Aurora

Pasi ambasadori amerikan në Tiranë, Donald Lu ia përmendi disa herë emrin gjatë mandatit të tij, tashmë ambasada amerikane u bën thirrje prokurorëve që të tregojnë guxim dhe të marrin përsipër ccështjen ndaj tij.

Në Shqipëri, ambasada amerikane në përgjigje të interesimit të Zërit të Amerikës për situatën e krijuar në Prokurorinë e Krimeve të Rënda për Çështjen Shullazi, tha sot se “populli shqiptar meriton një sistem drejtësie ku policia dhe prokurorët qëndrojnë së bashku kundër kriminelëve”.

Një ditë përpara seancës për dhënien e pretencës në procesin ndaj Emiljano Shullazit dhe bashkëpunëtorëve të tij, ambasada shton se “mbështesim prokurorët e guximshëm që kërkojnë drejtësi, edhe kur ka rreziqe”.

Pak ditë më parë, refuzimi i një grupi prokurorësh për procedurat e zëvendësimit të kolegut që ndiqte çështjen, çoi në kërkesën për hetim disiplinor ndaj tyre nga ana e Kryeprokurores Arta Marku, ndërsa tre u transferuan jashtë Tiranës në prokurori më të ulëta. Ky vendim u cilësua nga prokurorët si në kundërshtim me ligjin, ndërkohë që përmes një deklarate zonja Marku shpjegoi se ata kanë vepruar në kundërshtim me detyrimet e tyre kushtetuese.

Të tjera shqetësime kanë ardhur nga qytetarët në rubrikën “Përgjigja ime” të Kryeministrit Edi Rama, të cilat ky i fundit nuk i ka lënë pa një përgjigjet. Replika e radhës është zhvilluar me një qytetare e cila i ka thënë se është e kotë që po rregullohen 300 qendra shëndetësore, pasi nuk ka mjekë të punojnë në to. Sipas qytetares me emrin Albana, të cituar nga Rama gjatë replikës së tij, në këto qendra shëndetësore kanë mbetur vetëm veterinerë, pasi mjekët kanë ikur në Gjermani. Por Rama i pa përgënjeshtruar këto deklarata, duke thënë se sot kuotat e mjekëve janë të plotësuar, por ka dhe 400 të tjerë që janë në kërkim të një pune.

“Ti nuk je dakord për rilindjen e 300 shëndetësore, pasi sipas teje mjekët kanë ikur nga Shqipëria dhe kanë mbetur vetëm veterinerë. Për vet faktit grotesk që trajtohet sot, e vërteta është se pavarësisht mjekëve, vendi ynë nuk ka asnjë mungesë objektive mjekësh. Figurojnë 1400 mjekë që kërkojnë punë. E vërtetë mungojnë specializantët, pasi u mbyll në mënyrë absurde, por kjo shkollë u hap sërish dhe këtyre vit dalin specialistët e parë”, u shpreh Rama. Më tej Kryeministri tha se ka dhe nga ata mjekë që kanë lënë emigrimin dhe janë kthyer në Shqipëri për të punuar.

Pas nje pezullimi tejet te gjate te tyre , investimi i rinisur për rregullimin e portit të Vlorës, perfshin disa zera si thellimin e kalatave, rregullimin e një moli, por edhe rikonstruksionin e sheshit të këtij porti.

Investimi eshte nje bashkepunim i qeverisë Shqiptare dhe asaj italiane ne shifren prej 14.6 milion euro,ndersa do te rehabnilitoje plotesisht portin e Vlorës .Pezullimi I zgjatur per shkak te vete firmes italiane zbatuese e projektit rehabilitees ,nderkohe qe ende nuk kemi nje informacion zyrtar nga autoritett portuale per rifillimin e punimeve
Porti i Vlorës është konceptuar si pjesë e projektit “Lungomare”, që vazhdon nga pjesa e mbetur pezull, drejt Pyllit të Sodës.

Pjesë e këtij projekti është edhe ndërtimi i një porti jahtesh, si dhe ndërtimiiI një sheshi kryesor mallrash dhe një terminali modern udhëtarësh,I cili aktualisht eshte ne ndertim .

Tashmë duket se stina e verës pak nga pak po merr vend. Këtë e tregon ulja e temperaturave si dhe nisja e reshjeve të shiut që kanë nisur nga Kukësi.

Një stuhi e fortë kanë përfshirë rajonin e Kukës mesditën e kësaj të hëne. Siç shikoni dhe nga pamjet ajo ka tronditur banorët të cilëve iu është shkëputur edhe energjia elektrike.

Qyteti dhe fshatrat përreth kanë mbetur pa drita. Nga raportimet e deritashme thuhet se shumë dëme materiale, janë thyer pemë, por janë dëmtuar edhe biznese apo banesa në zonat periferike.

Rrëqethesh teksa dëgjon historinë e këtij 14 vjeçari nga një fshat i Kuçovës. Jeta e tij e vështirë, që prej vdekjes së të atit dhe barra që të kujdeset për motrën e sëmurë. Eraldi nga fshati Gegë bashkia Kuçovë 23 vite më parë humbi nënën. Që atëherë jeta ka qenë e padrejtë me të dhe të motrën. 14 vjeç ai mori rrugën e emigrimit për të mbajtur edhe babanë e sëmurë.

Babai u nda nga jeta 3 muaj më parë, dhe Eraldi nuk mundet t’ia dalë më i vetëm. “Kur del ndonjë punë, dal e punoj. Çdo gjë e përballoj vetë”, shprehet ai. Lana, e motra nuk e ka njohur kurrë nënën. Ajo vdiq ditën që e solli në jetë. Për të, Eraldi do vetëm kurimin. Lana është e sëmurë me depresion dhe e abuzuar seksualisht në mungesë të të vëllait siç thonë familjarët nga njerëz që kurrë s’janë vënë para drejtësisë. “Dua vetëm një mbështetje. Që të shkoj të punoj, mos rri këtu i mbyllur”, shprehet ai.

Tkurrja në radhët e Lëvizjes Socialiste për Intergim vijojnë në të tjera qarqe ku anëtarëve edhe deputetë apo këshilltarë bashkie kanë zhvendosur orientimin e tyre tek Partia Socialiste. Valbona Hoxha këshilltarja e LSI në Kuçovë largohet nga grupi i Këshilltarëve të LSI-së dhe i bashkohet grupit socialist. Vendimi i Hoxhes u bë publik sot nga vetë ajo në mbledhjen e radhës së Këshillit Bashkiak Kuçove, ku një ditë më parë kishte depozituar edhe deklaratën e largimit të saj.

Kjo është këshilltarja e pestë brenda 8-muajve që i bashkohet grupit të këshilltarëve socialistë në Kuçovë, grup i cili tani përbën maxhorancën në këshill me 17 anëtare nga 35 që është numri total i këshilltarëve. Nga 5 këshilltarët që janë larguar nga partitë e tyre dhe i janë bashkuar PS-se,2 prej tyre kane qenë nga LSI dhe 3 nga partitë e vogla.

Shtetet e Bashkuara të Amerikës, Brukseli dhe bashkëpuntorët e tyre në Shqipëri janë të vendosura të shkatërrojnë përfundimisht klanin e ish-kryeprokurorit Adriatik Llalla në prokurorinë shqiptare, duke i dhënë një tjetër goditje bunkerit të krimit dhe korrupsionit në Shqipëri, i përbërë nga Sali Berisha, Ilir Meta, Monika Kryemadhi dhe armata e tyre të hajdutëve. Llalla ishte ushtari më i besuar i bunkerit të krimit dhe korrupsionit në prokurori. Ai mbylli dhe ngriu dosjet e krimit dhe korrupsionit të klanit Berisha-Meta. Llalla krijoi një klan në prokurori me mikesha, prokurorë të korruptuar dhe shërbëtorë të politikës. Për këtë arsye, Berisha, Meta dhe Monika luftuan me SHBA që Llalla të qëndronte pa limit në krye të Prokurorisë së Përgjithshme, deri kur të ngriheshin organet e reja të drejtësisë. Fronti i korrupsionit u shpërfytyrua duke mbrojtur Llallën në parlament dhe për të penguar zgjedhjen e Arta Markut.

Pas shpalljes non grata dhe shkarkimit, amerikanët i dhanë një tjetër goditje derdimenit të Metës dhe Berishës, Adriatik Llalla, duke nxitur dhe ndihmuar Prokurorinë e Krimeve të Rënda në hetimet ndaj aktivitetit të tij korruptiv. Llalla u arratis në Gjermani nga frika e prangosjes, ndërsa Prokuroria e Krimeve të Rënda i konfiskoi pasurinë, produkt i parave të pista. Disa javë më parë, klani Llalla, mori një tjetër goditje, me shkarkimin e Rovena Gashit, e njohur si krahu i djathtë i Llallës në Prokurorinë e Përgjithshme. Shkatërrimi i klanit Llalla sapo ka nisur. Rovena Gashi do të marrë me vete edhe burrin e saj, Dritan Gina, të cilin Llalla e pati vendosur në krye të Prokurorisë së Elbasanit.

Burime pranë njerëzve të Vetingut thanë se Dritan Gina është de fakto i shkarkuar nga detyra dhe se ditët e tij janë të numëruara. Kjo për arsye se dosja e Vetingut për Rovena Gashin është e vlefshme edhe për Dritan Ginën, pasi dy bashkëshortët kanë deklaruar të njëjtën pasuri. Për rrjedhojë, Rovena Gashi dhe Dritan Gina kanë mashtruar bashkarisht me pasurinë. Sipas Vetingut, pasuria e Rovena Gashit është e paligjshme, me fjalë të tjera është bërë me para të korrsupsionit. Ky konkluzion është i vlefshëm edhe për burrin e saj. Sipas burimeve, Dritan Gina po hetohet edhe për lidhjet të mundshme me grupet mafioze të Elbasanit, gjatë kohës kur Gina drejtonte këtë prokurori. Gina do të japë llogari edhe për përplasjen me një prokurore për çështje dosjesh. Ai do të ndëshkohet edhe për zaptimin e zyrës, kur Arta Marku e shkarkoi nga detyra, të cilën e kishte fituar si pjesë e klanit të Adriatik Llallës.

Përveç Dritan Ginës, në shenjestër të Vetingut janë grupi i prokurorëve që u rebeluan kundër Donika Prelës dhe Arta Markut, duke mos pranuar që të marrin në dorë dosjen e Shullanit. Ata i kanë vënë një damkë të zezë prokurorisë dhe shtetit shqiptar, duke u përleshur në Prokurorinë e Krimeve të Rënda, për t’i kur dosjes së Shullazit. Përveç aspektit të pasurisë dhe raporteve me krimin, grupi i prokurorëve do të kalojë në skaner për çështjet e etikës dhe aftësistë profesionale. Ata janë gjithashtu nën vëzhgim për shitje informacionesh dhe publikim të tyre në mediat pranë frontit të krimit dhe korrupsionit, duke deformuar të vërtetën sipas interesave të klanit dhe kundër Arta Markut dhe Donika Prelës. Zakonisht disinformimi bëhet në një portal, pas të cilit fshihet gazetari i ‘Babales’ dhe ish-sekretari i Llallës, fillimisht në ILDKPKI dhe më pas në Prokurorinë e Përgjithshme./Pamfleti