Betejën me COVID-19 e kanë fituar edhe 2 infermierë në Tiranë, të cilët janë shëruar pas testit konfirmues në laboratorin e virologjisë në Institutin e Shëndetit Publik.
Lajmi u bë i ditur nga ministrja e Shëndetësisë dhe Mbrojtjes Sociale, Ogerta Manastirliu.
“Çdo mjek, infermier dhe punonjës i sistemit shëndetësor që e fiton betejën me COVID-19 është një lajm i mirë për të gjithë. Edhe 2 infermierë në Tiranë janë shëruar pas testit konfirmues në laboratorin e virologjisë në ISHP. Shkon në 30 numri i personelit mjekësor të shëruar nga COVID-19″, shprehet Manastirliu.
Sipas ministres, deri tani janë 183 pacientë dhe staf mjekësor që e kanë fituar betejën me COVID-19./atsh
