Andueli

Dentistja i heq dhembët e lë punën në mes: ‘Ke folur keq për mua, shko bëji ku të duash’

Aktualitet / /

Emisioni “Stop” një ditë më parë transmetoi rastin e një stomatologu në Fier, që i hoqi nervat e dhëmbëve një pacienteje, që kërkoi të mjekohej për mishrat e dhëmbëve. Këtë të martë “Stop” ka publikuar një tjetër rast të ngjashëm që ka shkuar edhe më në ektrem.

Qytetarja Griselda Çuli tregon, se u kthye nga Greqia, ku punon dhe iu drejtua klinikës “T3” në Cërrik, për bërë dhëmbët e sipërm. Pasi ra dakord për procedurën dhe pagesën me dentisten, nisi dhe kalvari i vuajtjeve për të. Në fillim çifti i dentistëve Fationa dhe Tonet Sulçe i hoqën Griseldës të gjithë dhëmbët e sipërm.

“Do rregulloja dhëmbët dhe do i vendosja porcelan sepse i kisha pak të dëmtuar. Filluan procedurat, pasi përfunduam heqjen e dhëmbëve ndaluan për një farë kohe se unë isha me sinozit dhe do bëja dhe disa gjilpëra. Dhe e amë prapë një datë për të shkuar sërish, kur shkova prapë më tha “nuk t’i bëj dhëmbët unë ty”, unë ngela me dhëmbët hapur”, thotë Griselda Çuli.

Denoncuesja shprehet se dentistja nuk ka pranuar që të vijojë vendosjen e dhëmbëve pasi mamaja e saj kishte folur keq për të. “Unë kam probleme me dhëmbët, nuk merrem me llafet e njerëzve të njerzve. Unë mendoj se nuk është problem për thashethemet, por është pak raciste”, shton ajo.

Pas denoncimit të qytetares, “Stop” i vendosi një kamer të fshehtë Griselda Çulit dhe ajo ka shkuar tek dentistja ku ka bideduar me të sërish.

Qytetarja: A të flasim 5 minuta të lutem? Dua të më shpjegosh, se pse këto boshllëqet që më ke bërë, nuk më merr njeri përsipër as në Elbasan, moj motër! Ngela këtu në Shqipëri, të mbaroja dhëmbët dhe të ikja.

Dentistja Fationa Sulçe: Po tani?

Qytetarja: Po ti pra, më le përgjysëm! Kudo, që vete unë në Elbasan, më thonë, kaq dhëmbë, që ke hequr ti…

Dentistja Fationa Sulçe: Po!

Qytetarja: Nuk të mban porcelani. Vetëm të vesh dhëmbë pleqsh thonë.

Dentistja Fationa Sulçe: Po të mban me, të mban! Qesh një cikë!

Qytetarja: Po nuk mban, më! Nuk kam lënë vend në Elbasan pa vajtur! Kishte ardhur mami këtu, që të fliste, kurse ju e kishit përzënë me të keq!

Laboranti Tonet Sulçe: Jo,jo nuk e kam përzënë!

Qytetarja: Dil jashtë, se nuk i bëjmë!

Laboranti Tonet Sulce: Jo, nuk i bëjmë ne! Dhe do ta them unë, pse nuk t’i bëjmë! Unë jam ai, që t’i bëj dhe unë dëgjova lart e poshtë dhe nuk i bëj!

Qytetarja: Unë nuk e di, se çfarë ka kjo me ty. Unë me ty u mora vesh, me ty do mbaroj deri në fund! Tashi, më gjej një zgjidhje, sepse mua nuk më merr njeri përsipër! Nuk jam 60 vjece unë, që t’ia fus n’allci!

Laboranti Tonet Sulçe: Nuk i bëj unë!

Qytetarja: Ma thuaj pra arsyen, pse?

Laboranti Tonet Sulçe: Unë nuk du t’i bëj dhëmbët, se m’kan ardh njerëz që në fillim fare, që ti kishe fol keq për ne!

Mamaja e qytetares: Në asnjë vend nuk kam folur keq!

Qytetarja: Një sekondë! Nëqoftëse unë do kisha përshtypje të keqe, nuk kisha pse të vija këtu! Unë tashi dua të mbaroj punë!

Laboranti Tonet Sulçe: Po nuk t’i bëj dot!

Qytetarja: Pse arsye është kjo?

Laboranti Tonet Sulçe: Po, unë nuk t’i bëj dot!

Qytetarja: Po unë, nëqoftëse s’do kisha përshtypje të mirë, nuk do vija këtu!

Laboranti Tonet Sulçe: Nuk t’i bëj unë!

E gjendur një një situatë pa zgjidhje nga klinika dentare “T3”, Griselda Çuli shkon tek dy klinikat e tjera në Cërrik të cilat i thonë se nuk mund të ndërhyjnë dot pasi nuk kanë garanci.

Qytetarja: Si je mirë?

Dentisti 1: Mirë! Si je ti?

Qytetarja: Dua të më shikosh pak, domethënë dhëmbët, sepse unë i kam të hequra disa. Kjo është grafia.

Dentisti 1: Po! Bëhen, por s’ka garanci!

Qytetarja: Pse?

Dentisti 1: Sepse, kështu po them unë! A erdhe tek mua, të më pyesësh?

Qytetarja: Po pra, po nga se?

Dentisti 1: Sepse ke shumë….një urë e gjatë lumi, do ndonjë këmbë në mes?

Qytetarja: Po!

Dentisti 1: Ku ta gjej kamën në mes unë?

Qytetarja: Domethënë porcelain nuk ë….

Dentisti 1: O bëhen, por mos prit, që ta kesh domethënë kshu, sikur të kishte edhe një këtu në mes(dhëmb), edhe këtu një në mes, do të ishte shumë më mirë! Çohu një cikë në këmbë!

Qytetarja: I kisha unë….

Dentisti 1: Cohu në këmbë! S’di unë, ca ke pas ti! Ju shkoni gjithandej, mos them ndonjë llaf të ndytë unë, dhe pastaj vini këtu tek unë, ju! Ngrije këmbën lart! Qëndron dot kshu ti? Shife!

Qytetarja: Jo!

Dentisti 1: Ë,po me dy këmbë?

Qytetarja: Po!

Dentisti 1: Hë pra! Bëhen, nuk është se s’të bëhen, por dukeqenëse ka hapësira midis…

Qytetarja: Që janë bërë heqjet.

Dentisti 1: Po, patjetër, nuk e ke të sigurtë! Garanci 100% nuk të jap! Se nesër mund të këputet ura, dhe thua, pse nuk më the.

Griselda Çuli ka kërkuar ndihmën dhe të dentistes tjetër, por as kjo e fundit nuk i jep garanci.

Qytetarja: A mund ta shikosh edhe njëherë të lutem? Se ngela kshu ngela, du të iki në Greqi. Si do ia bëjmë?

Dentistja 2: Unë ta shpjegova, unë nuk t’i bëj dot këto!

Qytetarja: Mirë, faleminderit!

E ndodhur në këto kushte qytetarja i drejtohet dhe njëherë klinikës “T3”, por përgjigja ishte sërish e njëtë që nuk ua bënin dot dhëmbët.

Qytetarja: Jona, si do bëjmë o goce, se lamë nam kshu! Nuk më merr njeri përsipër, moj!

Dentistja Fationa Sulçe: Po pse s’të merr njeri përsipër?

Qytetarja: Sepse janë shumë të varura urat, i ke lënë boshllëqet shumë, thotë.

Dentistja Fationa Sulçe: Po aq i ke boshllëqet! Atëherë, problemi më i madh, nuk është tek pjesa e parë, problemi është vetëm këtej, që është ura pak e gjatë!

Mamaja e qytetares: Po s’ma merr njeri përsipër, ore vlla!

Laboranti Tonet Sulçe: Nuk t’i bëj dot!

Qytetarja: Po mirë, do rri kshu unë tani?

Laboranti Tonet Sulçe: Shko bëji ku të duash! Unë nuk t’i bëj dhëmbët e tua!/tvklan.al/

Dentistja i heq dhembët e lë punën në mes: ‘Ke folur keq për mua, shko bëji ku të duash’ Read More »

Mero Baze: ‘Meta nuk është aq budalla sa duket. Eshtë i cmendur. Dhe të çmendurit shpesh e kanë një fije talenti, për të bërë si budallenjë, kur kapen mat’

Opinione, Politike / /

Sot na duhet t’i kërkojmë ndjesë Skënderbeut, Izetbegovicit, dhe dy kompanive të ushtrisë shqiptare. I pari sepse i duhet të rrotullohet sot në varr, e të pyesë Lek Dukagjinin, se në cilën pikë të amanetit ia ka lënë Shqipërinë amanet Ilir Metës.

Duhet t’i kërkojmë ndjesë dhe Izetbegovicit, pasi ish Presidenti i Bosnjës, tani e ka të paqartë, nëse fatin e tij e ka Edi Rama, apo Lulzim Basha.

Të tretëve duhet t’u kërkojmë ndjesë ushtarëve tanë të dy kompanive paqeruajtëse që kemi si bërthamë të ushtrisë shqiptare, që Presidenti mund ti tërheq nga misionet paqeruajtëse, për të mbrojtur Kushtetutën në Presidencë nga armiqtë e huaj dhe të brendëshëm.

Kjo gjë mund të ishte shmangur.

Ilir Meta e kishte një hall që shpiku amanet të Skënderbeut për të. Skënderbeu ka luftuar për të mbrojtur Perëndimin nga Osmanët, ndërsa Ilir Meta e ka luftën me Perëndimin si Osman. Ndaj nuk ka arsye që princi ynë që ishte mburoja e Perëndimit në Shqipëri, ti linte amanent një të jenicieri të marrë që i ka hap luftë Perëndimit.

Po ashtu Ilir Meta nuk kish pse kujtonte sot Izetbegovicin e ndjerë. I kapur peng në aeroport nga ushtarët serb në vitin 1992, Izetbegovici mori vartësin e tij për ti thënë vazhdoni luftën. Nëse Ilir Meta e ka fjalën për Lulzim Bashën, i bie që ky të marr Gaz Bardhin e të thotë “Vazhdoni se mua më ka marr peng Edi Rama” .

Nëse e ka për Edi Ramën, ky i bie të marr në telefon Erjon Bracen dhe ti thotë “Vazhdoni se më ka marr peng Lul Basha.”

Kështu që dhe kjo lajthitje e Ilir Metës ishte e tepërt, po të mos kishte një hall.

Aq më shumë Ilir Meta nuk kishte pse u referohej forcave të armatosura që në fakt janë thjesht dy kompani ushtarësh që të jenë në gatishmëri për të, në luftën ndaj armiqëve të jashtëm, e të brendëshëm. Ne jemi vend i NATO dhe nga armiqtë e jashtëm na mbron NATO. Nga armiqtë e brendëshëm na ndihmojnë zgjedhjet. Ilir Meta nuk do as NATO, as zgjedhjet, kështu që u kërkon ndihmë kot atyre, se ata marrin rrogën tek Olta Xhacka. Ishte tjetër hall ai që e detyroi Ilir Metën a bëj këtë.

Këto lajthitje të Ilir Metës nuk vijnë thjeshtë se është cmendur. Sot ai donte të dukej më shumë se i cmendur. Donte të thoshte gjëra pa lidhje të ngatërronte gjithë dynjanë, të përfliste Bashën, Ramën, Skënderbeun, Izetbegovicin, ushtrinë, e këdo tjetër me qëllim që njerëzit të harronin përse e kishte thirrur Konferencën e shtypit. Ai ishte gati të fliste dhe për hënën e plot, të merte përsipër vrasje e vetvrasje, të shpikte ndonjë komplot kombëtar apo ndërkomëbtar kundër tij, vetëm që të gjithë ne të harronim se ditën e shtunë, zëdhënsi i tij njoftoi se ditën e hënë, Presidenti Ilir Meta do të dal në konferencë për shtyp me gazetarët e oborrit të presidencës, që të bëj transparent historinë e shtetësive të paligjshme që ka dhënë. Kujtojmë se Ilir Meta ka dhënë 817 shtetësi si përjashtim nga ligji, për arsye kombëtare, në shumicë klientë të sekserëve të presidencës dhe rreth 900 të tjera sipas ligjit. Pra ka barazuar përjashtimet nga ligji, me ato që të jep ligji.

Sot me sa duket, kur këshilltarët i kanë vënë letrat para, kur ka parë se e ka shkelur ligjin me të dy këmbët, kur ka ndjerë rrezikun se mund ti hapet një proces hetimi parlamentar dhe pastaj të depozitohen në SPAK provat për shtetësitë e paligjshme, ka ndryshuar mendjen.

Dhe ka vendosur më mirë të thotë ca marrëzi si pasardhës i Skënderbeut, apo të ngjall dilema mes Bashës e Ramës se kush duhet të imitoj Izetbegovicin, të kërcënojë si Komandant i Përgjithshëm, se sa të flas pse ka shkelur me dy këmbët ligjin e shtetësisë, duke bërë trafik me pasaporta.

Nuk është aq budalla sa duket. Eshtë i cmendur. Dhe të çmendurit shpesh e kanë një fije talenti, për të bërë si budallenjë, kur kapen mat.

Tani të presim kur do na e sqaroj këtë punën e pasaportave se sot na sqaroi Skënderbeun, Izetbegovicin dhe vetmbrojten si Komandant i Përgjithshëm, që të harronim trafikun e pasaportave.

Me sa dimë ne, Skënderbeu nuk ka lënë ndonjë amanet për pasaporta , se atëhere nuk kishte pasporta. Por po t ëkisht eme siguri nuk do linte amanet që ato të shiteshin për të bërë para, pasardhësi i tij 500 vjet më vonë.

Mero Baze
Qëndrimet e autorit janë personale.

Mero Baze: ‘Meta nuk është aq budalla sa duket. Eshtë i cmendur. Dhe të çmendurit shpesh e kanë një fije talenti, për të bërë si budallenjë, kur kapen mat’ Read More »

Gjoni: Pse shqiptarët i pëlqejnë batutat?

Aktualitet, Opinione / /

Edlira Gjoni, eksperte e komunikimit, thotë se batutat e shefit të qeverisë me mediat janë një cilësi që pëlqehet masivisht nga shqiptarët.

Gjoni komentoi sot shfaqjen e kryeministrit Edi Rama në emisionin e të enjtes në Opinion ku u debatua për aferën e inceneratorëve.

Fakteve për aferën, Rama më së shumti iu përgjigj me batuta. Por përse Rama po përdor batuta?

“Përdorimi i batutave është forma e propagandës që tregon se je në rrezik të madh komunikimi. Rrezikon që të dalë një informacion që nuk duhet.

Batuta në komunikimin politik është dritë e kuqe e ndezur. Tregon se ai që e përdor është në fazë rreziku. Por në Shqipëri, batuta të bën hero, preferohet, pëlqehet,” tha Gjoni.

“Ne jemi votues që na kënaq më shumë një batutë sesa një program politik. Nga emisioni njerëzit mund të kenë kuptuar pak gjëra, por u kanë mbetur në mendje batuta si ajo që nuk ka hajdutë mbi dy metra.

Batuta stimulon dhe provokon emocione. Nga mendimi, ajo çon te reagimi. Te ata që kërkojnë argumentin, reagimi është negativ. Por të tjerët kënaqen me batutat.

Frika ime është që njerëzit e preferojnë dhe ngopen me batutën. Pas kësaj batute fshihen të tjera probleme. Unë shqetësohem kur kryeministri përdor batuta dhe atë lloj gjuhe pasi tregon se gjërat nuk janë mirë,” tha Gjoni.

Gjoni: Pse shqiptarët i pëlqejnë batutat? Read More »

Të dielën ndryshon ora.Cfarë do të vendosë qeveria shqiptare?

Aktualitet, Lajmi i fundit / /

Këtë fundjavë është e diela e fundit e muajit tetor dhe do të bëhet ndryshimi i orës në vendin tonë. Ora 03.00 do të bëhet 02.00. Një gjë e tillë prej vitesh ndodh dy herë në vit, në javën e fundit të tetorit, dhe javën e fundit të marsit. Mes 24 dhe 25 tetorit do të rikthehet ora diellore pasi që nga fundi i marsit jemi në orën ligjore që aplikohet për të kursyer energji.

Llogaritja dimërore e kohës fillon fundjavën e fundit të tetorit dhe zgjat deri në fundjavën e fundit në mars kur fillon llogaritja verore e kohës, përmes orës legale.

Në Shqipëri, deri disa vite më parë, ndryshimi i orës dy herë në vit, shpallej vetëm me vendim qeverie. Nga viti 2009, kjo nuk është aplikuar më nga qeveria shqiptare, pasi në atë kohë u bë dhe stabilizimi i ndërrimit periodik të orës, të dielën e fundit të marsit dhe tetorit.

Por gjërat po ndryshojnë. Bashkimi Europian ka njoftuar se ka vendosur të heqë dorë nga ndryshimi i detyrueshëm dy herë në vit i akrepave të orës.

Për ta aplikuar këtë, BE u ka dhënë vendeve anëtare kohë deri në vitin 2021 për të vendosur nëse duan të qëndrojnë me orën verore apo atë dimërore.

Zvicra dhe shumë shtete europiane nga e shtuna, 24 tetor deri të dielën 25, kanë vendosur që akrepat të kthehen nga ora 3 e mëngjesit në 2 e mëngjesit.
Disa shtete të tjera kanë njoftuar po ashtu se këtë fund tetori do të bëjnë ndryshime të orës duke bërë që këtë fundjavë të flemë një orë më shumë.

Qeveria shqiptare nuk ka marrë një vendim mbi këtë çështje dhe as ka hedhur për diskutim publik këtë temë që i prek të gjithë.

Ndërsa BE ia la çdo vendi anëtar të saj që të vendosë cilën orë do të mbajë gjithë vitin, atë legale që vjen pas pak ditësh apo atë diellore që ndodh në mars.

Mbetet të shohim se çfarë do të ndodhë.

Por si dhe kur nisi e gjitha kjo? Rregulli i ndryshimit të orës është vendosur që në shekullin e tetëmbëdhjetë, ku i pari ka qenë Benjamin Franklin i cili hodhi teorinë se me realizimin e tij, do të kursehej shumë energji.

Ndërsa një shekull më vonë (në vitin 1907), teoria e tij u mor nga britaniku Uillett Uilliam, i cili e paraqiti atë në Dhomën e Komuneve e cila i dha dritën e gjelbër projektit “British Summer Time”, i cili përfshinte lëvizjen e akrepave të orës përpara gjatë verës.

Shumë vende e pasuan Britaninë e Madhe në këtë hap, veçanërisht në kohë lufte, kur ruajtja e energjisë ishte me të vërtetë një prioritet.

Ndërsa miratimi përfundimtar i kësaj mase për të gjitha vendet, konsiston në vitin 1966, i cili përkoi me krizën e energjisë.

Që prej vitit 1981 u vendos ligji që përfshin të gjithë Europën, që në të gjitha shtetet e saj, në këtë ditë, akrepat e orës të lëvizin 60 minuta përpara, çka do të thotë një orë gjumë më pak, ose një orë gjumë më shumë, në varësi të muajit kur ndyshon.

Norma europiane përcakton në mënyrë të qëndrueshme datat e fillimit të periudhës së orës verore, ku akrepat lëvizin 60 minuta para dhe orës dimërore kur ajo shkon një orë pas.

Vitet e fundit, në Evropë janë shpeshtuar debatet se sa me të vërtetë sjell dobi llogaritja verore dhe dimërore e kohës. Megjithatë, disa astronomë janë kundër zhvendosjes së akrepave dhe “zgjatjes” artificiale të ditës, pasi vlerësojnë se natyra nuk duhet “munduar”, madje edhe nëse arsyetohet me llogaritje ekonomike.

Mjekja psikiatre: Efektet që shkakton direkt te njerëzit

Ndryshimi i orës do të na bëjë të flemë një orë më shumë, por sipas mjekëve lëvizja e akrepave reflektohet negativisht në sjelljen tonë.

Mjekja psikiatre Arjana Rreli shpjegon se shkurtimi apo zgjatimi i ditës dhe çrregullimi i gjumit sjell nervozizëm, lodhje dhe shpërqendrim.

Ndaj, mos u habisni nëse për disa ditë nga e diela e ndryshimit të orës, mund të mos jeni shumë në formë. Ndryshimi reflektohet edhe më shumë tek tipat e rregullt ose siç i quajmë zakonisht, ata striktë.

Në fakt, jo vetëm ndryshimi i orës, por edhe zona kohore ndikon në sjelljen e njerëzve.

Të paktën kështu mendohet në Spanjë, ku ligjvënësit po diskutojnë që ta ndryshojnë orën ligjore për shkak se kjo mund të përmirësojë gjumin dhe përqendrimin në punë.

Spanja ka zonën kohore të Europës Qendrore, të njëjtë me tonën. Edhe pse normalisht këtij shteti i takonte të ishte në një zonë tjetër kohore, me atë të Britanisë së Madhe apo Portugalisë, kjo u vendos nga diktatori Franko rreth 70 vjet më parë, për të qenë me të njëjtët akrepa, si aleatët e tij nazistë. /noa.al/

Të dielën ndryshon ora.Cfarë do të vendosë qeveria shqiptare? Read More »

Naftëtarët duhet të dalin nga greva që të bisedojmë për të mos i lënë vetëm në këtë hall që as e ka shkaktuar qeveria, as zgjidhet me presion e me ultimatume!

Aktualitet / /

Sot është dita e 24-ët e grevës së naftëtarëve të Ballshit. Teksa ata nuk kanë ndërmed të largohen pa marrë përgjgje për zgjidhje, ka reaguar sërish kreu i qeverisë.

Kryeministri Edi Rama reagoi në Twitter:

“Naftëtarët duhet të dalin nga greva që të bisedojmë për të mos i lënë vetëm në këtë hall që as e ka shkaktuar qeveria, as zgjidhet me presion e me ultimatume!”

“Ne nuk kemi shkop magjik, po kemi gjithë vullnetin të lehtësojmë situatën. Me logjikë dhe solidaritet si një familje”, shkroi Rama, lidhur me grevën e naftëtarëve.

/NOA.al

Naftëtarët duhet të dalin nga greva që të bisedojmë për të mos i lënë vetëm në këtë hall që as e ka shkaktuar qeveria, as zgjidhet me presion e me ultimatume! Read More »

UT merr vendimin për studentët/ Cfarë ndodh në rast se dikush preket nga Covid

Aktualitet, Arsim, Njoftime / /

Në një kohë kur nuk ka një protokoll të qartë nga Ministria e Arsimit dhe e Shëndetësisë, Universiteti i Tiranës ka marrë disa vendime të rëndësishme sa i takon rifillimit të mësimit në datën 2 Nëntor.

Mësohet se Universiteti i Tiranës ka vendosur që në 4 javët e para në Nëntorit, vitet e para do bëjnë mësim ne auditoreë.

Ndërkohë që për vitet më të larta do të ketë një alternim midis studimit online dhe atij fizik në auditorë.

Për zgjedhjen e mësimit do të flitet me pedagogë të lëndës, dhe do të vendoset për mënyrën sesi ai do të kryhet.

UT ka miratuar po ashtu dhe rregulloren anticovid, ku në rast se një student rezulton me COVID19, i gjithë grupi vazhdon mësimin për 14 ditë online.

Ndërkohë që në vendimin e UT-së thuhet se administrata duhet të kujdeset që të gjithë studentët të jenë të pajisur me masa anticovid, si maska dhe dezinfektantë, si dhe të ruajnë distancën fizike.

/NOA.al

UT merr vendimin për studentët/ Cfarë ndodh në rast se dikush preket nga Covid Read More »

‘I kujtojmë këtij mashtruesi të pështirë se marrëveshja u nënshkrua në Tiranë në 27 prill 2009’

Aktualitet, Opinione, Politike / /

Presidenca i është përgjigjur kryeministrit Rama, pas akuzave të këtij të fundit se Ilir Meta dhe Sali Berisha ia dhanë Greqisë detin në vitin 2009 dhe se ishte PS ajo që e rrëzoi në Gjykatën Kushtetuese.

“Asnjë surprizë nga Mister 1 Prilli, i cili vërtetoi edhe njëherë sot, para të gjithë shqiptarëve, se është një mashtrues ordiner, i cili gënjen pa hapur gojën, lëre më kur flet”, thuhet në njoftimin e Presidencës nëpërmjet zëdhënësit Tedi Blushi.

“Mister 1 Prilli pretendoi sot se Ilir Meta ka qenë një nga hartuesit e marrëveshjes për delimitimin e hapësirës detare mes Shqipërisë dhe Greqisë, të rrëzuar nga Gjykata Kushtetuese”.

“I kujtojmë këtij mashtruesi të pështirë se marrëveshja u nënshkrua në Tiranë në 27 prill 2009”.

“O TYÇ GËNJESHTAR: Në 27 prill 2009, Ilir Meta ka qenë në opozitë. Mashtrimi është vesi i tij! Vesi del me shpirtin”, shkruan Tedi Blushi, zëdhënës i Presidentit Meta”.

Reagimi vjen pasi Rama akuzoi sot rivalët e tij politikë për detin.

“Ne duam një marrëveshje të drejtë sepse marrëveshja e mëprashme ka qenë e padrejtë për Shqipërinë. Të tjerat janë skandale mendore, shprehje e ligësisë që furnizon injorancën me qëllim dhe në funksion vetëm të pushtetit të ca mediokërve që duan me çdo kusht plaçkë në Shqipëri”, u shpreh më herët kryeministri Edi Rama.

/NOA.al

‘I kujtojmë këtij mashtruesi të pështirë se marrëveshja u nënshkrua në Tiranë në 27 prill 2009’ Read More »

‘Ramës dhe qeverisë së tij i ka ardhur fundi’

Aktualitet, Politike / /

Kryetari i Partisë Demokratike Lulzim Basha ka akuzuar Strukturën e Posaçme Anti-Korrupsion.

Basha tha se SPAK duke mos-vepruar ndaj abuzimeve me koncesionet po inkurajon “vjedhjet dhe abuzimet e tjera me fondet publike”, po favorizon hajdutët.

Gjatë konferencës për shtyp me gazetarët, Basha u bëri thirrje të gjithë sipërmarrësit që synojnë, apo po hyjnë në marrëdhënie kontraktuale me qeverinë “të kenë kujdes”.

“Zotërinj të SPAK, kur ju nuk hetoni, por mbroni, të korruptuarit, ju inkurajoni vijimin e plaçkitjes së shqiptarëve,” – u shpreh Basha.

Kohën e mbetur para zgjedhjeve, Basha e quajti se është “asgjë për një kryeministër të mbaruar”.

“Mbi 100 mijë shqiptarë kanë humbur vendin e punës, asnjë masë ekonomike, asnjë masë shëndetësore. Afera qindra miliona euroshe nuk mund të bëhej pa aprovimin e Edi Ramës”.

“Nuk do të censurohej informimi i qytetarëve, nuk do të pengohej hetimi i drejtësisë nëse pas kësaj afere nuk do të qëndronte Edi Rama”.

Buxheti i 2021, – sipas Bashës – është i pavlefshëm.

“Akti i fundit i një qeverie pa legjitimitet. Kushdo që e sheh veten në këtë Buxhet, duhet ta ndjejë veten fajtor”.

“Çdo qindarkë që kjo bandë e babëzitur ka grabitur do t’i merret e do t’u rikthehet shqiptarëve. I bëj thirrje çdokujt që ka ndërmend të hyjë në një marrëdhënie kontraktuale me shtetin në katër muajt e fundit të pushtetit, të ketë kujdes”.

“Zotërinj të SPAK, kur ju nuk hetoni, por mbroni, të korruptuarit, ju inkurajoni vijimin e plaçkitjes së shqiptarëve. Edi Rama është i mbaruar. Opozita do fitojë thellë zgjedhjet dhe do ti kthejë shpresën shqiptarëve”-tha Basha.

Kryedemokrati Lulzim Basha tha se ka informacione nga brenda ambienteve të inceneratorit të Fierit, ku siç tha ai, situata i përngjan një gjendjeje mafioze.

Basha deklaroi se edhe në buxhetin e vitit 2021, inceneratori i Tiranës do të marrë 11 milionë euro.

“Policia dhe Prokuroria japin informacione të hollësishme për çdo krim ordiner; për aferën e inceneratorëve asnjë informacion”.

“Mos hetimi i SPAK, inkurajon hajdutët të vjedhin më shumë. Buxheti i 2021, inceneratorit të Tiranës i rritet pagesa nga 7 në 11 milion euro. Basha: Gjendja inceneratorit të Elbasanit i ngjan një burgu mafioz. Në ditët e tij të fundit planifikon të marrë 148 milionë dollarë nga xhepat e shqiptarëve. Kjo aferë përball çdo shqiptar me nje bandë që vjedh në kohën e pandemisë. Mbi 100 mijë shqiptarë kanë humbur vendin e punës, asnjë masë ekonomike, asnjë masë shëndetësore”.

Gjatë konferencës LIVE të kryedemokratit Lulzim Basha, nga Prokuroria e Posaçme dolën Enkelejd Alibeaj dhe Çlirim Gjata, të cilët në emër të PD, kallëzuan kryeministrin Edi Rama, ministrin Arben Ahmetaj, ish-ministrin Lefter Koka, për “shpërdorim detyre”, “krijim të grupit të strukturuar kriminal” dhe marrjen e masës së sigurimit “pezullim i menjëhershëm nga detyra”.

‘Ramës dhe qeverisë së tij i ka ardhur fundi’ Read More »