Aurora

A e dinit se nga vjen emri ynë?Prejardhja e emrit Shqiptar

Leave a Comment / Histori, Kuriozitete / /

Pirroja ishte, ndoshta, sundimtari më i shquar i Epirit. Ai, si pasardhës i largët i Akilit, ishte biri i Akidit. Kushëriri i Aleksandrit të Molosisë, që sundoi Molosët e Janinës. Fatkeqësisht Akidi u ngatërrua në grindje politike familjare e krahinore dhe, si rrjedhoje, në fillim humbi mbretërinë e pastaj edhe jetën në vitin 313 para Kr.

I biri tij, Pirroja në atë kohë vetëm 6 vjeç, u shpëtua nga Glauku, Princi i fisit Ilir të Taulantëve. Në moshë të re ai hipi në fron për një kohë të shkurtër, por u rrëzua shpejt dhe filloi karrierën ushtarake me Antigonin e Maqedonisë, Komandantin veteran që kishte shërbyer me Aleksandrin e Madh. Në njërën nga betejat ai u kap rob dhe u dërgua si peng në Aleksandri.

Aty fitoi admirimin e Ptolemit, i cili i dha për grua të bijën dhe në vitin 296 para Kr.e vuri përsëri në fronin e mbretërisë së tij. Pirro gëzonte nam për fisnikërinë dhe trimërinë e tij në betejë. Epirotët e quainin “Shqiponjë”.

Sipas një tradite Shqiptare pretendohet se emri “Shqiptare” (Bij të Shqipes) e ka origjinën nga thënie e Pirros. Kur dikush levdonte zhdërvjelltësinë e lëvizjes së trupave të tij, ai i përgjigjet me krenari se një gjë të tillë ishte normale, pasi ushtarët e tij ishin “Bijtë e Shqipes”, kështu qenë lëvizjet e tyre. Natyrisht u shembëllënin fluturimeve të madhërishme të mbretit të shpendëve.

Sipas një versioni tjetër, disi të ndryshëm, kur ushtarët e tij u thurnin lëvdata sulmeve të tija të guximëshme e të shpejta ata e quanin “Shqiponjë” ai iu përgjigjej se ata ishin krahet e tija , që benin të mundur fluturimin e shpejtë të shqiponjës .

Thuhet se kjo çoi në adoptimin e këtij emri , të cilin populli shqiptar e përdor edhe sot e kësaj dite. Pra jo “ALBANE” por “Shqiptare” ose “Bij të Shqipes”.

A e dinit se nga vjen emri ynë?Prejardhja e emrit Shqiptar Read More »

Kjo grua e re ndjeu diçka që i lëvizte në gojë duke bërë dush. Kur e pa veten në pasqyrë u tmerrua

Leave a Comment / Kuriozitete, Shendetesi / /

Daniela Liverani është një vajzë 24 vjeçare, e cila vjen nga Edinburgu, Skocia. Ajo i do udhëtimet nëpër botë dhe viziton vendet ekzotike dhe te largeta. Kohët e fundit, ajo ishte në një udhëtim në Azinë Juglindore. Ndërsa ishte në Azi, ajo kishte rënë nga një motoçikletë. Nuk u dëmtua rëndë, por filloi të kishte gjakderdhje nga hunda pas aksidentit.

Kur u kthye në Skoci, ajo vuri re se gjakderdhet nga hunda ishin duke u përkeqësuar dhe po beheshin më të shpeshta. Ajo mund të ndiente se kishte diçka ne hunde , por ajo supozonte se ishte vetëm një mpiksje gjaku. Çuditërisht, një ditë kur po bente një dush, ndjeu një masë të ngjitshme që prek buzët e saj. Ajo doli nga dushi të shikonte në pasqyrë.

Ajo nuk mund të besonte atë që pa – kishte një masë të madhe, që dilte nga hunda e saj. Pastaj ajo menjëherë kuptoi se kishte një lloj krijesë që jetonte në trupin e saj.

Ajo vuajti shumë pasi kishte shume dhimbje, ndërsa mjekët po përpiqeshin të tërhiqnin krijesën e cuditshme nga hunda e saj me doreza kirurgjikale.

Daniela ishte shumë kuriozë, kështu që ajo i pyeti mjekët se çfarë do të kishte ndodhur nëse krijesa do kishte vazhduar të jetonte brenda saj. Përgjigja e mjekëve ishte jashtëzakonisht e bezdisshme: do të kishte përfunduar në rrugën e saj drejt trurit të saj dhe do të ushqehej me të.

Historia e kësaj vajze është e mjaftueshme për të dërguar një drithërimë në trup. Shushunja ishte në të vërtetë duke i pirë gjakun, pa u vënë re dhe mund ta kishte vrarë. Kjo është arsyeja pse gjithmonë duhet t’i kushtojmë vëmendje më të madhe kur udhëtojmë në vende të huaja, sepse ka kafshë që nuk i njohim, madje edhe disa mikroskopë që mund të jenë vdekjeprurëse.

Kjo grua e re ndjeu diçka që i lëvizte në gojë duke bërë dush. Kur e pa veten në pasqyrë u tmerrua Read More »

Zbardhen detaje, ja çfarë diskutoi sot Donald Lu me Bashën në selinë e PD

Leave a Comment / Lajmi i fundit, Politike / /

Janë zbardhur detaje nga takimi i mesditës mes ambasadorit të SHBA-së, Donald Lu dhe kreut të PD-së Lulzim Basha.

Takimi që ka zgjatur rreth 60 minuta, është zhvilluar në ambientet e selisë blu, me kërkesë të ambasadorit të SHBA-së.

Burime pranë PD-së kanë bërë të ditur se kreu i opozitës Lulzim Basha dhe ambasadori i SHBA-së në Tiranë, Donald Lu kanë diskutuar dhe shkëmbyer pikëpamje mbi zbatimin e Reformës në Drejtësi.

Gjithashtu është diskutuar edhe për luftën e munguar kundër krimit dhe drogës nga ana e qeverisë.

Në bisedën mes tyre, Basha dhe Lu, kanë diskutuar edhe proceset e ardhshme politike brenda Partisë Demokratike.

Zyrtariasht nuk ka asnjë informacion zyrtar lidhur me temën e diskutimeve mes përfaqësuesit të Washigtonit në Tiranë dhe kreut të PD-së, ndërkohë që opozita e maxhoranca i ndërsehen njëra tjetrës me akuza të ashpra.

Maxhoranca kerkon hetim  pas investigimit të revistës amerikane sipas së cilës PD ishte financuar nga rusët.

Nga ana tjetër PD thotë se qeveria fshihet pas garancisë së ngarkeses prej 613 kg kokainë dhe kërkon të fshehë këtë fakt duke sulmuar opozitën

Zbardhen detaje, ja çfarë diskutoi sot Donald Lu me Bashën në selinë e PD Read More »

Deputeti i PS “tenton” skenarin rus, por plas gallata: I paske rënë takimeve me vajza ukrainase!

Leave a Comment / Aktualitet / /

Akuzat për bashkëpunim të Partisë Demokratike me Rusinë kanë shkaktuar batuta dhe humor në mbledhjen e Komisionit të Ligjeve, ku raportonte Besnik Dervishi, Komisioneri për të Drejtën e Informimit.

Ishte deputeti Alket Hysenaj që kërkoi të dijë nëse ka informacion për lidhjet e PD me Nik Muzin dhe Binatta Trade, pasi sipas tij, numri i kontaktit i kësaj kompania rezulton një klub në Ukrainë. Kaq mjaftoi që në mbledhje të plasnin batutat:

Alket Hysenaj: Keni informacion per lidhjet e partise Demokratike me Nik Muzin dhe Binata Trade.. Nga numri i kontaktit i kesaj kompania, del nje klub ne Ukraine. TOO LOVE Club.. Takime me vajza ukrainase..

Enkelejd Alibeaj: I paske rene numrit per takime me vajza nga Ukraina.

A. Hyseni: Cfare mund te na thoni per keto lidhje mes PD dhe biznesmeneve rus.. Dhe klubeve te nates. Takimeve me vajzat ukrainase.

Oerd Bylykbashi: I paske rene disa here numrit te ukrainaseve.. Jepja edhe Ulsiut.. Ti bjere dhe Ulsiu.

Ulsi Manja: Zoti Dervishi jepni nje pergjigje sepse kjo eshte nje ceshtje qe ka direkt lidhje me te drejten e informimit.

Deputeti i PS “tenton” skenarin rus, por plas gallata: I paske rënë takimeve me vajza ukrainase! Read More »

Roli i femrës në politikë? Del raporti për Europën

Leave a Comment / Aktualitet, Politike / /

Barazia gjinore në politikë është bërë një temë e nxehtë vitet e fundit. Në shumë shtete, gratë janë të papërfaqësuara në qeveri. Gjithnjë e më shumë gra po zgjidhen si shefe shtetesh në Europë. Gjermania, Lituania, Estonia, Kroacia, Norvegjia dhe Britania e Madhe kanë të gjitha udhëheqëse femra.

Organizata për Bashkëpunimin Ekonomik dhe Zhvillimin, OECD ka mbledhur të dhëna nga 71 shtete të botës dhe i ka klasifikuar ato në bazë të numrit të grave që punojnë në kabinetet qeveritare, përfshirë zv.kryeministret, shefet e qeverive, e të tjera, por edhe deputetet.

E në këtë klasifikim kryeson Franca. Në vitin 2017, gratë zinin më shumë se gjysmën e posteve ministeriale, pasuar nga Suedia dhe Sllovenia. Sidoqoftë, në Dhomën e Ulët të Parlamentit, Franca e humbet shkëlqimin e saj përkundrejt Islandës. Gratë zënë 30 nga 63 vendet në Parlament, ose 47.6 për qind në ishullin nordik.

Kjo shifër lë pas Suedinë, me 43.6 për qind, dhe Finlandën, me 42 për qind. Në Paris, ndërkohë, vetëm 25.8 për qind e deputetëve janë femra.

Në anën tjetër, në Turqi, 96.2 për qind e politikanëve të rëndësishëm janë meshkuj dhe gratë zënë vetëm 14.9 për qind të vendeve në Parlament. Shifrat janë të pakënaqshme, por sidoqoftë përbëjnë një kthesë domethënëse krahasuar me 10 vite më parë, kur vetëm 9 për qind e deputetëve turq ishin femra.

Sidoqoftë, në renditjen europiane, Hungaria zë vendin e fundit. Gratë nuk kanë asnjë post ministerial dhe vetëm 10.1 për qind e vendeve në Parlament u shkojnë atyre.

Roli i femrës në politikë? Del raporti për Europën Read More »

Lëvizjet në PD, 47 figurat që ikin dhe vijnë në forumet e larta

Leave a Comment / Lajmi i fundit, Politike / /

Ndëshkohet grupi rebel që kërkoi rrëzimin e Bashës – Ja kush i zëvendëson Topallin, Bregun e Boden

Ish-deputetët Jozefina Topalli, Astrit Patozi dhe Arben Imami kanë paralajmëruar se kryetari i Partisë Demokratike, Lulzim Basha, përmes mbledhjes së Kuvendit Kombëtar, do të privatizojë si dhe do të pastrojë partinë nga demokratët.

Alarmi i kundërshtarëve të Bashës vjen pas mbledhjes së fundit të Kryesisë së PD, e cila vendosi që Kuvendi Kombëtar të mblidhet në datat 28-29 prill, për miratimin e ndryshimeve statusore dhe riorganizimin e partisë. Po çfarë do të ndodhë në mbledhjen e forumit më të lartë të partisë më të madhe në opozitë?

Në mbledhjen e Kuvendit Kombëtar të PD do formalizohet ndryshimi i përbërjes së forumeve të larta të Partisë Demokratike, që nga vetë Kuvendi, Këshilli Kombëtar dhe Kryesia. Largimet dhe prurjet e reja në këto forume janë diktuar automatikisht që me shpalljen e listës së kandidatëve për deputetë që hartoi Lulzim Basha për zgjedhjet e 25 Qershorit të 2017 si dhe pas konstituimit të Parlamentit të ri.

I gjithë grupi kundërshtar i Lulzim Bashës, i cili u përjashtua nga lista fituese e kandidatëve për deputetë të PD, në zgjedhjet parlamentare të 2017, nuk do të jetë më pjesë e Kuvendit dhe Këshillit Kombëtar të Partisë Demokratike. Konkretisht, pjesë e këtyre forumeve të larta nuk do të jenë më Genc Ruli, Astrit Patozi, Jozefina Topalli, Majlinda Bregu, Eduard Selami, Ridvan Bode, Arben Imami, Keltis Kruja, Bedri Hoxha, Igli Cara etj.

Largimi i tyre parashikohet nga nenet 34 pika ‘d’ dhe 36 pika ‘d’ e statusit të Partisë Demokratike. Me humbjen e statusit të deputetit, figurat e lartpërmeduara kanë humbur edhe të drejtën për të qenë anëtarë të Kuvendit dhe Këshillit Kombëtar.

Gjithashtu, nuk do të jenë më pjesë e këtyre forumeve të larta të PD edhe sekretarët funksionalë të Partisë Demokratike, krerët e departamenteve dhe koordinatorët, të cilët kanë dhënë dorëheqjen pas përplasjeve me Bashës që pas daljes së listës së kandidatëve për deputetë.

Pra, mbledhja e Kuvendit Kombëtar dhe më pas e Këshillit, thjeshtë do të formalizojë ndryshimin e përbërjes së këtyre forumeve, ndryshim i cili vjen në bazë të statusit të PD dhe zgjedhjes së parlamentit të ri, që prodhuan zgjedhjet e 25 Qershorit 2017.

Prurjet e reja
Po sipas neneve 34 pika ‘d’ dhe 36 pika ‘d’ e statusit të Partisë Demokratike, të gjithë deputetët e PD, të cilët hynë për herë të parë në Parlament, në shtator të vitit të kaluar, bëhen automatikisht anëtarë të Kuvendit dhe Këshillit Kombëtar të PD. Ata zënë vendin e kundërshtarëve të Lulzim Bashës, të cilët nuk janë më pjesë e parlamentit.

Disa nga prurjet e reja janë Klevis Balliu që do të zërë vendin e Ridvan Bodes, Orjola Pampuri në vend të Majlinda Bregut dhe Izmira Ulqinaku në vend të Jozefina Topallit. Gjithashtu, për shkak të marrjes së mandatit të deputetit, bëhen automatikisht pjesë e forumeve më të larta të PD edhe Rudina Hajdari, Valentina Duka, Ervin Salianji, Hekuran Hoxhalli, Lorenc Luka, Bardh Spahia, Romeo Gurqkuqi, Endri Hasa, Luan Baçi, Agron Shehaj, Nadire Meçorapaj, Andon Frrokaj, Lindita Metaliaj, Xhemal Gjunkshi, Isuf Çelaj dhe Fatbardha Kadiu.

Figurat që largohen nga forumet e larta të PD

Genc Ruli, ish-deputet
Astrit Patozi, ish-deputet
Asllan Dogjani, ish-deputet
Jozefina Topalli, ish-deputet
Majlinda Bregu, ish-deputet
Eduard Selami, ish-deputet
Ridvan Bode, ish-deputet
Arben Imami, ish-deputet
Keltis Kruja, ish-deputet
Kastriot Islami, ish-deputet
Myqerem Tafaj, ish-deputet
Bedri Hoxha, ish-deputet
Roland Keta, ish-deputet
Igli Cara, ish-deputet
Kozma Dashi, ish-deputet
Bedri Mihaj, ish-deputet
Arbiola Halimi, ish-deputet
Eleina Qirici, ish-deputet
Gjergji Papa, ish-deputet
Mimoza Hajdarmataj, ish-deputet
Albina Deda, ish-deputet
Gjovalin Bzhetaj, ish-deputet
Irma Kopliku, ish-deputet
Liljana Elmazi, ish-deputet
Besni Aliaj, ish-koordinator i politikave të territorit në PD
Tomor Alizoti, ish-kreu i Departamentit të të Përndjekurve në Partinë Demokratike

Do të bëhen anëtarë të Kuvendit dhe Këshillit Kombëtar të PD

Orjola Pampuri
Rudina Hajdari
Grida Duma
Halim Kosova
Valentina Duka
Ervin Salianji
Hekuran Hoxhalli
Klevis Balliu
Izmira Ulqinaku
Lorenc Luka
Bardh Spahia
Romeo Gurqkuqi
Endri Hasa
Luan Baçi
Agron Shehaj
Naire Meçorapaj
Andon Frrokaj
Lindita Metaliaj.
Xhemal Gjunkshi,
Isuf Çelaj
Fatbardha Kadiu

Neni 34 i statutit të PD

2- Kuvendi Kombëtar përbëhet nga:

a) Kryetarët e seksioneve të Partisë Demokratike dhe sekretarët…

b) Kryetarët dhe sekretarët e grupseksioneve të Partisë Demokratike;

c) Anëtarët e Këshillit Kombëtar të Partisë Demokratike;

d) Deputetët e Partisë Demokratike në Kuvendin e Shqipërisë;

e) Sekretarët funksionalë të Partisë Demokratike, koordinatorët tematikë, koordinatorët…

Neni 36, i statutit të PD

Këshilli Kombëtar

2- Këshilli Kombëtar përbëhet nga:

a) Kryetari dhe Nënkryetarët e PDSH;

b) Sekretari i Përgjithshëm dhe sekretarët funksional të Partisë;

c) Ish-Presidentët, ish-Kryeministrat dhe ish-Kryetarët e PDSH, që janë anëtarë të PD në momentin e thirrjes së Këshillit Kombëtar;

d) Deputetët;

e) Kryetari i Bordit Financair të Partisë;

f) Kryetarët e degëve të PD-së;

g) Kryetarët e organizatave partnere;

h) Drejtuesit e Departamenteve të PDSH;

i) Kryetarët e Bashkive dhe të Këshillit të Qarkut, që i përkasin Partisë Demokratike.

Lëvizjet në PD, 47 figurat që ikin dhe vijnë në forumet e larta Read More »

Administrata, asnjë regjistër për emërimet dhe shkarkimet e nëpunësve

Leave a Comment / Aktualitet / /

Ende sot — një ndër pikat kyçe të reformës — ndërtimi i një baze të dhënash qendrore të të gjithë nëpunësve civilë mungon.

Gjetjet e raportuara më herët u konfirmuan nga Raporti i përpiluar nga SIGMA, nisëm e BE-së dhe  Forumit për Bashkëpunimin Ekonomik dhe Zhvillimin (OECD) për monitorimin e ecurisë së reformës në administratën publike për 6 vendet kandidate në BE, përfshirë dhe Shqipërinë.

Raporti, “Parimet e Administratës Publike: Shqipëria” shkruan se në Shqipëri nuk ka të dhëna në lidhje me “qarkullimin vjetor të nëpunësve civilë në nivelin e administratës qendrore”, që do të thotë se qeveria nuk ka të dhëna se sa nëpunës janë punësuar ose shkarkuar që nga fillimi i reformës.

Me tej, raporti tregon se në vitin 2015 nuk ndryshoi asnjë prej drejtuesve të lartë  (0 përqind) të qeverisë, ndërsa në vitin 2016 u ndryshuan vetëm 2 përqind e tyre. Ndërkohë që 16 për qind e drejtuesve të lartë u shkarkuan dhe pastaj u rishfaqën në institucione të tjera shtetërore.

Ky “rikthim” ka qenë një model i përdorur nga qeveria Rama, i cili vazhdoi edhe pas bërjes publike të Listës së Zezë nga Kryeministri Rama. Ku në bazë të së cilës Kryeministri shkarkoi publikisht drejtorët e institucioneve pa asnjë hetim apo kontroll. Shumica e atyre që u shkarkuan u rikthyen sërish në zyrat e shtetit, thjesht u zhvendosën në pozicione e institucione të tjera.

Raporti gjithashtu thekson se:

“…mungesa e rregullave specifike për të siguruar rekrutimin e bazuar në meritë, integritet dhe procedurë disiplinore, për disa grupe punonjësish që ushtrojnë autoritet publik dhe që nuk mbulohet nga Ligji për Shërbimin Civil pas ndryshimeve të miratuar në vitin 2014, mbetet një çështje shqetësuese. […]

Nuk ekziston një kuadër ligjor i njëtrajtshëm dhe gjithëpërfshirës për të siguruar rekrutimin dhe shkarkimin në bazë të meritës të atyre punonjësve publikë që nuk mbulohen nga Ligji për Nëpunësin Civil.”

Për shembull, në shumë drejtori si në atë të Doganave, Autoritetit Kombëtar të Ushqimit dhe Komisionit të Prokurimeve — drejtuesit emërohen drejtpërdrejt nga Këshilli i Ministrave pa asnjë lloj vlerësimi formal paraprak.

Për më tepër, kriteret e emërimit të inspektorëve të Autoritetit Mbikëqyrës të Lojërave të Fatit dhe Inspektoratit Kombëtar të Mbrojtjes së Territorit nuk parashikohen në Ligjin për Nëpunësin Civil dhe prandaj ata nuk merren në punë bazuar në konkurse apo testime, pra në bazë të meritës.

Ky përjashtim nga ligji, sidomos në rastin e këtyre dy institucioneve shkakton qartazi keqadministrimin e institucioneve, të raportuar gjërësisht në media.

Raporti gjithashtu konstaton se është ” përmirësuar përqindja e  vendeve të lira të punës të plotësuara, por ka pasur një rënie të konsiderueshme në numrin e kandidatëve pjesëmarrës”, që do të thotë se ka më pak kandidatë që aplikojnë për një pozicion të hapur.

Ky është rezultat i drejtpërdrejtë i përshtypjes së qytetarëve se është e pamundur të fitosh punë në një institucion të administratës publike, pa pasur lidhje a njohje me drejtuesit e lartë.

Në shumicën e pozicioneve më të larta në qeveri, nëpunësit janë emëruar “përmes përdorimit të procedurës së jashtëzakonshme”

Administrata, asnjë regjistër për emërimet dhe shkarkimet e nëpunësve Read More »

Tre të vegjlit ngelen jashtë në rrugë mes varfërisë, të ftohtit dhe sëmundjeve

Leave a Comment / Histori / /

Tre fëmijëve të Lulëzime dhe Blerim Xhafës nuk ju mungon vetëm ushqimi por gjithçka për të jetuar. Të papunë, pa ndihmë ekonomike e sociale, pa asnjë të ardhur, familjes 5 anëtarëshe ia pagoi “Fundjavë ndryshe” dy muaj qeranë e shtëpisë prej fillim janarit.

Por me të mbaruar kontrata e qerasë ata përfunduan në rrugë ditën e sotme, dhe për të mos i lagur shiu i kësaj fillim jave, po qëndrojnë në strehën e shkallëve të pallatit të kulturës “Aleksandër Moisiu”.

Që në mëngjes “frymën” e mbajtën në bashki për të gjetur sikur edhe një ndihmë minimale, por nuk gjetën asgjë. Fëmijët po ushqehen me ato që ju falin kalimtarët në rrugë.

Fytyra u është skuqur nga të ftohtët, ndërsa prej banesës ku jetonin deri mbrëmë, kanë marrë vetëm një jorgan të cilin e kanë edhe shtroje edhe mbulesë.

Lulëzimja kërkon vetëm një kasolle mbi kokë, ku mund të fusë fëmijët e saj që i kanë përfunduar në rrugë. Blerim Xhafa tha se vuan nga turbelukozi, duhet të shkonte për mjekim në spital, por nuk ka ku lë fëmijët.

I dorëzoi dokumentet që i kërkuan për të përfituar ndihmë ekonomike, por në fund i kthyen përgjigje negative. Familja e tij nuk mund të përfitojë ndihmë financiare nga shteti.

Ata kërkojnë vetëm ndihmë, që dikush tu mundësojë qoftë edhe një kasolle mbi kokë, të mos ngrijnë së ftohti.

Të gjithë ata që munden dhe duan të ndihmojnë sado pak familjen Xhafa, të kontaktojnë në numrin e telefonit të kryefamiljarit: 0699369655

Tre të vegjlit ngelen jashtë në rrugë mes varfërisë, të ftohtit dhe sëmundjeve Read More »