Aurora

Presidenti shqiptar viziton Mexhitlinë

Aktualitet, Politike / /

Ilir Meta ndodhet në një vizitë zyrtare në Maqedoni, ku gjatë qëndrimit atje ka vizituar fshatin Mexhitli në Manastir. Vizita e Metës në Mexhitli, në një nga fshatrat me shumicë shqiptare në Maqedoni, është e para e një Presidenti shqiptar. Ai u prit nga autoritetet vendore dhe nga dhjetra banorë.

“Falënderojmë Presidentin Meta për vëmendjen e kujdesin që tregon ndaj shqiptarëve në Maqedoni”, thanë banorët gjatë pritjes së tyre. Meta nga ana tjetër, në fjalën e tij u siguroi se kurrë nuk do të jenë vetëm.

“Ju dhe të gjithë shqiptarët në Maqedoni kurrë nuk do të jeni vetëm. Shteti shqiptar do të qendrojë gjithmonë pranë jush.Ju jeni krenaria shqiptare e zonës së Manastirit. Ju falenderoj që mbani gjallë e trashëgoni vlerat dhe traditat më të mira të shqiptarëve.Kruja, Vlora, Prizereni e Manastiri jane qytetet me te rendesishme per ne shqiptaret”, u shpreh Meta.

Presidenti shqiptar viziton Mexhitlinë Read More »

Basha nga Berati jep katër emrat e PS që janë në listën e zezë: Hotele e makina luksoze…

Politike / /

Kreu i PD, Lulzim Basha nga Berati ka deklaruar se zyrtarë të qeverisë dhe oligarkët po vjedhin miliona euro në tendera përmes kompanive fantazmë. Basha përmendi katër prej emrave të qeverisë që sipas tij duhen arrestuar menjëherë.

“Duhet të arrestohen nga Vangjush Dako, Taulant Balla, Qazim Sejdini, e Saimir Tahiri. Këta nuk duhet të jetë duke dhënë konferenca në hotele luksoze e duke lëvizur me makina të luksoze por duhet të jenë në burg sepse kanë zgjedhur miliona euro.

Nuk ka për të pasur zgjidhje politike pa dënimin e krimit elektoral. Qëllimi i këtij pushteti është vetëm të vjedhë dhe të zhvasë qytetarët.

Basha nga Berati jep katër emrat e PS që janë në listën e zezë: Hotele e makina luksoze… Read More »

Autoriteti Rrugor Shqiptar thirrje shoferëve: Bëni kujdes në këto akse rrugore…

Aktualitet / /

Me nisjen e rreshjeve të para të dëborës pë këtë dimër, Autoriteti Rrugor Shqiptar ka bërë apel që shoferët të bëjnë kujdes në disa akse rrugore. Në njoftimin e ARRSH, bëhet thirrje që të gjithë drejtuesit e automjeteve të tregojnë kujdes maksimal dhe të përdorin zinxhirë.

Njoftimi i plotë

Per shkak te reshjeve te dendura te debores qe vazhdojne ne Qarkun e Korces, Autoriteti Rrugor Shqiptar dhe Policia Rrugore u bejne thirrje drejtuesve te mjeteve te tregojne kujdes maksimal ndersa udhetojne ne akset Korce-Voskopoje, Korce-Dardhe dhe Korce-Kapshtice.

Kompanite e mirembajtjes kane nderhyre dhe vazhdojne punen per kriposjen dhe mbajtjen e rruges te hapur. Aktualisht nuk ka probleme me kalueshmerine e mjeteve por ato duhet te qarkullojne me zinxhire.

ARRSH dhe Policia Rrugore jane ne terren ndersa konsiderohet shume e rendesishme qe drejtuesit e mjeteve te respektojne sinjalistiken dhe udhezimet e punonjesve te policise ashtu sikurse gjate oreve te nates te kene kujdes te shtuar.

Autoriteti Rrugor Shqiptar thirrje shoferëve: Bëni kujdes në këto akse rrugore… Read More »

Braktisi Gjermaninë për 25-vjeçaren, djali mëson në emision historinë e saj

Intervista / /

Ardit Gjebrea: “Ne, historinë e sotme do ta fillojmë nga dhoma e surprizave dhe jam këtu me Fabjolën e cila ka ardhur nga Gjermania enkas, sapo ka ardhur nga aeroporti drejt e këtu”
Fabjola: “Jetoj, kam familjen time, punoj kemi bizneset tona, kam 3 fëmijë”.

Ardit Gjebrea: “Ti nuk e di pse ke ardhur. Ti do takosh sot një njeri të dashur për ty, por që nuk e ke takuar asnjëherë”.

Historia e dytë në rubrikën “Ka një mesazh për ty” në “E Diela Shqiptare” në Tv Klan, ka nisur disi ndryshe. Katerina është një vajzë 25-vjeçare, të cilën jeta e ka detyruar të kalojë disa sprova. Ajo është një nënë e 3 fëmijëve, tashmë e divorcuar. Por, fati i solli pranë një tjetër dashuri, Emanuelin, i cili jetonte në Gjermani me familjen e tij. Ai la pas gjithçka kishte aty dhe u kthye në Tiranë për Katerinën, me të cilën bisedonte vetëm përmes internetit. Në fakt, 25-vjeçarja nuk i kishte treguar Emanuelit se ka 3 vajza të mrekullueshme. Pavarësisht të gjithave, Emanueli nuk hoqi dotë nga dashuria e tij. Për gjithçka ka bërë për të, Katerina do t’i japë një mesazh Emanuelit, i cili nuk është në dijeni.
Por, ka edhe një surprizë tjetër. Nga Gjermania ka ardhur Fabjola, motra e Emanuelit, e cila në fakt ndjek nga ekrani i dhomës tjetër gjithçka që po ndodh në studion e “E Diela Shqiptare”. As Katerina dhe as Emanueli, nuk e dinë që Fabjola ka ardhur nga Gjermania në Shqipëri.
Le të rikthehemi te historia e Katerinës, e cila na tregon dhe shpjegon gjithçka që ka kaluar në jetë.

Katerina: “Mua më quajnë Katerina, jam 25 vjeç, lindur dhe rritur në Greqi, jam nënë e tre vajzave. Unë kam qenë 14 vjeç, sapo kisha ardhur në Shqipëri për pushimet verore se shkollën e kam bërë në Greqi. Duke kaluar çdo ditë me gjyshen në ballkon, sepse nuk dilja dot, duhet të dilja gjithmonë me gjyshen edhe qoftë për një shëtitje, sepse isha e privilegjuara. Në Shqipëri gjatë pushimeve verore u njoha me një djalë, që është edhe babai i vajzave të mia. Nga ballkoni në ballkon bënim shenja, përshëndeteshim. Asnjëherë nuk takoheshim, sepse tek gjyshja kisha edhe katër dajat. 14 vjeç një gocë kaq e vogël nuk mund të dashurojë, mendoj se ishte pjesërisht edhe gabimi im dhe i nënës time.

Unë kam vetëm mamin, sepse prindërit e mi ishin të divorcuar. Kam pasur dy prindër shumë të mirë, është një nënë shembullore për mua. Duke na rritur vetëm dhe duke dhënë fjalën gjyshi, mamaja ime pranoi fjalën e gjyshit dhe mendoi se edhe mua mund të më siguronte. Është shumë e vështirë një nënë e vetme të rrisi një vajzë në moshën time edhe një djalë. Brenda tre ditësh u bë fejesa, erdhëm në Shqipëri, shkollën e lashë, nuk munda ta vazhdoja më për arsye ekonomike, djali më mori tek shtëpia, sepse rrija tek shtëpia e gjyshërve. 14 vjeç kam vajtur tek shtëpia e burrit pa dasëm“.

Arditi: Sa vjeç ishe kur mbete shtatzënë për herë të parë?

Katerina: Isha 15 vjeç shtatzënë dhe 16 linda vajzën, Anxhela.

Arditi: Më pas vijnë në jetë edhe dy vajza të tjera.

Katerina: Emili dhe Evelina, e madhja Anxhela është 10 vjeçe, e vogla 5 dhe tjetra 3.

Arditi: Mund të më thuash kur filluan problem me bashkëshortin që sot është ish-bashkëshorti.

Katerina: Kur goca ishte 3-4 vjeçe ai ka qenë shumë xheloz.

Arditi: Po pse?

Katerina: Nuk e di pse, ndoshta sepse ishte 12 vite më i madh se mua, kishte ndonjë frikë.

Arditi: Ti në shtëpi rrije?

Katerina: Unë në shtëpi nuk punoja, edhe për të dalë një xhiro duhet të dilja me vjehrrën dhe vjehrrin ose me burrin.

Arditi: Atëherë, për çfarë ishtë xheloz ai ?

Katerina: Nuk e di, thjesht ishte xheloz për çdolloj gjëje, unë i kërkoja të shkoja në punë, nuk shkoja dot në punë, kërkoja të dilja me kunatat e mia duhet të merrja leje dy ditë para, të shkoja tek mami gjithmonë do kisha probleme, pasi linda gocën mami njëfarë kohe ka jetuar në Tiranë, sepse tashmë ishte edhe ajo e rimartuar.

Arditi: Kur vendosët të ndaheshit ?

Katerina: Vendosa të ndahesha pas dhjetë vitesh martesë.

Arditi: Sa ishte vajza e vogël kur u ndatë ?

Katerina: Ishte një vjeçe.

Arditi: Ndarja si ishte me mirëkuptim ? Ndarje e dhunshme?

Katerina: Ka pasur disa ndarje, ndau, lidhu për fëmijët, sepse ishin ata në mes.

Arditi: Si përfundim, ju u ndatë ?

Katerina: Po u ndamë.

Arditi: Po fëmijët?

Katerina: Bëmë një gjyq fëmijët janë në kujdestarinë time, të treja vajzat. Këtë pjesë të jetës, sigurisht përveç 3 vajzave të mrekullueshme, Katerina e ka lënë pas. Të tashmen dhe të ardhmen e sheh me Emanuelin.

Katerina: Pas divorcit, u njoha me një djalë, ai jetonte në Gjermani, ka emrin Emanuel, është një person shumë i mirë, shumë i afërt. Për mua është shumë i bukur. Ne u njohëm përmes shoqërisë në Facebook. Gjashtë muaj me kamerë ndezur, natë e ditë, në punë, në shtëpi. Ai më thoshtë Katerina hajde në Gjermani, ku punonte në lokalin e motrës, Fabjola ka një restorant atje në Duseldorf, ku jeni të mirëpritur. Atë nuk e kam takuar asnjëherë ballë për ballë, por kam një kontakt shumë të mirë, e di çfarë femre është, e adhuroj për atë që është ajo. Të treja motrat i ka shumë të mira, por me Fabjolën kam një lidhje të veçantë.

Arditi: Më trego pak momentin e parë kur u takove me Emanuelin.

Katerina: Më tha do vijë unë në Tiranë, nuk e besova, unë punoja në një hotel recepsioniste, ishte një hotel familjar. Më tha më jep emrin e hotelit, por unë nuk ia dhashë.

Arditi: Sa kohë kishe që flisje me Emanuelin ?

Katerina: Gjashtë muaj.

Arditi: Gjashtë muaj dhe i tregove që ke tre vajza?

Katerina: Këtu qëndron problemi, unë nuk i kam thënë, se jam një njeri që nuk hapem shumë. Është sot hera e parë që unë po hapem. Unë i kam thënë vetëm që isha një nënë e divorcuar dhe kisha një gocë.

Arditi: Nuk i the që kam tre.

Katerina: Jo.
Arditi: Po ç’ndryshim kishte një nga tre ?

Katerina: Doja ta shikoja se çfarë kapaciteti ai kishte në rast se nuk do fliste më, unë nuk kisha pse i jepja sqarime për jetën time private. Atij nuk i bëri përshtypje. Për momentin ai është agjent shitjesh këtu në Shqipëri dhe unë dua t’i kërkoj ndjesë sepse është shkëputur nga Gjermania. Nuk e lë në asnjë moment të kthehet.

Gazetarja e emisionit “E Diela Shqiptare” shkon në zyrën ku punon Emanueli dhe i thotë se për të ka një mesazh, i cili pranon me kënaqësi të shkojë në studio. Emanueli nuk e ka idenë se kush qëndron në anën tjetër të murit në studio, por emocionet pasi sheh në ekran personin që shfaqet aty.

Emanuel: Është dashuria e jetë sime.

Katerina: Doja të kërkoja falje, sepse ke ardhur në Shqipëri vetëm për mua, ke pasur një jetë shumë të mirë.

Emanuel: Mendoj se kam këtu Gjermaninë.

Katerina: Dua të falenderoj, që do të treja gocat e mia. Je përkrah meje dhe nuk më ke paragjykuar dhe nuk më ke dalë kundër asnjëherë. Në jetën time derisa të vdes do jesh edhe ti.

Emanuel: Jeta të jepet një herë të vetme dhe t’i je kuptimi i saj, dashuri. Se prisja nga ty këtë. Të dua shumë.

Nga ana tjetër, Fabjola, motra e Emanuelit e cila po shikonte gjithçka po ndodhte, i tha Arditit se ishte e surprizuar dhe njëkohësisht shumë e lumtur për vëllain e saj.

Fabjola: Shumë emocione, shumë e surprizuar. Jam shumë e lumtur për vëllain tim. Është më i bukur nga dashuria.

Arditi: E dije historinë e saj?

Fabjola: Nuk e dija, dija vetëm qe kishte një gocë. Është një fatkeqësi që ka ndodhur. Nëse vëllai im është i lumtur edhe unë jam shumë e lumtur, sepse dua vëllain, do dua edhe nusen.

Dashuria pa kushte është dashuri e vërtetë. Fabjola jo vetëm që nuk u zgjënjye nga zgjedhja e vëllait por i premtoi Katerinës se do e konsideronte si motrën e saj. Sepse të thuash të vërtetën, të bën gjithmonë të lirë. /tvklan.al

Braktisi Gjermaninë për 25-vjeçaren, djali mëson në emision historinë e saj Read More »

Rrokaj: Kjo qeverisje po i shet shqiptarët

Opinione, Politike / /

Lëvizja Socialiste për Integrim ka zhvilluar një takim me strukturat në Sarandë.

E pranishme në këtë takim ishte edhe kryetarja e LSI-së, Monika Kryemadhi, deputeti i zonës Shezai Rrokaj e drejtues të tjerë.
Më poshtë keni fjalën e deputetit Shezai Rrokaj:

Mirëdita të gjithëve. Dua t’iu falënderoj përzemërsisht për të gjithë kontributin tuaj, i cili e radhiti Qarkun e Vlorës me një rezultat të paparë në betejat e mëparshme elektorale me plot 12 mijë 440 vota.

Që do të thotë që LSI-ja ka mundur e vetme të arrinte këtë rezultat. Edhe kur kemi qenë në koalicion në betejat e mëparshme 10 mijë e ca vota u morën në të gjithë Qarkun e Vlorës.

Pra e gjithë kjo i dedikohet punës suaj, i dedikohet përkushtimit tuaj, i dedikohet dashurisë tuaj për të dhënë kontribut për vendin tonë.

Sepse vendi ynë sot po përjeton një nga situatat më të vështira gati të barabartë me atë të viteve ’90 kur u përmbys sistemi i mëparshëm. Dhe kjo duket shumë qartë kur e gjithë pjesa më aktive e popullsisë, nga mosha 25-45 vjeç po braktis Shqipërinë dhe kjo duket qartë në shkollat tona që po mbyllen.

Kjo duket qartë në pakësimin e fëmijëve nëpër shkolla, gati 25 mijë fëmijë më pak në Shqipëri. Dhe kjo duket qartë kur të gjitha familjet tona të reja të vetmen shpresë që shikojnë është braktisja e Shqipërisë. Pra kjo qeverisje po i shet shqiptarët dhe po i detyron të braktisin vendin sepse mendon se do të hajë atë të ashtuquajtur tepsi të pretenduar, ta hajë e vetme kjo qeverisje.

Ndërkohë ne jemi një forcë politike që kemi një mision të qartë dhe misioni ynë është që t’u shërbejmë qytetarëve. Lëvizja Socialiste për Integrim është parti e qytetarëve, është parti e njerëzve të thjeshtë. Është parti e atyre njerëzve që mendojnë se Shqipërinë duhet ta bëjmë dhe do ta bëjmë ne këtu edhe për ata që kanë ikur të detyruar nga kushtet e vështira. Sepse Shqipëria nuk po njeh më investime madhore.

170 km linearë janë që nga Vlora e deri në Sarandë, quhet perla e Jonit. Unë po ju them që kjo qeverisje nuk mund t’ia dalë më me slogane e fasada të zbukurojë një realitet që nuk zbukurohet më në sytë e shqiptarëve. Sepse mjafton të shkon tek Syri i Kaltër, km rrugë nuk janë bërë sido që të gjithë turistët, të cilët janë më mijëra, paguajnë 2 mijë lek për ta vizituar. Dhe nuk ka as tualete për të vajtur dhe njerëzit marrin malet.

Dhe kjo perlë e Adriatikut e pretenduar që nga Lungomarja e Vlorës, nga Uji i Ftohtë që pretendohej se ujërat e zeza nuk derdheshin në det dhe kur e kemi ngritur ne që ato derdheshin në det. Pale më në Radhimë e kështu më radhë në të gjithë ujin ku ujërat e zeza janë të pa administruara. Atëherë farë turizmi duam të zhvillojmë ne?

Dhe kjo perlë ka nevojë për ndërhyrje. Ka nevojë për ndërhyrje si në sektorin e peshkimit, ku Saranda ka një rëndësi të veçantë, por edhe në sektorin e agrumeve, të prodhimeve të tjera me të cilat merret kjo zonë. Por sidomos turizmi. Mjafton të shikojmë se çfarë ndodh në Butrint, betejën e madhe që ne kemi bërë si pjesë e grupimit opozitar për të ndaluar ndërhyrjet brenda asaj qyteze mijëra vjeçare, e cila nuk është vetëm krenari e Sarandës apo e Shqipërisë, por është krenari e gjithë Mesdheut.

Prandaj është shumë e nevojshme të ndërhyhet në këtë drejtim. Saranda ka një veçanti në raport me komunitetet e tjera qoftë edhe të Bashkive të tjera. Ka veçorinë që ka një përbërje të popullsisë labe nga njëra anë, pastaj popullsisë minoritare dhe çame.

Ne për fat të mirë në opozitë përfaqësohemi nga të gjitha këto edhe në rang politik. Dhe ajo që duhet të bëjmë të gjithë bashkë është që të themi për momentin ka një të keqe më të madhe për të gjithë ne. Sido që mund të jemi, çamë, minoritar apo lebër.

E keqja më e e madhe vjen nga ai që po i largon shqiptarët. Dhe ne jemi këtu për tu thënë shqiptarëve se do ta bëjmë ne Shqipërinë, bashkë të gjithë. Dhe nuk duhet t kemi probleme me njëri tjetrin por duhet të synojmë të zgjedhim njerëzit më të besuar, më të përkushtuar, që kanë kredibilitet në komunitet. Që besohen në komunitet, që krijojnë sinergji, që krijojnë bashkim dhe jo përçarje. Ju e dini si është Saranda.

Mjafton të dalë një brenda PS, një që se duan, gjithë krahu tjetër voton kundër. Prandaj ne na duhet të heshtim për momentin nga egoizmi ynë dhe të themi e keqja jonë është qeverisja aktuale. Dhe pas kësaj do të themi cilët janë njerëzit që e përfaqësojnë Sarandën. E përfaqësojnë Finiqin, Delvinën dhe që garantojnë fitoren.

Dhe këtu fitorja është e sigurt. Nëse realisht do të mendohet në këtë mënyrë. Duke lënë mënjanë ato egoizmat që patjetër, janë pjesë e politikës në tërësi, por shqiptarët kanë të keqen më të madhe. Ai që po realizon atë që quhet gjenocid i butë. Largimin e shqiptarëve në mënyrë që të qeverisë si sulltan.

Shqipëria nuk është e sulltanateve, nuk është e oligarkëve, këtu buxhetet e qeverisjeve, janë shitur edhe për 3-4 qeverisje, për 10-15 vite, buxheti i shitur nëpërmjet të ashtuquajtura PP, e taksat e shqiptarëve janë rritur. Pra është një detyrë e madhe kombëtare.

Përtej ndasive, përtej problematikave që ne kemi. Ne duhet të jemi te bashkuar dhe ky është kusht për një qeverisje më të mirë. Për një diagnostikim më të mirë të keqqeverisjes. Për alternativa më të mira, më të drejta për qytetet, për bashkitë tona. Për një ekip që me të vërtet mendon për qytetin dhe nuk mendon për xhepin e vetë apo për sarajet e veta. Nëse ne do ti arrijmë këto gjëra unë them se gjasat janë shumë të mira.

Se ne numerikisht jemi dhe sot koalicion fitues. Ajo që na duhet është sinergji, që do të thotë konvergim, bashkim, duke lënë hatërmbetjet. Ka një të keqe dhe kur ka një të keqe më të madhe, shqiptarët duhet ti lënë të këqijat më të vogla apo dhe hatërmbetjet që kanë me njëri-tjetrin. Nëse e realizojmë dhe unë jam i sigurt se Saranda është një popull i jashtëzakonshëm, i mençur.

Unë nuk pata fatin të isha këtu sepse më ishte caktuar detyrë tjetër nga partia por kam realizuar takime shumë të rëndësishme kur garoja për Kryetar. Dhe me të vërtetë këtu ka një popull shumë të kulturuar që ne i detyrohemi shumë dhe jemi shumë krenar politikisht për gjithë ju dhe kontributin tuaj.

Rrokaj: Kjo qeverisje po i shet shqiptarët Read More »

Rezarta Shkurta ‘arratiset’ në Barcelonë me bashkëshortin

ShowBiz / /

Rezarta Shkurta, prej disa vitesh e ka pritur ditën e saj të lindjes pa bashkëshortin, i cili vuante dënimin me burg! Mirëpo, kjo i përket së shkuarës tashmë sepse Ermali është sërish në gjirin e familjes.

Rezarta dhe Ermali janë arratisur drejt Barcelonës, në një udhëtim shumë romantik për të festuar ditëlindjes e saj. Në një postim në profilin e saj në “Instagram”, ata pozojnë përpara pasqyrës shumë të dashuruar.
“Ditëlindja më e bukur për mua”, – shkruan Rezarta, krahas fotos.

Festimet kanë vijuar më pas në një club, ku Rezarta është trajtuar plot kujdes…

Rezarta Shkurta ‘arratiset’ në Barcelonë me bashkëshortin Read More »

Pilaf i pjekur me pulë – Receta speciale me shije perfekte

Kulinari / /

Pilafi me mish pule është një nga gatimet më të shijshme, më të thjeshta dhe më të shpejta që çdo amvisë mund ta përgatisë me mjeshtëri.

Mënyrat e kombinimit të orizit me mishin e pulës janë të larmishme.
Ato janë të ngjashme por edhe ndryshojnë nga tradita në traditë.

Përveç recetës tradicionale të pilafit të zier dhe pulës së pjekur, AgroWeb.org ju rekomandon edhe recetën e ashtuquajtur ‘pilaf i mbuluar.’

Kjo recetë e ka origjinën nga vendet e Lindjes së Mesme dhe e sjell orizin me mishin e pulës në një stil shumë të veçantë.

Mishi i copëtuar i pulës përzihet me orizin dhe më pas mbështillet me një shtresë brumi.

E gjithë masa piqet në tava të vogla deri sa të marrë një ngjyrë të kafenjtë me nuanca të arta.

Kjo pjatë mund të serviret si antipastë ose si pjatë kryesore duke u shoqëruar me sallatë dhe kos.

Përgatitja e Pilafit të Pjekur me Pulë
Përbërësit
Për Mishin E Pulës
500 gr mish pule

2 gjethe të freskëta dafine

1 karrotë e qëruar dhe e prerë në copa të vogla

1 qepë mesatare e prerë në copa

2 kërcenj selino të prerë

3 tufa të holla me majdanoz

6 kokrriza piperi të zi

6 fara karafili

Kripë dhe piper të zi pluhur

Për Pilafin
3 lugë e gjysëm gjelle me gjalpë pa kripë

2 lugë gjelle me vaj ulliri ekstra të virgjër

2 qepë mesatare të grira hollë

Gjysëm luge çaji me nenexhik

1 filxhan çaji me oriz

Çerek filxhani me bajame

3 peta brumi ose të gatshme

1 vezë të rrahur lehtë

2 lugë gjelle me gjalpë të shkrirë dhe pa kripë

Përgatitja
Vendoseni pulën në një tenxhere të madhe.

AgroWeb.org ju udhëzon që të shtoni gjethet e dafinës, karrotën, qepën, selinonë, majdanozin, piperin dhe karafilin.

Mbusheni tenxheren me ujë të ftohtë dhe lëreni të marrë valë në një temperaturë mesatare.

Më pas uleni zjarrin, mbylleni kapakun dhe lëreni të ziejë për një orë e gjysëm.

Hiqeni tenxheren nga zjarri dhe lëreni të ftohet për të paktën 30 minuta.

Merreni pulën dhe hiqeni lëkurën.

Mishin transferojeni në një tas dhe copëtojeni imët me duar.

Lëngun e pulës kullojeni dhe ndani dy gota mënjanë.

Pjesën tjetër futeni në ngrirje për përdorim të mëvonshëm.

Merrni një tenxhere tjetër dhe vendoseni në zjarr.

Shtoni gjalpin dhe vajin e ullirit dhe kur të ngrohen hidhni qepët dhe nenexhikun.

Kavërdisini së bashku për 5 minuta.

Më pas AgroWeb.org ju udhëzon të shtoni orizin dhe bajamet dhe lërini të skuqen për 5 minuta.

Më pas hidhni lëngun e pulës, kripën dhe piperin e zi.

Pasi lëngu të marrë valë, uleni zjarrin, mbylleni kapakun dhe lëreni të ziejë për 15 minuta ose deri sa orizi të jetë zier plotësisht.

Hiqeni tenxheren mënjanë dhe ndizni furrën në një temperaturë prej 200 °C.

Pasi pilafi të jetë ftohur pak, shtoni copat e pulës dhe përziejini me lugë druri.

Merrni një tas qelqi dhe hidhni vezën dhe gjalpin.

Petat e brumit vendosini në një sipërfaqe të sheshtë, prijini në gjysmë dhe mbulojini me një napë të njomë.

Merrni tavat e vogla dhe vendosni nga një petë në secilën prej tyre.

Merrni pilafin e përzier me pulë dhe mbushni tavat e vogla duke i ngjeshur lehtë.

Pasi tavat të jenë mbushur, mbështilleni me pjesët e dala të brumit dhe këtë të fundit lyejeni me vezë dhe gjalpë.

Tavat e vogla futini në furrë dhe lërini të piqen për 20 minuta.

Nue mungesë të tavave të vogla, të gjitha topthat e petave të mbushura me oriz dhe të lyera me masën e vezëve mund t’i vendosni edhe në një tavë të madhe duke bërë kujdes që të ruani formën e tyre.

Për servirje duhet të prisni të paktën 5 minuta deri sa tavat të jenë ftohur disi.

Kjo pjatë serviret e ngrohtë./AgroWeb.org

Pilaf i pjekur me pulë – Receta speciale me shije perfekte Read More »

Shefi i qeverisë shqiptare ekspozon artin e tij në Rostock

Aktualitet / /

Edi Rama është një burrë me klas dhe del jashtë çdo kornize. I gjatë dy metra, ai është një artist i njohur dhe në të njëjtën kohë kryeministër i Shqipërisë,  shkruan sot ostsee-zeitung.de.

‘’Pushteti dhe piktura janë kundërshti totale’’, thotë Rama. Për më tepër ato duket se shkojnë mirë në rastin e tij, përderisa ai vizaton gjithmonë grafikat e tij gjatë çdo dite që merret me politikë. Një përzgjedhje e veprave të tij mund të shikohet tani në Rostock. Në Kunsthalle, Rama i nxjerr ato në dritë.

“Një hapësirë e mahnitshme” – Edi Rama entuziazmohet, ndërkohë që sheh çdo kënd të ‘’White Cube’’, të premten pasdite. Nga dyshemeja në tavan, çdo mur është i mbuluar me punët e tij.

Ekipi i galerisë së artit ka printuar grafikat e mprehta të Ramës mbi binarët shtatë metra të gjatë dhe ka mbuluar hapësirën në formën e kubave me to. ‘’Jam krenar që ia arritëm’’, thotë Christof Kraft, drejtori teknik i Kunshalle, duke hequr skicat me korniza nga mbështjella e tejdukshme.

Edhe ato duhen të jenë në mur. Nëse ju shihni nga afër zonat e ngjyrosura dhe përdredhjet, ju do të zbuloni pjesë bimësh, ravijëzime të një pëllumbi dhe këmbë me taka të larta. Dhe pothuajse gjithmonë sipërfaqja e vizatuar vezullon. Ndonjëherë është ndonjë fletë, ndonjëherë një faqe kalendari. Edi Rama miraton me kënaqësi, është ajo çka ai ka imagjinuar.

Diçka gjendet para këmbëve të artistit 54-vjeçar: Pesë skulptura prej qeramike të Ramës nuk i kanë bërë ballë pa u dëmtuar rrugëtimit të gjatë nga vendi ballkanik. Këtu një plasaritje, atje një qoshe e thyer –material delikat dhe paketim shkel e shko. Të gjitha këto, nuk shkojnë me njëra-tjetrën.

Rama nuk shqetësohet. Ishte e pamundur që objektet të mos tronditeshin gjatë udhëtimit. “Një qeramist do të vijë nesër nga Tirana për t’i riparuar”, thotë Ulrich Gebauer. Drejtuesi i galerisë së Berlinit e mirëpriti artistin në kryeqytet dhe e shoqëroi për në Rostock.

Për kryeministrin “kjo është hera e parë në qytetin e Rostockut. Çfarë e tërhoqi këtu? “Për këtë duhet të pyesni atë, thotë Rama duke buzëqeshur dhe duke treguar nga Uve Neumann.

Drejtuesi i galerisë së artit u takua me Edi Ramën tre vjet më parë në galerinë e arteve të Berlinit. “Vepra e tij më magjepsi në çast. Zhvilluam edhe një bisedë së bashku”, shprehet Uve Neumann. “Më pas e vizitova në Tiranë”. Gjatë vizitës në zyrën e kryeministrit Rama, ajo jo vetëm që admiroi veprat e tij të artit, por edhe e ftoi në Rostock.

 “Bëmë bashkë madje edhe disa gjuajtje me top basketbolli”. Rama nuk është vetëm artist dhe politikan. Në vitet 1980-të, ai ishte basketbollist profesionist dhe ka luajtur në radhët e kombëtares shqiptare të basketbollit. Sot, ai bën kosha për t’u çlodhur në Kryeministri, rezidenca e tij zyrtare.

Në të njëjtën kohë, zyra e tij është shndërruar në një atelie piktori: pak rëndësi ka nëse po flet në telefon, negocion me politikanë apo mban një konferencë – shumicën e kohës ai pikturon me lapustil mbi shkresa, kapakë dosjesh apo librin e axhendës së takimeve.

 Për këtë arsye, bashkëbiseduesit e tij nuk duhet të mërziten. Rama nuk pikturon nga mërzia, por sepse nuk mund të bëjë ndryshe. “Është pjesë e natyrshme e jetës sime”, shprehet ai gati-gati në shfajësim. Kjo është shprehje e karakterit të tij. Kjo e ndihmon edhe të rrisë përqëndrimin. Rama është dhe mbetet një artist me shpirt krijues të ethshëm.

Dhe atij i pëlqen të jetë i zakonshëm, madje edhe gjatë ekspozitës në galerinë e artit. Kryeministri vishet me këpucë atlete dhe xhup të hapur. Mbrojtje personale? Aspak. Në Rostock, Rama është si njeri i zakonshëm dhe si shofer e ka sjellë me makinë ambasadori i Shqipërisë. Në vend të pritjeve politike dhe darkave zyrtare, ai ka shkuar drejt e në restorantin e lirë bistro të galerisë.

 Edi Rama dëshiron të ekspozojë punimet e tij në sallën “White Cube”. “Ato më të ulëtat do të vendosen këtu”, thotë ai, ndërsa ngre vetë me duar një piedestal dhe e vendos në pozicionin që dëshiron. Uve Neumanni e shikon dhe buzeqesh. “Është çmenduri. S’arrij ta besoj se është vërtet këtu”. Prania e tij është një dhuratë e vonuar në 800-vjetorin e themelimit të Rostokut.

Ekspozita hapet mbrëmjen e së shtunës nga vetë Edi Rama. Ajo do të qëndrojë e hapur deri më 6 janar./atsh

Shefi i qeverisë shqiptare ekspozon artin e tij në Rostock Read More »