Mendja e njeriut është shumë e fuqishme. Nëse ju e programoni mendjen tuaj në drejtimin e duhur ju do të jeni në gjendje për të arritur çdo gjë që dëshironi. Psikologët thonë se parashikuesit e fatit mund të programojnë nënvetëdijen e njeriut. Edhe parashikimet negative dhe pozitive bindin mendjen tuaj se diçka e mirë apo e keqe do të ndodhë.
Fallxhorët shpesh dëmtojnë jetën e njerëzve duke i thënë gjëra negative. Mendja mund të shërojë apo të prodhojë sëmundje të ndryshme, prandaj kini kujdes dhe mos lejoni të programojnë mendjen tuaj me mendime negative.
Ju jeni vetë krijuesi i fatit tuaj. Çdo ditë dhe çdo minutë ju krijoni dhe ndryshoni jetën tuaj. Sipas teorisë së probabilitetit, çdo qenie njerëzore ka shanse të barabarta për të përmirësuar apo të shkatërruar jetën e tij. Nuk keni nevojë të komplikoni jetën tuaj duke vizituar fallxhoret. Ju duhet të merrni, një herë dhe përgjithmonë, përgjegjësi për të ardhmen tuaj.
Kompromiset dhe pazaret politike janë gabimet që po bën lideri i PD Luzlim Basha. Dhe ky përfundim vjen i shprehur nga aleati i tij, Kryetari i PDK-së Nard Ndoka. I ftuar në Oranews, Ndoka u shpreh se Basha duhet të tregohet përherë i sinqertë me partitë aleatë në opozitë në lidhje me reformën zgjedhore, një proces i cili duhet ta fusë në punë opozitën që të shtyjë përpara kërkesat e saj.
“PD besoj që e ka kuptuar gabimin e vet, se reforma zgjedhore nuk kryhet nëpërmjet pazareve politike, nuk kryhet që dy parti politike vendosin se kush do të jetë gara për të garuar gjithë faktori politik. Kjo është një mendësi primitive e gabuar dhe ka rezultuar e dështuar për të dyja palët, një kosto jo të vogël ka edhe PD. Ndaj, shpresoj që edhe Basha do të reflektojë nën frymën e një konsensusi në radhë të parë me partitë opozitare.
Shpresoj që PD do tregohet e sinqertë me aleatët e vetë edhe nuk e ka luksin që të bëjnë përsëri manovra, çka do ta nxirrte atë të zbuluar edhe përballë aktorëve të tjerë politike por edhe në sytë e qytetarëve. Kështu që Basha e ka mision politik edhe harmonizimin e problematikës që ekziston mes partive politike opozitare duke vendosur një standard të besueshëm për gjithë politikën”, shprehet aleati i Bashes, Nard Ndoka..
Kryetari i Partisë Demokristiane tha se opozita do të hyjë në zgjedhjet locale me qëllimin për t’I fituar ato. “Opozita është e vendosur për të hyrë në zgjedhje, sepse në fund të fundit kjo është edhe aksioni politik për tu përballur me mazhorancën, e cila është në rënie. Çdo ditë ka skandale nga më të ndryshme duke vështirësuar jetën e qytetarëve.
Ne nuk shohim një pengesë për të anashkalaur përballjen me këtë mazhorancë. Por nga ana tjetër kemi një mazhorancë të papërgjegjshme, e cila po provokon nëpërmjet reformës zgjedhore në mënyrë të njëanshme. Nuk ka minimumin e respektit institucional për opozitën, për të tentuar kompromisin, konsensusin për politikën shqiptare, për të vendosur disa standarde, për tu bërë opozita pjesë e reformës në sistemin e drejtësisë.
Ajo nismë ligjore që opozita ka për dekriminalizimin e politikës është mjaft e rëndësishme për të krijuar një klimë besimi për zgjedhjen. Pra, ka disa pengesa, disa madje kanë vendosur një humnerë mes palëve. Unë shoh një lloj përplasje politike. Me këtë situatë politike, nëse nuk do ketë një kthesë të menjëhershme nga kryeministri, unë shoh një hendek të madh dhe zgjedhjet lokale janë të rrezikuara. Natyra e zgjedhjeve lokale është më komode për opozitën, në fund të fundit për ta testuar edhe këtë mazhorancë, qëndrueshmërinë e saj, si do reflektojë përballë këtyre kërkesave të ligjshme që opozita ka”, deklaron Ndoka.
Një artikull të veçantë për fëmijët e të pasurve në Shqipëri u ka kushtuar gazeta gjermane Stern, të cilët reklamojnë pasuritë e tyre në Instagram. Gazetarët gjermanë kanë ardhur në Tiranë dhe kanë takuar nga afër, 4 prej tyre. Indrit Murati, Aldo Boni, Xhodi Daci dhe Lindi Dedja, janë 4 nga fëmijët e pasur të Tiranës, të cilët shpenzojnë deri në 4 mijë euro brenda një nate në klub-et e Tiranës. Makinat e fundit, çanta me para, jetë luksi dhe helikopter në oborrin e shtëpisë! Kjo është jeta e fëmijëve të pasur të Tiranës, për të cilët, gazeta gjermane “Stern” ka publikuar një shkrim. Stern ka qenë në Shqipëri dhe ka parë nga afër sesi jetojnë këta fëmijë.
Faqja Richkidsofinstagram ka më shumë se 635 mijë postime, ku fëmijët e pasur të Tiranës tashmë luajnë “ashpër në ligën e Kampionëve”, shkruan gazeta. Grupi i gazetarëve gjermanë kanë takuar 4 nga këta “fëmijë të pasur”, që realisht janë të rritur dhe të mbuluar me para. “Shqiptarja.com” sjell të plotë shkrimin për fëmijët e pasur të Tiranës. Kush janë këta njerëz, që mendojnë se është bukur të djegësh 50 eurosh? Kush janë këta fëmijë me Rolex në dorë, shishe me shampanjë, dhe me valixhe ku prerjet prej 100 dhe 500 euro qëndrojnë hapur.
Kuptuam se shqiptarët janë shumë mikpritës dhe jo vetëm kriminelë. Administratori i RichkidsTirana në Instagram, u përgjigj menjëherë kur i dërguam mesazh. “Hej, duam të shkruajmë një histori për fëmijët e pasur në Shqipëri,” i shkruam. “A jeni ju vetë një i tillë?” – “Jo”, përgjigjet ai,-“Kjo është arsyeja pse unë qëndroj anonim, por unë mund t’ju them gjithçka për mënyrën e jetesës së tyre.” – “Tingëllon mirë. Por ne do të donim t’i takonim. A mund të na ndihmoni? ”. “Sigurisht”- na u përgjigj. Shqiptarët janë shumë mikpritës, jo vetëm kriminelë. Ju do të shihni. I gjithë vendi është në tranzicion. Shqipëria është një Gjermani e vogël “.
Dy javë më vonë, shkuam në Shqipëri. Zbritëm nga avioni dhe kur vazhduam rrugën në autostradën drejt Tiranës kuptuam atë që ai na tha. Për një arsye, shqiptarët janë shumë gjermanë. Askund në botë nuk mund të gjeni kaq shumë Mercedes sa këtu. Kush ndalon në rrethrrotullim humbet… “Në të kaluarën, mund të blije një patentë shoferi”, na shpjegon shoferi ynë. Por tani kjo gjë ka ndryshuar. “Prisni, pasi pas disa vitesh, këtu do të jetë si Gjermania”-vazhdon. Gjermania. Modeli. Vendi i dëshiruar, në të cilin mijëra njerëz kanë ikur pas rënies ekonomike të Shqipërisë në fund të viteve ’90 dhe në të cilën shumë njerëz ende po kërkojnë pasurinë e tyre sot.
50 euro për një foto të postuar në Instagram, jo fitim i keq. Ora 8 e darkës. Takojmë administratorin e faqes. E dimë emrin e tij, por jo mbiemrin. Duket si një student i shkencave kompjuterike. Ai na thotë se për një foto të postuar në faqen e tij në Instagram, fëmijët e pasur të Tiranës e paguajnë 50 euro. Nëse do të ishte një administrator i një faqeje normale, atëherë fitimi do ishte 350 euro në muaj. Kjo është paga mesatare në Shqipëri. Edhe pse ekonomia rritet me rreth tre për qind çdo vit, vendi është ende një nga më të varfrit në Evropë.
Administratori i kësaj faqeje i ka ndarë në dy kategori. Të parët janë “shoëmen-ët”, të cilët blejnë një makinë të shtrenjtë para një shtëpie, vetëm për t’u mburrur. Dhe “Të pasurit e çmendur”. Super të pasur, para pafund, Maybach dhe makina S-class. Një prej tyre është Indrit Murati, 27 vjeç, me mjekër, me tatu dhe pantallona të shkurtra. Ai është pjesë e grupit të fëmijëve të pasur në Shqipëri, si dhe menaxhon disa këngëtarë hip-hopi. Indrit Murati ka ndërtuar një nga portalet më të mëdha në Shqipëri, “Shqipëria Ime”. Ai është krenar për vendin e tij. Sepse e ka bërë atë që ai është sot. Në gjoksin e tij, shqiponja me kokë të dyfishtë përhap krahët, si në flamurin e Shqipërisë.
“Shumica e shqiptarëve të pasur të gjeneratës sime kanë trashëguar paratë nga familjet e tyre”, thotë ai me keqardhje. “Por unë vetë e ndërtova perandorinë time, dola në rrugë dhe u futa nëpër klube”. Indriti thotë se ka nisur të shkruante tekste muzikore. Ai ishte djali i një mësueseje dhe një ushtari. “Nuk e mbaj mend kurrë ka qenë hera e fundit që kam menduar për paratë, por duhet të ketë qenë shumë kohë më parë, por kurrë unë nuk e harroj se nga kam ardhur, kush isha dhjetë vjet më parë”. “Unë nuk jetoj për nesër, unë jetoj këtu dhe tani, gëzoj çdo moment”. Ai dhe miqtë e tij shpenzojnë 3000, 4000 euro kur dalin për një mbrëmje. Dhe ne e pamë vetë këtë gjë.
Shkuam në një nga klubet më të njohura të Tiranës, por rruga drejt klubit ishte me gropa dhe zhavorr. Parkuam Opelin tonë të marrë me qira, pranë një Bentley, Mercedes Benz dhe Audi. Është e dukshme se jemi ne që jemi të mangët në këtë mbrëmje… Kalojmë në tapetin e kuq, dhe aty na pret Indriti me të dashurën e tij dhe me një shishe shampanjë. Shishja kushton 300 euro, dhe kushdo që kërkon të rrijë në zonën VIP duhet të paguajë. Shishja nuk hapet. Kjo gjë nuk ka stil për ta. Fëmijët e pasur të Tiranës preferojnë shishe të tjera. Vodka dhe uiski, vijnë në tavolinë me kova të mëdha akulli dhe shfaqje fishekzjarrësh. Djemtë si Indriti në këtë moment ndodheshin në shtëpitë e tyre verore në jug të Shqipërisë, ku uji është jeshil dhe temperatura optimal.
Pas Indritit, ne takuam Aldon, Aldo Bonin. Mënyra e tij e jetesës: 3 makina, 5 shtëpi dhe udhëtime mes Greqisë dhe Shqipërisë. 31-vjeçari ka një mbretëri, ku jeton me pishina dhe ku në njërën anë luajnë fëmijët e në anën tjetër është zona VIP. Ai thotë se është biznesmen, se ka dhjetëra dyqane dhe qindra të punësuar. Ai nuk dëshiron të radhitet pranë fëmijëve të politikanëve të korruptuar, të cilët gjithashtu janë të shumtë këtu. Prindër, të cilëve drejtësia po u del kundër… Shqipëria është në listën e kandidatëve të pranimit në BE. Vendi pranohet vetëm në qoftë se korrupsioni vihet nën kontroll. “Mos u shqetëso. Ne shkruajmë për ata që fitojnë paratë e tyre me ndershmëri.”- qetësuam Aldon. – “Mirë,” përgjigjet Aldo. “Çfarë doni të dini?” “Si jetoni, sa para shpenzoni?” -“Nuk jam kurrë i kënaqur me atë që kam,” thotë ai.
-“Unë gjithmonë dua më shumë. Por unë punoj shumë çdo ditë. Unë jam ambicioz. Kokëfortë.” “Jeta ime? Unë kam tre makina, pesë shtëpi. Shtetësi të dyfishtë. Koleksionoj ora, femra dhe makina. Të trija për mua lëvizin me frekuencë të barabartë.” Orë ari, unazë ari me brilantë, zinxhirë ari të trashë, atlete të lara me arm gjithashtu. Por vazhdojmë… Ne duam të takojmë edhe dy fëmijë të tjerë të pasur… Para se ne të vinim, administrator publikoi një foto në Instagram se disa nga fëmijët e pasur të Tiranës do takoheshin me gazetarët gjermanë. Inbox-i i tij, tashmë është plot. “Po ta dija, do të kisha bërë para,” thotë ai. 3000 ndjekës të rinj në dy javë, që pas postimit. “Të gjithë po çmenden këtu, një histori në mediat gjermane, kjo është një punë e madhe!” Edhe një nga njerëzit më të pasur në vend është kthyer për ne më herët nga udhëtimi i tij me jaht…
Xhodi Daci është ulur në një karrige duke pritur për ‘zemrën’ e tij. Gjithçka rreth 30-vjeçarit shkëlqen. Ora ari me vlerë 43 mijë euro, unazë me vlerë 2500 euro, Atlete 2500 euro,dhe gjerdani 4500 euro. Ai e pranon hapur se do të shfaqë pasurinë e tij.”Po, pse jo? Unë nuk isha askush, tani jam dikush, pse nuk duhet ta tregoj?”-thotë Xhodi. “Ne u munduam jo 8, por 16 orë. Tregu shqiptar ishte i uritur për çdo produkt nga jashtë. Unë shkova në Gjermani, bleva çdo gjë që erdhi në gishtat e mi, cigare, etj. Ishin kohë të arta, shteti nuk ekzistonte, nuk paguanim taksa, nuk kishim konkurrencë – gjithçka që fitonim ishte fitim i pastër “.
Ai thotë se këto para i ka investuar në një kompani ndërtimi. “Shqipëria është shumë më tepër se droga, korrupsioni dhe mafia”. Infrastruktura në Shqipëri ishte e mjerë, ku mungonin hapësirat. “Njerëzit kishin nevojë për shtëpi dhe ne i ndërtuam ato”-thotë Xhodi. Përveç vilës së tij, ai ka disa makina. Ka një Maybach, një S-Class, një Mercedes-AMG S 63, një Audi S Line dhe sigurisht Corvette e tij. Çfarë dëshiron të blejë më pas? “Një avion privat do të ishte mirë,” thotë ai, sikur të ishte diçka plotësisht normale. Po, pse jo? Unë jam i sigurt se kjo do bëjë ‘namin’ në Instagram. 27, 30, 31 vjeç, ata janë të gjithë shumë të vjetër, menduam për fëmijët e pasur të Tiranës. “Ku janë djemtë? A janë ata të pasur? Dhe përse nuk ka kurrë gra në faqen tuaj?”-pyetëm administratorin. “Jo, jo, ata nuk duan të shfaqin gratë thotë ai. Këtu nuk është si Gjermania.”-na thotë.
Na thotë se do të na njohë me një djalë shumë të mirë. Lindi Dedja, 22 vjeç. Ai rri me shokët e tij në bulevardin e ri, një nga rrugët më të mira të Tiranës. Fenerë të mëdhenj ndriçojnë djemtë dhe makinat e tyre. Ata pinë duhan dhe pije energjike. Pija Golden Eagle i përket babait të Lindit. Për disa vite ai do të jetë shefi i kompanisë, me të cilin po punon. “Lindi ka një motër të vetme, dhe shanset janë të mira për të”-bën shaka njëri prej shokëve. Makina, sigurisht Mercedes, është krenaria dhe gëzimi i Lindit. Ai e pikturoi atë me ngjyrë të kuqe, me grimca të artë, kështu që shkëlqen kur kalon me të nëpër Tiranë. “Ngjyra është unike në Shqipëri dhe ka kushtuar plot 5,000 ” thotë ai. Ai rri gjithë ditën në Instagram dhe thotë se ajo është jeta e tij. “Gjithë jeta ime është në Instagram, unë jam duke postuar histori gjatë gjithë ditës, në lidhje me makinën time, ushqimin, ku jam me pushime apo duke bërë biznes.”-thotë Xhodi. Kështu është jeta e fëmijëve të pasur të Tiranës. Pozo dhe posto. Gjithë ditën! Kemi vetëm një pyetje të fundit për ta: Pse mbani zinxhirë ari nën këmishë? “Epo, çdo gjë tjetër do ishte shumë e lirë. Vetëm zinxhiri tregon vërtetë vlerën që ka.”-thonë ata.
Tirana, Korça dhe Elbasani mbeten qytetet me ndotjen më të madhe të ajrit. Por ndryshe nga dy qytetet e tjera, Korça paraqet ndotje të ajrit vetëm gjatë periudhës së vjeshtës dhe dimrit, kur banorët përdorin dru për ngrohje. Sipas të dhënave nga Agjencia Kombëtare e Mjedisit, ka një tejkalim të normës vjetore të Bashkimit Europian në dy stacionet e vendosura në kryeqytet për matjen e ndotjes.
Tek zona pranë Bashkisë, niveli i grimcave të pluhurit ka një tejkalim të normës me 56%, ndërsa ajo e vendosur pranë Agjencisë Kombëtare të Mjedisit me 30%. Për specialistët e mjedisit, burimi kryesor i ndotjes mbetet emetimi i gazrave nga automjetet.
“Ndotja e ajrit kalon normat e Bashkimit Europian.
Ndotja e ajrit vjen kryesisht nga transporti dhe është në masën 50 % ose diçka më shumë. Zgjidhja themelore ka të bëjë me numrin e makinave, në Tiranë numri i makinave për km2 është më i madh se Amsterdami apo Berlini. Në Tiranë është 3 mijë ose më tepër për km/katror. Dendësia e popullsisë është në korrelacion të drejtë me ndotjen, sa më e madhe popullsia aq më e madhe ndotja”, thotë specialisti Lavdosh Feruni.
Në vendin tonë janë në qarkullim 557 mijë automjete, nga këto vetëm në qarkun e Tiranës janë 205 mijë, ndërsa në Elbasan 36950 automjete. Por cila është zgjidhja për uljen e nivelit të ndotjes?
“Këtu ka disa elementë që mund të përmirësohet situata në aspektin e cilësisë së karburantit, makinave të vjetrave, por këto nuk janë themelore, janë margjinale. Se sa më i madh numri i makinave, edhe ndotja është më e madhe për arsye sepse zvogëlohet shpejtësia e qarkullimit. Reduktimi kryesor i ndotjes vjen nga politikat për qytetet pa makina dhe ne duhet të inkurajojmë këtë gjë, në Shqipëri po bëhet diçka”.
Mbi 7 milionë njerëz në botë humbin jetën nga ndotja e ajrit në një vit. Sipas Organizatës Botërore të Shëndetësisë, shkarkimit të automjeteve të lehta dhe metodat tradicionale të gatimit, janë dy nga shkaktarët kryesorë të ndotjes në më shumë se 4300 qytete në 108 shtete.
Procesi i plakjes është i pashmangshëm. Por a njihni njerëz që duken më të mëdhenj se mosha e tyre?
Kjo është diçka që është padyshim nën kontrollin tuaj. Fatkeqësisht, plakja e parakohshme është diçka që përjeton shumica e shqiptarëve.
Duket se shumë nga zakonet e përditshme, disa që ndoshta as nuk i pranoni se po i bëni, ju tregojnë më të vjetër se vitet e vërteta.
Gjumi i pakët dhe i keq plak para kohe
Gjumi nuk mban vetëm mendjen tuaj të shëndoshë – ai ndihmon të dukeni më të rinj për më shumë kohë.
Gjumë riparon dëmin që që merr organizmi gjatë ditës. Pra ekspozimin ndaj lodhjes, ndotjes dhe stresit. Kur merrni gjumin e duhur, lëkura juaj nuk mund të përgatitet për ditën tjetër.
Kjo dërrmon lëkurën tuaj, sjell qeliza më pak të shëndetshme dhe afron plakjen e parakohshme. Mundohuni të bëni të paktën tetë orë gjumë në natë, sugjerojnë të gjithë specialistët e mjekësisë.
Mungesa e frutave dhe perimeve në ushqim plak para kohe
Gati 80 për qind e shqiptarëve nuk hanë 2 deri 3 racione 100 gramëshe me perime në ditë. Ndërsa 72 për qind nuk arrijnë të hanë fruta mjaftueshëm, sipas të dhënave të anketave me fokus grupeve të organizuara nga AgroWeb.org.
Megjithatë, frutat dhe perimet parandalojnë dëmtimin që shkaktohet tek lëkura juaj nga plakja e parakohshme, sipas Akademisë Shkencore të Dermatologjisë.
Frutat dhe perimet janë plot me ushqyes, si antioksidantë dhe vitamina, të cilat ndihmojnë në luftimin e dëmtimeve të radikaleve të lira dhe mbajnë qelizat e lëkurës tuaj të shëndetshme.
Disa fruta dhe perime që duhen patjetër? Zarzavate me gjethe të errëta si spinaq, patate të ëmbla, portokall, speca të kuqe, luleshtrydhe, shegë, boronica, shparguj dhe kërpudha.
Sheqeri dhe brumërat bëjnë të dukeni më të vjetër
Shumë brumëra dëmtojnë edhe përtej rritjes së peshës. Ushqimet si buka e bardhë, akulloret dhe patatet e skuqura, mund të shkaktojnë të gjitha llojet e problemeve me fytyrën tuaj.
Kjo ndodh për shkak se ato rrisin maksimalisht nivelet e sheqerit në gjak. Këto shkaktojnë inflamacione dhe nxisin daljen e puçrrave në fytyrë.
Plus, teprimi me shumë ëmbëlsira mund të çojë në glikazim, një proces në të cilin molekulat e sheqerit i bashkohen kolagjenit të lëkurës suaj. Kjo e bën kolagjenin të fortë dhe më pak elastik, duke shkaktuar rrudhat e parakohshme.
Duhanpirja ju bën të dukeni më të vjetër të moshë dhe ju plak para kohe
Para se të ndizni një cigare, mbani mend se mushkëritë nuk janë pjesa e vetme e trupit tuaj që paguan një çmim të dhimbshëm.
Pirja e duhanit bën të dukeni më të vjetër dhe shumë më shpejt. A ka prova për këtë?
Studiuesit krahasuan tiparet e fytyrës së 79 çifteve të binjakëve – në të cilat një binjak aktualisht tymoste pesë vjet më shumë se binjaku tjetër.
Plus, duhani është i ngarkuar me kimikate që dëmtojnë kolagjenin dhe elastinën, thotë Akademia e Dermatologjisë, të cilat janë vendimtare për një fytyrë të re.
Shumë alkool ju vjetëron tepër shpejt
Ka një arsye që askush nuk duket bukur në mëngjes pas një mbrëmje me tepri alkooli. Studimet tregojnë se alkooli ul nivelet antioksiduese në lëkurën tuaj.
Kjo shkakton dëmtime në qelizat tuaja të lëkurës, duke nxitur rrënimin e fytyrës dhe rrudhat.
Alkooli gjithashtu dehidraton lëkurën tuaj, çka bën që fytyra të duket e thatë e rrënuar dhe plakur.
Mbajini në mendje këshillat e mësipërme. Nuk janë aspak lukse, por mirëmbajtje e shëndetit tuaj./AgroWeb/
Opozita mesa duket ka bashkëpunëtorë edhe në radhët e Policisë së Shtetit.
Pas publikimit nga deputeti demokrat Ervin Salianji, i të dhënave nga sistemi TIMS, për udhëtimet e deputetit Taluant Balla dhe shtetasit Edmond Bego, në lëvizje është vënë dhe Drejtoria e Standardeve Profesionale në Policinë e Shtetit.
Sipas burimeve nga uniformat blu, për këtë rast ka nisur një hetim administrativ për nxjerrje të të dhënave konfidenciale. Kërkimi në sistemin TIMS lë gjurmë dhe nga hetimi pritet të dalin të gjithë personat që kanë kërkuar të dhënat, të cilat u bënë publike nga opozita.
Në sistemin TIMS kanë akses vetëm një numër i kufizuar oficerësh , nga të cilët dyshohet se i është përcjellë opozitës edhe informacioni i detajuar për lëvizjet jashtë shtetit të numrit 2 të Partisë Socialiste, i cili akuzohet për lidhje me Edmond Begon, që sipas opozitës është një person i dënuar dhe me të shkuar kriminale.
Në fakt kjo nuk është hera e parë që opozita paraqet informacione konfidenciale në lidhje me çështje të caktuara. Edhe në të kaluarën, në rastin e akuzave për Saimir Tahirin, opozita publikoi të dhëna për lëvizjet e ish ministrit të brendshëm dhe automjetit të tij, ndërsa disa oficerë që nuk kishin lidhje me çështjen, por kishin kërkuar të dhëna për të, u ndëshkuan me masa disiplinore. /Top Channel
Një i burgosur ka dalë ditën e sotme dhe i shoqëruar nga forcat e rendit, ai do të përballet me babin e tij në në rubrikën “Shihemi në gjyq”. I burgosuri Murat Masha dhe ka ardhur nga institucioni ku vuan dënimin dhe ai do të ballafaqohet me babain e tij Besim Mashën, i cili nuk ka shkuar asnjëherë të takojë djalin në burg që prej 3 vitesh.
Murati para 3 vitesh është akuzuar nga Policia dhe nga Prokuroria si dhe dënuar nga Gjykata si autori i një vjedhje më armë, në banesën e një komshiu të tyre, zotit Qemal Dacit. Që nga ajo periudhë e deri më sot, zoti Besim nuk është takuar me djalin dhe është në hasmëri dhe më familjen e Dacit. Murati është dënuar me 7 vite e gjysëm burg.
Ish koloneli Myslim Pashaj vjen me një koment lidhur me marrëveshjen e detit të shtetit shqiptare me atë grek. Sipas tij ish kryeministri Sali Berisha hesht për të fshehur paktin e bërë prej tij në 2009, mbi të cilin duket se shteti fqinj i qëndron ende.
YSLIM PASHAJ/ Informacionet që mbërrijnë nga vendi fqinj, të përkitura edhe me ato të Berishës, na rrëfejnë se e sotmja e Paktit Detar-2 është e përngjashme me atë të Paktit Detar-1. Prej këtij çasti Sali Berisha filloi të heshtë. E pabesueshme! Sali Berisha dhe Costa Karamanlis gjatë firmosjes së marrëveshjes për Detin në 2009. Sali Berisha që nga viti 2009 e këndej s’iu nda së mbrojturi Marrëveshjen e parë për delimitimin e detit me Greqinë, me të gjithë përkushtimin e tij për ta larguar e për ta mbuluar, atë Pakt Pushtimi Marrëveshja ishte përgatitur në mënyrë të shpejtë e të fshehtë, e firmosur nga Ministrat e jashtëm në prani të Kryeministrave.
Sali Berisha nuk hoqi dorë në aspekti tekniko ligjor për të mbrojtur metodën e barazlargësisë strikte që çonte në humbje Shqipërinë. Për personazhet negociatorë dha poste më të larta dhe s’kurseu sulmet ndaj mediumeve dhe oponencës profesionale. Me po me të njëtin vendosmëri sulmoi Gjykatën Kushtetuese, duke aluduar se situata ishte përgatitur nga një shtet i tretë…( ndikim I Turqisë!!!…etj). Kaluan nëntë vjetë dhe pritet që të mbushet viti i dhjetë nga ai moment historik i trazuar.
Që nga janari i këtij viti, e në vijim, Sali Berisha ka qënë i vetmi burim që ushqente njoftime për negociatat dhe negociatorët e rinj. Sidomos pas takimit të Kretës. Me siguri që brenda strukturave të Ministrisë së Jashtme dhe të Europës ai ka njerëzit e tij që e informonin, kur pjesa tjetër e mediumeve dhe oponenca e shoqërisë civile, mbahet ende në hermetizëm. Sali Berisha permëndi me emër dhe dy anëtarë të Grupit Negociator, duke iua shpalosur edhe biografitë, mospërkimet, po ashtu shfaqi edhe imazhe të pranisë së tyre në Takimin e Kretës, duke hamendësuar edhe për pazare ( më jep atë hapësië…. të jap këtë zonë…!) që kishin filluar. Ai ngriti zërin në mbrojtje të Zonave Ekonomike Eksluzive Naftëmbajtëse duke deklaruar se “ai me të tijtë, me trupat të shtrirë! do të vendoseshin në hapësirën detare, në mbrotje të pasurive përrallore!”
Po ashtulloj ai komentoi për herë të parë metodat dhe principet duke u qasur me “equite= equity= equitable solution…” të cilat s’i kishte pranuar gjer atëherë. Hollësitë vijonin, ai fliste për vonesë në “blerjeve të softëare-s grafike” nga pala shqiptare. Ndiqte veprimtarinë brendshem të grupit dhe anëtarëve të veçantë të cilat nuk kishin pranuar të firmosnin… ( ai deklaroi për ata se “ishin patriotë…etj) ”. Të gjitha këto pandehma, për herë të pare, në shumë informacione të tjera atij i dolën parashikimet. Informacionet që mbërrijnë nga vendi fqinj, të përkitura edhe me ato të Berishës, na rrëfejnë se e sotmja e Paktit Detar-2 është e përngjashme me atë të Paktit Detar-1.
Prej këtij çasti Sali Berisha filloi të heshtë. E pabesueshme!
– Mospranimi i palës greke të principeve dhe metodave që i sigurojnë Shqipërisë zgjidhje ne drejtë dhe të ndershme,
– mospranimi i” equite” – shmangja nga diskutimi për Zonën Ekonomike Eksluzive , të vetmen në Otranto, – shmangia po ashtu edhe e Barketës shqiptare… etj. Këto e kanë bërë Berishën të ndërroje mëndje. Po a ka rënë në gjum ky i pagjumë!?! Dyshohet! Shurdhëria brenda zhguallit të tij është e përkohëshme. Kush është çelsi i enigmës?
Ndofta, mendohet se ajo që ka ardhur dhe pritet të kryhet , e afron atë jo vetëm me palën Greke me të cilën e bëri marrëveshjen e parë, por edhe me Kryeministrin e sotëm i cili e ka akuzuar atë për tradhëti kombëtare. Ky përkim do të bëjë që t’i ngelet në kurriz Kryeministrit të tanishëm, barrikada që ka ngritur Gjykata Kushtetuse e Shqipërisë me nenin 4/4:
“Nuk duhej të ishte zbatuar parimi i barazlargësisë strikte për përcaktimin e kufirit detar, i cili ka sjellë pasoja të disfavorshme për shtetin shqiptar duke humbur padrejtësisht sipërfaqe të konsiderueshme hapësirash detare, për shkak se dy brigjet kanë kushte gjeografike të ndryshme. Në vend të tij duhej zbatuar parimi i barazlargësisë i kombinuar me ekitene (frëngjisht equite ose anglisht equity), i cili bën të mundur arritjen e një rezultati të drejtë dhe të ndërshem”.
Në kushtet kur kënaqen synimet gjeostrategjike dhe ekonomike të Greqisë në Veriun e Detit Jon, Otranto dhe Kanalin e Korfuzit, krijohen mundësi dhe zbutje të fqinjit jugor në hapjen e rrugës për në BE.
“BE”? Ky do të jetë moment tjetër ndryshimi për Berishën, shpresë që ai të zgjohet dhe t’ia fillojë luftës nga e para, për të akuzuar Qeverinë e Sotme për Tradhëti. Ja kjo është një histori groteske e heshtjes së Sali Berishës dhe hedhjes në det të interesave kombëtare.
