Andueli

Shqipëria me kontingjent të ri në grup-batalionin e NATO-s në Letoni

Aktualitet, Lajmi i fundit / /

-Shqipëria nga sot do të jetë me kontingjentin e saj të ri në grup-batalionin e NATO-s në Letoni.

Ministria e Mbrojtjes, Olta Xhaçka bëri të ditur se, ceremonia e ndërrimit të trupave u zhvillua pak ditë më parë në Camp Adazi.

“Shqipëria do të ketë kontingjentin e saj të ri në grup-batalionin e NATO-s në Letoni.
Ceremonia e ndërrimit të trupave u zhvillua pak ditë më parë në Camp Adazi, ndërkohë që trupat që shërbyen për 6 muaj atje mbërritën mbrëmë në Tiranë, shëndoshë e mirë.”,- thekson Xhaçka. /atsh

Shqipëria me kontingjent të ri në grup-batalionin e NATO-s në Letoni Read More »

Ministria e Shëndetësisë: 85 raste të reja, 4 humbje jete dhe 29 të shëruar në 24 orët e fundit

Lajmi i fundit, Problematika, Shendetesi / /

Ministria e Shëndetësisë dhe Mbrojtjes Sociale ka informuar se brenda 24 orëve të fundit janë identifikuar 85 raste me COVID-19.

Mirela Cami, drejtore e Operatorit të Shërbimeve të Kujdesit Shëndetësor u shpreh se,” duke ju drejtuar që në fillim të këtij komunikimi çdo qytetari me thirrjen për të vendosur detyrimisht maskën në ambientet e mbyllura, për të ruajtur distancën në çdo ambient dhe për rëndësinë e higjienës vetjake dhe kolektive për frenimin e përhapjes së COVID-19.
Situata paraqitet e rënduar në spitalin infektiv, ku janë shënuar 4 humbje jete në 24 orët e fundit. Mëngjesin e sotëm ka ndërruar jetë një vajzë e re 21-vjeçare, e cila ndodhej në terapi intensive e intubuar, si pasojë e simptomave të rënda të COVID-19. Gjendja e saj u rëndua në mënyrë të menjëhershme si pasojë e tromboembolisë fulminante dhe pavarësisht përpjekjeve maksimale të stafit mjekësor, e reja që vuante nga sindromi metabolik, nuk ka arritur të mbijetojë”.

Cami tha po ashtu se, “gjatë 24 orëve të fundit e kanë humbur betejën me sëmundjen edhe një qytetare 49-vjeçare nga Kruja, e intubuar në gjendje të rëndë prej 11 ditësh dhe dy qytetarë, 56 dhe 67 vjeç, nga Tirana të intubuar, të cilët nuk e kanë fituar dot betejën me virusin e rrezikshëm, megjithë përpjekjet e mëdha qe po bën stafi mjekësor. Ministria e Shëndetësisë dhe Mbrojtjes Sociale, u shpreh ngushëllimet familjarëve. Vijon të ketë shtrime të reja në spitalin infektiv dhe situata paraqitet shumë serioze. Aktualisht janë të shtruar 88 pacientë në spital, 12 pacientë janë në terapi intensive dhe 4 prej tyre janë të intubuar në gjendje të rëndë”.

“Gjatë 24 orëve të fundit janë kryer 361 testime për të dyshuar të prekur me COVID-19, nga të cilat janë konfirmuar 85 raste pozitive. Shpërndarja gjeografike e rasteve është si vijon: 44 raste në Tiranë, nga 6 raste në Shkodër, Krujë, Vlorë, 5 në Tropojë, 3 në Elbasan, nga 2 raste në Durrës, Kurbin, Lezhë, Mirditë, Kolonjë, nga 1 rast në Has, Berat, Kamëz, Pogradec, Ura Vajgurore. Në 24 orët e fundit janë shëruar 29 qytetarë, duke e çuar në 2091 numrin e të shëruarve që nga fillimi i epidemisë. Në vendin tonë aktualisht janë 1560 persona aktivë me COVID-19, kryesisht në Tiranë, Shkodër, Krujë, Durrës”, shtoi Cami.

Ministria e Shëndetësisë dhe Mbrojtjes Sociale i bën thirrje edhe njëherë bizneseve, institucioneve, të zbatojnë me korrektësi protokollet e sigurisë në punë, të miratuara nga autoritetet shëndetësore. Kur është e mundur të lejojnë punonjësit të punojnë nga shtëpia për të minimizuar kontaktin mes tyre dhe përhapjen e infeksionit. Në rast se dyshoni se jeni i prekur nga COVID-19 apo keni patur kontakte me persona të prekur, izolohuni. Në rast se keni shenja të sëmundjes, telefononi në numrin e Urgjencës Kombëtare, 127.
Telefononi në linjën e gjelbër 0800 40 40 për këshillim psikologjik apo çdo informacion për COVID-19.

COVID-19 – Statistika (15 Korrik 2020)
Testime totale 33750
Raste pozitive 3752
Raste të shëruara 2091
Raste Aktive 1560
Humbje jete 101 (Qarku Tiranë 52, Shkodër 17, Durrës 16, Fier 5, Elbasan 5, Vlorë 2, Kukës 1, Lezhë 1, Berat 1, Dibër 1)

Shpërndarja gjeografike e rasteve aktive sipas qarqeve:
Tiranë 699
Durrës 217
Shkodër 198
Vlorë 100
Lezhë 80
Kukës 58
Korçë 49
Elbasan 42
Berat 40
Fier 36
Gjirokastër 22
Dibër 19/atsh

Ministria e Shëndetësisë: 85 raste të reja, 4 humbje jete dhe 29 të shëruar në 24 orët e fundit Read More »

Manastirliu, apel të rinjve: Zbatoni rregullat bazë, mund ta fitojmë këtë luftë me sa më pak jetë të humbura

Problematika, Shendetesi / /

Ministrja e Shëndetësisë dhe Mbrojtjes Sociale, Ogerta Manastirliu, u bëri apel sot të rinjve shqiptarë të respektojnë masat kundër përhapjes së COVID-19, duke theksuar se “të gjithë bashkë, me përgjegjshmëri qytetare, dhembshuri njerëzore, duke zbatuar rregullat bazë të mbajtjes së maskës, distancimit social dhe higjenës vetjake, ne mund ta fitojmë këtë luftë me sa më pak jetë të humbura. Dhe kjo varet nga sjellja e gjithësecilit prej nesh”.

Duke publikuar një fotografi nga terapia intensive në Spitalin Infektiv, Manastirliu tha se “e mirëkuptoj shkujdesjen e moshës, zellin për të relativizuar çdo gjë, madje edhe një sëmundje si kjo që shkakton koronavirusi. E mirëkuptoj edhe prirjen tuaj për të mos besuar ekzistencën e diçkaje që nuk shihet me sy. Ka shumë gjëra që nuk i shohim, por kjo nuk do të thotë që nuk ekzistojnë. Dhe një prej tyre është COVID-19, që ka vënë në vështirësi botën mbarë”.

“Ju lutem, ndaluni një sekondë dhe shihni këtë moment në terapinë intensive në Spitalin Infektiv pak minuta më parë dhe mendoni pak për prindërit dhe të afërmit tuaj! A do të donit vërtet të bëheshit bartës të një virusi, dhe shkaktarë të një sëmundjeje, që për ta mund të rezultojë fatale? Dhe në fund, mendoni pak për të nesërmen”, – u shpreh Mansatirliu.

Ministrja Manastirliu tha se “mendoni për një kohë kur do të mbërrini në moshën e prindërve tuaj dhe do t’u mësoni fëmijëve tuaj përgjegjshmërinë dhe kujdesin ndaj të afërmit. A do ua ilustronit me shembullin që vetë po jepni sot? Sigurisht, koronavirusi do të vihet përfund, siç ka ndodhur me shumë pandemi që ka parë bota”./atsh

Manastirliu, apel të rinjve: Zbatoni rregullat bazë, mund ta fitojmë këtë luftë me sa më pak jetë të humbura Read More »

Garanci shtetërore për agrobiznesin/ Zgjerim dhe rritje e cilësisë së markës “Made in Albania” në tregjet ndërkombëtare

Aktualitet / /

Ministrja e Financave dhe Ekonomisë, Anila Denaj deklaroi sot se qeveria po vijon mbështetjen e saj për prodhuesit shqiptarë, përmes skemave financiare, me qëllim zgjerimin dhe rritjen e cilësisë së markës “Made in Albania” në tregjet ndërkombëtare.

Denaj e vijoi sot turin e saj të takimeve me biznesin në Gjirokastër, në kompaninë “Gjirofarma” të financuar me kredi nga sistemi bankar me rreth 2.5 milionë euro, mundësuar nga skema e garancisë shtetërore për sektorin e agrobiznesit.

“Falë kësaj mbështetjeje, kompania ka investuar për rritjen e kapaciteteve të përpunimit të qumështit dhe nënprodukteve të tij, por edhe për hapjen e linjës së re të përpunimit të mishit”, tha Denaj.

Ministrja tha se grantet për fermerët ekzistojnë.

“Ne kemi bërë gati një paketë me Agjencinë e Zhvillimit Rural (AZHBR) dhe shumë shpejt do ta prezantojmë. Kemi menduar se klasterat apo grupet janë një histori suksesi edhe pse në numër të vogël”, u shpreh Denaj.

Përfaqësuesi i kompanisë “Gjirofarma” kërkoi nga qeveria krijimin e mekanizmave që do tu lehtësonte atyre eksportin në tregjet europiane.

“Nëse do të kishte një koordinim të mirë të financimit fermerit dhe tregjeve do të rritej me dyfish kapaciteti i ndërmarrjeve shqiptare prodhuese”, tha ai./atsh

Garanci shtetërore për agrobiznesin/ Zgjerim dhe rritje e cilësisë së markës “Made in Albania” në tregjet ndërkombëtare Read More »

Xhaçka jep lajmin e mirë për ushtarakët: Nga korriku 10 mijë lekë pagesë shtesë për ushqimin

Aktualitet, Lajmi i fundit / /

Duke nisur nga muaji korrik, mijëra ushtarakë shqiptarë do të kenë çdo muaj në pagën e tyre, një shtesë prej 10 mijë lekësh, si kompensim për ushqimin.

Lajmin pozitiv, ministrja e Mbrojtjes, Olta Xhaçka e dha gjatë takimit me efektivët e kontingjentit të Policisë Ushtarake, të cilët nisen për në Afganistan, ku do të shërbejë në misionin e NATO-s, “Resolute Support”.

“Çdo investim në armë e sisteme do të kishte qenë i mangët nëse nuk do të ishte shoqëruar me një përpjekje po aq serioze e të qëndrueshme për të investuar tek burimet njerëzore të FA-së. Unë sot jam e lumtur t’ju jap një tjetër lajm të mirë në këtë drejtim. Për një vendim të propozuar nga Ministria e Mbrojtjes, që ka gjetur mbështetjen e menjëhershme të qeverisë e kryeministrit Rama, i cili i jep një zgjidhje dinjitoze një problemi të bartur prej shumë vitesh. Miratimi prej 10 mijë lekësh (100 mijë lekë të vjetra) si shtesë në pagat mujore të ushtarakëve nuk është thjesht një zhvillim me impakt të konsiderueshëm pozitiv në buxhetet familjare të ushtarakëve, por edhe një shenjë vlerësimi për punën tuaj të jashtëzakonshme gjatë këtyre viteve duke e bërë FA institucionin më të besuar për shqiptarët.”- u shpreh ministrja Xhaçka.

Gjatë vizitës së saj në Policinë Ushtarake, ministrja Xhaçka inspektoi mjediset e reja të ndalimit disiplinor, financim i ambasadës së Shteteve të Bashkuara të Amerikës në Tiranë.

“Bashkëpunimi dhe mbështetja nga aleatët, veçanërisht nga ata amerikanë, sidomos gjatë dy viteve të fundit ka qenë e jashtëzakonshme. Falë kësaj mbështetje ia kemi dalë të përforcojmë çdo element të FA, që nga logjistika e transporti, e deri tek mbulimi i territorit me radar, sisteme armatimi apo flota e helikopterëve “Black Hawk” që na jep sot disa kapacitete luftarake që as nuk i imagjinonim pak vite më parë. E sigurisht, nuk mund të mos përmend bazën e Kuçovës, që nuk është thjesht një investim i jashtëzakonshëm në terma infrastrukture, logjistike e kapacitetesh ajrore, por edhe një afirmim i rëndësisë strategjike të Shqipërisë për Aleancën”, tha ministrja Xhaçka./atsh

Xhaçka jep lajmin e mirë për ushtarakët: Nga korriku 10 mijë lekë pagesë shtesë për ushqimin Read More »

Eksperti i ISHP-së mesazh sensibilizues qytetarëve: Kudo në botë njerëzit po sillen ndryshe, respektoni masat, parandaloni virusin

Aktualitet / /

Ministrja e Shëndetësisë dhe Mbrojtjes Sociale Ogerta Manastirliu, ka ndarë një videomesazh drejtuar qytetarëve nga eksperti i Institutit të Shëndetit Publik Alban Ylli.

Në mesazhin e tij, Ylli shprehet se në fazën e parë i gjithë populli shqiptar dëshmoi përgjegjshmëri dhe solidaritet e kështu u arrit të kalohej me sukses, por rritja e rasteve dhe shpërthimi i këtij virusi në komunitet sipas tij ka ardhur nga lehtësimi i masave drastike.

Nisur nga kjo doktor Alban Ylli ju bën apel qytetarëve të respektojnë masat e distancimit, higjienës si dhe të vendosin maska mbrojtëse në ambiente të mbyllura.

“Më shumë gjasë, ky qarkullim i ri i virusit në komunitet ka ardhur si pasojë e lehtësimit të masave drastike që u morën gjatë pranverës. Gjatë periudhës së shtetrrethimit, masave drastike, të gjithë qytetarët e Shqipërisë dëshmuan disiplinë, përgjegjshmëri dhe ja dolëm mbanë të shpëtojmë me qindra jetë. Tani jemi përpara një sfide të re.

Do na duhet që në asnjë rast të mos harrojmë që jo vetëm ne, por i gjithë globi, miliarda e miliarda njerëz ndodhen përball një krize, krizë historike e cila do të mbahet mend për vite e vite me radhë. Kudo është duke u dëshmuar solidaritet, kudo në botë njerëzit janë duke u përpjekur të sillen ndryshe për të parandaluar përhapje e infeksionit e virusit dhe për të shpëtuar sa të jetë e mundur jetët e atyre që janë më të dobët, të moshuarit dhe sëmurët kronik. Do na duhet gjatë verës të jemi të kujdesshëm dhe të respektojmë sa të jetë e mundur masat e këshilluara, të mbajmë maska në mjedise të mbyllura, të mbajmë distancën fizike dhe të përpiqemi të jemi të kujdesshëm me higjienën sidomos duke larë sa më shpesh duart,” shprehet eksperti i Institutit të Shëndetit Publik Alban Ylli. /atsh

Eksperti i ISHP-së mesazh sensibilizues qytetarëve: Kudo në botë njerëzit po sillen ndryshe, respektoni masat, parandaloni virusin Read More »

Ministria e Shëndetësisë: 96 raste të reja, 2 humbje jete dhe 48 të shëruar në 24 orët e fundit

Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar se brenda 24 orëve të fundit janë identifikuar 96 raste të reja me COVID-19.

Rovena Daja, ekspertë pranë Institutit të Shëndetit Publik thotë se “vijon të ketë raste të reja por edhe shtrime të reja në spital apo pacientë që kanë nevojë për terapi intensive.

I drejtohemi çdo qytetari, të vendosë maskën në ambientet e mbyllura dhe kudo ku nuk ruhet distanca, edhe në ambiente të hapura, të tregoni kujdes me masat e higjienës dhe të ruani distancën fizike nga të tjerët, nëse nuk janë familjarët tuaj. Në 24 orët e fundit, nuk e kanë fituar dot betejën me sëmundjen 2 qytetare: Një 64-vjeçare nga Shkodra dhe një paciente 63-vjeçare nga Elbasani, megjithë përpjekjet e stafit mjekësor nuk ka mundur të mbijetojë. Ministria e Shëndetësisë dhe Mbrojtjes Sociale u shpreh ngushëllimet familjarëve. Vijon të ketë shtrime të reja në spitalin infektiv dhe situata paraqitet shumë serioze. Aktualisht janë të shtruar 90 pacientë në spital, 10 pacientë janë në terapi intensive dhe 5 prej tyre janë të intubuar në gjendje të rëndë”.

Sipas saj, gjatë 24 orëve të fundit janë kryer 451 testime për të dyshuar të prekur me COVID-19, nga të cilat janë konfirmuar 96 raste pozitive.

“Shpërndarja gjeografike e rasteve është si vijon: 51 raste në Tiranë, 6 në Shkodër, 5 në Durrës, nga 4 raste në Elbasan, Pogradec, nga 3 raste në Krujë, Kukës, nga 2 raste në Fier, Lezhë, Kavajë, Kamëz, Dibër, dhe nga 1 rast në Kurbin, Korçë, Devoll, Has, Lushnjë, Mat, Përmet, Sarandë, Përrenjas, Bulqizë. Në 24 orët e fundit janë shëruar 48 qytetarë, duke e çuar në 2062 numrin e të shëruarve që nga fillimi i epidemisë. Në vendin tonë aktualisht janë 1508 persona aktivë me COVID-19, kryesisht në Tiranë, Shkodër, Krujë, Durrës”, bën të ditur Daja.

Ministria e Shëndetësisë dhe Mbrojtjes Sociale ju rikujton edhe një herë për masat e thjeshta që duhet të respektojë çdo qytetar në përditshmëri: Mbani duart të pastra dhe mos e prekni fytyrën, ruani distancën në ambientet publike, kudo kur kjo nuk është e mundur, vendosni maskë apo barrierë mbrojtëse, shmangni grumbullimet me shume njerëz pasi është rrezik për përhapjen e infektimit nga COVID-19, kontaktoni nëpërmjet linjës së gjelbër 0800 40 40 me mjekun e familjes. Nëse nuk është e domosdoshme evitoni kontaktin me institucionet shëndetësore. Kur dyshoni se jeni të prekur duhet të qëndroni të izoluar dhe telefononi në numrin e Urgjencës Kombëtare, 127.

COVID-19 – Statistika (14 Korrik 2020)
Testime totale 33389
Raste pozitive 3667
Raste të shëruara 2062
Raste Aktive 1508
Humbje jete 97 (Qarku Tiranë 49, Shkodër 17, Durrës 15, Fier 5, Elbasan 5, Vlorë 2, Kukës 1, Lezhë 1, Berat 1, Dibër 1)

Shpërndarja gjeografike e rasteve aktive sipas qarqeve:
Tiranë 672
Durrës 219
Shkodër 190
Vlorë 97
Lezhë 77
Kukës 51
Korçë 46
Berat 40
Elbasan 39
Fier 36
Gjirokastër 22
Dibër 19/atsh

Ministria e Shëndetësisë: 96 raste të reja, 2 humbje jete dhe 48 të shëruar në 24 orët e fundit Read More »

Forcat e Armatosura në proces të vazhdueshëm rigjenerimi, testohen kandidatët e rinj

Aktualitet / /

Qendra e Personel-Rekrutimit po teston kandidatët e rinj që synojnë të bëhen pjesë e Forcave të Armatosura të Shqipërisë.

Lajmi u bë i ditur nga ministrja e Mbrojtjes, Olta Xhaçka, e cila shprehet se “Forcat e Armatosura janë në një proces të vazhdueshëm rigjenerimi”.

“Ndërkohë që rekrutët e rinj janë drejt përfundimit të Stërvitjes Individuale Bazë në Bunavi, Qendra e Personel-Rekrutimit po teston kandidatët e rinj që synojnë të bëhen pjesë e Forcave të Armatosura të Shqipërisë. Sigurisht, duke respektuar masat anti COVID 19”, – shprehet Xhaçka./atsh

Forcat e Armatosura në proces të vazhdueshëm rigjenerimi, testohen kandidatët e rinj Read More »