Aurora

Fëmijët e shtruar nga fruthi, prindërit: Shërbim mizerje në QSUT, na kërkojnë lekë

Leave a Comment / Problematika, Shendetesi / /

Sëmundja e fruthit është rikthyer sërish në vendin tonë pas shumë vitesh. Në pavionin e Pediatrisë Infektive në QSUT janë shtruar deri më tani 11 vogëlushë të prekur, ndërkohë që ende nuk ka një deklaratë zyrtare nga instancat përkatëse nëse ky është një rast epidemie apo jo.

Burime nga Ministria e Shëndetësisë e Mbrojtjes Sociale bëjnë me dije se po priten rezultatet e raportit të Institutit të Shëndetit Publik.

Ndërkaq, ky i fundit në një prononcim për ‘GSH’ thekson se specialistët e këtij institucioni po monitorojnë situatën e së shpejti do të ketë një raport përfundimtar mbi situatën. Ndërkohë që mjekët e pediatrisë në Qendrën Spitalore Universitare “Nënë Tereza” nuk pranojnë të prononcohen mbi numrin e fëmijëve të prekur nga fruthi e vijimësinë e rasteve të sëmura.

Megjithatë konsultoret e lagjeve pas lajmit për epidemi fruthi kanë marrë në telefon nënat e reja dhe i kanë kërkuar të vaksinojnë me urgjencë fëmijët ose në rast të kundërt do e mbanin përgjegjësinë vetë nënat për të vegjëlit e tyre. Kjo është një tjetër situatë kaotike ku nuk ka asnjë shprehje zyrtare nëse ka apo jo epidemi e në rast epidemie vaksinimi është totalisht i palejuar sepse mund të sjellë edhe vdekje të foshnjeve.

Reagimi i familjarëve
Ndërkohë në Pediatrinë Infektive gjejmë të shtruar disa fëmijë, të shoqëruar nga familjarët e tyre. “Djali im është 10 muajsh e ende mjekët nuk na kanë dhënë një përgjigje përfundimtare. Na thanë që mund të ketë fruth, por Instituti i Shëndetit Publik po merret akoma me analizat. Deri atëherë jemi në pritje.

“Ne nuk e kishim vaksinuar fëmijën, se vaksina bëhet mbi 1 vjeç”, – tregon nëna e foshnjës. Ndërkohë një prej familjarëve, i revoltuar hedh akuza drejt mjekëve për marrje parash kundrejt shërbimit.

“Këtu të shikojnë vetëm për të marrë lekë e as duan t’ia dinë. Ka edhe mjekë e infermierë të mirë, por ka edhe mizerje, që s’të prekin me dorë fëmijën po s’iu mbushe xhepin. Mjerë këto foshnja e mjerë e ardhmja e këtij vendi”, – rrëfen një nga familjarët e foshnjës për “Gazeta Shqiptare”. Sipas burimeve konfidenciale, 11 fëmijët e vegjël të prekur nga fruthi janë të pavaksinuar, edhe pse disa prej tyre e kanë kaluar moshën 1 vjeç, çka përkon edhe me moshën kur duhej bërë vaksina.

Por mesa duket, shtyrja apo refuzimi nga ana e prindërve ka bërë që këta fëmijë të preken nga fruthi. Në një prej dhomave të Pediatrisë Infektive të QSUT-së gjendet një tjetër vogëlush me fruth, edhe ky i paizoluar në karantinë.

“Fëmija im është me fruth, por nuk mund të flas, se jam edhe vetë e sëmurë me grip”, -thotë nëna e re për ‘GSH’. Deri më tani mendohet se ka qenë një fëmijë i paraqitur për vizitë mjekësorë në urgjencën e pediatrisë i prekur nga ky virus, çka ka infektuar edhe fëmijët e tjerë që kanë qenë prezent atë ditë.

Edhe pse prej më shumë se 30 vitesh, kjo sëmundje konsiderohej e zhdukur, fruthi është rishfaqur sërish në Shqipëri. Faktori kryesor për mosvaksinimin e fëmijëve u bë “alarmi” i shkaktuar dy vite më parë në disa portale të huaja, ku shkruhej se vaksina kundër fruthit mund të shkaktojë autizmëm tek vogëlushët 1- vjeçarë.

Fëmijët e shtruar nga fruthi, prindërit: Shërbim mizerje në QSUT, na kërkojnë lekë Read More »

Jepet alarmi: Të fillojë urgjentisht vaksinimi i popullatës nga gripi

Leave a Comment / Aktualitet, Shendetesi / /

Prof. Dr. Edmond Panariti, ish-ministër i Bujqësisë dhe Ushqimit, kërkon që të fillojë urgjentisht, vaksinimi nga gripi i popullatës me rrezik të lartë. Sipas Panaritit, nëse vajza 7-vjeçare nga Durrësi do të ishte vaksinuar, ajo sot do të ishte në jetë.

“Nëse do të ishte vaksinuar ndaj gripit stinor, vajza shtatëvjeçare nga Durrësi do të jetonte. Këtë e thotë revista prestigjoze mjekësore “Pediatrics” nga e cila po citoj vetëm nje paragraf :”Vaksinimi ul në mënyrë të ndjeshme rrezikun e vdekjes nga gripi te fëmijët”.

Urgjentisht të fillojë vaksinimi i grupeve të popullatës me rrezik të lartë, ku përfshihen fëmijët e sistemit parashkollor dhe nëntëvjeçar, gratë shtatzëna, të moshuarit mbi 65 vjeç.

Duhet vepruar tani, menjëherë. me vaksinim falas për këto kategori të popullatës! Ndodhemi në fillim të ciklit të parë të gripit dhe kemi ende dy muaj e gjysmë deri në fund të periudhës së epidemisë.

Mund të parandalojmë dëme të pallogaritshme shëndetësore. Jemi ende në kohë! Duke perllogaritur si nevoja emergjente rreth 200 mijë doza, kosto e vaksinave është rreth 1,5 milionë euro. Duhet vepruar tani!”

Jepet alarmi: Të fillojë urgjentisht vaksinimi i popullatës nga gripi Read More »

Pas reklamës raciste, mbyllen dyqanet H&M në Afrikë

Leave a Comment / Kuriozitete / /

Dyqanet e H & M në Afrikën e Jugut janë mbyllur përkohësisht pas trazirave të shkaktuara nga veshja raciste e “majmunit” më cool në xhungël.
Protestuesit e shumtë vërshuan dyqanet gjatë fundjavës, saqë policia u detyrua të përdorë plumba gome për të pastruar turmën e krijuar në njërin nga dyqanet e kompanisë H&M gjatë ditës së shtune.

Në Johanesburg, protestuesit bojkotuan dyqanet H & M, duke dukë tërhequr zvarrë trupat reklamues, transmeton Indeksonline.
Pas protestave në degë të ndryshme të H & M në të gjithë vendin, kompania vendosi të mbyllë përkohësisht të gjitha dyqanet në mënyrë që të ruajë stafin dhe blerësit të sigurt.

“Ajo që ka rëndësi më së shumti për ne është siguria e punonjësve dhe klientëve tanë”, tha një deklaratë nga H & M Afrika e Jugut.

“Ne kemi mbyllur përkohësisht dyqanet tona në Afrikën e Jugut. Asnjë nga stafi apo klientët tanë nuk është lënduar. Ne vazhdojmë të monitorojmë situatën nga afër dhe do të hapim dyqanet sa më shpejt që situata të jetë e sigurt përsëri. ”

“Shfaqjet e dhunës në dyqanet H & M në të gjithë vendin janë krejtësisht të papranueshme dhe dhuna nuk është mënyrë për të luftuar racizmin, por vetëm për ta komponuar atë”, thonë zëdhënësit e kompanisë.

Kampanjën raciste e kanë dënuar artistë të shumtë në mbarë botën

Pas reklamës raciste, mbyllen dyqanet H&M në Afrikë Read More »

Boronicat kunder tensionit dhe diabetit

Leave a Comment / Shendetesi / /

Në Shqipëri boronicat rriten të egra gjerësisht në trevat veriore të vendit. Boronicat e Tropojës, Kukësit dhe Pukës janë një nga mrekullitë më mirëbërëse të natyrës.

Boronicat janë të ëmbla, ushqyese dhe shumë të shëndetshme. Këto fruta kaq të vogla i bëjnë kaq mirë trupit dhe mendjes sonë. Boronica ndihmon trurin dhe zemrën, mbron sytë dhe lëkurën.

Antioksidantët që gjenden te boronicat, sidomos ato që rriten të egra në tokat shqiptare, janë aq të forta sa janë të afta për të neutralizuar radikalet e lira që lidhen me zhvillimin e disa sëmundjeve kardiovaskolare apo tumorale.

Janë mbreti i ushqimeve antioksidante

Ato kanë kapacitetin më të lartë antioksidant ndër të gjitha frutat dhe perimet që konsumojmë zakonisht.

Ulin dëmtimin e qelizave

Kjo ndihmon shumë në mbrojtjen kundër plakjes dhe ndaj tumoreve. Dëmtimi i qelizave është pjesë e jetës së përditshme. Madje kjo ndodh dhjetra mijëra herë në ditë, në çdo qelizë të trupit.

Dëmtimi i qelizave është pjesë e arsyes që ne plakemi më herët apo më vonë dhe ky dëmtim luan një rol të rëndësishëm në zhvillimin e sëmundjeve tumorale.

Ulin tensionin e gjakut

Në një studim Universitetit Mjekësor të Cleveland, SHBA, individë me rrezik të lartë për sëmundje të zemrës vërejtën një ulje 4-6% të tensionit të lartë, pas konsumimit të 50 gramë boronica në ditë, për tetë javë.

Ndihmojnë në funksionimin e trurit dhe në përmirësimin e kujtesës

Antioksidantët përbërës të boronicave duket se kanë ndikime pozitive në funksionimin e trurit. Ato vonojnë rënien e funksioneve të tij të lidhura me moshën.

Një studim që zgjati gjashtë vjet, ku morën pjesë 16,010 të moshuar vërtetoi se boronicat dhe luleshtrydhet vonuan plakjen me deri 2.5 vjet.

Kanë efekt anti-diabetik

Boronicat kanë shumë më pak sheqer krahasuar me frutat e tjera. Një kupë përmban vetëm 15 gramë sheqer natyral, aq sa një mollë e vogël apo një portokall.

Fakti që ato janë të shijshme, me ngjyrë të bukur dhe mund të shijohen si të freskëta edhe të ngrira, i bën ato edhe më të mira.

Boronicat kunder tensionit dhe diabetit Read More »

Kurat natyrale kunder marramendjes

Leave a Comment / Kulinari, Shendetesi / /

Marramendja, ndjesia e humbjes së kontrollit dhe orientimit ka efekt ngurtësues për lëvizshmërinë e njeriut.

Marramendja mund të trajtohet nëpërmjet medikamenteve të ndryshme, por në disa raste, trajtimet natyrale funksionojnë më mirë dhe nuk shoqërohen me efekte anësore.

Marramendja ose momenti kur ‘të vjen mendja vërdallë’ shkaktohet kur truri percepton që trupi nuk është në ekuilibër.

Në këto raste, njeriu duhet të ulet menjëherë që të shmangë rrezime ose lëndime të rrezikshme.

Marramendja është shpesh tregues i një problemi të fshehur mjekësor ose disa prej tyre.

Ndonjëherë, marramendja ndodh rrallë ose vetëm një herë, por ka raste kur kjo simptomë përsëritet deri në diagnostikimin e një sëmundjeje.

Simptomat e marramendjes mund të zgjasin disa minuta apo disa herë.

Çfarë përfshijnë simptomat 

Të përzierat

Të vjellat

Lëvizje jo normale të syve

Dhimbje koke

Djersitje

Zhurmë në vesh

Humbje të dëgjimit

Probleme me orientimin

Dobësi të gjymtyrëve.

Çfarë e Shkakton Marramendjen

Marramendja mund të shkaktohet edhe nga problemet me veshin e mesit.

Disa prej shkaktarëve të tjerë të marramendjes janë:

Virozat që shkaktojnë inflamacion të veshit

Lëndimet në qafë ose në kokë

Ishemia

Inflamacion të nervave të trurit

Trajtimet e Marramendjes

Në shumicën e kohës, marramendja shërohet pa patur nevojë për trajtim, sepse truri është i aftë të kompensojë në ndryshimet që shkaktohen tek veshi i mesit për të rikthyer ekuilibrat.

Steroidet mund të zbusin inflamacionin e veshit të mesit

Kurat Natyrale Kundër Marramendjes

Një nga mënyrat më të mira natyrale për të trajtuar marramendjen është metoda e Eplit.

Kjo metodë përmban disa hapa që duhen kryer çdo natë deri sa simptomat të largohen.

Nëse marramendja e ka zanafillën në anën e majtë dhe në veshin e majtë atëherë duhet të ndiqni me përpikmëri hapat e mëposhtme:

Uluni në cep të krevatit dhe kthejeni kokën 45 gradë majtas.

Shtrihuni shpejt në krevat dhe mbajeni kokën lart në një kënd prej 45 gradë.

Qëndroni në këtë pozicion për 30 minuta.

Më pas kthejeni kokën 90 gradë në të djathtë por mos e ngrini.

Qëndroni ashtu për 30 sekonda.

Më pas kthejeni plotësisht kokën dhe trupin djathtas me shikimin poshtë për 30 sekonda.

Ngrihuni ngadalë por qëndroni ulur për disa minuta.

Nëse marramendja e ka zanafillën në anën e djathtë të kokës, atëherë këto hapa duhen ndjekur nga ana e kundërt.

Çaji me xhenxhefil

Studimet shkencore kanë treguar se xhenxhefili mund të përmirësojë efektet e marramendjes shumë më mirë se çdo metodë tjetër.

Ziejeni xhenxhefilin për 5 minuta. Shtoni mjaltë dhe pijeni dy herë në ditë kundër marramendjes.

Bajamet

Bajamet janë një burim i pasur i vitaminës A, B, dhe E. Nëse hani një grusht me bajame çdo ditë do të prekeni më pak nga marramendja.

Hidratimi

Dehidratimi është një nga shkaktar i fortë i marramendjes.

Trupi ka nevojë 8-12 gota me lëngje në ditë. Uji është alternativa më e mirë sepse nuk përmban kalori dhe kafeinë.

Uthulla me mjaltë 

Të dyja kanë ndikim kurues për qarkullimin e gjakut në tru.

Kombinoni dy racione me mjaltë me një racion me uthull dhe konsumojeni për të parandaluar simptomat.

Vajrat esencialë

Vajrat esencialë të nenexhikut, xhenxhefilit, lavandës dhe limonit janë të rekomandueshëm për menaxhimin e simptomave të marramendjes.

Ato mund t’i nuhasni ose t’i aplikoni në lëkurë.

Kur Duhet Të Konsultoheni Me Mjekun

Nëse marramendja përsëritet rregullisht, atëherë duhet të konsultoheni me një mjek.

Për shumë njerëz, marramendja është e padëmshme, por shkaktarët e saj duhen identifikuar patjetër.

Kurat natyrale kunder marramendjes Read More »

Per mengjes te shendeteshme:Kosi,gjiza dhe hirra

Leave a Comment / Kulinari / /

Një studim i kohëve të fundit ka arritur në konkluzionin se produktet e bylmetit siç janë djathi, kosi, qumështi e në veçanti hirra, janë të mira për një trup në formë.

Këto produkte përmbajnë një proteinë shumë të rëndësishme për mbajtjen e trupit në formë.

Kjo proteinë është e dobishme edhe për mbajtjen e sheqerit në gjak në nivele të qëndrueshme dhe për menaxhimin e diabetit.

Sipas ekspertëve, të nisësh ditën me proteinën e hirrës, është shumë e mirë për shëndetin se sa të hani një mëngjes të pasur me karbohidrate.

Këtë proteinë mund ta blini edhe në formë pluhuri.

Strategjia më e mirë për të pasur një trup në formë është që të hani një mëngjes me shumë proteina dhe kalori, një drekë mesatare dhe një darkë të vogël.

Por një mëngjes i mirë varet nga cilësia e proteinës dhe burimi i saj.

Proteina e hirrës në formë pluhuri arrin të të ngopë më shpejt dhe më gjatë se ushqimet e tjera me proteinë siç janë veza, soja apo peshku ton që rrisin nivelet e sheqerit në gjak.

Të dhënat e studimit 23 mujor, treguan se njerëzit që hanë proteinën e produkteve të bylmetit në mëngjes ndihen më të ngopur gjatë ditës.

Për më tepër ata nuk preken nga sulmet e shpeshta të urisë.

Kjo proteinë që gjendet me shumicë tek hirra, nënshtron dhe mposht hormonin e urisë.

Kosi, Gjiza dhe Hirra Për Mëngjes 

Produktet e bylmetit dhe sidomos kosi janë shumë të rekomandueshme për tu konsumuar në mëngjes.

Kosi është i pasur me kalçium, probiotikë  dhe shumë proteina.

Gjiza është një tjetër produkt bylmeti i pasur me vlera që duhet konsumuar në mëngjes.

Ajo përmban shumë proteina që përshpejtojnë metabolizmin dhe zbusin hormonin e urisë.

Hirra nga ana tjetër është gjithashtu e rekomandueshme për një ushqyerje të shëndetshme me proteina.

Hirra përman 16 lloje proteinash, tetë minerale, vitamina krysisht ato të grupit B dhe aminoacide.

Ajo është e pasur edhe me enzima dhe shumë elemente të tjera të shëndetshme.

Kjo përmbajtje e ka bërë hirrën të krahasueshme me qumështin e gjirit.

Hirra ndihmon edhe në periudhën e prekjes së femrave nga problemet e kockave dhe osteoporoza pasi furnizon kockat me ushqim.

Përgatitja në shtëpi

Zieni një litër qumësht, e kur të jetë në vlim e sipër hidhini një pikë limon që të pritet.

Lëreni të ftohet dhe ndani veç lëngun e tejdukshëm që ngjitet sipër, pra hirrën.

Hidheni në një shishe qelqi e konsumojeni fillimisht nga një gotë në ditë.

Pjesa që mbetet si salcë vlen po aq sa lëngu.

Një lugë e saj po të tretet në ujë dhe të konsumohet jep të njëjtin efekt pozitiv në organizëm.

Per mengjes te shendeteshme:Kosi,gjiza dhe hirra Read More »

Mos e ndaloni tështimën, mund të shkaktojë probleme serioze në qafë

Leave a Comment / Shendetesi / /

Nëse jeni gati të tështini, mjekët sugjerojnë që të mos e mbani, edhe nëse jeni në vend të qetë.

Një 34-vjecar nga Britania e mësoi këtë gjë gjatë qëndrimit të tij në spital si pasojë e plagosjes.

Sipas një raporti të postuar në revistë, ai mbajti gojën e mbyllur gjatë një tështije të fortë, gjë e cila i dha një ndjesi të zbehtë në qafë.

Fillimisht nuk vuri re asnjë problem, por pas dy orësh ndjeu dhimbje në fyt e në qafë. Ai tha se gjithmonë po përpiqej të mbante tështimën e tij sepse mendon që është e papërshtatshme ta bësh në atmosferë apo para dikujt.

Raporti i bërë nga Dr.Ëanding Yang tregon se këto 30 vite të fundit që ka mbajtur tështimën, i kanë ndikuar në kanalet e veshit, hundës dhe fytit.

Pas disa analizave, mjekët vunë re enjtje në qafë kur po shqyrtonin indet dhe dëgjuan kërcitje. Ata thanë se kishte flluska ajri, të cilat hynin thellë në indin e tij. Kështu, në përpjekje për të mbajtur tështimën, shkaktoi probleme në fyt.

Sipas CNN, mjekët shtuan se vrima në fyt ishte aq e vogël sa nuk kishte nevojë për operacion.

Mos e ndaloni tështimën, mund të shkaktojë probleme serioze në qafë Read More »

Mikro kompjuter të gëlltitshëm që tregojnë si të ushqehemi

Leave a Comment / Aktualitet, Kuriozitete / /

Nëndetëse të vogla të gëlltitshme, të pajisur me kompjuter të vegjël, sensorë temperature, transmetues dhe bateri që në të ardhmen mund të tregojnë nëse një dietë është e duhur, të kontrollojnë tretjen dhe shëndetin e zorrëve, sipas studiuesve të “Royal Melbourne Institute of Technology” (RMIT) të Universitetit australian të Melburnit.

Këta kompjuter të vegjël mund të “nuhasin” molekulat e gazit në aparatin tretës, duke marrë informacione të çmuara mbi shëndetin e tij. Rezultatet e para të këtij udhëtimi fantastik në trupin e njeriut, të eksperimentuar në shtatë vullnetarë të shëndetshëm, janë publikuar në revistën “Nature Electronics”.

Sipas shkencëtarëve të RMIT, të koordinuar nga Kourosh Kalantar zadeh, këto nëdetëse mikroskopike mund të jenë një alternativë e vlefshme për teknika diagnostikuese më të plota.

Madje, të dhënat e para të mbledhura nga këto sensorë, që dërgoheshin në këhë reale në tabletë deh smartfon, kanë zbuluar një mekanizëm të ri të mbrojtjes imunitare në aparatin tretës të njeriut.

“Të dhënat tregojnë se stoamku prodhon substanca oksiduese për të luftuar trupa të huaj. Bëhet fjalë për një mekanizëm special të mbrojtjes së stomakut që mund të konsiderohet një mekanizëm i ri imunitar që deri tani nuk ishte vërejtur. Këto informacione mund të na ndihmojnë që të kuptojmë më mirë sëmundjet e stomakut si disa forma të kancerit”, shpjegon Kourosh Kalantar Zadeh.

Mikro kompjuter të gëlltitshëm që tregojnë si të ushqehemi Read More »