Në prag të festave të fundvitit, që karakterizohet nga një fluks në rritje i konsumit të ushqimeve, Autoriteti Kontrollit Ushqimor ka intensifikuar dhe zgjeruar sektorët e inspektimit për të garantuar sigurinë e shëndetit të konsumatorëve.
Krahas tregjeve dhe merkatove, restorantet dhe fast food-et, janë në fokus të kontrollit ushqimor, si sektorët e ushqimit të shpejtë që janë mjaft të frekuentuar nga konsumatorët.
AKU bën të ditur se, inspektorët e ushqimit po kryejnë kontrolle në këto subjekte me rigorozitet për kushtet higjeno – sanitare, verifikimin e produkteve dhe të dokumentacionit.
Për periudhën janar-tetor 2019 Autoriteti Kombëtar i Ushqimit ka mbyllur 9 subjekte fast– food, 5 prej të cilave në Tiranë. 26 subjekte janë gjobitur me vlerën totale prej 7,000,000 lekësh, ndërsa 7 subjekteve të tjera i janë bllokuar 0.07 ton produkte të pasigurta për konsum.
Sipas një plani vjetor subjektet fast food inspektohen 2 herë në vit./atsh
