Aurora

Makina e larjes së rrobave në temperatura të ulëta lejon zhvillimin dhe bartjen e bakterieve nga rrobat e zakonshme me peshqirët e kuzhinës, të cilët mund të shkaktojnë infeksione në familje.

Temperaturat e ulëta në programet ekonomike për larjen e rrobave, nuk janë të mjaftueshme për të vrarë bakteriet, theksohet sipas një studimi të Shoqatës britanike për higjienë. Sipas tij, rreth 0.1 g ose 10,000 fekale mbeten tek brekët e “pastra” pas larjes në temperatura të ulëta.

– Njerëzit besojnë se, rrobat pas çdo larje në makinën e larjes së rrobave, duhet të jenë të pastra, por ka një dallim të madh mes pastërtisë sipërfaqësore dhe asaj higjienike – thekson bartësja e këtij studimi, Lisa Akerli.

Lisa shton se si programi ekonomik dhe programet tjera të lavatriçes në temperatura të ulëta janë problematike jo vetëm për shkak të mbetjeve bakteriale, por edhe përtej kontaminimit duke kaluar në gjëra tjera në makinë dhe krijimin e të ashtuquajturës “ përzierje bakteriale”.

Gjërat nga ku vijnë bakteriet, si peshqirët dhe salvetat apo pëlhurat e kuzhinës, janë në kontakt të drejtpërdrejtë me trupin e njeriut dhe lehtë mund të shkaktojnë shumëllojshmëri të sëmundjeve. Bakteriet në rroba me lagështi janë më të rrezikshme, sepse mund të vijnë në kontakt me duart tuaja gjatë vendosjes në tel për tharrje, dhe më pas të prekni paqëllim gojën tuaj me ato duar.

Për atë, lani rrobat tuaja në 60 gradë, kështuqë do të jeni më të sigurtë.

Këshilla për higjienë më të mirë të lavatriçes:

Të paktën një herë në muaj lani rrobat në 90 gradë. Pra, edhe rrobat do të jenë të pastra por edhe makina larëse do të pastrohet nga bakteriet Mbulesat dhe rrobat duhet të lahen të veçuara nga peshqirët, sidomos kur lahen në temperature të ulëta.

Pas përfundimit të larjes, dera e lavatriçes është mirë që të lihet hapur për një kohë, sepse qarkullimi i ajrit parandalon rritjen e bakterieve brenda saj.

Rregullisht pastroni derën e lavatriçes, si dhe vendin ku hidhet detergjenti dhe zbutësi.

Pas shtrirjes së rrobave në tel për tharje, pastroni tërësisht duart tuaja.

Nëse lani rrobat tuaja në temperatura të ulëta pa ndonjë dezinfektues, atëherë thani mirë rrobat dhe sigurohuni që të pastroni duart pas prekjes së rrobave me lagështirë.

Dashi-Do të jeni mjaft krijues dhe kjo rigjetje sigurie tek aftësitë tuaja, do ju lejojë që të arrini objektivat e vendosur në punë. Në dashuri ka disa tensione të cilat duhet ti sheshoni me partnerin/en, ndaj jini më të komunikueshëm.

Demi-Kjo e mërkurë do ju gjejë me intuitë të theksuar dhe do të shfaqeni të besueshëm para të tjerëve. Një gjë e tillë do të sjellë avantazhe në çështjet e punës. Këshillohet që të jeni më romantik, në mënyrë që të ndizni shkëndija të reja.

Binjakët-Po nisni një rrugëtim i cili do ju çojë drejt rritjes sa i takon karrierës tuaj profesionale. Do të jeni shumë të përqendruar, por mundohuni që të mos lini shumë pas dore ndjenjat. Mjaft të favorshme gjatë kësaj dite, janë investimet.

Gaforrja-Qielli do të jetë mjaft i favorshëm për gjithë ata që kanë dëshirë të rikthehen në lojë në punë. Parashikohen zgjidhje të rëndësishme të cilat do ju lejojnë që të rigjeni qetësinë. Në dashuri, do të jeni disi të ftohtë dhe të shkëputur. Duhet të kaloni më shumë kohë cilësore me partnerin/en.

Luani-Ndonëse jeni në një periudhë mjaft të tensionuar dhe stresuese, mund të merrni rezultate të mëdha në punë. Në dashuri, mundohuni të mos jeni shumë anksioz.

Virgjëresha-Kjo javë është e rëndësishme për të rigjetur sigurinë dhe qetësinë, duke pasur besim te kapacitetet tuaja. Kjo është një periudhë shumë e mirë për të përmbyllur projekte të rëndësishme. Në dashuri parashikohet një periudhë e favorshme.

Peshorja-Kjo ditë është e rëndësishme për të vlerësuar më mirë ofertat që keni marrë së fundmi. Parashikohen të reja të rëndësishme dhe marrëveshje intriguese. Sa i takon sferës emocionale, parashikohen takime romantike dhe emocionuese.

Akrepi-Këshillohet që të jeni shumë të kujdesshëm, sidomos në çështjet e biznesit, ku i keni vendosur vetes një objektiv të caktuar. Megjithatë duhet të mundoheni të shfaqni më shumë besim ndaj bashkëpunëtorëve tuaj. Mbrëmja parashikohet të jetë argëtuese dhe relaksuese për gjithë ata që kanë dëshirë të rikthehen në lojë në dashuri.

Shigjetari-Jini më kurajoz dhe mos hezitoni që të përhapni propozimet tuaja në vendin e punës. Duhet të tregoheni më shumë bashkëpunues dhe të vendosur për të çuar përpara një projekt të rëndësishëm. Parashikohet një periudhë e rëndësishme tranzitore, e cila mund të përforcojë një histori dashurie.

Bricjapi-Gjatë kësaj dite do të ndiheni shumë të kënaqur me rezultatet e arritura në vendin e punës. Megjithatë jeni lodhur shumë dhe në këtë moment, doni vetëm të pushoni. Kjo e mërkurë parashikon histori të reja dashurie.

Ujori-Parashikohet një ditë e rëndësishme, sa i takon arritjes së rezultateve në punë. Tashmë do të ndiheni gati për të hedhur një hap të rëndësishëm në karrierën tuaj. Në dashuri, këshillohet që të shfaqni më hapur ndjenjat.

Peshqit-Kjo është një periudhë e rëndësishme për të plotësuar pritshmëritë tuaja në dashuri. Sa i takon punës, parashikohet një ditë mjaft intensive por në të njëjtën kohë edhe produktive, ku favorizohen bashkëpunimet me kolegët.