Ish-kryeministri Sali Berisha denoncoi në “Tempora” se në Shqipëri hyjnë euro me kamionë për ndërtimin e kullave.
Për pastrimin e parave ai drejton gishtin nga Rama, ndërsa thotë se asnjë kullë në Tiranë nuk kalon pa firmën e tij.
Berisha: Në Shqipëri eurot hyjnë me kamiona, nuk është gjë ajo Toyota Yaris, ishte si kafeja. Sipas shërbimeve të ndryshme Shqipëria është vendi ku va rrosen në dhe kuintalë dhe tonelata euro për tu shndërruar në kulla. Vetëm në 2016, fatura e përgjithshme e ha shashit shqiptar është rreth 10-12 mld euro e cila pastaj vërshoi drejt Amerikës Latine dhe është bërë zotërues kryesor edhe në dr ogat e forta. 70-80% e të gjithë he roinës që vjen nga zonat e prodhimit të saj kalon në aksin Librazhd-Elbasan drejt Europës. Në vitin 2003-2004 raportet shkruanin se 60% e he roinës, në atë kohë ko kaina nuk ishte shumë familjare, kalonte nga Shqipëria. U desh një punë 2-3 vjeçare që në këto raporte të shkruhej se sasia që kalon nga Shqipëria është krejt e parëndësishme. Rruga e kalimit të he roinës në Europë tani është spostuar drejt Serbisë. E lu fton çdo njeri që vendos të zbatojë ligjin, të kthejë shtetin ligjor. Kullat janë dëshmi e këtyre dhjetëra tonelatave euro që vijnë me kamion dhe groposen dhe qëndrimit korruptiv më të papërgjegjshëm të Edi Ramës. Kiminë time me lali plehun e di e gjithë Shqipëria por kullat i ka marrë vetë Edvin Kristaq Rama. Asnjë kullë nuk ndërtohet në Tiranë pa firmën e tij, pa paguar me dhjetëra milionë euro për secilën prej tyre.
Në këtë mënyrë, nesër moti në vendin tonë do të jetë i kthjellët por nuk do të mungojnë edhe alternimet e vranësirave kalimtare të cilat më të përqëndruara do të jenë në relievet kodrinore-malore, ben te ditur Sherbimi Meteorologjik Ushtarak.
Këto vranësira do të shoqërohen me reshje shiu të dobta.
Në relievet e larta malore në orët e drekës reshjet do të jenë edhe në formën e shtrëngatave apo stuhive afatshkurtër shoqëruar me shkarkesa elektrike apo breshër.
Era do të fryjë me drejtim juglindje – veriperëndim 1-10m/s kryesisht përgjatë vijës bregdetare, zonat luginore dhe në momentin e zhvillimit të fenomeneve (shtrëngatë dhe/apo stuhi lokale).
Në fushën termike vlerat e mëngjesit parashikohen nga 7°C në relievet malore deri në 14°C në ato të ulta, ndërsa në vlerat e mesditës nga 23°C në relievet malore deri në 27°C në ato të ulta.
Deputeti Myslim Murrizi është përplasur ashpèr mbrëmjen e sotme me analistin Ergys Mërtiri gjatë një debati politik në emisionin Open.
Teksa po flisnin për ndryshimet në Kodin Zgjedhor dhe manovrat politike të mazhorancës për ‘mbylljen’ e listave të hapura, debati kaloi në nivel personal, ku analisti iu kundërvu deputetit Murrizi duke i thënë se me batutat e tij 2 lekëshe mund të mashtrojë vetëm katundarët e Myzeqesë.
Pjesë nga debati:
Mërtiri: Me keto batutat 2 lekëshe ik rrej ata katunarët e Myzeqesë
Murrizi: Je me mijëra vite dritë larg myzeqarëve
Mërtiri: Myslim bëj me të tjerët këto muhabete se s’të shkojnë fare.
Murrizi: Ore i bëj me ty unë
Mërtiri: Po bëj ca të duash.
Murrizi: Po unë po të dëgjoj për respekt, s’më njeh ky mua, po dhe unë s’të njoh hiç
Mërtiri: Të ndalosh në gjëra personale kur unë shpreh një argument është dobësi.
U duk e pabesueshme për familjarët, por jo vetëm edhe për publikun, kur në janar të këtij viti në një studio televizive u dha lajmi para prindërve për gjetjen e Teuta Rrahmanit, e zh dukur për 22 vite.
Prindërit e saj të ftuar në emisionin “Pa Gjurmë” në Report TV, mësuan lajmin e shumëpritur për gjetjen e Teuta Rrahmanit, që u zhduk në vitin 1998, nga Tirana.
Nëntë muaj më parë, Teuta vendosi të rilidhte kontaktet me familjarët, kur përmes një telefonate ‘live’ përcolli emocione të papërshkrueshme.
Prindërit nuk pritën gjatë, Milazim dhe Gëzime udhëtuan nga Shqipëria drejt Holandës për t’u takuar me të bijën. Lajmi për gjetjen e vajzës nga Kukësi, që u zhduk 14 vjeçe, u duk gati i pabesueshëm.
’Pa gjurmë’ shfaqi për herë të parë fotot, nga ky takim i përmallueshëm që nga pritja në aeroport e deri tek qëndrimi i gjatë i prindërve me vajzën, sot një 36-vjeçare.
Ata u pritën në shtëpinë ku Teuta jeton me bashkëshortin, një shtetas holandez dhe dy fëmijët e saj. E ftuar në studio, e ëma përcolli emocionet e përjetuara dhe të ndjera, në bisedat e gjata të bëra nënë e bij. Ajo tha se edhe Teuta kishte 5 vite që i kërkonte, por nuk kishte mundur t’i gjente pasi nuk mbante mend mbiemrin e saj.
“Ajo ishte munduar nëpër rrjetet sociale, por kishte harruar mbiemrin e saj, nuk mbante mend asgjë, ndaj nuk na gjente dot”.
“Madje kishte harruar edhe gjuhën. Nga ana tjetër, ajo ishte munduar për 5 vite më radhë të na kërkonte, kishte bërë çdo përpjekje, ishte përpjekur shumë të kujtohej, por kishte humbur çdo kontakt me Shqipërinë, prej 22 vitesh. Më premtoi se në Shqipëri do të vij shumë shpejt’, – rrëfeu e ëma.
Takimi i prindërve me të bijën zbardhi çdo të vërtetë për këtë mungesë të gjatë të Teutës, detaje të cilat nëna nuk dëshiroi t’i bënte publike.
“U nisëm me bashkëshortin dhe djalin dhe qëndruam një javë atje. U takuam me Teutën. Kontaktet me Shqipërinë i kishte humbur plotësisht. Ne folëm shumë gjatë si nënë e bij’, – rrëfeu e ëma e saj.
E fejuar kur ishte ende një e mitur, Teuta Rrahmani u zhduk nga banesa e xhaxhait të saj në Tiranë, kur doli herët në mëngjes dhe nga ajo ditë do të kalonin plot 22 vite pa asnjë kontakt me familjen.
Familja dyshoi në gjithë këto vite se Teuta u rrëmbye nga një djalë nga Tropoja. Familja ka tërhequr çdo lloj denoncimi të bërë për Teutën, duke thënë se e rëndësishme është që gjetën vajzën të gjallë.
Ish-kryeministri Sali Berisha akuzoi mbrëmë në “Opinion” ish-kreun e SHIK, Fatos Klosi se ishte ai personi që nxori në pritë Azem Hajdarin, mbrëmjen e 14 shtatorit 1998, kur ish-deputeti demokrat u ekzekutua pranë selisë së vjetër të PD-së.
Fatos Klosi në një intervistë për “Abcnews” shprehet se Sali Berisha sa herë flet për atë çështje jep versione të ndryshme dhe i ngatërron gjërat. Ai pretendoi e Berisha ka dhënë deri tani 500 versione.
“Kam përshtypjen dhe frikë se ai po rrjedh” tha Klosi për Berishën. Në vijim, ish-kreu i SHIK rrëfeu të vërtetën, sipas tij, për ngjarjen. I pyetur nëse mendon se nga rigjykimi i Izet Haxhisë do të ketë surpriza, Klosi u shpreh pesimist. Ai foli edhe për rolin e ish-kryeministrit Fatos Nano në atë kohë dhe për gjithçka ai ishte në dijeni mbi ngjarjen.
Zoti Klosi, ju keni folur shumë për këtë ngjarje, çfarë komenti keni për prononcimin e Sali Berishës mbrëmë?
Është në vazhdën e mënyrave si e ka trajtuar ai. Ka thënë 500 versione deri tani.
Po mbrëmë çfarë ndryshoi?
Ai ndryshoi mbrëmë që tha që zbritën në aeroport, kur zbriti Nano e takuan, që unë kisha vajtur në Maqedoni për të siguruar arratisjen e kryeministrit në Maqedoni, që ndodhi pas dy ditësh, gjëra që janë absurde, nuk kanë asnjë kuptim.
Unë nuk e dija që kryeministri do të ikte. Nuk e di përse i bën këto gjëra. Thotë versione të reja. Kam përshtypjen dhe frikë se ai po rrjedh. I ngatërron gjërat, nuk mban mend çfarë ka thënë. Kurrë se ka thënë ndonjëherë që unë kam qenë në Bullgari apo Maqedoni atë natë, vetëm ka thënë se isha në Himarë, që nuk ishte e vërtetë, unë isha me të vërtetë jashtë vendit.
Kjo m’u duk e çuditshme që unë paskam shkuar në Maqedoni për të rregulluar largimin e Fatosit nga Tirana më datë 14 (shtator 1998), as e kemi imagjinuar që do të ndodhte kjo gjë. Atë ditë që ka ikur Fatosi në Maqedoni, as Presidenti, as ministri i Brendshëm dhe as unë nuk dinim gjë. E kemi marrë vesh vetëm të nesërmen kur hyri nga Maqedonia në Shqipëri. Nuk e di pse duhet të sajojë një njeri kaq i rëndësishëm sa ai, çudira, për të qenë sa herë që del në televizor interesant. Sa herë që del shpik ndonjë gjë të re.
Çfarë komenti keni për akuzën e Berishës që ju e paralajmëruat Azemin, por nuk e mbrojtët?
Jo! Jo! Shërbimi Informativ nuk merrte masa. Ishte Informativ, nuk kishte mundësi të merrte masa. Ne e kemi paralajmëruar Azemin përmes ministrisë së Brendshme, i çuam relacion dhe ministria e Brendshme, ministri ma ka pohuar vetë, se e kishte lajmëruar se e kishte shok Azemin.
Azemi e ishte falënderuar dhe i kishte thënë “Unë i kam marrë masat, por do të jem i kujdesshëm”. Gati një javë apo 10 ditë para në një nga televizionet ai e ka thënë këtë gjë dhe e ka falënderuar shërbimin. Për këtë janë edhe shkresat.
Sali Berisha mbrëmë la të kuptohet se nuk do të shkojë në gjykatë nëse do të thirret si dëshmitar…
Ai mund të bëjë ç’të dojë, por nuk varet prej tij. Ai ka qenë njeriu që vetëm pas 20 minutave që ndodhi ngjarja deklaroi me detaje se si, kush ishte, si ishte, çfarë bënë. Ai i dinte gjërat që përpara. Për këtë jam i bindur, s’kam fakte, se nuk mund ti di marrëdhëniet e brendshme në PD.
Di që bëri një deklaratë që e implikonte keq, kur as policia nuk ishte prononcuar. Ai doli dhe bëri një deklaratë. Gjë që e rëndon. Por figura e tij, unë e di që e kanë thirrur, jam i sigurt, por figura e tij, akoma ishte shumë i rëndësishëm dhe nuk e çuan deri në fund, uroj ta çojnë këtë radhë.
Nuk e di a është koha apo jo, se ky nuk është gjyqi i plotë.
Ju mendoni se dosja është zbardhur plotësisht?
Ekzekutorët janë zbardhur, por nuk kanë qenë ata që kanë vendosur. Kanë pasur pjesën e tyre, kanë qenë shumë të rëndësishëm, por edhe janë ndihmuar. Ky është problemi. Ata kanë qenë të rëndësishëm se ishin djem të zotë.
Nëse do ju thërrasin ju do të shkoni në gjykatë?
E kam deklaruar se do të shkoj. Sigurisht. Gjithçka që kam ditur, janë në shkresa që ia kemi çuar prokurorisë dhe policisë. Kemi bashkëpunuar fort me prokurorinë.
Për mua nuk është ezauruar si dosje. Edhe Berisha vetë ka thënë se nuk është ezauruar. Berisha ka thënë se kur të vijmë ne në pushtet do ta rihapim. Edhe mbrëmë ai tha e vrau shteti. Por është absurde ta mendosh. Shteti nuk kishte asnjë interes ta vriste.
Azemi për shtetin nuk ishte armik, përkundrazi PS-në e ndihmonte se kishte konflikt të brendshëm me Berishën. Edhe për mua, policinë dhe kryeministrin, që vendoste, SHISH është vartës i kryeministrit, nuk kishte asnjë kuptim që krijohej gjithë ajo zallamahi me vrasjen. Por kush e shfrytëzoi atë vrasje? E ka shfrytëzuar vetë Berisha. Po i lëmë faktet. Por arsyetimi logjik. Kujt i leverdiste. Kush përfitoi?
Keni shpresë se nga gjyqi mund të dalë diçka?
Jo! Nuk besoj. E shoh sa shumë u sorollatën që nga fakti që ai u kthye në Shqipëri dhe deri tani, dhe gjyqi nuk do të jetë për çështjen Hajdari, por implikimin e Izetit, që nuk ka qenë gjatë procesit gjyqësor, është gjykuar në mungesë.
Izeti ka thirrur dëshmitarë, që mbase në deklarimet e tyre mund të nxjerrin fakte të reja. Është Musolmani, që është brenda i dënuar me burg përjetë, rrethana të veçanta mund të bëjnë që gjyqi ta kalojë detyrën imediate që do të merret me pozicionin e Izetit dhe po nxori fakte të reja është tjetër gjë. Por unë nuk besoj ndonjë gjë të madhe.
Këngëtarja Xhensila Myrtezaj rrëfen të pathëna nga jeta e saj, si profesionale ashtu dhe private.
Xhensila është e martuar dhe nënë e një vajze bukuroshe të quajtur Ajka, por si nisi gjithçka? Si arriti Besi t’ia fitonte zemrën? Këngëtarja tha se Besi u tregua i zgjuar duke iu afruar fillimisht si shok dhe më pas me dy cilësitë e tij kryesore: humorin dhe humanitetin, arriti ta bënte për vete.
“Ai u tregua i zgjuar se e pa që në kokën time ishte diçka tjetër që kishte lidhje me muzikën, shkollën dhe nuk isha e hapur të pranoja një gjë të re në jetën time dhe Besi u afrua si shok dhe avash avash i la vend vetes për të qenë bashkëshorti im. Besi përveç sensit të humorit ka një sens të jashtëzakonshëm humanitar”, tha Xhensila, teksa ishte e ftuar në emisionin “NIN”, me Alaudin Hamitin.
Në rubrikën “Haje ose Thuaje”, artistja u detyrua të tregojë për çfarë është nevrikosur më shumë me bashkëshortin e saj.
Xhensila tha se ishte momenti kur Besi i hëngri kosat e vajzës e saj së tyre, gjatë karantinës.
Duke folur për planin e rimëkëmbjes nga pandemia e koronavirusit, kryedemokrati Lulzim Basha tha se këto 6 muaj kanë qenë muaj të vështirë për gjithë qytetarët, sipërmarrjen dhe se kushdo ka ndjerë pasojat e drejtpërdrejta shëndetësore dhe ekonomiko- sociale.
Ai deklaroi se këto 6 muaj nuk kanë shërbyer për të vënë në jetë një plan masash për Covid-19 dhe efektet që ka patur.
“Të gabosh është njerëzore, por këto nuk janë gabime por faje, ato që nuk janë bërë këto 6 muaj. Paketa totale e ndihmës nuk kalon 101 milionë euro, është qesharake me atë që ka disbursuar Kosova. Është përkeqësuar gjendja e vijës mbrojtëse, mjekëve, infermierëve, që sot është më i ekspozuar. Nuk ka marrë shpërblimin e premtuar nga qeveria. Kjo armatë nuk ka kapacitete për të përballuar valën e dytë të pandemisë”, u shpreh Basha.
Më tej ai prezantoi pesë pikat e planit të Partisë Demokratike për nxjerrjen e vendit nga kriza
Pika e parë e planit- Mbështetje dhe përgatitje e sistemit shëndetësor: Përgatitja për një shpërthim tjetër të infeksionit të COVID-19, duke:
a)Rritur numrin e testimeve për COVID në 2500 testime në ditë.
b)Rimbursim i plotë për marrjen e mjekimit ambulator kundër COVID.
c)Sigurimin e pajisjeve mbrojtëse për të gjithë personelin shëndetësor dhe rritjen e kapaciteteve spitalore.
d)Bonus 1000 Euro për çdo mjek dhe 500 euro për çdo infermier për 6 muajt e ardhshëm.
Pika e dytë e planit- Fëmijët të arsimohen të sigurtë: Të garantojmë që fëmijët dhe mësuesit në shkollë të jenë të sigurtë, duke:
a)Përmirësuar kushtet sanitare në shkolla duke përfshirë furnizimin me ujë, paisjen me maska mbrojtëse dhe dezinfektimin e rregullt të ambienteve mësimore.
b)Kryer testimin periodik për mësuesit dhe stafin ndihmës.
c)Investuar në teknologji për rastet kur mund të aplikohet mësimi në distancë, përfshirë ndihmën për familjet me të ardhura të ulëta për të blerë tableta për fëmijët e tyre, në mënyrë që edhe ata të përfitojnë nga mësimi në distancë.
Pika e tretë e planit- Asnjë shqiptar të mos lihet pas dore:
a)Të mbështesim ata që kanë humbur vendin e punës. Çdo individ që ka humbur vendin e punës nga pandemia gjatë këtij viti, të përfitojë një çek mujor prej 16 mijë lekë të reja në muaj, përveç pagesës ligjore për papunësinë, për një periudhë prej 6 muajsh.
b)Krijimi i një Fondi të Punësimit për të mbështetur bizneset për të rimarrë në punë të larguarit gjatë pandemisë, duke i alokuar çdo punëdhënësi që rimerr në punë një individ që ka humbur vendin e punës prej pandemisë, një shumë mujore prej 20 mijë lekë të reja në muaj për një periudhe prej 6 muaj.
c)Dyfishimi i ndihmës ekonomike për çdo familje që trajtohet me ndihmë ekonomike.
d)Çdo pensionist të përfitojë një çek mujor prej 2 mijë lekë të reja në muaj për përballimin e kostove shtesë të pandemisë, për 6 muaj.
Pika 4- Ndihmë për biznesin e vogël: Mbështetje e drejtpërdrejtë për të gjitha bizneset e vogla të prekura nga pandemia. Çek prej 1000 euro për çdo biznes të vogël aktiv.
Pika 5- Mbështetje për biznesin prodhues dhe punëdhënësit e mëdhenj:
a)Për 6 muajt e ardhshëm, subvencionim i 50% të qirasë për ambientet e punës ose heqje e taksës së pronës për bizneset pronare të ambienteve të punës.
b)Shtrirja në kohë dhe rikonceptimi i kritereve të përfitimit nga të dy skemat e garancisë sovrane, për ta bërë më të aksesueshme dhe të përballueshme kredimarrjen nga biznesi. Përcaktimi i një tavani prej 2% të normës së interesit për biznesin, duke subvencionuar çdo përqindje mbi këtë vlerë në kredimarrjen për investime dhe shpenzime operative.
Në një konferencë të posaçme për rindërtimin dhe rimëkëmbjen pas tërmetit, Kryeministri Edi Rama deklaroi se në muajin shkurt të vitit që vjen, do të kemi nivelin më të ulët të papunësisë në rajon nën 11%.
Në vijim shtoi se hyjmë te vendet që kemi humbur më pak vende pune në rajon.
“Në harkun e një viti do ta tejkalojmë nivelin e vitit të kaluar. Flasim në raport të përgjithshëm, është 11% e popullsisë e papunë. Patjetër që ne kemi një sfidë të madhe për të fituar që është raporti mes vendit të punës dhe pagës”, u shpreh Rama.
Ai shtoi se aktualisht janë 13 mijë persona të parintegruar nga rreth 33 mijë që e humbën vendin e punës, persona të regjistruar.
Rama cilësoi si sfidë raportin mes vendit të punës dhe pagës, ku deklaroi se nuk do të ketë pagë minimale nën 300 mijë lekë të vjetra.
Sipas tij, plani për të rritur pagën minimale, do të rrisë automatikisht fuqinë blerëse dhe do të lehtësojë shtresën e paguar më pak.
“Projektet tona, 70 të tilla në Tiranë, do të gjenerojnë 15 mijë vende pune. Projektet tona impaktojnë 25 mijë persona dhe bën që të ketë punë për 2 mijë persona direkt. BE do të injektojë rreth 100 milionë euro. Ne shohim 250 milionë dollarë shtesë. Janë bërë kaq shumë ndërtime, në një kohë kaq të shkurtër. Shqipëria ka paketën më të madhe historike për publiken, pa cenuar borxhin publik”, deklaroi Kryeministri./noa.al
