Aurora

1 gotë në ditë bën mrekulli. Filloni menjëherë ta pini edhe ju si këta njerëz!

Leave a Comment / Shendetesi / /

Uji në të cilin është zier orizi është i shkëlqyeshëm kur keni viruse në stomak; pengon sëmundjen e Alzheimerit; është parandalues i shfaqjes së kancerit…

Nëse keni probleme me stomakun, të shkaktuara nga virusi apo nga ushqimi i prishur, pini ujin e orizit.

Proteinat nga orizi ndihmojnë që të stabilizoni funksionet e zorrëve, transmeton Telegrafi.

Edhe pse kjo gjë akoma nuk është konfirmuar, hulumtimet kanë treguar që konsumimi i këtij uji mund të pengojë sëmundjen e Alzheimerit.

Ky ujë duhet të përdoret si ilaç kundër etheve, sepse kompenson humbjen e ujit për shkak të etheve. Aq më parë, kthen materiet e humbura ushqyese dhe përshpejton procesin e këndelljes.

Ai mund të përdoret si një ilaç për gripin dhe temperaturë tek fëmijët, sepse ndodh që parandalon humbjen e ujit për shkak të rritjes së temperaturës dhe të vjellave. Ai përshpejton procesin e shërimit të trupit.

Konsumi ditor i ujit të orizit shërben si një parandalues i shfaqjes së kancerit. Kjo është një nga aftësitë më të mëdha të këtij uji magjik.

Zini oriz në tenxhere me dyfish ujë më shumë. Kullojeni orizin, ujin në të cilin është zier orizi pini të ftohur ose të ngrohtë.

Gjatë procesit të zierjes orizi lëshon përqendrime të larta të vitaminave B, acidit folik dhe antioksidantëve, prandaj uji i orizit është kaq i dobishëm.

Lëngun e orizit mund ta ruani në një shishe qelqi në frigorifer.

1 gotë në ditë bën mrekulli. Filloni menjëherë ta pini edhe ju si këta njerëz! Read More »

Hapja e negociatave, festë shqiptarësh në Bruksel

Leave a Comment / Aktualitet, Lajmi i fundit / /

Shkruan Fatos Mahmutaj

Deputeti shqiptar, i parlamentit te Brukselit, Amet Gjanaj në prononcime të ndryshme për mediat e ka përshëndetur vendimin e KE dhe ka shprehur miënjohje për të.

Çelja e negociatave krijon një mundësi të re që Evropa të sjellë një administrim më efektiv dhe të drejtë të sferave publike dhe politike për një minimizim të dukurive negative që kanë 70 vjet që po mbajnë peng potencialitetet e këtij popullit dhe të këtij vendit evropian!

Në të njëjtin moment shoqata ‘Vatra’, e cila ka qenë shpeshherë promotore e aktiviteteve të shqiptarëve në Bruksel, ka organizuar aktivitete te shumta në lidhje me këtë njgjarje të shënuar.

Me festën e shqiptarëve janë solidarizuar edhe një pjesë e konsiderueshme e bar-kafeve, të cilat kanë ofruar edhe pije falas, jo vetëm për klientët e tyre, por edhe më tepër.

Fotot më poshtë flasin vetë:

Hapja e negociatave, festë shqiptarësh në Bruksel Read More »

Bestytnitë e shqiptarëve kur vjen miku

Leave a Comment / Kuriozitete / /

Atë Donat Kurti, një ndër folkloristët më të njohur shqiptarë, që aktivitetin e tij e zhvilloi në malet shqiptare, kryesisht në Dukagjin, në veprën “Doke e Zakone Shqiptare”, botuar pas vdekjes së tij nga françeskanët shqiptarë, në fund të çdo kapitulli vendos bestytnitë që lidhen me të.

Kështu, në fund të kapitullit “Miqsija në Dukagjin”, në pikën e katërt, ai shkruan:

Besëtytni në lidhni me mik.

– Kur gatojca (gruaja që po gatuan), tuj ngjeshë brumin e bukës, len pa dashtë në gisht nji quk (pak) brumë, thohet se vjen nji mik (Dukagjin).

– Kur, tuj u ndezë krandet (drunj të hollë e të thatë që përdoren për të ndezur zjarrin) në zjarm, çohet nji krande piripuq përpjetë e jep flakë të shpejtë, thohet se vjen nji mik (Dukagjin e Malsi e Madhe).

– Kur grueja bjen në sofër nji lugë ma tepër, thohet se vjen nji mik (Malsi e Madhe).

– Kur, tuj u çue enët prej sofret, bjen gabimisht nji lugë për tokë, thohet se miku asht çue pa u ngi (ngopë). (Malsi e Madhe).

– Kur, tuj hanger në sofër, harron ndonjeni nji kafshatë bukë në njenen anë, thohet se do të vijë nji mik në atë mbramje, në kjoftë mjesditë, do të vijë nesër (Shkodër).

– Kur grizhla gërzhatë (bërtet) n’oborr të shpisë, sidomos nade, thohet se me siguri do të vijë ose nji mik, ose nji lajm (Shkodër e Malsi e Madhe).

– Kur në darkë, ndërsa gjindja e shpisë janë tuj hangër bukë, këndon gjeli nji herë, thohet se mrenda pak ditëve des nji mik; në kjoftë se këndon dy herë, thohet se desin dy (Mirditë e Dibër).

– Po u rrxue pula prej vendit ku asht tuj pushue, thohet se humbet nji mik (Malsi e Madhe).

– Me këndue pula thohet se ka me pas dëm shpija, asht mirë me e mbyt pulen për mik (Malsi e Madhe).

– Me hungrue qeni thohet se des nji rob ose nji mik (Shkodër). /Konica.al

Bestytnitë e shqiptarëve kur vjen miku Read More »

E futën në thes me një mace të egër – Vdekja makabre e mirditorës që sfidoi komunizmin

Leave a Comment / Histori / /

Nuk janë të paktë ato shqiptarë që guxuan dhe ngritën kokë kundër diktaturës dhe komunizmit në Shqipëri. Shumë intelektualë dhe fetarë dolën kundër sistemit të egër, por fati i tyre dihej.

Ato masakruan dhe u pushkatuan. Më me fat ishin ata që u burgosen për vite ose u internuan në kampe të ndryshme.

Mbase tortura e tyre ishte më e madhe se atyre që vdiqen, sepse në burgjet e kominizmit u kryenin krime të tmerrshme. Një prej emrave që ngriti kokën kundër komunizmit ishte Marie Tuci.

Marija ishte vajza e re nga Mirdita që sfidoi xhelatët e diktaturës komuniste, në emër të Zotit, përmes besimit katolik. Pas përmbysjes së komunizmit, hitoria e saj e trishtë u njoh në të gjithë vendin dhe më gjërë.

Maria, vdiq masakruar nga torturat e xhelatëve të diktaturës duke dhënë shpirt mes mundimeve të jashtëzakonshme.

Marie Tuçi lindi më 12 mars 1928, në fshatin Ndërfushaz Mirditë, si e bija e Nikollë Mark Tuçit dhe e Dilë Fushës.

Ajo ishte nxënëse e shkollës së mesme të motrave Stigmatine në Shkodër.

Më pas ajo zgjodhi rrugën fetare. Në vitin 1946, abati Frano Gjini e dërgoi mësuese në shkollën e Mirditës. Marie Tuçi u arrestua pas reprezaljeve që u bënë në Mirditë nga qeveria komuniste, me rastin e vrasjes së Bardhok Bibës, sekretar i Partisë Komuniste në Mirditë.

Vdiq në spitalin e Shkodrës pas torturave çnjerëzore, më 20 shtator të vitit 1950.

Sakrifica e saj u vlerësua edhe nga Papa dhe nga Vatikani. Ajo renditet ndër 38 martirët e Kishës Katolike.

Për ta torturuar deri në vdekje, xhelatët e zhveshën dhe e futën në një thes bashkë me një mace e egër. Hetuesit e godisnin macen e egër me gjëra të forta duke e ëgërsuar më shumë. Maria vdiq duke u masakruar u shqye nga macja e egër.

Historia e saj u bë edhe më shumë e njohur përmes poezisë së Meti Fidanit.

Po vdes nanë, sot po vdes

Nan’ e dashtun, sot po vdes

më kanë futur, në një thes

lakuriq, tok me një mace

më kanë mbyll, në thes linace

N’burg të Shkodrës, po m’del shpirti

po ma merr nan’, shef Seiti

jashtë thesit, shqip po flasin

më shqelmojn’, e më godasin

ligësia, nuk ka ngjyrë

shqelm në bark, shqelm në fytyrë

Po vdes nanë, sot po vdes

një lëmsh gjaku, brenda n’ thes

nuk ka vend imagjinata

kriminel, shpirtzinj si nata

më kanë ça, bark e zorrë

hajde nan, e ver’ një dorë

Mbaju nan’, mbaju burrneshë

më sill teshat, e m’vish murgeshë

mos qaj nan, jam bij Mirdite

s’na kanë mposht, tash ndër vite

as dhe shkau, as dhe turku

as Enveri, as dhe burgu

as bollshik, e as titista

as hetues, as komunista

Po vdes nanë, moj un’ e zeza

shko më sill, një palë ndresa

njëzet e dy, sapo kam mbush

nuk du’ nan’, me m’qa kurkush

as n’ Orrosh, e as Ndërfush

as në bjeshkë, atje thellë

as në Fan, e as në Kthellë

as n’Kurbnesh, e as n’ Selitë

as kurkund, nëpër Mirditë

Zoti nan, ka pat’ mëshirë

më ka dërgu, të vdes e lirë

më sill ndresat, po të pres

po vdes nanë, sot po vdes

/Konica.al

E futën në thes me një mace të egër – Vdekja makabre e mirditorës që sfidoi komunizmin Read More »

E rrallë/ Shkollat në Shqipëri që nga viti 1258, ja të dhënat e reja që sjellin studiuesit

Leave a Comment / Histori, Kuriozitete / /

Shkodra, që gjithnjë ka qenë një nga qytetet më arsimdashëse dhe të shquara për kulturën qytetare e artin, ka pasur shkolla që në shekullin XIII. Dëshmitë e ekzistencës së këtyre shkollave na vijnë nga arkivat e françeskanëve.
Sipas studiuesit Sami Rrepishti, shkollat e para në gjuhën shqipe janë hapur në veri të Shqipërisë nga klerikët katolikë.

Dhe pikërisht në Ulqin në vitin 1258, në Durrës në vitin 1278, në Shkodër në vitin 1345 dhe 1359, në Tivar në vitin 1349, në Pult në vitin 1397, në Drisht 1396 dhe nga shekulli XV deri në shek. XVIII me shkolla të tjera në Shkodër e Lezhë e në shumë qytete të tjera.

Sipas profesorit, kishat katolike shqiptare me françeskanët në vijën e parë i zhvillonin të gjitha ritet në gjuhën tonë, ndaj dhe populli i frekuentonte të gjitha kishat e kuvendet e tyre me dëshirë, duke marrë pjesë masivisht në mesha, katekizëm, krezma, celebrimin e martesave, etj.

Sipas të dhënave që jep profesori Lutfi Alia, shkollat që janë ngritur në Shkodër në vitin 1416 ishin: shkolla “Santa Barbara, shkolla “Sam Mercurio”, “Kryqi i shenjtë” etj.

Shkolla të tilla do të hapeshin më pas dhe në Kurbin, në Pllanë, në Blinisht dhe në Zadrimë.

Në raportet e etërve françeskanë të kohës theksohet roli i madh që kisha katolike i kushton shkollës dhe nevojës së shkollimit të shqiptarëve.

Sigurisht që në këto shkolla kryesisht shkonin djem, por kisha katolike do i kushtonte një vëmendje të veçantë dhe vajzave, duke hapur në vitin 1879 shkollën fillore për vajzat dhe përkatësisht nga motrat stigmatine, ku u edukuan vajzat me kulturën bazë dhe mësoheshin si të bëheshin zonja të mira shtëpie.

Në vitin 1882 françeskanët çelën një kolegj fetar që do shërbente për të gjithë ata nxënës shqiptarë që dëshironin të bëheshin fretër. Mësimet u rregulluan sipas programit të gjimnazit të Austrisë.

Shkollat do të hapen vit pas vitit duke arritur në vitin 1908, kur do të mbahet Kongresi i madh i Manastirit.

Pyetja që është e natyrshme ishte: nga mbaheshin këto shkolla. Sipas profesorit, ato kryesisht financoheshin nga Austro-Hungaria. Dhe në fakt ka të drejtë. Austro-Hungaria ka pasur prej shekujsh një interes të veçantë për Shqipërinë, duke investuar në shkolla, në studimin e gjuhës shqipe, etj.

Pra nga statistikat që disponojnë françeskanët deri në vitin 1911 katolikët kanë hapur 47 shkolla shqipe, ndër to 10 shkolla për vajza. Në vitin 1933, me urdhër të Zogut, u mbyllën 74% e shkollave fetare katolike dhe në 1945 ato u mbyllën plotësisht nga diktatura komuniste.

Faik Konica, në shkrimet e tij, do të lëvdonte punën e madhe të shkollave fetare katolike. Ai do të shkruante: ”Kolegji saverian mbahet në një shkallë të lartë dhe të gjithë ata që kanë parë shkollat e Francës e të Evropës mund të dëshmojnë se ajo e Shkodrës është e zonja për punë dhe krahasohet një me të”.

Dhe pikërisht për këto shkolla kanë dhënë kontribut të veçantë klerikët katolikë, si At Gjergj Fishta, Dom Ndre Mjeda, At Justin Rrota, Don Ndoc Nikaj, Karl Gurakuqi, Mati Logoreci etj./konica.al

E rrallë/ Shkollat në Shqipëri që nga viti 1258, ja të dhënat e reja që sjellin studiuesit Read More »

Revista amerikane zgjedh pasardhësin e Ramës, ja kush do të jetë kryeministri i ardhshëm (Foto)

Leave a Comment / Aktualitet, Opinione / /

Kryeministri i Shqiperise, Edi Rama ne nje shkrim per Forbes, te gazetares Shellie Karabell, zbulon pasionet e tij, ne politike dhe jashte saj, duke treguar ate qe do te beje ne pjesen e trete te jetes.
Ne faqen e trete te nje reportazhi te gjate, ku mes te tjerash, citohet dhe flet edhe vete Rama, gazetarja e Forbes, shkruan per ate qe mendohet se do te pasoje kryeministrin ne detyre, kryebashkiaku aktual Erion Veliaj.

Pjesa e shkrimit te Forbes

Ndërsa po projekton rrugën për Shqipërinë, Rama po projekton gjithashtu edhe ate qe ai e cileson pjesa e trete e jetës së tij.

“Rruga e parë ishte arti”, thotë ai duke iu referuar të kaluarës së tij si profesor dhe artist që ka hapur ekspozita në të gjithë botën, përfshirë edhe Nju Jorkun si dhe ka vizatuar pikturat që ndodhen aktualisht në zyrën e tij.

“Tani jam një politikan. Mund ta synoj këtë zyrë për pjesën e mbetur të ditëve të mia, por nuk është kjo ajo që dua. Hyrja në BE do të marrë më shumë kohë nga sa unë dua të shpenzoj në politikë”, pohon ai.

Në të ardhmen, Rama thotë se do te bëjë diçka, me shijen. Shijen? Po. “Stilin e jetesës, pikturën, skulpturën, industrinë… shijen”, thotë ai.

“Dhe ndoshta diçka në lidhje me gatimin. Më pëlqen të gatuaj”, thote ai.

Mendimi popullor e sheh kryebashkiakun karizmatik, të mirëshkolluar dhe multilinguist të Tiranës Erion Veliaj (i lindur më 1979, në detyrë që prej 2015), si pasuesin e përcaktuar të Ramës që do ta udhëheqë vendin drejt Evropës.
Është interesante të vihet re se ruga e Ramës drejt kryeministrisë nisi pikërisht kryebashkiak i kryeqytetit.

Revista amerikane zgjedh pasardhësin e Ramës, ja kush do të jetë kryeministri i ardhshëm (Foto) Read More »

Pezullohen nga detyra 4 zyrtarë të Drejtorisë së Taksave në Fier

Leave a Comment / Aktualitet, Lajmi i fundit / /

Katër zyrtarë të Drejtorisë së Taksave në Fier janë pezulluar nga detyra, pasi akuzohen për mungesë etike në komunikim.

Ndaj zyrtarëve ka nisur procedimi disiplinor. Burime konfidenciale pranë Bashkisë së Fierit kanë pohuar se ky vendim i Kryebashkiakut Armando Subashi kanë ardhur pas ankesave të biznesit për mungesë etike në komunikimin zyrtar dhe parregullsi në faturime ndaj biznesit.

Mësohet se ndaj të pezulluarve ka nisur procedura disiplinore për shkelje në kryerjen e detyrës.

vijon…

Pezullohen nga detyra 4 zyrtarë të Drejtorisë së Taksave në Fier Read More »

Fleckenstein: Rekomandin pa kushte, Shqipëria e meriton

Leave a Comment / Aktualitet, Opinione, Politike / /

Lajmin e mirë për hapjen e negociatave, e ka dhënë edhe eurodeputeti dhe raportuesi për Shqipërinë, Knut Fleckenstein.

Në një status në Twitter, ai thotë se Shqipëria ka marrë rekomandimin për hapjen e negociatave pa kusht. ”Urime! Jam shumë i lumtur.

Një hap i madh përpara për Shqipërinë! Rekomandim i pakushtëzuar nga komisioni i BE-së për hapjen e negociatave. Shqipëria e meriton”,-shkruan Fleckenstein.

 

Fleckenstein: Rekomandin pa kushte, Shqipëria e meriton Read More »