Për shumë njerëz, kafeja është një pije ekzaltuese.
Ajo arrin të ndezë trupin dhe të largojë lodhjen, dhimbjen e kokës dhe plogështinë.
Pavarësisht kësaj, kafeja mund të krijojë varësi dhe të shoqërohet me nervozizëm dhe të dridhura.
Një gjë e tillë, i shtyn njerëzit të zgjedhin çajin, një alternativë më e butë për organizmin.
Për më tepër, çaji ka fituar reputacionin e të qenurit një pije shumë e shëndetshme.
Përfitimet
Kafeja dhe çaji kanë avantazhe dhe disavantazhe.
Studimet për të dyja janë kontradiktore, ndonëse disa prej tyre pohojnë se kafeja ka aftësinë të ulë predispozitën e shfaqjes së sklerozës, Alzheimerit apo të diabetit.
Kafeja ka përmbajtje më të lartë të kafeinës dhe stimulantët e saj ndihmojnë njerëzit që vuajnë nga azma të qetësohen.
Kafeina pakëson migrenën dhe rekomandohet të pihet pasi e keni tepruar me alkolin.
Shkencëtarët e Harvardit që kanë analizuar rolin e kafesë në shëndet thonë se ajo nuk shkakton probleme shëndetsore, por nuk ka ndonjë përfitim të mirëfilltë.
Çaji është i pasur me antioksidantë dhe substanca që luftojnë qelizat e dëmshme.
Të dhënat konfirmojnë se këto antioksidantë luajnë rol në parandalimin e shfaqjes së tumorëve por jo në uljen e rrezikut të këtyre sëmundjeve.
Megjithatë çaji është konsideruar gjithnjë një pije mjekësorë dhe terapeutike.
Çaji i zi, i bardhë dhe jeshil përmbajnë polifenolë që ofrojnë shumë përfitime shëndetsore.
Këto çajra dhe jo ato të ftohtë e të konservuar janë të pasur me polifenolë që mbrojnë qelizat nga dëmet e radikaleve të lira.
Rreziqet
Nëse e teproni me çajin ose kafenë do të përballeni me më shumë ankth, takikardi, çrregullime të rrahjeve të zemrës, pagjumësi, parehati dhe të përziera.
Sasitë e mëdha të kafesë pa filtër rrisin nivelet e kolesterolit të keq.
Çaji mund të përmbajë edhe floride, një substancë që u rrit rrezikun e frakturave të kockave.
Disa çajra me bustinë me origjinë nga Kina, India apo Sri Lanka përmbajnë alumin dhe plumb që janë shumë të rrezikshme.
Rrjedhimisht, origjina e produktit ka shumë rëndësi.
Armiku
Sipas studimit ka një tjetër armik më të fortë. Duhet të hiqni dorë nga sheqeri dhe kremërat e ndryshëm dhe mos u shqetësoni se cila pije është më e mira.
Të dyja janë të mira nëse nuk e teprioni.
Shqetësimi kryesor duhet të jetë sheqeri.
Ai është armiku i vërtetë e i fshehur në garën mes kafesë dhe çajit të cilat nuk i kanë bërë keq askujt që kur u shfaqën në jetën e njeriut mijëra vite më parë.
Disa vite më parë, një faqe në Instagram më emrin “Vipat e Bllokut” tërhoqi shumë vëmendje nga mediat dhe nga publiku. Sot faqja është një ndër më të ndjekurat, me më shumë 165 mijë ndjekës, edhe pse dy herë më parë ua kanë bllokuar, ndërsa fotot e postuara në faqe janë të personazhe të njohur shqiptar, një krahasim me fotot e vjetra ku shihen natyralë dhe atyre të viteve të fundit pas ndërhyrjeve plastike.
Por kush e kishte këtë ide dhe kush fshihet pas kësaj faqeje që “tmerron Vipat” dhe bën kurioz fansat?
Ai quhet Stiljano dhe është vetëm 20 vjeç, student për “Datebase web design”, e në një intervistë për “Panorama Online” i ka treguar të gjitha. Ai ka rrëfyer sesi i erdhi ideja për këtë faqe së bashku me një mikun e tij, i cili nuk ka preferuar që të bëhet publik, dhe si po e përjeton faktin që tani të gjithë e njohin.
“Vipat e Bllokut” ka rreth 4 vite që është hapur, si të lindi kjo ide?
Ideja ka qenë e imja dhe e një shokut tim. Ka disa faqe të tilla edhe në botë dhe thash përse të mos e hap edhe një për Vipat shqiptar, sepse ka shumë të cilët kanë bërë operacione dhe nuk e pranojnë.
Kur e hape faqen në fillim, e kishe menduar që do arrinte të mblidhte kaq shumë ndjekës?
Në fakt nuk e kam pritur edhe as nuk e kam imagjinuar që do të ndiqej dhe do të pëlqehej kaq shumë. Kur kam parë që faqja po ecte kaq mirë, jam befasuar.
Kush ka qenë personazhi i parë që i ke publikuar foton në faqe?
Ka qenë Aurela Hoxha, Elvana Gjata, e cila ka qenë edhe personi që na e ka mbyllur dy herë këtë faqe, por ne e kemi vazhduar t’i hedhim foto dhe nuk e kemi lënë rehat. Tani kemi disa muaj që e kemi hapur për herë të tretë, dhe kem i arritur të kemi më shumë se 165 mijë ndjekës.
Ka pasur personazhe të njohur, të cilët i ke bërë pjesë të faqes duke u zbuluar operacionet plastike apo fotoshopin që përdorin në foto, të cilët të kanë kërcënuar?
Ka pasur disa që më kanë shkruar dhe më kanë kërkuar t’u fshi fotot, por unë nuk kam pranuar. Pastaj disa të tjerë më kanë bllokuar për të mos pasur mundësi t’i “tag-oj”. Por ka pasur dhe nga ato raste kur fansat e tyre na kanë shkruar duke na ofenduar. Por kërcënime më të mëdha nuk kemi pasur.
Keni nxjerrë foto të personave që nuk kanë qenë të njohur dhe i keni publikuar tek faqja?
Po. në fillim e kemi bërë por ka qenë një periudhë shumë e shkurtër, një javore. Më pas menduam që nuk ka pse ta bëjmë dhe vendosëm të merremi vetëm me personat e famshëm.
Si i gjeni fotot?
Tani na dërgojnë edhe fansat, por vëtë ne jemi shumë aktiv në rrjetet sociale dhe kapim detaje.
Përse vendose që të dalësh dhe të tregosh se pas asaj faqeje që merret me të gjithë Vipat, je ti?
Arsyeja ishte sepse kisha dëshirë të punoja në media. S’kishte pse të fshihesha më. Mua fama më pëlqen.
A ishte dakord familja jote për këtë vendim?
Ata kanë një frikë për ndonjë kërcënim, por unë u them se nuk kanë pse të frikësohen sepse tani Vipat i kam thuajse të gjithë miq, kemi krijuar afrimitet dhe nuk do të më bëjnë diçka të keqe.
Përveç famës dhe fansave të shumtë që “Vipat e Bllokut” kanë, a ka fitime monetare?
Ka, që të jem i sinqertë… ka shumë fitim.
Ke vetëm pak ditë që ke vendosur që të dalësh publikisht, sa ka ndikuar kjo tek faqja?
Në fakt unë prita që të binte pak aktiviteti, por në fakt kam parë që na janë shtuar më shumë ndjekës. Por edhe pse dola unë, ndoshta njerëzit vazhdojnë të jenë kurioz sepse ende nuk është zbuluar admini tjetër. Ai nuk ka dëshirë që të bëhet publik, sepse e shikon që dhe mua më vijnë mesazhe që mund të më ofendojnë, dhe nuk i pëlqen.
Po Vipat, kanë reaguar pasi mësuan se në këtë faqe i ke nxjerrë ti?
Po, ka qenë Fjolla Morina e cila më ka shkruar dhe ishte habitur që isha unë ai që fshihesha pas kësaj.
A ke personazhe që ti i pëlqen dhe je fans i tyre, dhe vetëm prej këtij fakti nuk “ u nxjerr bojën”.
(Qesh) Në fakt kam disa që i pëlqej shumë. Xhensila dhe Besi janë ndër të preferuarit e mi dhe nuk i nxjerr keq. Edhe me Iva Alikon kam krijuar miqësi dhe ndoshta do t’ia falja ndonjë foto pa ja hedhur.
Ke ndonjë personazh që nuk të pëlqen aspak?
Alesia Bami nuk më pëlqen aspak, por edhe disa të tjerë.
Ka personazhe të cilët të kërkojnë që t’i nxjerrë në faqe.
Po, ka disa që janë vërtetë të njohur. Kryesisht janë këngëtarë, dhe unë për etikë nuk dua që të jap emër konkret. Por më kanë kërkuar disa që t’iu postoj foto sepse kështu fitojnë më shumë famë, edhe pse komentohen negativisht.
Po ndonjë personazh që të ka kërkuar që ta fshish foton e tij?
Ka pasur shumë, por unë kam fshirë vetëm disa, të atyre personave që ma kanë kërkuar më të mirë. Se njerëz jemi dhe nëse ma kërkon siç duhet, sigurisht që mund t’ua heq.
Cili është “problemi” juaj me fansat që i nxirrni në faqe?
Nuk më pëlqen fakti që i bëjnë operacionet dhe nuk i pranojnë. Sepse ka vajza adoleshente që i shohin dhje mendojnë se janë vërtetë me buzë aq të fryra dhe me tipare aq të rregullta, dhe kërkojnë që të bëhen si ato, ndërkohë që ata duhet të pëlqejnë gjënë natyrale.
Në faqe ju keni nxjerrë shpesh foto të Luanës duke e sulmuar shumë për operacionet, ndërkohë që me Marinën jeni më të butë. Pse kjo ndarje mes motrave?
(Qesh) Në fakt është e vërtetë, unë Marinën e kam qejf sepse dhe pse është e bërë nuk e ka ekzagjeruar, ndërsa Luana e ka tepruar prandaj dhe e publikoj shpesh.
Po kërcënime nga faqe “kundërshtare” keni marrë?
Para disa ditësh më ka kërcënuar një person që administron një faqe tjetër, dhe më tha më jep 1 mijë euro ose faqen, ndryshe do të nxjerr fotot e tua dhe të familjes. Unë i thash se nuk do t’i jepja asgjë, dhe më pas ai kishte bërë një video me fotot e mija dhe të familjes sime. U mundova ta fshi videon por e kishte të një cilësie shumë të mirë dhe nuk munda ta hiqja, më pas shkova në polici dhe e kam denoncuar, dhe me ndihmën e tyre e fshiva.
Së bashku me mikun tuaj, keni menduar që ta zgjeroni faqen apo të bëni diçka ndryshe?
Së shpejti mund të kemi një bashkëpunim me një televizion. Dhe kjo ka qenë ëndrra ime. Edhe pse mund të zgjidhnim të kishim edhe një qeb tonin, pasi ka shumë fansa që na dërgojnë foto dhe video të ndryshme, ku veç vipave denoncojnë edhe raste të ndryshme, ne nuk kemi dëshirë ta hapim një të tillë. jemi mirë vetmëm me faqen. sepse edhe kohë na merr shumë. Mund të rri thuajse gjithë ditën duke u marrë me këtë.
Prokuroria e Krimeve të Rënda nuk tërhiqet nga kërkesa për bllokimin e pasaportës së ish-Ministrit të Brendshëm, Saimir Tahiri. Në datën 7 shkurt të 2018, në Gjykatën e Lartë është regjistruar rekursi i prokurorisë së krimeve të rënda kundër vendimit të Apelit që i ktheu pasaportën Tahirit.
Baza ligjore që përmend prokuroria në rekursin e saj është pika b e nenit 228 ku përcaktohet se bllokimi i pasaportës si masë sigurie mund të kërkohet kur i pandehuri ësshtë larguar ose ekziston rreziku që të largohet jashtë vendit.
Gjykata e Apelit për krimet e rënda zhblloki pasaportën e ish-Ministrit të Brendshëm në 26 dhjetor të 2017 pas një kërkese të depozituar nga avokatët e tij.
Bllokimi i pasaportës u urdhërua nga gjykata me kërkesë të prokurorisë me 12 dhjetor 2017 pasi Tahiri udhëtoi në Gjermani ndërkohë që ndaj tij kishin nisur hetimet për çështjen e trafikut të drogës së grupit të vëllezërve Habilaj.
Në përpjekje për të hedhur poshtë akuzat si autorë të atentatit me eksploziv të 13 janarit në Shkodër, Endrit Çopja dhe Argel Lulaj bënë një deklaratë të pazakontë në sallën e gjyqit.
Ata thanë se kishin qenë disa herë në Shkodër për të kryer vepra të tjera kriminale, për të cilat në fakt s’ka akuzë ndaj tyre, por jo për atentatin ndaj Lulzim Kullës.
“Kemi qenë disa herë në Shkodër për të blerë kanabis, por jo për të vendosur eksploziv”, kanë thënë dy të arrestuarit, në seancën me dyer të mbyllura që u zhvillua paradite për rivlerësimin e masës së sigurisë, që përfundoi me lënien e tyre në burg pa afat.
Kjo deklaratë u konfirmua si nga përfaqësues të akuzës ashtu edhe nga pala mbrojtëse.
Të arrestuarit mësohet të kenë thënë se nuk i mbanin mend datat kur kanë qenë në Shkoder, ndërsa nuk i bënë publik emrat e personave tek të cilët do të blinin drogën.
Prokuroria dyshon se ky pretendim është vetëm një alibi e të arrestuarve, për të ngritur një version paralel mbi aryset e udhëtimi të tyre në Shkodër.
Megjithatë, nuk është ende e qartë nëse organi i akuzës do ta hetojë edhe këtë version, në mënyrë që të bjerë në gjurmët e organizatorëve të trafikut të pretenduar.
Avokati Genc Gjokutaj, tha jashtë kamerave se organi i akuzës nuk kishte prova që të faktonin pjesëmarrjen e tyre në atentatin ndaj Lulzim Kullës, që la 8 të plagosur.
Ndërsa prokurori Albert Muçaj tha se kishte përgjime të të arrestuarve, të cilat nuk i paraqiti me argumentin se mund të cënonin hetimin. Ai është shprehur gjithashtu se Çopja dhe Lulaj u identifikuan nga pamjet filmike të disa kamerave të sigurisë së zonës ku ndodhi krimi.
Prokuroria pretendon se motorçikleta ku ishte vendosur lënda eksplozive është transportuar me furgon të bardhë nga Elbasani në Shkodër, përpara atentatit.
Çopja, Lulaj dhe Serxho Teta, i akuzuar për moskallëzim krimi, u arrestuan nga policia të enjten e javës së kaluar në Elbasan. Prokuroria dyshon se shkak i atentatit janë pazaret e prishura të drogës.
Ndonëse është e virgjër një vajzë 29-vjeçare ndihet e lumtur që po pret në jetë fëmijën e saj të parë. Ajo nuk ka patur asnjëherë kontakt seksual me asnjë mashkull në jetën e saj, por ka provuar vetëm puthjen. Por, duket se edhe kjo e fundit nuk i ka pëlqyer.
Lauren nga Kanadaja ka gjetur një dhurues të spermës dhe tani po i gëzohet shtatëzanisë. Vajza rrëfen se është e lumtur që do të mbetet e virgjër për pjesën tjetër të jetës së saj dhe shpreson që foshnja do ta ndihmojë atë të shpëtojë nga takimet me meshkujt që më shumë e nervozojnë se sa e gëzojnë.
Kjo pasi Lauren vuan nga hipopituitarizëm, një çrregullim i rrallë që prek hormonet e saj. Sëmundja ka pasur një ndikim të rëndësishëm në të në moshë shumë të re.
Ajo i tha VICE:
Unë kam lindur me hipopituitarizëm, që do të thotë që gjëndra e hipofizës nuk është formuar siç duhet”.
Kjo do të thotë që Lauren nuk është si gjithë moshataret e saj pasi ai nuk përjeton asgjë në kontakt me një mashkull.
Ajo thotë se edhe përvojat e saj me puthjet e kanë lënë të ndjehen e çuditshme dhe e pasigurtë.
Sidoqoftë, nëna 29-vjeçare thotë se sfida më e vështirë që po përballet lidhur me hormonet është duke mbetur shtatzënë.
Vitin e shkuar fitoi zemrat e publikut të Sanremos me këngën “Vietato morire” një dedikim për mamanë dhe të shkuarën e familjes së tij. Ermal Meta vjet u rendit i treti por ai për të gjithë ishte fitorja morale e atij festivali.
Këtë vit u hodh në sulm dhe së bashkë me Fabrizio Moro triumfuan duke rrëmbyer çmimin e parë të festivalit më të rëndësishëm të këngës italiane.
Kënga “Non mi avete fatto niente” ka në thelb terrorizmin, por për herë të parë që e ka kënduar, këngëtari shqiptar, ka menduar për fëmijërinë e tij shumë të vështirë.
Ka qenë vetë Ermali, që e ka thënë këtë (sipas medias italiane), që e ka deklaruar. Ai ka pranuar se kjo këngë i ka kujtuar të atin e dhunshëm, por edhe ka dhënë mesazhin e fortë se ai nuk i ka bërë dot asgjë dhe nuk e ka penguar dot të bënte një jetë ashtu si ai e donte, të qetë. Sigurisht që nuk ka qenë e lehtë për Ermalit, por për të e shkuara është vullnet për të ecur përpara.
“Kjo këngë ju sjell ndër mend aspekte apo momente të jetës suaj private?”, ka pyetur një gazetare Ermal Metën gjatë një programi në Rai Uno.
Përgjigja e tij ishte e qartë dhe njëherësh tepër emocionuese: “Kur e kam kënduar për herë të parë më erdhi në mend fëmijëria ime. Doja të këndoja me forcë: Bastard, nuk me bëre dot asgjë”.
Nuk është hera e parë që Meta flet për raportin e tij shumë konfliktual me të atin e dhunshëm dhe se si ai i shkatërroi fëmijërinë.
Izet Haxhia i cili është akuzuar për vrasjen e Azem Hajdarit, pritet që të ekstradohet në Shqipëri.
Ai me anë të një video ka dhënë një mesazh ish-kryeministrit Sali Berisha, duke shpërndarë një video të vitit 1992.
“Pamje te tilla ka pasur pothuajse ne çdo miting te asaj fushate te shpreses per popullin e vuajtar ,qe shpresonte per nje epoke te re ,ku te sundonte ligji ,demokracia ,liria per te gjithe .Por ky tradhetari dhe mashtruesi qe une i mbrojta jeten me trupin tim ,ashtu i pangrene ,i pafjetur por me idealizem te paster ,ishte vrasesi i ketyre shpresave”, shkruan ndër të tjera Haxhia në profilin e tij në Facebook.
Postimi i plotë
Kjo eshte nje vıdıo e vitit 1992 ne fushaten elektorale te 22 marsit .Pamje te tiila ka pasur pothuajse ne çdo miting te asaj fushate te shpreses per popullin e vuajtar ,qe shpresonte per nje epoke te re ,ku te sundonte ligji ,demokracia ,liria per te gjithe .Por ky tradhetari dhe mashtruesi qe une i mbrojta jeten me trupin tim ,ashtu i pangrene ,i pafjetur por me idealizem te paster ,ishte vrasesi i ketyre shpresave .
İshte ky besprere dhe armik i Shqiptareve ,qe na mbushi me urrejtje per vellezrit tane qe kishin bindje te kunderta politike me neve ,qe krijoj perçarje krahinore e fetare ,qe mbushi partine qe e vodhi me dredhite e intrigat e tij epike, me spıune te sigurimit ,spıune te Udb serbe dhe hajdute ordinere .Ketij spiuni dua ti them se po vjen dita qe te ballafaqohem me te perpara drejtesise ,dhe aty perballe meje do ti beje radigrafine e tij te plote te nje krimineli ,te pabesi e tradhetari frikacak..
Mos u mundo qe me ane te kalemshitureve te tu ne media te shpifesh e sajosh genjeshtra qe i ke per profesıon ,,sikur une paskam bere marveshje e pazare me keta narkotrafikantet e perverset qe jane ne pushtet ,ju jeni i njejti brume ,jeni pjelle e te njejtit bark te kulshedres sllavo -komuniste .Ju beni pazare me njeri -tjetrin ,ziheni diten e ndani prene e grabitur nga Shqiptaret naten.Une ne jeten time as nuk kam bere ,as nuk bej pazare me askend ,edhe po te jem para vdekjes apo sikur gjithe jeten ta mbyll ne burg .
Po ku keni dinjetet apo karakter ju o minj halesh te kuptoni nga keto gjera .Burgu eshte per burrat ,ndersa ju e felliqni edhe burgun sepse jeni me keq se laviret …
