“Nuk mund te rrija në pavionin tim, duarkryq, në Kardiologjinë nr.1, përballë dhe të shihja si luftonin kolegët e mi me këtë virus sepse jemi të gjithë në këtë luftë”.
Kështu është shprehur Bruno Puli, infermier në QSUT, i cili prej 2004 punon në pavionin e kardiologjisë, shembullin e të cilit e publikoi deputeti i Partisë Socialiste, Ervin Bushati.
“Nuk e mendova dy herë dhe normalisht po jap kontributin tim maksimal. Jemi të gjithë në këtë mision dhe të gjithë bashkë do ia dalim! Virusi është drejtë disfatës”, – shprehet Puli.
Ndërsa deputeti Bushati thekson se “Bruno është shembull i solidaritetit dhe humanizmit”.
“Me rastin e COVID-19, Bruno është transferuar në Spitalin Infektiv. Përballë me vijën e zjarrit ai lufton me fuqitë mbinjerëzore që karakterizojnë çdo hero”, – tha Bushati./atsh
