Një 14 vjeçar iu nënshtrua një operacioni për të hequr masen tumorale rreth 10 kg nga fytyra e tij.
Emanuel Zayas, bëri operacionin 2 javë më parë ku me sukses e hoqi tumorin por megjithatë nuk arriti të mbijetonte dhe vdiq të premten në një spital në Miami për shkak të komplikimeve.
“Mesa duket stresi psikologjik i kirurgjisë ishte shumë i madh për tu kapërcyer,”-tha kirurgu kryesor Robert Marx.
Djali nga Kuvba lindi me displasi fibrous polyostotic, një gjendje që zëvendëson indin me kocka duke shkaktuar deformime të këmbëve, krahëve dhe kafkës.
Gjendja e tij ishte shkaktuar nga një deformim gjenetik dhe nuk dihet se çfarë e shkakton këtë anomali.
Përveç tumorit, ç’rregullimi i tij gjithashtu shkaktoi fraktura dhe deformim në krahun dhe këmbën e tij, gjë që e bëri të pamundur që 14-vjeçari të ecte.
Tumori kishte qenë në rritje që kur ishte 11 vjeç, kur ai mendonte se ishte vetëm një puçërr në hundë, por që në të vërtetë ishte kocka e kafkës duke u rritur nga nofka e sipërme.
Megjithëse tumori ishte jo kanceroz, ishte kërcënues për jetën, sepse nëse vazhdonte të rritej, madhësia do ta mbyste atë dhe pesha do ti thyente qafën.
Deputetja e PD Grida Duma, gjatë një diskutimi në emisionin Top Show ka komentuar ligjëruesit publik të cilët nuk kanë zërin e duhur për të folur para një audience të caktuar.
Së fundmi po bën xhiro në rrjetet sociale fjala e saj ku thotë se nuk mund të imagjinohet që një mashkull i gjatë dhe i mbushur të ketë zërin e hollë.
Ajo thotë se kjo është e tmerrshme. Sipas saj vokali është i rëndësishëm dhe s’mund të bëhesh nëse s’ke zë.
Ndërkohë përballë saj qëndronte mendueshëm deputeti Ervin Salianji i cili e dëgjonte me vëmendje.
Titujt sensacionalë, përshkrimi i detajuar i krimit, fotot e viktimës a vendit të ngjarjes, përdorimi i formës jo-veprore, epitetet e metaforat e ekzagjeruara (Krim për pasion apo i paralajmëruar) njihen si mënyra që padashur, fajësojnë viktimën. Dhe më e keqja, japin mesazh të gabuar tek vrasësit e tjerë që janë në radhë.
Sigurisht që për klikimet tuaja vetëm lajmi i kobshëm është lajm, ama në keni edhe pak humanizëm e ndjesi të lartë profesionale, ju lutem shkruani për fenomenin: Pse vriten vajzat? Gratë? Çfarë e bën kaq banale lehtësinë e marrjes së një jete?
Nuk duhen fotot e vjedhura pa leje duke përdhosur viktimën e gjorë. As intervista kalimtarësh. Ju lutem shpjegojeni fenomenin përmes njerëzve që marrin vesh: psikologët, punonjësit socialë, ekspertët e ligjit që njohin sjelljet e të lëkundurve mendërisht.
Kini respekt për viktimën! Tregoni humanizëm! E mbi të gjitha, profesionalë. Ndihmojini viktimat e radhës. Mos i vrisni ato me mënyrën e padrejtë të (jo)gazetarisë sensacionale!
Autoriteti Kombëtar i Ushqimit, në vazhdim të masave për disiplinimin e tregtimit të mishit, bllokoi të shtunen sasi të konsiderueshme mishi dhe penalizoi disa subjekte.
Gjatë të shtunës, AKU zbuloi se, brenda një furgoni mallarash me targa KO 3012 B dhe që drejtohej nga Kristo Mukades, transporohej mish për konsum njerezor, në kushte të tmerrshme. Siç e shikoni edhe në foto, brenda në furgon ishin 65 kg mish. Vetë drejtuesi i mjetit ka pranuar se e kishte për ta shitur, ndërkohë që AKU konfiskoi mjetin, sekustroi mishin dhe gjobiti me 300.000 mije lek subjektin.
Po kështu, gjatë inspektimit të një restoranti në Tiranë, gjeti dhe sekuestroi 21 kg mishi keci pa vulë dhe certifikaten veterinare.
Ndaj subjektit u vendos masa e gjobes 200.000 lek dhe u sekuestrua mishi. Po të shtunen, inspektoret e AKU, në një dyqan tregtimi mishi në Paskuqan, me adminiatrator Artis Lala, konstatuan 198 kg mish pa certifikatën veterinare dhe pa vulë. Për këtë arsye, AKU gjobiti subjektin me 300000 lek, si dhe konfiskoi mishin, një frigorifer dhe veglat e punës. AKU, për çdo rast, pati dhe mbështetjen e policisë, ndërsa aksiome me bllokime e sekuestrime ka pasur dhe në Fier, Vlorë e Gjirokastër.
Kur doli herën e fundit në media, nga selia e LSI, Monika Kryemadhi, u shfaq krejt ndryshe nga herët e tjera, me një “look” të kuruar deri në detaj.
Por cili është “sekreti” i transformimit të Kryemadhit? Doktoreshë Silva zbuloi se kujdeset për gjithë familjen e Presidentit Meta, është mikeshë e vjetër e kryeministrit Rama, ish studente e doktor, Berishës dhe mjekja që prej vitesh ndjek edhe shëndetin e Majlinda Bregut.
“Monika, për vetë pozicionin social, jeton një jetë me probleme, jo indiferente ndaj stresit psikologjik dhe fizik. Kjo sjell shpesh një tendencë të një jete jo të shëndetshme. Kjo në fakt vlen për të gjithë pacientët e mi që ndjek në Shqipëri”, thotë për newsbomb.al, doktoreshë Silva.
Ndonëse shume heremetike dhe e kujdesshme për mos të zbuluar më shumë nga çduhet për pacientët e saj, ne kemi mundur t’i marrim një intervistë ekskluizivisht për newsbomb.al doktoreshë Silva Ruli Shametaj, e cila ka 23 vite mjeke më Republikën e San Marinos, është specialiste në sëmundjet e brendshme e specialiste në kurat antirrudhë. Doktoreshë Silva ka qenë për 20 vjet drejtore e Departamentit Shtetëror të Specialiteteve në spital, 7 vjet drejtore e emodializës dhe e ambulatorit të ipertensionit arterios. Aktulisht, ajo është shefe në Pneumologjinë geriatrike. Ndonëse jeton në Itali, ia ka dalë të ndjekë nga afër pacientët e saj në Shqipëri duke ardhur këtu, së paku çdo tre javë, siç rrëfen vetë doktoresha.
INTERVISTA EKSKLUZIVE PËR NEWSBOMB.AL
Doktoreshë Silva, ju kujdeseni për shëndetin e kryetares së LSI, Monika Kryemadhi… Si ia keni dalë ta transformoni kaq pozitivisht?
Kuroj familjen e Presidentit e shumë pacientë të tjerë përmes vështrimit global 360 gradë , përmes monitorimit të gjendjes shëndetësore, parametrave klinikë, nutrizonale dhe specifike laboratorike. Është ky kyçi i një jete të shëndetshme.
Korrigjimi i defiçiteve në parametra, dieta e balancuar e raporteve të proteinave, karbohidrateve e fibrave si dhe integrimi dhe ologoelement e macrobiotik është një element fondamental.
Gjithashtu dhe integrimi me substanca antioksidantë në raporte të kontrolluara mejësor si kurkuma, vitamina E, C, seleniumi, si me rrugë ushqimore ashtu edhe me infusione endovenoze të cilat reduktojnë stresin organik dhe ndikojnë në jetëgjatësinë e rigjenerimin qelizor. Dieta e kontrolluar, kontrolli i aktivitetit fizik dhe monitorimi frekuent klinik jep rezultatet që janë mëse të dukshme.
Pra ju sapo zbuluat se nuk kujdeseni për zonjën Kryemadhi por për të gjithë familjen Metaj…
Po, dhe jo vetëm…
Në daljen e fundit për media, konkretisht, pasditen e djeshme zonja Kryemadhi u shfaq me shumë kile më pak. Na thoni diçka më specifike! Çfarë keni bërë për ta sjellë kaq në formë? Cila është dieta?
Nuk ka asnjë formulë ideale në mjekësinë serioze. Ka pacientë me parametra e karakteristika individuale që kërkojnë trajtime individuale. Dietë normokalorike, e balancuar dhe e integruar. Një nga elementët kryesorë, jo vetëm me zonjën Kryemadhi është raporti i besimit mes mjekut dhe pacientit. Besimi dhe bashkëpunimi.
Çfarë keni hasur në shëndetin e zonjës Kryemadhi? Çfarë ka specifike në te e që ju po tregoni më shumë kujdes?
Monika, për vetë pozicionin social, jeton një jetë me probleme, jo indiferente ndaj stresit psikologjik dhe fizik. Kjo sjell shpesh një tendencë të një jete jo të shëndetshme. Kjo në fakt vlen për të gjithë pacientët e mi që ndjek në Shqipëri.
Korrigjimi i parametrave të glicemisë, ipertensionit, profilit lipidik, profilit vitaminike dhe emantologjik, ndihmon në riekuilibrimin dhe evitimin e proceseve të rrezikshme kardiovaskulare.
Si dakordoheni bashkë? Sa shpesh e takoni familjen Meta? Si e ndiqni rastin e tyre aq kohë sa jetoni mes Italisë e Shqipërisë?
Unë jam në Tiranë çdo tre javë thuajse pasi ndjek shumë pacientë në Shqipëri prej shumë vitesh.
Për t’u rikthyer te zonja Kryemadhi… A është një paciente e vështirë kryetarja?
Monika hyn te pacientet që plotësojnë çdo rregull të vënë nga unë me fanatizëm.
Dhe cilat janë disa nga rregullat që i keni vendosur?
Nuk ka lista të fshehta. Ka pacientë besnikë dhe të rregullt, dhe mjek specialistë e skrupuloz.
Ju kujdeseni dhe për shëndetin e zonjës Majlinda Bregu, e cila gjithashtu shfaqet shumë në formë. Kush është paciente më “rebele” apo e vështirë, Majlinda apo Monika?
Vështirësia kur kanë besim nuk ekziston më. I vetmi ndryshim është që secila ka karakteristikat fisnike, karakteriale e mjekësore të ndryshme.
Dhe impenjimi im është i ndryshëm në varësi të asaj që dua të arrij, të kuroj apo përmirësoj.
A janë të shëndetshme dy zonjat e politikës?
Janë të kontrolluara e monitoruara siç mendoj që duhet të jenë individët mbi 40 vjeç. Të parandalosh është më mirë se sa të kurosh. Por është koncept i vështirë në Shqipëri, ky.
Si keni rënë në kontakt me personazhet e njohur, shkuat ju tek ata apo anasjelltas?
Unë jetoj e punoj në Itali dhe kam studiuar këtu për 28 vjet por jam vajzë Tirane dhe vij nga një familje mjekësh. Vajzë e një kirurgu, doceti universitar. Ne tiranasit, edhe pse të ikur mbetemi miq. Natyrisht që më kanë kontaktuar. Jam brez e mikeshë familje e kryeministrit, ish-studente e doktorit, e komshije me Monikën e Majlindën. Kjo është Tirana…
Deputetet e PS, Majlinda Bregu, Mesila Doda dhe Arta Dade, gjate nje seance parlamentare, ku eshte diskutuar marreveshja me BE per procedurat e sigurise per shkembimin dhe mbrojtjen e informacionit te klasifikuar. /r/n/r/nLawmakers, Majlinda Bregu, Mesila Doda and Arta Dade, during a parliamentary session.
Nga bisedat e vogla te ato më seriozitet njerëzit e duan komunikimin. Disa më shumë disa më pak, e rëndësishme është që të gjithë flasim.
Gjithashtu ka edhe prej atyre njerëzve të cilët nuk dinë të pushojnë, dhe i përkasin këtyre 3 shenjave të horoskopit:
Binjakët – Si mund të pushoj së foluri një shenjë e udhëhequr nga Mërkuri? Planeti i mendimit u jep atyre edhe një aftësi të madhe për ta shprehur gjithmonë atë që mendojnë, dhe për hir të së vërtetës Binjakët mendojnë shumë. Në çdo tavolinë ata janë personat që flasin më shumë, dhe ju mund ta dalloni lehtësisht një Binjak në bisedë e sipër.
Dashi – Impulsiv dhe elokuentë, të lindurit në shenjën e Dashit do thonë çfarë ju vjen në mendje. Ata thjesht nuk i mbajnë dot gjërat përbrenda dhe kjo reflektohet më së miri në një bisedë. Prisni debate të forta dhe të gjata me ta sepse e kanë pasion.
Shigjetari – Janë të sinqertë dhe entuziastë. Në bisedë kërkojnë protagonizëm dhe janë plotë me humor. Mos prisni kurrë një Shigjetar të heshtur, dhe vetëm mendoni të jeni një Akrep nën shoqërinë e këtyre 3 shenjave.
Fiks Fare ka denoncuar mbrëmjen e së hënës sesi një mjek i Qendrës Shëndetësore në Orikum, gjatë orarit zyrtar të punës, rri në lokal, duke mbajtur pranë edhe ambulancën.
Për mjekun Enrik Haxhiraj u ankuan në Fiks Fare disa qytetarë, të cilët shpjegonin që ai rri në lokal gjatë orarit zyrtar të punës, duke lozur tavëll dhe nuk shërben për pacientët, duke i lënë të presin pas dere. Madje, qytetarët thanë se ka raste që ai lëshon recetat nga lokali.
Pas këtyre ankesave, gazetarët e Fiks Fare shkuan në Orikum për të verifikuar rastin. Fiks Fare e vëzhgoi për dy ditë mjekun Haxhiraj, ku ditën e parë shkoi në qendrën shëndetësore, ku gjeti mjekun që po dilte. Ai u mbajt në ruajtje gjatë gjithë ditës, por qëndroi në një kafe, duke mos u kthyer më në punë.
Edhe në ditën e dytë, mjeku doli që paradite, madje, këtë e konfirmojnë edhe disa qytetarë. Për këtë arsye, gazetarët e Fiksit e kërkuan mjekun dhe e gjetën teksa rrinte me persona të tjerë në lokal. Fillimisht, ai shkon te një gomisteri gjatë orarit të punës, më pas shkon në një lokal, ku ka me vete edhe shoferin e ambulancën.
Më pas, ai shkon një tavernë (piceri), ndërsa gazetarët e Fiks Fare shkojnë dhe e kërkojnë në qendrën shëndetësore.
Pasi njoftohet nga kolegët, mjeku shkon në qendrën shëndetësore, duke u justifikuar se ishte në një vizitë në familje, por nga pamjet e realizuara nga Fiks Fare rezulton që ai del nga taverna, shkon në makinën e tij, merr çantën e tij dhe më pas hip në ambulancë, duke u shtirur sikur kishte qenë për vizitë.
Mjeku Enrik Haxhiraj pretendon për Fiksin se ka qenë në vizitë në familje. Ai thotë se shkon në kafe rreth 20 minuta në ditë, ose për të ngrënë. I pyetur se ku ishte para se të vinte, ai gënjen duke thënë se ishte te një pacient.
Më pas, ai pranon se luan ndonjëherë tavëll, por kur është në gatishmëri, nuk është e thënë se ai duhet të qëndrojë në qendër shëndetësore, por loz me shokët, tavëll, bilardo dhe po i ra telefoni paraqitet në punë.
Sa i përket recetave, ai thotë se lëshon receta të parimbursueshme jashtë spitalit, por kryesisht për pacientë që nuk lëvizin dot dhe i viziton në shtëpi.
Drejtoresha e qendrës shëndetësore, Gjinovefa Hasko, thotë se ditën që gazetarët e Fiksit shkuan aty, nuk e ka vënë re këtë mungesë, por në ndonjë rast mund të ketë qenë pak tolerante me oraret, kur ai ka dalë të pijë ndonjë kafe.
Po ashtu, ajo deklaron se është e kundërligjshme të jepen receta në lokal dhe që ndonjëherë është toleruar mjeku për zgjatjen e orareve të kafesë, por që gjatë orarit zyrtar të punës duhet të respektohet nga çdo mjek.
Ajo thotë se aty janë vetëm tre mjekë pensionistë dhe i riu Haxhiraj.
Çaji është një pije e shijshme dhe e pazëvëndësueshme, sidomos në këtë mot të ftohtë virozash.
Çaji përdoret jo vetëm për të luftuar gripin, por edhe për të humbur në peshë apo për të qetësuar muskujt
Përveç cajit të malit apo çajit jeshil që mund të përgatiten vetë në shtëpi dhe ofrojnë shumë vlera shëndetsore, ka çajra të tjerë që përcjellin shije dhe shëndet të mirë.
Një prej tyre është çaji me mollë dhe kanellë, një pije e shijshme dhe ndjellëse në aromë.
Receta e mëposhtme mund të përgatitet në 15 minuta.
Çaji me mollë dhe kanellë i bërë në shtëpi, është një variant më cilësor dhe më i shëndetshëm në krahasim me alternativat që ofrohen nëpër restorante ose bare.
Ndonëse receta e mëposhtme kërkon feta të thata molle, ju mund të përdorni edhe mollë të freskëta.
Përbërësit
300 gramë feta të thara molle ose të freskëta
2 shkopinj kanelle
4 fara karafili
1 litër ujë
Mjaltë ose sheqer
Udhëzimet
Vendosini fetët e mollës, kanellën, karafilin dhe ujin në një tenxhere.
Lërini të marrin një valë dhe më pas uleni temperaturën dhe ziejini së bashku për 15 minuta.
Gjatë këtyre minutave, shtëpia juaj do të marrë një aromë të këndshme, të ëmbël dhe ndjellëse.
Pas 15 minutave, hiqeni enën nga zjarri.
Lëngun kullojeni me një kullesë dhe në të shtoni mjaltë.
Servireni në gota dhe shoqërojeni me një copë kek ose pijeni veçmas.
Vlerat e Çajit Me Mollë dhe Kanellë
Çaji me mollë dhe kanellë është i rekomandueshëm gjatë stinës së ftohtë dhe jo vetëm.
Ai ka aftësi të stabilizojë nivelin e sheqerit në gjak dhe kolesterolin.
Mollët në veçanti ndihmojnë në transportimin e oksigjenit në të gjithë organizmit sepse përmbajnë shumë vitaminë B-6.
Kanella shumëfishon rolin e kësaj vitamine nëpërmjet antioksidantëve dhe ndihmon në ushqimin qelizor.
Mollët dhe kanella përmbajnë fibër dietike e cila parandalon konstipacionin dhe mbrojnë kundër kancerit të zorrës së trashë.
Nëpërmjet përmirësimit të lëvizjes së zorrëve, sistemi tretës është më pak i ekspozuar ndaj toksinave.
Çaji me mollë dhe kanellë rekomandohet edhe për ata që kryejnë aktivitet të ngjeshur fizik.
Pirja e rregullt e këtij çaji ushqen muskujt dhe largon dhimbjet si pasojë e sforcimit fizik.
