Ndonjëherë mund të ndiheni sikur njerëzit janë tepër në harmoni me emocionet tona, aq shumë sa të mund të kuptojnë aq mirë ndjenjat tona edhe nëse ne i fshehim ato mjaft mirë.
Rezulton se fytyrat tona mund ta zbulojnë të vërtetën në një mënyrë që ju as nuk e mendoni.
Sipas hulumtimeve të reja, rrjedha jonë e gjakut i përgjigjet ndjenjave tona, gjë qe rezulton me ndryshime në ngjyrën dhe pamjen e fytyrës sonë.
Një studim zbuloi se njerëzit mund të identifikojnë saktësisht në 75 % të kohës se çfarë dikush po ndjen vetëm duke parë ndryshimet delikate të ngjyrës së lëkurës.
Ndërkohë që tashmë studiuesit kanë projektuar një algoritëm kompjuterik që njeh emocionet njerëzore 90 për qind të kohës.
“Ne identifikuam modelet e ngjyrosjes së fytyrës që janë unike për çdo emocion që kemi studiuar,” tha Aleix Martinez, profesor i inxhinierisë elektrike dhe kompjuterike në Universitetin Shtetëror të Ohajos dhe një nga autorët e studimit.
“Jo vetëm që i perceptojmë këto ndryshime në ngjyrën e fytyrës, por i përdorim ato për të identifikuar saktë se si ndjehen njerëzit e tjerë, nëse e bëjmë me vetëdije apo jo”.
Lumturia ishte emocioni më i lehtë i identifikueshëm, me kompjuterin që e identifikoi atë me saktësi 90%.
Emocionet në lidhje me lumturinë, si psh “surprizat befasuese”, u renditën në vend të dytë në rreth 85%, pastaj zemërimi në 80%, dhe trishtimi në 75%.
“Frika nga gjërat që ja u shpifin” ishte më pak e njohur, e cila u identifikua saktë 65% të kohës një normë e cila konsiderohet relativisht e lartë.
Njerëzit e sistemit të drejtësisë shumë shpejt do të mësojnë nëse kalojnë apo ngelin në procesin e vetingut. Inspektorati i Lartë i Deklarimit dhe Kontrollit të Pasurive dhe Konfliktit të Interesave ka mbyllur procesin e verifikimit të pasurisë për gjithë gjyqtarët dhe prokurorët. ILDKP është institucioni kyç, i cili merret me zbulimin e pasurive dhe aferave të zyrtarëve të lartë, përfshi edhe njerëzit e drejtësisë.
Pas gati një viti intensiv pune, ILDKP ka mbyllur procesin e verifikimit për të gjithë. Bëhet fjalë për rreth 3000 persona, dosjet e së cilëve tanimë janë në duart e Komisionit të Pavarur të Kualifikimit.
ILDKP gjatë procesit të verifikimit ka bashkëpunuar me shumë institucione ligjzbatuese dhe jo vetëm të vendit, siç janë Drejtoria e Pastrimit të Parave, zyrat e pasurive të paluajtshme, drejtoritë e tatimeve, bankat, prokuroria dhe Policia e Shtetit. Të gjitha këto institucione kanë dhënë informacione mbi transferta bankare, shitje blerje pasurish, dhënie qeraje, apo gjithçka tjetër që kanë bërë gjyqtarët dhe prokurorët. Madje, një rol tepër të madh në këtë proces e ka pasur Drejtoria e Pastrimit të Parave, e cila ka kaluar në sitë pasuritë e gjithë gjyqtarëve dhe prokurorëve, përfshi edhe familjarët e tyre, duke vënë në dispozicion të ILDKP verifikimet për çdo emër konkret.
Kështu që dosjet e gjyqtarëve dhe prokurorëve tani janë në duart e Komisionit të Pavarur të Kualifikimit, dhe për rrjedhojë procesi i vetingut për njerëzit e drejtësisë edhe pse u duk i ngadalësuar, duket se do të ecë mirë.
Sipas informacioneve të gazetës “Sot”, nga muaji maj e në vijim procesi do të jetë më i shpejtë, falë të cilit shumë shpejt do të mësohen kush janë gjyqtarët dhe prokurorët e korruptuar. Megjithatë, interesant është fakti se paralelisht me progresin e arritur nga ILDKPI, edhe Drejtoria e Sigurisë së Informacionit të Klasifikuar duket se është në të njëjtën linjë me të.
Edhe DSIK ka përfunduar verifikimin e kontrollit të figurës për çdo gjyqtar dhe prokuror, dhe tanimë dosja e secilit është në duart e organeve të vetingut. Pra pas kësaj pune intensive dhe koordinimi mes institucioneve ligjzbatuese, duke se shumë shpejt do të shohim zhvillime dhe rezultate konkrete sa i takon procesit të vlerësimit kalimtar të gjyqtarëve dhe prokurorëve. Sidoqoftë, mbetet për t’u parë në ditët në vijim se çfarë do të ndodhë konkretisht.
Dritëro Agolli lindi më 13 tetor 1931, në fshatin Menkulas të Devollit në qytetin e Korçës.
Agolli 16 vite të jetës i ka kaluar në Fshatin Menkulas, katër vite në Gjirokastër kur ishte gjimnazist, katër vite në Shën Petërburg (atëherë Leningrad) të Bashkimit Sovjetik dhe prej 52 vitesh jeton në kryeqytet.
Që nga mosha 25 vjeç jetonte në Tiranë, në katin e tretë të një apartamenti në Rrugën e Dibrës. Deri në vitin 1991 ka qenë komshi me shkrimtarin tjetër të madh, Ismail Kadare, në pallatin e shkrimtarëve.
Në moshën 9-vjeçare përfshihet në Luftën Nacional Çlirimtare. Merr detyrën si korrier i çetave partizane. Një përvojë që Agolli e përmendte shpesh në kujtimet e tij.
U martua për të dytën herë në moshën 34-vjeçare me Sadijen, më katër tetor të vitit 1965, me të cilën ka dhe dy fëmijë, Artanin dhe Elonën. Me Sadijen u njoh në dasmën e Ismail Kadaresë me Helenën, në vitin 1963, në shtëpinë e Kadaresë. Agolli pyet pedagogun e Letërsisë, Naum Prifti, për vajzën që studionte për Letërsi në Universitetin e Tiranës.
Për herë të parë u martua gjatë kohës që ishte me studime, me rusen Nina, në vitin 1956, kur ishte 25 vjeç. Martesa zgjati shtatë vite, derisa Shqipëria prishi marrëdhëniet me Rusinë. Nga martesa e parë Agolli ka një djalë, Arjanin.
Ditëlindja e Dritëro Agollit përkon me rilindjen e një tjetër gjiganti të letrave shqipe. Më 13 tetor ka lindur Millosh Gjergj Nikolla. Në të njëjtën datë, 20 vite më pas, lindi dhe Dritëro Agolli.
Rruga krijuese e Agollit nis në bankat e gjimnazit “Asim Zeneli” në Gjirokastër, ku boton në shtypin e kohës poezitë e para të ndikuara nga autorët e Rilindjes dhe folklori shqiptar.
Veprën e parë Agolli e botoi në vitin 1958. Është vëllimi i parë me vjersha “Në rrugë dolla”, i cili u prit mirë nga kritika e kohës. Më pas, sprova e dytë letrare është përsëri me poezi, vëllimi “Hapat e mia në asfalt”.
Pas përfundimit të gjimnazit në Gjirokastër, Agolli bëri kërkesë për të vazhduar shkollën e lartë për Zooteknikë. Siç thoshte vetë Agolli, edhe pse kishte botuar poezitë e para, mendonte se letërsia mund të zhvillohej vetë dhe duke ndjekur rrugë të tjera në jetë.
Kërkesa për të ndjekur studimet për Veterinari i dërgohet ministrit të Arsimit, Karahman Yllit, i cili e kishte fiksuar emrin e poetit të ri. “Ky djalë ka botuar vjersha, ndaj nuk ka për të studiuar për Veterinari, por të shkojë me studime për Letërsi”, kanë qenë fjalët ministrit që i ndryshuan rrjedhën e jetës Agollit.
Agolli kujtonte si momentet më të lumtura të jetës së tij studimet në Rusi, daljen e librit të parë në botim më 1958, martesën me Sadijen në 4 tetor 1963, si dhe botimin e veprave të tij në gjuhë të huaja.
Momentet më të hidhura të jetës së tij Agolli i kujtonte me shkrimet që ka lexuar nga autorë të ndryshëm pas viteve 1990 në adresë të tij. Por hidhërimi ka qenë më i madh kur autorët janë miqtë e tij të dikurshëm apo njerëz që i ka ndihmuar në krijimtarinë letrare.
Në Kongresin IV të Komitetit Qendror, Agolli kaloi një nga momentet më kritike. I duhej të bënte autokritikë si kryetar i Lidhjes dhe të sqaronte arsyet se përse pinte dhe ndonjëherë fliste “pa menduar”. Një pozitë jo e këndshme kjo për shkrimtarin që njihej si një karakter rebel.
Në Kongresin X të Partisë së Punës, Agolli bëri dhe kthesën më të madhe të karrierës së tij politike teksa u rreshtua në forcat progresiste. Një veprim që i kushtoi shumë në sytë e komunistëve që kërkonin të mbanin me fanatizëm sistemin. Dritëro Agolli ka marrë dhe kërcënime me vdekje pas vitit 1991. Ishte pikërisht fjalimi i Kongresit X të PP-së që solli mërinë e komunisteve ndaj shkrimtarit.
Në vitin 1991, Agolli ka ndenjur i izoluar tre muaj në shtëpinë e tij në Rrugën e Dibrës, për arsye sigurie. Ministria e Brendshme vuri roje në pallatin e tij pas sinjalizimeve për ndonjë sulm të mundshëm nga huliganë.
Dritëro Agolli ka qenë kryetar i Lidhjes së Shkrimtarëve për 19 vjet. Ai u emërua në vitin 1973 dhe u tërhoq nga ky post më 31 janar 1992. Gjatë kohës së komunizmit Agolli ka mbajtur këto detyra, kryetar i Lidhjes së Shkrimtarëve, anëtar i Komitetit Qendror të PPSH-së dhe deputet në disa legjislatura.
Dritëro Agolli ka qenë që në vitet e ‘90 anëtar i Partisë Socialiste, duke dhënë një kontribut të veçantë në reformimin e kësaj partie. Agolli ka qenë deputet i Partisë Socialiste që nga viti 1992 deri në vitin 2001. Ai ka qenë gjithashtu edhe anëtar i kryesisë së kësaj partie për vite më radhë.
Agolli është zgjedhur deputet për 30 vjet me radhë edhe në kohën e diktaturës, edhe dhjetë vjet në kohën e tranzicionit. Në Parlament mbahet mend për urtësinë dhe fjalimet brilante në podiumin Kuvendit.
Romani “Komisari Memo” është një nga librat e Agollit që është bërë film me titullin “I teti në bronz”. Ky film është shfaqur edhe në Kinë, ku është pritur mjaft mirë nga publiku kinez.
Dritëro Agolli ka thyer edhe parimin se vetëm pas vdekjes bëhesh legjendë. Ai që tani është një legjendë e letrave shqiptare, në këtë mënyrë shkolla 9-vjeçare në fshatin e tij të lindjes, Menkulas, që tani mban emrin e tij.
Dritëro Agolli ka shkruar edhe tekste këngësh, madje duke marrë edhe çmime. Një ndër çmimet ishte ai i vitit 1971, kur këngëtarja Alida Hisku, 14 vjeçe, në festivalin e 10-të merr çmimin e dytë me tekstin e Dritëro Agolli “E Paharruara”.
Për kontributin e tij të jashtëzakonshëm shkrimtari i madh, Dritëro Agolli, veç çmimeve të tjera, është vlerësuar edhe me titullin e lartë, “Nderi i Kombit”. Shkrimtari i njohur shqiptar, Dritëro Agolli, është shpallur “Qytetar Nderi” i Tiranës në vitin 2003.
Dritëro Agolli është fitues i katër çmimeve të Republikës dhe i disa çmimeve vjetore në Letërsi. Dritëro Agolli është anëtar i Akademisë së Firences “Muzat” në Itali. Përveç qytetit të Tiranës, ai është “Qytetar Nderi” edhe i qyteteve të Korçës, Gjirokastrës etj.
Nuk numërohen vlerësimet që i janë bërë legjendës së letrave shqipe. Ndër më të qëlluarit është vlerësimi i Fransua Nurisjes, i cili ka thënë se, “Agolli është Kafka, me pak më shumë diell”. Ndërsa Alen Boske shkruan për të se, “Shqipëria na zbulon një autor me përmasa të mëdha… Dhe dinamiti mbulohet me petale. Një autor që meriton famë evropiane”.
Dritëro Agolli e Ismail Kadare kanë qenë të përfshirë në Fjalorin Enciklopedik që në vitin 1985. Por ata ishin një përjashtim i jashtëzakonshëm në vitin e hershëm 1985! Pasi të përfshiheshe në Fjalorin Enciklopedik, në ato vite duhej të mos ishe më në jetë.
Dritëro Agolli cilësohet si një nga shkrimtarët më të mirë të të gjitha kohërave në letërsinë shqipe. Jo vetëm në antologjinë shqiptare, por ai tashmë është i përfshirë në antologjitë e disa vendeve të botës.
Dritëro Agolli u shfaq në letërsi si një autor me kërkesa të larta për poezinë. Ai synoi një poezi më të përveçme, me më shumë individualitet. Është i pari që krijoi poezinë e “un-it”, përkundër poezisë së “ne-ve”, që shkruhej në atë kohë “për të bashkuar masat”.
Gjatë gjithë karrierës së tij artistike, Dritëro Agolli ka lëvruar këto gjini të letërsisë: poezinë, poemën, tregimet, novelat, romanin, dramën, skenar filmi, reportazhin, kritikën, analizën dhe raportin e lajmit.
Agolli filloi të shkruajë vjershat e para i frymëzuar nga Naimi dhe Çajupi, vjersha të cilat u botuan në 1947 në gazetën “Rinia”. Për poezinë e parë të botuar ai shprehet: “Im atë e kish prerë pjesën e gazetës ku ishte botuar poezia, e kish vënë në kutinë e duhanit dhe mburrej në fshat: Ja ky është poeti i madh
Libri “Shkëlqimi dhe Rënia e Shokut Zylo” është vepra që veç famës i solli dhe jo pak andralla autorit. Një vit pas daljes së tij, Mehmet Shehu i thotë Agollit se, “me atë libër na ke shkatërruar administratën”.
Dritëro Agolli nuk mbante numër personal celulari. Ai përdorte numër fiks. Në disa raste fliste me numrin celular që mbante bashkëshortja e tij, Sadija.
Dritëro Agolli është i pari që ka futur në fjalorin e përditshëm të shqipes fjalën pijetar, duke e zëvendësuar fjalën pijanec. Të ishe pijetar, do të thoshte të ishe një njeri që ta doje pijen, por të mos bezdisje të tjerët.
Agolli apo Kadare? Për më shumë se 50 vjet, fansat janë ndarë më dysh. Porse, siç thotë vetë Agolli, asnjëri nuk mund të ndahet dot nga tjetri. Sipas tij, nuk duhet të ketë më pyetje kush është më i madh e kush më i vogël, kush ka qenë më i përkrahur e më pak i përkrahur.
Miqësia e dy korifenjve të letërsisë shqipe, Dritëro Agolli dhe Ismail Kadare, zë fill në gjimnazin e Gjirokastrës në vitet 1950. Agolli ishte dy vite shkollore më i madh se Kadare, por bashkë bënin pjesë në rrethin letrar të shkollës, ku dhe i recitonin vjershat njëri-tjetrit.
Agolli së bashku me Kadarenë janë dy krijuesit që e ngritën letërsinë në nivelin e asaj ndërkombëtare. I përkasin brezit të shkrimtarëve të viteve 1960, që shpëtuan letërsinë nga dogmatizmi i realizmit socialist.
Dritëro Agolli është ndër të pakët krijues dhe njerëz të artit që e ka të qetë ndërgjegjen me të kaluarën e tij. Është i vetmi që pas kaq vitesh nga rënia e komunizmit, e pranon se ka qenë komunist dhe ka punuar për komunizmin.
Karakteristika më e veçantë e Dritëro Agollit ishte thjeshtësia me të cilën komunikon, ulja në tavolinë, biseda e thjeshtë dhe mikpritja në shtëpi. Dhoma e ndenjes së tij ishte kthyer shpesh në dhomë bisedash mes miqsh, dashamirës, gazetarësh, por edhe njerëz të thjeshtë që kanë dashur vetëm ta takojnë.
Dritëro Agolli ka marrë cilësime të tilla nga politikanë, analistë dhe gazetarë: Patriarku i PS-së, mendimtari i të majtës, shkrimtari politikan.
Agollit nga censura komuniste i janë ndaluar tre libra. I pari ka qenë “Zhurma e erërave të dikurshme”, në vitet 1960, drama “Mosha e bardhë” në vitet 1980 dhe një seri tregimesh në revistën “Nëntori”. Dy të fundit janë ndaluar gjatë kohës që ishte kryetar i Lidhjes.
Shumë romane të Dritëro Agollit janë përkthyer në gjuhë të huaja. Por romani e tij satirik, “Shkëlqimi dhe rënia e shokut Zylo” është libri më i përkthyer i tij. Ky roman bëri jehonë të madhe në vendet ku u botua, si në Francë, Gjermani, Itali, Greqi, Rusi e vende të tjera.
Në një intervistë të dhënë për median shqiptare, Agolli ka thënë që nga librat që ai nuk do t’i harrojë kurrë janë “Zhurma e erërave të dikurshme”, “Shkëlqimi dhe rënia e shokut Zylo” dhe librat me poezi “Pelegrini i vonuar”, “Në mesditë”, “Udhëtoj i menduar”, etj.
Nga romanet e Agollit janë bërë një sërë filmash artistikë. Ndër filmat më të mirë janë “I teti në bronz” (romani “Komisari Memo”), “Njeriu i mirë”, “Apasionata”, “Njeriu me top”.
Shkrimtari i shquar, Dritëro Agolli, veç poezive, romaneve, tregimeve, ka shkruar edhe skenarë filmash. Filmi i parë për të cilin ai përgatiti një skenar dhe nuk shndërroi një krijim letrar në skenar ishte “Horizonte të hapura”.
Agolli u cilësua si novator i poezisë shqiptare në gërshetimin që i ka bërë folklorit me poezinë moderne, duke sjellë perla lirike të gjithës shqipe. Ndërkohë risi jo pak të rëndësishme Agolli solli dhe në metrikën e vargut.
<Poezitë më të njohura të Dritëro Agollit janë, “Kur të jesh mërzitur shumë”, “Kur një mëngjes”, “Ëndërr e prerë”, të cilat dihen përmendësh nga shumë vetë. Ndërsa poemat më të vlerësuar janë “Poemë për babanë dhe për vete” dhe “Devoll-Devoll”.
Agolli në poezitë e tij është ndikuar dhe nga poetët rusë si Lermontov, Esenini, Pushkini etj. Kjo pas studimeve që bëri në Shën Petërburg, ku mori dhe bazat e letërsisë bashkëkohore.
Për herë të parë Dritëro Agolli është takuar me Sali Berishën kur ky i fundit ishte ende fëmijë. Agolli kishte bujtur në kullën e të atit të Berishës në Viçidol të Tropojës, si shok i vëllait të Berishës. Ndërkohë më vonë koha i takoi përsëri në formacione të ndryshme politike.
Dritëro Agolli është i njohur dhe si përkthyes. Ka përkthyer nga anglishtja poezitë e poetit Robert Bërns dhe nga frëngjishtja poezitë e poetit Pol Elyear, i cili ka dhe disa poezi për Shqipërinë.
Ndërsa veprën më të madhe në përkthim Agolli e ka nga rusishtja. Botimi voluminoz, “Shekulli i artë”, është një nga më të arrirët artistikisht. Agolli ka përkthyer poetët më në zë të shekullit të 19-të në Rusi, si Pushkin, Ahmatova, Bllok, Lermontov dhe shumë të tjerë.
Ai ndërroi jetë më 3 shkurt 2017.
Një shkëmb i stërmadh i hapësirës mund të bjerë në tokë në vitin 2135, sepse anija e NASA-s e projektuar për të mbrojtur planetin tonë nuk do të jetë në gjendje ta shmangë atë, paralajmërojnë shkencëtarët.
Projekti i NASA-s “Hypervelocity Asteroid Mitigation Mission for Emergency Response” është menduar të jetë në gjendje të largojë shkëmbinjtë e mëdhenj, kështu që ata nuk do të rrëzohen në Tokë.
Ai është gjithashtu në gjendje të shkatërrojë asteroidet me bomba bërthamore, por kjo nuk është alternativa e preferuar për shkak të pasojave të mundshme shkatërruese. Por shkencëtarët amerikanë kanë vendosur që artizanati është “i papërshtatshëm”, duke thënë se nuk do të jetë në gjendje të përcjellë asteroidin e quajtur Bennu.
Në një studim të ri, akademikët që punojnë së bashku me shkencëtarët e NASA-s konkluduan se “përdorimi i një anijeje të vetme Hammer si një goditje do të ishte joadekuate për shmangien e një objekti si Bennu”.
Kirsten Howley, një fizikant i shquar tha se duke përdorur anijen e vogël Hammer mund të ketë “pasoja të tmerrshme” në Tokë.
Asteroidi Bennu, është aq i gjerë sa pesë fusha futbolli, peshon përafërsisht 79 miliardë kg dhe është 1,664 herë më e rëndë se Titaniku, shkruan ShkodraNews.
Sipas “Metro”, Bennu ka 1 në 2,700 shanse për të goditur Tokën më 25 shtator 2135.
Artizanati i NASA-s është vetëm nëntë metra i gjatë, me peshë gati nëntë ton.
Shkencëtarët kanë vlerësuar se asteroidi mund të lëshojë 80.000 herë më shumë energji se bomba e Hiroshimës.
Prej disa kohësh, aktori i njohur Gaz Paja është duke shijuar një histori të bukur dashurie me një vajzë bjonde.
Vetë Paja, nuk ka dashur të jap shumë detaje rreth bukuroshes që i ka rrëmbyer zemrën, por në një intervistë për emisionin “Wake up”, ai e cilësoi atë si “E bukura e dheut”.
Politiko.al mëson se e dashura e aktorit quhet Ira Seferi dhe ka përfunduar studimet Bachelor në Universitetin Aleksandër Moisiu në Durrës.
Disa ditë më parë, çifti u fotografua në një nga pub-et e Tiranës teksa shkëmbenin përqafime e puthje pasionante mes tyre.
Çaji i hithrës ose lëngu i saj është një element i rëndësishëm i një ushqyerjeje që nuk e streson trupin.
Hithra është fantastike dhe i jep trupit shëndet. Xhenxhefili nga ana tjetër është i jashtëzakonshëm për tretjen dhe qarkullimin e gjakut. Nëse i kombinon së bashku, atëherë përfitimi do të jetë i dyfishtë.
Hithra është një bimë e plotfuqishme në aspektin e ushqyesve që ofron.
Lëngu i saj përmban shumë kalcium dhe magnez që ndihmojnë në qetësimin e nervave. Ndonëse lëngu i hithrës nuk përdoret në mënyrë të mirëfilltë për qetësim, ai të vë në një gjumë të qetë.
Hithra është burim hekuri, gjë që e bën të jetë e domosdoshme për njerëzit që kanë tendencën të jenë anemikë, ose për ata që kanë nevojë për më shumë hekur në ushqimet e tyre.
Lëngu i hithrës përmban beta karoten, klorofil, kalium, fosfor, zink, krom, vitaminat B dhe minerale të tjera, siç janë seleniumi, silikoni dhe mangani.
Receta e gjallërimit të organizmit:
1 copë xhenxhefil 2-3 cm
85 gramë hithra të thata
1 litër ujë
Mjaltë puro artizanal
Priteni xhenxhefilin hollë. Vendoseni në ujë dhe zijeni ngadalë për 10-15 minuta. Hiqeni nga zjarri dhe hidhni në enë hithrat e thata. Përzijini me një lugë të pastër.
Mbulojeni enën me kapak. Lerëni lëngun të qëndrojë për 30 minuta ose për 12 orë nëse preferoni një shije më të thellë.
Kullojeni lëngun dhe hidheni në një enë qelqi. Lëngu do të ketë marrë një ngjyrë jeshile mjaft të këndshme.
Kur ta kulloni, përdorni një lugë dhe shtypini gjethet në mënyrë që të nxirrni prej tyre sa më shumë lëng që të jetë e mundur.
Më pas, do të keni mundësi të përfitoni vlerat maksimale që do të rigjallërojnë sistemin tretës.
Lëngun mund ta pini gjatë ditës, ose mund ta ruani në frigorifer për të nesërmen. Nëse dëshironi mund të shtoni mjaltë.
Vlerat e hithrës dhe xhenxhefilit
Qytetërime të ndryshme i kanë përdorur hithrën dhe xhenxhefilin prej shumë kohësh, për shkak të vlerave të tyre kundër inflamacionit.
Hithra është përdorur për të trajtuar simptomat e zmadhimit të prostatës, ndërsa rrënja e tyre është plot vlera për shëndetin e meshkujve në moshë.
Përbërësit botanikë të rrënjës ndihmojnë ndërlidhjen e hormonit të gjallërisë me testosteronin tek meshkujt.
Edhe xhenxhefili është një produkt mjaft premtues në mbrojtjen e shëndetit të prostatës tek meshkujt në moshë.
Barishtja e hithrës është mikeshë e mirë e shëndetit të njeriut.
Pirja e rregullt e çajit të hithrës ushqen veshkat, ul lodhjen dhe këputjen, jep gjallëri, stabilizon sheqernat në gjak, pakëson alergjitë, u jep shëndet kockave dhe gjymtyrëve, u jep shkëlqim flokëve, lëkurës dhe thonjëve.
Për më tepër, çaji i hithrës përmirëson sistemin imunitar, zhbllokon sinuset, ul dhimbjet kronike të kokës dhe e ndihmon trupin të përballet me sukses ndaj stresit mjedisor që vjen nga ndotja dhe ushqyerja e keqe.
Lulelakra është një perime shumë popullore në Shqipëri.
Kjo famë vjen si arsye e përdorimeve të shumta në kuzhinë, por edhe vlerave fantastike të saj.
Tufëzat e bardha të lulelakrës janë një burim i shkëlqyer i fibrës dhe kaliumit.
Ato nuk përmbajnë yndyrë dhe sodium.
Një filxhan me lulelakër ofron 25 kalori dhe plotëson 85% të dozës ditore të vitaminës C.
Ju rekomandohet ta gatuani lulelakrën me këtë recetë interesante.
Lulelakër e Pjekur me Djathë
Përbërësit
Gjysëm filxhani çaji me thërrime buke
Çerek filxhani çaji me djathë kaçkavall të grirë
2 lugë gjelle me vaj ulliri
1 lugë çaji me lëkurën e grirë të një limoni
1 lugë çaji me majdanoz të grirë hollë
1 lugë gjelle me piper të kuq pluhur
Pak kripë
3-4 filxhanë çaji me tufëza të vogla lulelakre
Udhëzimet
Mbushni një tenxhere me ujë dhe vendoseni në zjarr.
Ngroheni furrën në 180 gradë.
Tepsinë e pjekjes lyejeni lehtas me vaj ulliri.
Në një enë mesatare hidhni thërrimet e bukës, djathin, vajin, lëkurën e limonit, majdanozit, piperin pluhur dhe kripën.
Përziejini të gjithë përbërësit me duar në mënyrë që shpërndarja të jetë e njëtrajtshme.
Hidheni lulelakrën në ujin e valuar dhe lëreni të ziejë për tre minuta.
Më pas kullojeni dhe hidheni në tepsi.
Sipër saj shtoni masën e lëngshme me djathë dhe thërrime buke.
Piqini së bashku për 15 minuta ose deri sa sipërfaqja të jetë e kuqerremtë.
Çfarë përmban lulelakra?
Lulelakra është e pasur me vitaminë C, K, B-6 dhe acid folik. Ajo përmban gjithashtu kalcium, hekur, magnez, fosfor dhe një sërë vitaminash të tjera të dobishme për organizmin.
Lulelakra përmban antioksidantë që parandalojnë mutacionet e qelizave dhe ulin stresin që formohet nga radikalet e lira.
Lulelakra është e pasur në fibra dhe ujë. Për këtë arsye ajo lufton sëmundjet e lidhura me aparatin tretës.
Ajo ndihmon dhe në parandalimin e sëmundjeve kardiovaskulare, diabetit dhe obezitetit.
Një tjetër përbërës i lulelakrës, kolina, ndihmon në forcimin e memorjes, të muskujve, si dhe ndihmon me problemet e gjumit.
E vetmja zgjidhje që mund të rregullojë nivelet sheqerit në gjak tek diabetikët
Diabeti është një sëmundje kronike që vjen ngaqë pankreasi nuk sintetizon sasinë e insulinës që ka nevojë trupi i njeriut, e prodhon atë me cilësi të ulët ose nuk është në gjendje ta përdorë atë në mënyrë efektive. Nëse jeni një person i diagnostikuar me diabet, ne do të ndajmë recetën që bëri të shërohet nga kjo sëmundje një çift i martuar prej 50 vjetësh të cilët ishin diabetikë.
Përbërësit:
-2 banane
-2 mollë me lëkurë
-1 grusht me lakër të kuq
-5 kivi
-1/2 litër ujë
Metoda e përgatitjes:
Vendosni të gjithë përbërësit në një blender, derisa të shihni një pije të butë dhe të lehtë. Kjo pije mund të merret çdo ditë pavarësisht nga koha, megjithëse është e këshillueshme që të merrni me stomak bosh në mëngjes dhe ta merrni atë direkt pasi ta keni përgatitur, sepse nëse prisni më shumë, secili prej elementëve do të humbë përfitimet e tij.
