Aurora

Policia e Shkodres ka reaguar per here te pare per shperthimin me tritol qe ndodh sot rreth orës 10:45 në lagjen ‘Partizani’, Shkodër, me lëndë plasëse.

Sipas bluve, menjëhere ne vendin e ngjarjes kanë shkuar forca të shumta policie ku konstatuan se në një mjet tip motor dyshohet se ishte vendosur lendë eksplozive.

Si pasojë e shpërthimit janë plagosur shtetasit Lulzim Kulla 42 vjeç, banues në Shkodër, pronar i objektit dy katësh, i cili po hipte në mjetin e tij dhe ndodhet në gjendje të rëndë, D.M, 32 vjeç, banues në Shkodër, ndodhet në gjendje të rënde dhe G.C., 40 vjeç, banues në Shkodër, jashtë rrezikut për jetën.

Të tre këta shtetas u derguan në Spitalin e Traumës Tiranë për mjekim te specializuar.

Lendime me të lehta kanë pesuar dhe 5 shtetas të tjerë që ndodhen në spitalin rajonal Shkodër për ndihmë mjekesore.

Në vendngjarje ndodhet grupi i posaçem hetimor nën drejtimin e Prokurorisë Shkodër dhe po punohet për zbardhjen e autoresisë së kësaj ngjarje. Policia ka ngritur pika të shumta kontrolli në pikat hyrëse dhe dalëse të qytetit.

Forcat e Rendit dhe FNSH e Shkodrës kanë kryer shoqërime dhe po marrin deklarime nga persona që mund të kenë dijeni për rrethanat e ngjarjes. Agjentet e Krimeve kanë sekuestruar pamje filmike me vlerë për hetimin.

Në Shkodër kanë mbërritur dhe eksperte të Krimeve nga Drejtoria e Përgjithshme e Policisë dhe drejtuesi i FLO.

Monika Kryemadhi, Kryetare e LSI-së, deklaroi nga Vlora se Edi Rama po tenton të kapë sistemin e drejtësisë dhe çdo institucion tjetër të shtetit për të shantazhuar dhe kërcënuar shqiptarët, në mënyrë që ti mbajë të nënshtruar.

Kryemadhi tha se e gjithë kjo do t’i kthehet Ramës në një revoltë. Në një takim me strukturat e LSI-së në Vlorë, në kuadër të përgatitjeve për protestën e 27 janarit, Kryemadhi tha se protestat nuk kanë për qëllim as të kërcënojnë as të rrahin Edi Ramën, por t’i tregojmë se shqiptarët janë kundër tij.

“Për të rrahur Ramën ka sa të duash në Kuvend, madje edhe nga rradhët e socialistëve të tij, të cilët janë thellësisht të pakënaqur me qeverisjen e tij”, tha Kryemadhi. Në vijim ajo shtoi se bandat dhe krimi i organizuar dhe ata që përfaqësojnë trafikantët e drogës blenë zgjedhjet e 25 qershorit, ndërsa Edi Rama është i lidhur me to.

Kryemadhi falenderoi strukturat e LSI-së që qëndruan heroikisht përballë strukturave kriminale, që kishin në shërbim edhe strukturat e shtetit. “I dhatë një goditje psikologjike Edi Ramës sepse hesapet e tij ishin krejt të tjera. Vlora nuk është një Lungomare, që është ktheyr në një Lungopare që i kushton 10 milionë euro kilometri. E ka kthyer në Lungopare për kënaqësitë e veta mendore”, tha Kryemadhi.

Në vijim kryetarja e LSI-së theksoi se sot jemi në një udhëkryq, ku kryeministri i Rilindjes, e ka vendosur Shqipërinë nëse do të jetë në drejtimin e BE apo me zgjidhje ekstremiste. “Rama po kërcënon qëndrueshmërinë jo vetëm politike, por edhe të politikës së jashtme. Rama i rrezikoi dhe i vendosi në një pikë shumë kritike marrëdhëniet me fqinjët. Situata me krimin na është kthyer në një sinfoni normale, shtetin e ka kthyer në një institucion në shërbim të krimit”, theksoi Kryemadhi.

Një nënë është tronditur kur ka shkuar në shtëpi dhe ka parë që djali i ka shitur të gjitha mobiliet.

41 vjeçari I fiksuar pas lojrave të fatit nuk ka kursyer as orenditë shtëpiake të nënës së tij.

Ngjarja ka ndodhur gjatë ditës së djeshme ku 62 vjeçarja A.E., ka kallëzuar djalin e saj 43 vjeç I.E.

Ky i fundit i cili sipas dëshmisë së të ëmës njihej si person problematik pasi luante në lojëra fati i ka shitur të gjitha orenditë shtëpiake për të siguruar para.

Kur ka parë shtëpinë e boshatisur dhe të shitura çdo objekt brenda saj të cilat i kishte siguruar me mundim, 62 vjeçarja nuk ka duruar dot dhe i është drejtuar komisariatit të policisë për ndihmë.

Policia ka bërë të mundur arrestimin e 43 vjeçarit, ndërsa materialet lidhur me këtë rast i kaluan Prokurorisë së Rrethit Gjyqësor Berat për veprime të mëtejshme.

Gjermania ka rimarrë sërish stafetën për pasaportën më të fuqishme në botë, përsa i përket vendeve ku njerëzit mund të udhëtojnë pa viza.
Indeksi vjetor i pasaportave “Henley” ka publikuar renditjen e pasaportave sipas numrit të vendeve që qytetarët mund të udhëtojnë pa viza.

Singapori nuk ka më pasaportën më të fuqishme në botë, duke “u mposhtur” kështu nga Gjermania.

Më poshtë renditja, sipas numrit që njerëzit mund të udhëtojnë pa viza.

Gjermania 177

Singapori 176

Danimarka, Finlanda, Franca, Italia, Japonia, Norvegjia, Suedia, Mbretëria e Bashkuar 175

Austria, Belgjika, Luksemburgu, Holanda, Spanja, Zvicra 174

Irlanda, Koreja e Jugut, Portugalia, SHBA 173

Kanadaja 172

Australia, Greqia, Zelanda e Re 171

Republika Çeke, Islanda 170

Malta 169

Hungaria 168

Lihtenshtajni, Sllovaki, Slloveni 167

Letonia, Lituania, Malajzia 166

Estoni 165

Polonia 163

Monako 162