Ndërmarrja e Ujësjellës Kanalizimeve Vlorë gjithnjë e më shumë po i kushton rëndësi pastrimit të Impiantit të Trajtimit të Ujërave të Ndotura.
I cilësuar një vepër infrastrukturore e rëndësishme për mjedisin e turizmin, në këtë impiant çdo ditë kryhen një sërë shërbimesh për funksionimin sa më mirë të tij.
“Disa nga shërbimet e realizuara sot në Impiantin e Trajtimit të Ujërave të Ndotura në Vlorë janë kontrolli vizual dhe mekanik i portave të emergjencës, kontrolli i paneleve elektrike LCP, kontrolli i elektromotorrit të krehërit të mbeturinave dhe realizimi i analizave laboratorike”, bën të ditur UK Vlorë.
Impianti i Trajtimit të Ujërave të Ndotura në Vlorë konsiderohet si një investim strategjik me rëndësi të madhe për qytetin, që disiplinon rrjetin e ujërave të zeza, si dhe shërben për një standard të ri të Vlorës turistike me bregdet të pastër./atsh
