Parku Kombëtar i Llogara-së vazhdon të mbetet një ndër destinacionet turistike mjaft të vizituara nga turistët, pavarësisht mbylljes së sezonit turistik.
Një grup prej 30 turistësh të ardhur nga Gjermania, vizituan sot një nga shtigjet mjedisore brenda parkut “Shtegu i Qafës së thellë”.
Administrata Rajonale e Zonave të Mbrojtura Vlorë do vazhdojë punën e saj në mirëpritjen e turistëve, duke promovuar dhe duke dhënë jo vetëm informacione lidhur me parkun, por duke i shoqëruar kudo në mënyrë që ata të ngelen gjithmonë të kënaqur.
Kryedemokrati Lulzim Basha tha se shqiptarët përditë po sulmohen nga bandat, por këtë shprehi të tij Ministri i Brendshëm Fatmir Xhafaj i ka kthyer një përgjigje. Përmes një postimi në ‘Twitter’ Xhafaj pohoi se deklaratat e Bashës për faktin se shqiptaret po sundohen nga bandat, janë pa sens e minimum logjike “Basha, dje: “Shqiptarët sundohen nga bandat, të cilat kontrollojnë zikisht lagjet, qendrën, lokalet luksoze, territorin, ekonominë, ato pikat e bixhozit, ekonominë, hotelerinë, restorante, turizëm, kontrollojnë pushtetin, të gjithë pushtetin”. Kjo ishte GËNJESHTRA e radhës! Deklaratë pa sens e minimum logjike. X X 10/10/2018 “Shqiptarët sundohen nga bandat”, Xhafaj-Lulzim Bashës: Shpifje bajate, deklaratë pa sens e minimum logjike.
Ky takëm politikanësh fatkeqësisht e kanë mbështetur të ardhmen mbi akuza të pavërteta e shpifje bajate! Traumat e të kaluarës në perceptimin e pranimin e të vërtetave, po kushtëzojnë kreun e opozitës. E VËRTETA në shifra! Imazhe sa 1000 fjalë!”, shkruan Xhafaj në tëitter.
Të shtëna nga të katër anët dhe sherr mes njëri tjetrit që nuk po zbërthehet dot nga organet e drejtësisë është ajo që ka ndodhur në Bllok ku u përfshi edhe këngëtarja e njohur Elvana Gjata, e cila është shpallur në kërkim nga policia. Gazeta Shqiptare zbardh dëshminë e njërit prej të përfshirëve në këtë ngjarje Ervis Martinajt.
DËSHMIA E ERVIS MARTINAJT/Gjykata ka pyetur mjeken e pranishme nëse personi nën hetimi (Martinaj) është në gjendje për të folur. Mjekja është përgjigjur se është në gjendje për të folur. Ndërsa vetë Martinaj ka thënë: “Po, mund të flas, thjesht qafën kam të paralizuar”. Më pas 36-vjeçari nën hetim ka dëshmuar për ngjarjen: “Unë, si puna e atyre dy çunave njoh gjithë Tiranën. Në këtë ngjarje kanë qenë palë në konflikt dy persona që kanë hyrë nga jashtë. Personat që kanë qenë të pranishëm fillimisht në lokal nuk kanë lidhje me ngjarjen. Kur unë po pija me Ervin Matën dhe Redin kanë hyrë dy persona nga jashtë lokalit. Njërin prej tyre e njoh, quhej Fabi, ndërsa tjetrin nuk e njoh dhe ata të dy kanë pasur konflikt me një tavolinë tjetër. Të gjithë të tjerët në lokal i kam miq dhe s’kam pasur asnjë konflikt me ta. Kur ata po konfliktoheshin, unë jam futur në mes për t’i ndarë dhe besoj që jam plagosur pa dashje nga “Kokëmadhi”.
Ai më gjuajti me refleks, pasi nëse ai do të më vriste, i kishte të gjitha mundësitë, pasi unë në tokë i shtrirë isha. Nipçja në ato momente (Elion Hata), i cili ishte në tavolinë me mua i tha ‘Kokëmadhit’: ‘Mos, çfarë bëre, t’u thafshin krahët’ dhe ai në këto momente është goditur. Vetëm oficeri i komandës ka qëlluar. Unë u hodha në mes, isha me gotë vere në dorë për të qetësuar situatën. Unë e njoh Fabin, kisha 4 muaj pa e parë”. Gjatë dëshmisë së tij, Ervis Martinaj ka folur për viktimën Fabian Gaxhajn, për të cilin është shprehur se ishte shumë problematik dhe për këtë arsye nuk e afronte në miqësi. “Ai para 5 muajsh ishte diagnostikuar me kancer dhe sipas mje-këve, atij i kishin ngelur edhe shumë pak muaj jetë. Kjo vërtetohet edhe me raportet, pasi ai nuk ishte mirë nga mendtë kohët e fundit. Ai ishte çuni i dajës tim, por ishte shumë konfliktual dhe kishte bërë disa konflikte rresht. Me Fabin vriteshe edhe për një shikim. Këngëtarja s’ka lidhje fare”, ka pohuar Martinaj.
I pyetur nga gjykata nëse e kishte lënë me Matën për t’u takuar, Ervis Martinaj ka deklaruar: “Me Ervin Matën s’kam pas lidhje fare. Me të jam takuar rastësisht. Unë jam rritur me babën e Ervinit. Vetëm Fabi është fajtor në këtë mes, por sherri nuk ishte aq i madh sa për të goditur aq shumë plumba. Unë isha ai që i thashë Fabit ‘mos’ se po të mos kisha ndërhyrë unë, ‘Kokëmadhi’ do të kishte vdekur sot, pasi ai e kishte të pamundur të qëllonte se e kishin kapur nga krahët e s’kishte mundësi të nxirrte armën. Ai u tregua legen, pasi kur unë i thashë Fabit, ‘mos çfarë po bën’, ai gjuajti me refleks.
Do të ishte Fabi gjallë dhe nipçja ime nuk do të kishte vdekur, se ai i vdekur është. Jeni duke rënë në qafë kot, pasi unë isha duke pirë një gotë. Unë në spital kam shkuar vetë me një taksi. Nëse nuk do të kisha shkuar për 3 minuta, do të kisha vdekur, pasi kisha humbur 2.5 litra gjak”. I pyetur nga gjykata se dy personat u konfliktuan me sy para se të hynin në lokal, personi nën hetim (Martinaj) tha: “Ervin Mata është një dele. Ai tani do të jetë në një copë dhomë, duke pirë. Unë s’kam asnjë lloj konflikti me të, por do të flas me babin e tij dhe do i them të vijë të sqarojë. Ai ka frikë se mos ngel në burg, se ju e arrestoni, e mbani kot”.
Gazetari investigativ, Artan Hoxha, ka bërë një deklaratë të fortë, teksa ka thënë se në telenovelën ‘Babale’ është i implikuar edhe një ish-funksionar i lartë i policisë.
Hoxha tha në studion e Report Tv se bëhet fjalë për ish-kreun e Policisë Bashkiake të Tiranës, Florenc Hoxhën, i cili ka marrë në pyetje kunatin e ‘Babales’, Fredi Alizotin. Sipas tij, çështja ‘Babale’ është e njëjtë me skandalin Meta-Prifti.
“Meta-Prifti, çështja u pushua pasi nuk ranë dakord për tekstin. Edhe sot jemi përballë të njëjtës situatë. Personi që e merr në pyetje është një ish-funksionar i rëndësishëm i policisë, bëhet fjalë për Florenc Hoxhën”, tha Hoxha.
Pas vendimit të qeverisë, AKEP ka njoftuar se portalet i kanë hequr, menjëherë dhe vullnetarisht të gjitha reklamat për lojërat e fatit. Nga monitorimi i kryer, kontatohet: “Mbi verifikimin dhe bllokimin e faqeve domain me përmbajtje publiciteti mbi lojërat e fatit në kundershtim me aktet ligjore dhe nënligjore ne fuqi. Në mbështetje të Ligjit Nr. 9918, datë 19.05.2008 “Për komunikimet elektronike në Republikën e Shqipërisë”, i ndryshuar dhe Ligjit Nr. 155/2015 “Për lojërat e fatit në Republikën e Shqipërisë” AKEP në bashkëpunim me Autoritetitn e Mediave Audioviziove ka kryer sot verifikimin e faqeve web në domain. al dhe nën domain-et .gov.al, .mil.al, .edu.al, .com.al, .org.al dhe .net.al
dhe domaine të tjera( si psh .com, .net etj), të cilat përmbanin publicitet mbi lojërat e fatit në kundërshtim me nenin 9 pika 2 të Ligjit Nr. 155/2015 “Për lojërat e fatit në Republikën e Shqipërisë”, i ndryshuar. Pas verefikimeve të kryera, grupi i punës në AKEP ka konstatuar se nga ana e mediave dhe portaleve online ka patur një veprim efikas në heqjen vullnetare të reklamave nga faqet e internetit deri në orën 17.00 të ditës së sotme, 10 tetor 2018.
Ndërkohë që AKEP në bashkëpunim me AMA dhe institucionet e tjera të perfshira do të vijojë monitorimin e zbatimit të legjislacionit në këtë fushë dhe do të bllokojë çdo domain i cili do të tentojë të rikthehet në praktikën e shkeljes së ligjit në këtë drejtim”, shkruhet në njoftim.
Pas gjithëcka ndodhi pas publikimit të historisë së saj, Xhisiela Maloku ka nisur një luftë verbale me komentuesit nëpër rrjete sociale. Ka qënë mbrojtësi i Teutës, Ditman Bicaj, ai që pati një koment ditën e sotme, për Xhisiela Malokun, personazhin që bëri lëmsh të gjithë politikën shqiptare. Ditë më parë pati një shpërthim në shtëpinë e gjyshit të saj dhe Xhisiela akuzoi opozitën për aktin. Këtë vorbull ngjarjesh e komenton edhe futbollisti i Teutës, Ditmar Bicaj. “I paska lëshuar pëllumbat kjo” ka qenë komenti i qendërmbrojtësit në rrjetet sociale.
Por, këtë koment të Bicajt që bëri bujë në rrjetet sociale, vetë Xhisiela nuk e ka lënë pa kaluar. Në një foto të postuar në Instagram, ajo i kthehet Bicajt: “I kam lëshuar te mami ose motra jote! Vrapo t’i marrësh shpejt.”
Versioni origjinal i audiopërgjimit është zhdukur dhe këtë e ka bërë gazeari Jetmir Olldashi. Kështu bën të ditur Prokuroria për Krime të Rënda duke thënë se Jetmir Olldashi e ka zhdukur videon origjinale të “Babales”.
Ajo thotë se në Prokurori, Enkelejd Alibeaj ka paraqitur një DVD të audio-përgjimit, ndërsa sipas pretendimeve të Olldashit, materialin origjinal e ka Ervin Salianji.“Shtetasi Jetmir Olldashi nuk ka dorëzuar në asnjë moment materialin origjinal si dhe mjetet, me të cilat është pretenduar se është realizuar audiopërgjimi që lidhet me bisedën e pretenduar të zhvilluar midis shtetasve Albert Veliu dhe Geron Xhafaj duke pretenduar se nuk e disponon më dhe kopje të tij ia ka dorëzuar shtetasit Ervin Salianji”, thuhet në deklaratën e Prokurorisë. “Lidhur me materialin e dërguar për ekspertim sqarojmë së objekt ekspertimi është DVD-ja e sekuestruar në Partinë Demokratike nga deputeti Enkelejd Alibeaj si përfaqësues i kësaj force politike”, thotë Prokuroria.
