuar ajo po shkonte në punë, si shumë të tjerë, dhe fatkeqësisht humbi jetën. Kur kam marrë vesh lajmin, jam ndjerë shumë keq, jo vetëm për miken time, por edhe për të gjithë ata që humbën jetën në këtë tragjedi”, tregon Davide.
Për të, një tragjedi e tillë në vendin e tij është si të përplasesh pas murit, ndërsa ka një mesazh për të gjitha familjet që humbën të dashurit e tyre. “Kam një mesazh ngushëllimi për të gjitha ato familje që humbën personat e tyre të dashur”, thotë italiani. “Ne njihemi si një qytet që kemi pranë detin dhe na kanë cilësuar si qytet mbretërish. Ashtu siç kemi përballuar stuhitë e detit, ashtu duhet të përballojmë edhe këtë tragjedi.
Për ne që jemi spostuar në shtete të tjera, lajmet e mira vijnë me shumë vonesë, ndërsa lajmi i keq vjen shumë shpejt. Ashtu si gjithë të tjerët, unë ndihem shumë keq”. Italiani që jeton në Shkodër shton më tej se si një njohës i mirë i Xhenovës, ura “Morandi” gjithnjë ishte një rrezik për qytetin. Për të aty ka gisht politika.
“Të shumtë kanë qenë ata njerëz që kanë thënë se ura është e rrezikshme, ashtu siç të shumtë kanë qenë ata që kanë thënë se nuk është e rrezikshme”, tregon Davide. “Duke marrë parasysh se shteti ka ndërtuar një urë mbi shtëpitë, normalisht që ka qenë shumë e rrezikshme. Shpresoj që shteti të marrë mësimin e duhur sepse janë dëmtuar edhe 700 shtëpi. Një shprehje e vjetër thotë se kush gabon, edhe paguan, dhe shpresoj që shteti të bëjë gjënë e duhur”, përfundon italiani, ndërsa ndjen një dhimbje të madhe për atë që ka ndodhur në qytetin e tij./Panorama
Nëse keni synim që të studiojini në Shtete e Bashkuara të Amerikës ku ndodhen universitet më të mira në botë, atëherë duhet të ndiqni me kujdes këshillat që jep ambasada amerikane në Tiranë.
“Je një student i interesuar për të ndjekur një universitet apo kolegj në Shtetet e Bashkuara? Ndiqni bashkëbisedimin e EducationUSA mbi Procesin e Pranimit në Shtetet e Bashkuara. Ekspertë të arsimit të lartë, studentë ndërkombëtare dhe Departamenti i Shtetit diskutuan se si funksionon procesi i pranimit në arsimin e lartë të Shteteve të Bashkuara”. Mësoni mbi kriteret dhe se si do të vlerësohet aplikimi juaj:https://bit.ly/2MtLT6s, thuhet në njoftimin e ambasadës amerikanë në Tiranë.
Ndërkohë që ndoshta keni dëgjuar se shenjat e zodiakut mund të zbulojnë shumë për personalitetin dhe karakteristikat e një personi, a e dinit se muaji në të cilin keni lindur mund të tregojë gjithashtu shumë gjëra për ju?
Muaji juaj i lindjes mund të ofrojë një pasqyrim të sjelljes suaj të përgjithshme, si ju shohin të tjerët dhe mendimet dhe ndjenjat tuaja ndaj jetës në përgjithësi.
Këto përshkrime vijnë nga studimi i astrologjisë, duke i bazuar tiparet e karakterit në radhitjen dhe vendosjen e yjeve gjatë muajit tuaj të lindjes.
Vazhdoni leximin për të parë se çfarë thotë për ju muaji juaj i lindjes:
Janar
Njerëzit e lindur në janar kanë një etikë pune shumë të fortë dhe nuk do të hezitojnë të shprehin mendimet e tyre. Ata kanë një qëndrim kokëfortë dhe nuk u vjen mirë që të tjerët t’u thonë se çfarë të bëjnë.
Ajo që ju bën udhëheqës të mirë është këmbëngulja dhe përpjekja për sukses, por nganjëherë nuk i dëgjoni shumë të tjerët. Ju keni një aftësi të natyrshme për të mësuar njerëzit e tjerë dhe ata ju dëgjojnë me lehtësi dhe gatishmëri për të mësuar.
Shkurt
Nëse keni lindur në shkurt, ndoshta keni një damar të fortë krijues dhe ju pëlqen të punoni me projekte të reja. Ju e adhuroni të përfshiheni në diskutime intelektuale dhe nuk ju pëlqen të bisedoni me njerëz që duken të cekët.
Një apo dy herë në jetë keni qënë shpirt i lirë më parë dhe nuk dëshironi të jetoni brenda kufijve të rregullave të ngurta të shoqërisë. Ju pëlqen të udhëtoni dhe merrni avionin apo trenin sapo t’ju jepet shansi.
Ju emocionon dhe ju jep gjallëri aventura dhe eksplorimi i botës, kështu ju jepni më të mirën në shoqërinë e shpirtrave të tjerë të lirë dhe ëndërrimtarë. Ju jeni një mik dhe po ashtu një partner shumë besnik dhe i ndershëm.
Mars
Njerëzit e lindur në mars janë gjithashtu shumë krijues dhe imagjinative, por ata kanë tendencë të jenë më të mbyllur dhe më të qetë.
Ata jetojnë shumë brenda kokave të tyre, duke krijuar në mendje kryevepra. Ata u drejtohen arteve për t’u shprehur dhe e shijojnë kohën kur janë vetëm në qetësi.
Ju keni një sjellje të butë me njerëzit e tjerë, por tentoni t’i fshehni shumicën e aspekteve të vetes nga të tjerët. Ju pëlqejnë ambjentet paqësore, të qeta dhe shumicën e kohës rrini larg vendeve të zhurmshme dhe të mbushura me njerëz.
Prill
Ata që kanë lindur në muajin prill kërkojnë vëmendje dhe dashuri çdo sekondë që mund të shpenzojnë në qendër të vëmendjes.
Ata po ashtu nuk marrin urdhra, në vend të kësaj preferojnë t’i bëjnë gjërat sipas mënyrës së tyre dhe të drejtojnë të tjerët. Foshnjat e prillit kërkojnë aventura të reja.
Ata veprojnë dhe mendojnë më vonë, duke jetuar çdo ditë të jetës, për të parë se ku i çon ata. Ndonjëherë njihen si të zhurmshëm dhe të padurueshëm, por e shprehin atë që kanë në mendje dhe nuk e kanë problem t’u tregojnë të tjerëve se si ndihen.
Maj
Njerëzit e lindur në muajin maj kanë tendencë të jenë shumë të paqëndrueshëm, duke kërkuar gjëra të ndryshme në çdo ditë të ndryshme. Ata janë të shprehur dhe u pëlqen të flasin me njerëzit rreth çdo fushe të jetës.
Ata kanë një jetë shoqërore aktive dhe nuk duan të kalojnë shumë kohë vetëm. Të lindurit e muajit maj mund të duan gjithashtu një bisedë stimuluese, inteligjente, por kanë nevojë për pothuajse një sasi të barabartë argëtimi dhe ngazëllimi.
Ata mërziten lehtë dhe vazhdimisht kërkojnë mënyra të reja për të argëtuar veten.
Qershor
Nëse keni lindur në qershor ju jeni shumë të ndjeshëm dhe të kujdesshëm ndaj ndjenjave të njerëzve të tjerë. Mund të jeni të turpshëm dhe të butë, por njerëzit me të vërtetë e admirojnë këtë gjë tek ju.
Ju keni një shpirt krijues dhe mendoni shumë për të ardhmen, për atë që mund të krijoni dhe si mund t’i sillni idetë tuaja në botë.
Megjithëse nuk shprehni gjithmonë se si ndjeheni, ju keni një botë të tërë që jetoni brenda jush, dhe vetëm doni të kuptoni se si ta sillni atë në jetë.
Korrik
Njerëzit e lindur në korrik kanë shumë tipare të njëjta me ato të lindur në qershor, me përjashtim të faktit se ato janë pak më spontanë dhe të hapur. Ata jetojnë për aventura dhe vetëm duan të kalojnë mirë.
Nga jashtë, ata shfaqen të sigurt dhe të gëzuar, por brenda, ata fshehin shumë sekrete të errëta, gjithashtu fshehin dhe dhimbjen nga të tjerët.
Njerëzit e lindur në korrik kanë shumë energji dhe për këtë të tjerëve u pëlqen shumë të shoqërohen me ta.
Gusht
Të lindurit në muajin gusht janë liderë të lindur, që nuk kanë frikë të ngrenë zërin me idetë e tyre. Ata mund të jenë të guximshëm dhe të vetëdijshëm, por nën të gjitha këto qëndron zemra e tyre e madhe.
Gjithsesi, ata mendojnë shumë dhe nëse nuk janë të kujdesshëm kyçen brenda qasjes së tyre të ngurtë dhe metodike në jetë.
Njerëzit e lindur në gusht ecin në karrierën që përfshin të menduarit dhe analizat kritike, sepse ata e shohin jetën në një mënyrë logjike, hap pas hapi. Sidoqoftë ata nuk i shprehin mirë emocionet e tyre, kështu, të shohësh anën më “njerëzore” të tyre mund të duket e vështirë në disa raste.
Shtator
Njerëzit e lindur në shtator kanë pritshmëri të larta nga të tjerët, kështu që zhgënjehen shumë lehtë. Ata janë kokëfortë dhe mbajnë inate nëse i kundërshtoni.
Ata janë perfektionistë, duke mbajtur veten dhe të tjerët në ideale të larta. Ata gjithashtu janë njerëz sensualë, krijues, të sjellshëm, që gjithmonë që duan t’i ndihmojnë të tjerët kur munden.
Tetor
Njerëzit e lindur në tetor krijojnë balancë dhe stabilitet në çdo gjë që bëjnë dhe kanë një pikëpamje pozitive për jetën. Nuk i pëlqejnë përballjet dhe i shmangin ato sa herë të jetë e mundur.
Kanë gjithashtu një jetë sociale aktive dhe i duan miqtë deri në vdekje. Janë sharmantë dhe fjalëshumë dhe edhe pse ju pëlqen të keni njerëz përreth, janë gjithashtu edhe shumë të pavarur.
Nëntor
Njerëzit e lindur në nëntor janë të fshehtë dhe shpesh fshehin ndjenjat e tyre të vërteta nga të tjerët. Atyre nuk u pëlqen që të tjerët t’u tregojnë se çfarë të bëjnë dhe kanë tendencë të zgjedhin vetë rrugën e tyre në jetë.
Ata nuk u frikësohen shumë gjërave dhe hidhen me kokë në situata, pa marrë parasysh pasojat. Nuk lejojnë që asgjë në jetë t’i ndalojë ata dhe kanë një qëndrim të fortë dhe të pasionuar për jetën.
Dhjetor
Të lindurit e dhjetorit janë njerëz shumë aventureske dhe bujarë. Sidoqoftë, ata ndonjëherë mund ta shfaqin krenarinë dhe mund të krijojnë konflikte të vogla me njerëzit.
Ata duan që të jenë gjithmonë në lëvizje dhe nuk mund të qëndrojnë në vend për një kohë të gjatë. Janë njerëz të furishëm, të këndshëm dhe qëndrimi i tyre i lirë balancon në mënyrë të përkryer anën e tyre më të shtrënguar.
Tregu i punës ndryshon çdo vit, prandaj tani profesionet më të kërkuara janë operatorët për call center dhe operatorët për rrobaqepësi. Më pas vijnë kamerierët, këpucarët dhe teknikët e ndërtimit. Këto kryesojnë top listën e profesioneve për të cilat tregu ka nevojë, teksa ka shumë pak kërkesë për punonjës më kualifikim të lartë dhe sidomos për teknologjinë.
Lista e profesioneve më të kërkuara edhe për vitin në vijim u formulua pas një ankete që Programi i Zhvillimit të Kombeve të Bashkuara, PNUD bëri me më shumë se 2600 biznesë në të gjitha qarqet e vendit. Anketa e cila u kryesua nga ekspertë të INSTAT zbardhi listën e nevojave që paraqet tregu aktualisht dhe në periudhë afatmesme.
Lista e profesioneve më të kërkuara reflekton modelin e ekonomisë së Shqipërisë, e cila ësht` e është e orinetuar nga shfrytëzimi i burimeve natyrore dhe sektorët me vlerë të ulët, të tilla si sektori fason dhe tregtia me pakicë. Në kushtet aktuale punonjës me kualifikim të lartë kanë shumë pak mundësi punësimi, pasi tregu i punës ka ofertë shumë të ulët për këto grup profesionesh.
Kërksa për “punonjës krahu” e ka dekurajuar edhe sistemin arsimor të avancojë në sektorin e shkencës dhe teknologjisë, degë në të cilat arsimi europian po orientohet në ditët e sotshme. Por teksa tregu kërkon punonjës pa aftësi, në universitetet shqiptare rreth 60 për qind e studentëve diplomohen për juridik, ekonomi, arte dhe shkenca sociale.
Sipas të dhënave zyrtare në vitin 2016, kërkesa e bizneseve për të rekrutuar punonjës me arsim të lartë dhe teknikë të mesëm ra me 25% në raport me vitin 2015. Hendeku mësohet të jetë thelluar më 2017. Në zyrat e punës janë regjistruar si punëkërkues 5336 persona me arsimin e lartë vitin e kaluar, por oferta për këtë kualifikim ishte vetëm 2517 persona.
Nga ana tjetër shumica e ofertave për punë me arsim të lartë janë për pozicione që i mbulon arsimi profesional. Bie fjala një punonjës kase në bankë nuk ka pse të jetë me shkollë të lartë, ashtu si dhe një llogaritar mund ta bëjë një person me arsim të mesëm. instalimet elektrike në pallat mund t’i bëjë një teknik i mesëm.
20 profesionet me të kërkuara në Shqipëri 1 Operator për call center2 Operatotë për makinë qepesë3 Kamarierë dhe baristë4 Këpucar (fabrike)
5 Teknikë ndërtimi6 Teknikë minierash7 Shoferë
8 Pastrues dhe ndihmës shtëpie9 Shites10 Punonjës sigurie11 Hekurkthyes dhe punonjës metalesh12 Inxhinier teknik13 Ekspert iT14 Operatorë për makina ushqimore15 Agjentë shitjesh16 Llogartitare dhe ekonomiste17 Inxhinier18 Mekanik19 Kuzhinier20 Punonjes te drurit per mobileri/korrieri
Ndonëse Shqipëria ishte një vendi i izoluar për shumë vite pas Luftës së Dytë Botërore, kjo nuk do të thotë se shërbimet e fshehta amerikane nuk kishin informacion se çfarë po ndodhte. CIA dhe Agjencia Qendrore e Informacionit të SHBA-ve, ka pasur vazhdimisht në qendër të vëmendjes zhvillimet e brendshme për kreun e partisë dhe të shtetit komunist, duke qëmtuar informacione të rregullta për ecurinë e tyre. Ajo, madje, interesohej për shëndetin e tyre, familjet, miqësitë, për karakterin, aftësitë, veset, lidhjet shoqërore, të shkuarën, manitë etj.
Burimet e informacionit kanë qenë nga më të ndryshmet, duke filluar nga emigrantët politikë, agjentët e fshehtë brenda vendit, agjentët e dërguar nga jashtë, vizitorët që ktheheshin nga Shqipëria, gazetarët, shtypin shqiptar dhe të huaj, diplomatët, shërbimet e huaja, sidomos ato jugosllave, greke dhe italiane. Në ciklin që po publikojmë veçohen raportet për mënyrën si CIA vëzhgonte rivalitetin ndërmjet Hoxhës, shefit të Partisë dhe Shehut, kreut të Ekzekutivit shqiptar, që vinte në këtë post nga detyra e ministrit të Brendshëm…
BEQIR SKRELI
Atë që e shikonin të gjithë nga jashtë, shqiptarët nuk e dalluan kurrë! Lufta për popullaritet midis Enver Hoxhës dhe Mehmet Shehut e ka shoqëruar deri në fund bashkekzistencën e tyre në krye të regjimit komunist në Shqipëri. Ka qenë kjo një nga aspektet më të rëndësishme të luftës për pushtet.
Jo rastësisht, shërbimet inteligjente amerikane, por jo vetëm, e kanë pasur në qendër të vëmendjes këtë çudi shqiptare. Dokumenti i CIA-s, i datës 15 tetor 1951, me titull “Lufta për popullaritet midis Hoxhës dhe Shehut”, bazuar në një “burim me kualifikim të shkëlqyer” thotë: “Sipas një burimi të besueshëm, Enver Hoxha, kreu komunist i Shqipërisë, është përfshirë në një “luftë të ashpër për popullaritet me të preferuarin e ri të Rusisë, gjeneral Mehmet Shehun”.
Arsyeja për këtë luftë, e cila po ndiqet me shumë vëmendje, është unike për një vend satelit të sovjetikëve. Hoxha, themeluesi i Partisë Komuniste të Shqipërisë, bëri emër si udhëheqës i rezistencës gjatë luftës. Ashtu si edhe Titua, ai ka shumë shokë lufte. Për ambicien e tij personale dhe për të forcuar qeverinë, mbas prishjes së Jugosllavisë me Informbyronë, Hoxha filloi të popullarizonte veten si një Skënderbe i ri, heroi kombëtar shqiptar që mbrojti vendin nga turqit 500 vjet më parë.
Si pasojë e kësaj fushate të suksesshme, gjithmonë e më shumë komunizmi shqiptar po personifikohet më një njeri-Hoxhën. Ndërkohë, Rusia e shikon me dyshim popullaritetin në rritje të Hoxhës sepse në vendet satelite ajo dëshiron ta shpërndajë pushtetin midis shumë udhëheqësve komunistë, të cilët të konkurrojnë me njëri-tjetrin. Megjithëse Hoxha e spastroi pa mëshirë partinë nga elementët titistë, autoriteti i tij në popull, i ngjashëm me të Titos, është objekt dyshimi për rusët.
Veç kësaj, bashkëpunimi i ngushtë i Hoxhës me jugosllavët gjatë dhe pas luftës, ka shumë të ngjarë të përdoret kundër tij prej rusëve kur ata duan të ngrenë të preferuarin e tyre-Shehun. (Gjatë luftës, dy divizione partizane shqiptare nxorën nga rrethimi forcat e Titos. Pas luftës, hegjemonia jugosllave mbi Shqipërinë ishte fakt i njohur. Ajo dukej në shumë shoqëri zhvillimi të përbashkëta jugosllavo-shqiptare, ekspertët jugosllavë që punonin në Shqipëri dhe më në fund propozimi i Titos për të pasur një monedhë të vetme, dinarin jugosllav). Gjeneral Shehu nuk mbart një barrë të tillë politike nga e kaluara, megjithëse ka mbajtur shumë poste në qeverinë e Hoxhës.
Më pak inteligjent dhe i shkolluar se Hoxha, Shehu mbështetet hapur nga ambasada sovjetike në Tiranë, e cila gjithmonë e më shumë po e konsideron atë si njeri të besuar veçanërisht në çështjet ushtarake. Kjo luftë e brendshme midis Hoxhës dhe Shehut është mbajtur me zgjuarsi fshehur nga populli, i cili s’di gjë fare për të. Në takimin CIA-UDB, 16-17 shkurt 1953, u tha se ambasadori rus Chuvakhin, para eliminimit të Koçi Xoxes, kishte detyruar Enverin të pranonte Mehmet Shehun në Komitetin Qendror, nga i cili qe përjashtuar me iniciativën e Koçit.
Si shprehje të kësaj lufte për popullaritet në një dokument të CIA-s të 22 dhjetorit 1949 citohet nga “Neë York Herald Tribune” se, “sipas raporteve prej qarqeve komuniste në Tiranë, në muret e zyrave shtetërore po vendosen fotografitë e Gjeneral Shehut, kurse nga disa ndërtesa janë hequr fotografitë e Gjeneral Hoxhës”. Të bën përshtypje popullarizimi i emrit të Mehmet Shehut prej gazetarit të “Neë York Times”, Cyrus L. Sulzberger, të njohur për lidhjet e tij me shërbimet e fshehta.
Më 19 dhjetor 1944, kur rangu i Mehmet Shehut ishte më i ulët nga ai i shumë udhëheqësve të tjerë, Sulzberger e quan atë që po ndodhte në Shqipëri “Lëvizje të udhëhequr nga Kryeministri Hoxha dhe Mehmet Shehu”. Pesha që ai i atribuon këtu Mehmet Shehut duket pak e çuditshme po të kujtojmë se në një artikull mbi Shqipërinë, të botuar më 21 korrik 1944, Sulzberger përmend të gjithë krerët shqiptarë të luftës, nga të gjitha krahët e spektrit politik, por jo Mehmet Shehun.
Kur u bë Mehmet Shehu për 4 muaj “Numri 2” kur ishin akoma shumë të fuqishëm, Koçi Xoxja, Nako Spirua, Sejfulla Malëshova etj? Ngritja e Mehmetit në këtë rang në këtë periudhë, duket më tepër dëshirë e Sulzbergerit për ta popullarizuar figurën e Mehmetit sesa pasqyron realitetin e kohës. Më vonë, më 19 janar 1950, ai e cilësonte Mehmet Shehun si “njeriu i fortë i vendit të vogël ballkanik, i shkolluar në Moskë, shefi i Sigurimit të shtetit dhe ndoshta personi më i fuqishëm në vend pa përjashtuar madje as Kryeministrin Enver Hoxha”.
Më 27 mars të po atij viti, ai e quan Mehmetin “Agjenti shqiptar më i besuar i Bashkimit Sovjetik”, “Zoti Shehu është pa dyshim udhëheqësi shqiptar më i besuar”, kurse “Vetë zoti Hoxha nuk është i sigurt për të ardhmen e tij”. Mehmet Shehu, me gjithë përpjekjet e tij dhe përkrahjen e të tjerëve për ta fituar luftën për popullaritet me Enver Hoxhën, e kishte të pamundur.
Në dokumentin e CIAs datë 28 dhjetor 1962, një bashkëpunëtor që i njihte mirë të dy shkruan: “Zakonisht e sidomos këtu në Greqi, (me sa kam kuptuar) mendohet se frenat e situatës në Shqipëri i ka më tepër Mehmet Shehu. Nuk jam i këtij mendimi. Mendoj se frenat e Shqipërisë, edhe në momentet më kritike për të, (1948), i ka pasur Enveri. Opinioni im është ky: Mehmeti është bashkëpunëtori i tij më i ngushtë; dora e djathtë e tij. Diktatori i vërtetë ka qenë dhe mbetet Enveri. Në rast se Mehmet Shehu është pesë kokë përmbi udhëheqësit e tjerë të partisë, nuk pushon, prapë se prapë, të jetë një kokë më poshtë sesa Enveri. Enveri ka qëndruar kurdoherë gjashtë kokë përmbi të tjerët. Tek–tuk, në shtypin e lirë, figuron mendimi se Enveri nuk është njeri me puls, se ka një karakter më tepër të butë e që pëson ndikimin e ndonjë tjetri. Nuk pajtohem as me këtë opinion. Edhe puls ka, edhe karakter ka. Pa asnjë dyshim, Mehmeti është më i egër; temperamenti i tij është më i spikatur. Merita të domosdoshme këto për një udhëheqës në një regjim totalitar. Mirëpo këtu nuk duhet harruar fakti se krahas këtyre meritave, Mehmeti ka edhe të meta të mëdha; është kapriçoz, i rrëmbyer dhe ka kurdoherë nevojë për ndokënd që ta përmbajë. Aq më tepër sepse dëshirat e tij i merr për realitete, sepse udhëhiqet shumë nga pasionet e tij personale, sepse rrëmbehet nga sukseset e çastit. Ndryshe nga Mehmeti, Enveri është më tepër politik, më tepër diplomat, më realist. E tërë jeta e tij tregon se sekretari i parë i sotëm i K.Q. është udhëhequr nga parimi “mat shtatë erë e prit një herë”.
Ndryshe nga Mehmeti që është sanguin, Enveri di të shtrijë këmbët sa është krevati. Nuk i mungon pastaj, as guximi, as pulsi. Enveri nuk ka guximin e një ushtaraku kapadai (siç është Mehmeti), por atë të një diplomati të talentuar që di të bëjë lëshime kur ato janë të domosdoshme dhe të paevitueshme. Ndryshe nga Mehmeti që është ekstremist intransigjent Enveri ka turua (common sense). Pa dyshim, Enveri është njeri shumë i respektuar në parti. Ai është udhëheqës i padiskutueshëm në Shqipëri”. Në një dokument të CIA-s, që mban datën 31 korrik 1956, citohet një burim, i cili ngre lart aftësitë oratorike të Enverit. “Enver Hoxha është i aftë të mbajë fjalime publike me efekt të konsiderueshëm, madje duke i bërë disa edhe të derdhin lot”.
Kush ishte Cyrus L. Sulzberger
Cyrus L. Sulzberger, ishte nipi i pronarit të Neë York Times. Falë inteligjencës dhe kulturës së tij, përpos lidhjeve të shumta me qarqet e larta dhe shërbimet e fshehta, për gati 40 vjet, ka pasur një rol shumë të veçantë si gazetar, mesazher, por edhe si këshilltar. Ndoshta do të ishte e padrejtë mos të përmendim faktin që ishte dhëndër grek dhe i dashuruar me jugosllavët, çfarë ndikonte që mos t’i kishte shumë për zemër shqiptarët.
Ai njihet në Shqipëri për reagimin e ashpër që ka patur Enver Hoxha kundër tij. Sakaq, me rrëzimin e komunizmit Cyrus L. Sulzberger vizitoi për herë të parë Tiranën dhe zhvilloi një bisedë diskrete me Ramiz Alinë, asokohe president I republikës dhe figura numur Një e Partisë në pushtet./korrieri
