Qeveria ndodhet në Fier në një mbledhje dy ditore. Ministri i Infrastrukturës dhe Energjisë Damian Gjiknuri zhvilloi një takimi me naftëtarët dhe shpërndau për disa prej tyre dëshminë e Statusit të Naftëtarit.
Ai deklaroi se deri tani janë miratuar nga komisioni përkatës 1 mijë aplikimet e para, ministri Gjiknuri premtoi se ky proces do të vazhdojë me intensitet.
Ne si qeveri menduam që t’i japim prioritet naftëtarëve dhe jam i bindur që ata e meritojnë, kanë sakrifikuar shumë dhe patjetër duhet të jenë të parët që duhet të trajtohen me një pension të posaçëm nga shteti.
Këshilli Kombëtar i Partisë Demokratike ka miratuar pas katër orë debatesh draft-statutin, që do t’i përcillet Kuvendit Kombëtar të PD-së, i cili do të mbahet në 29 prill. Vendimmarrja, që kaloi jo pa debate, mes të cilëve që në nisje ishte ai me tone të forta mes Imamit dhe Bashës.
Anëtari i Kryesisë, Arben Imami, që në nisje të mbledhjes kërkoi nga kryetari i PD-së, Lulzim Basha, që të përfshijë në rendin e ditës edhe dokumentin e analizës së humbjes në zgjedhjet parlamentare të vitit të kaluar. Kërkesa u rrëzua me shumicë dërrmuese votash nga anëtarët e Këshillit.
DEBATI
Arben Imami: Në rendin e ditës të futet edhe analiza e zgjedhjeve parlamentare të vitit 2017. Statuti i partisë, ai që kemi në fuqi, kërkon që analiza e zgjedhjeve të bëhet nga të gjitha organet e forcës politike. Për këtë arsye, unë kërkoj që Kryesia të nxjerrë raportin përpara nesh dhe Këshilli Kombëtar të marrë vendimin. Fatmirësisht, sot pas katër vitesh, është mbledhur Këshilli Kombëtar dhe pjesë e rendit të ditës së kësaj mbledhjeje duhet të jetë edhe diskutimi për analizën e zgjedhjeve të vitit 2017. Gjithashtu, dua të shtoj se nuk kam parë të reflektuar në draft-statutin që na është paraqitur, kufizimin e mandatit të kryetarit që humb një palë zgjedhje, dy palë zgjedhje, dhjetë palë zgjedhje. Nuk ka kuptim kjo punë.
Lulzim Basha: Unë besoj se kemi qenë shumë të qartë për rendin e ditës së kësaj mbledhjeje. Grupi politik i punës ka punuar për një draft-statut voluminoz, i cili është diskutuar edhe në mbledhjen e Kryesisë, për mbi 5 orë gjithashtu. Unë mendoj se për çështje të tjera që janë në interesin e anëtarëve të Këshillit, mund të mblidhemi sërish. Megjithatë, unë mendoj që propozimin tuaj ta hedhim në votim dhe të vendosim nëse do ta shtojmë edhe këtë pikë të rendit të ditës apo jo.
Hidhet në votim, rrëzohet
Arben Imami: Menduam se ishte e vlefshme që organet autonome, siç mund të ishte Bordi i Kandidaturave, të kishin mundësi zgjedhjeje jashtë diktatit të personit të zgjedhur. Por me sa shoh, partia vijon të mbetet monokratike dhe propozimet jo vetëm nuk merren parasysh. Ndaj, edhe propozoj që partia edhe emrin të mos e ketë më Partia Demokratike, por Partia Monokratike.
Lulzim Basha: Meqenëse është edhe në vullnetin e Këshillit, të diskutojmë vetëm për atë që jemi mbledhur, atëherë ta kalojmë nen për nen draft-statutin e grupit të punës. /PANORAMA
Ka përfunduar sot votimi në tërësi i jurisë së Wiwibloggs – portalit që e përcjellë aktivisht Festivalin e Eurovizionit dhe shkruan mbi ndodhitë më të fundit.
Juria e WiwiBloggs e përbërë nga muzikantë dhe kritikë e fansa nga mbarë Evropa, kanë krijuar kësisoj një listë të të gjitha këngëve të Eurovizionit dhe kanë dhënë pikët e tyre për secilën këngë.
Sot, me të përfunduar rangimi për të gjitha këngët, del se Eugent Bushpepa është në vendin e 21-të në këtë listë.
6.89 nga 10.00 është nota që ka marrë Eugenti, ndërsa sipas kësaj liste ai do të kualifikohet për në finalen e Eurovizionit por nuk do të dalë me një rezultat të kënaqshëm në fund.
Në këtë listë, shqiptarja Eleni Foureira e cila do të këndojë në Eurovizion për Qipron, ka marrë notën 7.61 ndërsa Ermal Meta dhe Fabrizio Moro kanë marrë notën 7.17.
Nëse diçka nga ky parashikim është i saktë, të tre këngëtarët shqiptarë do të ngjiten në finale e Eurovizionit me datë 12 maj.
Sipas këtij rangimi, Eurovizionin këtë vit e fiton kënga nga Izraeli, përcjellë nga Belgjika, Finlanda, Bullgaria dhe Austria.
Ky është vetëm një vlerësim që lidhet me Eurovizionin por nga ai mund të shohim se ku qëndrojnë këngët me votat e marra.
Eugent Bushpepa do të këndojë këngën “Mall” me datë 8 maj, në gjysmëfinalen e parë të Eurovizionit, ndërsa nëse kualifikohet do të këndojë edhe me 12 maj, në finale.
Qeveria është zhvendosur dje në qytetin e Fierit, ku janë marrë një sërë vendimesh të rëndësishme. Përmes një konference për mediat kreu i qeverisë prezantoi të gjithë vendimet, por më i rëndësishmi është një vendim i cili do të sjellë tërmet në administratë. Një vit më parë qeveria filloi fshesën në administratë duke shkarkuar me qindra punonjës, por muajt e fundit pati një frenim të reformës. Mirëpo qeveria dje ka marrë një vendim, përmes të cilit shkarkohen në bllok rreth 200 persona. Sipas vendimit, largime do të ketë në 16 institucione.
Aty bëhet e ditur se Agjencisë Kombëtare të Shoqërisë së Informacionit, për vitin 2018, do i shtohen 182 veta, duke e çuar numrin e përgjithshëm të punonjësve të këtij institucioni në 335. Por me qëllim që numri i përgjithshëm i punonjësve i përcaktuar në ligjin për buxhetin e shtetit të mos ndryshojë, kompensimi do të ndodhë duke shkarkuar po kaq punonjës në një pjesë të madhe të ministrive. Ministritë që do të preken më tepër janë Ministria e Financave, nga e cila do të shkarkohen 92 veta. Më pas vjen Ministria e Brendshme me 10 persona, ndërsa në ministritë e tjera do të ketë reduktim stafi nga 1-7 persona.
Kriteret e pranimit në universitet
Një tjetër vendim i marrë dje është sa i takon kushteve dhe mesatares së pranimit në universitet. Qeveria ka vendosur që mesatarja të jetë 6. “Për të gjithë kandidatët, të cilët kanë përfunduar arsimin e mesëm të lartë, nota mesatare për pranimin në programet e studimit të ciklit të parë dhe në programet e integruara të studimeve të ciklit të dytë ose për të transferuar studimet në vitet e ndërmjetme të këtyre programeve, në institucionet e arsimit të lartë, për vitin akademik 2018-2019, të jetë nota 6.
Nota mesatare për pranimin në institucionet e arsimit të lartë përllogaritet si mesatare e thjeshtë e treguesve, si më poshtë vijon: Mesatarja aritmetike e thjeshtë e notave përfundimtare vjetore të lëndëve për të gjitha vitet e shkollimit në arsimin e mesëm të lartë; Mesatarja aritmetike e thjeshtë e notave të provimeve të Maturës Shtetërore. Për kandidatët që aplikojnë për t’u pranuar në programet e studimit të fushës së mësuesisë, për vitin akademik 2018-2019, nota mesatare e përllogaritur, sipas këtij vendimi, të jetë nota 7. Programet e studimit të fushës së mësuesisë përcaktohen në shtojcën 1, që i bashkëlidhet dhe është pjesë përbërëse e këtij vendimi”, thuhet në vendim.
Ilaçet për kancerin falas
Kryeministri Edi Rama deklaroi dje se është marrë vendimi që Herceptina për të sëmurët me kancer do të merret falas. Pak kohë më parë ka pasur ankesa se ajo mungon në Këshilli i Ministrave mblidhet në Fier, ja vendimet e marra dje Qeveria spastrime në administratë, shkarkohen rreth 200 punonjës, ja 16 institucionet që preken spitale dhe shefi i qeverisë tha dje se nuk do të jetë më ky problem. “Dy vendime të rëndësishme me impakt kombëtar janë marrë sot, së pari vendimi për listën e re të barnave të rimbursueshme, e cila është zgjeruar.
Përveç 36 barnave të reja që do të rimbursohen nga shteti për të gjithë njerëzit në nevojë, do të përfshihet si një zgjidhje përfundimtare edhe Herceptina një zgjidhje jetike për ilaçin e gjirit. Përveç se i shtrenjtë ishte edhe problematik, tanimë do të jetë tërësisht falas. Bëhet më në fund një premtim me peshë të madhe dhe më në fund nuk do të ketë më mungesë të Herceptinës për të gjitha gratë dhe vajzat”, tha ai./SOT
Komisioni i Pavarur i Kualifikimit ka dhënë dje sinjale se rezultatet e vetingut do të jenë befasuese. Kur nisi procesi i vetingut të gjithë ishin skeptikë, por çdo ditë që kalon po konfirmohet se të korruptuarit nuk do të kenë më vend në sistemin e drejtësisë. Pas seancës së datës 17 prillit, ditën e djeshme u mblodh Komisioni i Pavarur i Kualifikimit nën drejtimin e kryetares së trupës gjykuese, Suela Zhegu, ku shpalli vendimin në lidhje prokuroren e Apelit Shkodër, Besa Nikëhasani. KPK shkarkoi nga detyra prokuroren Nikëhasani.
Vendimi është marrë pasi ajo nuk ka justifikuar pasurinë. Besa Nikëhasani sipas KPK, nuk justifikon dy apartamente, dy garazhe dhe një makinë fuoristradë Toyota Landcrusie me vlerë rreth 20 mijë euro. Një nga apartamentet e prokurores që nuk justifikohet ndodhet në Tiranë, tjetri në Lezhë. “Trupa gjykuese shqyrtoi të gjithë dokumentacionin e dërguar nga institucionet e vlerësimit dhe zhvilloi një procedurë të thellë hetimi administrativ bazuar vetëm në kriterin e pasurisë. Në përfundim të këtij procesi të rivlerësimit trupa gjykuese vendosi shkarkimin nga detyra të subjektit të rivlerësimit Besa Nikëhasani, prokurore në Prokurorinë e Apelit Shkodër.
Vendimi i arsyetuar njoftohet brenda 30 ditëve pas përfundimit të kësaj seance dëgjimore”, deklaroi kryesuesja e trupës gjykuese, Suela Zhegu. Prokurorja e Apelit ishte e pranishme në sallë në momentin që u dha vendimi, ku përplasja e duarve me ironi ishte reagimi i Besa Nikëhasani sapo mësoi se nuk e kaloi vetingun. E më pas, duke dalë ka filluar të kundërshtojë vendimin, duke e cilësuar të padrejtë. “Kjo është drejtësia!”, ironizoi ajo. Në seancën e kaluar prokuroja e Apelit Shkodër, Besa Nikëhasani deklaroi se familja kishte borxhe dhe se pasurinë e kishte vendosur në mënyrë të ligjshme, ashtu sikur pretendonte edhe ILDKP, por KPK e rrëzoi duke e përjashtuar.
Mirëpo, procesi i rivlerësimit për 4 gjyqtarë dhe prokurorë, ku vetëm anëtarja e Gjykatës Kushtetuese, Vitore Tusha, është e vetmja që i mbijetoi rrjetës së vetingut, tregon qartë se nëse ecet me këtë trend, pjesa dërrmuese e njerëzve të drejtësisë do t’u duhet të largohen nga sistemi. Megjithatë, kjo është vetëm një ane e asaj që duket deri me tani, pasi nuk ka nisur ende procesi i vetingut për gjyqtarët dhe prokurorët e Gjykatave të Shkallëve të Parë, të cilat duke iu referuar raporteve konfidenciale por edhe institucionale dhe mediatike, rezultojnë si më të korruptuarit. Sidoqoftë, mbetet për t’u parë në ditët në vijim se çfarë do të ndodhë dhe prodhojë procesi i Vettingut.
Ja pse u shkarkua Nikëhasani
Prokurorja e Apelit Shkodër, Besa Nikëhasani ishte personi i katërt nga njerëzit e drejtësisë, e cili doli para komisionit të vetingut dhe pas një hetimi gati 5-mujor u shkarkua nga detyra. Sipas Komisionit të Pavarur të Kualifikimit, vendimi i shkarkimit të Nikëhasanit u bazua në hetimet e thella dhe të pavarura të bëra nga vetë KPK. Sipas KPK, Besa Nikëhasani nuk justifikonte burimin e ligjshëm të dy apartamenteve, dy garazheve dhe një makinë fuoristradë me vlerë rreth 20 mijë euro. Një nga apartamentet e prokurores që nuk justifikohet ndodhet në Tiranë, tjetri në Lezhë. Pra pas gjithë këtyre gjetjeve, sidomos sa i takon mos justifikimit të dy apartamenteve dhe makinës, Komisionit i Pavarur i Kualifikimit vendosi dje që të shkarkonte nga detyra prokuroja e Apelit Shkodër, Besa Nikëhasani./SOT
Pas betejes politike për peshq të mëdhenj dhe peshq të vegjël që ka ushqyer me lajme median por edhe ata që janë të prirur të informohen rregullisht bëhet e ditur se në Durrës është kapur një peshk i madh.
Në rrjetën e peshkatarëve të Durrësit ka rënë një “peshk” i pazakontë, raporton top channel. Peshkatarët u habitën kur gjatë mbledhjes së rrjetës panë në të një peshkaqen të përmasave mesatare.
Peshkaqeni, i pazakontë për brigjet shqiptare është filmuar nga peshkatarët që e kapën atë dhe pamjet janë vërtet të pazakonta.
Ndodhet pranë Tiranës, me një rrugë automobilistike që ke dëshirë të udhëtosh, me një peizazh natyror rreth saj që të befason me gjelbërimin dhe bukuritë natyrore dhe kur kalon Cërrikun, fillon vërtet ajo që ju kërkoni. Përballë të shfaqet diga e madhe e hidrocentralit të Banjës me liqenin madhështor me ujërat e pastër mes dy faqeve malore. Nga Diga deri në qytetin e Gramshit, ka mjaftë pika çlodhjeje mes një natyre të veçantë.
Ka lokale, kampingje të ngritur nga turistë endacakë që preferojnë ta kalojnë natën në natyrë, por mbi të gjitha ndesh dhe me derdhje lumenjsh që zbresin nga mallet lindore të liqenit dhe derdhen në të.
Midis tyre është dhe lumi Holta, një nga perlat e bukurisë natyrore të vendit tonë me kanionet e tij të mrekullueshëm, që e nis shtrirjen e tij nga fshati Bardhan deri në fshatin Kobash me gjatësi rreth 3 km, ndërsa shpatet e luginës ngjiten lartë deri në i 100 – 150 m. dhe me thellësi të ujit që shkon deri në 3 m.
Në shpatet e thepisura në rrjedhën e këtij lumi, gjenden shumë shpella karstike që janë të vizitueshme nga natyralistët dhe aventurierët e ngjitjeve sportive.
Kjo rrjedhë lumore gjendet në zonën e Gramshit dhe mungesa e zhvillimit të infrastrukturës rrugore drejt kanioneve e mbanë të izoluar këtë atraksion turistik tepër interesant në qendrën gjeografike shqiptare.
Veç lumit me kanionet befasuese të tij, në shpatet malore të kësaj zone, gjenden pyje me drurë të rrallë panje, bredhi, pisha si dhe mjaft specie të rralla kafshësh dhe shpendësh. Këto pyje janë dhe habitati i ariut të murrmë, një specie gati në zhdukje prej gjuetisë së paligjshme që ushtrohet akoma.
Një investim në fushën e turizmit në infrastrukturën dhe rrjetin rrugorë të kësaj zone, veç të tjerash do të sillte dhe një zhvillim të përhershëm ekonomik, jo vetëm nga turizmi por edhe atë bujqësor e blegtoral.
Holta është një zonë turistike e pazbuluar akoma.
Në zonën e Gramshit ka shumë monumente të natyrës apo dhe të historisë,të antikitetit, burime natyrore si Ujëvara e Sotirës, që mbeten të pavizitueshme për shkak të infrastrukturës rrugore.
Pushteti vendor, Ministria e Turizmit dhe shoqëritë turistike duhet ta shohin me përparësi këtë zonë premtuese për turizëm dhe të nisin investimet në hoteleri, kampingje, bujtina dhe ta reklamojnë në rrjetet sociale dhe ato mediatike. Kanionet e lumit të Holtës, vizitohen duke u nisur nga Gramshi-Bardhan-Kabash, një rrugë e vështirë për makinat me një gjatësi rreth 18 km.
Kjo zonë dhe kjo rrjedhë lumore është një atraksion turistik për pasionantët e natyrës, të aventurës dhe historisë që mund të shfrytëzohet në çdo stinë.
“Guri i Kamjes”, një monument i natyrës. ndodhet pranë fshatit Dardhë të rrethit të Pogradecit, në afërsi të Qafës së Lipovës, 1461 m. mbi nivelin e detit.
Përfaqëson një formë interesante relievi në trajtën e “një anije që lundron në një det të hapur”.
Eshtë i gjatë rreth 100 m, i gjërë rreth 80 m dhe i lartë rreth 70 m.
Forma e tij lidhet me resistencën më të madhe të konglomerateve që e përbëjnë, në krahasim me argjilat që ndërtojnë territorin përreth tij.
Mbi këtë formë relievi veprojnë proçeset e erozionit dhe era, që kanë gdhëndur në mikroforma të çuditshme.
Ka vlera shkencore gjeomorfologjike e gjeologjike, por edhe kulturore, turistike dhe didaktike me rëndësi lokale.
Mund të vizitohet sipas itenerarit, Pogradec-Leshnicë-Trebinjë. Vlen si një destinacion për turizmin e natyrës .
