Aurora

Përgatitja e bashkive në rrugën e pranimit të Shqipërisë në BE, ka qenë fokusi i konferencën për rolin e bashkive në integrimin e Shqipërisë në BE-së.

Në fjalën e saj, Ambasadorja e BE, Romana Vlahutin tha se “me projektet e sporteleve të BE-së donim që t’u ndihmojmë ju kryetarëve të bashkive dhe qytetarët e bashkive tuaja, që të ishit më të mirë informuar për të gjitha mundësitë që ofron BE në nivelin e pushtetin vendor për të zhvilluar kapacitete përthithëse të cilat do t’ju duhen vërtetë shumë në momentin që Shqipëria do të bëhet anëtare e Bashkimit Europian”, – tha Vlahutin.

Sipas saj, projektet e financuara nga BE, synojnë që të bëjnë një hartëzim të parë në Shqipëri të performancës së bashkive që ka të bëjë me çështjet e BE. “Ju jeni më pranë qytetarëve dhe bashkitë japin kontribute mjaft të rëndësishme në fusha si e shtetit të së drejtës, të drejtat e pronësisë, të drejtat e njeriut, politikat sociale, politikat rurale dhe të zhvillimit, arsimimit”, – tha Vlahutin.

Më tej ajo shtoi se “përmirësimi i performancës vendore do të kërkojë një përpjekje një kombinim përpjekjesh nga ju, qeveria qendrore dhe nga donatorët”.

“Fusha si decentralizimit fiskal, shërbimet publike dhe sociale dhe dhënia e tyre, qeverisja dhe shteti i së drejtës janë thelbësore dhe jam besimplotë që ju do të përfitoni nga panelet e sotme për të diskutuar shqetësimet tuaj por dhe për të hedhur ide për të përmirësuar situatën tuaj”, – tha Vlahutin.

“Bashkitë duhet të përfitojnë nga bizneset që punojnë në territorin e tyre. Unë kam qenë në Mirditë, ku i gjithë rajoni mund të përjetojë një rilindje të biznesit me një shumë prej 25 mln eurosh që mund të investohet në prodhimin e verës. Bashkitë duhet të jenë në gjendje që të mbledhin të ardhurat e tyre dhe t’i investojnë në shërbime të qytetarëve”, – deklaroi diplomatja e BE.

Ndërsa zv/ministrja e Brendshme, Romina Kuko tha në në konferencën për rolin e bashkive në integrimin e Shqipërisë se “Ministria e Brendshme riafirmon rolin e saj kyç përsa i përket mbështetjes dhe monitorimit të procesit të decentralizimit, duke përfituar ndër të tjera edhe nga mbështetja e shumë aktorëve”.

Kuko shtoi se fuqizimi i bashkive nuk është vetëm një sfidë specifike për vendin, siç është rasti i Shqipërisë, por gjithashtu lidhet edhe me rrugën e përbashkët për integrimin europian të të gjithë rajonit të Ballkanit Perëndimor.

“Marrëdhënia midis qeverive vendore dhe BE-së, ndonëse në pamje të parë duket e largët institucionalisht, është një marrëdhënie e afërt dhe e fortë, në sfidat e natyrës juridike dhe ekonomike të rrugës drejt BE-së ndihen në nivel local. Përgatitja e bashkive në rrugën e pranimit të Shqipërisë në BE mbështetet nga vendosmëria dhe vullneti i mirë i qeverisë qendrore dhe aktorëve të tjerë”, – theksoi Kuko.

Ministria e Brendshme është e angazhuar maksimalisht në procesin e decentralizimit dhe në qasjen që duhet të kenë bashkitë drejt rrugës për në anëtarësimin në Bashkimin Europian. /ATSH

Sipërfaqe të tëra toke po mbillen masivisht me bamje nga fermerë të ndryshëm në shumë zona të vendit.

Perspektiva e favorshme për t’i eksportuar ato drejt tregjeve të huaja ka bërë që fermerët të rrisin sasinë e prodhimit të tyre.

Padyshim, bamja qëndron në majë të piramidës ushqimore si një super zarzavat.

Mesi i muajit prill është koha më e përshtatshme për nisjen e kultivimit të kësaj perimeje fantastike në vlera ushqyese dhe shumë fermerë kanë zgjeruar dukshëm plantacionet e mbjella me bamje.

Bamja kërkon klimë të ngrohtë ndaj dhe muaji prill konsiderohet se periudha më ideale për nisjen e kultivimit të saj.

Do të duhen vetëm dy muaj dhe më pas ajo është gati për të prodhuar dhe për t’u mbledhur.

Sipas të dhënave të AgroWeb.org gjatë këtij muaji, fermerët kanë rritur sipërfaqet e mbjella me bamje në përpjekje për t’iu përgjigjur kërkesave në rritje për këtë perime.

Interesi i Tregjeve të Huaja në Rritje

Bamja qendron në krye të listës së perimeve me interes nga grumbulluesit e tregjeve të huaj.

Varietet shqiptare të bamjes janë shumë të kërkuara si nga tregu vendas ashtu edhe për eksport.

Mund të përmendim bamjen e Oblikës e cila karakterizohet nga një trup i shkurtër me lartësi 40-50cm dhe 2-3 degëzime.

Fruti përbëhet nga pesë brinjëzime me formë piramidale me gjatësi 8.5 cm dhe perimetër rreth 3.35cm.

Po ashtu, nga të dhënat e AgroWeb.org rezulton se edhe kultivari vendas Libohova është një tjetër varitetet i kërkuar nga tregu.

Është cilësia e tyre e mirë dhe përmbushja e standardeve të kërkuara nga Bashkimi Europian ajo që po i afron tregjet e huaja drejt eksportit të bamjeve por edhe prodhimeve shqiptare në përgjithësi.

Më të preferuarat e shqiptarëve

Bamja është ndër perimet e preferuara të shqiptarëve.

Amvisat kujdesen t’i përdorin bamjet në receta të ndryshme duke përgatitur gjellë të shijshme, tava të mrekullueshme, turshi etj.

Bamjet janë fantastike jo vetëm për shijen e tyre por mbi të gjitha për vlerat ushqyese që kanë.

Përmban shumë fibra dietike dhe vepron si një laksativ natyral, duke ndihmuar në tretje.

Bamja është e pasur me vitaminë A dhe antioksidues të tjerë. Bamja është e pasur me vitamin C, që ndihmon imunitetin e trupit.

Është e pasur me minerale, duke përfshirë këtu hekurin, kalçiumin, magnezin.

Përmban vitamin K, që është shumë e nevojshme për shëndetin e kockave, si dhe luan një rol të rëndësishëm në mpiksen e gjakut./AgroWeb

FTESE
Ditën e mërkurë dt.2 Maj 2018 Ora 10.00 në Bibliotekën Publike “Shevqet Musaraj” të Bashkisë Vlorë promovohet libri me poezi i autores së re Irena Hoxha Curraj “Dhe shpirti më flet”.

Ftohen të marrin pjesë poet dhe shkrimtar të qytetit, dashamirës të poezisë, lexues etj.