Pas vizitës së ambasadores së BE-së Romana Vlahutin dhe ministres së Drejtësisë, Etilda Gjonaj në Vlorë, sot ka nisur punën ”Task-Forca” për pronat, e cila po bën verifikimit në terren në të gjithë qarkun.
Vlahutin, bëri me dije misionin e ndërmarrë për të zgjidhur problemet e thella që kanë shqiptarët me pronën private.
“E nisëm nga Vlora takimin për pronat për shkak të problematikës që pikërisht Vlora mbart. Ky udhëtim është fakt mbledhës, ndërsa në fokus janë dëgjesat me qytetarët. Prona privat është një e drejtë themelore dhe si e tillë është e panegociueshme për BE-në, ndërsa gjatë 27 viteve është krijuar një kaos me pronat teksa pronarë të trojeve 300-vjeçare ende nuk mund të regjistrojnë dot pronat e tyre. Njerëzit kanë pritur gjatë ndaj ka ardhur koha që ky problem të gjejë zgjidhje”,-ka deklaruar ndër të tjera ambasadorja e BE-së Romana.
Edhe ministrja Gjonaj ka paralajmëruar një reformë të thellë të pronës, që Qeveria do të kryejë.
Sipas saj Reforma ka nisur me pezullimin e përkohshëm te lëshimit dhe regjistrimit të AMTP-ve në zonën e bregdetit, kjo për shkak të abuzimeve dhe të korrupsionit të jashtëzakonshëm të identifikuar në këto zona.
Evis Preka ishte e vetmja e mbijetuar e aksidentit tragjik në Velipojë, ku bashkëshorti i saj dhe tre fëmijët Noemi, Ajseli dhe Rajan i vogël humbën jetën.
Pas tragjedisë Evisa u transferua në spitalin e Durrësit, kjo me kërkesë të prindërve të saj për t’i qëndruar afër dhe që nuk i janë ndarë për asnjë moment pas tragjedisë. Pas një jave kërkimesh për të vegjlit e saj, ishte i ati që i dha lajmin e kobshëm. Dhe Evisa kaloi në gjendje shoku dhe ndodhej nën efektin e ilaçeve.
Një tragjedi që s’ka fjalë të përshkruhet… Një nënë fatkeqe që iu shuajt familja dhe që jeton tashmë mes dhimbjes, trishtimit dhe zisë.
Sot vajza e saj Ajseli do të festonte ditëlindjen. E si mund të ndihet ajo, kur nuk mund ta urojë, ta përkëdhelë dhe të mblidhen për të festuar? Vetëm një dhimbje nëne e di!
Ka qenë halla e saj, ajo e cila përmes një postimi në rrjetin social “Facebook” ka shkruar: “Festofsh me ëngjëjt ne mbreterin e zotit Aisel me mungon cdo sekond kaqurrelja jone e bukur. Happy birthday in heaven my niece ”.
Menjëherë kanë vërshuar komentet pikëlluese që Ajseli iku nga kjo botë kaq e vogël.
Ajo që të bie në sy është ajo e nënës së Ajselit, 37-vjeçares Evis. “Engjëlli i mamit, Ajseli shpirtit tim”, – ka shkruar ajo, që më tej përlot me dedikimin.
Më tej, ajo shprehet se shpirti i saj është i mbaruar dhe se iu lut shumë Zotit për fëmijët.“Unë si nënë nuk kam fjalë me e shpreh se në shpirt jam e mbaruar. Ju luta zotit shumë për ato fëmijë, por zoti nuk më dëgjoi. Ato të tre yje janë jeta ime përgjithmonë. Dikur zoti mi dhuroi mua ato, ndërsa tani ai mi mori prapë për t’u kujdesur atje lart për to”, – ka shkruar ajo.
Në një intervistë për Gazeta Shqiptare, i ati i Evisës tregonte se ajo nuk mbante mend asgjë nga aksidenti. Kujtonte vetëm se të voglin e saj Rajan e kishte në gji, dhe se ai i kishte fluturuar nga duart.
“Nuk mban mend gjë nga momenti që ka ndodhur. Kujton që bashkëshorti, Mondi po i jepte makinës dhe po fliste me vajzën 5 vjeçe, Ajselin, e cila ishte në vend të parë të pasagjerit. Asnjëri prej tyre nuk i kishte vënë rripat e sigurimit. Më tha se ajo po mbante në gji, Rajanin 6 muajsh, ndërsa pranë kishte Noemin 10 vjeçe. Nuk e kujtoj thotë përplasjen, por mban mend kur kishte fluturuar jashtë makine dhe dëgjonte Ajselin që qante: ‘Dua mamin, dua mamin’. Nga duart i kishte fluturuar edhe Rajani”, pohonte i ati javë më parë.
I ndodh të gjithëve që acarimi apo një emocion intensiv na jep ndjesinë klasike të fluturave në stomak apo një dhimbje të fortë dhe shqetësime të zorrëve.
Por pse ndodh kjo? Arsyeja është e thjeshtë: aparti ynë tretës ka mbi 100 milionë qeliza nervore, të lidhura ngushtësisht me ato në tru, në terma shkencorë, për të përshkruar këtë aparat, flitet për një sistem nervor enterik apo “truri i barkut”, apo edhe “truri i dytë”. Por çfarë na duhet për ta mbajtur në harmoni këtë sistem, duke pasur parasysh që varet nga shumë aspekte të mirëqënies tonë, humorit, mundësisë për të humbur peshë nëse vendosim të mbajmë dietë.
Funksionet i trurit të barkut janë të shumta, përveç shkëmbimit të informacioneve me organet e pranishme në kokë, dhe në gjendje të prodhojë në mënyrë autonome hormone dhe substanca psiko-aktive, në gjendje të ndikojë në një funksionim të mirë të të gjithë organizmit. “Truri i barkut” ka qënë një nocion i përdorur në 1998 nga neurobiologu Michael D. Gershon, i cili botoi rezultatet e 30 viteve kërkime në librin e tij “Truri i dytë”.
Edhe pse ka më pak qeliza nervore se truri kryesor, neuronet në bark punojnë në mënyrë autonome, kanë kontribut në një farë kujtese të kënaqësive dhe dhimbjeve si të ishin një farë memorie, dhe kanë rol të rëndësishëm në sinjalizimin e gëzimit dhe dhimbjes. Ai lëshon për shembull, molekula si serotonina dhe dopamina, që ndikojnë në humorin tonë. Në të kundërt, truri kryesor në disa raste të migrenës mund të shkaktojë dhimbje në stomak në vend të kokës.
Kjo është arsyeja, që stresi, frika apo dhimbja, shpesh shkarkohen në formën e shqetësimeve në nivelin gastrointestinal si djegie në stomak, apo gastrit.
Zorrët kanë një rol qëndror në prodhimin e serotoninës, hormoni i qetësisë, që prodhohet pothuajse i gjithë në bark. Kjo substancë rregullon lëvizjen dhe funksionin tretës, por dhe i dërgon trutit “qëndror” ndjesinë e ngopjes, apo në të kundërt të të vjellave. Kur jemi nën stres truri ynë i dytë, për të kompensuar energjitë negative, liron sasi më të madhe serotonine dhe kjo krijon fryrjen klasike të zorëve dhe shqetësime të tjera si irritim, apo edhe kapsllëk. Kaq shumë gjëra nuk i dinim!
Dokumentet japoneze thonë se Jezu Krishti vdiq në moshën 106 vjeçare në Japoni.
Për dekada me radhë, legjenda dhe histori qarkullojnë në lidhje me jetën e vërtetë të Jezu Krishtit.
Sipas disa dokumenteve të lashtë japoneze, Jezusi nuk i dha fund jetës në kryq, në Jerusalem, por në Japoni, ku atij i është bërë një varr i thjeshtë.
Shkrimet e shenjta orientale na tregojnë se Krishti ka vizituar Japoninë për herë të parë në mes të viteve 21 dhe 33. Ky udhëtim shpjegon periudhat e gjata të jetës së tij injoruar krejtësisht nga Ungjilli.
Gjatë kësaj periudhe thuhet se ai ka studiuar kulturën dhe gjuhën e vendit, para se të kthehej në Jeruzalem.
Pasi u kthye në vendin e tij të lindjes, Krishti nuk ka vdekur në kryq, por në vend të tij është kryqëzuar Isukiri, vëllai i tij i vogël.
Më pas Ai është transferuar në Siberi, duke vazhduar disa vjet më vonë në Alaskë, deri në Hachinohe, 40 km nga Shingo.
Dokumentet thonë se Ai ka jetuar atje vitet e fundit të jetës së tij: në një fshat ku gjeti grua dhe pati edhe 3 fëmijë, ku edhe vdiq në moshën 106 vjece.
Dokumentet që sjellin këtë histori quhen “Takenouchi Documents” dhe ekspertët thonë se mosha e tyre është të paktën 1500 vjet më parë, kaluar nga brezi në brez nga familjet e fshatit Takenouchi.
Vendasit që jetojnë në fshatin Shingo, sipas tyre shkojnë në “varrin e vërtetë të Jezu Krishtit”, siç shkruhet edhe në hyrje të monumentit.
Monumenti i vogël përfshin 2 varre, ku në varrin e majtë janë vendosur veshi i Isukirit dhe një tufë e flokëve të Virgjëreshës Mari, ndërsa në të djathtë gjendet varri me eshtrat e Krishtit.
Kjo teori është përshkruar nga disa si një mashtrim nga vendasit për të tërhequr sa më shumë turistë në fshatin e tyre. Nuk është rastësi që në fshat të gjithë banorët janë të besimit budist.
Megjithatë, të tjerë arrijnë të vënë në dukje disa prova që janë gjetur në këtë fshat budist, si pagëzimi i fëmijëve me kryq etj.
Pavarësisht nga kjo, banori i vetëm i krishterë i fshatit, Toshiko Sato thotë se ai nuk i beson këto dhe se kurrë nuk shkon në festivalin vjetor për të vizituar varrin e Krishtit. Urbanusblog.
E kemi aq qejf, sa po merr të madh dhe të vogël në qafë. Ështe fjala per Coca Cola.
Duke filluar që nga 6 prilli në Britaninë e Madhe do të aplikohet një taksë e re për pijet e ëmbla. Njoftimi për këtë taksë që duhet paguar nga prodhuesit e këtyre pijeve u bë dy vjet më parë.
Një numër prodhuesish e kanë reduktuar ndërkohë sasinë e sheqerit në pijet e tyre njoftoi organizata për mbrojtjen e konsumatorëve Foodwatch në bazë të hulumtimeve të veta.
Kështu sipërmarrja Coca-Cola e ka reduktuar sasinë e sheqerit në pijet Fanta dhe Sprite për tregun britanik nga 6.9 në 4.6 dhe 6.6 në 3.3 gramë për 100 mililitra.
Gjithashtu edhe koncerni Britvic, i dyti për nga mbulimi i tregut në Britaninë e Madhe, prodhuesi i pijes Orangina Lucozade Ribena Suntory dhe kompanitë tregtare Lidl dhe Tesco i kanë ndryshuar recepturat e produkteve që ofrojnë. Koncerni Nestlé njoftoi se që nga prilli tre prej limonadave që prodhon do të përmbajnë më pak se pesë gram sheqer.
Megjithatë Foodwatch kritikoi se shumë prodhues e kanë zëvendësuar sheqerin me ëmbëlsues artificialë që nuk preken nga taksat. Foodwatch kërkoi që synimi i ndryshimeve duhet të jetë që përmes pakësimit të shijes së ëmbël t’i kundërvihet preferencës së të rinjve për të konsumuar sheqer.
Në mënyrë që të kursejnë para dhe energji shumë njerëz kanë zëvendësuar llambat e zakonshme me llambat të cilat janë ekologjike.
Por e vërteta është se llambat ekologjike ose ato që kursejnë energji janë ekstremisht toksike.
Si rezultat, Agjensia e Mbrojtjes në Shtetet e Bashkuara të Amerikës ka nxjerrë një plan emergjence që njerëzit duhet ta ndjekin në rast se llambat thyhen, sepse ato përmbajnë shumë element toksik.
Nëse kjo lloj llambe thyhet ajo do lëshojë 20 herë më shumë përqëndrim mërkuri sesa masa e lejuar.
Një grup shkencëtarësh që kanë punuar për këtë projekt, e cila ishte drejtuar nga Agjensia Federale e Mjedisit në Gjermani, kryesisht në Insitutin Fraunhofer Wilhelm, ka konfirmuar rezultatet e studimit të fundit.
Ata kanë zbuluar se llambat ekologjike mund të shkaktojnë:
Ankth
Lodhje
Dhimbje koke të shpeshta
Migrenë
Kriza
Disorientim dhe marramendje
Një numër i madh kërkuesish kanë konfirmuar se këto llamba mund të shkaktojnë migrenë, stres dhe kancer.
Ashtu siç e përmendëm dhe më sipër ato përmbajnë sasi të larta të mërkurit, një neurotoksin që është e dëmshme si për fëmijët ashtu edhe për gratë shtatzëna, sepse ka efekte anësore në tru, mëlçi, sistemin nervor, veshkat si dhe mund të çojë në probleme me riprodhimin, sistemin imunitar dhe atë kardiovaskular
Tregtimi i pijes energjike “B-52” ka nisur në Shqipëri që në vitin 2006, pikërisht me këtë markë, ku janë të gjitha shenjat dalluese, që nga emri, simbolet unike, kombinimi i ngjyrave, lloji i shkrimit, ose slogani i caktuar. Kjo pije energjike është futur në Shqipëri nga Arseni shpk, e vërtetuar edhe me deklarata doganore.
Dy kompani, pikërisht Arseni shpk, subjekt shqiptar dhe “Bavaria N.V”, subjekt holandez, janë në konflikt që prej vitit 2010 për të drejtën e markës mbi këtë pije, pra kush e ka prodhuar për herë të parë këtë pije. Por, për të kuptuar se çfarë ka ndodhur konkretisht, kemi verifikuar dokumentacionin e të dy kompanive mbi këtë pije.
Sipas dokumenteve, rezulton se regjistrimi i kësaj marke në Shqipëri për herë të parë është bërë në vitin 2008, pavarësisht se tregtohej që nga viti 2006, por aplikimi nuk është bërë as nga Arseni shpk dhe as nga Bavaria NV. Konkretisht, më datë 18 prill 2008, shoqëria maqedonase “Neniko Dooel Ljubisha”, ka regjistruar për herë të parë në Drejtorinë e Përgjithshme të Pronëisë Intelektuale), DPPI, Shqipëri markën me numër regjistrimi kombëtar 11992, me emërtim “B-52 Energy drink”, e cila ka qenë pikërisht me këto fjalë dhe këtë figurë.
Ndërsa më datë 21.10.2008, pra 6 muaj e dy ditë më vonë, shoqëria Bavaria N.V, ka aplikuar nëpërmjet Organizatës Botërore të Pronësisë Intelektuale (WIPO) për të regjistruar në Shqipëri mbrojtjen e markës me nr. 970878, me emërtimin “B-52 Energy Drink”. Ndërsa regjistrimi i saj në Shqipëri, duke u bazuar në këtë aplikim është realizuar më 12.02.2009. Pra pikërisht kjo markë, e cila është e ngjashme plotësisht me markën e parë, e regjistruar rreth 10 muaj para saj, por ndryshon ngjyra e sfondit.
Duke qenë se në atë kohë, asnjëra nga palët nuk kishte pretendime, pra as shoqëria maqedonase dhe as ajo holandeze, pasi në Shqipëri operonte vetëm Arseni shpk dhe tregu nuk e njihte aq shumë këtë pije energjike, për dy vite, ishte heshtje.
Në vitin 2010, marka e regjistruar nga maqedonasit u ble nga kompania shqiptare Arseni shpk, kjo e vërtetuar edhe nga një shkresë e datës 31 gusht 2010 të ish-Drejtorisë së Përgjithshme të Patentave dhe Markave, që sot është DPPI.
Pikërisht në këtë vit nis konflikti mes dy kompanive, asaj shqiptare dhe asaj holandeze për të drejtat mbi markën e B-52.
Gjyqi për markën I
Një vit më vonë, sipas Drejtorisë së Përgjithshme të Pronësisë Intelektuale, pikërisht më 22 shkurt 2011, Arseni Shpk ngriti padi ndaj shoqërisë Bavaria NV për të çregjistruar markën e kësaj të fundit, pra markën me sfond të zi, e cila ishte regjistruar 10 muaj më vonë në Shqipëri. Më 26 Dhjetor 2012, Gjykata e Shkallës së Parë në Tiranë vendosi shfuqizimin e markës me nr. 970878, me emërtimin “B-52 Energy Drink” të Bavaria NV. Më 5 shtator 2013, Gjykata e Apelit lë në fuqi vendimin e Gjykatës së Shkallës së Parë. Kështu, Arseni Shpk i drejtohet me zyrë përmbarimore DPPI-së për çregjistrimin e markës së Bavaria NV. Në atë kohë, drejtor i DPPI ishte Safet Sula dhe më 9 tetor 2013 regjistroi vendimin e Gjykatës së Apelit, raporton Alternews.al. Por, pikërisht në atë kohë, Safet Sula zëvendësohet nga Elvin Lako. Ky i fundit, më datë 9 dhjetor 2013, pra dy muaj më vonë, shfuqizon urdhrin e ekzekutimit të regjistruar nga paraardhësi, duke u bazuar në një vendim pezullimi të marrë nga Gjykata e Lartë. Pra, pavarësisht se ishte kryer ekzekutimi i këtij vendimi, Elvin Lako, drejtori i ri i DPPI e kthen mbrapsht këtë ekzekutim në kundërshtim me ligjin.
Gjithsesi, më 9 mars 2016, Gjykata e Lartë la në fuqi vendimin e Gjykatës së Apelit, kështu që Arseni Shpk i drejtohet sërish me zyrë përmbarimore DPPI-së për çregjistrimin e markës së Bavaria NV, por kjo markë nuk u regjistrua sërish nga DPPI, por u la në konservim, meqë ishte hapur edhe një gjyq i ri mes palëve për marka të tjera, për të cilat kishin aplikuar dy kompanitë.
Gjyqi për markën II
Më 19 nëntor 2010, Arseni SHPK aplikoi për një tjetër markë B-52 (AL/T/2010/545), duke ndryshuar ngjyrat e sfondit, pikërisht të kuqe dhe blu. Por, më 23 mars 2011, regjistrimi i kësaj marke u kundërshtua nga Bavaria NV. Bordi i Apelit të DPPI-së, më 30 Maj 2011 rrëzoi kundërshtimin e Bavaria NV, por e la në konservim markën, pasi sipas DPPI, ende nuk kishte mbaruar gjyqi për markën e parë.
Ndërsa Bavaria NV, më 14 qershor 2011 aplikoi për një markë të re, ashtu siç kishte bërë Arseni Shpk në vitin 2010. Bavaria NV regjistroi markën me këtë logo (B52 se gjati marka bavaria nv). Në këtë rast, Arseni shpk bëri të njëjtin kundërshtim te DPPI, por kjo e fundit nuk e pranoi kundërshtimin dhe bëri regjistrimin e markës në favor të Bavaria NV, me argumentin se kundërshtimi ishte bërë jashtë afatit. Pra, DPPI e regjistroi markën e dytë të Bavaria NV, ndërsa markën e Arseni shpk e la në konservim, pavarësisht se të dyja palët ishin në konflikt gjyqësor dhe asnjëra nuk kishte marrë ende të drejtë për markën e parë, atë të vitit 2008, duke favorizuar Bavaria NV.
Aplikimi i Bavaria per emrin B52, me logo tjeter, qershor 2011
Këtu nisi procesi i dytë gjyqësor mes palëve, pasi Arseni shpk iu drejtua gjykatës. Më 24 qershor 2013, Gjykata e Shkallës së Parë Tiranë vendosi shfuqizimin e markës së dytë të Bavaria NV. Më 6 maj 2014, Gjykata e Apelit Tiranë la në fuqi vendimin e Gjykatës së Shkallës së Parë.
Por çfarë ndodhi?!
Shoqëria Bavaria NV paraqiti kërkesë në Gjykatën e Lartë për pezullimin e vendimit të apelit. Kërkesa e Bavaria NV për pezullim nuk u pranua nga Gjykata e Lartë. Por, në këtë rast vetë DPPI, institucion shqiptar merr përsipër të mbrojë interesat e kompanisë holandeze në dëm të kompanisë shqiptare dhe bën një tjetër kërkesë për pezullimin e vendimit të Apelit. Gjykata e Lartë, këtë herë e pranon pezullimin. Megjithatë, në përfundim të shqyrtimit të çështjes, pikërisht më 5 tetor 2017 u rrëzua edhe marka e dytë nga Gjykata e Lartë.
Gjyqi për markën III
Më 19 dhjetor 2013, Bavaria NV aplikon për markën e tretë të ngjashme me B-52, ndërkohë që gjyqet flisnin kundër kësaj kompanie. Këtë herë, me qëllim që kjo kompani të luftojë Arsenin shpk, aplikon për markën 852, e cila ishte pothuajse identike me markën B52, që ia ka rrëzuar gjykata.
Pra, Bavaria NV nuk bën asnjë përpjekje për të futur një markë që mos të ketë përplasje me Arseni Shpk, por të gjitha markat i zgjedh të ngjashme me B52.
DPPI ia pranon sërish këtë markë me gjithë kundërshtimin e Arsenit Shpk, pra nuk e le në pritje si markat e kompanisë Arseni shpk. Kompania shqiptare i drejtohet prapë gjykatës dhe rrëzon markën 852 me vendim të formës së prerë në Gjykatën e Apelit. Bavaria NV nuk bën rekurs, por tashmë ndodhet në shkallën e parë për rivendosje në afat.
Abuzimi nuk ndalet këtu. Më 23 janar të këtij viti, Bavaria NV ka aplikuar dhe për markën e katërt, pikërisht 8S2, të ngjashme me B52 dhe 852, që janë çregjistruar nga gjykata. Marka 8S2, ende nuk është pranuar nga Drejtoria e Përgjithshme e Pronësisë Intelektuale, por është në proces ekzaminimi.
Por pse Bavaria NV vijon të nxjerrë marka të ngjashme me B52, që është prodhuar nga Arseni shpk dhe këto marka shiten në treg me emrat e rinj që u janë vënë apo si B52?
Të gjitha markat, për të cilat ka aplikuar Bavaria NV, por që tashmë janë rrëzuar nga gjykata duket se kanë pasur vetëm një qëllim; Të konkurrojnë padrejtësisht produktin B52 nga Arseni shpk, i cili rezulton se është i vetmi pronar i ligjshëm në Shqipëri për këtë pije.
Por sa janë marrë parasysh vendimet e gjykatave nga institucionet shqiptare?! Zero.
Kjo kuptohet më së miri nga fakti që kompania BM shpk, e cila përfaqëson në Shqipëri kompaninë Bavaria NV, ka vijuar të nxjerrë në treg të gjitha markat e rrëzuara nga gjykata, duke i shitur si B52. Pra, ajo ka nxjerrë në treg jo vetëm dy markat B52, që janë shfuqizuar nga gjykata, por ka shitur si B52 edhe pijet 852 dhe tashmë ka filluar me pijen 8S2, e cila ende nuk është miratuar nga Drejtoria e Përgjithshme e Markave, duke deklaruar për tregtarët se ajo është e vetmja pije energjike origjinale B52.
Madje, në panairin Horeca që u zhvillua në Tiranë në muajin mars, ata kanë reklamuar pije të çregjistruara nga gjykata, duke i prezantuar si B52, që në fakt është pronë e Arseni Shpk dhe asnjë institucion shtetëror nuk i ka ndaluar për këtë produkt të paligjshëm.
Por, tashmë që janë dhënë të gjitha vendimet e gjykatës, DPPI ka çregjistruar markat që përdor Bavaria NV në Shqipëri, nëpërmjet kompanisë BM shpk. Madje, kjo vërtetohet edhe me një shkresë të datës më 23 janar 2018 të DPPI.
Vendimi i Drejtorise se Pergjithshme te Pronesise Industriale (Markat), i janarit 2018
Edhe Drejtoria e Përgjithshme e Doganës, me shkresën Nr. Prot. 26597/2, datë 19.01.2018 miratoi aplikimin për veprim për mbrojtjen e markës tregtare B52 me Nr. Regjistrimi kombëtar 11992 në pronësi të shoqërisë Arseni shpk. Vendimmarrja u bazua në shkresën e Drejtorisë së Përgjithshme të Pronësisë Industriale (Nr. prot. 443/1, datë 13.12.2017) në të cilën informoheshim që Gjykata e Lartë e Republikës së Shqipërisë kishte vendosur çregjistrimin e markës tregtare B52 me Nr. Regjistrimi Ndërkombëtar1082916 në pronësi të shoqërisë Bavaria N.V.
Të gjitha vendimet përshirë dhe Vendimin Nr. Prot. 26597/2, datë 19.01.2018 që merren për mbrojtjen e të drejtave të pronësisë intelektuale i janë drejtuar për njohje dhe zbatim Degëve Doganore dhe Departamentit Operativ-Hetimor (DOH) por duke mos e kufizuar mbrojtjen e të drejtave të Pronësisë Intelektuale, jo vetëm në informimin e Degëve Doganore dhe Strukturave paralele të DOH-së, është ngritur dhe një profil risku për Mbrojtjen e Markës tregtare B52 në pronësi të Shoqërisë Arseni shpk.
Por pas këtij urdhri, kompania BM shpk ka ndryshuar taktikë për të futur B52 pa markë, imitime të B52 të Arseni shpk, por këtë herë me markën që ende nuk është regjistruar, pikërisht 8S2. Kjo vërtetohet edhe nga një deklaratë doganore e datës 6 mars në doganën e Kukësit, kur është zhdoganuar një trajler, nga 10 që kanë hyrë në Shqipëri pas urdhrit të bllokimit.
Të ndodhur në këto kushte me shkresën Nr. prot. 6143, datë 12.03.2018, Drejtoria e Përgjithshme e Doganave i është drejtuar DPPI-së me një shkresë në të cilën i është kërkuar interpretim ligjor nëse pija energjike 8S2 bie ndesh me vendimin ligjor, por DPPI nuk i ka kthyer përgjigje.
Por, pavarësisht se Bavaria NV sjell në Shqipëri nëpërmjet kompanisë shqiptare BM shpk pije energjike, të cilat në doganë i deklaron si 8S2, në të vërtetë në tregun shqiptar, ato i shet si B52, duke imituar markën që mbrohet nga Arseni shpk. Për këtë arsye, Arseni shpk ka bërë kallëzimet përkatëse edhe pranë institucioneve shtetërore, si Krimi Ekonomik, AKU, Inspektorati i Mbikëqyrjes së Tregut dhe Autoriteti i Konkurrencës, por askush nuk e ndalon këtë abuzim në tregun shqiptar.
Madje, për t’ia bërë edhe më të qartë doganës, Arseni shpk mësohet se ka shtuar dhe listën e këtyre markave të shfuqizuara në kërkesën e tij për doganat shqiptare, me shpresën se nuk do lihen hapësira ligjore për të lejuar konkurrencën abuzive, duke u fshehur pas emrave fiktivë.
Pra kompania BM shpk nuk pyet as për vendime gjykate dhe as për markë. Madje mashtron doganat sikur sjell pije tjetër dhe e shet si B52, ndërkohë që institucionet shqiptare fshihen pas shkresave dhe kompanisë shqiptare i bëhet presion me qeveri shqiptare dhe holandeze për të hequr dorë nga një e drejtë që tashmë i njihet, jo vetëm si regjistrues i parë i B52 në Shqipëri, por dhe nga drejtësia në të gjitha shkallët.
Kështu, të ushqehesh i sigurt në këtë vend, duket një mision i vështrië. Po aq i vështirë, sa dhe të kesh informacionin e duhur për produkte të ndryshme ushqimore, po aq i vështirë sa të kesh një markë tënden dhe ta mbrosh. Dhe po aq mision i vështirë, sa një vendim gjykate apo marke, të gjejë zbatim. Prej disa vitesh, të gjithë konsumatorët shqiptarë kanë parë në vitrinat e dyqaneve, në markete apo lokale, si dhe pafund reklama televizive, për pijen energjike B52, me ambalazh ngjyrë gri dhe për të cilën, pretendohej se prodhohej në Holandë e ky ishte produkti origjinal me këtë emër. Bavaria N.V në Holandë, deri para disa vitesh, nuk e njihte as vetë këtë produkt dhe kjo pijenuk ekziston në Holandë, por prodhohej vetëm më Shqipërinë. Por, ky produkt me vendim të gjykatave shqiptare, të të gjitha shkallëve, nuk prodhohet më për Shqipërinë dhe për asnjë vend tjetër.
Në këto kushte, konsumatorët shqiptarë, si dhe të gjitha njësitë tregtare të Republikës së Shqipërisë, duhet të dinë që, në tregun shqiptar, nuk duhet të ekzistojë apo qarkullojë më asnjë pije energjike me emrin “B52 me ambalazh ngjyrë gri”, e drejtë e cila i është hequr kompanisë Bavaria N.V, si dhe përfaqësuesit të saj në Shqipëri, “B.M” sh.p.k.
Që pas këtij vendimi të të gjitha institucioneve përgjegjëse, kompania ka ndërprerë reklamimin e saj në media, ndërkohë që po tenton të luhet një tjetër lojë, në dëm dhe rrezik të konsumatorit shqiptar, si dhe të kompanisë “Arseni” sh.p.k. e cila ka të gjitha të drejtat e prodhimit e tregtimit të kësaj marke, e cila është e regjistruar në pronësi të saj.
Shoqëria “B.M”, po tenton të regjistrojë një tjetër emër, të quajtur 8S2, pije energjike, me të njëjtin ambalazh, imazh dhe çdo detaj, përveç një grremçi të germes B, duke e bërë të duket si 8. Ky produkt që gjendet në treg, në asnjë rrethanë nuk e bën konsumatorin që të zgjedhë një pije energjike tjetër, pasi është identike, në 99,9 për qind të detajeve, logos, ngjyrave të ambalazhit etj, me B52 ngjyrë gri, marke kjo e çregjistruar dhe që nuk lejohet të importohet apo prodhohet e tregtohet në vendin tonë.
Në tregun tonë, nuk duhet të ekzistojë më asnjë pije tjetër energjike me emrin B52, e cila ka të gjitha të drejtat ligjore (kjo që shikoni në këtë foto). Ndërsa kjo pije me ambalazhin ngjyrë gri, nuk mund të jetë gjë tjetër veçse një imitim i pijes B52 të Holandës, e cila nuk mund të importohet dhe tregtohet më hë Shqipëri, që në muajin Janar 2018, duke vënë në rrezik shëndetin dhe jetën e konsumatorëve, të painformuar dhe mashtruar nga imazhi.
Rreziku për konsumatorin
Të ushqehesh i sigurt në këtë vend, duket një mision i vështrië. Po aq i vështirë, sa dhe të kesh informacionin e duhur për produkte të ndryshme ushqimore, po aq i vështirë sa të kesh një markë tënden dhe ta mbrosh. Dhe po aq mision i vështirë, sa një vendim gjykate apo marke, të gjejë zbatim.
Po të vini re në foto, ambalazhi i pijes B52 ngjyrë gri, e cila pas janarit 2018 nuk lejohet më të treghtohet në Shqipëri, tek germa B kishte një bisht, ndërsa imitimi i saj dhe tendenca për ta regjistruar si markë 8S2, nuk ka asnjë ndryshim në emërtim, në logo, në ngjyra, në dizajn e formë, përveç bishtit të germës B që është fshirë.
Për më tepër, përveç shkeljes kryekëput të ligjit, konsumatori është në rrezik. Kjo, pasi nëse më parë konsumonte një pije me ambalazh gri, që prodhohej në Holandë për Shqipërinë, tashmë pija e ashtuquajtur 8S2, nuk dihet ku prodhohet, nga vjen, nga kush prodhohet dhe sa të sigurt janë përbërësit e tij. Autoriteti Kombëtar i Ushqimit apo Instituti i Sigurisë Ushqimore dhe Veterinarisë, nuk kanë kryer asnjë analizë të tij. Madje, nuk dihet nëse etiketa e këtij produkti është apo jo e miratuar nga AKU, ndërkohë që ka edhe ndryshime. Mbi të gjitha, në çdo rast konsumatori është dhe i mashtruar, sepse niset të marrë prodhimin e mëparshëm B52 gri, nëse e shikon në një frigorifer apo stendë, pa e ditur se është një mashtrim në imazh, ambalazh dhe logo.
Ndërkohë, askush nuk e di, që pija B52 nuk eshte brand (markë) i Holandës. Asnjë holandez nuk e njeh dhe ai produkt është është dizenjuar dhe prodhuar për herë të parë me kërkesë të ARSENI sh.p.k, kompani kjo që edhe sot gëzon të drejtën e markës, të regjistruar nga Drejtoria e Pronësisë Industriale, të marrë në brojtje dhe nga doganat, që gjithkund mund të shikohet në ambalazhin e pijes energjike B52, me sfond të zi.
Shkencëtarët kanë zbuluar një mënyrë për ta përdorur “proteinën ekzekutuese” BAX që të shkaktojë vdekje në qelizat kanceroze, dhe njëkohësisht të mos i dëmtojë qelizat e shëndetshme.
Trajtimi deri tani është aplikuar vetëm në qelizat e leuçemisë kute mieloide (AML), por besohet se trajtimi ka përdorim më të gjerë, transmeton Telegrafi.
Shkencëtarët e kolegjit ‘Albert Einstein’ të Mjekësisë kanë arritur që të nxisin vetë-shkatërrimin te qelizat kanceroze.
Këtë trajtim e kanë testuar kundër qelizave të leuçemisë akute mieloide (AML), sëmundje e cila i vret më shumë se 10,000 amerikanë çdo vit.
Por e mira është se shkencëtarët e kanë testuar ilaçin vetëm në këtë sëmundje, dhe mundësia për të funksionuar edhe në qelizat tjera kancerogjene është shumë e madhe.
