Gazetarja e kronikës Klodiana Lala ka deklaruar nga studio “Opinion” në Neës 24 se disa grupe kriminale janë të përfshirë në rrjeton e trafikimit të drogës së kapur sot në Maminas. Lala tha se ka dyshime se dy nga këta grupe kriminale janë edhe dy nga 41 grupet e përmendura nga ministri Xhafa.
Po ashtu Lala theksoi se ka dyshime të forta se Biznesmeni Çekaj i shpallur në kërkim ka lidhje me eksponentë të Partisë Socialiste.
“Kishte kohë që prokuroria dhe Policia nuk kishin besueshmëri tek njëra tjetra. Sot kanë treguar se po bashkëpunojnë shumë mirë. Është mbajtur nën vëzhgim Maunia dhe është future brenda rrethimit. Më ardhjen e Xhafaj ka pasur një ndryshim të marrëdhënieve me ndërkombëtarët.
Çekaj është një biznesmen i njohur në vend, ai operon në disa fusha në atë të reklamave dhe në tregtinë e bananeve.
Kapja e kësaj saise dëshmon në fakt, që Shqipëria është kthyer në një tranzit për drogërat e forta.Nga informacionet bëhet fjalë për bashkëpunimin e disa grupeve kriminale. Në sasinë e drogës janë vendosur disa numra të cilët identifikonin oersonat që do të merrnin në dorëzim drogën, pra ka pasur një kartelë.
Ndërsa në banesën e tij në Manzë nuk janë gjetur sende kompromentuese. Shumicën e kohës ai qëndronte në Gjermani. Në Gjermani ka pasur dyshime edhe më herët se ishte i përfshirë në trafik droge. Po ashtu ka dyshime që ka lidhje me eksponentë të lartë të mazhorancës së sotme,” tha Lala.
Policia e Shtetit ka publikuar pamjet nga kamioni ku ishte fshehur sasi rekord kokaine në Portin e Durrësit, me vlerë tregu rreth 180 milion euro.
Policia e Shtetit në bashkëpunim me Prokurorinë e Krimeve të Rënda dhe Drejtorinë e Hetimit Doganor, mbi bazën e informacioneve të siguruara më herët dhe analizës së riskut, pas një pune të mirë organizuar dhe të koordinuar, ka arritur të finalizojë me sukses operacionin e koduar “Last Snow”.
Si rezultat i këtij operacioni u bë i mundur kapja dhe sekuestrimi i një sasie rekord prej 613 kilogramë e 350 gramë lënde narkotike e dyshuar kokainë, me vlerë tregu mbi 180 milion euro.
Hetimet kanë dokumentuar se lënda narkotike ishte nisur me kontenier nga Kolumbia duke kaluar tranzit përmes Italisë, në Maltë e më pas me anije ka mbërritur në Portin e Durrësit në Shqipëri, në datën 19 shkurt 2018.
https://dailymotion.com/video/x6fenp1
Kokaina ishte e fshehur në kontenier me dysheme të dyfishtë, të ngarkuar me banane.
Operacioni ka nisur gjatë mbrëmjes së datës 27 shkurt 2018, në Portin Detar të Durrësit, në momentin që ngarkesa e ligjshme me banane, u mor në dorëzim nga firma porositëse “Arbri Garden” shpk, me pronar shtetasin A.Ç.
Sasia e lëndës narkotike ishte e paketuar në 528 pako, të mbështjella me letër natriban me kode të vendosura nga trafikantët.
Kontenieri i mbërritur në Portin e Durrësit, u mbajt nën vëzhgim të pandërprerë deri sa mbërriti në magazinat e firmës, nga strukturat e Policisë së Shtetit.
Shërbimet e Policisë kanë rrethuar në perimetrin e jashtëm objektin e më pas kanë ndërhyrë në brendësi të magazinës. Pas kontrollit të imtësishëm të kontenierit, kanë bërë të mundur gjetjen dhe sekuestrimin e lëndës narkotike.
Nga tërësia e veprimeve të kryera, rezultuan të përfshirë në këtë aktivitet kriminal shtetasit dhe u arrestuan në flagrancë:
– Donaldo Lushaj, 25 vjeç, lindur në Tropojë dhe banues në Tiranë;
– Armando Pezaku, 25 vjeç, lindur dhe banues në Durrës.
Gjithashtu u shpall në kërkim shtetasi A.Ç., pronari i firmës ku u sekuestrua lënda narkotike.
Autoritetet shqiptare po vijojnë hetimet ngushtësisht me partnerët e huaj për të zbuluar gjithë lidhjet dhe personat e përfshirë në këtë aktivitet kriminal.
Ndërkohë po vijon puna për evidentimin e pasurive të të arrestuarve dhe të përfshirëve në këtë trafik narkotikësh.
Policia e Shtetit është e vendosur të godasë me Forcën e Ligjit çdo paligjshmëri dhe aktivitet kriminal, për të ndërtuar një Shqipëri më të qetë e të sigurtë.
Vokalisti i grupit “West Side Family” Landi lajmëroi mbrëmjen e djeshme se për ditëlindjen e të ndjerit Dr.Flori kishin përgatitur një dhuratë.
Gjatë ditës së sotme Landi e zbuloi dhuratën.
Ai ka shkruar në rrjete sociale se do të jenë video të reja të cilat do të hidhen në kanalin në YouTube të ‘West Side Family’ të shkëputura nga koncerti i tyre.
Dr. Flori ndërroi jetë disa vite më parë si pasojë e mbidozës së drogës.
Zeqir Alizoti lindi në qytetin e Vlorës në vitin 1950. Ai kreu në Tiranë, pa ndërprerje studimet për piktor e skulptor në liceun artistik “Jordan Misja” dhe në Akademinë e Arteve. Ai ka marrë pjesë në mjaft ekspozita të përbashkëta lokale e kombëtare në qytetin e Vlorës dhe në Tiranë. Ka çelur, gjithashtu, shumë ekspozita vetjake brenda dhe jashtë vendit, si në Itali, Greqi, Rumani, Francë. Zeqir Alizoti ka realizuar vepra me karakter monumental, me frymë lirike dhe me karakter epiko-historik, shumica e te cilave janë vendosur në parqet e bukura të qytetit të Vlorës dhe në Llogara. Fillimisht artisti punoi në Ndërmarrjen Artistike të qytetit të Vlorës, ku dha një kontribut me vlerë duke modeluar qindra objekte artizanale të qeramikës artistike, në vazhdim të traditës shumëvjeçare të rajonit Aulonë, Orikum, Amantia si dhe për pasqyrimin në to të motiveve të origjinës së tij, nga treva e Çamërisë. Pas viteve nëntëdhjetë skulptori i sprovuar dhe me iniciativë të çmueshme, punoi si krijues i lirë duke krijuar vepra artistike në shumë gjini, me një frymë lirike duke lëvruar jo vetëm qeramikën, por dhe me teknikën e bakrit, drurit dhe bronzit. Prej disa vitesh ka hapur në qytetin e Vlorës një sallon arti, të vlerësuar në shkallë kombëtare.
Inflamacioni akut i flegrave të hundës është një problem shëndetësor shqetësues që shfaqet si pasojë e të ftohurës, alergjive apo baktereve.
Sinoziti shoqërohet me komplikacione të ndryshme si dhimbje koke, gërrhitje apo vështirësi në frymëmarrje.
Në disa raste, ky inflamacion mund të shkaktojë probleme të rënda si meningjiti.
Sinoziti akut zgjat për 4 javë ose më pak ndërkohë që sinoziti kronik mund të zgjasë 8 javë ose më shumë.
Lajmi i mirë është që ju mund të përgatisni disa kura të mira në shtëpi për të trajtuar këtë problem shëndetësor.
Ju duhet të shmangni disa ushqime që nxisin simptomat siç janë ushqimet e skuqura, produktet e bulmetit si kosi, djathi, akulloret orizi, mishi dhe erëzat aromatike. Lexoni më poshtë listën.
Qëndroni larg çokollatës, sheqerit dhe pijeve të ftohta.
Ushqimet e pasura me vitaminë A ju ndihmojnë të jeni të mbrojtur nga sinoziti.
Si Ta Ndihmoni Organizmin Të Largojë Sinozitin
Hidratohuni
Pini ujë, çaj apo lëngje pa sheqer që të jeni më të hidratuar.
Këto lëngje ndihmojnë në hollimin e sekrecioneve dhe zbusin irritimet inflamatore.
Shmangni alkolin, kafeinën dhe duhanin
Erëzat me aromë të ndezur
Erëzat me aromë të ndezur si piperi djegës ndihmojnë në shpërbërjen dhe nxjerrjen e sekrecioneve.
Rrepa e bardhë pikante mund të përzihet me uthullën dhe lëngun e limonit për të krijuar një eliksir të shkëlqyer kundër sinozitit.
Ju mund të mbani çerek luge çaji me rrepë të bardhë të grirë në gojë për disa minuta që të përfitoni nga aroma e fortë.
Banjë me avull
Përdorni tre pika me vaj rozmarine ose pishe së bashku me tre pika me vaj nenexhiku dhe 2 pika vaj eukalipti në një tenxhere me ujë të valuar.
Ju mund të përdorni edhe tre pika me vaj rozmarine, me një pikë vaj trumze dhe nenexhiku në ujin e valuar
Mbani kokën mbi ujin e valuar duke e mbuluar me peshqir dhe nuhasni avullin.
Xhenxhefili dhe shafrani i Indisë
Të dyja janë të pasura me substanca kundër inflamacionit.
Ju mund t’i përdorni në çaj të ngrohtë për të çliruar rrugët e bllokuara nga sinoziti dhe do të ndiheni mirë menjëherë.
Sugjerohet që të përdorni lëng të freskët xhenxhefili me një lugë çaji me mjaltë dhe ta konsumoni dy ose tre herë në ditë.
Uthulla e mollës
Uthulla e mollës është një përbërës natyral me shumë përfitime shëndetësore.
Përdorni dy ose tre lugë gjelle me uthull molle të pafiltruar të tretur në një filxhan me ujë që të zhbllokoni rrugët e frymëmarrjes dhe të tresni sekrecionet.
Këtë çaj mund ta përzieni edhe me limon dhe mjaltë sipas dëshirës.
Më guximtarët mund të konsumojnë nga një lugë çaji me uthull tre herë në ditë për rezultate më të mira.
Supa
Supa me mish pule apo perime është një alternativë shumë e mirë. Ajo është fantastike jo vetëm për të kënaqur stomakun por edhe për të çliruar rrugët e frymëmarrjes.
Avulli i supës është kurues shumë i mirë kundër sinozitit.
Shpëlarja me kripë
Hidhni gjysëm luge çaji me kripë në gjysëm gote me ujë të ngrohtë.
Tretësirën mund ta hidhni në një shiringë (pa gjilpërë) dhe të hidhni nga pesë pika në secilën flegër të hundës duke lehtësuar kalimin e sekrecionit në flegrën tjetër nëpërmjet lëvizjes së kokës.
Në këtë mënyrë do të zbusni sinozitin dhe largoni bakteret dhe substancat irrituese nga rrugët e frymëmarrjes.
Ndonese ne fillim u tha se kokaina rekord qe u kap ne Durres erdhi pas sinjalizimit qe bene autoritetet nderkombetare, kryeministri Rama ka thene se kjo eshte bere ne territorin shqiptar dhe vetem nga autoritetet tona.
REAGIMI
NJË OPERACION SHEMBULLOR ME DOMETHËNIE TË MADHE
Operacioni më i fundit i Policisë së Shtetit, kryer në bashkëpunim me Hetimin Doganor dhe Prokurorinë e Krimeve të Rënda, shënon një hap të madh përpara të shtetit tonë në përballjen me krimin e organizuar. Kapja e një sasie shumë të konsiderueshme kokaine, më e madhja e kapur ndonjëherë në vendin tonë, përmes ndërveprimit mes agjencive tona ligjzbatuese, ka një domethënie të plotë për vendosmërinë, gatishmërinë dhe aftësinë që po fitojmë dita-ditës në këtë përballje. Por padyshim shumë domethënëse, edhe për integritetin e strukturave tona ligjzbatuese. Të cilat në rastin konkret kanë sekuestruar drogë të fortë me një vlerë 180 milionë euro, nëse do të dilte në tregun europian për ku ishte e destinuar.
Edhe fakti që ky operacion është zhvilluar i gjithi në territorin e vendit, pa asnjë sinjalizim nga vendet europiane ku ngarkesa ka udhëtuar përpara se sa të hynte në portin e Durrësit, ka domethënien e rëndësishme të forcës ligjzbatuese që disponojmë sot, duke nisur nga pikat doganore. Puna e madhe që është bërë për të vendosur nën një kontroll rigoroz pikat doganore, duke filluar nga porti i Durrësit, ku edhe është krijuar një rrjetë efikase kontrolli mbi bazë risku, ka dhënë rezultate të vazhdueshme në aspektin doganor, por në këtë rast ka mundësuar edhe zanafillën e këtij operacioni spektakolar. Po ashtu, me marrjen e sinjalizimit të parë nga Hetimi Doganor, Policia e Shtetit është vënë menjëherë në lëvizje, falë pikërisht bazës së punës së përbashkët që është ndërtuar në funksion të garantimit të kontrollit rigoroz të portit të Durrësit, mes strukturave policore dhe hetimore. I menjëhershëm dhe efikas ka qenë edhe ndërveprimi mes Policisë së Shtetit dhe Prokurorisë së Krimeve të rënda, çka ka siguruar përfundimin me sukses të plotë të operacionit.
Përgëzime të mëdha për të gjithë pjesëmarrësit në këtë operacion dhe për mesazhin e qartë që ky rezultat shembullor i luftës kundër krimit të organizuar u jep të gjithëve!
Përgëzime Policisë së Shtetit, që ka hyrë me vendosmëri e gatishmëri të lartë në fazën e re të luftës kundër krimit, ku Forca e Ligjit nuk është vetëm emri i një strukturë të posaçme antikrim, po një vijë sjelljeje e Policisë së Shtetit si e tërë dhe në çdo front. Përgëzime Drejtorisë së Përgjithshme të Doganave, që jo vetëm po garanton në vijimësi një rritje konstante të të ardhurave falë përmirësimit të vazhdueshëm të cilësisë së punës, por po rrit vijimësisht forcën goditëse kundër evazionit, kontrabandës e trafiqeve. Përgëzime edhe Prokurorisë së Krimeve të Rënda padyshim dhe uroj që hetimet e mëtejshme të kenë të njëjtin sukses si vetë ky operacion entuziazmues.
Gazetari investigativ Leonard Bakillari ka tronditur me reagimin e tij pas kapjes se kokainës rekord në portin e Durrësit.
Sipas tij, tre-katër djem nga grupi apo grupet, në rastin më të mirë do dalin në lajme si të ekzekutuar në Kolumbi pasi janë peng derisa droga të mbërrinte në destinacion.
Sakaq, Bakillari jep alarmin për një seri vrasjesh në Tiranë Durrës pasi dikush ka spunuar.
REAGIMI I PLOTË:
Problemet nisin tani, pasi droga u kap. Se pari, Cunat jane 128 milion euro minus, qe mud te jete e barabarte me punen e 10 viteve te fundit.
Se dyti, 3-4 cuna nga grupi apo grupet ne rastin me te mire do dalin ne lajme si te ekzekutuar ne Kolumbi (jan peng derisa droga te mberrinte ne destinacion). Ne rastin me te keq nuk besoj se do ju gjenden pjeset e trupit.
Se treti, besoj se do kemi nje serial vrasjesh ne Tirane e Durres, pasi dikush ka spiunuar. Ndoshta Ndoshta grup rival…
Se katerti, dem shume i madh per ekonomine, pasi nje pjese e parave do mbeteshin ne shqiperi ne formen e investimeve, ndersa pjesa tjeter do shkonte serish ne Kolumbi.
Se pesti, dikush ne Polici, Sherbim Infomrativ, Prokurori apo Dogane do rrije ca muaj pa marre rrogen e cunave. Beni si te beni ca kohe, rregullohuni me ato qe keni marre deri tani.
Na hapi pune ky Prokurori i Antimafias. Degjon cna bere De Raho apo jo?
Skënder Hasko u lind në Dukat të Vlorës më 2 mars 1936- nderroi jete ne Tirane me 4 shkurt 2013.
Shkollën 7-vjeçare e mbaroi në Tragjas të Vlorës, pastaj Liceun Artistik “Jordan Misja” për aktor. Ka punuar mësues në fshatin e lindjes, mekanik në Kuçovë dhe aktor në estradën profesioniste të Beratit. Pasi mbaroi Universitetin e Tiranës, Fakultetin e Shkencave Politike-Juridike, dhe u diplomua për gazetari, punoi gazetar-redaktor në revistën satiro-humoristike “Hosteni”, pastaj shef i redaksisë së botimeve “Teatër-Estradë” në Shtëpinë Qendrore të Krijimtarisë Popullore, më vonë kryeredaktor në revistën për fëmijë “Pionieri” dhe, së fundi, drejtor i Teatrit Kombëtar të Fëmijëve, deri sa doli në pension. Ka filluar të krijojë qysh në shkollën 7-vjeçare.
Skënder Hasko ka një veprimtari të gjerë në fushën e krijimtarisë letrare, por ai spikat veçanërisht në krijimtarinë për fëmijë. Këtu, pra, pa lënë mënjanë edhe atë për të rritur.
Ka botuar 6 romane (2 për të rritur e 4 për fëmijë), 9 novela (ndër të cilat 4 janë novela-përralla), 6 vëllime me poezi (dy prej tyre për të rritur), 7 vëllime me tregime ( 2 për të rritur), 1 vëllim me përralla të shkurtëra, 2 poema, 6 pjesë për teatrin e kukullave, 13 drama e radiodrama (1 për të rritur), si dhe 2 skenarë filmash për fëmijë.
Pra, e gjithë krijimtaria e tij, deri tani, përmbledh 52 vepra të gjinive të ndryshme. Romani “Një “gjeneral” kapet rob” është bërë edhe film me të njëjtin titull dhe është nderuar me diplomë në Festivalin e filmit, në Salerno të Italisë.
Ndër veprat e vlerësuara me çmime mund të përmendim: “Një “gjeneral” kapet rob”, “Qeshin kafshët shtëpiake”, “Dinakja me vesh të grisur”, “Ata që të bëjnë për të qeshur”, “Çudirat dhe e fshehta e Zamirit” (me dy çmime).
Novela-përrallë “Mbreti i tigrave” është nderuar me çmimin “La Fonten” nga ambasada franceze. Romani “Të burgosurat e Xhuxhumit” me çmimin “Xhani Rodari” nga ambasada italiane. (Një kopje e diplomës së këtij çmimi është në muzeun e Xhani Rodarit në Itali).
Novela-përrallë “Arushi hundëkavanoz” është nderuar me çmimin “Viktor Eftimiu” nga ambasada rumune. Romani “Arratisja e Tupe Xhelos” është nderuar me çmimin “Tasim Gjokutaj” nga Shtëpia Botuese TOENA dhe Shoqata Mbarëkombëtare e Shkrimtarëve për Fëmijë e të Rinj.
Romani “6 muaj nga jeta e Besianit” në Panairin e 8-të të librit 2005, u nderua me çmimin “Libri më i mirë për fëmijë i vitit 2005”. Nga veprat për të rritur mund të përmendim: “Legjenda e fshatit tim-Dervish Ali Dukati” (roman), “Dardanët janë aty” (roman), “Vaje halli, këngë malli” (poezi), “Në do nuse, gjej taksi” dhe “Byrekët e Shegës” (tregime humoristike e satirike), “Vendi nuk mbetet bosh” (dramë), “Ah!…” (poezi)
Ka qenë dhe është anëtar bordesh në shumë revista e gazeta. Është anëtar i bordit drejtues në revistat për fëmijë që botohen në Maqedoni, “Nxënësi” dhe “Xixëllimat”.
Për krijimtarinë e tij jepen leksione të veçanta në universitetet “Aleksandër Xhuvani”-Elbasan; “Eqerem Çabej”-Gjirokastër dhe “Ismail Qemali”-Vlorë. Është i dekoruar me medaljen “Naim Frashëri” dhe me dy Urdhëra “Naim Frashëri”.
Libra të botuar nga shkrimtari Skënder Hasko
1- Të burgosurat e Xhuxhumit (roman përrallë)
2- Legjenda e fshatit tim (roman për të rritur)
3- Një “gjeneral kapet rob
4- Arratisja e Tupe Xhelos
5- Dimri iku duke qarë
6- 6 muaj nga jeta e Besianit
7- Dardanët janë aty (roman për të rritur)
8- Ne ishim partizanë
9- Çimi dhe roboti budalla
10- Çudirat dhe e fshehta e Zamirit
11- Mbreti i tigrave
12- Ata që na bëjnë për të qeshur (Oh, ç’na bënë të qeshim)
13- Arushi hundëkavanoz
14- Lepur ishte-lepur mbeti
15- Një sherrxhi mustaqemi
16- Kocomiu tekamadh
17- Në do nuse, gjej taksi (tragime satiro-humoristike për të rritur)
18- Faqemolla mundi Hundëpinokun
19- Me litar të botës mos hyr në pus
20- Ndodhitë e Çaço Gabimit
21- Maçoku i katrahurës
22- Byrekët e Shegës (tregime satiricë për të rritur)
23- Dinakja me vesh të grisur (përralla)
24- Drita e Drinit
25- Orkestra “Vijnë pisokët”
26- S’jam e vogël
27- Vallja e shkronjave (botuar këtu e në Kosovë: 1975,1984,1985,2000,2001,2002, 2003, 2006)
28- Qeshin kafshët shtëpiake
29- Oh, mor Teli, ç’na gajase
30- Vaje halli, këngë malli (poezi për të rritur)
31- Ah! (poezi për të rritur)
32- 13 drama e komedi, 6 pjesë për teatrin e kukullave si dhe 2 skenarë fimash për fëmijë (njeri vizatimor)
