Nisma më e re e Drejtorisë Rajonale të Trashëgimisë Kulturore Vlorë, “Udhërrëfyesi i Vogël: Unë jam Guida” vijon me nxënësit e klasave të pesta të shkollës “Muço Delo”.
Qëllimi i këtij aktiviteti është të formojmë miniguida me nxënësit e shkollave fillore, për t’u njohur më nga afër me historinë dhe monumentet kulturore të qytetit të tyre, si dhe me punën e udhërrëfyesit turistik.
Pasi të mbarojë faza e trajnimit teorik, nxënësit së bashku me specialistët e DRRK-Vlorë dhe muzeve të qytetit do të shëtisin pikat kryesore të qytetit të Vlorës në mënyrë që pasi të jenë mirëpërgatitur, të jenë vetë ata guida e shokëve të tyre./atsh
