Aurora, Author at Orikumi News

Rivale per njer burre! Dy shqiptaret rrahin njëra-tjetrën në një palestër , shkak burri i…

Leave a Comment / Aktualitet / Aurora / April 2, 2018

Rivale per njer burre! Dy shqiptaret rrahin njëra-tjetrën në një palestër.

Ngjarja ka ndodhur 3 ditë më parë e as me shume e as me pak se sa në qytetin e Volosit në Greqi.

Sipas shtypit grek, një shqiptare 25-vjeçare plagosi me thikë 34-vjeçaren, gjithashtu shqiptare, duke e qëlluar në dorë. Në kohën që ndodhi ngjarja, në palestër kishte shumë persona të cilët po stërviteshin.

E plagosura u dërgua në spital dhe nuk ka rrezik për jetën.

Ndërsa policia arrestoi 25-vjeçaren për plagosje. Sipas të dhënave dhe dëshmive të tyre, dy gratë njiheshin me njëra-tjetrën dhe kishin shkëmbyer më parë mesazhe në Facebook.

Motivi i konfliktit ishte një burrë.

Mediat greke raportojnë se 34-vjeçarja e plagosur është e martuar dhe ka një fëmijë, por nuk kanë specifikuar nëse është bashkëshorti i saj i njëjti person që është bërë “mollë” sherri.

Rivale per njer burre! Dy shqiptaret rrahin njëra-tjetrën në një palestër , shkak burri i… Read More »

“The Guardian”: Njihuni me një nga plazhet më të bukura në Evropë, ndodhet në Shqipëri (Foto)

Leave a Comment / Aktualitet, Turizem / Aurora / April 2, 2018

Gazeta britanike “The Guardian”, e ka renditur Drimadhes në Jug të Shqipërisë, si një nga plazhet më të bukura të Evropës

Ai vjen në renditje menjëherë pas “Milles of sand”, një ishull në veri të Holandës.

“Kamping dhe rërë të bardhë në Shqipëri”, titullohet pjesa ku përshkruhet bregdeti shqiptar.

“I fshehur prapa një rruge malore, plazhi i Drymades është me të vërtetë guror, por kthehuni mejtas dhe ecni për 10 minuta dhe do të gjeni plazhe plotësisht të bardha me rërë të bardhë”.

Deti është pa dyshim i qartë, dhe kjo kur është një temperaturë e butë.

Një pemishte me portokalle është shtëpia e kampit të Breshkave të Detit, e cila ka tenda të parapërgatitura, me dyshek dhe shtroje të pastërta.

“The Guardian”: Njihuni me një nga plazhet më të bukura në Evropë, ndodhet në Shqipëri (Foto) Read More »

Fevziu rrëfen takimin me Berishën: Biseduam për …

Leave a Comment / Aktualitet, Intervista / Aurora / April 2, 2018

Takimi i fundit i gazetarit Blendi Fevziu me ish-Kryeministrin Sali Berisha është përfolur dhe komentuar nga mediat online si një ritakim domethënës mes tyre, pas një “ftohjeje” prej disa vitesh. I ftuar në studion e “Rudina” në Tv Klan, Fevziu sqaroi se takimi mes tyre nuk ka patur si temë ndonjë ftesë për në emision, apo diskutimet për zhvillimet në Shqipëri.

Fevziu tregoi se në takimin me Berishën kanë diskutuar për politikat e jashtme, duke e quajtur takim kortezie, që përkoi në fakt me vizitën në Tiranë të ish-Kryeministrit të New York Rudy, Giuliani. Gjatë emisionit Fevziu sqaroi se me Berishën ka pasur ndalim komunikimi dhe nuk ka asnjë zënkë mes tyre.

”Jo s’kam biseduar fare për programin, as për probleme të ditës apo politike. Ka qenë një kafe kortezie, pothuajse e gjithë biseda ka qenë e fokusuar tek politika e jashtme. Kam folur për problemet që janë në qendër të vëmendjes kohët e fundit, siç janë raportet mes Turqisë dhe Bashkimit Europian. Nuk kam folur as për programin, as për ftesë, ka qenë një kafe kortezie shumë korrekte. Në Shqipëri është bërë zakon që çdo gjë e kthejnë në lajm dhe portalet ndjekin njëri-tjetrin. Berisha ka një ftesë të hapur për të ardhur në emision, por unë nuk kam hyrë në këto biseda. Unë nuk kam patur zënie me Berishën, por ndalim komunikimi për arsye të rrethanave të krijuara nga emisioni. Nuk më ka telefonuar më, më pas as unë nuk e kam telefonuar sepse dy-tre telefonatave të fundit nuk i është përgjigjur. Kaq ka qenë historia. Nuk kemi bërë fjalë dhe nuk jemi sharë. U takova në një kafe dhe nuk bëhet fjalë për tjetër gjë”, tha Fevziu.

Fevziu rrëfen takimin me Berishën: Biseduam për … Read More »

Hapet “hoteli i dashurisë”… me dhomë torture (FOTO)

Leave a Comment / Aktualitet, Kuriozitete / Aurora / April 2, 2018

Ka nisur punën në Kiev të Ukrainës i pari “hotel dashurie” për të gjithë ata çifte që kërkojnë një natë aventure të tipit “50 Shades of Grey”.

Cherry Twins premton për klientët e tij një “hapësirë dashurore” dhe ofron 7 dhoma për të gjithë ata që duan të luajnë me role. Dhomat janë këto: Dhoma e Mbretëreshës, Haremi Arab, Infermieria, Klasa, Dhoma e Dominimit, Dhoma Gotike dhe Dhoma e Torturës.

Elena Solovieva, projektuesja e këtij hoteli, thotë se bëhet fjalë për vendin perfekt ku mund të shndërroni fantazitë tuaja erotike në realitet.

Hapet “hoteli i dashurisë”… me dhomë torture (FOTO) Read More »

Emrat më të bukur për bebet që lindin në muajin prill

Leave a Comment / Kuriozitete / Aurora / April 2, 2018

Emri i fëmijës që do të lindë duhet të jetë unik dhe praktik. Kjo është specifika që dëgjon më shumë mes prindërve të ditëve të sotme. Stina e pranverës, por sidomos muaji prill, ka me qindra-mijëra emra që lidhen me natyrën, lulet dhe shkëlqimin e stinës, por edhe emra që lidhen me festat fetare të kësaj stine.

Pa u përpjekur për të bashkuar diçka që nuk bashkohet, pa bërë shumë shkurtime e simbole, në këtë listë janë disa emra që lidhen me muajin dhe me religjionin. Janë universalë, ndaj edhe mbeten gjithmonë gjetje të zgjuara.
Shikoni disa prej tyre:
Vajza
Ardalia,
Arda,
Grace,
Emma,
Enora,
Elma,
Damiana,
Ava,
Lily,
Charlotte,
Isadora
Isidora
Romana
Herna,
Heliena,
Honora,
Marsilia,
Hulda,
Ivy (i),
Rose,
Violet,
Olivia,
Kalina,
Avery
Fedora (Theodora)

Djem
Adrien,
Isidro,
Rodion,
Sirmion,
Alger,
Damian, Damien, Damio,
Donan,
Jurgen,
Joris,
Ermin,
Maris,
Rodan,
Ivi,
Orson, Orsi,
Gabriel,
Marcus,
Abel,
Liam,
Matias
Arthur,
Jordan,
Dominik,
Korad

Emrat më të bukur për bebet që lindin në muajin prill Read More »

Qëndrojini larg popullit o hajdut që fshiheni pas kostumeve!

Leave a Comment / Opinione / Aurora / April 2, 2018

3 mallkimet si hiena, se lënë njerëzinë të rregullojë hallet e veta! Çohen të zhyturit në korrupsion të udhëheqin protestën!

Populli shqiptar ka degraduar mes tre mallkimeve dhe nuk po arrin të ngrejë krye. Edhe protestën kundër skamjes e padrejtësisë çohet e udhëheq PD dhe LSI.

Njëri i zhytur deri në fyt , pasi grabiti 230 milionë euro të këtij aksi rrugor, tjetra zotëron gjysmat e rrugëve dhe paratë i ka në banka.

“Çohen PD e LSI të udhëheqin protestën?! Larg o Zot! Mes tre mallkimeve mbi Shqipërinë, krahasuar me ’97çit e çizmaxhinjtë 700-ësh, halli e bën PS-në të duket e keqja më e vogël (me shpresën naive se edhe mund të kthjellohet…

Mos e politizoni! Njerëzit nuk ua shohin dot më fytyrat prej burgaxhinjsh të merituar që fshihni pas kostumeve, kollarove e mikrofonave në qeveri e në opozitë. Njëri-tjetrin e shterofshi e mos ngeltë njeri pa e kapur inati i tjetrit në politikë, por popullit rrijini larg! Është në pikën e një shpirti që po del nga rrahja pa pushim!” , shkruan gazetarja Edlira Gjoni.

Koha të përfundojë protesta politike.

Qëndrojini larg popullit o hajdut që fshiheni pas kostumeve! Read More »

Ramush Haradinaj merr guximin dhe iu përgjigjet kërcënimve të Erdoganit: Mos u merr me punët tona!

Leave a Comment / Debat, Politike / Aurora / April 2, 2018

Kryeministri i Kosovës, Ramush Haradinaj, më në fund i është kundërpërgjigjur presidentit të Turqisë, Recep Tayyip Erdogan, pas akuzave që mori nga udhëheqësi turk, për reagimin e tij rreth dëbimit të gjashtë shtetasve turq nga Kosova në Turqi.

“Jazëk të qoftë kryeministri i Republikës së Kosovës që shkarkove ministrin e Brendshëm dhe shefin e shërbimeve sekrete të Kosovës. Ndërkohë dua të falënderoj shumë presidentin e Kosovës, i cili ishte një bashkëpunëtor shumë i mirë. Po të duam ta rrëzojmë qeverinë dhe ke për ta pësuar me këtë që ke bërë. Në Kosovë do të bëjmë operacione të tjera të ngjashme me ndihmën e presidentit të Kosovës”, tha Erdogan.

Megjithatë, Haradinaj nuk e ka përmendur asnjëherë me emër presidentin turk, dhe as rastin e dëbimit të turqve, të cilët në Turqi akuzohen për terrorizëm, teksa i është kundërpërgjigjur Erdoganit.

Shefi i ekzekutivit të vendit i ka thënë Erdoganit se nuk do ta lejojë të përzihet në punët e brendshme të Kosovës.

Haradinaj ka thënë se shqiptarët nuk e kanë në traditë të ndërhyjnë në punët e shtëpisë të dikujt tjetër.

“Kosova dhe unë asnjëherë s’kam ndërhyrë në punët e brendshme të Turqisë. As në të kaluarën, as sot, as në të ardhmen. Punët tona të shtëpisë s’do të mundet kush t’i bëjë në emrin tonë në Kosovë. Do t’i bëjmë ne, kur t’i bëjmë ne. Këtë le ta dinë të gjithë”, është shprehur kryeministri kosovar.

Ramush Haradinaj merr guximin dhe iu përgjigjet kërcënimve të Erdoganit: Mos u merr me punët tona! Read More »