Moti i keq që ka përfshirë vendin, ka shkaktuar përmbytje në disa zona. Ndonëse reshjet e shiut përgjatë ditës së djeshme kanë qenë intensive, gjatë natës pati një lehtësim të situatës, ç’ka solli që niveli i ujit në lumin Vjosë të shënonte rënie.
Po ashtu bëhet e ditur se dhe lumi Drin është rikthyer në shtratin e tij. Ndërkohë që në Fushë-Krujë është rritur niveli i ujit në fshatin Murqin, ku mësohet se rreth 20 banesa janë të rrethuara nga uji.
Është përmirësuar situata e krijuar nga përmbytjet edhe në Lezhë, ku ka pasur një tërheqje të konsiderueshme të ujit dhe nga tokat bujqësore.
Kreu i Emergjencave Civile, Haki Çako deklaroi për mediat se ka një rënie të ndjeshme të nivelit të ujerave, për shkak ndërprerjes së reshjeve të shiut. Çako tha se lumi Drin ka pësuar rënie të prurjeve, duke rënë me 40-50 cm.
Në këtë situatë ka ndikuar ndërprerja e reshjeve si dhe funksionimi i hidrovoreve me kapacitet të plotë gjatë natës.
Aktualisht, nga parashikimet meteorologjike të IGJEUM-it, thuhet se deri në 11 janar do të ketë reshje intensive shiu në territorin shqiptar. /noa.al/
Ministri i Mbrojtjes, Niko Peleshi u shpreh optimist për situatën me përmbytjet, pasi sipas tij tani që pushoi shiu gjithçka është nën kontroll.
Ministri foli për mediat gjatë monitorimit të situatës së shkaktuar nga përmbytjet në Kallmet të Lezhës. Ai tha se për shkak edhe të ndërprerjes së reshjeve, por edhe punës së mirë të bërë në këto vite, situata paraqitet e qëndrueshme.
Ndërkohë që reshjet pritet të shtohen nesër e pasnesër, Peleshi theksoi se qeveria do të bëjë të pamundurën për të shmangur përmbytjen në Shkodër dhe në fushën e Bushatit.
“Kam marrë një informacion që këtu në Obot, njësia administrative e anës së malit, sa i përket sipërfaqes, nuk kemi tërheqje të ujërave, sepse e tillë është natyra. Ju e dini, jemi në një sipërfaqe nën nivel, por është pozitive që kemi një ulje të lehtë të nivelit disa centimetra dhe era që po fryn po e përshpejton ujin drejt detit, – tha ministri i Mbrojtjes. – Kemi gjithashtu një pozitivitet tjetër përsa i përket reshjeve, siç e shikoni nuk ka reshje në të gjithë vendin. Kjo ka bërë që në situatën në Lezhë, siç e komunikuam dhe më parë të jetë shumë e përmirësuar, por këtu do të shkojë disi më ngadalë drejt përmirësimit. E rëndësishme është që të mos kemi përmbytje në Shkodër, në fushën e Bushatit dhe gjasat janë që do të arrijmë ta shmangim edhe pse reshjet do të shtohen sot pasdite, nesër dhe sidomos pasnesër në datën 11″. /noa.al/
Një gomone me rreth 50 emigrantë nga Lindja e Mesme u bllokua në grykëderdhjen e lumit Vjosë mbrëmjen e djeshme.
Operacioni për bllokimin e mjetit lundrues dhe më pas për evakuimin e personave në bord, u krye në kushte të vështira atmosferike dhe det mbi 5 ballë.
Personat në gomone, mes tyre gra e fëmijë, u shpëtuan nga dy anijet luf tarake të Rojës Bregdetare dhe Po licia e Shtetit dhe u transportuan në drejtim të Triportit, në Vlorë.
Raportohet se rreth 50 emigrantë sirianë prisnin të kalonin kufirin drejt Italisë nëpërmjet lumit Vjosë për të dalë më pas në det të hapur.
Ata janë gjetur në shi, ndërkohë që mendohet se janë pikasur nga banorët e zonës, pasi ishin duke qëndruar të mbledhur grumbull.
Ata tentuan të kalonin il egalisht kufirin drejt Italisë me gomone të ndihmuar edhe nga një grup tr afikantësh shqiptarë. Ndërsa shumë prej tyre në gjendje të rëndë shëndetësore i janë drejtuar spitalit Rajonal të Vlorës.
16 persona morën ndihmë të specializuar në Vlorë, ndërsa 9 burra dhe gra u nisën drejt Spitalit të Traumës në Tiranë, mes tyre tre fëmijë nën moshën 10 vjeçare.
Pjesa tjetër e tyre gjenden në korridoret e Drejtorisë Vendore të Po licisë në Vlorë. Kjo e fundit në komunikatën e saj për shtyp tha se go diti një rast tra fiku kla ndestinësh, pas një pëgjimi të kryer, por mësohet se salla operative u njoftua për një mjet lundrues me shtetas të huaj në bord që kërkoi ndihmë për shpëtim, pasi gjendej në grykëderdhjen të Vjosës në rr ezik për t’u mbytur. Gomonia e përmasave të mëdha është dëmtuar dhe mbytur pjesërisht. /noa.al/
Kryetarja e Partisë Lëvizja Socialiste për Integrim, Monika Kryemadhi e ftuar në një emision televiziv ka deklaruar se vizita e kryeministrit Rama në Turqi ka patur edhe qëllime personale.
Sipas saj, vizita e Ramës ka qenë për të përgatitur azilin e tij politik.
Gjatë fjalës së saj Kryemadhi tha: “Nuk mund të gjykoj presindetin Erdogan. Unë dua të gjykoj kryeministrin tim. Bëri atë paraqitjet në momentin kur vendi po kalon një krizë shëndetësore si ajo e pandemisë së koronavirusit.
Nuk do të dëshiroja që vizita e Ramës do të vendoste integritetin dhe sovranitetin për të siguruar një azil politik për veten e tij. Unë them se vizita e Edi Ramës ashtu ka qënë për të përgatitur azilin e tij politik.”
Kryeministri Edi Rama më 6-7 janar 2020 zhvilloi një vizitë zyrtare në Turqi, me ftesë të Presidentit Recep Tayyip Erdogan.
Gjatë kēsaj vizite u nënshkruan një sërë marrëveshjesh me rëndësi për ngritjen në njē stad të ri të partneritetit strategjik e të bashkëpunimit mes dy vendeve.
Me reshjet e shiut që nuk ndalen, lumenjtë në pikë kritike dhe shkarkimet nga Hidrocentralet, nata pritet të jetë e vështirë në zonat tashmë të përmbytura.
Disa familje në Shkodër, Lezhë, Kurbin dhe Durrës janë larguar nga banesat për shkak të rrezikut që u kanosej nga prania e ujit dhe rrëshqitja e dherave.
Çako: Janë evakuuar 2-3 familje në Lezhë e Shkodër të cilat kanë qenë të cënuara nga përmbytja. Momentalisht zona e Oblikës është më e ekspozuar nga prezenca e ujit.
Për të përballuar çdo skenar që mund të sjellin orët në vijim, në Shkodër e Lezhë janë vendosur forcat e ushtrisë.
Përmbytjet u shfaqën në orët e para të mëngjesit të së premtes, 8 janar, duke vënë nën ujë mijëra hektarë tokë e duke krijuar probleme nga jugu në veri.
Në Obot të Shkodrës tashmë mund të lëvizet vetëm me mjetet e ushtrisë.
Banorët atje ia njohin mirë inatin ujërave, ndaj sytë i kanë nga qielli.
Vërshimi i ujërave bllokoi rrugën lidhëse të fshatit Kallmet me supestraden Lezhë-Shkodër dhe nga kjo situatë rrezikoi jetën një person që udhëtonte me motor.
Gjithashtu vërshimi i kanalit të ujërave të larta bllokoi akset rrugore që lidhin fshatrat.
Lumi Vjosa arriti mbi 6.3 metra e për pasojë përmbyt tregun e gjësë së gjallë në Mifol, duke rikthyer alarmin në zonën e Novoselës dhe anën tjetër në qarkun e Fierit.
Në Gjirokastër, Liqeni i Viroit arriti pikën maksimale duke dalë mbi rrugë e për pasojë krijoi probleme në lëvizje, ndërsa Derviçani u vu nën pushtetin e ujit.
Reshjet e shiut dhe borës shkaktuan vështirësi në qarkullim, kryesisht në rrugët rurale, dhe ndërprerje të energjisë elektrike./oranews
Nga shirat e ditëve të fundit lumenjtë kanë dalë nga shtrati, duke sjellë përmbytje të shumta. Ka pasur edhe shembje dherash në akse të ndryshme në të gjithë vendin.
Po licia e Shtetit përmes një njoftimi zyrtar ka kërkuar nga përdoruesit e automjeteve që të shmangin akset problematike.
Në njoftim thuhet se problemet serioze janë kryesisht në jug të vendit, si dhe në qytete si Lezhë, Shkodër dhe Dibër.
“Shirat e rrëmbyeshëm që kanë rënë pandërprerë gjatë orëve të fundit kanë shkaktuar problematika serioze, kryesisht në pjesën jugore të vendit, por edhe në Lezhë, Shkodër e Dibër”.
“Ashtu si autoritetet e emergjencave apo ato të infrastrukturës, edhe shërbimet e Po licisë Rrugore kanë shtuar prezencën e shërbimeve në akset problematike”.
“Po licia e Shtetit udhëzon qytetarët të shmangin lëvizjet në zonat e prekura nga vërshimi i ujërave, si dhe të bëjnë kujdes të shtuar e t’iu përgjigjen pa humbur kohë thirrjeve të autoriteteve shtetërore, në rast emergjencash”, thuhet në njoftimin e Pol icisë së Shtetit./NOA.al
Komiteti Ndërministror i Emergjencave Civile është mbledhur mbrëmjen e sotme për të diskutuar rreth situatës së vështirë që ka përfshirë vendin për shkak të reshjeve të shumta.
Kryeministri Edi Rama ka qenë në Turqi për një vizitë dy ditore dhe më pas në Greqi. Ai u shpreh se për situatën në vend është informuar plotësisht nga zv.kryeministri Erion Braçe.
Në rolin e numrit dy të qeverisë, Braçe bëri një bilanc të situatës, e cila prej tre ditësh paraqitet kaotike. Ai theksoi se reshjet me intensitet të lartë që ranë në datën gjashtë ishin kritike për vendin, por punimi më së miri i hidrovoreve në të gjithë vendin ka sjellë një stabilizim të situatës.
Braçe theksoi po ashtu se edhe nata e sotme do të jetë e vështirë, por grupet e punës do të jenë në gatishmëri, ndërsa sulmoi edhe opozitën, që sipas tij, në këto ditë të vështira për vendin, ka dalë në terren për fushatë elektorale.
Reagimi i plotë i Braçes:
IGJEUM ka njoftuar për një situatë të vështirë në datën 6. Ministrja e Bujqësisë ka qenë prezente në të gjithë territorin, ka kontrolluar gjendjen e gatishmërisë së hidrovoreve dhe të gjithë këto të fundit kanë qenë në gatishmëri dhe kanë punuar me kapacitet të plotë.
Drejtoria e Përgjithshme e rrugëve ka qenë në gatishmëri maksimale dhe sot të gjithë akset rrugore janë të kalueshme dhe në gjendje mjaftë të mirë. Falë koordinimit të Ministrisë së Transportit me OSHEE-në gjatë katër ditëve të fundit nuk ka munguar në asnjë moment energjia në hidrovore.
Sot që flasim kemi një situatë të kontrolluar plotësisht në kaskadën e Drinit. Këtyre agjencive në asnjë moment nuk i ka munguar mbështetja financiare për të mbajtur në funksion këto që sapo përmendëm.
Sot, dita ka qenë edhe më e vështirë për shkak të reshjeve të shumta, në të gjitha rajonet, nuk ka asnjë rajon që mos ketë pasur mbi 100 milimetra reshje, por sot është dhënë efekti, veçanërisht në zona tradicionalisht të goditura nga reshjet e shumta.
Puna që është kryer gjatë verës ka sjellë minimizimin e reshjeve masive në të gjithë territorin e vendit. Ne nuk kemi qenë në fushatë elektorale në territor siç të tjerë në mënyrë të papërgjegjshme vazhdojnë ta bëjnë këtë gjë, por kemi qenë për punë.
Nata e sotme do të jetë e vështirë, gatishmëria në hirdrovore do jetë 24/24, siç ka qenë edhe më parë, ndërkohë që energjia do të jetë në çdo moment.
Edhe më shumë njerëz do të shtohen në gatishmëri dhe shpresojmë që situatën të vazhdojmë ta mbajmë në kontroll.
/NOA.al
Kryeministri Edi Rama, “për situatën si pasojë e reshjeve në vend, masat e marra dhe pritshmëritë meteorologjike në vijim” tha se strukturat e posaçme janë në gatishmëri të plotë.
Gjatë mbledhjes së Komitetit Ndërministror të Emergjencave Civile, Edi Rama është ndalur edhe tek vaksinimi duke thënë se shpreson të nis së pari me mjekët para afatit të parashikuar. Ai ka hedhur akuza ndaj opozitës duke thënë se kapen pas çdo fatkeqësie natyrore.
“Shpresoj ta fillojmë ta injektojmë në vendin tonë duke nisur nga mjekët dhe infermierët para afatit të deklaruar. Ndërsa vaksinës së dëshpërimit të opozitës nuk i është gjetur formula dhe për shkak të dëshpërimit ata kapen pas çdo mundësie iluzore dhe natyrisht ndaj çdo f atkeqësie natyrore për të bërë politikë.”
Ndërkohë Rama ka siguruar që puna në terren do të vazhdojë për të përballuar me sukses përmbytjet.
Sipas Ramës, falë punës së bërë ndër vite nën qeverisjen e tij nuk është më e njëjta situatë si disa vite më parë me përmbytjet.
“Është e rëndësishme se s’ka asnjë dëm në njerëz dhe për banesat dëmet janë minimale dhe nga pikëpamja e lëvizjes ka pasur ndërhyrje”
“Do kemi një moment frymëmarrje pas një momenti që po vjen sërish me reshje. Do të lehtësohet rëndesa e krijuar nga grumbullimet e ujit. Gatishmëria është maksimale”, – tha Rama. NOA.al
