Andueli

Si u prit Edi Rama në Vlorë/ ‘Shoku Rama, suksese. Vlora të do shumë mos ça kokë se ça thotë ai matufi’

Aktualitet, Politike / /

Kryeministri Edi Rama prej pasdites së djeshme ndodhet në Vlorë, zonën ku ai është edhe deputet.

Rama inspektoi dy kantiere të reja ndërtimi që janë hapur së fundmi, si Parku i Shtëpisë së Pavarësisë dhe zgjatja e Transballkanikes deri tek porti.

“Dy zhvillime që lidhen me transformimin e madh të portit të qytetit në një port turistik, me hotele, restorante, dyqane, rezidenca të reja dhe spostimin e portit të mallrave tek Triporti, ku do të kemi një port të ri me standarde ndërkombëtare – dy investime masive këto që do ta çojnë Vlorën turistike një hap të madh përpara, duke ndikuar ndjeshëm në ekonomi, punësim e imazhin e saj ndërkombëtar”, tha Rama. Rama nga Vlora bëri premtimin e radhës, për ta kthyer Sarandën verën që vjen në një qytet me infrastrukturë moderne.

Gjatë këtij inspektimi nuk munguan dhe batutat e kryeministrit me qytetarë vlonjatë.

Njëra prej tyre, nuk e njohu kryeministrin.

Qytetarja: Edi Rama është ky?

Rama: Jo, po ça ti them? T’i çoj ndonjë fjalë?

Qytetarja: Bëj të fala

Rama: Patjetër

Qytetarja: Dola të të shoh nga afër se të shoh gjithnjë në televizor

Rama: Epo jam cik si i mbuluar tani se ca të bëjmë do mbrojmë veten dhe njëri tjetrin.

Qytetarja tjetër: Shoku Rama, suksese. Vlora të do shumë mos ça kokë se ça thotë ai matufi.

Rama: Po lëre mo atë çke me atë ti, ai s’di not ta kam thënë. /NOA.al

Si u prit Edi Rama në Vlorë/ ‘Shoku Rama, suksese. Vlora të do shumë mos ça kokë se ça thotë ai matufi’ Read More »

U emërua zëvendësministri i ri i Ekonomisë dhe Financave/ Flet Besart Kadia: ‘Jam ekonomist, për mua idetë janë të parat, pastaj vijnë përkatësitë politike’

Aktualitet, Intervista / /

Besart Kadia, ish-ekspert ekonomik i PD-së dhe këshilltar personal ekonomik i kryetarit të opozitës Lulzim Bashës, u emërua zëvendësministri i ri i Ekonomisë dhe Financave.

I rekrutuari i fundit nga Edi Rama, ka dhënë një intervistë për Arian Çanin.

I pyetur se çfarë mund t’i ofrojë ai qeverisë dhe Shqipërisë, Kadia ka thënë se flet shumë mirë anglisht dhe kjo mund të ndihmojë integrimin e vendin në BE, sepse ai mund të komunikojë me njerëz të huaj dhe të rëndësishëm.

“Një pikë e imja e fortë, është komunikimi në anglisht… Kjo mund të ndihmojë në integrimin në BE, diskutime me njerëz të rëndësishëm…”, – tha ai.

Analisti Arjan Curri e thumboi: Përkthyes e? Kjo është shumë pak…

Por ndërhyri Arjan Çani: Moooooos

Kadia ka shpjeguar edhe arsyet përse e pranoi ftesën e Edi Ramës për t’u bërë zv. ministër. Sipas Kadisë, Rama ka pëlqyer idetë e tij dhe ai do të shërbejë për të integruar Shqipërinë në BE.

Kadia tha se nuk i ka ndryshuar idetë e tij dhe shprehu gatishmërinë të bëhet edhe deputet, nëse Rama do ta ftojë.

“Unë dua të them, jam ekonomist, për mua idetë janë të parat, pastaj vijnë përkatësitë politike. Unë jam zv. ministër i shtetit që drejtohet nga Edi Rama. Kemi sfida për të integruar Shqipërinë në BE. Unë kam marrë përsipër të bëjë gjëra të paveshura me politikën. Kjo nuk do të thotë se nuk do të mbështes Ramën, kur jemi në të njëjtën linjë”.

“Nuk kam hequr dorë nga bindjet e mia pro biznes, pro tregut të lirë. Mendoj se Rama ka qenë konseguent, për të çuar përpara idetë. Unë nuk kam qenë dakord për shumë gjëra, por nuk jam armik me ata që mendojnë ndryshe. Përveç taksës progresive, që mendoj se është gabim, vijoj të mendoj se nuk është e duhura,“ deklaroi Kadia.

“Në rast se Rama vlerëson se idetë e mia janë të mirëpritura, patjetër që po. Kam bërë diskutim korrekt, më pëlqeu respekti që kishte për idetë e mia“, tha ish-eksperti ekonomik dhe këshilltari i Bashës, i cili 6 muaj para zgjedhjeve u bashkua me Ramën, për një postë me rëndësi te Financat./NOA.al

U emërua zëvendësministri i ri i Ekonomisë dhe Financave/ Flet Besart Kadia: ‘Jam ekonomist, për mua idetë janë të parat, pastaj vijnë përkatësitë politike’ Read More »

Revolta e shqiptares pasi u gjobit: ‘Masa hajgare-Shtet hajgare-popullin Zoti e shpëtoftë’

Aktualitet / /

Një qytetare e Kosovës ka shprehur zemërimin e madh ndaj masave kundër Covid-19 dhe izolimit të pjesshëm, të miratuara nga Qeveria e Kosovës, që u futën sot në fuqi.

Dafina Boja ka thënë se pasi ka përfunduar orarin e punës në Prishtinë në ora 17:30, është nisur menjëherë për në Pejë.

Peja është futur në izolim në ora 19:00, prandaj Policia e Kosovës e ka gjobitur Bojën me 200 euro pak minuta pas orarit.

Boja ka reaguar në Facebook duke shprehur zemërim ndaj vendimeve të qeverisë, saktësisht ndaj kryeministrit Avdullah Hoti dhe ministrit të Shëndetësisë Armend Zemajt.

Më poshtë gjeni postimin e saj të plotë:

Masa hajgare-Shtet hajgare-popullin Zoti e shpëtoftë

Ky është shteti i Armend Zemajt!

Në ora 17:30 e kam përfunduar orarin tim të punës në Prishtinë dhe jam nisur për në Pejë në shtëpi.

Në ora 19:00 policia e Pejës në hyrje të qytetit, me urdherat e Avdullah Hotit, Armend Zemes dhe te tjerëve me shqiptuan gjobë 200 euro./NOA.al

Revolta e shqiptares pasi u gjobit: ‘Masa hajgare-Shtet hajgare-popullin Zoti e shpëtoftë’ Read More »

Rama dhe Balluku në Vlorë: ‘Bela’ i duhet edhe shiut për energjinë por edhe…

Aktualitet / /

Kryeministri Edi Rama së bashku me ministren e Infrastrukturës, Belinda Balluku, kanë inspektuar sot në mbrëmje punimet në kantierin e bypass-it në Vlorë.

Gjatë diskutimeve, kryeministri Edi Rama, ka zbuluar edhe emrin që i thërret ministres Balluku.

Ai i thërret me një emër ndryshe nga sa jemi mësuar ta dëgjojmë.

Në një moment Rama dëgjohet duke i thënë: Bela, Bela!

Më tej Rama tha se Belinda është ministre që i duhet kohë e mirë por i duhet edhe kohë e keqe.

Kryeministri shtoi se “Bela” i duhet edhe shiut për energjinë por edhe koha e mirë për infrastrukturën.

Por nuk mbaron me kaq.

Kujtojmë se pak kohë më parë, ishte ministrja Balluku tha se i thërriste Ramës, shkurt KM, që do të thotë kryeministër.

Ndërkohë, Belinda Ballaku pak kohë më parë u deklarua pozitive me Covid. Ajo e kaloi shpejt dhe me shumë sukses virusin, duke u kthyer mbrëmjen e sotme në krye të detyrës./Noa

Rama dhe Balluku në Vlorë: ‘Bela’ i duhet edhe shiut për energjinë por edhe… Read More »

Hidhini një sy motit përpara se të bëni plane për fundjavën

Aktualitet / /

Edhe gjatë fundjavës vendi ynë pritet të karakterizohet nga një mot i qëndrueshëm dhe temperatura relativisht të larta.

Sipas Shërbimit Meteorologjik Ushtarak, moti si ditën e Shtunë ashtu dhe ditën e Diel parashikohet të jetë i kthjellët në të gjithë territorin.

Vranësira të pakta kalimtare do ketë kryesisht në relievet malore të vendit.

Era përgjatë këtyre dy ditëve pritet të fryjë e lehtë me shpejtësi mesatare 1-4m/s dhe me rrahje deri në 7m/s.

Temperaturat në orët e mëngjesit do të jenë relativisht të ftohta, ndërsa në vlerat e mesditës në rajonin e ultësirës perëndimore nuk parashikohet të kalojnë vlerat 22-23°C. /noa.al/

Hidhini një sy motit përpara se të bëni plane për fundjavën Read More »

Majko: ‘Dua të them se UÇK mund të ishte gjithçka, por kurrë nuk mund të akuzohet se ka funksionuar si një strukturë k riminale’

Aktualitet, Opinione, Politike / /

Ministri i Shtetit për Diasporën, Pandeli Majko është shprehur për “Euronews Albania” se deklarata e presidentit serb Aleksandër Vuçiç nuk duhet parë si provokim, por është protokoll i vërtetë i marrëdhënies shqiptaro-serbe, një konflikt i ngrirë.

“Mendoj që nuk duhet parë si provokim apo retorikë, por një fakt që politika serbe po prodhon për rajonin. Aktualisht nuk mendoj se jemi duke parë ndonjë surprizë, por vazhdimësinë e një lloj papërgjegjshmërie, e cila u deklarua më së fundmi. Është protokoll i vërtetë i marrëdhënies shqiptaro-serbe, një konflikt i ngrirë”, u shpreh ministri.

Ai theksoi më tej se Serbia është një nga shtet që po ar matoset më shumë në rajon dhe se ky armatim nuk beson se është për gjueti rosash.

“Besoj që cilido e ka parë që Serbia është një nga shtetet që po armatoset në mënyrën më të vrullshme në krahasim me vendet e rajonit. Nuk besoj se ky armatim është për gjueti rosash. Është një politikë që i përgjigjet pikërisht kësaj që më fund u deklarua si protokoll i konfliktit të ngrirë. Mendoj që teknologjia serbe për të krijuar fqinj me status gjysmë shtetëror duke filluar nga Bosnja tek Kosova dhe tani mesa duket do të kapë edhe Malin e Zi”, tha ai.

“Duhet të jemi të sinqertë me veten dhe pastaj me BE-në. Mendoj që konflikti mes shqiptarëve dhe serbëve është një konflikt i ngrirë. Është një konflikt që menaxhohet nga Moska dhe Vuçiç është thjesht një nënprodukt i kësaj politike.

Mendoj që deklarimet e Moskës dhe ministrisë së Jashtme të Rusisë lidhur me shkuarjen në Hagë të drejtuesve të UÇK-së e vërteton shumë qartë këtë”, tha ai më tej.

Majko nënvizoi se në gjykatë o njëra o tjetra palë meriton të shkojë, të dyja është absurde.

“Mendoj se të gjithë jemi të vetëdijshëm se ajo që po ndodh është goxha e rëndë. Tani ka filluar një proces gjyqësor, dhe të gjitha komentet tona do të ishin moment dobësie. Dua të them se UÇK mund të ishte gjithçka, por kurrë nuk mund të akuzohet se ka funksionuar si një strukturë k riminale. Një gjë duhet të jetë e qartë UÇK-ja ka pasur hesape të hapura me r egjimin e Millosheviçit. O njëra o tjetra meriton të shkojnë në gjykatë. Të dyja është absurde”, tha ai.

Majko: ‘Dua të them se UÇK mund të ishte gjithçka, por kurrë nuk mund të akuzohet se ka funksionuar si një strukturë k riminale’ Read More »

Ha një spec djegës dhe jeto më gjatë, përfitimet e mrekullueshme për shëndetin

Shendetesi / /

Një jetë e gjatë dhe një zemër më e shëndetshme, për adhuruesit specit djegës. Konsumatorët mund të jetojnë më gjatë dhe kanë një rrezik të reduktuar ndjeshëm të vdekjes nga sëmundjet kardiovaskulare ose kanceri, sipas hulumtimit paraprak që do të paraqitet në sesionet shkencore të Shoqatës Amerikane të Zemrës në vitin 2020.

Studimet e mëparshme kanë zbuluar se ngrënia e specave djegës, ka një efekt anti-inflamator, rregullatori antioksidues, antikanceroz dhe glukozës në gjak për shkak të kapsaicinës, e cila i jep specit djegës intensitetin kur hahet.

Për të analizuar efektet e specit djegës në vdekshmërinë e të gjitha shkaqeve dhe sëmundjeve kardiovaskulare, studiuesit vërejtën 4,729 studime nga pesë baza të të dhënave globale shëndetësore (Ovid, Cochrane, Medline, Embase dhe Scopus). Analiza e tyre përfundimtare përfshin katër studime të mëdha që përfshinin rezultate shëndetësore për pjesëmarrësit me të dhëna mbi konsumin e djegës.

Të dhëna për shëndetin dhe dietën nga mbi 570,000 njerëz në Shtetet e Bashkuara të Amerikës, Itali, Kinë dhe Iran u përdorën për të gjetur ndryshime midis atyre që e konsumojnë dhe ata që nuk e kanë përdorur kurrë ose rrallë.

Në krahasim me njerëzit që rrallë ose kurrë nuk hanin spec djegës, u gjet një ulje relative e 26% të vdekshmërisë kardiovaskulare, një ulje relative e 23% të vdekshmërisë nga kanceri dhe një ulje relative e 25% e vdekshmërisë për të gjithë shkaqet.

Rezultatet, megjithatë, paralajmërojnë studiuesit, të udhëhequr nga Dr. Bo Xu, kardiolog në Klinikën Cleveland në Institutin e Zemrës, kërkojnë paraprakisht konfirmim të mëtejshëm në një nivel shkencor.

Gjithashtu është e nevojshme të kuptohet nëse ka ndonjë lloj speci djegës ose sasi që mund të shoqërohet me përfitime shëndetësore. /noa.al/

Peperoncino

Ha një spec djegës dhe jeto më gjatë, përfitimet e mrekullueshme për shëndetin Read More »

Kur do vijë vaksina kundër koronavirusit në Shqipëri? Ja si përgjigjet Rama…

Aktualitet, Intervista, Opinione, Politike / /

Kur do vijë vaksina në Shqipëri? Kryeministri Edi Rama nuk dha një përgjigjë konkrete, por tha se po përgatitemi për kohën e duhur.

“Për vaksinën, disa shtete po bëjnë lëvizje mes njëri tjetrin. Unë nuk e di se kur do vijë tek ne. Por siç thuhet do jetë gati në periudhën prill-maj. Ne ndërkohë do përgatitemi që të jemi gati deri atëherë”, tha Rama.
Kryeministri Edi Rama thotë se qeveria është duke menduar për një plan mbështetjeje për familjet në nevojë.

Rama: Jemi duke menduar një mbështetje për të gjithë familjet me ndihmë ekonomike. Ato janë më vunerabël. Jemi duke e formuluar dhe është brenda strategjisë.

Edhe plani nga pikëpamja financiare është i shtrirë në kohë, shkon deri në dhjetorin e vitit të ardhshëm. Jemi tani duke u marrë që të kemi pjesë në marrjen e vaksinës në një kohë të shpejtë.

Kur do vijë vaksina kundër koronavirusit në Shqipëri? Ja si përgjigjet Rama… Read More »