“Kurora e Malit” ose ndryshe “Kurora e Sevasterit” njihet edhe si “Kurora e Kudhës-Grehotit”, një krahinë e tërë e cila gjendet e rregjistruar në rregjistrin kadastral turk si zonë e shenjtë, qysh në vitin 1953 dhe që përfshinte 22 fshatra nga Kudhësi buzë Vjosës deri në Grehot të Gjirokastrës.
Në “Kurorën e Malit” ka përherë vizitor sapo shkrin dëbora. Për tu ngjitur rruga kalon nëpër rrëpirat e greminat e malit të Tartarit 1850 m mbi nivelin e detit.
Duhen pothuajse katër orë për të mbërritur në “Kurorën e Malit”, automjetet mund ta përshkojnë rrugën deri në “përroin e thatë”, të gjithë besimtarët prej aty duhet ti drejtohen fshatrëve të zonës për ta përshkruar copën e mbetur të rrugës me kafshë , kuaj apo mushka.
Rruga për tu ngjitur në malin e Tartarit është e gjitha një aventurë sa e kenaqshme aq edhe e mundimshme . Sikurse në cdo vend të shenjtë edhe në “Kurorën e Malit”, rruga e përshkruar në këmbë është shenjë e besimit të palëkundur.
Të premtet janë të shenjta edhe në këtë vend të kultit Bektashi, këtu në vendin e besimit, zoti është një për të gjithë ata që kanë nevojë për fuqinë e mrekullinë e besimit .
Karl Paçi, historiani që ka dokumentuar për herë të parë historinë e tëqesë, në vitin 1904 thotë se në “Kurorën e Malit” besimtarët bëjnë pelegrinazh e që ky lloj riti ka nisur qysh në shek e 17.
Në vitin 1901 Teqeja e “Kurorës së Malit”, ka qënë me pesë dhoma, njëra prej të cilave shërbente për të shtruar të sëmurët.
Demir Abazi, një Xheraf nga Ploça i çonte të sëmurët në “Kurorë të Malit” ku qëndronin për shtëtë ditë e shtatë netë, ndërsa ju vishte lëkurë të kafshe të sapothërrur.
Baba Edmond Aliaj rrëfen mrekullitë : “Për më shumë se 15 vite një tridhjetë vjeçare nga fshati Lapardha I Vlorës, I kishte të paralizuara gjymtyrët. Kur ajo dhe familja e saj erdhën në Kurorë,askush nuk besoj se mrekullia do të ndoshte. Vajza ka qëndruar këtu vetëm një natë. Në mëngjes ajo e zbriti malin me këmbët e saj”- kjo ka ndoshur përpara pesë viteve.
Studiues i krahinës, Bardhosh Gaçe thotë se objekti kultit është tentuar të prishej në vitet e diktaturës komuniste, kur rregjimi kërkonte kthimin e Shqipërisë në ateiste, por të gjithë ushtarët që dërgoj rregjimi, u kthyen pas sepse në shtëpinë e gjithsecilit ndodhi një fatkeqësi.
“Dikujt i vdiq nëna, gruaja apo motra. Kushdo që tentoj të prishte vendin e shenjtë u “denua”.
Ushtarët nuk pranuan të riktheheshin aty dhe kështu “Kurora e Malit” nuk u prek. Sakaq, aty u ndalua për më shumë se dyzet vite kryerja e riteve dhe pelegrinazhit” –sqaron Gaçe.
Vendasit, mirëmbajtësit e tanishëm të Teqesë, por edhe pasardhës të atyrë që kanë shërbyer më herët në Teqe, rrëfejnë legjendën e dy vëllezërve, Baba Hamza Kurora dhe Abaz Aliut përkarshi në malin e shenjtë të Tomorrit.
Sipas Xhevair Fyraj –“ Teqeja e Kurorës së Malit është ndërtuar që prej shekullit të 16-17.
Ky vend ka qënë i lidhur me një tjetër Teqe, atë të Demir Hanit në Tepelenë, bekuar nga Sari Salltëk i ardhur nga Persia. Kur perifrazon fjalën kurorë , shqiptimi bëhet qartësisht se jo i gjithë mali i Tartarit është i shenjtëruar. E shenjtë konsiderohet vetëm rrezja që përmbledh kurora , e cila u shenjterua nga një Dervish Safi.
Ritet janë të shumta, të llojeve të ndryshme, në “Kurorën e Malit” bëhet cdo stinë një kurban, për shëndetin, për rifitimin e shpresës për jetën, për tu shtuar me mall e me gjë.”
Normal”Në “Kurorën e Malit” lutjet janë më afër zotit, aty fetë bashkohen dhe mrekullitë ndodhin
Policia dhe forcat speciale arrestuan 23 protestues gjatë natës. Prokuroria, ka nxjerrë 36 urdhrandalimi. Familjarët e protestuesve të arrestuar gjatë natës në Kukës kanë “rrethuar” paraditen e së dielës Komisariatin e Kukësit.
Prokuroria ka lëshuar 36 urdhërarreste, ndërkohë që deri tani janë arrestuar 23 persona.
Sipas tyre, policia ka ardhur në shtëpitë e tyre natën për të arrestuar pjesëmarrësit në këtë protestë dhe thonë se efektivët e policisë kanë ushtruar dhunë nëpër banesa.
“Kanë ardhur me maska e na kanë trajtuar si kriminelë”, shprehen ata, duke kërkuar lirimin e të arrestuarve.
Në Kukës kanë shkuar edhe deputetë të Partisë Demokratike dhe të Lëvizjes Socialiste për Integrim, të cilët kanë takuar drejtorin e Policisë Kukës.
Të shtunën, protestuesit dogjën dhe shkatërruan sportelet e vjeljes së tarifës së rrugës, të vendosura nga koncesionari, ndërsa paralajmëruan se do të rikthehen të bëjnë të njëjtën gjë nëse ato do të rivendosen sërish në funksion.
Strategjia për taksimin e rrugëve në Shqipëri parashikon bërjen e kalimit me pagesë thuajse në të gjitha akset kryesore të vendit.
Drafti i përgatitur nga kompania “Egnatia Odos” në vitin 2015, me kërkesë të qeverisë shqiptare, rekomandon vendosjen e tarifave përmes një procesi gradual me 4 faza.
Sipas tij, në fazën e parë propozohet të bëhen me tarifë-kalimi 4 rrugët kryesore të vendit. Ato janë autostrada Tiranë-Durrës, ajo Tiranë-Elbasan, rruga Milot-Morinë dhe rruga e Arbrit, pasi të jetë përfunduar. Këto 4 akse rekomandohen të bëhën me pagesë menjëherë.
Pas instalimit të pagesës në 4 segmentet e para, në një fazë të dytë propozohet të vendosen në sistem tarifimi dy rrugë të tjera; autostrada Levan-Vlorë dhe rruga Durrës-Fier, edhe këto dy akse të ndërtuara rishtazi.
Në fazën e tretë rekomandohet bërja me pagesë e rrugës Levan-Tepelenë, ndërsa në fund akset Elbasan-Kapshticë dhe Tiranë-Hani i Hotit.
Sipas dokumentit, tarifa e propozuar që duhet të paguajnë qytetarët varion nga 0.5 deri në 3.5 cent të euros, pra me një mesatare totale 2.5 cent të euros për çdo kilometër. Kjo do të thotë se në një rrugë me gjatësi 100 kilometra, pagesa për automjetet sipas konsulentit duhet te jetë mesatarisht 2.5 euro.
Ky është propozimi i konsulentit ndërkombëtar. Qeveria ka lajmëruar se, pas rrugës Milot-Morinë, tarifa e kalimit do të vendoset edhe në akse të tjera, por pa specifikuar se cilat do të jenë ato.
Top Channel
Dita e sotme ishte shumë e veçantë për të gjithë të moshuarit dhe personat në nevojë që frekuentojnë mensën sociale të Kombinatit. Ashtu siç edhe është bërë traditë në ditë festash, Bashkia e Tiranës me rastin e festës së Pashkës, ofroi një drekë të ngrohtë për familjet dhe personat në nevojë të kësaj mense, ndërsa kryetari i Bashkisë së Tiranës u kujdes për t’i surprizuar ata edhe me praninë e një prej këngëtareve më të dashura të muzikës popullore qytetare, Eli Fara, si dhe me një prej mjeshtrave më të mirë të kuzhinës, Renato Mekolli.
Pasi kanë shërbyer për të pranishmit drekën, kryetari i Bashkisë së Tiranës përcolli urimin e tij për festën e Pashkës dhe theksoi se mensat sociale janë kthyer në vatra shprese për këdo që është në pamundësi ekonomike.
“Kjo është një nga 5 qendrat tona sociale ku ne shërbejmë. Më shumë se shërbimi i një vakti çdo ditë, ky është një vend ku kalojmë kohën, ku ndërtojmë komunitet, ku pavarësisht halleve, problemeve, secili gjen një vesh që ta dëgjojë. Pavarësisht sfidave të jetës, pavarësisht emigracionit apo të qenurit larg vendeve nga ku vjen secili, këtu është krijuar një çerdhe, një hapësirë shumë e ngrohtë, një atmosferë ku të gjithë mbështesim njëri tjetrin, por edhe kalojmë kohë me njëri tjetrin, po sidomos në ditët speciale të festave jemi gjithmonë e më pranë. Kështu që, e vlerësoj shumë praninë tuaj sot”, tha Veliaj.
Ai shtoi se festa të tilla duhet të jenë momente reflektimi edhe për të menduar se si mund ta bëjmë vendin tonë më të mirë, ndërsa falënderoi dy të ftuarit për praninë e tyre, duke dhënë shembullin se kur ka vullnet dhe dëshirë çdokush mund të kontribuojë për qytetin dhe ata që kanë nevojë.
Veliaj shprehu mirënjohjen e tij edhe për të gjithë ata që shërbejnë çdo ditë në qendrat sociale të Bashkisë së Tiranës, duke u kujdesur që t’i japin pak ngrohtësi çdokujt që ndihet i vetmuar apo është në pamundësi ekonomike. “Ne ndoshta vijmë njëherë kur ka festa, por ata janë përditë këtu, kaluan një situatë shumë të vështirë me emergjencat civile, por fakti që përveç atyre që ishin në terren, si zjarrfikës, si punonjës të emergjencave, kemi patur gjithmonë një strehë të tillë edhe për të ndihmuar ata që në raste të emergjencave civile kanë patur nevojë që të strehohen sidomos ditët e ftohta dhe me shi”, tha Veliaj.
Këngëtarja Eli Fara ka kënduar bashkë me të pranishmit disa nga këngët e repertorit të saj, ndërsa ka sjellë momente vërtetë festive. “Kënaqësi që ndodhem sot këtu. Pata emocione në fakt dhe e bëra me shumë qejf sepse kush më shumë se mosha e tretë ka nevojë për dashuri dhe për njerëz. Është kënaqësi e madhe për mua, por edhe për të gjithë që t’u bëj të buzëqeshni, t’u ndihmoj me sa mundem të gjithëve. Kështu që faleminderit, urime Bashkisë që ka hapur qendra të tilla sociale. Uroj që të shtohen sa më shumë në vendin tonë, jo vetëm në Tiranë”, tha këngëtarja Eli Fara.
Ndërsa Renato Mekolli pasi uroi festën e Pashkëve falenderoi Bashkinë e Tiranës që kujdeset për të pamundurit. “Dua t’i falenderoj të gjithë ata që janë këtu, që punojnë nga mëngjesi deri në darkë, janë shumë njerëz, i pashë që sherbejne me përkushtim dhe shumë dashuri. Falenderoj kryebashkiakun tonë, që përveç kësaj gjësë kaq të bukur që bën gjithmonë, bën edhe shumë gjëra më të bukura, që janë akoma edhe më të mëdha, por edhe këto këtu janë shumë të rëndësishme sepse njerëzit në nevojë kanë nevojë për ne”, tha Mekolli.
Ndërkohë, kryetari i Bashkisë së Tiranës, Erion Veliaj uroi gjithashtu të gjithë besimtarët e krishterë që festojnë sot Pashkën. Ai vizitoi selinë e Kishës Katolike dhe atë të Vëllazërisë Ungjillore ku mori pjesë në pritjet e dhëna me këtë rast.
Prej më shumë se dy javësh, Komisioni i Pavarur i Kualifikimit ka nisur procesin e rivlerësimit të gjyqtarëve dhe prokurorëve në kuadër të Reformës në Drejtësi.
Procesi ka nisur fillimisht me Gjykatën Kushtetuese, ku po rivlerësohen anëtarët e saj. Pasi të përfundojë rivlerësimi i gjyqtarëve të Kushtetueses, KPK-ja do të nisë rivlerësimin e gjyqtarëve të Gjykatës së Lartë dhe kështu me radhë. Deri më tani, KPK-ja ka shkarkuar një anëtar të Gjykatës Kushtetuese, ndërsa është ndërprerë procesi i rivlerësimit për 10 ish-zyrtarë të tjerë të Drejtësisë, të cilët kanë dhënë dorëheqjen përpara nisjes së Vettingut.
Por ndërkohë që procesi i rivlerësimit po shihet vetëm si procedurë shkarkimesh gjyqtarësh dhe prokurorësh, ligji parashikon edhe ndryshe. Kështu, sipas ligjit në fuqi, Komisioni i Pavarur i Kualifikimit mund të shkarkojë, pezullojë me afat apo konfirmojë në detyrë gjyqtarë dhe prokurorë bazuar në rivlerësim. Sipas ligjit, rivlerësimi përfshin kontrollin e pasurisë së subjektit që i nënshtrohet atij, kontrollin e pastërtisë së figurës dhe të aftësive profesionale. Mbi këto tri shtylla bazohet edhe vendimi i KPK-së për ta shkarkuar, pezulluar me afat 1- vjeçar ose konfirmuar në detyrë një gjyqtar apo prokuror.
PASURIA
Çdo subjekt i rivlerësimit duhet të ketë një pasuri jo më të madhe se dyfishi i pasurisë së ligjshme. Në rast të kundërt, atëherë ai prezumohet fajtor për shkeljen disiplinore, përveçse kur paraqet prova që vërtetojnë të kundërtën. Gjithashtu, aspekte të tjera që mund ta penalizojnë një zyrtar të drejtësisë për pasurinë, është fshehja e saj, ose mosjustifikimi apo edhe shmangia e taksave. Në këto raste KPK-ja vendos shkarkimin e tij dhe mund ta dërgojë edhe për ndjekje penale nëse konstaton shkelje të ligjit. Vendimi merr formë të prerë në rast se vendos njësoj edhe Kolegji i Posaçëm i Apelimit.
FIGURA
Kontrolli i figurës përfshin të shkuarën dhe të tashmen e subjektit që i nënshtrohet rivlerësimit. Në rast se konstatohet se subjekti ka qenë funksionar i Sigurimit të Shtetit, ka precedentë penalë të më- parshëm, apo lidhje me persona të inkriminuar, atëherë vendoset shkarkimi i tij.
AFTËSIA PROFESIONALE
Një aspekt tjetër është edhe aftësia profesionale, ku KPK-ja shqyrton formimin e subjektit të rivlerësimit. Në rastet kur konstatohen probleme me aftësitë profesionale që lidhen me shkollimin e subjektit, atëherë KPK-ja mund të vendosë pezullimin 1-vjeçar nga detyra të subjektit dhe i jep mundësi atij që gjatë këtij viti të plotësojë boshllëqet për të kaluar edhe këtë prag profesional. Pasi ndodh kjo, subjekti emërohet sërish gjyqtar ose prokuror.
SHKARKIMI PAS KONFIRMIMIT
Konfirmimi në detyrë, i jepet subjektit të rivlerësimit në rast se ai: arrin nivel të besueshëm në vlerësimin e pasurisë, të kontrollit të figurës dhe nivel minimal kualifikues në vlerësimin e aftësive profesionale. Por pavarësisht se subjektit mund t’i jepet vendim për konfirmim në detyrë, Komisioni ka të drejtë që ta transferojë çështjen e tij në një organ tjetër kompetent, nëse evidenton shkaqe që përbëjnë shkelje disiplinore. Këto shkaqe parashikohen në legjislacionin që rregullon statusin e gjyqtarëve dhe prokurorëve. Në to mund të përmendim shkelje disiplinore në detyrë, aktivitete partiake, konflikte interesi etj.
PEZULLIMI
Pezullimi nga detyra dhe detyrimi për të ndjekur një program trajnimi për një periudhë 1-vjeçare i jepet subjektit të rivlerësimit në rast se janë kaluar dy kushtet e pastërtisë së figurës dhe pasurisë, por që evidentohen mangësi në aftësinë profesionale. Në rast se subjekti përfundon programin e trajnimit, Shkolla e Magjistraturës i paraqet Sekretarit të Përgjithshëm të KPK-së dhe ONM-së, rezultatet e provimit përfundimtar, duke shprehur nëse mangësitë janë mbushur ose jo.
Në Kaliforni, kafeja, ashtu si cigaret duhet të ketë etiketën që informon që është e rrezikshme.
Një gjykatë ka marrë këtë vendim pas disa padive nga konsumatorët për disa shoqëri të cilat akuzohen se kanë dhunuar ligjin e Shtetit për të lajmëruar konsumatorët për prezencë të substancave kancerogjene në produktet ushqimore.
Në rastin e kafesë është një molekulë e dëmshme e cila prodhohet gjatë pjekjes në temperaturë të lartë.
Denoncimin e ka bërë Raphael Metzger, pjesëtar i Këshillit të edukimit dhe kërkimit për substancat toksike, i cili gjithashtu sqaron që ndërmarrjet duket të ulin nivelin e acrylamidës (lëndës kancerogjene) që prodhohet tek kafeje kur piqet.
Rreziku potencial i kafesë është vetëm lidhja me acrilamiden dhe jo me vetë pijen. Ekzistojnë studime të shumta shkencore që tregojnë pikërisht të mirat që vijnë nga kafeja.
Vetë Oms ka mohuar lidhjen mes kafesë dhe kancerit, duke nënvizuar aksionin mbrojtës që kafeja ka ndaj kancerit të mëlçisë dhe atij të mitrës.
Në Evropë, sikurse edhe në Shqipëri, 1 prilli njihet gjerësisht si dita e gënjeshtrave apo më mirë dita e shakave. Kjo shaka, që përsëritet çdo vit, sipas historisë ka nisur nga romakët e lashtë, të cilët në këtë datë festonin një festë luksoze për nder të perëndeshës Venus. Një shpjegim tjetër është ai i parlamentit të Augsburgut i vitit 1530, me anë të të cilit duhej të unifikohej i gjithë sistemi monetar. Një prilli u caktua si dita e posaçme e monedhës, por që pak orë para kësaj dite u shty, kështu që shumë persona i humbën paratë e tyre dhe për këtë u tallën dhe u përqeshën. Por më e besueshmja është se shakaja e 1 prillit vjen nga mbreti francez Karli IX. Kur reformoi kalendarin gregorian në 1564, ai e kaloi në datën 1 janar festën e Vitit të Ri, që deri atëherë festohej më 1 prill, por që shumë vetë deri atëherë nuk e kishin marrë vesh. Ata pastaj, prej atyre që e dinin, uroheshin në prill për vitin e ri, që në fakt ishte i vjetri. Në kohët e hershme shakatë ishin krejt ndryshe. Kështu, ai që gënjehej dërgohej ndonjëherë në një udhëtim të gjatë për të marrë diçka që nuk ekzistonte. Në shekullin e 17-të dhe 18-të kishte rregulla të qarta të shoqërisë, mbi të cilat ishin të bazuara shakatë. Kështu një i rritur mund të bënte shaka me një fëmijë, por një fëmijë nuk mund të bënte patjetër shaka me një të rritur. Ata që e kanë bërë edhe më të këndshme ditën e gënjeshtrave janë edhe mediat. P.sh. rrjeti televiziv “BBC” në 1 prill 1957 publikoi një kronikë sipas së cilës fshatarët zviceranë korrnin makarona nga pema. Sipas sociologëve e psikologëve, në jetën e përditshme, shakatë janë bërë të rralla, kjo për shkak të presionit dhe ritmit të punës. Ata që ende sot e kësaj dite e festojnë në mënyrën më të këndshme ditën e shakave apo gënjeshtrave janë francezët.
Gënjeshtrat më të famshme të 1 prillit të prodhuara nga media
Shpella me thesare në Boston, 1 prill 1840
Më 1 prill të vitit 1840, në gazetën “Boston Post” doli një artikull që publikonte se ishte gjetur një shpellë plot me thesare poshtë Dhomës së Përfaqësuesve në Boston, supozohet se ishte gjetur nga punëtorë, ndërsa hiqnin një pemë. Kur pema ra, zbuloi një derë guri me një ikonë të madhe. Poshtë derës zbrisnin shkallë që çonin në një shpellë nën tokë. Atje gjendeshin bizhuteri, monedha të vjetra dhe armë me doreza të zbukuruara. Kur fjala u përhap, kureshtarët filluan të marshonin para ndërtesës për të parë thesarin. Për zhgënjimin e të gjithëve, arkeologët, filozofët dhe antikuarët zbuluan se gjithçka ishte një gënjeshtër.
Shembet selia e Kongresit në Wisconsin, 1 prill 1933
Në vitin 1933, gazeta “Madison Capital-Times”, solemnisht njoftoi se selia e Kongresit në Wisconsin do të shembej si pasojë e disa shpërthimeve misterioze. Shpërthimet iu atribuuan një “sasie të madhe gazi të krijuar prej shumë javësh, nga disa debate shumë të ashpra në Dhomën e Senatit dhe të Asamblesë”. Artikulli shoqërohej nga një fotografi që tregonte shembjen e ndërtesës së selisë së Kongresit. Në standardet moderne, fotografia dukej pak false, por lexuesit në vitin 1933 ishin ofenduar. Një lexues shkroi duke deklaruar se rrengu “jo vetëm që ishte i patakt dhe pa pikë humori, por se ishte gjithashtu një shaka e neveritshme”.
Banjë luanëve tek Kulla e Londrës, 1 prill 1860
Në fund të marsit të vitit 1860 shumë njerëz në Londër morën ftesën e mëposhtme: “Kulla e Londrës – Pranon njerëz për të ndjekur ceremoninë vjetore të banjës së luanëve të bardhë të dielën, më 1 prill, 1860. Hyrja, vetëm tek Porta e Bardhë”. Në orën 12 më datë 1 prill, një turmë e madhe njerëzish ishte grumbulluar jashtë kullës. Por sigurisht, në kullë nuk mbaheshin më luanë prej shekujsh, sidomos luanë të bardhë. Pas kësaj, turma u largua e zhgënjyer nga vendi i ngjarjes. Ky rreng kishte një origjinë shumë të hershme. Ai kishte ndodhur disa herë dhe zakonisht pre e tij binin të ardhurit në qytet dhe një rast i tillë datonte në vitin 1689.
Fundi i botës, 1 prill 1940
Më 31 mars të vitit 1940, instituti “Franklin” publikoi se bota do të përfundonte të nesërmen. Radio KYM transmetoi mesazhin e mëposhtëm: “Frika juaj më e madhe, se bota do të shembet, u konfirmua nga astronomët e institutit “Franklin”, Filadelfia. Shkencëtarët parashikojnë se bota do të marrë fund në orën 3 të pasdites. Kjo nuk është shaka. Konfirmimi është marrë nga Wagner Schlesinger, drejtori i “Fels Planetarium”. Reagimi i publikut ishte i menjëhershëm, telefonat u tërbuan. Paniku u qetësua vetëm kur instituti “Franklin” i siguroi njerëzit se nuk kishte bërë një parashikim të tillë. Agjenti i institutit tha se kishte reklamuar artikullin “Si do përfundojë bota?”.
Televizor me ngjyra në çast, 1 prill 1962
Në vitin 1962 në Suedi kishte vetëm një kanal televiziv që transmetonte dhe televizorët ishin bardhë e zi. Eksperti teknik i stacionit Kjell Stensson, u shfaq gjatë transmetimit të lajmeve për të njoftuar se falë një teknologjie të shpikur së fundmi, të gjithë teleshikuesit tashmë mund t’i kthenin aparatet e tyre televizive nga bardhë e zi me ngjyra. Për të bërë këtë ata duhet të godisnin lehtësisht ekranin me një çorape najloni dhe figurat do të shfaqeshin me ngjyra. Sipas të dhënave, qindra mijëra vetë e besuan një gjë të tillë. Ndërsa në të vërtetë, suedezët filluan të shihnin televizor me ngjyra më 1 prill 1970.
San Serriffe, 1 prill 1977
Në vitin 1977 gazeta angleze “The Guardian” publikoi një suplement special prej shtatë faqesh në nder të dhjetëvjetorit të San Serriffe, një republikë e vogël që ndodhej në Oqeanin Indian dhe që përbëhej vetëm nga ishuj në formë pikëpresjesh. Në faqet e kësaj specialeje përshkruhej me zell gjeografia dhe kultura e këtij kombi të panjohur. Kryeqyteti quhej Bodoni dhe lideri i kësaj republike ishte gjeneral Pica. Telefonat e “The Guardian” nuk pushuan gjithë ditën pasi lexuesit kërkonin më shumë informacion për këtë vend ekzotik, ku mund të kalonin pushimet. Pak vetë e kuptuan se çdo gjë që kishte lidhje me këtë ishull kishte emra që kishin lidhje me teknologjinë e printimit.
Nixon rikandidon për President, 1 prill 1992
Në vitin 1992, Radioja Publike Kombëtare në programin “Talk of the Nation” në SHBA njoftoi se Richard Nixon do të kandidonte sërish për President. Slogani i fushatës së tij të re do të ishte “Unë nuk kam bërë asnjë gabim dhe s’do të bëj sërish asnjë gabim”. Ky njoftim u shoqërua me pjesëza audio të fjalimit të Nixon-it teksa paraqiste kandidaturën. Dëgjuesit shkaktuan një dyndje telefonatash në radio duke shprehur habi dhe zemërim. Vetëm në pjesën e dytë të emisionit, prezantuesi John Hockenberry zbuloi se bëhej fjalë për një shaka. Zërin e Richard Nixon e kishte imituar komediani Rich Little.
Ajsbergu i Sidneit, 1 prill 1978
Më 1 prill 1979 në molin e Sidneit u shfaq një anije e madhe mallrash, e cila tërhiqte nga pas një ajsberg gjigand. Banorët e qytetit po e prisnin atë. Dick Smith, një biznesmen aventurier dhe milioner, kishte promovuar prej kohësh idenë e tij për të marrë një ajsberg nga Antarktida dhe tani ia kishte dalë mbanë. Ai u shpreh se do ta copëzonte ajsbergun në kube të vogla akulli dhe do t’i shiste për dhjetë cent secilin. Këto kube të freskëta nga ujërat e Antarktidës do të përmirësonin shijen e çdo lloj lëngu që do freskonin. Por, pak më vonë filloi të binte shi dhe shkuma e zjarrfikësve dhe kremi i rrojës me të cilin ishte bërë ajsbergu filluan të shkriheshin.
Bletët vrasëse drejt Arizonës, 1 prill 1994
Në vitin 1994, banorët e Glendale dhe Peoria, në Arizona, u zgjuan dhe panë se postera të verdhë ishin vënë kudo në lagjen e tyre që i paralajmëronin për “Operacionin e bletëve vrasëse”. Disa orë më vonë qyteti do të sprucohej nga ajri për të zhdukur turmat me bletë vrasëse. Banorët u këshilluan të qëndrojnë brenda nga ora 9 e paradites deri në 2:30 të drekës. U siguruan disa numra telefoni në këto postera. Në fund të tyre lexonte “Numri i informacionit të shfarosjes së pesticideve në Arizona”. Më poshtë lexohej “1 prill”. Pak njerëz e kuptuan shakanë. Shumë banorë qëndruan në shtëpi gjithë ditën, duke kërkuar nga dritaret për avionët me pesticide.
“Freewheelz”, 1 prill 2000
Numri i prillit të revistës “Esquire” u prezantonte lexuesve një kompani të re të quajtur “Freewheelz”. Kjo kompani kishte një plan biznesi krejtësisht të ri. Ajo synonte që të pajiste shoferët me makina falas. Në shkëmbim, shoferët me fat do të binin dakord që të vendosnin në pjesën e jashtme të tyre reklamat e kompanisë. Lexuesit e kujdesshëm do ta kishin kuptuar shakanë nëse do të kishin qenë aq të vëmendshëm për të vënë re se shorti për përzgjedhjen e shoferëve fatlumë nga “Freewheelz” do të zhvillohej më 1 prill. Por, ata lexues që nuk e kuptuan një gjë të tillë, e “përmbytën” redaksinë e “Esquire” me telefonata për të mësuar se si mund të regjistroheshin në këtë program.
Të korrat e makaronave në Zvicër, 1 prill 1957
Një prej rrengjeve më të mëdha në historinë e 1 prillit ka pasur si protagoniste një media angleze, BBC-në. Më 1 prill 1957, show britanik i lajmeve “Panorama” transmetoi një kronikë, ku shfaqeshin fermerët zviceranë duke korrur makarona nëpër pemë. Audienca vështronte dhe dëgjonte drejtuesin e nderuar të emisionit, Richard Dimbleby, i cili diskutonte shumë seriozisht për procesin e korrjes së makaronave, duke u shprehur se sidoqoftë në Itali kjo industri është shumë herë më e zhvilluar se në Zvicër. Sigurisht që kjo ishte vetëm një gënjeshtër me rastin e 1 prillit. Por sapo emisioni mbaroi, BBC-ja mori shumë telefonata nga teleshikuesit. Një pjesë ishin të çuditur, ndërsa një pjesë tjetër pyesnin se si mund të prodhonin ata vetë makarona në pemë. Kësaj pyetjeje stafi i BBC-së iu përgjigj: “Duhet të vendosni fije makaronash në një kavanoz me salcë dhe të shpresoni”
