Qyteti i Lezhës është blinduar nga forcat e policisë prej orëve të para të ditës së hënë. në Gjykatën e Lezhës sot pritet të jepet masa e sigurisë për kryetarin e Bashkisë së këtij qyteti, Fran Frrokaj i arrestuar për abuzim me pronat në zonën e Shëngjinit.
Kryebashkiaku i Lezhës, Fran Frrokaj dhe 11 zyrtarët e tjerë të arrestuar për abuzime me pronat në Shëngjin do të dalin sot para gjykatës së Lezhës për rivlerësimin e masës së sigurisë.
Forca të shumta policie kanë rrethuar gjykatën dhe kanë vendosur shirita.
Frrokaj dhe zyrtarët e tjerë u arrestuan të premten me masë sigurie “arrest me burg” të marrë në mungesë nga gjykata e Lezhës, ndërsa 11 të tjerë janë ende në kërkim.
Seanca ishte parashikuar të zhvillohej të dielën, por që në orët e mëngjesit, mbështetës të kryebashkiakut Frrokaj dhe familjarë të personave të arrestuar protestuan dhe në disa raste bllokuan edhe rrugën para komisariatit të Policisë Lezhë.
Ata e konsiderojnë politik arrestimin e Frrokajt, ndaj kërkojnë lirimin e tij. Në të njejtën linjë, qëndron edhe Partia Demokratike e Lezhës, e cila e cilëson arrestimin si tentativë për ti dëmtuar imazhin në Lezhë.
Presidenti i Kosovës, Hashim Thaçi, në fillim të javës së kaluar shkoi në Londër për ta promovuar librin e tij. Pas Londrës, befas u shfaq në Paris, ku u prit nga Presidenti Emmanuel Macron. Po ashtu, Thaçi edhe aty shfrytëzoi rastin për ta promovuar librin.
Por, krejt ky udhëtim i tij po interpretohet ndryshe në Serbi.
Sipas Vuk Jeremiq, ish-ministër i Jashtëm i Serbisë, në Paris, të martën që shkoi, tinëz opinionit ka qëndruar edhe Presidenti i Serbisë, Aleksandar Vuçiq, i cili, sipas Jeremiqit, ka darkuar me Thaçin.
Jeremiq ka thënë se kreu i shtetit serb është duke zhvilluar negociata të fshehta me Thaçin.
Ai më pas ka thënë se Vuçiq të dielën ka udhëtuar po ashtu tinëz në Nju-Jork.
E, Vuçiq i është përgjigjur në mënyrë ironike Jeremiqit, teksa ka konfirmuar që ndodhet në Shtetet e Bashkuara.
Nëpërmjet një shkrimi në llogarinë e tij në Twitter, presidenti serb ka thënë se atje ndodhet për një darkë, me familjen Soros.
Por, Vuçiq ka thënë se kjo darkë ka dështuar. “Për fat të keq, nuk pata mundësinë të takoj askënd nga familja Soros”, ka shkruar ai.
Shumica e prindërve e cekin shumë pak njohurinë financiare kur vjen puna tek mësimet e jetës që u japin fëmijëve të tyre, por duket se prindërit e pasur bëjnë ekzaktësisht të kundërtën.
Këtë sekret, Steve Siebold e zbuloi pasi kaloi 34 vite duke intervistuar dhe vëzhguar më shumë se 1200 milionerë të bërë vetë.
Ndoshta dobia e të kuptuarit të parasë dhe matematikës nuk duhet të na habisë. . Një analizë e vitit 2007 me 35000 nxënës parashkollorë në SHBA, Kanada dhe Angli zbuloi se zhvillimi i aftësive matematikore që në mosë të hershme sjell avantazh të madh.
ZOtërimi i aftësive matematikore parashikon jo vetëm arritjet e të ardhmes në matemarikë, por edhe në lexim.
Më poshtë janë disa prej këshillave më të rëndësishme të prindërimit, nga ata që kanë patur sukses financiar nëjetë, dhe që SIebold i bëri të ditura për CNBC.
Rrethohuni nga njerëz të suksesshëm
Mund të jetë njësoj e thjeshtë si të luash sporte që dominohen nga njerëz të pasur, si për shembull golfi. Kjo ju krijon shanse rrjetëzimi, këshillon SIebold. Ai thotë për CNBC: “Duhet të keni miq të pasur. Ekspozimi ndaj vetëdijësimit të tyre të lartë për çdo gjë që lidhet me pasurinë, do të zgjerojë në mënyrë dramatike mënyrën se si mendoni”.
Fitoni para duke zgjidhur probleme
Nëse jeni të fiksuar pas pasurimit, mund të ndihmoni në ndërkohë të tjerët. Nëse ndihmoni për të zgjidhur një problem të përhapur, kjo është një mënyrë e sigurtë për të fituar para. Siebold tha për CNBC: “Kaloni kohë vetëm në argëtim, dhe do të vuani financiarisht gjithë jetën. Investojeni kohën tuaj duke krijuar zgjidhje për problemet e njerëzve, dhe nuk do të humbni asnjë minutë gjumë prej shqetësimit se si do të paguani kredinë”.
Zgjidhni një karrierë që e doni
Do të jeni shumë më të motivuar nëse fitoni para duke bërë një punë që e doni, se sa një që e urreni. Por kjo gjë harrohet shumë kollaj gjatë garës për t’u pasuruar. Siebold i tha CNBC: “Eshtë e vështirë të harxhosh kohën dhe energjinë e nevojshme për një profesion që të mërzit, apo që ka shumë pak kuptim përtej parave. Të zgjohesh përditë i ngazëllyer që po shkon në punë, kjo është forumë për bollëk financiar, përmbushje emocionale dhe kënaqësi në jetë”.
Shpenzoni me kujdes
Edhe nëse paga juaj është e madhe, buxhetimi është sërish shumë i rëndësishëm që të mbeteni të pasur. Siebold i dha një paralajmërim CNBC: “Shpenzimet e tepruara të shkatërrojnë. U ndodh përditë njerëzve që kanë miliona dollarë në dispozicion”.
Ju meritoni t’ia dilni
Më e rëndësishmja, mos e harroni kurrë se ju e meritoni begatinë. Ajo nuk duhet të jetë e rezervuar vetëm për njerëz me një të kaluar të caktuar.
Të besosh tek vetja, kjo e bën të mundur, argumenton Siebold. “Të vetmit që thonë se nuk e meritoni, janë ata që nuk ia kanë dalë dot kurrë. Më besoni, kur të jeni bërë të pasur, do të jeni të bindur që e keni fituar vetë”.
Kryetari i Lëvizjes së Qytetarëve të Lirë në Serbi, Sasha Jankoviç thotë se çështja e Kosovës nuk duhet të zgjidhet duke bërë presion për të nënshkruar diçka, por me një marrëveshje që është rezultat i proceseve demokratike.
“Problemi i Kosovës duhet të zgjidhet në mënyrë demokratike. Kjo temë është kthyer në një axhendë kryesore të politikës serbe”, tha Jankoviç.
Ish-kandidati për president të Serbisë komentoi edhe mundësinë e anëtarësimit të Kosovës në OKB, dhe marrëveshjen përfundimtare ndërmjet dy vendeve.
Jankoviç theksoi se nuk do ta përjashtonte mundësinë e anëtarësimit të Kosovës në Kombet e Bashkuara, nëse vendimi do të ishte i marrë në mënyrë demokratike
“Në qoftë se kjo është zgjidhja e problemit atëherë në rregull, por jo nëse ky vendim ndërton një atmosferë të konfliktit, dhe një nënshkrim të shkaktojë turbulenca të mëtjeshme në shoqëri”, tha Jankoviç.
Ai kritikoi qëndrimet e qeverisë serbe gjasme nuk do ta njohin Kosovën. Jankoviç thotë se Serbia tashmë e ka njohur Kosovën.
“Në thelb Kosova është njohur, njohjen formale nuk do të na kërkojë askush. Por, Aleksandar Vuçiq ndërton urrejte dhe armiqësi ndaj popullit shqiptar dhe komunitetit ndërkombëtar”, thotë Jankoviç.
Presidenti serb ditë më parë ka paralajmëruar se do ta propozojë një marrëveshje me Kosovën në Serbi, gjatë muajit prill.
Nuk ka gjë më të rëndësishme se sa një gjumë i mirë gjatë natës. Gjumi mund të ndikojë në cilësinë e jetës që udhëheq, si dhe të ndikojë në shëndetin tuaj.
Duke e ditur se sa i rëndësishë është regjimi juaj i gjumit, ne do të dëshironim që ju të mësoni 12 gabimet që ndoshta i bëni para gjumit:
Temperatura e këmbëve para se të shkoni në shtrat.
Këmbët e ftohta të çojnë në cilësi të dobët të gjumit, prandaj sigurohuni që t’u jepni atyre trajtimin e duhur para se të thoni natën e mirë.
Rri larg kafes së paku 4 orë para se të fle
Kafeina e mban trupin zgjuar, i cili në fund do të thotë që ju të merrni më pak gjumë dhe aktivitet të trurit gjatë natës, Si rezultat, do të zgjoheni të lodhur dhe të pështirë, dhe askush nuk dëshiron ta shohë këtë.
Gjeni pozicionet e përsosur gjumi
Si për ekspertë, zgjedhja e pozicionit ideal të gjumit është thelbësor në qoftë se doni të merrni një dozë të fortë gjumi. Sigurohuni që të fle në anën tuaj të djathtë, pasi ky është pozicioni më i dëshiruar në të cilin trupi juaj do të jetë në gjendje të pushoni.
Asnjë pajisje elektronike pranë jush
Para se të shkoni në shtrat, sigurohuni që të mbani telefonin, tabletin, laptopin ose tv sa më larg që të jetë e mundur. Në këtë mënyrë, nuk jeni të hutuar dhe truri juaj mund të pushojë siç duhet.
Asnjë libër
Sa e çuditshme që mund të tingëllojë, leximi para se të shkoni në shtrat mund të aktivizojë trurin tuaj dhe t’ju mbajë të vëmendshëm edhe pse jeni në gjumë të shëndoshë.
Qëndro larg nga lëngjet
Sigurohuni që të merrni të gjitha lëngjet tuaja gjatë ditës dhe të shkoni rregullisht në banjë, në mënyrë që të mos coheni në mes të natës dhe të keqbalanconi gjumin tuaj.
Shmangni pushimet e pasdites
Marrja e një sy gjumë pasditeve i jep trupit një alarm gjithë natën, kur nuk është kështu. Nëse keni nevojë për të pushuar, ne rekomandojmë vetem 10 minuta.
Zgjidh dyshekun e duhur
Dyshekë të kushtueshëm dhe me cilësi të lartë shpiken për një arsye. Ndoshta ata mund të jenë të kushtueshëm, por ata të sigurojnë që kurrë të mos zgjoheni përsëri të lodhur.
Bëni vaktin e fundit 2 orë para se të shkoni në shtrat
Duke pasur një stomak të plotë para se të shkoni për të fjetur do të lërë shqetësimin tuaj se si truri dhe sistemi i tretjes janë ende në mënyrë aktive duke punuar për të përpunuar ushqimin që keni konsumuar.
Mos beni 3 orë përpara se të flini
Mbani duke ushtruar për ditën për të shmangur pompimin e adrenalinës në trupin tuaj që është i detyruar të të lërë me gjumë pak ose aspak.
Pas shumë thashethemeve, aludimeve e spekulimeve mediatike (të cilat asnjëherë nuk u mohuan dhe as u konfirmuan nga çifti), nga këngëtarja dhe aktori i njohur sekreti mori fund. Ata do të bëhen prindër dhe nuk kanë pse të mos e ndajnë këtë me të gjithë.
Edhe pse kanë qenë vazhdimisht në qendër të vëmendjes, prej disa muajsh gati ‘të përndjekur’ për të zbuluar shtatzëninë, si Xhensila, ashtu edhe Besi nuk e kanë prishur terezinë për lajmet dhe titujt nëpër portale. Të dy, me sa duket, kanë gjetur kohën më të mirë për ta ndarë me të gjithë, ndonëse të gjithë nuk kishin më asnjë dyshim në rrumbullakësinë e barkut të Xhensilës.
Po pse e mbajti të fshehtë për kaq shumë kohë? Arsyet mund të jenë disa:
E para (ndoshta edhe më e rëndësishmja) ka të bëjë me Xhensilën, natyrisht. Këngëtarja e ka thënë shpeshherë edhe publikisht – ajo është natyrë supesticioze dhe meqenëse është kështu, s’mund ta ndante menjëherë lajmin e shtatzënisë.Të njëjtën gjë, këngëtarja bëri edhe me datën e martesës. Pas shumë aludimeve për data të ndryshme gjatë gjithë verës, vetëm kur dasma u afrua, mësuam se nuk ishte vera, por fillimi i vjeshtës koha kur ata kurorëzuan dashurinë.
Një arsye e dytë pse Xhensila nuk preferoi ta publikonte që në fillim, me siguri, është edhe shëndetësore. Pas disa analizave, kontrolleve, vajtje – ardhjeve në Itali, gjendja shëndetësore e psikologjike (edhe sipas shkencës) e nënës në pritje duhet të jetë në nivele të kënaqshme për të përballuar emocionin. Le të mos harrojmë se Besi, në këtë rast, është një ndihmë ‘aspak e mirë’ për emocionet. Ai gjithmonë ndihmon për t’i shtuar ato.Pas dasmës së çiftit, madje vetëm pak javë pas zhurmës së madhe që shkaktoi ajo, Xhensila ka nisur menjëherë turet muzikore dhe, që nga vjeshta e vitit të kaluar e deri më sot, kalendari muzikor ka qenë i tejmbushur. Lajmi që këngëtarja i ka anuluar koncertet sepse ishte e sëmurë me grip nuk u konfirmua nga Xhensila. Ndoshta ato ishin problemet e para të shtatzënisë. Edhe projektet muzikore gjatë kësaj kohe, mund ta ‘kenë penguar” Xhenin për ta ndarë pritjen e ëmbël.
Lajmi për shtatzëninë nuk mund të ndahej me të gjithë pa krijuar në fillim zhurmën e madhe. Duket se VIP-ave shqiptarë u pëlqen zhurma para se të shpërthejë tullumbacja. Një pjesë e mirë e tyre e preferojnë zhurmën mediatike dhe zgjedhin ta kalojnë në heshtje kur lajmi është i vërtetë. Nëse ju kujtohet, edhe Tuna bëri të njëjtën gjë rreth dy vjet më parë.
Kur të gjithë flisnin për pritjen e saj të ëmbël, ajo nuk foli, madje edhe u mbyll për tre muaj në shtëpi, derisa publikisht, kur prezantoi këngën “Duam” në Këngën Magjike, tha se në barkun e saj kishte një fëmijë.
Nëse mund të renditet si një arsye e pestë, tjetra dhe më konkrete për Xhensilën është përballja me fëmijët këtë të hënë “Në kurthin e Piter Panit”.
Duhet të jetë gati për të pritur çdo lloj pyetje nga ata. Po si mund ta fshihte barkun para syve kritikë të tyre? A mund t’i gënjejë fëmijët? Nesër, me siguri, Xhensila do të zbulojë gjininë e bebes që pritet të vijë në jetë, ndoshta edhe sa muajshe është…Apo edhe këto të dyja i dimë tashmë? Kush tha që është 5 muajshe dhe po pret një vajzë? Siç e ka ëndërruar veten gjithmonë, në fund të fundit: nënë të një vajze.
Në mjekësinë popullore meli gjithashtu përdoret si ilaç natyral për shërimin e urolitiazës (krijimit të gurëve në fshikëz dhe në urotrakt).
Sot po ju propozojmë një recetë magjike të mjekësisë popullore për shërimin e veshkave që do t’ju ndihmojë në pastrimin e veshkave, tajitje të sekrecionit, rërës dhe gurëve të imët.
Në mbrëmje, 1 gotë (200 gr) mel lajeni në ujë të ngrohtë.
Hidheni në një kavanoz më të madh (prej 3 litrash) dhe derdheni 2/3 e kavanozit në ujë të zier e të nxehtë. Mbulojeni, tundeni mirë, mbështilleni me diç të ngrohtë dhe lëreni të qëndrojë tërë natën.
Në mëngjes sërish tundeni. Do të vëreni lëng të bardhë të turbullt në kavanoz. Ky pra është ilaçi juaj.
Derdheni atë lëng nga kavanozi në një enë tjetër. Pini gjatë ditës pa kufi, në çfarëdo sasie, kurdo që të dëshironi.
Melin mos e hidhni. Zieni qull të shëndetshëm dhe hani për kafjall. (1 gotë mel, 3 gota ujë, zihet rreth 15 minuta).
Në mbrëmje përgatitni racionin e ri për ditën e nesërme, sipas së njëjtës procedurë. Ky lëng duhet të pihet 10 – 15 ditë.
Rezultati: pas 10 – 15 ditësh guri do të shkrihet dhe do të dalë jashtë bashkë me urinën, ndërkaq veshkat do të jenë të pastruara nga rëra, sekrecioni dhe gurët.
Futjen në Kodin Penal të dispozitave në veçanta që të përbëjnë figura krimi si: propaganda komuniste, simbolet e llojit ylli i kuq, drapër e çekan, demonstrimin publik të fotografive të figurave kriminale të diktaturës, etj….
Nga Kastriot Dervishi
Nisur nga debati i fundit në lidhje me ditën e përkujtimit të martirëve të vrarë nga regjimi komunist, shpreh mendimet e mija të mëposhtmet.
Partia Komuniste Shqiptare (pas vitit 1948 Partia e Punës e Shqipërisë) ishte një formacion politik me karakter kriminal e terrorist, e frymëzuar nga parimet e luftës së klasave, dasisë kombëtare e krahinore, mohimit të të drejtave të njeriut, etj. Ajo ndërtoi një rend shoqëror eksperimental, duke sjellë jo vetëm humbje të mëdha njerëzore, por edhe një shkatërrim ekonomik të jashtëzakonshëm. Për këtë arsye, duhet një datë simbol për ta shprehur sa më mirë kujtesën për atë regjim në tërësi dhe për pasojat që ai shkaktoi. Pikësëpari jam kundër përdorimit të fjalës “viktima”, pasi kjo përdoret zakonisht për aksidente. Jam për fjalinë: “Dita e kujtesës së martirëve të vrarë nga regjimi komunist”.
Janë propozuar data si 26 shkurt 1951 (incidenti i dinamitit në legatën sovjetike), 23 maji 1973 (revolta e Spaçit) dhe 23 gushti (ditë europiane për viktimat e nazizmit dhe komunizmit). Nuk jam për asnjërën prej këtyre datave. Duhet të jetë një datë e përgjithshme, jo kujtese e një grupi të caktuar martirësh, por në tërësi të dukurisë.
-26 shkurti 1951 nuk mund të jetë përkujtimore e përgjithshme, për disa arsye. Sigurisht do përkujtohet çdo vit dhe është merita e trashëgimtarëve të martirëve që asnjëherë nuk e kanë harruar këtë ngjarje. Por, nëse do caktohej, do krijohej një perceptim i gabuar sikur terrori nisi në vitin 1951 e se vetëm këtë herë Byroja Politike vendosi për dënimet me vdekje. Terrori komunist i nisur në tetor 1943, mori formë zyrtare kur u vendos në pushtet, pra në 29 nëntor 1944. Ekzistojnë prova dytësore se të gjitha vendimet e dënimeve me vdekje, ekzekutimeve, etj, janë marrë fillimisht nga Byroja Politike. Pra, kjo e fundit, nuk mori për herë të parë në vitin 1951 një vendim për dënime me vdekje. Shkelja e ligjeve të vetë regjimit, nuk nisi në vitin 1951, por qysh në fillesat e tij. Në Tiranë në nëntor 1944, u vranë pa gjyq rreth 100 kundërshtarë të regjimit mbi bazë të vendimit të komitetit qarkor komunist të Tiranës. Vetëm në Prefekturën e Shkodrës në vitin 1945, u evidentuan 14.700 “armiq” të regjimit. Vetëm nga nëntori 1944 e deri në shkurt 1945 u arrestuan 4.500 (1.134 në Shkodër) si “armiq të popullit” apo “sabotatorë të pushtetit”, të cilët u dënuan nëpërmjet procesesh qesharake nga gjykatës “ushtarakë” me profesione të tilla si marangozë, bujq e barinj. Vetëm në vitin 1945 janë dhënë rreth 1 mijë dënime me vdekje nga gjykatat në fjalë. Në këtë listë janë intelektualët më të njohur të Shqipërisë. Të tjerë u dënuan me procese vijuese. Kemi shumë gjyqe tipike kundër inteligjencies në Tiranë, Elbasan, Shkodër, Berat, Korçë, Vlorë, Gjirokastër, etj. Kemi qëndresën antikomuniste në Koplik, Postribë, Malësi të Madhe, etj. Kemi gjyqet kundër teknikëve, kundër proamerikanëve (vitet 1946-1948 një terror e pashembullt në Europë), masakrat në Mirditë para dhe pas vrasjes së Bardhok Bibës, vdekje të llahtarshme në hetuesi, etj.
-23 maji 1973, po ashtu nuk mund të jetë ditë përkujtimore sepse është shumë vite larg terrorit kryesor dhe qytetarit të zakonshëm i fiksohet pikërisht viti përkatës.
-23 gushti që përkujton përgjithësisht dëmet e nazizmit dhe komunizmit. Jam kundër kësaj dite, pasi “nazizmi” i Shqipërisë, komunizmi, është shumë larg në ligësi dhe kohë me nazizmin.
Mendimi im është që lëvizjet më të duhura duhet të jenë:
1-Caktimin e datës 29 nëntor 1944, ditën e vendosjes së regjimit komunist si “Dita e kujtesës së martirëve të vrarë nga regjimi komunist”.
2-Caktimin e datës 20 shkurt 1991 si ditën e shembjes së simboleve të regjimit komunist.
3-Futjen në Kodin Penal të dispozitave në veçanta që të përbëjnë figura krimi si: propaganda komuniste, simbolet e llojit ylli i kuq, drapër e çekan, demonstrimin publik të fotografive të figurave kriminale të diktaturës, etj.
Dy datat e para, mund të vendoseshin në ligjin nr.7651, datë 21.12.1992 “Për festat zyrtare e ditët përkujtimore”, i ndryshuar.
Bashkëlidhur, për ilustrim, një ekzekutim dënimi me vdekje në Burgun nr.2 të Tiranës (sot rruga “Mine Peza”), datë 5.10.1945
