Aurora

Lejla Ibrahimi-Salahi ishte 25 vjeçe kur jeta e saj ndryshoi thellësisht. Përditshmëria, ëndrrat, dëshirat, gjithçka mori kthesë krejt tjetër. Babai i saj, Bexhet Salahi, u sëmur papritur dhe ndërroi jetë pas pak ditësh. Megjithatë, për gruan e guximshme nga Zyrihu ishte e qartë: erdhi koha që domosdoshmërisht të udhëhiqte me firmën e madhe të Air Prishtina.

“Ai më shikoi nga shtrati i spitalit dhe me vështrimin e tij kuptova gjithçka, çfarë deshte të thoshte,” kujton Lejla Ibrahimi, shkruan SonntagsZeitung. Dhe kështu brenda natës ajo u kthye në vajzën më të rëndësishme të familjes: mori drejtimin e biznesit, mbajti kompakt familjen, shqetësoheshte për ta, mbi të gjitha vëllai i saj i vogël kishte vetëm 13 vjet. “Nuk ishin kohë të lehta,” thotë Ibrahimi, e cila kishte vetëm një vit kohë për të treguar veten. Konkurrenca ishte e madhe.

Sot, thuajse fiks 13 vjet më vonë, biznesi është më i madh se kurrë dhe Air Prishtina fluturon në shumë vende europiane, kurse fluturimet fillojnë ose mbarojnë në Kosovë dhe Maqedoni. Vitin e kaluar firma ka transportuar rreth gjysëm milion pasagjerë me një qarkullim prej 60 milion franga. Qendra e Air Prishtina është në rrugën Löwenstrasse të Cyrihut, një ndërtesë e renovuar dhe me zyra elegante, përcjell albinfo.ch.

Babai Bexhet kishte vlerësuar saktë vajzën e tij. Përkundër gjithë mynxyrave, Lejla Ibrahimi kishte dhunti negociuese dhe arriti që jo vetëm ta ruajë firmën, por edhe ta ngrejë. Se ajo ishte pothuajse gjithmonë e nënvlerësuar nga kontraktorët e saj, ajo me mjeshtëri e përdori atë – deri më sot.

Firma Air Prishtina luftonte në një treg të fuqishëm. Fluturimet brenda Europës nuk mund të ishin tepër të lira. Disa konkurrente bankrotuan si pasojë e luftës së çmimeve. Për dallim nga ofruesit tjerë, Air Prishtina nuk kishte aeroplanët e saj, por të kompanive tjera. Kështu ajo ka mundësi për çmime fluturime nga 59 franga prej Zyrihut, Baselit, Gjenevës, pesë qyteteve gjermane, Veronës, Kopenhagen dhe Parisit drejt Prishtinës, Shkupit dhe së fundi drejt Ohrit.

Bazat e mësimit Lejla Ibrahimi i përvetësoi nga babai, i cili u lind në një fshat kufitar mes Serbisë dhe Maqedonisë, ndërsa në vitet 70-të emigroi drejt Zyrihut. Ai punoi për pak kohë në fabrikën Escher-ëyss, ndërsa më pas filloi të organizojë udhëtime për bashkëkombasit e tij drejt vendlindjes. Fillimisht përmes rrugëve tokësore. Më pas, në 1981, ai filloi fluturimet e para drejt aeroportit ushtarak të Prishtinës, duke nxitur një erë të re të qarkullimit ajror në Kosovë.

Filozofia e suksesit të bijës së tij është të provosh gjithçka që është e re, të analizosh dhe të mbesësh çdoherë inovativ. Air Prishtina ka financuar shumë në teknikë dhe platformat e rezervimit. Air Prishtina gjatë verës të ofron edhe shëtitje rreth Kosovës dhe Maqedonisë. “Ky është një treg,” që gëzon Ibrahimin. Të dyja janë turistike dhe zbulon vendet e paeksploruara, me qytete fantastike dhe natyrë mbresëlënëse.

Diskutimi për shqiponjën dykrenore

Për Lejla Ibrahimin, atdhe i saj është Zvicra. Përveç biznesit, ajo këtu është martuar me një jurist dhe ka dy fëmijë. Prej vdekjes së prindërve të saj, ajo viziton më rrallë vendin e origjinës. Por prap, mban në zemër edhe kulturën shqiptare. Rrjedhshëm ajo mund të ndryshojë gjuhën. Gjithashtu merret edhe me diskutimin e shqiponjës dykrenore.

“Kur shihja përballjen Serbi-Zvicër, reaksioni im i parë ishte: A duhet të ndodhte kjo? Jam e sigurtë që Xhaka dhe Shaqiri janë krenarë që luajnë për Zvicrën dhe ata nuk kishin në mendje mospërfilljen ndaj vendit,” thotë Ibrahimi, duke shtuar se si pasojë e tifozëve presioni ndaj tyre ishte i madh.

Por Ibrahimi thotë se nuk e kupton se pse lojtarët me origjinë të huaj nuk e këndojnë himnin, e cila vetë ua ka kërkuar të gjithë punonjësve.
“Ky ndryshim ishte i nevojshëm për të mbajtur të aftë dhe në jetë firmën,” thotë shefja e 50 punëtorëve në Kosovë dhe shtatë në Zyrih. Të gjithë duhet të aplikojnë dhe provojnë vlerat e tyrë. “Të gjithë me qëndrim zviceran”, thotë ajo duke qeshur./albinfo.ch

Këngëtarja e njohur Greta Koci ishte e ftuar mbrëmë në emisionin “Xing me Ermalin”, ku treguar për herë të parë edhe arsyet se pse u largua nga PD, pasi në qeverisjen e ish-kryeministrit Sali Berisha ka mbajtur postin e kreut të Forumit Rinor të Partisë Demokratike.

Duke kujtuar këtë periudhë, Greta u shpreh: “Angazhimi im atje ka qenë shumë serioz dhe mua më ka ndihmuar shumë për të mësuar gjëra të reja dhe besoj që kam dhënë një kontribut të vlefshëm për aq kohë sa isha. Por e kam ndërprerë totalisht tashmë”.

E pyetur nëse ndërprerja ndodhi sepse Berisha dha dorëheqjen, Greta tha se nuk ishte kjo arsyeja, por ju duk i mjaftueshëm një mandat.

“Jo, besoj ishte mjaftueshëm një mandat, 4 vite, ishte shumë impenjative dhe erdhi momenti që duhet të kishte një shkëputje që unë të merrja pak frymë. Sepse jam në moshën më të përkryer për ta vazhduar ende muzikën”, tha këngëtarja.

Bota e madhe e politikës i tërhoqi të gjithë në vorbullën e saj. Të pakënaqur me atë që bënin ose për tu bërë më shumë të famshëm vendosën të merrnin hapat drejt një profesioni që nuk do t’i çonte askund përkundrazi humbën edhe më shumë. Bëhet fjalë për personazhet publikë që dikur ishin të famshëm si këngëtarë apo aktorë dhe sot nuk e kanë më atë shkëlqimin e tyre sepse dashje pa dashje u pozicionuan në një anë që nuk ishte fort e dashur për publikun. Politika në Shqipëri është ku thërret qameti, ku krimi, vrasjet dhe droga po lëvizin çdo ditë. Shumë të famshëm u tërhoqën nga postet apo statusi i politikanit por dështuan me sukses.

Le të kujtojmë disa prej tyre

Greta Koçi ishte një nga mbështetëset e Partisë Demokratike dhe në çdo dalje dhe protestë shihej krah deputetëve të PD. Gjatë kohës që merrej me politikë u distancua nga muzika falë së cilës u bë e famshsme dhe po korrte mjaft suksese. Pas humbjes në zgjedhje të PD-së  ajo hoqi dorë nga ko fushë duke iu rikthyer sërish muzikës por ndryshe. Tashmë njerëzit nuk e njihnin më si Greta që këndonte por si Greta që merrej me politikë.

E njëjta gjë ndodhi edhe me Çiljeta Xhilagën që gjithashtu gëzonte një simpati tejet të veçantë për Doktorin por pas dorëheqjes së tij, u largua dhe ajo.

Klajdi Musabelliu doli nga ‘Ethet e së premtes’ ku dhe u dallua me talentin dhe zërin e tij. Por si shumë të tjerë dhe ai iu bashkua politikës me LSI pasi nuk ia doli të merrte famën e shumëkërkuar në muzikë. Para pak kohësh ai u hoq nga puna në ministri për tu larguar për në Itali ku ndodhet aktualisht.

Luiza Xhuvani ishte një ndër aktoret më të mira shqiptare që numëronte në repertorin e saj filma të sukseshëm nga të cilët u bë e njohur. Më pas ajo iu bashkua PS-së, por me ngjarjet e ndodhura së fundmi me djalin e saj i cili u akuzua për vrasje, bëri që ajo të jepte dorëheqjen nga posti.

Rajmonda Bulku gjithashtu ishte një nga aktoret më të dashura derisa vendosi të ishte pjesë e PD.  Ajo qe deputete e kuvendit e në atë periudhë u bë e njohur për reagimet e ndryshme në media sa i përket problematikave sociale. Tani që kanë kaluar disa vite Bulku ngelet anëtare e thjeshtë e PD-së, ku merr pjesë në mbledhje të partisë.

Julian Deda, Gentian Zenelaj dhe Ermal Mamaqi vazhdojnë të jenë të angazhuar me politikë. Tre aktorët e njohur të humorit kanë qenë mjaft aktiv në PD. Edhe sot ata nuk mundojnë në ngjarjet e rëndësishme të kësaj partie. Mamaqi nuk e fsheh adhurimin që ka për ish-kryeministrin e shqiptarëve Sali Berishën. Mirëpo në ditët e sotme falë profesionit të tyre dhe programeve televizive qëndrojnë ende në preferencat e publikut.