Aurora

Po i falin detin Greqisë, Meta kërkon të kthejë mbrapsht negociatat, dhe i kërkon Bushatit të zbulojë detajet

Leave a Comment / Aktualitet, Opinione / /

Çështja e detit midis Greqisë dhe vendit tonë ka ngjallur debat në politikë dhe jo vetëm, kohët e fundit pas deklaratës së ministrit të Jashtëm grek Nikos Kotzias.

Marrëveshja u përfol se i dhuronte fqinjit 12 milje nga deti ynë, duke shkelur kështu të drejtat kombëtare të vendit, konform ligjeve ndërkombëtare.

Mirëpo sipas gazetës Koha Jonë presidenti i Republikës, Ilir Meta, nuk do t’i japë plotfuqishmërinë Ministrisë së Jashtme për të negociuar një marrëveshje të re me Greqinë, nëse nuk përmirësohen disa nga problematikat e konstatuara në shkresën që një javë më parë iu drejtua kreut të shtetit.

Gazeta shkruan se presidenti Meta pasi u konsultua me gjithë ish-presidentit e shtetit shqiptar si Berisha, Mejdani, Moisiu, Topi dhe Nishani, si dhe me kryetaren e komisionit të politikës së jashtme Mimi Kodheli dhe zv/kryetarin Tritan Shehu me sa duket ka vendosur t’ia kthejë kërkesën ministrisë së jashtme për plotësime. Ata i kanë zugjeruar që qeveria të bëjë transparente negociatat me palën greke.

Ai i ka shkruar një letër ministrit Bushati ku i shpreh problematikat e konstatuara në kërkesën e bërë një javë më parë për dhënien e plotfuqishmërisë.

Në këtë shkresë, kreu i shtetit do t’i kërkojë ministrit Bushati që të saktësojë emrat e negociatorëve që do të negociojnë për marrëveshjen e re me Greqinë. Dhe është krejt normale, pasi Presidenti i Republikës nuk mund të firmosë një shkresë dhe emrat të plotësohen nga qeveria. Emrat duhet parë, seleksionuar, kaluar në skaner dhe me pas vendoset.

Konsultimet e zhvilluara me paraardhësit e tij e kanë shtyrë Presidentin e Republikës që në shkresën, që do t’i dërgojë Ministrisë së Jashtme, të kërkojë edhe transparencë për të gjithë negociatat që janë zhvilluar dhe do të zhvillohen me palën greke.

Kjo transparencë do të konsiderohet e nevojshme për kreun e shtetit, në një kohë që në median greke, përfaqësues të lartë të qeverisë kanë deklaruar se kanë përmbyllur marrëveshjen e detit me Shqipërinë.

Kryetari i Shtetit ka përgjegjësinë kushtetuese që të mos firmosë asgjë që prek interesat e kufinjtë e shtetit shqiptar.

Po i falin detin Greqisë, Meta kërkon të kthejë mbrapsht negociatat, dhe i kërkon Bushatit të zbulojë detajet Read More »

Rama provokoi në Kosovë, ministri serb kërcënon: Nëse bota nuk ndal Shqipërinë e madhe, do e ndalim ne

Leave a Comment / Aktualitet, Debat / /

Idetë që të gjithë shqiptarët të jetojnë në një shtet dhe ta kenë në president janë dëshmi se të Shqipërisë së madhe dhe ato duhet të ndalen, thotë ministri serb i Mbrojtjes Aleksandar Vulin. “Shqipëria e madhe është kërcënimi më i madh për paqen në Ballkan”, ka thënë Vulin.
Duke komentuar deklaratën e kryeministrit shqiptar Edi Rama se Shqipëria e Kosova duhet ta kenë një politikë të jashtme e të sigurisë dhe një kryetar, Vulin thotë se zgjerimi i Shqipërisë së madhe duhet të ndalet Kosovë.

“Mu për këtë arsye kam propozuar dhe propozoj që kufiri ndërmjet nesh e Shqipërisë së madhe duhet të përcaktohet në Kosovë ku zgjerim i saj duhet të ndalet”, ka thënë Vulin.
“Nëse këtë bashkësia ndërkombëtare s’e ka guximin ta thotë këtë, e themi ne”, tha ai.

“Çdo kush duhet ta dijë e ta kuptojë se nëse shqiptarët flasin se do ta kenë një politikë të jashtme e një president, do të jetë shumë vështirë t’iu tregohet, sidomos serbëve, pse ata s’e kanë një president ose një politikë jashtme marrë para sysh se edhe ne jetojmë në disa shtete në hapësirën e Ballkanit”, ka theksuar Vulin duke shtuar se “Shqipëria e madhe duhet ndaluar”.

Rama provokoi në Kosovë, ministri serb kërcënon: Nëse bota nuk ndal Shqipërinë e madhe, do e ndalim ne Read More »

Supe pule me arra dhe hudhra:E ngrohte plot shendet

Leave a Comment / Kulinari / /

E lehtë në shije dhe me një aromë të mrekullueshme që të tërheq menjëherë drejt tryezës është supa e pulës me arra dhe hudhra.

Receta e kësaj supe është pjesë e traditës së nënave shqiptare. Dikur ajo gatuhej në raste të veçanta, sidomos kur shtëpinë e vizitonin miq e mysafirë.

Nuk ka fjalë për të përshkruar shijen fantastike të kësaj supe, përbërësit e të cilës kombinohen në mënyrë të shkëlqyer me njëri-tjetrin.

Mishi dhe lëngu i pulës kombinuar me arrat është një mrekulli për shijen, por mbi të gjitha për shëndetin falë vlerave të larta ushqyese që ka.

Kjo supë është ideale për ditët e ftohta. Jo vetëm që të kënaq nepsin dhe oreksin me shijen e saj fantastike por ndihmon dhe mbron organizmin gjithashtu nga virozat, e ftohura dhe gripi.

Ndiqni më poshtë recetën e vjetër të Supës me Arra dhe Hudhra, e cila përgatitet krejt lehtë dhe shpejt.

Përgatitja e Supës me Arra dhe Hudhra

Përbërësit

(Përbërësit më poshtë për 4-5 persona)

Një pulë mesatare

3-4 lugë vaj ulliri

Pak gjalpë i freskët

1 filxhan çaji me arra të thërrmuara

2 lugë miell gruri

2 thelpinj hudhër

Lëng limoni i freskët

Kripë

Piper

Përgatitja

Pastrojmë me ujë të rrjedhshëm pulën dhe e ndajmë në copa.

Vendosim një tenxhere në zjarr, shtojmë copat e pulës dhe vajin e ullirit.

I kaurdisim për pak dhe më pas shtojmë ujë derisa copat e mishit të mbulohen tërësisht.

Pasi pula të ketë zierë, vendosni një tigan në zjarr, shtoni pak vaj ulliri dhe miellin, kaurdiseni derisa mielli të marrë një ngjyrë të artë.

Në këtë moment largojeni tiganin nga zjarri. Merrni pak lëng nga tenxherja ku ka zierë pula, shtojeni tek mielli dhe kaurdiseni derisa masa të behet e trashë, e njëtrajtshme.

E shtojmë këtë masë tek tenxherja ku kemi pulën me lëngun e saj. E vendosim në zjarr dhe e trazojmë në mënyrë që të mos bëhen kokërriza dhe supa të nisë të trashet.

Në fund shtojmë arrat e thërrmuara, hudhrat e shtypura, kripën, i lëmë të ziejnë për pak minuta dhe supa është gati.

Kur e shërbejmë i shtojmë piper, disa pika lëng limoni të freskët.  Nëse dëshironi, për më shumë shije mund t’i shtoni edhe disa pika gjalpë të shkrirë.

Kjo supë shoqërohet në mënyrë të mrekullueshme me sallata të freskëta të stinës, perime të pjekura, bukë të thekur por edhe byrekë të ndryshëm.

Supe pule me arra dhe hudhra:E ngrohte plot shendet Read More »

Kivi : Zbuloni ndikimin e forte ne organizem

Leave a Comment / Shendetesi / /

Fruti i kivit është i pasur me ushqyes dhe ka pak kalori, madje së fundmi, kivi po kultivohet edhe në Shqipëri.

Në vendin tonë kivi ka qenë pothuajse i panjohur si frut për konsumatorët deri pas viteve ’90.

E vërteta është se disa pemë të kivit janë mbjellur gjatë viteve 70’ në kopshtin eksperimental të Institutit të Kërkimeve Bujqësore në Lushnjë.

Mënyrat se si kivi i vjen në ndihmë organizmit tonë janë të panumërta.

Kivi është një super frut dhe kjo i atribuohet përmbajtjes së lartë të vitaminës C, kaliumit dhe bakrit, të cilat janë të dobishme dhe të pazëvëndësueshme për shëndetin tonë.

Lexuesit  e dinë tashmë që vitamina C ka aftësi të stimulojë jo vetëm funksionin por edhe prodhimin e qelizave të bardha të gjakut (leukocitet) të cilat janë pjesë e sistemit tonë imunitar dhe në veçanti të neutrofilit që shkatërron substancat, viruset dhe bakteret që shkaktojnë sëmundje.

Cilat janë vlerat shëndetësore të vitaminës C?

Vitamina C rrit nivelet e antitrupave, proteina të prodhuara nga qelizat e bardha të gjakut.

Vitamina C ndihmon edhe në parandalimin e trombozës.

Nëse konsumoni dy kivi në ditë, atëherë do të përfitoni 259/mg vitaminë C. Kjo dozë e nevojshme e vitaminës C, jo vetëm që do të ulë tensionin e gjakut, por edhe do të shmangë sëmundjet e zemrës dhe do t’i japë lëkurës tonalitet dhe gjallëri.

Qeniet njerëzore kanë nevojë për vitaminën C që të rrisin natyralisht nivelet e gjakut të plotë (pa përfshirë këtu plazmën), të pastrojnë gjakun dhe të rigjallërojnë zemrën dhe arteriet.

Fruti i kivit ka një nga sasitë më të larta të vitaminës C që gjenden në një frut.

Vlerat e kaliumit

Çdo frut është i pasur me kalium, një elektrolit dhe mineral thelbësor.

Në organizëm gjendet një sasi e vogël enzimash që kanë nevojë për kalium që të funksionojnë siç duhet.

Enzimat janë të domosdoshme dhe të rëndësishme për ruajtjen e niveleve të rregullta të kimisë së qelizave në trup.

Parandalimi i sëmundjeve kronike kërkon nivele të rregullta dhe të rregulluara të kaliumit.

Ky mineral ndihmon në parandalimin e disa sëmundjeve të kohëve moderne siç janë:

• Osteoporoza
• Goditjet në tru
• Tensioni i lartë i gjakut
• Gurët në veshka

Vlerat e bakrit që gjendet tek Kivi

Marrja e bakrit nëpërmjet ushqimeve është e rëndësishme për formimin e qelizave të kuqe të gjakut dhe përthithjen e hekurit.

Hekuri mbështet transportin e oksigjenit, funksionet biologjike dhe prodhimin e energjisë.

Pamjaftueshmëria e hekurit është një nga simptomat që prek shumë njerëz në mbarë botën. Kjo simptomë shkakton anemi.

Fruti i kivit ka një përqindje të lartë bakri dhe konsumi ditor i këtij fruti është i rekomandueshëm për përthithjen e një sasie të domosdoshme të bakrit në sistemin tonë endokrin.

Cilat janë vlerat e tjera të shtuara nga konsumi ditor i kivit?

Një ritual i pasur dhe i shëndetshëm ushqimor që përfshin kivin do të ndihmojë për:
1. Gjumë të mirë dhe të qetë
2. Rritjen e niveleve të kolagjenit në lëkurë
3. Uljen e rreziqeve të sëmundjeve të zemrës
4. Ekuilibrimin dhe rregullimin e funksionit të zorrëve
5. Pastrimin e mëlçisë
6. Rikthimin e energjisë, duke ju ndihmuar të ndiheni të gjallëruar, të rifreskuar dhe plot dëshirë për jetën.

Mënyrat për konsumimin e kivit janë të panumërta dhe përfshijnë: lëngjet, kombinimet me perimet, sallatat dhe shumë të tjera.

Kivi : Zbuloni ndikimin e forte ne organizem Read More »

Musaka me presh:Nga gatimet speciale te tradites

Leave a Comment / Kulinari / /

Kuzhina shqiptare është e pasur në receta e gatime speciale për çdo perime.

Gjellë e supa të shijshme, tava të ndryshme furre etj, i ofrojnë shije të mrekullueshme tryezës në çdo stinë.

E tillë është edhe receta e përgatitjes së musakasë me presh.

Një traditë e vjetër e kuzhinës shqiptare, që thuhet se ndikimin e ka nga kuzhina e vendeve të Lindjes.

Pavarësisht se musakaja tipike është ajo e njohur gjerësisht e përgatitur me patate, ka dhe shumë receta të tjera të përgatitjes së musakasë siç është ajo me presh, me patëllxhanë apo edhe kunguj.

Më poshtë receta e përgatitjes së musakasë me presh, një gatim special, tejet i shijshëm ideal për një vakt të plotë dreke.

Përgatitja e Musakasë Me Presh

Përbërësit

(Përbërësit më poshtë për 4-5 persona)

1.5 kg presh

2 filxhanë kafeje me vaj ulliri

200-300 gr mish të grirë

2 kokrra qepë

1 lugë gjelle salcë domatesh

2 gjethe dafine

Kripë

Piper

Majdanoz

Për salcën beshamel 

3 lugë gjelle miell

2 lugë gjelle gjalpë të freskët

2 deri 3 gota qumësht

2 kokrra vezë

3 lugë gjelle djathë kaçkavall i grirë

Kripë

Përgatitja

Për kimën: Për përgatitjen e kimës kaurdisen qepët e grira imët me mish të grirë, hidhet salcë domatesh, kripë, piper dhe dafinë.

Për beshamelën: Në tigan skuqni gjalpin me miellin derisa të jetë zverdhur. Shtoni qumështin dhe përziejeni fort dhe shpejt me një lugë druri derisa masa të jetë e njëtrajtshme. Shtoni vezët e rrahura dhe vijoni ta përzieni. Shtoni kripën sipas dëshirës si dhe djathin kaçkavall të grirë.

Përgatitja e Musakasë

Si fillim preshi pastrohet me ujë të rrjedhshëm, gjethet e sipërme preferohet që të hiqen.

Pritet në copa të pjerrëta me gjatësi 3-4 centimetra.

Më pas, skuqen lehtë u hidhet pak kripë dhe ndahen në dy pjesë.

Gjysma e tyre shtrohet në një tavë ku më parë kemi shtuar vaj ulliri dhe galetë (bukë e thekur e thërrmuar imët).

Sipër tyre hidhet një shtresë me kimë  dhe mbulohet me pjesën tjetër të preshve.

Sipër i hidhet salca beshamel, e cila sheshohet në të gjithë sipërfaqen e tavës me ndihmën e një luge të lyer me qumësht.

Më pas, tava vedoset në furrë përreth 30-40 minuta.

Musaka me presh:Nga gatimet speciale te tradites Read More »

Qumeshti i bletes:Sheruesi magjik i shume semundjeve

Leave a Comment / Kulinari, Shendetesi / /

Përdorimi i qumështit të Bletës po njeh një zgjerim të konsiderueshëm në tregun shqiptar.

Çdo pikë qumështi i bletës është jetë. Vlerësohet si nektari i perëndive për nga vlerat e jashtëzakonshme shëruese që ka për shëndetin.

I njohur ndryshe me emrin “Xhelatina Mbretërore” qumështi i bletës është ndër më të kërkuarit në botë. Sot ai është shndërruar në një biznes fitimprurës për bletarët shqiptarë krahas prodhimit të mjaltit.

Sipas të dhënave , vitet e fundit, qumështi i Bletës po njeh një zgjerim të konsiderueshëm në tregun shqiptar.

Ashtu si në çdo vend të botës ai shitet në sasi shumë të kufizuar ndaj dhe vlera e tij përherë e më shumë bëhet më e shtrenjtë. Ai ambalazhohet në minishishe qelqi dhe shitet në gramatura shumë të vogla.

Sipas të dhënave  çmimi mesatar për vetëm një gram qumështi të bletës shkon deri në 1 mijë lekë (të reja).

Nisur për nga vlera e lartë dhe fitimprurëse, bletarët shqiptarë kanë fokusuar biznesin e tyre prej disa vitesh edhe në shitjen e qumështit të bletës ndërsa e vlerësojnë këtë mënyrë biznesi edhe më fitimprurës se sa shitja e mjaltit.

Kërkesa për qumështin e bletës në rritje

Bletarët shprehen  se kërkesa për qumështin e bletës është gjithnjë në rritje ndaj dhe ata janë duke i kushtuar vëmendje përherë e më të lartë nxjerrjes së këtij qumështi të artë.

Vjelja e qumështit të bletës kërkon një mjeshtëri të posaçme pasi i gjithë procesi është shumë delikat.

Qumështi i bletës që prodhohet nga gjëndrat e bletëve punëtore shërben për të ushqyer larvat gjatë tri ditëve të para si dhe për të ushqyer mbretëreshën.

Ky ushqim e mban mbretëreshën në jetë për 8 vjet, një fakt interesant ky, duke ditur që një bletë e zakonshme, e cila ka lindur nga e njëjta vezë me mbretëreshën, jeton vetëm 21 ditë.

Qumështi i bletës ka ngjyrë të bardhë në të verdhë, është si krem, ka shije të thartë dhe pak aromë.

Vlerat kurative për shëndetin

Vlerësohet si një super ushqim i fuqishëm për shkak të vlerave që ai mbart. Qumështi i Bletës përmban ujë, lëndë minerale, yndyrna, proteina, karbohidrate, vitamina etj.

Ai mund të përdoret për kurimin e një sërë sëmundjesh si: Hipertiroidisem, Diabeti, Hiperkolesterolemi, hipertrigliceridemi (kolesterol dhe trigliceride të larta), sëmundje të zemrës dhe enëve të gjakut, sëmundje kronike të mushkërive, sëmundje të gojës, probleme me mishrat e dhëmbëve, probleme të fytit, sëmundje të veshkave, artrite reumatoide, probleme me riprodhimin, ndihmon në periudhat e premenopauzës etj

Ai rekomandohet që të përdoret herët në mëngjes duke e marrë nën gjuhë. Kjo pasi aty ka mjaft enë gjaku që bëjnë thithjen e menjëhershme dhe kalimin në gjak.

Zgjatja e kurimit është e ndryshme dhe varet nga shkalla e sëmundjes ose qëllimi për të cilin përdoret, por asnjëhere më pak se një muaj.

Ka efekt qetësues dhe çlodhës, ul nivelin e hormoneve të tiroides. Ai është një pastrues fantastik për organizmin nga toksinat.

Ndihmon funksionimin e veshkave, rrit jetëgjatësinë e njerëzve, duke ruajtur rininë e enëve të gjakut. Zgjeron enët e gjakut, ndihmon në uljen e kolesterolit dhe triglicerideve dhe rrit imunitetin.

Ky qumësht ndihmon në formimin e rruazave të kuqe të gjakut, këshillohet në anemi dhe ndihmon në mikrohemorragji. Në lëkurë, rregullon prodhimin e yndyrës.

Përdoret në kozmetikë, sepse ndihmon në pastrimin dhe rinimin e lëkurës. Përdoret si agjent antibakterial dhe antivirusal lokal për probleme të ndryshme të lëkurës. Te fëmijët e sapolindur ndihmon në rritjen në peshë.

Qumështi i bletës, nxit gjëndrat riprodhuese, ndihmon prodhimin e vezoreve, gjatë shtatzanisë, duke rritur nivelin e progesteronit në gjak.

Rrit nivelin e testosteronit në gjak, duke ndihmuar në problemet e potencës mashkullore. Stimulon gjëndrat mbiveshkore dhe ndihmon në sëmundje si artriti ose lodhja kronike.

Ndihmon në funksionimin e mëlçisë dhe sëmundjet e saj, hepatite dhe rigjeneron strukturën e mëlçisë.

Rekomandohet që kura duhet të zgjasë një muaj, maksimumi tre muaj, ndërkohë që dozat kurative duhet të ndërmerren sipas specifikimeve përkatëse.

Vlerësohet se asnjë ilaç nuk mund të zëvendësojë vlerat kurative të Qumështit të Bletëve.

Qumeshti i bletes:Sheruesi magjik i shume semundjeve Read More »

Reagon për herë të parë Salianji pas publikimit të videoskandalit me bisedat erotike

Leave a Comment / Opinione / /

Deputeti i PD-së, Ervin Salianji ka folur për herë të parë që pas publikimit të videoskandalit erotic, ku u filmua duke komunikuar me një person G.D.

Salianji ka folur në mbledhjen e Komisionit të Sigurisë, kur po diskutohej projektligji për Vettingun në Polici.

“Ju si mazhorancë se keni pranuar që policia ka pasur probleme të thella në lidhjet e saj me krimin. Duke qenë se përfshini në këtë vetting të gjithë punonjësit e policisë së shtetit, a nuk mendoni se në këtë ligj duhej përfshirë edhe ministri i Brendshëm, për lidhjet e tij me krimin, pastaj të shtrihej në gjithë klasën politike. Ju thoni në relacion se legjislacioni i tanishëm nuk partashikon mjete apo procedura kontrolli që mund të konsiderohen si efektive.

Një shqetësim tjetër është; a ka pasur marrje kompetencash nga nga ILDKP-ja për t’ia kaluar ato një institucioni që do ngrihet nga qeveria”,ka thënë Salianji.

Përgjigjen nuk ia ka vonuar, ministri i Brendshëm, Fatmir Xhafaj, i cili i ka thënë se është i hapur për një process Vettingu në politikë, por që pjesë e tij patjetër duhet të jetë dhe Salianji.

“Nëse do isha punonjës i Policisë së Shtetit, i Gardës apo SHÇBA-së, do i isha nënshtruar vettingut. Nëse duhet një ligj i vettingut për politikanët jam i pari që do e votoja dhe të cilit do i nënshtrohen të gjithë politikanët, duke ju përfshirë edhe ju”,-ka thënë Xhafaj.

Reagon për herë të parë Salianji pas publikimit të videoskandalit me bisedat erotike Read More »

Ç’po ndodh? Rama plasi ‘bombën’ në Kosovë, vjen reagimi i fortë i Komisionit Europian

Leave a Comment / Aktualitet, Lajmi i fundit, Politike / /

Pas deklaratave te kryeministrit shqiptar Edi Rama per nje president te perbashket per Shqiperine dhe Kosovesn, vjen “dushi i ftohte” i Komisionit Europian i cili ka reaguar permes sëdhënëses Catherine Ray, qe tha se këto deklarata janë të papërshtatshme.

“Deklaratat që mund të interpretohen si një ndërhyrje politike në vendet fqinje nuk ndihmojnë në ndërtimin e marrëdhënieve të mira fqinjësore,” tha ajo.

“BE pret që në të gjithë rajonin të vazhdojë ndërtimi i marrëdhënieve konstruktive dhe bashkëpunuese”.

“BE ka vazhduar të mbështesë parimet e pajtimit dhe bashkëpunimit në këtë rajon”.

Ç’po ndodh? Rama plasi ‘bombën’ në Kosovë, vjen reagimi i fortë i Komisionit Europian Read More »