Një histori prekëse na vjen nga Amerika ku një i pastrehë tashmë është zotërues i të paktën 380 mijë dollarëve dhe shuma vazhdon të rritet dhe kjo falë zemërgjerësisë së tij.
Kate Mcclure teksa po shkonte për në shtëpi i kishte mbaruar karburanti në autostradë, ajo kishte ndalur makinën dhe ishte nisur për të marrë karburant.
Ai kishte parë 27-vjeçaren që kishte ndaluar dhe e kishte kuptuar që diçka nuk shkonte siç duhet dhe i ishte afruar, dhe i kishte thënë që të futej në makinë dhe të mbyllte dyert.
Pas disa minutash ai është rikthyer me një bidon me benzin, duke harxhuar 20 dollarët e tij të fundit.
Kate ishte prekur shumë nga ky veprim i Johnit dhe kishte filluar që ti sillte uji dhe ushqim çdo ditë.
Teksa më vonë sëbashku me të dashur e saj ata hapën një peticion në internet duke treguar historinë e saj me Johnin dhe duke kërkuar ndihmë që të mblidhnin para për të.
Ende më vjen ndërmend ti dhe veprimet e tua, çdo ditë.
E dashur zuskë,
Po, unë ende nuk mund të të drejtohem me emrin tënd. Ti je ende ajo gruaja që u përpoq të vjedhë dhe të marrë burrin tim nga unë dhe fëmijët e mi. Po, burri im ishte idiot që “ra në dashuri” me ty, por kjo nuk ka të bëjë me atë – ka të bëjë me ty.
Nuk pate sukses. Në sytë e mi (dhe në sytë e shumë njerëzve të tjerë), kurrë nuk do t’ia dalësh. I ke bërë një gjë të pafalshme familjes time. Ti u përpoqe ta shkatërrosh atë.
A nuk mendove se një grua pranë burrit me të cilin ti po kaloje natën do të shkatërrohej? A nuk të interesoi aspak? Ndoshta jo, dhe kjo është ajo që të bën një njeri të tmerrshëm.
A nuk mendove se fëmijët e burrit që ti po gjuaje do të thoshin: “Pse ajo zonjë po përpiqet ta largojë babanë tonë nga ne?”
Jo, nuk e ke menduar sepse ti je një person pa shpirt.
Si është puna jote kështu? Gratë duhet të qëndrojnë së bashku në këtë botë, të mos luftojnë kundër njëra-tjetrës.
Karma është e fuqishme, ta dish. Do të vijë tek ty (nëse ende nuk ka ardhur). Do të tregohet edhe ajo e keqe, gjithashtu. Kur përpiqesh të prishësh një familje, nuk ka gjë tjetër që të pret veçse e keqja që vjen në rrugën tënde.
Duhet ta dish se kemi kaluar shumë peripeci, pasi ai më zgjodhi Mua dhe jo Ty. Kam lexuar të gjitha emailet që ti i dërgoje atij dhe ato që ai të dërgonte. Të gjitha deklaratat e dashurisë dhe se si ju të dy ishit “shpirtra binjakë”.
O zot më jep durim.
Gjashtëmbëdhjetë vite – për kaq kohë kam qenë me burrin tim. Ti? Tetë muaj. Pse? Sepse me të vërtetë mendove se mund të flije me një burrë të martuar dhe të fitoje, apo jo?
Ti me të vërtetë mendove se ai do të bëhet i yti? Më bën për të qeshur. Je një budallaçkë.
E di ç’është më e keqja? Pasi ai të la, ti vazhdove jetën tënde. Sigurisht, ti ndoshta je mërzitur, por ajo nuk është asgjë.
Asgjë, krahasuar me zjarrin në të cilin ne po përpiqeshim e digjeshim pas asaj ngjarjeje. Ne kishim një familje që duhet të bashkohej. Ti nuk ke idenë se sa e vështirë është. Ti nuk do të mund ta përballoje atë.
Unë ende mendoj për ty çdo ditë. Nuk e urrej më burrin tim, Jam krenare për të. Ai ka qenë model i përsosur për dikë që ka kryer një tradhti bashkëshortore. Ke të drejtë për një gjë: ai është një dreq burri.
Përgjatë të gjitha netëve me ulërima deri sa më pëlcisnin mushkëritë, duke qarë dhe kërcënuar se do të ikja, ai qëndroi atje duke i përballuar të gjitha. Sigurisht, ka pasur ditë kur ai mendonte se nuk do të mund ta përballonte fajin për dhimbjen që TI dhe AI më shkaktuat.
Kishte ditë kur ai nuk mendonte se do t’i mbijetonte kësaj stuhie. Por a di çfarë? Ai ia arriti. Ne arritëm ta duam sërish njëri-tjetrin pavarësisht rrëmujës që ti le pas.
Ti ndoshta je marrë me të tjerë burra tashmë. Zuskat e bëjnë gjithmonë këtë.
Nëse mendon për burrin tim, unë shpresoj që ti ta dish se ke treguar se je një person i keq. Kushdo që përpiqet të marrë një bashkëshort dhe baba, ta mbajë larg familjes së tij është një person i lig.
A të ndodhi kjo gjë edhe ty dikur? A është kjo arsyeja përse ti u përpoqe t’ia bëje atë gjë dikujt tjetër? Kjo nuk është e drejtë. Unë nuk të bëra asgjë ty, fëmijët e mi sigurisht që jo.
Ndoshta, nga ndonjë rastësi e universit, ti po e lexon këtë tani. Nëse do të ishe para meje, do të të thoja këtë:
Une e dua burrin tim. Unë jam krenar për burrin tim. Ti je vetëm një kujtim i hidhur tani. Ne ia dolëm. Ne jemi shpirtrat binjakë – Ti je budallaçka.
Pak dite me pare, mediat roze raportuan se burime te sigurta prane ciftit kishin konfirmuaar tashme ndarjen nga martesa 18 vjecare e kengetares Eneda Tarifa dhe burrit te saj Erjon Zaloshnja.
Muzikanti Zaloshnja, në fillimet e njohjes, në ndonjë intervistë, kur e pyesnin për Enedën, shprehej: “Ajo është muza ime”.
Ishte janari i vitit të kaluar 2017, kur Eneda u nda nga banda e bashkëshortit të saj në club-in “Rock Stock” për të kënduar në një tjetër club në Durrës, e pavarur nga ai, kësaj here në bashkëpunim me Sidrit Bejlerinm shkruan Panorama.
Që nga ajo periudhë, ajo nuk është parë më pranë partnerit të saj, bashkëjetesë nga e cila ka një vajzë, Arian. Sipas mediave, çifti nuk shihen më bashkë dhe mesa duket, i kanë ndarë rrugët me njëri-tjetrin, në të gjitha aspektet, edhe si ortakë, pasi dihej, që prej vitesh ishin bashkëpronarë të club-it të njohur në Tiranë, por as këtë sezon, Eneda Tarifa nuk këndoi në këtë lokal. Lajmi për ndarjen e tyre u ngacmua nga fakti që të shtunën, Erjon Zaloshnja organizoi mbrëmjen inaguruese të sezonit, por partnerja e tij shumëvjeçare në jetë dhe në biznes jo vetëm që nuk këndoi, por nuk u pa fare në club.
Nga ana tjetër, po të shohësh profilin në “Instagram” të Enedës, ku duket që është aktive, sheh vetëm foto të saj dhe të vajzës, por asnjë me partnerin. Vetë ajo i parapriu lajmit me anë të një statusi në “Facebook”, të cilin e postoi më 1 Janar, ku shfaqet e vetme në foton ku shijon një gotë verë dhe ku flet për dështime e fitore. “E piva për 2017-ën, me të këqijat e të mirat që mbarti.
E çuditshme, se si gjithmonë ditët e fundit të vitit njeriu bëhet nostalgjik, mediton për vitin që po lë pas. A ishte dështim apo fitore? E rëndësishme është që çdo situatë ta kalojmë me ballin lart, me forcë, më përgatitje shpirtërore e profesionale. Keep it up people! 365 ditë të reja, 365 shanse të tjera vajzë”, shkruante vetë Eneda, ku lë të kuptohet se, tashmë, është beqare.
Nuk dihet konkretisht se çfarë ka ndodhur mes çiftit, por, burime të afërta, tregojnë se Eneda është larguar nga shtëpia ku jetonin bashkë, për të nisur një jetë të re me vajzën. Ndërkohë, në “Facebook”-n e Erjon Zaloshnjës, gjenden ende foto me Enedën, të para dy viteve ku ata shfaqeshin shumë romantikë dhe të dashuruar pranë njëri-tjetrit, pasi, mesa duket, kanë qenë në ditët e tyre më të mira si çift.
Çifti që s’u martua kurrë dhe fundi i lidhjes si bashkëpunëtorë biznesi
Në mars të këtij viti, Eneda Tarifa feston 35-vjetorin, por ishte vetëm 17 vjeçe kur nisi historinë e dashurisë me kompozitorin e këngëve të saj të para, që ishte disa vite më i madh se ajo. Për këngëtaren e rrymave, pop, r&b e rock dhe njëkohësisht prezantuesen televizive, karriera do të ecte paralelisht me historinë e saj të dashurisë, që nga vitet 2000.
Edhe pse kanë pasur disa ndarje të vogla, nuk dihet pse kjo ndarje e madhe erdhi pikërisht në momentin që u bënë bashkëpunëtorë të një clubi të njohur në Tiranë, të cilin e hapën bashkë me Elton Dedën. Erjoni njihet për profil të ulët në publik, kështu që për historinë e tyre të gjatë ka folur ndonjëherë Eneda, e cila, pyetjes se kur do të martohen, i është përgjigjur se kishin dëshirë që maksimumi të bënin ndonjë festë për qejf me miqtë e tyre. Nuk dihet, nëse pas lindjes së vajzës kanë organizuar ndonjë ceremoni private, duke u nisur nga fakti që në rrjetet sociale nuk është publikuar asnjë foto apo video.
Edhe pse ishin një ndër çiftet më jetëgjatë mes personazheve shqiptarë, prej kohësh përflitej se historisë së dashurisë mes Eneda Tarifës dhe Erjon Zaloshnjës i ka ardhur fundi. Bashkë prej gati dy dekadash, duket se çifti shqiptar nuk do të shfaqet tani më si çift në sytë e publikut. Prej vitesh bashkëpronarë të klub-it në kryeqytet, çelja e sezonit të ri e ka gjetur Enedën larg këtij biznesi, ndërsa Erjoni ka vazhduar punën njësoj si më parë. Tarifa u pa në fillim të këtij viti duke kënduar në një nga lokalet konkurrente, gjë që tregon më shumë për ndarjen mes tyre. Dashuria e muzikantëve u duk se u përforcua më shumë me lindjen e vajzës, Aria, por duket se gjithçka tashmë ka shkuar drejt fundit. Ende nuk ka një konfirmim zyrtar nga asnjë prej personazheve, por mosprania e tyre si çift në evente të ndryshme apo dhe thjesht në përditshmëri, ka bërë që të mos ketë më vend për dyshime.
Çifti që ndahet dhe ribashkohet, ja ç’rrëfeu Eneda Tarifa para disa vitesh
Përveçse një kompozitor i njohur, Erjon Zaloshnja i cili njihet, së fundmi, edhe si producent i suksesshëm klipesh, ka shoqëruar karrierën e Eneda Tarifës si këngëtare. Ndonëse çifti nuk u martua ndonjëherë, lidhja e tyre komentohej si më e gjata në historinë e showbiz-it shqiptar. Në fakt, lidhja e tyre ka pasur jo vetëm uljet dhe ngritjet e saj, por edhe ndarjet e herëpashershme, të cilat i kanë tejkaluar për t’u ribashkuar sërish.
Vetë Eneda e ka komentuar marrëdhënien e tyre, dashuri të vërtetë dhe që, me kalimin e kohës, ata kanë kuptuar se nuk bëjnë dot pa njëri-tjetrin. Lidhja e tyre u përforcua pak vite më parë, me ardhjen në jetë të vajzës së tyre, në kohën kur Eneda ishte prezantuese e spektaklit të humorit “Portokalli”.
Në një intervistë për gazetën “Panorama” disa vite më parë, pyetjes për Erjonin, ajo i është përgjigjur: “Kur një shoqja ime e gjimnazit, që jeton jashtë, më pyeti pas 15 vitesh nëse unë dhe Erjoni vazhdojmë ende dhe mori përgjigjen “po”, ajo më tha: “Nëse do të mësoja se historia jote me Erjonin ka mbaruar, do të vërtetoja që nuk kishte dashuri. Shoqet e mia të klasës, miqtë e mi e kanë si etalon lidhjen tonë, e lakmojnë në kuptimin e mirë të fjalës. Është fat të përjetosh një lidhje të tillë, pra, të jesh kaq gjatë me një person. E vërteta është se ne jemi ndarë disa herë dhe kemi kaluar ato krizat e një lidhjeje, por përsëri i kemi tejkaluar. Me kalimin e viteve, kemi kuptuar se ne nuk rrimë dot pa njëritjetrin.
Është një ndjenjë që e kemi mbajtur gjallë me shumë kujdes duke larguar tundimet që na rrethojnë, ndërkohë që nuk kemi pasur ndonjë kërcënim real. Lidhja jonë është vendim, edhe pse vazhdimin nuk mund ta parashikoj”, citohet të jetë shprehur ajo në këtë intervistë. Po, si ka qenë jeta e saj në televizion dhe si reagonte Erjoni? “Unë kam qenë gjithmonë në televizion dhe ai ka dashur që unë të jem.
Erjonin e bezdis vetëm fakti që nuk ka dëshirë të bëhet objekt ,nëpërmjet meje, pasi ka një jetë të tijën dhe e ka zgjedhur kështu. Gjithsesi, në çdo rast ai më drejton mirë, më qëndron pranë për të gjitha problemet që kam në punë si një i rritur”, përfundon intervista e para disa viteve. Duke u nisur nga historiku i marrëdhënies së tyre, nuk është çudi që një ditë t’i shohim bashkë sërish
Ish-studenti shqiptar në Bursa të Turqisë Gerti Pashja, ka rrëfyer në një intervistë nga burgu i Fushë-Krujës të gjithë dinamikën e ngjarjeve që e çuan atë pas hekurave të qelisë.
I konsideruar nga organet e drejtësisë si njeriu i dytë më i rëndësishëm i grupit prej besimtarësh të dënuar për terrorizëm, ai shprehet se nuk ka pasur asnjë lidhje me personat e tjerë duke argumentuar se ndëshkimi i tij ka ardhur veç si pasojë e qëndrimeve anti-sistemit demokratik.
Sipas Pashjas, demokracia dhe islami bien ndesh me njëra-tjetrën ku nënvizon se nuk mund të quhet mysliman një person që bën thirrje për votime pasi kërkon të zgjedhë një “zot” tjetër për pos Allahut.
Ndërkohë, sa i përket luftimeve të përgjakshme në Siri, i dënuari gjykon se çdo mysliman do të shkonte atje për të shërbyer duke mos përjashtuar as veten.
Sipas dosjes, gjatë procesit hetimor Prokuroria e Krimeve të Rënda ka gjetur fakte kundër ku Pashja rezulton i përfshirë në rekrutimin e xhihadistëve shqiptarë në konfliktin me militantët e ISIS. Referuar të njëjtit dokument, Pashja u tregonte atyre rrugën se si të shkonin deri në frontin e luftës.
“TemA” hyri në burg për të mësuar të vërtetën e pretenduar prej tij për të cilën tregon se nuk përfillet nga organet përkatëse.
Pashja, me sa vite jeni dënuar? Cilat ishin akuzat kryesore që ju çuan pas hekurave?
Unë jam dënuar me 17 vite burg por ndëshkimi ju siguroj se s’ka lidhje me realitetin. Akuzat e Prokurorisë për thirrje terroriste dhe rekrutim personash nuk u provuan kurrë. Argumentimi kryesor prej tyre ishte se ne jemi kundra Amerikës apo dikush kundër Stalinit. Këto gjenden edhe në dokumente zyrtare.
Atëherë çfarë ju solli këtu?
Ajo që mendoj se ka sjellë dënimin tim është fakti se kam bërë thirrje në rrjetet sociale që myslimanët të mos marrin pjesë në votime. Duhet të dini se sistemi demokratik bie ndesh me islamin. Pjesëmarrja në votime është zgjedhja e një tjetër zoti tjetër përpos Allahut. Kur njeriu zgjedh deputetët për t’i udhëhequr praktikisht sjell tjetër zot. Ndërkohë ligjvënia në konceptin islam i takon vetëm Allahut. Mendoj se njerëzit apo partitë që thërrasin për votime nuk janë myslimanë.
Çfarë bënit në momentin e arrestimit?
Pas shkollimit për degën “punë sociale” në Elbasan, unë shkova në Turqi për të ndjekur universitetin. Forcat turke më ndaluan me urdhër ndërkombëtar të lëshuar nga Tirana dhe kam ardhur deri në aeroport pa pranga. Autoritetet atje nuk kishin asnjë problem me mua edhe pse unë jetoja në vendin e tyre.
Dua të them se para zhvendosjes sime në Turqi, kam jetuar në qytetin e Cërrikut. Pretendimi i organeve të drejtësisë ka lidhje me aktivitetin tim në këtë qytet ku më kanë akuzuar sikur ne kishim një ambient që faleshim jashtë vendeve të përcaktuara. Pretendohet nga ta se unë kam dërguar njerëz nga Cërriku në Siri, por siç ju thashë për këtë nuk ka asnjë fakt.
Cila është lidhja juaj me grupin e dënuar për terrorizëm dhe konkretisht Genci Ballën dhe Bujar Hysën?
Kam jetuar në Turqi gjatë periudhës që nisi konflikti në Siri pasi kryeja studimet për teologji. Nuk kam pasur asnjë kontakt me këta persona pavarësisht se ata njihen si hoxhallarë.
Shqipëria është e vogël dhe njerëzit njihen si fytyra. Nuk i akuzoj dhe as i paragjykoj për ndonjë gjë.
Unë kam qenë në Leshnicë dhe Zargoçan të Pogradecit ku jam njohur gjerësisht me ngjarjet në lidhje me terrorizmin. Ju e njihni personalisht ish-imamin Almir Daci që dërgoi video kërcenuese për shqiptarët?
Unë e njoh pasi ai vinte vazhdimisht në qytetin e Peqinit dhe jam prezantuar në vitin 2008 si besimtar. Për herë të fundit u takuam në vitin 2012 dhe më pas nuk kam pasur asnjë kontakt me të.
Cili është gjykimi juaj mbi shqiptarët që kanë zgjedhur të shkojnë në Siri për t’u bërë pjesë e luftës së përgjakshme?
Ata kanë shkuar atje me vullnetin e tyre të lirë ashtu si edhe forca të tjera ruse apo amerikane bëhen pjesë e luftës pro Bashar Al-Assad apo interesave të Amerikës. Ky grup njerëzish ka shkuar me një mision tjetër dhe mendoj se është një luftë që ka vazhduar dhe do të vazhdojë. Një mysliman e zgjedh këtë rrugë. Personalisht nuk shoh ndonjë problem se ata kanë depërtuar në Siri për të luftuar. Dikush do që të mbajë një sistem islam, dikush do që të mbajë regjimin e diktatorit.
Ju i keni bërë thirrje për të shkuar? Mu përgjigjni me “po” ose “jo”?
Unë kam qenë në Turqi dhe nuk ka pasur asnjë thirrje nga ana ime. Njerëzit shkojnë në Siri për diçka individuale ku ju kujtoj se islami e pranon xhihadin. Nga njëra anë shumë ushtarë zgjedhin të mbrojtur demokracinë, dhe nga ana tjetër myslimanët e shohin si obligim fetar për të shkuar dhe për të luftuar krah Allahut. Ne besojnë se kur vritesh për Allahun shkojmë në xhenet. Sot është një luftë e hapur mes perëndimit dhe islamit. Besimtarët e kanë ndjerë obligim dhe do shkojnë sot, nesër. Rekrutuesi më i madh i myslimanëve për të shkuar në luftë është Kurani. Aq më tëpr kur vetë ish-kryeministri Sali Berisha bëri thirrje në atë kohë për të shkuar atje. Atëherë çfarë doni më?
Ju kujtoj se Islami zyrtar në botë është distancuar nga lufta e përgjakshme në Siri…
Islami zyrtar nuk është islam. Nuk konsiderohen myslimanë. Janë thjesht institucione që janë vendosur në luftë përballë islamit. Për besimin tonë nuk kanë të drejtë që të flasë institucioni pasi burimet tona janë Kurani, tradita profetike e profetit, dhe konsensusi i gjithë myslimanëve.
Pra ju nuk i njihni?
Natyrisht që nuk i njoh. Një institucion që lufton për të mbajtur demokracinë në këmbë, nuk mund të quhet kurrsesi islam. Demokracia dhe islami janë dy koncepte që nuk mund të qëndrojnë bashkë pasi janë përjashtuese e njëra-tjetrës. Ligjvënia nuk i takon njeriut por i takon Zotit.
Pajtoheni me faktin se në Francë, Belgjikë, Gjermani dhe vende të tjera janë bërë sulme terroriste ndaj njerëzve të pafajshëm? Në këto hapësira publike mund të gjendeshin edhe të afërmit e tu apo të mi…
Të vrarë civilë që ka ekzekutuar ISIS janë 2%, ndërsa të tjerët janë ushtarakë. Nuk shkoi ISIS në Evropë por erdhi Evropa në Siri. S’mund të krahasohen 100.000 veta që janë vrarë në një qytet sirian, me 1000 veta që ka vrarë ISIS në Evropë. Andrea, kemi dy qytete Raka dhe Mosuli që sot janë zero. Kur perëndimorët vrasin civilë legjetimohem, kur myslimanët ekzekutojnë civile quhen akte terroriste. Parimisht myslimanit nuk i lejohet të vrasë civilë, por ka raste të veçante kuedhe profeti Muhamed ka vrarë. Sulmet që ata kanë bërë janë vetëmbrojtëse.
Kur do marrë fund kjo përplasje e përgjakshme sipas jush nëse vijohet me këtë “gjuhë”?
Të jeni të sigurtë se edhe nëse zhduket “Shteti Islamik”, edhe sikur të ngrihet e gjithë bota me bombardime, nuk mbyllet kjo punë. U vra Osama bin Laden dhe s’u mbyll.
Ju vetë, a do të shkonit që të luftonit në Siri krah xhihadistëve?
Çdo mysliman shkon kur shikon se si vriten fëmijë, gra, luftohet islami dhe përdhoset feja. Nuk ka ndonjë problem dhe s’shoh ndonjë gjë të keqe. Është njëlloj si çdo demokrat kur shkon të luftojë për demokraci. Nëse do më kërkohet mua, do të shkoj. S’ka asgjë të keqe këtu.
A keni pasur ëndërr të bëheni imam? Çfarë aspironit për të ardhmën?
Profeti Muhamed i ka këshilluar besimtarët që të mos e kërkojnë postin. Të bëhesh imam nuk është e thjeshtë. Synimi im nuk ka qenë ky.
Ca mendoni të bëni pasi të dilni nga burgu?
Qëllimi i myslimanit është bota e përtejme. Sa më shumë do të predikoj fenë e Zotit dhe ta jetoj veten. Pastaj se si do marrë jeta, këtë e di veç Allahu.
Autobusi qe u kap dje ne kufi, Kapshtice, me heroine eshte “defakto ne pronesi te Shefit te Hetimit te Krimeve ne Drejtorine e Kufirit Korce Edmond Cela. Kete gje e di nje Korce e tere dhe vetem strukturat e shtetit nuk dine gje.”
Ky eshte denoncimi qe ka bere ish kryeministri Sali Berisha ne rrjetet sociale, duke nxjerre mesazhin e qytetarit dixhital. Ja cfare shkruan:
Statusi i plote:
Kjo eshte Narkopolicia qe duam!
Shefi i krimeve ne Korçe ortak i Milit te Partise, trafikant heroine!
Lexoni mesazhet e qytetareve dixhital. sb
“Pershendetje dr shefi i policise hetimore te kapshtices ortaku i shullazit ju kap autobuzi ne kapshtice me 2 kile eroine dhe shum e late”
“Pershendetje doktor ! Sot ne Kapshtice nga pala greke eshte kapur nje autobuz i linjes Shqiperi-Greqi, i cili transportonte Heroine. Ky autobuz dhe disa autobuze te tjere jane defakto ne pronesi te Shefit te Hetimit te Krimeve ne Drejtorine e Kufirit Korce Edmond Cela. Kete gje e di nje Korce e tere dhe vetem strukturat e shtetit nuk dine gje. Pra qe ky person ka kete pasuri dhe mban kete post prej shume vitesh, duke bere trafik droge dhe qeniesh njerezore vite me pare. Ky bashkepunon dhe me deputetin e PS Ilir Pendavinji, i cili e mbron per te mos e hequr nga vendi i punes qe mban kundrejt aferave te pista qe bejne bashke. Kjo pra na paska qene “Policia qe Duam”…..”
“Pershendetje z Berisha Edmont cela nje shoku I ngushte I shullazit ju kap autobuzi ne dogane me 2 kile eroine”
A e dini qe kostoja për të parandaluar prekjen nga virusi HIV/AIDS, është 5 dollarë? Dhe kjo behet nëpërmjet një instrumenti të ri.
Ajo quhet unaza vaginale, dhe ka qene objekt i dy studimeve me rastin e Conference on Retroviruses and Opportunistic Infection në Boston, SHBA.
Studimi i parë i titulluar “Use of a Vaginal Ring Containing Dapivirine for HIV-1 Prevention in Women”, u publikua në revistën shkencore ‘New England Journal of Medicine’, ndërsa i dyti nuk ka dalë ende, por pritet të publikohet së shpejti.
Por ku konsiston kjo unazë?
Bëhet fjalë për një diapozitiv që çliron dapivirinë dhe që interferon me virusin HIV, duke penguar përhapjen e tij.
Nuk bëhet fjalë për një risi të mirëfilltë, pasi studiuesit po punojnë prej vitesh, por vetëm tani studimet kanë zbuluar efikasitetin.
Këngëtarja Orgeza Zaimi njihet per stilin e saj te veshjes dhe mbrëmjen e djeshme në emisionin “Pasditja ime” në RTSH1-HD me Eraldo Rexhon, ajo kishte shkuar bashkë me disa nga veshjet e saj, ndërsa zbuloi edhe detaje të veçanta rreth vetes që ne nuk i dinim me pare.
Mes shumë të tillave ishte edhe fakti se Orgesa kishte zgjedhur që fustanin e fejesës ta blinte tek “Gabi”.
“Këtë e kam blerë në dyqane të dorës së dytë ose, siç i thonë në Shqipëri, tek “Gabi”, por mua më pëlqen shumë dhe më ka qëndruar shumë bukur në trup”, – tha Zaimi, ndërsa tregonte fustanin e kuq.
Autoritetet amerikane kanë vendosur dëbimin e nje familje drejt Shqipërisë dhe data 25 Janar e ketij fillimviti do të jetë vendimtare për fatin e Ded Rranxburgaj, azilkërkuesit 48-vjeçar, i cili qëndroi ilegalisht për 17 vite në Shtetet e Bashkuara të Amerikës, në krah të gruas së tij të paralizuar.
Por Kisha e Detroitit e ka marre në mbrojtje familjen shqiptare. Drejtuesit e saj kanë thënë se nuk do ta lejojnë policinë të hyjë me forcë për të dëbuar familjen shqiptare.
E vetmja shpresë e mbetur për kete familje është Kisha e Detroitit, e cila prej ditës së djeshme ka strehuar famijen shqiptare, në mënyrë që të pengojnë organet e emigracionit amerikan për të kthyer në vendlindje azilkërkuesin.
Ded Rranxburgaj dhe gruaja e tij, Flora kanë dy djem, të moshave 24 dhe 15 vjeç. Rranxburgaj ka aplikuar për azil politik, por kërkesa nuk është pranuar nga autoritetet amerikane.
“Të lë gruan time shumë të sëmurë dhe mos ta shikoj më kurrë atë, është tepër e rëndë për mua dhe për familjen time. Më është lejuar për 17 të qëndroj në SHBA nën statusin humanitar pasi gruaja ime Flora, vuan nga skleroza e shumëfishtë dhe është aq e dobët sa duhet të përdorë karrocën me rrota”, u shpreh emigranti.
Kjo është hera e parë që një kishë në Detroit merr në mbrojtje një emigrant që Emigracioni kërkon ta deportojë, që nga koha kur Presidenti Trump mori detyrën.
“Nëse agjentët do të vijnë për të arrestuar Ded Rranxburgajn, anëtarët e kishës planifikojnë të “marrin telefonat dhe ta transmetojnë ngjarjen direkt në Facebook.
Kisha e deklaron veten si vend i shenjtë dhe i paprekshëm, ndaj ka strehuar edhe një familje afrikane vitin e kaluar, e cila kërkonte të qëndronte në vendin e shenjtë. 44 – vjeçarja, Flora Rranxburgaj nuk do të dëbohet nga SHBA për shkak të gjendjes së saj shëndetësore.
