Karikaturisti Bujar Kapexhiu shquhet për ironinë e hollë në punime e tij. Këtë herë Kapexhiu ka zgjedhur në karikaturën e radhës të trajtojë marrëdhëniet mes PS dhe LSI, konkretisht mes kryeministrit Edi Rama dhe kryetares së LSI, Monika Kryemadhi. Karikaturat kanë aftësinë që të përshkruajnë realitetin e mijëra fjalëve vetëm me pak imazhe humoristike.
Këngëtarja labe Poni është shumë e angazhuar me koncerte dhe mbrëmje muzikore të ndryshme.
Shpesh, ajo udhëton edhe jashtë vendit, për të argëtuar shqiptarët në diasporë.
Së fundmi, ajo kishte planifikuar të mbajë turin e saj të koncerteve në ShBA, por është detyruar të shtyjë datat për disa javë.
Kjo gjë ka ndodhur për shkak të problemit me vizë, pasi këngëtares nuk i është lëshuar në kohën kur ajo parashikonte.
Lajmin për anulimin e koncertit të saj në Toronto, këngëtarja e bëri të ditur përmes një shkrimi në Instagram:
“Të dashur miq dhe dashamirës të muzikës time në Toronto! Me keqardhje ju njoftoj se koncerti i datës 17 mars do të spostohet për 14 prill për arsye se viza është ende në proces! Ju kërkoj ndjesë dhe ju falënderoj nga zemra për interesimin tuaj! Me shumë dashuri Poni”, ka shkruar këngëtarja.
-Kryeministri Rama shikonte dje në sallën e parlamentit kur fliste ministri Majko dhe thoshte se “Ç’mu desh mua që e bëra ministër…!”.
-Ministri për Diasporën del kundër linjës zyrtare të partisë: “Po e teprojmë me akuzat ndaj Bashës. Për marrëdhëniet me Kremlinin na pyesni ne të PS, i njohim më mirë”.
Prej 10 ditësh Partia Socialiste ka ngritur një kauzë publike, ndër më të mëdhatë e viteve të fundit, për financimin e Partisë Demokratike nga Rusia. Gjithë drejtuesit e PS-së po sulmojnë Lulzim Bashën për disa kontrata lobimi, sipas mediave amerikane, janë paguar nga qytetarë të dyshimtë rusë. Kryeministri Edi Rama ka lënë problemet e qeverisjes dhe po merret personalisht me denoncimin e rrezikut që i kanoset vendit nga financat që vijnë nga një shtet që cilësohet jo partner strategjik i Shqipërisë. Seria e akuzave të PS e ka vendosur në pozitë të vështirë PD-në dhe Lulzim Bashën, që realisht veç debatit nëse ishin apo jo kompani ruse ato që paguan, nuk justifikon dot paratë e harxhuara në SHBA. Aq me tepër se nuk janë deklaruar në KQZ. Por taktika e kryeministrit Rama deri dje ishte përfekte në sulmin ndaj Lulzim Bashës.
Në këtë klimë sulmi që synon të eliminojë politikisht Bashën dhe PD, duke i nxjerrë si parti anti-europiane, ministri socialist për Diasporën, dikur kryeministër i PS-së, deputeti Pandeli Majko ka përmbysur dje gjithçka. Pra me një fjalim të pamatur politikish ai rrëzoi kauzën e Edi Ramës ndaj Lulzim Bashës për financimin rus. Me fjalimin e mbajtur dje në Parlament ish-kryeministri ka hedhur në herë gjithë kauzën e ngritur nga Edi Rama dhe gjithë partia e tij. Pak minuta pasi Edi Rama, Taulant Balla dhe deputetë të tjerë të PS akuzuan edhe një herë Bashën në Kuvend për financime nga vende jo dashamirëse, Majko u rrëzoi skenarin.
E bëri pa dashje. Eshtë i çiltër, dreqi!
Së pari, me sinqeritetin politik që e karakterizon, Pandeli Majko tha se lidhjet më të forta janë të PS-së me Rusinë. “Edhe ne ndonjëherë e teprojmë me këtë punën e ndihmave ruse apo sponsorizimit rus për Partinë Demokratike, të jemi të sinqertë. Nuk jam dakord me kolegun Balla në disa drejtime. Ne si partia jonë nga viti 1949 deri në 1961 e kemi pasur… partia e vjetër është fjala, patëm një afeksion, por e pati afeksionin për ideologji, jo për para. Me thënë të drejtën na duket shumë interesant ky eksperimenti që merrni para nga rusët për të bërë lobizëm në Amerikë, shumë interesante është”,- tha Pandali Majko. Dhe shtoi si pa të keq se nëse është fjala për Rusinë, PS-ja kuptohet më mirë me Rusinë.
Në këtë mënyrë, ministri i Ramës ka shënuar autogolin e parë në portën e PS. Në mënyrë direkte ai thotë se akuzat e partisë së tij kundër Bashës janë të tepruara. Me këto fjalë ministri Majko ka nxjerrë bllof gjithë kolegët e tij në parti që e kishin marrë seriozisht punën e armikut të jashtëm dhe kundër sigurisë kombëtare të Lulzim Bashës. Nëse vëreje me kujdes kur fliste ministri Majko të gjithë deputetët e PD-së qeshnin dhe duartrokisnin Majkon, kurse kamera kapte fytyrën e mërzitur të kryetarit të grupit parlamentar të PS-së, Taulant Balla.
Majko tha një të vërtetë të sikletshme për historinë e së majtës dhe bashkëpunimin e saj me komunistët rusë. Kjo është një histori që PS është munduar ta riparojë gjatë viteve duke u distancuar nga komunizmi. Edhe vetë Rilindja e ideuar nga Rama synonte një shkëputje totale të Partisë Socialiste, si pasardhëse e komunistëve. Por Majko, si socialist i vjetër, nuk e ka ketë kompleks dhe kur flet për PS nënkupton se është pasardhëse direkte e komunizmit. Foli sinqerisht ministri, por golin ua vuri te pika e penalltisë PD-së që t’ia gjuajën portës së PS-së.
Dëmi më i madh që ministri i Edi Ramës i bëri kauzës së PS këto ditë është shprehja se Lulzim Basha dhe PD duhet të konsultohet me PS dhe njerëzit e saj për lidhjet me Rusinë. “Kur vjen puna te rusët duhet të konsultoheni me ne, se ne kemi eksperiencë në këtë punë. Ne e mbyllëm këtë punë në 60’ dhe bëmë edhe një film “Ballë për Ballë, por ju do e mbyllni me ndonjë këngë të tipit “Lule ti e lule unë, dil këtej se kam pak punë”,- tha Majko.
Këto deklarata u morën me humor në sallën e Kuvendit, por efektin e asaj që tha Majko më shumë se të gjithë po e ndjente Taulant Balla, kur kolegu i tij me një fjali ia rrëzoi gjithë deklaratat e ditëve të fundit.
Fjalimi i ministrit Majko duhet t’i ketë sjellë thartirë kryeministrit Rama. Mjafton të shikoje kryeministrin Rama se si shikonte Pandeli Majkon, duke menduar e thënë me vete: Ç’mu desh mua që e bëra ministër!
Ministri Pandeli Majko rrëzon tezën ruse të PS për Lulzim Bashën Read More »
Komisioni hetimor për ish-ministrin e Brendshëm, Saimir Tahiri duket është “plotësuar” edhe me emrat e deputetëve socialistë. Pas emrave të deputetëve të PD dhe LSI, “News24” ka siguruar edhe emrat e anëtarëve të PS.
Mësohet se pjesë e këtij Komisioni do të jenë deputetët Pjerin Ndreu, Paulin Stërkaj, Klotilda Ferhati, Bashkim Fino, dhe Xhemal Qefalia.
Kryetar i këtij Komisioni do të jetë deputeti demokrat Edi Paloka, ndërsa nënkryetare socialistja Ermonela Felaj.
Anëtarët e tjerë të PD-së në Komisionin hetimor për Tahirin do të jenë si vijon: Enkelejd Alibeaj, Myslym Murrizi, Flamur Noka.
Po ashtu mësohet se nga LSI-ja anëtar do të jetë deputeti Endrit Brahimllari.
Komisioni – Emrat e deputetëve që do të hetojnë Tahirin Read More »
Për disa femra të qënit nënë është gëzimi më i madh në jetë, domethënë, derisa fëmija të kalojë moshën e tmerrshme 2-vjeç, sigurisht. Por teksa është një punë që sjell mjaft gëzim, është dhe majft e lodhshme duke u shqetësuar se ku dhe çfarë po bën pasardhësi juaj në çdo kohë të caktuar.
Kështu që nuk është surprizë një studim i George Mason University, në SHBA, i cili ka zbuluar se mëmësia e plak femrën më shpejt se cigarja, apo e edhe mbipeshë.
Grupi i studiuesve kanë vërejtuar 2 mijë femra të moshave 20 deri në 44 vjeç, dhe zbuluan se shkurtimi i telomerës,një strukturë komplekse në fund të kromozomit, ishte i krahasueshëm me femrat pa fëmijë që ishin 11 vjet më të vjetra në moshë. Telomeri është pjesë e kromozomit që është e lidhur me moshën dhe jetëgjatësinë.
Teksa ritemi telomerët në mënyrë natyrale bëhen më të shkurtër, por studimi i ri thotë se ky proces përshpejtohet nga të qënit prind.
Por lajmi i keq nuk ndalet këtu. Më shumë fëmijë të keni, më të shkurtra bëhen telomerët, sipas këtij studimi. “U habitëm që patëm një rezultat të tillë. Ne zbuluam që femrat që kishin pesë apo më shumë fëmijë kishin telomerë më të shkurtër krahasuar me ato që nuk kishin asnjë, dhe akoma më të shkurtër se ato që kishin një, dy, tre apo katër”, thotë Anna Pollack, pjesë e grupit të studimit.
Arsye të tjera që ju shkurtojnë jetën përfshijnë qëndrimin ulur për një kohë të gjatë gjatë ditës, apo dhe mungesa e gjumit.
Disa këshilla si të zgjasni jetën:
Ushqyerje e shëndetshme dhe ushtrime të rregullta
Mbajeni trurin tuaj “aktiv”
Pini alkool në sasi të moderuar, nëse e konsumoni
Mos shkoni të sëmurë në punë
Mbani pesha të lehta
Merrni një kafshë
Kaloni kohë me njerëzit e dashur
Këshilli Mbikëqyrës i Bankës së Shqipërisë njofton se duke filluar nga data 30 mars 2018, do të hidhet në qarkullim monedha metalike shqiptare me vlerë nominale 20 Lekë.
Rishtypja e monedhave metalike shqiptare me kurs ligjor, me vlerë nominale 20 Lekë, është miratuar me vendimin nr. 120, datë 09.11.2016, të Këshillit Mbikëqyrës të Bankës së Shqipërisë, në mbështetje të ligjit nr. 8269, datë 23.12.1997 “Për Bankën e Shqipërisë”.
Monedha e re metalike, me vlerë nominale 20 Lekë, emetim i vitit 2016, ka të njëjtën përbërje, pamje, përmasa dhe peshë me monedhën metalike me vlerë nominale 20 Lekë, emetim i vitit 2012.
Po ashtu Këshilli miratoi Raportin Vjetor të Bankës së Shqipërisë për vitin 2017.
Raporti vjetor përbën një detyrim ligjor të Bankës së Shqipërisë, me anë të të cilit realizohet llogaridhënia para Kuvendit të Shqipërisë dhe komunikimi me sistemin financiar, mediat dhe publikun. Ai përbën dokumentin më të rëndësishëm që, në mënyrë transparente, informon Kuvendin mbi vendimmarrjen e Këshillit Mbikëqyrës dhe veprimtarinë e Bankës së Shqipërisë, në përmbushje të objektivave të saj institucionalë, monetarë, operacionale dhe zhvillimorë.
Në raport, ndër të tjera, pasqyrohen:
zhvillimet e përgjithshme makroekonomike në vend;
politika monetare dhe ajo valutore e ndjekur nga Banka e Shqipërisë;
zhvillimet në sistemin bankar dhe rreziqet potenciale me të cilat përballet stabiliteti financiar;
aktiviteti mbikëqyrës, licencues dhe rregullator;
aktiviteti i emisionit monetar, i sistemit të pagesave, statistikor, kërkimor, komunikues dhe ai i edukimit të publikut;
administrimi i burimeve njerëzore;
veprimtaria e kontrollit të brendshëm;
objektivat afatmesme të institucionit.
Gjatë mbledhjes së sotme, Këshilli Mbikëqyrës shqyrtoi dhe miratoi shpërndarjen e fitimit të Bankës së Shqipërisë për vitin 2017, si dhe rialokimin e disa rezervave të Bankës së Shqipërisë.
Banka e Shqipërisë hedh në treg 20 lekëshin e ri, ja ndryshimi Read More »
Aktori Birçe Hasko ditën e sotme feston 76-vjetorin e lindjes. Ai është padyshim një nga artistët më të dashur shqiptarë, i cili shquhet për rolet e shumta në Kinematografi dhe Teatër.
Me një plastikë të admirueshme, origjinal, elegant, i drejtëpërdrejtë, shpotitës, komik dhe serioz, Birçe Hasko hyn në atë kategori artistësh, që mbahen mend gjatë për rolet e interpretuara me aq mjeshtëri. I urojm
Mjeshtrit të Madh jetëgjatësi e pleqëri të mbarë.
Aktor dhe pedagog në Akademinë e Arteve për shumë vite, Birçe Hasko Aktor lindi në fshatin Dukat të rrethit Vlorë më 15 mars të vitit 1942.
Më 1961, mbaroi shkollën e mesme pedagogjike “Jani Minga”. Punoi disa vite mësues dhe drejtor shkolle në fshatrat, Amanikaj, Nivicë të rrethit të Tepelenës dhe Poro të rrethit të Vlorës, deri në vitin 1965. Kreu studimet për aktor 1965-1969 në Institutin e Lartë të Arteve dhe nga viti 1969 e në vijim punoi si pedagog i mjeshtërisë së aktorit në Akademine e Arteve.
Ka kryer detyrën e dekanit të Fakultetit të Artit Skenik në këtë Akademi (1989-1994).
Ka interpretuar role kryesisht të planit komik në teatër si, Milo Tafanin në komedinë “Shi në plazh”, 1983 të Teodor Lacos, Abaz Kola në komedinë “Shtepia me dy porta”, 1984 të Ruzhdi Pulahës, Shazo në dramën “Familja e peshkatarit”, 1984, e Sulejman Pitarkes, etj..
Natyrë vetiu që mundëson aspekte “komike” dhe “fshatarake” (nga vetë mënyra e reagimeve, fizionomia, të folurit, etj.), ai ndërfuti në rolet e tij në teatër një qasje interpretative të veçantë, vetjake, vështirë të përsëritshme sa i përket ojnave dhe përshtatjes. Individualiteti i tij u formësua më së tepërmi në kinematografi, posaçërisht në role të dyta e që njëmendësojnë tipa të veçantë, me një origjinalitet e plastikë fantastike.
Birçe Hasko ka realizuar 32 role, ku spikat në filmat; “Kur zbardhi një ditë”, 1970, (ballisti Sulo), “Malet me blerim mbuluar”, 1971, “Njeriu me top”, 1977, (Tosun Baci), “Koncert në vitin 1936” (Tellalli), “Radiostacioni”, 1979, (Mete Aliu), “Dhe vjen një ditë, 1986, (dajë Alushi), “Përrallë nga e kaluara”, 1987, (plaku i sertë), “Shkëlqim i përkohshëm”, 1988, (babai), ku ka fituar çmimin e dytë në Festivalin e Filmit; “Parullat”, 2000 (Sekretari i Partisë), “I dashur armik”, 2005 (tregtari hebre), etj..
Loja e tij përshkohet nga ndjenja e një humori të çlirët, spontan. Është aktor që skicon karaktere të gjalla, tipa popullorë, origjinalë, me një prerje shpesh burleskë, plastikisht i veçantë, me mimikë shprehëse, i mvetësishëm e spontan në gjeste, me ndjenjën e kudogjendshme të ritmit të brendshëm dhe të vërtetësisë.
Portreti dhe nuri komik, ojnat, të folurit tejet konkret e shpotitës, prania gjerazi e intonacioneve foljore të zhargonit të labërishtes, mënyra e sjelljes ndaj rolit, marrëdhëniet e natyrshme me dhe përballë personazhit tjetër (shpesh si me “karshillek”, e llojit “mburracak”), vërtetësia e komunikimit me partnerin në lojë, janë cilësi të tjera të vlerësuara të aktrimit të tij.
Hasko ka gjithashtu një punë të gjerë si pedagog në përgatitjen e studentëve për aktorë, duke inskenuar shumë etyde, fragmente, si dhe 18 vepra dramatike të plota. Më 13 nëntor 1989 i është dhënë titulli “Artist i merituar”. Më 10 prill 1995, ka fituar titullin universitar “Profesor” dhe më vonë ka marrë me merita të plota titullin, “Mjeshtër i madh”.
‘Mjeshtrit te madh’ aktorit Birce Hasko i urojme jete te gjate!Ta gezoje Ditelindjen Read More »
Ndërsa vazhdon të jetë në kërkim, Gjykata e Krimeve të Rënda ka pranuar ditën e sotme kërkesën e prokurorisë për të zgjatur hetimet për Jaeld Çelën.
Ish-drejtori i Policisë së Vlorës është shpallur në kërkim, pasi u arratis sapo ndaj tij u lëshua një urdhër-arresti.
Çela akuzohet për lejimin e mbjelljes dhe përfshirjen në trafikun e kanabisit në zonën e Vlorës dhe bashkëpunim me Habilajt.
Gjatë seancës së sotme, prokuroria kërkoi zgjatjen me 3 muaj të hetimeve ndaj Çelës. Ndërsa avokati i tij u shpreh se nuk ishte në dijeni të provave dhe nuk ishte njohur me faktet.
Bashkë me Çelën në kërkim janë edhe 3 ish-drejtues policie.
Ish-drejtori i policisë në kërkim, ja vendimi që ka marrë gjykata sot Read More »
