Tensioni i lartë i gjakut është një gjendje e rrezikshme dhe mund të çojë në komplikacione të rënda shëndetësore nëse nuk trajtohet në përputhje me rrethanat në të cilat ndodhet individi. Njerëzit shpesh kanë tendencën t’i injorojnë shenjat paralajmëruese, shenja të cilat mund të rezultojnë fatale për jetën sepse mund të çojnë në trombozë apo komplikacione të tjera të rënda. “Healthdigezt” iu sjell disa nga simptomat që s’duhet t’i mënjanoni asnjëherë:
– Qarkullim i dobët i gjakut.
– Dhimbje koke kronike
– Trullosje apo ndjeshmëri e lartë ndaj dritës
– Vështirësi në frymëmarrje
– Shenja “goditjesh” në veshë dhe/ose qafë
– Ndjesi mpirje
– Hemoragji/ rrjedhje gjaku nga hundët
– Probleme me shikimin
– Gjak në urinë
Nëse keni dy ose më shumë simptoma që ju përmendëm më sipër dhe nëse e dini që vuani nga luhatjet e tensionit të gjakut, ju duhet të konsultoheni menjëherë me mjekun. Është e rëndësishme të konsumoni një dietë të shëndetshme ushqimore për ta ulur tensionin e lartë të gjakut pa medikamente dhe për ta mbajtur nën kontroll atë. Një alternativë e mirë do të ishte të konsumonin ushqime të pasura me acide yndyrore omega 3 dhe kalium.
Kreu i Partisë Demokratike, Lulzim Basha, nga Kuvendi Kombëtar i kësaj force politike ka ftuar të gjithë demokratët dhe qytetarët që të bashkohen për të ndryshuar situatën në të cilën ndodhet vendi.
Duke bërë përgjegjës kryeministrin Rama për gjendjen e vështirë ekonomike të qytetarëve, mungesën e sigurisë, dhe të shpresës, Basha tha se politika i ka zhgënjyer qytetarët.
Ndër të tjera, kreu i PD-së foli dhe për darka luksoze e argëtime të mbrapshta aty ku kryeministri Rama siç tha, merr vendimet me oligarkët e tij.
“Është ai që vendos se çfarë është provë dhe çfarë nuk është provë. Është ai që vendos se kush duhet të arrestohet dhe kush jo. Është ai që vendos se kush duhet të dënohet dhe kush jo. Nuk është kuvendi, nuk është qeveria, nuk janë institucionet shtetërore që bëjnë politika dhe vendosin politikat e vendit. Është Edi Rama me një grusht klientësh, dhe në ortakëri me krimin.
Sot në Shqipëri nuk ka më procese institucionale. Nuk ka më proces politike. Vendimet më të rëndësishme të vendit për politikën, për ekonominë, për të ardhmen e vendit merren në dreka dhe darka private, në lokale luksoze mes alkolit dhe argëtimit të mbrapshtë”,- thotë Basha.
Rama piketon kurbanët e parë pas kamxhikut që mori nga Merkel dhe DASH, cakton Ilir Beqjan për të marrë në provim dhe për ngelë në klasë Vangjush Dakon dhe Qazim Sejdinin, sinjal kërcënues edhe Lali Erit, edhe vetë Beqja pritet të arrestohet për koncesionet në shëndetësi, por tani Rama po e përdor për eliminimet në parti
Pas shuplakave që mori nga Angela Merkel dhe Departamenti Amerikan i Shtetit, Edi Rama është në kërkim të disa kubanëve në stanin e pushtetit, për të shpëtuar lëkurën e tij, për çeljen e negociatave si dhe me shpresën se do të bindë ndërkombëtarët për një mandat të tjetër në pushtet.
Sa herë i është ngushtuar laku, Edi Rama ka shitur me një lehtësi të habitshme shokët e tij për kokë: Shiti Elvis Roshin, Koço Kokëdhimën dhe një rreth njerëzish të botës së trafiqeve dhe krimit ordiner.
Tashmë Edi Rama ka hedhur sytë nga partia e tij, se kë mund të bëjë kurban, për të plotësuar kërkesën e panegocieshme dhe të vazhdueshme të SHBA, për krijimin e një historiku me hetime, arrestime dhe dënime për korrupsion.
Për të kaluar edhe këtë herë lumin e turbull amerikano-gjerman, Edi Rama ua ka vënë syrin dy bajlozëve më të mëdhenj të pushtetit vendor në Shqipëri, Vangjush Dakos dhe Qazim Sejdinit, për të bërë kurban.
Në prapaskenën e politikës thuhet se ndërkombëtarët kanë kërkuar prej disa muajsh arrestimin e kryebashkiakut të Durrësit dhe kryebashkiakut të Elbasanit, por Rama ka bërë rezistencë, siç mbrojti Elvis Roshin, ndonëse u dorëzuar në fund.
Me ngushtimin e lakut, zëra brenda PS thonë se Rama ka vendosur që të shesë Dakon dhe Sejdinin, si fillim duke ua bërë të qartë se nuk do të kandidohen më për një mandat tjetër, më pas duke i përjashtuar nga partia dhe dorëzuar në duart e Byrosë Kombëtare të Hetimit.
Dako dhe Sjedini konsiderohen “peshq të mëdhenj”.
Për më shumë se një dekadë ata janë përfshirë në afera të rënda, kryesisht me leje ndërtimi, tendera, shpërdorime, abuzime për pronën publike etj.
Po si ka menduar Edi Rama për të fundosur Dakon dhe Sejdinin?
Rama ka ngritur një grup pune për të marrë në provim të gjithë kryebashkiakët e Partisë Socialiste.
Grupi i punës kryesohet nga Ilir Beqja, edhe ky një “peshk i madh”, të cilin Rama do ta bëjë kurban më vonë, por tani po e përdor për të realizuar një detyrë emergjente.
Rama e ka përlyer dhe fundosur Beqjan, duke e përdorur për koncesionet korruptive në Ministrinë e Shëndetësisë.
Beqja përflitet se është në listën e peshqve të mëdhenj që do të arrestohen nga Byroja Kombëtare e Hetimit.
Me porosinë e Ramës, Beqja u ka dërguar Dakos dhe Sejdinit 28 pyetje rreth punës së tyre në krye të bashkisë.
Përgjigjet e dy bajlozëve të pushtetit vendor në Shqipëri do të analizohen si dhe do të merret një vendim për ta deri në datën 30 qershor.
Në provim po merren të gjithë kryebashkiakët, duke përfshirë edhe Erion Veliajn, të cilit Rama ditët e fundit i ka dhënë disa sinjale kërcënuese.Pamfleti.com
Pamja fantastike: Një shëtitje në fshatrat e Vlorës
Këto pamje fantastike vijnë nga fshatrat Velcë, Matogjin, Ramicë, Bashaj dhe Vërmik.
Në këtë zonë ndodhet dhe Kalaja e Boderit e cila i përket periudhës së antikitetit të vonë.
Kjo kala është e ndërtuar në një kodër në bregun e majtë të lumit të Smokthinës.
Muret e saj rrethojnë pjesën më të lartë të kodrës dhe formojnë një shumëkëndësh të crregullt, me perimetër rreth 270 metra.
Në pjesën jugore muret ruhen deri në 4 metra lartësi. Në këtë anë ndodhet dhe kulla e vetme e këtij fortikimi. Kjo është një zonë me vlera të vecanta monumentale vecanërisht në prehistori me shpella karstike të cilat paraqesin shumë interes për historianët dhe spelologët.
Vlen të përmenden 70 shpellat karstike të Velcës nga të cilat njëra prej tyre është monument kulture i kategorisë së parë si dhe shpella në lagjen Hysaj në Ramicë e cila ka qënë e shfrytëzuar si spital partizan gjatë Luftës së Dytë Botërore ku janë kryer dhe operacione të vështira kirurgjikale me mjete primitive. Emri Smokthinë rrjedh nga sllavishtja dhe do të thotë: Vendi i Fiqve.
Në këtë zonë me bukuri mahnitëse rrjedh lumi i Smokthinës i cili është degë e Lumit të Vlorës për të cilin studiuesi E. Novak shkruan në vitin 1923: Lugina e Lumit të Vlorës është një luginë me bukuri heroike.
Po kështu në fshatrat Ramicë dhe Matogjin janë vërejtur shtëpi me dy kate me vlera të vecanta ndërtimore si banesat e vëllezërve Dervishaj në Ramicë dhe banesa e sit Musaraj në Matogjin. Matogjini është vendlindja e shkrimtarit të soc-realizmit Shevqet Musaraj. Në fshatin Matogjin ndodhet dhe Rrapi shekullor i cili është monument natyre./gazeta Tema
Djali i vetëm i Presidentit, Ilir Meta dhe kryetares së LSI-së, Monika Kryemadhi feston sot 18-vjetorin e lindjes. Me këtë rast, Kryemadhi ka bërë një dedikim prekës për të birin e saj.
“Ti u bëre burrë tashmë, por burrëria nuk matet as me forcë, as me para, por me dije dhe dashurinë që do iu falësh njerëzve”, shkruan Kryemadhi ndër të tjera.
URIMI I PLOTË:
Urime Besar, sot fitove pavarësinë, do jesh i lumtur sepse tashmë je 18 vjec! 😁🎂🎂 Por si dita jote e parë ku sipas ligjit quhesh i rritur po të them se për mua edhe kur të jesh gjysh, nga qielli lart do të të ndjek me syrin dhe merakun e nënës. Ti u bëre burrë tashmë, por burrëria nuk matet as me forcë, as me para, por me dije dhe dashurinë që do iu falësh njerëzve.
Prandaj “i bukri i dheut”, si të thotë nëna, lufto që bukuria jote shpirtërore të jetë dominante te ty. Lufto për të bërë mirë në këtë botë sepse Zoti kurrë nuk do të harrojë. Qofsh i lumtur dhe mos ndalo ec , vrapo, fluturo sepse këto vite nuk kthehen pas. Te dua Besar! ❤
U bënë 6 muaj nga ikja e saj, ndarja në mënyrë të parakohshme nga jeta e gazetares së njohur Adela Xhamani. Miku i saj Eraldo Rexho ka bërë një postim të ndjerë në rrjetet sociale, ku shkruan:
6 muaj pa ty, engjëlli im!
Kam menduar gjithnjë se jam i mirë me fjalët, por fjalët nuk e thonë dot sa shumë mungon e sa shumë dhemb ikja jote, çdo ditë.
Do të të dua gjithmonë Adela ime. Jam i bekuar që të njoha e të pata afër për shumë vite. Në çdo jetë do të zgjidhja një shoqe për motër si ty! #EngjëlliIm #AdelaIme #ÇdoDitëMeMua 💔
Kengetarja me zerin karakteristik, Mariza Ikonomi edhe pse ka shumë vite në skenat shqiptare, ajo thuajse nuk tregon asgjë për jetën e saj personale e sidomos për marrëdhëniet që ka me dashurinë.
Ndaj dhe “Thumb” këtë javë e ka ngacmuar pikërisht përsa i përket çështjeve të dashurisë.
Mariza ka pranuar se nuk ka njeri në krahë për momentin dhe nuk e ka gjetur ende shpirtin e saj binjak ndërkohë që nëse është dikush që ajo pëlqen vërtetë nga djemtë e ekranit është moderatori i Top Channel, Isli Islami.
Madje, teksa po jepte intervistën, duke qeshur, Mariza hoqi një prej unazave që kishte në gisht dhe improvizioi një propozim martese për Islin. Edhe pse ajo pranoi se po bënte shaka, sërish i mëshoi faktit se Isli është vërtetë djalë i mirë dhe nga ata të cilët është me fat t’i kesh në krahë.
