Aurora

Kryeministri Edi Rama publikoi sot pagesat e kryera ndaj një biznesi në Durrës, i cili në takimet me kryetarin e Partisë Demokratike, Lulzim Basha deklaron se nuk kanë përfituar asgjë.

“Teatri vazhdon. Të qash se s’qesh dot”, thuhet në mesazhin që shoqëron pamjet.

Kreu i PD-së, Lulzim Basha më 14 maj vizitoi biznesin “NICOLE.K” në Durrës duke deklaruar se “qytetarët nuk kanë marrë asnjë ndihmë ekonomike”.

Ndërkohë më 14 maj, biznesi “NICOLE.K” rezulton përfitues i 2 pagave për 3 punonjës në datat 14 prill dhe 8 maj.

Punonjësit e këtij biznesi që kanë përfituar pagat janë:
Paga e I

Dhori Lleshi Union Bank 26,000 14/04/2020
Xhuliana Muça Union Bank 26,000 14/04/2020
Kastriot Muka Union Bank 26,000 14/04/2020

Paga e II

Dhori Lleshi Union Bank 26,000 08/05/2020
Xhuliana Muça Union Bank 26,000 08/05/2020
Kastriot Muka Union Bank 26,000 08/05/2020

Biznesi “NICOLE.K” është gjithashtu përfitues i pagës së 3-të për 3 punonjësit më datë 3 qershor 2020

Paga e III

Dhori Lleshi Union Bank 26,000 03/06/2020
Xhuliana Muça Union Bank 26,000 03/06/2020
Kastriot Muka Union Bank 26,000 03/06/2020

62 448 qytetarë kanë marrë 3 paga lufte, ndërsa 166 571 qytetarë kanë marrë pagesën 40 mijë lekë.

Prej paketës së parë dhe Paketës së Zgjeruar kanë përfituar gjithsej çerek milioni shqiptarë, ndërsa pagesat vazhdojnë./atsh

Presidenti Ilir Meta ka uruar të gjithë besimtarët për festën e Shna Ndout.

Duke publikuar foto nga Kisha e Laçit, Meta ka uruar besimtarët për një jetë të mbushur me dashuri dhe begati.

“Në këtë Natë të Bekuar të Shna Ndout, u bashkohem lutjeve tuaja për një jetë më të begatë, të mbushur plot lumturi e mbarësi për ju e familjet tuaja, dhe uroj përzemërsisht të keni bekimet e Shenjtit”, shprehet Meta./atsh

Ministrja e Arsimit, Sportit dhe Rinisë, Besa Shahini, përcolli masazhin për ditën e Çlirimit të Kosovës, plot 21 vite më parë.

“Sot e 21 vite më parë, isha refugjate në Kanada kur mora lajmin që kishin pushuar bombardimet e NATO-s dhe trupat këmbësore ishin futur në Kosovë. Kosova ishte çliruar. Si fëmijë që kishte parë vetëm konflikt dhe luftë, e kisha të vështirë ta paramendoja paqen dhe lirinë në Kosovë dhe gjithë potencialin që ngërthente ajo liri për popullin tonë. Sot, jo vetëm kam mbijetuar luftën 21 vite më parë, por jam duke shërbyer në qeverinë e Republikës së Shqipërisë, si shenjë e qëndresës dhe bashkimit tonë kombëtar”, shprehet Shahini.

Por, vijon ajo, kjo liri që gëzojmë sot, qëndron mbi mijëra jetë të humbura e shumë e shumë të tjera të shkatërruara.

“Ndaj, mos të harrojmë kurrë falë kujt po e gëzojmë këtë ditë dhe të përkujtojmë me përulësi se sa e brishtë është liria dhe sa shumë duhet të përpiqemi ta mirëmbajmë dhe gëzojmë atë, duke dashur njëri-tjetrin dhe duke bërë çdo ditë nga pak që të lëmë një vend më të mirë për fëmijët tanë”, tha Shahini./atsh

Ministri në detyrë për Europën dhe Punët e Jashtme, Gent Cakaj, ka uruar sot përvjetorin e Çlirimit të Kosovës.

Cakaj nëpërmjet këtij urimi shprehu nderime për të rënët në luftë, si dhe falënderime për punën që NATO dhe ShBA kanë kryer në Republikën e Kosovës.

“Urime edhe një përvjetor më shumë çlirimi, Kosovë! Gjithë rrugëtimi yt historik me sakrificat me të pashembullta qoftë gjithmonë burim frymëzimi për të të dashur çdo ditë e më shumë e krejtësisht në mënyrë të veçantë”, u shpreh Cakaj.

“E, po, patjetër: sot nderim për të rënët në fushën e lavdisë, falënderim për NATO-n e ShBA-të për punën përtej kufijve e të besueshmes për t’ia dhënë historisë drejtësinë dhe, gjithsesi, përkushtim edhe më i thellë për ta parë Republikën në majat më të larta të demokracisë, mirëqenies e zhvillimit. Të dua!”, theksoi Cakaj në urim./atsh

Dashi
Nëse raporti në çift është i konsoliduar do keni mundësi që të organizoni diçka bashkë për fundjavën. Duhet të mendoni për të ardhmen, ndaj mundohuni që të mos stresoheni shumë duke u fiksuar pas gjërave që nuk kanë ecur siç duhet.

Demi

Mundohuni që të shmangni zënkat me njeriun e zemrës, pasi do të ishte mirë që të lini pas shpine problemet me të cilat jeni përballur. Në punë është e rëndësishme që të konsolidoni raportet me kolegët.

Binjakët

Situata sentimentale paraqitet e vështirë, madje e rëndë. Humori nuk do të jetë në maksimumin e tij, pasi do të ndiheni të lodhur dhe të tensionuar. Megjithatë do të keni mundësi që të bëni projekte të rëndësishme me partnerin/en, nëse historia është e rëndësishme. Në punë, mundohuni që të shmangni debatet.

Gaforrja

Ndikimi i favorshëm i Hënës do të stimulojë dashurinë dhe takimet. Në punë, nëse jeni përballur me një periudhë stanjacioni, tashmë do të keni mundësi rikuperimi. E premtja do të jetë mjaft pozitive.

Luani

Dita do të jetë mjaft interesante sa i takon ndjenjave. Mundohuni që të mos debatoni për gjëra të kota, por përqendrohuni në objektivat tuaja. Në punë, duhet durim.

Virgjëresha

Nëse në raportin në çift gjërat nuk ecin mirë, ndoshta njëri prej të dyve ndihet i pavlerësuar. Në punë, duhet të planifikoni më së miri gjithçka, duke menduar se çfarë nuk po ecën siç duhet.

Peshorja

Nëse diçka ju intereson, është momenti për të bërë një tentativë për tu afruar. Nëse në punë, diçka nuk ka shkuar siç duhet, tashmë është rasti që të sqaroni gjithçka dhe të gjeni zgjidhje.

Akrepi

Raporti në çift paraqitet mjaft mirë. Edhe një miqësi mund të transformohet në diçka më shumë, shkruan noa.al. Hëna do të ketë ndikim të favorshëm, duke sjellë zhvillime pozitive në punë.

Shigjetari

E premtja do të jetë nën ritmin e duhur sa i takon dashurisë, ku duhet të tregoheni të kujdesshëm me fjalët që do të thoni. Zgjedhjet e bëra në këto ditë, mund të jenë mjaft të rëndësishme. Në punë duhet grinte dhe vullnet i fortë, për të pasur sukses.

Bricjapi

Në këtë periudhë nuk ka zhvillime interesante sa i takon ndjenjave. Bëni mirë që të mos lejoheni që të mposhteni nëse diçka nuk ecën siç duhet. Puna paraqitet premtuese, ndonëse kjo javë nuk duket në maksimumin e saj.

Ujori

Sfera sentimentale dhe pasioni paraqiten më së miri. Venusi do të ketë ndikim të favorshëm, duke favorizuar dëshirë tuaj për emocione. Në punë, jo çdo gjë do të ecë siç dëshironi, pasi do të jeni të mbushur me dyshime dhe probleme që kërkojnë zgjidhje.

Peshqit

Në dashuri do të kthehen dyshimet dhe problemet në dashuri. Mundohuni që të mos bëni lëvizje të guximshme, duke mos rrezikuar një raport pa një motiv të vërtetë. Po ashtu duhet të ruani qetësinë, përballë ndryshimeve. Nuk do të keni shumë përqendrim.