4 350 familje përfitojnë dyfishim të pagës së ndihmës ekonomike, në bazë të vendimit të fundit të qeverisë, për mbështetjen e familjeve në nevojë në kushtet e situates së fatkeqësisë natyre nga COVID-19.
Kjo pagesë do të zgjasë për të gjithë periudhën e vështirë krijuar nga përhapja e COVID-19.
Bashkia Pogradec, njofton se, familjet që trajtohen me ndihmë ekonomike mund të tërheqin pranë Postes Shqiptare pagesën e dyfishuar të ndihmës ekonomike.
Ndërkohë ekipet e bashkisë vijojnë me shpërndarjen e ndihmave me ushqime për familjet në nevojë dhe personat e vetmuar duke u përkujdesur për gjithëkënd që ka nevojë në këtë situatë të vështirë. /atsh
