Drejtoria e Përgjithshme e Shërbimeve të Transportit Rrugor po vijon punën për instalimin e sistemit më të avancuar të monitorimit interaktiv të realizuar ndonjëherë në Shqipëri, në marrjen e patentave.
“Pasi rishikuam 63% testin e teorisë, ndërgjegjësuam aplikantët gjatë 2019-ës se e kalon nëse mëson, se testi “lodhu kot, gjej sekser” iku, kemi një reagim fantastik me 200 mijë simulime online të Testit Zyrtar në: www.dpshtrr.al në 10 muaj”, thuhet në një njoftim të DPSHTRR-së.
Tashmë, sipas Drejtorisë së Përgjithshme të Shërbimeve të Transportit Rrugor vijon faza e dytë, ku po punohet për instalimin e sistemit më të avancuar të monitorimit interaktiv në 15 objekte.
“Teknologji e pajisje nga Amerika e Veriut! Figurë/zë/zoom live/ID nga sallat e çdo shërbimi deri te Poligonet (edhe këto në procedura) dhe testi i praktikës në mjet në ecje (fazë provash) me synim që të kemi sistemin, sallën qendrore, strukturën, rrjetin, trajnimet, operative brenda 2020”, vijon njoftimi./atsh
