Andueli

Kryeministri Edi Rama ka mbajtur takimin e radhës në Gramsh, në kuadër të fushatës elektorale për zgjedhjet e 25 prillit.

Rama theksoi se oferta e opozitës është si recetat e Sudes, duke shtuar se këto zgjedhje janë sprovë karakteri për shqiptarët, për të bërë të mundur ndryshimin e Shqipërisë përmes punës.

“Data 25 prill është sprovë karakteri për shqiptarët, ku do të vendosim a do ngjitemi me mund, me sakrifica apo do i biem shkurt, duke rendur pas recetave çudibërëse të parave që do të shpërndahen lumë. Nuk mund të besojmë tek recetat e Sudes. Asgjë nuk ngrihet nga toka përveç se me djersë dhe sakrifica. Ata vende që janë ngritur janë ngritur nga puna dhe sakrifica. Jeta është malore dhe kjo botë është e guximtarëve, kjo botë është e guximtarëve. Nuk ka sukses të lehtë.

Që të kemi sukses më shumë, duhet të punojmë më shumë. Mos u ktheni pas, për të emëruar njerëz me parti e ku partia bën gjithçka. E ardhmja nuk vjen vetë, me premtime me fushë me lule. Përpara ka rrugë përpjetë, që duhet ta ngjisim se nuk bën. Ata i ranë shkurt, duke parë vetëm klanin e tyre, familjen e tyre. Nuk e dua pushtetin për veten time. Nga emigracioni më ka sjellë maja që kam parë për Shqipërinë. Jam këtu për të dhënë mishin e shpirtin për të kapur atë majë. Jemi partia, e atyre që zgjohen në mëngjes dhe shkojnë në punë për të fituar paratë për të jetuar sa më mirë. ndryshimin e sjell vetëm puna e pasioni për t’ia dalë”, tha Rama.

Edi Rama vlerësoi se qeveria e tij ka bërë një lu ftë të pandërprerë për të rregulluar pasojat e tërmetit dhe për të luftuar pandeminë.

“Shqiptarët kanë shkuar pas haxhi Qamilit, pas Sudes e Xhaferrit dhe e paguan shumë shtrenjtë. Ne kemi vendosur që të përballemi, për të reformuar sistemin e drejtësisë, kemi vendosur që të përballemi me varfërinë, për t’i dhënë fund vjedhjes së energjisë, vjedhjes së ujit, duke i dhënë fund grabitjeve dhe zaptimeve të pronave. Ne iu shkojmë në rrënjë problemeve. Vetëm përmes punës mund të arrijmë shumë. Sfidat fitohen vetëm duke u përballur me to. Ne iu dhamë strehë atyre që u dëmtuan nga tërmeti.

Ne po dalim më të fortë pas go ditjes së tërmetit. Na ndodhi edhe tërmeti i pandemisë së padukshme, por ditëm ta përballojmë. Ne nuk pamë kush është demokrat e kush socialist, por pamë secilin si gjyshin e gjyshen tonë. Ne jemi në mes të lu ftës për pandeminë. Shqipëria, ndër të parat vende që do ta lë pas tunelin e pandemisë. Këtë lu ftë do ta fitojë kjo shumicë qeverisëse. Pa politikën, Shqipëria nuk mund të bëhet e ardhmja jonë”, u shpreh Rama./NOA.al

Kryetari i Partisë Demokratike Lulzim Basha këtë të hënë është takuar me gratë e njësisë Dajt, ku ka diskutuar në lidhje me vështirësitë që ndodhet shtresa e mesme e qytetarëve.

Basha tha se fasoneria është një nga kategoritë që do të ketë një vëmendje të shtuar nga qeveria e tij, pasi është dhe sektori që ka shumë të punësuar.

Në kuadër të fushatës elektorale të 25 prillit, kryedemokrati ka theksuar se me uljen e taksave, të çmimit të naftës dhe të energjisë edhe sipërmarrësit do të jenë në gjendje që të paguajnë punonjësit.

Ai ka premtuar se nuk do të ketë paga poshtë 300 eurosh në muaj në vendin tonë.

“Unë e kam ndjek ecurinë e fasonerisë që është futur në krizën më të thellë të këtyre 8 viteve dhe kjo për shkak se është rritur çmimi i naftës”.

“Këto para shteti ja ka marrë. Gjithashtu rritja e çmimit të energjisë elektrike ishte një tjetër masë që ndikoi tek fasoneria. Kur erdhi pandemia ne kërkua m që të mbyllnin fasoneritë dhe të paguanin punonjësit sepse ishte si një bombë por nuk na dëgjuan derisa plasi në Krujë dhe në Fush-Krujë”, theksoi Basha.

Me ardhjen në pushtet të PD-së, Basha shtoi se “kemi për qëllim që me garantimin e një ambienti miqësor ne duam që me uljen e taksave të ndihmojmë të gjithë sipërmarrësit shqiptarë. Ju e dini se në planin tonë ekonomik ne kemi vënë pagën 360 mijë lekë të vjetra si një objektiv”.

“Por pasi ka parë programin tonë kryeministri si një kopjac i keq thotë se do të rrisë pagat, ndërkohë që për 8 vite nuk bëri asgjë. Me rritjen e pagës do të rritet kontributi shoqëror, mënyra që ne i përqasemi tregon dhe ndryshimin e madh që ne kemi me njëri tjetrin”, – u shpreh Lulzim Basha.

Lidhur me shqetësimet që ngritën qytetarët, Basha u shpreh:

“Prekët një sërë çështjesh që lidhen me fatin e gruas. Shkurtimisht po ju them që politikat tona për fuqizimin e familjes, duke nisur me subvencionimin e interesave të kredive për banesa për 5 mijë çifte të reja në muaj, për bonusin për fëmijët e porsalindur 30 mijë lekë në muaj, tekstet falas për të gjithë sistemin parauniversitar janë ndihmë direkte për të gjithë familjet shqiptare”.

Kreu demokrat foli edhe për reformimin e sistemit arsimor.

“Sistemi arsimor dhe reforma në sistemin arsimor do t’ju ndihmojë edhe në një drejtim tjetër, duke nisur nga zonat rurale dhe duke u shtrirë në të gjithë vendin”.

“Ne do të zgjasim orarin deri në 4 pasdite, që është ora e daljes nga puna të prindërve, sigurisht do të jetë opsionale, por për ata që dëshirojnë këtë opsion. Shkollat shqiptare do të pajisen me arsimtarë shtesë veçanërisht në fushat e kompjuterit, TIK-ut, gjuhëve të huaja, sportit dhe artit”.

Duke nisur nga zonat rurale ku hendeku me zonat urbane është edhe më i madh të cilësia e mësimdhënies, – tha Basha, – “siç më përmendët shkollën e fshatit Ferraj ne do të bëjmë të mundur që fëmijët shqiptarë të përfitojnë një drekë falas nga buxheti i shtetit”.
/NOA.al

Kryeministri Edi Rama zbuloi sot një pikat e planit të Partisë Socialiste për zhvillimin e turizmit.

Rama deklaroi sot nga Belshi se në mandatin e tretë, qeveria socialiste do të dhurojë 5000 euro grant për çdo emigrant që vjen në Shqipëri për të investuar paratë e fituara jashtë shtetit, duke e kthyer shtëpinë e vjetër të gjyshërve në një motor të agro-turizmit.

“Ky është një vend i bekuar dhe këtu është dashur vetëm të imagjinohet me guxim e ardhmja dhe të punohet për të ardhmen. Siç tregojnë shifrat konkrete të bizneseve të vogla që hapen për të kuptuar se jemi në rrugën e duhur për Belshin”, tha Rama.

“Këtu si kudo ka plot që jetojnë në emigracion. Është koha për t’u dhënë atyre jo vetëm mesazhin por edhe shtytjen që kursimet atje t’i investojnë tek shtëpitë që kanë lënë këtu, për t’i kthyer në bujtina në agro-turizëm dhe për të fituar nga shtëpitë e transformuara shumë më tepër se fitojnë atje jashtë shtetit”, deklaroi Rama.

“Ne kemi vendosur që gjatë mandatit të tretë do t’iu japim 5000 euro grant çdo emigranti që do vijë në Shqipëri për të rindërtuar shtëpinë e gjyshërve dhe gjysheve dhe çdo emigrant që do i kthejë në pjesë të motorit të agroturizmin në Shqipëri. Për mundësinë e sjelljes së parave këtu në Shqipëri pa kërkuar llogari për asgjë tjetër përveçse të mos jenë para të krimit”.

Kryeministri foli edhe për njjë amnisti specifike e fokusuar te emigrantët që duan të kthehen këtu qoftë fizikisht, qoftë me investimet e tyre.
/NOA.al