Pas bërjes publike të dokumentit të kompanisë IFC ku për rrugën e kombit në vitin 2011 të qeverisë “Berisha” ku kishte 3 skenare për tarfimin e kësaj rruge që varionin nga 5.5 në 9 euro për veturë, Ish-Kryeministri ka reaguar në facebook.
Berisha duke hedhur poshtë faktin se ka kërkuar që kjo rrugë të tarifohet shkruan se po të donte ai e vendoste tarfiën, por nuk e bëri.
Mirëpo këtë që thotë sot Berisha e përgënjeshtron deklarata e të ndjerit Sokol Olldashi, Ministër i Transporteve në qeverinë Berisha, kur shprehej se në datë 14 qershor të vitit 2012 se: Tarifa për autostradën Milot-Morinë, në veri të vendit, do të jetë mbi vlerën e 5.0 eurove.
Këtu të gjithë flasin për moral, ndërkohë që morali ka kohë që e ka humbur kuptimin e vet.
Pak më parë “Pamfleti” shfaqi shqetësimin se Pallati 17 katësh tek Liqeni Artificial i dhënë nga ish kryebashkiaku Lulzim Basha si dhuratë për klientin e tij Bashkim Ulaj, pritet të shërbejë prapë si objekt ‘dhurimi’.
Ai do t’i dhurohet Bashës në “pjatancë” nga Rama në këmbim të tërheqjes nga protestat për taksën e rrugës së Kombit.
Gjykata me brekë nëpër këmbë e ka në dorë një gjë të tillë dhe pritet që në këto kushte vendimi të jetë pro klientit të Bashës, ndërtuesit të familjes Bashkim Ulaj.
Ndërkohë që ky pallat është dhënë nga Basha në vitin 2014. Teksa argumentonte kundër protestuesve të atëhershëm se bashkia e Tiranës për këtë çështje, nëpërmjet një deklarate për median thotë se “Projekti zhvillimor kufizohet vetëm brenda pronës private dhe shfrytëzon vetëm 40 % të truallit privat dhe në përfundim të tij, qyteti do të përfitojë edhe 20 mijë metra katrorë hapësirë publike dhe gjelbërim.
Ajo që tronditi mendjet e publikut dhe nervat e tij ishte fakti i ndërtimit të pallatit 17-katësh që do të ngrihet mu tek diga e “Liqenit Artificial”. Edhe pse fasha të gjera të shoqërisë janë ankuar dhe kanë protestuar ndaj këtij ndërtimi, Bashkia e Tiranës është mjaftuar me prononcimin e thatë se: “pallati nuk do ta cenojë pronën publike”.
Edhe pse Inspektorati Kombëtar për Mbrojtjen e Territorit arriti të bllokojë punimet për mungesë dokumentacioni, ishte Gjykata ka vendosur vazhdimin e tyre. Madje ka qënë dhe Ish ministri i Drejtësisë përfaqësues i LSI Ylli Manjani, në atë kohë nënkryetar i LSI, ai që e quajti projektin e ndërtimit të një kompleksi pallatesh në afërsi të Digës së Liqenit në Tiranë, një skandal shumëdimensional me firmën dhe bekimin e kreut të Bashkisë së kryeqytetit, Lulzim Basha.
“Ai kompleks atje që ngjan me një qytet të ri, është një skandal juridik, është një korrupsion politik dhe një katastrofë urbane e shoqëruar nga një katastrofë mjedisore gjithashtu. Duhet ndaluar me çdo kusht. Është një çmenduri që një kryetar bashkie që erdhi me premtimin për të ndaluar betonizimin…është e pafalshme dhe e patolerueshme deklarata e Bashkisë që duke prerë pemë dhe duke shtuar beton shtohet gjelbërimi!”, thotë Manjani në atë kohë.
Madje ai deklaroi se mazhoranca qeverisëse është e vendosur ta ndalojë këtë projekt.
“Me të gjitha mjetet ligjore do të ndalohet. Duhet ndaluar se s’bën! Nuk mund t’u zëmë frymën njerëzve. Nuk ka asnjë kriter urbanistik ai lloj ndërtimi. Është korrupsion politik sepse po bëhet nga klientë të pushtetit, janë klientët e Bashkisë së Tiranës që nuk mund të pranohet. Kjo mazhorancë ka dëshmuar se ka vullnet për ta pastruar territorin, për ta mbrojtur territorin nga katastrofat urbane dhe do ta bëjë këtë punë.
Ditën që do ta lërë këtë punë, kjo mazhorancë nuk duhet të jetë në pushtet”, tha Manjani.
Sot ka ndryshuar qëndrim. Madje po hesht dhe vetë Jamarbër Malltezi. Më 2012, kohë kur në krye të Bashkisë së Tiranës ishte Lulzim Basha, superdhëndri është paguar nga shefi i tij për të bërë vlerësimin strategjik mjedisor të Planit të Përgjithshëm Vendor, një plan i cili legjitimoi ndërtimin e një sërë pallatesh shumëkatëshe në disa nga zonat e gjelbëruara të Tiranës, si pallati 17 katësh te Diga e Liqenit apo përballë Fakultetit të Ekonomisë.
Dhe pasi u bllokua, me kërkesën e Veliajt, superdhëndërri protestoi rëndë atje.
Kryetari i Bashkisë Veliaj u shpreh kundër ndërtimit të pallatit 17 katësh te diga pasi leja e dhënë bie ndesh me raportin e Bordit të Digave.
Sipas tij kjo çështje me interes për qytetarët dhe parkun e liqenit nuk mund të gjykohet nga gjyqtarë që janë familjarë me ndërtuesit e pallatit 17-katësh.
Tashmë pritet që Rama t’ia “dhurojë” në tavolinë këtë pallat Bashës, thjeshtë e vetëm si “mall këmbimi” për të mbyllur gojën për taksën e Rrugës së Kombit. Nuk e ka për herë të parë.
I dha dhe 13.3 milionë euro vjehrrit të Bashës, pavarësisht se kishte ndërtuar një pallat në det, kundër çdo ligji.
Në Luginën e Drinos në Gjirokastër gjenden gjurmë të 15 qendrave urbane të lashtësisë, të cilat po tërheqin jo vetëm studiuesit dhe arkeologët por edhe turistët.
Qyteti antik i Antigonesë është njëra prej këtyre qendrave që është bërë pjesë e guidave turistike.
Drejtuesit e Parkut Arkeologjik thonë se po bëjnë përpjekje të shtojnë vizitorët dhe të nxisin bashkëpunimin me komunitetin e zonës.
Së fundmi në drejtim të këtij parku, përfunduan edhe disa rrugë që I lidhin këto qendra arkeologjike me Gjirokastrën dhe rrugën nacionale, raporton atsh.
Lugina e Drinos përbënë kuriozitet dhe për turistët e natyrës apo të aventurës aq sa ata që janë kurioz pas historisë apo arkeologjisë. Kjo luginë dhe lartësitë e saja kodrinore çdo ditë vizitohen nga turistë të huaj dhe vendas.
Gazetarja e emisionit “Stop” ka udhëtuar drejt fshatit Dukas Breg të rrethit të Patosit për një problem të pazakontë. Oborri i një godine, që më herë ka shërbyer si kishë për komunitetin ortodoks e herë si zyrë ferme, është bërë edhe streha e fundit për 30-40 persona të ndarë nga jeta. Por sot eshtrat e të vdekurve kanë dalë në sipërfaqe.
“Është shumë shqetësuese sepse këtu ndodhen edhe plehrat edhe eshtrat e të parëve. Është shumë problematike për komunitetin që banon këtu. Ka patur raste që kanë ardhur njerëz dhe kanë hapur gropat. Kanë nxjerrë eshtrat dhe i kontrollojnë për të gjetur se mos kanë futur sende të vlefshme në atë kohë”, shprehet një banor.
Ndërsa një tjetër thotë se janë të tmerruar, madje iu dalin edhe në ëndërr eshtrat e të vdekurve. “Është turpi i botës!”, thekson ai. Ata gjithashtu tregojnë të shqetësuar se fëmijët e tyre nuk e dinë se çfarë janë, ndaj dhe luajnë me to.
“Është shumë e rrezikshme sepse edhe banesa është në degradim. Mund të bien inertet dhe të vrasin fëmijët tanë. Edhe mikrobet, që janë eshtrat e të vdekurve sepse janë të vegjël, nuk dinë dhe luajnë!”, shprehet një nënë.
Nga ana tjetër, kryetarja e Bashkisë Patos, Rajmonda Balilaj thotë se nuk është në dijeni, pavarësisht faktit që banorët e kanë informuar. Ajo shprehet se as gazetaren nuk e pret dot, pasi e ka të “axhenduar” ditën.
Biseda
Kryetarja-E para një herë që ua kam nisur, nuk bëj pritje për ju se e kam axhenduar ditën e sotme dhe për gjithçka që ju e keni merak shkruajeni aty, që unë të mbledh informacionin.
Gazetarja-Aaaa, ju s’qenkeni në dijeni fare për skandalin?
Kryetarja-Jo, s’kam fare dijeni. Nuk di fare se ça skandali.
Gazetarja-Domethënë, ju paska zënë gjumi juve?
Kryetarja-Po!
Gazetarja-Atje bëhet kërdia me eshtrat e të vdekurve, ju akoma vazhdoni flini gjumë.
Në ditën botërore të Autizmit, Ora News sjell historinë e vajzës 9 vjeçare që vuan nga autizmi. Këtë çrregullim tek vajza e tyre, prindërit e kanë zbuluar në moshën 3 vjeçare. Për ta fillimi ka qenë shumë i vështirë, por jo i pakapërcyeshëm.
Kjo është Arjana Çela 9 vjeçe nga fshati Visok i Mallakastrës.
Familjarët kanë arritur ta zbulojnë që në moshën 3 vjeçare që vajza e tyre ishte ndryshe nga të tjerët e ndërsa shrehen se pavarësisht se vështirësive të mëdha , ia kanë dalë t’i kapërcejnë.
Çela: E kemi zbuluar në moshën 3 vjeçe, pasi u bë diagnostikimi i vajzës që ishte autike filloi një punë intensive që nga familja, nga specialistët në qendra të ndryshme pastaj me kopshtin dhe hap pas hapi, duket e vështirë por dhe e bukur si rrugë.
Artan Çela ka edhe një mesazh për të gjithë prindërit me fëmijë autikë.
Çela: Duhet të luftojmë më shumë ne prindërit për këta fëmijë, me veten tonë. Duhet ta kuptojmë ne të parët, pastaj fëmijët.
Në Fier rreth 72 persona janë të prekur nga autizmi.
Për specialistët që merren me fëmijët me aftësi ndryshe tregojnë që me përkujdes të veçantë mund të kapërcehen vështirësitë.
Psikologia:Janë 48 fëmijë që janë në sistem dhe 32 fëmijë që vijnë nga shkollat gjithëpërfshirëse në qendrën tonë. Nuk janë thjesht fëmijë me çrregullim. Përpos këtyre, këta fëmijë kanë talente të ndryshme.
Ndërkohë edhe në Elbasan është mbajtur një marshim sensibilizues për fëmijët autikë, ku janë të regjistruar rreth 100 raste të prekur nga ky çregullim.
Ka qenë seks-simboli i Anglisë për më shumë se 20 vite dhe Kelly Brook thotë se trupi i saj është aktualisht më i mirë se kurrë.
Edhe pse e ka nisur karrierën në moshën 16-vjeçare, ajo është ende shumë e kërkuar sot, edhe pse 38 vjeç. Është gjithashtu më e mbushur dhe më e lumtur.
“Kur plakesh, e kupton që pamja e jashtme nuk është gjëja më e rëndësishme. Sigurisht që kujdesem për veten dhe nuk e lë pas dore, por nuk mundohem të konkurroj një 20-vjeçare. Takoj shumë femra të bukura me trup fantastik, por ato janë gjithë kohën te doktori duke marrë botoks ose duke bërë tatuzhe. Duan gjithmonë të ndryshojnë dhe nuk janë të lumtura me atë që kanë. Unë tani jam më e lumtur me trupin tim, sesa kur isha e re”, u shpreh Brook për “The Sun”.
Lulzim Basha është shpërfytyruar, ditën që demokratët e Kukësit nuk i’u bindën atij dhe Flamur Nokës, i cili deklaroi me urdhër të liderit të opozitës, përpara gjithë shqiptarëve në foltoren e Parlamentit, se protesta e ditës së shtunë ishte një tubim që do të organizohej nga socialistët, të cilët kishin përgatitur dhe terrenin me mjete për të shkatërruar gjithçka me qëllim për t’ia faturuar “koston” e dëmeve të djathtës së bashkuar dhe të majtës së çorientuar të Kryemadhit.
Ndaj Muli paralajmëroi se demokratët do të distancoheshin nga dhuna e qëllimshme, por kjo nuk ndodhi, duke mos u realizuar kërkesa që i kishte bërë Basha: Dështimin e protestës. Arsyet se përse Basha ishte anti protestë ua kemi shpjegur shqiptarëve në një shkrim të djeshëm (SKANDAL/ Lulzim Basha e vjedh dy herë Rrugën e Kombit! I merr 250 mijë euro “Kastratit” për të mos dal në protestë). Por kush e ka parë Bashën këto ditë, duhet ta ketë vënë re një kuqje të madhe në të dy sytë.
Kjo, jo për merakun që ka për qytetarët kuksian, por për problemin e madh që i hapën me mikun e tij Çet Kastrati. Përpos dëmit që i shkaktoi duke e mashtruar, specialitet që e ka në shkallën më të lartë e me titull “Mjeshtër i Madh”, Basha nuk mund të mbylli sytë sepse nuk di si të veproj: T’i kthej Çetit 250 mijë eurot si kapar që mori për të mos marrë pjesë në protestë, apo t’i pagoi dëmet që i bëri duke shtuar dhe 250 mijë të tjera?!
Luli në fakt nuk është mësuar të paguaj për dëmet, e as të rri pa gjumë, por kësaj radhe, kur pazarin e tij të pistë e dinë dhe disa të tjerë nga brenda PD-së, vlera e marrë “dorën e parë” tani ka dhe një këst si interes i shtuar. Nëse merret vesh, Lulzimi nuk dihet se sa do të paguaj nga frika e atyre që i mashtroi dhe i la në mes të rrugës për 250 mijë euro “të qelbta”. Ndaj skuqja e syve dhe pagjumësia do vazhdoi gjatë, deri kur të qetësohen gjakrat!
Ndërsa thonë se ka gjithçka në këtë botë ka gjëra të mira ashtu edhe të këqija, e njejta ndodh edhe në botën e bimëve. Shumica prej nesh pajtohemi që shtëpia jonë ka nevojë për diçka të gjelbër.
Por djaloshi 5-vjeçar Estaban, futi aksidentalisht gjethen e një bime në gojë, ndërsa gjuha dhe goja e tij u ënjtën aq shumë sa ia morën frymën dhe i shkaktuan vdekjen.
Bima e ashtuquajtur “Dieffenbachia Amonea” po konsiderohet mjaft e rrezikshme, saqë thuhet se u mori jetën e 15 adoleshentëve në të gjithë botën.
Për bimën thuhet se ka një përbërës kimik të ashtuquajtur “Diefenbaker”, e cila shkakton vdekjen.
Ky raport u mor nga disa qendra spitalore të ndryshme në Amerikë.
