Aurora

Salca unike me hudhra e arra – E lehtë, plot shije dhe shëndet

Leave a Comment / Kulinari / /

Salca me hudhra dhe arra është e lehtë, aromatike, kremoze, e shëndetshme dhe pa gluten.
Arra dhe hudhra janë pa dyshim ndër përbërësit më të shëndetshëm që natyra i ka dhënë njeriut.

Të pasura me vlera shëndetësore, këta dy përbërës i japin shije fantastike çdo recete gatimi.

Të kombinuara bashkë në një salcë të lehtë kremoze me plot vlera ushqyese, arrat dhe hudhrat shndërrohen jo vetëm në një pjatë mrekullueshme që kënaq shijen por edhe në një shoqëruese fantastike të shumë gatimeve të tjera, të mishit, peshkut, perimeve apo makaronave.

Receta e mëposhtme e sugjeruar nga AgroWeb.org përbën një mënyrë fantastike për ta përfshirë arrën dhe hudhrën në regjimin tuaj ushqimor.

Salca mund të përdoret edhe në sallata, apo me perime të freskëta ose të gatuara. Atë mund ta përdorni edhe si shoqëruese të ushqimeve të pjekura në furrë.

Salca me hudhra dhe arra mund të përdoret edhe si zëvëndësuese e majonezës në panine apo për të lyer bukën.

Ndërkohë, salcën mund ta përgatisni të trashë dhe kremoze ose më të hollë si majoneza. Gjithçka varet nga mënyra e kombinimit të vajit gjatë përgatitjes dhe përzierjes së butë të hudhrës me vajin.

Kjo është një mënyrë shumë e mirë për të përfituar nga vlerat e mrekullueshme të hudhrës dhe arrave për shëndetin tuaj.
Si ta përgatisni salcën krem me arra krejt lehtë
Përbërësit

10 thelpinj hudhre
Kripë
1 gotë vaj ulliri
4 lugë gjelle me lëng limoni (një limon)
1 filxhan çaji me arra të grira
Pak uthull (sipas dëshirës)

Udhëzimet
1. Hidhini hudhrat, arrat dhe kripën në një mikser. Përziejini deri sa të formohet një pure e butë dhe kremoze. Përziejeni purenë në mikser mirë deri sa mos të ketë ngelur asnjë copë arre apo hudhre.

  1. Më pas, ndërkohë që mikseri është në punë, hidhni nga pak gjysëm gote me vaj. Hedhja e vajit duhet të jetë e njëtrajtshme dhe e ngadaltë. Më pas hidhni një lugë çaji me lëng limoni

  2. Hidhni sërish gjysëm gote vaji dhe lugë çaji me lëng limoni deri sa të gjithë përbërësit të jenë futur në mikser.

Alternimi mes vajit dhe lëngut të limonit duhet të jetë i vazhdueshëm që të garantojë shpërbërjen dhe ndërlidhjen e plotë të të gjithë përbërësve duke krijuar kështu salcën e lehtë dhe kremoze të hudhrës.

  1. Salca konsiderohet e bërë kur është e bardhë në ngjyrë dhe e trashë si majoneza. Proçesi zgjat 10-15 minuta.
    Shënime
    Nëse salca prishet gjatë përzierjes në mikser, atëherë mos shtoni më shumë vaj dhe lëng limoni. Më mirë vazhdoni me miksimin deri sa salca të lidhet sërish.

Salcën mund ta ruani në një enë të mbyllur hermetikisht në frigorifer për një muaj.

Salca unike me hudhra e arra – E lehtë, plot shije dhe shëndet Read More »

Kur nuk pini ujë – Çfarë i ndodh 0rganizmit

Leave a Comment / Shendetesi / /

Uji është tejet i rëndësishëm për shëndetin tuaj. Nëse jeni vazhdimisht të hidratuar, nivelet e glukozës në gjak do të jenë të ulëta dhe në këtë mënyrë do të menaxhoni më mirë insulinën.

Kjo është veçanërisht e rëndësishme për diabetikët. Disa studime sugjerojnë se hidratimi i duhur ju ndihmon të shmangni diabetin e tipit 2.
Informacionet bazë për glukozën në gjak
Glukoza është një nga sheqernat që trupi përdor për energji.

Kur ju konsumoni karbohidrate, trupi juaj i kthen ato në glukozë.

Ushqimet që përthithen më lehtë dhe më shpejtë siç janë sheqernat e rafinuara dhe mielli i bardhë rrisin menjëherë nivelet e glukozës në gjak.

Ndërkohë që ushqimet më pak të rafinuara, siç janë drithërat e plota shkaktojnë një rritje të qëndrueshme por edhe të ngadaltë të nivelit të glukozës në gjak.

Me rritjen e këtyre niveleve, trupi çliron insulinë që detyron qelizat të akumulojnë glukozën dhe të pakësojnë sasinë e lëshuar në qarkullimin e gjakut.

Diabeti ndodh kur njerëzit krijojnë një lloj rezistence ndaj insulinës ndërkohë që nivelet e glukozës në gjak mbeten të larta.
Faktori Hidratim
Nëse jeni të shqetësuar për glukozën në gjak, atëherë sigurohuni që jeni vazhdimisht të hidratuar.

Kur jeni të dehidratuar, organizmi prodhon një hormon të quajtur vasopresinë.

Vasopresina detyron veshkat të mbajnë lëngjet dhe mëlçinë të prodhojë sheqerna në gjak.

Kjo rrit në mënyrë të pashmangshme nivelet e glukozës në gjak. Me kalimin e kohës, kjo situatë mund të shkaktojë rezistencë ndaj insulinës.
Ndërlidhja me diabetin
Pavarësisht nevojës për konfirmime të mëtjeshme shkencore, dehidratimi mund të shkaktojë hiperglicemi kronike ose nive të lartë glukoze në gjak dhe rrjedhimisht diabet.

Një studim i kohëve të fundit që ka zgjatur 9 vjet, me subjekt 3,615 të rritur, zbuloi se njerëzit që pinin shumë ujë, ishin më pak të rrezikuar nga hiperglicemia, ndërkohë që ata që pinin më pak ujë kishin më shumë gjasa të prekeshin nga hiperglicemia.
Hidratim i shëndetshëm
Të qenit të hidratuar ndihmon organizmin të shpërndajë në mënyrë të drejtë ushqyesit, të largojë mbetjet e dëmshme dhe të rregullojë temperaturën e trupit.

Kur jeni të dehiratuar, ju mungon energjia, vigjilenca, përqendrimi, madje mund të përjetoni edhe tension të ulët të gjakut.

Femrat kanë nevojë për rreth 8- 9 gota ujë ose lëngje të tjera që të jenë të hidratuara.

Meshkujt nga ana tjetër kanë nevojë për 10-11 gota lëngje në ditë. Shumica e pijeve përfshirë kafenë, çajin dhe qumështin, plotësojnë këtë nevojë.

Por pijet e gazuara ose të sheqerosura kontribuojnë në rritjen e nivelit të glukozës në gjak.

Kur nuk pini ujë – Çfarë i ndodh 0rganizmit Read More »

Të buta, të ngrohta plot shije – Pogaçe shtëpie me gjizë

Leave a Comment / Kulinari / /

Të buta, të ngrohta plot shije, pogaçet janë ndër gatimet më speciale të kuzhinës shqiptare.

Pogaçet e përgatitura nga duart e nënave shqiptare mbushin gjithë shtëpinë me një aromë të mrekullueshme ndërsa ndjellin shijen për t’i konsumuar menjëherë.

Më poshtë keni përgatitjen e pogaçeve krejt lehtë në shtëpi, një mënyrë ideale për të kënaqur e mbledhur rreth tryezës gjithë familjen por edhe për t’ua shërbyer të afërmve e më të dashurve gjithashtu.
Përgatitja e Pogaçeve Krejt Lehtë në Shtëpi
Përbërësit
3 gota uji miell

1 gotë uji kos

1 gotë uji vaj ulliri

1 lugë të vogël kripë

1 bustinë sodë buke

2 kokrra vezë

Për masën: 250gr djathë i bardhë, i thërrmuar ose gjizë, gjysmë tufe kopër, gjysmë tufe majdanoz. Për t’ia hedhur sipër: fara të zeza të vogla (susam i zi).
Përgatitja
Përziejmë djathin e shkërmoqur (gjizën), koprën dhe majdanozin e grirë.

Në një enë tjetër hedhim miellin dhe sodën e bukës, pastaj hapim pjesën e brendshme, ku hedhim vezët (1 vezë e plotë, plus 1 të bardhë veze).

Një të verdhë të mbetur të vezës e heqim mënjanë dhe e ruajmë për të lyer sipër pogaçet.

Kësaj mase i shtojmë kosin, vajin e ullirit, kripën dhe e gjithë kjo masë zihet brumë. Ky i fundit duhet të bëhet i butë si pjesa e fundit e veshit.

Nga brumi marrim pjesë të vogla sa një kokërr mandarinë. Topin e vogël të brumit e hapim në pëllëmbë të dorës në formë rrethore dhe mesin e saj e mbushim masën e përgatitur me gjizë.

Brumin e palosim, duke i dhënë formën e gjysmëhënës (me masën brenda) dhe pastaj e shtypim në pjesën që bashkohet, me qëllim që të mos shpërndahet masa gjatë pjekjes.

Pogaçet i rreshtojmë me hapësirë nga njëra-tjetra, në tepsinë e vajosur pakëz.

Sipër i lyejmë me furçë me të verdhën e vezës, të rrahur në një enë më vete dhe sipas dëshirës, mund t’i hedhim sipër fara të zeza të vogla.

I pjekim në furre të nxehtë me 170 gradë.

Të buta, të ngrohta plot shije – Pogaçe shtëpie me gjizë Read More »

Shkëlzen Berisha dhe Ilir Meta ‘kapen’ me 2 ton kokainë/ Faktet qe vërtetojnë lidhjen e tyre me drogën

Leave a Comment / Aktualitet / /

Çfarë u bë me 613 kg kokainë që u zbulua në kamionin e bananeve në Shqipëri?

Ku kanë ngecur hetimet, menjëherë sapo në skenë doli emri i Sali dhe Shkëlzen Berishës bashkë me Ilir Metës?

Si ka mundësi që një firmë që tregoton banane, të ketë kaq forcë sa të transportojë nga Kolumbia 613 kg kokainë pa e kapur askush?

Nëse analizon deklaratat apo faktet, çdo gjë të çon tek familja Berisha dhe tek Ilir Meta. Të rikujtojmë këto fakte, që po mundohet të harrohen si çdo skandal tjetër në Shqipëri.

Ndërkohë që në kërkim është shpallur “pronari” i kompanisë së bananeve “Arbri Garden” shpk, e cila kishte kontenierët ku u gjet kokaina Arbër Kuliçi ose ndryshe Arbër Çekaj.

Arbër Kuliçi është shumë i afërt me ish zv.drejtorin e Përgjithshëm të policisë së Shtetit, Agron Kuliçi, njëherësh ish-badigard i Berishës dhe i akuzuar si i përzierë në trafikun e drogërave të forta.

Një biznesmen i bërë me kompani importi bananesh nga vendet e Amerikës Qëndrore në moshën 20 vjeçare, moshë që realisht janë duke jetuar me paratë e prindërve. Por dhe bashkëpunëtori i tij Donald Lushaj, menaxheri i firmës së bananeve, që importoi kontenierin nga Kolumbia është me origjinë nga Tropoja.

Njëherësh Donald Lusha është dhe kushuri me ithtarin e Sali Berishës, Sali Lusha. Ndonëse s’janë vertetuar lidhje trafiku kokaine mes tyre. Donald Lushaj që bën si i pafajshëm dhe i varfër, njëherësh që ka paguar avokatët më të shtrenjtë në Shqipëri, ka lëvizur shpesh jashtë vendit.

Vetëm në vitin 2018 ai ka dalë dhe ka hyrë 6 herë nga pika kufitare e Morinës. Konkretisht, ai ka dalë nga Shqipëria më 2 janar, 13 janar, 21 janar dhe 22 janar, 26 janar e 5 shkurt dhe është kthyer kurdoherë pothuajse brenda ditës.

Por dhe fakti se Adriatik Lagji është nga Saranda, pikërisht vendi ku ka ushtruar aktivitetin kriminal të trafikut të drogës supertrafikanti i drogës Klemend Balili, tregon se rrjeti është tepër i gjërë. Pasi Klemend Balili, ish zyrtari i lartë i LSI e drejtor i Traportit Rrugor në Sarandë, njëherësh dhe miku i Ilir Metës është shpallur në kërkim ndërkombëtar për trafik të drogërave të rënda dhe gjendet në arrati.

A janë këto fakte dhe lidhje të bandës së drogës?

Rasti i kapjes së 32 kiliogramë droge në aeroportin e Milanos në pronësi të Shkelzen Berishës vite më parë, dhe eleminimi në Shqipëri i katër oficerëve të antidrogës nga Agron Kuliçi, tregon se këto skema po aplikohen dhe në Shqipëri.

Le ti rikthehemi edhe skandalit të djeshëm. Sërish në Spanjë u kap 1 ton kokainë, ku u implikua emri i Shkelzën Berishës.

Një nga personat e arrestuar në Spanjë me rreth 1 ton kokainë rezulton me lidhje të forta në qarqet e biznesit në Tiranë. Bëhet fjalë për atë kategori biznesi të lidhur me familjet kryesore politike shqiptare.

Burime të Interpolit thanë për gazetën DITA identitetin real të njërit prej të arrestuarve që në media ka dalë me emër të ndryshuar. I arrestuari është në fakt shtetasi Arjan Ndoci. Ndoci është vëllai i Viktor Ndocit, ndërtues i njohur në Tiranë, së fundi ndërtues i qendrës tregtare Ring në zonën e Zogut të Zi në kryeqytet. Ndoci njihet për lidhjet me djalin e Berishës, Shkëlzenin.

Në të shkuarën është përfolur madje se prishja e mbikalimit të Zogut të Zi, një shpërdorim milionësh i taksave të qytetarëve të Tiranës erdhi për shkak të këtyre lidhjeve dhe interesave të përbashkëta Ndoci-Berisha.

1 ton kokainë dhe rreth 1.5 milionë euro u bllokuan pas operacionit të organizuar në bashkëpunim me DEA-n amerikane, drejtorinë e antitrafikut të Kolumbisë, dhe koordinimit me Europol. Organizata transportonte kokainën në sasi të mëdha nga Kolumbia dhe përdornin një rrjet kriminal spanjoll.

A është i zhytur Shkëlzen Berisha me babain e tij dhe me Ilir Metën në 2 ton skandal kokainë? Pse askush nuk flet?/Pamfleti.net

Shkëlzen Berisha dhe Ilir Meta ‘kapen’ me 2 ton kokainë/ Faktet qe vërtetojnë lidhjen e tyre me drogën Read More »

I shanë gjoksin, moderatorja shqiptare u mbyll gojën: ‘Pse shqetësoheni për c…at e mia?’

Leave a Comment / ShowBiz / /

Moderatorja e emisionit “Why not”, prej disa kohësh ka pranuar se ka bërë ndërhyrje në gjoks, duke e zmadhuar atë. Ajo poston shpesh foto e video në profilin e saj në Instagram, ku tregon se ndihet mjaft mirë me pamjen e re.

Mirëpo disa fansa nuk mendojnë kështu. Ata i kanë vënë në dukje Roza Latit largësinë mes dy gjokseve të saj, gjë e cila nuk i bën përshtypje moderatores.

Para disa orësh ajo ka publikuar një foto ku shfaqet me një kanatjere të kuqe me bust të zbuluar, ku ekspozon gjoksin.

“Pse shqetësoheni për cicat e mia? Unë kështu i desha vetë, në pole të kundërta. Jo ngjit e ngjit.”- shkruan Roza duke ua mbyllur gojën të gjithëve.

I shanë gjoksin, moderatorja shqiptare u mbyll gojën: ‘Pse shqetësoheni për c…at e mia?’ Read More »

Petro Koçi tregon prapaskenat: Basha nuk donte që Tahiri të jepte dorëheqjen

Leave a Comment / Opinione, Politike / /

Zëvendësiministri i Mbrojtjes Petro Koçi ka qënë i ftuar në studion e Report Tv ku është shprehur lidhur me ngjarjet dinamike të ditëve të fundit, që nga dorëzimi i mandatit të deputetit nga ish-ministri i Brendshëm Saimir Tahiri dhe deri te reagimet e secilit nga politikanët për këtë akt, gjithashtu edhe reagimin e Ambasadorit të SHBA-ve në Tiranë, Donald Lu.

Koçi e ka thënë që veprimi i Tahirit duhet përshëndetur, edhe pse nuk jam dakord me të gjitha ato që tha ai. Zëvendësministri i Mbrojtjes është shprehur se deri para dorëheqjes opozita e përdorte çështjen “Tahiri” kudo, por tashmë nuk do ta kenë më këtë mundësi.

Akti që mori dje Saimir Tahiri duhet përshëndetur, unë e vlerësoj si veprim edhe pse nuk jam dakord me gjithë fjalimin e tij.

Në lidhje me deklaratën që dha sot ambasadori Lu, ai u shpreh i kënqur që kemi një politikan të akuzuar, ku para drejtësisë do të jetë një qytetar i zakonshëm.

E gjithë kjo që po bën sot opozita është një lojë e shëmtuar sepse ato do të donin që ai të mos e jepte dorëheqjen që ta përdornin kudo, dhe tashmë nuk e kanë më këtë mundësi

Në situatën ku Tahiri u duk sikur ju shpalli luftë të gjithëve, mendoj se duhet kuptuar një njeri në atë lloj situate, unë e përshëndes si akt por nuk jam dakord me gjithçka që ai tha.

Ai është një politikan me përvojë dhe ka të drejtë të dalë në publik. Gjithçka ai ka thënë duhet përqëndruar tek akti i tij.

Akuzat e Bashës ndaj Tahirit në thelb janë akuzime axhamish. I gjithë rasti ka nisur nga prokuroria italiane, dhe nuk mundet njeri ti prishë provat pasi janë nisur nga prokuroria italiane dhe jo nga ajo shqiptare.

Bëhet fjalë për ato lloj provash që nuk mund t’i shkatërrojë askush.

Ka vende për përmirësim çdo politikë pune e ndjekur nga institucionet , është një përvojë e krijuar, nuk ka asnjëherë asnjë punë që smund ti gjesh asnjë të metë, të dy kanë punuar.

Xhafaj ka një përvojë politike të admirueshme, jemi në ritëm të mirë të ministrit të Brendshëm. Unë e kam parë korrekt. Tahjiri është në ndryshimet e para të qeverisë, një ndryshim politik i menduar dhe i kalkuluar. Qëndrimi korrekt i kryeministrit Rama.

Kostot e Partisë Socialiste do të ishin të konsiderueshme në rast se reagimi do të kishte qënë i kompromentuar, opozita gjeti vend për të folur në rastin e imunitetit. Në të gjitha hapate  tjerë reagimet kanë qënë në momentin duhur dhe të çastin e duhur.

Publiku e sheh edhe politikisht çështjen, e sheh nga kampi ku bën pjesë, mendojnë se Saimir Tahiri është përgjegjës se ai lejoi kanalizimin e etj ,e shohin si fakt konkret. Gjykimi është i mirëfilltë politik. Ne kemi një kazus që kërkon që drejtësia të veprojë pa u ndikuar nga politika, nuk i lihet gjykimit të ftohtë të drejtësisë. PD po i bën presion drejtësisë.

Nës njërën dorë mban pushkën, në dorën tjëtër mban kazmën për të shkatërruar shtetin , edhe kur është opozitë edhe kur është pushtet.

Edhe kur është Berisha kryetar edhe kur është Basha, edhe pse është shkolluar në Hollandë.

Petro Koçi tregon prapaskenat: Basha nuk donte që Tahiri të jepte dorëheqjen Read More »

Manjani i del kundra dhe ia plas në sy Monikës: Gropat Bashës nuk mbyllen ndonjëherë, të bëjmë koalicion me Shpëtim Idrizin dhe AK

Leave a Comment / Aktualitet, Politike / /

Ish- ministri Ylli Manjani është zëri rradhës që del kundër aleancës Basha-Kryemadhi. Ai ia ka thënë në sy Monikës se nuk mund të ketë jetë shpresëplotë një aleancë me PD-në, duke i propozuar aleancë me Idrizin dhe AK-në.

“Për mënyrën e të bërit opozitë: Është me vend të diskutojmë që të përgatitemi sot për sot një vit, që të hyjmë në zgjedhje. Se ç’kam një nuhatje që mund të kemi dhe zgjedhje të tjera.

Por le të marrim kalendarin. Është e pafalshme pa opozitën që ka gjithë kohën e nevojshme që të mos kemi kandidatët përballë në bashki.

Për specifikën e zgjedhjeve lokale të gjejmë njerëz jashtë strukturave tona. Vetëm nuk ia dalim dot. Kërkohen shokë shumë. Njëri nga shokët është e përjashtuar. Partia e Edi Ramës nuk mund të ketë shansin të përfitojë nga djersa e ballit e çdo anëtari dhe votuesi e LSI.

Nuk ka të jemi të majtë apo çfarë..e bëjmë këtë debat me miq e shokë. Kol Dervishi më akuzon më shumë…Sepse është kjo ideja që jemi të majtë…

Në ka burrë nëne që e dimë se ça jemi ne. Nevoja për koalicion është e dukshme. Të krijojmë një grup përfaqësues të drejtuar nga zv.kryetari që të ishte grupi i negociatave për një koalicion serioz, që nuk është e thënë të jetë detyrimisht edhe me PD.

Jam i bindur që më PDIU bëhet koalicion shumë i mirë me PAA, me Aleancën Kuq e Zi, pra ka parti që mund të na nxjerrë në një pol të tretë me PD, me gjithë problemet që ka, ka potencialin e vet elektoral. Por ne nuk mund të presim që të mbarojë debat i brendshëm në PD, që ska për të mbaruar asnjëherë që të presim të mbyllin gropat ata brenda vetes”, ka thënë Manjani.

Manjani i del kundra dhe ia plas në sy Monikës: Gropat Bashës nuk mbyllen ndonjëherë, të bëjmë koalicion me Shpëtim Idrizin dhe AK Read More »

Monika përpiqet t’i fusë frikën Ramës: Mos intimidoni Ilir Metën, se do e pësoni mbi kokën tuaj!

Leave a Comment / Politike / /

Gjatë fjalës së saj në mbledhjen e Komitetit Drejtues Kombëtar të LSI, kryetarja e kësaj force poltike, Monika Kryemadhi ka reaguar për herë të parë për dorëheqjen e ish ministrit Saimir Tahiri nga mandati i deputetit.

Kryemadhi tha se Tahiri nuk ka pasur asnjë fjalë të sinqertë në ato që ka thënë. Kryemadhi është shprehur se Tahiri duhet të thoshte të vërtetën dhe jo të shantazhonte Ramën, ndërsa ky i fundit po intimdon dretjues të LSI.

“Dje dhe sot vëmendja e publikut ka qenë të Saimir Tahiri. Të gjithë u morën me ato që ai ka thënë, por nuk u morën me ato që ai duhet të thoshte dhe ato që ai duhet të bënte.

Të gjithë presin gjykimin e Tahirit, por drejtësia nuk ka vijuar. Asnjë fjalë të sinqertë nuk ka pasur në fjalën e tij, dhe lotët që janë bërë disa herë ngjajnë si lot krokodili. Nëse Tahiri do të ndjente një faj, ai duhet të kishte kërkuar falje, dhe jo të bënte shantazhe dhe show. Ai duhet të kishte kërkuar falje për drogën. Ai duhet të thoshte të vërtetën dhe jo të shantazhonte Ramën.

Të largohet një orë e parë nga pushteti, Rama duhet të largohet sa më shpejtë. Shpesh dëgjojmë akuza nga Rama dhe suflerët e tij, dhe intimidojnë drejtues të LSI-së. Kjo gjë do ndodhi, por jo për shumë kohë se gjithçka mbi kokë Edi Ramës”- tha Kryemadhi./Pamfleti.com

Monika përpiqet t’i fusë frikën Ramës: Mos intimidoni Ilir Metën, se do e pësoni mbi kokën tuaj! Read More »