Ministri i Shtetit për Diasporën, Pandeli Majko tha sot se gjuha arbëreshe do t’u mësohet fëmijëve që frekuentojnë shkollën fillore “San Costantino Albanese”, falë një projekti të “Istituto Comprensivo Nicola Sole di Senise“ në Itali.
Si pjesë e këtij projekti, do zhvillohet një orë mësimore në javë për t’u mësuar fëmijëve të lexojnë dhe shkruajnë gjuhën e të parëve të tyre.
“Autoritetet e pushtetit vendor në emër të të gjithë qytetarëve, kanë shprehur falënderimet për Drejtorin Arsimor Francesco D’Amato për promovimin, së bashku me mësuesit Nicolina Larocca dhe Angelina Salerno për këtë nismë të rëndësishme për komunitetin me prejardhje shqiptare”, tha ai. /atsh
